23301	MAT 4:23	Tu Yesu Galili ana fafaliya ginunuwaliwaliliuga, miYuda yadi manuwa-abavehawala ana egana sinagogi agaidiya givehavehawala, VenuwaꞋata Yamumuna Yaubada yana yoꞋogaga ana luku faꞋina gilulumamalena, kadu kaliva yadi toꞋaulolo moyaꞋaidi yadi aulolo tulina tulina ma gisisiveyawadi.
23454	MAT 9:6	Tu hida kaliva ganasiveyawana be wanaꞋitani-yo Iya faꞋikuya wanagahe wanagayo, Velemodi. Bana TohobuꞋela ana wavehimeya be babiya kaliva yadi koyona adi aiyawela ana tagalowalowa.” Ada au tovefela againe gigahe gigayo, “Umidi, a ivi uwahi be una ya manuweya.”
23483	MAT 9:35	Tu Yesu melala lakahidi kadu kabiꞋodi moyaꞋaidi agaidiya ginuwaliliuga, ada yadi manuwa-abavehawala ana egana sinagogi agaidiya givehavehawala, VenuwaꞋata Yamumuna Yaubada yana yoꞋo ana luku faꞋina gilulumamalena, kadu toꞋaulolo moyaꞋaidi yadi aulolo tulina tulina ma gisisiveyawadi.
23533	MAT 11:5	E, wanagahena higa vaita tomatakoyo matadi gimahalina tovefela hinunudadana tovedawodawowo yadi aulolo gihavaina totagakweu tagadi giꞋafolena toꞋalika himididi-havagi, kadu koyokoyo VenuwaꞋata Yamumuna Yaubada yana kibababala faꞋina hiꞋelaꞋela hinoganogalina.
23937	MAT 21:42	Yesu gigahedi gigayo, “Gahe saꞋeyana Veyao Tuwaina ana buki againe maꞋi wahawahawana o kaꞋi keke? Gigayo, Ogola manuwa ana toꞋaiyogona hikilowena-ma au holiliꞋabi manuwa hinafane-moꞋane gimidimidi. Kaiwabu yana vehimeya againe au hidemi gilakayemu, ada medema gilubode-moꞋena ide matadeya.”
23992	MAT 23:5	Gavadi gavadi hififaisewadi, medemi hidewadewa be kaliva hinaꞋita-yo adi egana hinakilakahina. WaꞋitadi, vehimeya saꞋeyana himuliyena higa Yaubada yana vehimeya tufona hiꞋetoladini tu foseya hidodona be uꞋudiya o nimadiya hiluhifona. Tu badi adi fose ma lakahina hiꞋosena be kaliva hinaꞋitadi. Kadu adi aikeva mataꞋoloꞋolona tunugi-moꞋena hisena be kaliva hinagayo, Velemodi.
24034	MAT 24:8	Venatuna ana tova ginaluvedaꞋufo againe, kwamayoku hinavefahedi-yo yadi aulolo ginavebutu. Meda anafaiweya mena gaitomai-dina galukahihiyedi-ma hinalakayemu againe, aulolo tagiya lakahina ginavebutu.
24040	MAT 24:14	Ada yaku kaliva hida VenuwaꞋata Yamumuna yoꞋo tulidi tulidi agaidiya hinalumamalena be babi matatabuna hinaluyabuna. E, kaliva hinavenuwaꞋatadi be higa Yaubada yana itaveꞋavina againe adifaiweya hinamiyami be aseꞋasediya ginavehivehimeya. Hidedemi yoꞋo moyaꞋaidi hinavenuwaꞋata-Ꞌowodi tu muliya tova ana lauyabu ginalakayemu.” Hidedemi Yesu tova ana lauyabu faꞋina gilukahihi.
24067	MAT 24:41	Vevine luhei gufeya hinaꞋiꞋivilavila tu saꞋeyadi gananauwedi saꞋeyadi hinamiya.
24079	MAT 25:2	Vevine faifi kwavakwavadiyao tu faifi nuwanuwahuyadiyao.
24136	MAT 26:13	Gagahe velemoꞋena fafali haꞋamine haꞋamine kibababala ana VenuwaꞋata Yamumuna hinalulumamalena, meda yana huluva hagihagina Iya agaikuya ma hinalukahihiyena be ana abanuwaꞋuduꞋudu faꞋina.”
24177	MAT 26:54	Tu kaꞋi meda anafaiweya lugolagola faꞋina gadaveꞋoꞋola digo, gavaiyaꞋamine-yo Veyao Tuwaina ana buki yaku alika faꞋina gigaheye-vagahina ma gidalakayemu?”
24178	MAT 26:55	Ada medema tovai-nadi Yesu yoꞋoyoꞋo agaidiya gigahe gigayo, “Vaita Iya tomunugakaiꞋafu amine yo aku munuga faꞋina waꞋela wafetomiyao wafulumamiyao. Tova tova manuwa-tafalolo lakahina againe gahiyoto gavehavehawala tu keke wadakiveꞋaviku.
24179	MAT 26:56	Atu hida gaitoma moyaꞋaina giyemu be gavaimi tuwai-moꞋena Yaubada bonana ana toꞋawatalatalaina Veyao Tuwaina ana buki againe hiꞋetoladi, medemi ginalakayemu velemoꞋena.” Hidedemi gigahe-yo tomuliya moyaꞋaidi hiꞋotayabuyabuna.
24239	MAT 27:41	Meda anafaiweya abaveyao ana tofaisewa kikaiwabudiyao kadu Mosese yana vehimeya ana tovehawala kadu kaliva lakahidiyao buye hihawavelaigena higayo, “Mali kaliva gikibababaledi tu Tauna keke anafaiweya ginakibababaleni. Vaita BanaꞋe miIsileli yada tokaiwabu. KaꞋi adamoya kelose againe auheꞋama ginahobu digo, ime anadavana.
24285	MRK 1:1	VenuwaꞋata Yamumuna Yesu Keliso Yaubada Natuna faꞋina hidede amine.
24298	MRK 1:14	Tu Yesu Yoni valeyana ginogalina higa deliya hisena. Ada hidedemi ginogalini-yo gilowoga fafali ana egana Galili againe gina be Yaubada yana VenuwaꞋata Yamumuna gilulumamalena gigayo, “Yaubada yana aituha a gilakayemu. Tova kabisona kaliva yana itaveꞋavina againe hinamiyami be aseꞋasediya ginavehivehimeya. Au yami dewa koyona wanavenikohiyeni-yo wanahagavilami be VenuwaꞋata Yamumuna wanavetumaganena.” Hidedemi Yesu gilulumamala.
24339	MRK 2:10	Atu hida kaliva ganasiveyawana be wanaꞋitani-yo Iya faꞋikuya wanagahe wanagayo, Velemodi. Bana TohobuꞋela kaliva yadi koyona adi aiyawela au ana tagalowalowa.” Ada au tovefela againe gigahe gigayo, “Ganagahe. Umidi a ivi uwahi be una ya manuweya.”
24405	MRK 4:13	Tu Yesu Veyao Tuwaina ana gahe giyakahini-yo au gigahedi gigayo, “Mena gahetalahobuhobu adamoya galukahihiyena-ma ana nuwanuwa maꞋi wahalamanena o kaꞋi keke? Gavaimi be gahetalahobuhobu velugana aimo ganalukahihiyena-ma wadahalamaneni? Yami halamana givekwalu. Mena gahetalahobuhobu saꞋeyana faꞋina ganakivetuvetunumi.
24587	MRK 8:18	Omi wamatami tu keke wadaꞋitahalamaneni. Omi watagami tu keke wadanogalini. Vaita yoꞋo-hala luhei adi veꞋa nuwami gidaꞋafoleni.
24604	MRK 8:35	Ada gava kaliva keke nuwanuwana Iya agaikuya ginahawahegeni tu taunaga faꞋine tova moyaꞋaina ginuwanuwa, medema yawaina ginanuhegena. Atu gava kaliva Iya givetumaganeku be yaku VenuwaꞋata Yamumuna gilumamalena faꞋina yawaina ginanuhegena, medema yawai-vagahina ginanuhagana.
24612	MRK 9:5	Ada Fita Yesu gigahena gigayo, “Yaku Tovehawala, ime hidedei amimiyami ma gilubodana. Vada tohiye anayogodi, saꞋeyana O faꞋiniya, saꞋeyana Mosese faꞋine kadu saꞋeyana Elaiya faꞋine.”
24686	MRK 10:29	Yesu gigayo, “Gagahe velemoꞋena, gava kaliva yana manuwa gihegena o kaꞋi tobohiyaneyao o nouneyao o hinana o tamana o natuneyao o yana babi Iya faꞋikuya kadu yaku VenuwaꞋata Yamumuna ginalumamalena faꞋina ginuyabuyabudi, medema tova adamoya ana laufata lakahi-moꞋena gavadi gavadi hagihagina wona velemona ginavaina, manuwa tobohiyaneyao nouneyao hinaneyao natuneyao ada babi ginanuhagadi. Kadu bana yaku kaliva faꞋina aulolo tulina tulina kaliva nimadiya ginanuhagana. Tova adamoya au hidede amine ginanuhagana, ada kadu tova mulina yawai-vagahina ginanuhagana.
24752	MRK 12:10	Tu gahe saꞋeyana Veyao Tuwaina ana bukiya maꞋi wahawahawa o kaꞋi keke? Gigayo, Ogola manuwa ana toꞋaiyogona hikilowena-ma au holiliꞋabi manuwa hinafane-moꞋane gimidimidi.
24771	MRK 12:29	Yesu gigayo, “Vehimeya lakahi-moꞋena hidede amine. MiIsileli kanogali. Yaubada yada Kaiwabu au Kaiwabu anakaibeꞋu-moꞋa.
24776	MRK 12:34	Ada Yesu mena tovehawala yana bonalaufata au nuwahuyahuyana ma ginogalina againe, gigahena gigayo, “Vaita tova kabiꞋona Yaubada againe unahawahege be yana yoꞋogaga agaidiya unaluku-yo BanaꞋe aseꞋaseniya ginavehivehimeya.” Hidedemi Yesu tovehawala bonana gifatana yamumuna yo kaliva velugadiyao himatauta be toliluvaluva kadu keke velugana Bana againe hidaseni.
24780	MRK 12:38	Tu Yesu yana vehawala againe kadu gigahe gigayo, “Taumiyao wanaꞋitaveꞋavimi be Mosese yana vehimeya ana tovehawala yadi dewa keke nuwami ginaꞋabini. Nuwanuwadi aikeva tunugina hinaꞋoseni-yo abakimokimone againe hinanunudadana be kaliva hinalusiuleyedi kadu hinagayo, Velemodi.
24794	MRK 13:8	YoꞋo saꞋeyana mali yoꞋo buye hinaveꞋamunumunuga, kadu fafali saꞋeyana mali fafali buye hinalulugaviya. LiꞋuliꞋu lakahina fafali tulina tulina agaidiya hinalakayemu, kadu meda anafaiweya loka moyaꞋaina. Venatuna ana tova ginaluvedaꞋufo againe kwamayoku hinavefahedi-yo yadi aulolo ginavebutu amine, meda anafaiweya mena gaitomai-dina galukahihiyedi-ma hinalakayemu againe aulolo tagiya lakahina ginavebutu.
24796	MRK 13:10	Ada yaku kaliva Yaubada yana VenuwaꞋata Yamumuna yoꞋo tulidi tulidi agaidiya hinalumamalena be babi matatabuna hinaluyabuna. Hidedemi yoꞋo moyaꞋaidi hinavenuwaꞋatadi tu muliya tova ana lauyabu ginalakayemu.
24820	MRK 13:34	Yaku yewaꞋela ana dewa ganalukahihiyena. Vaita kaliva lakahina mali fafaliya ginana amine IyaꞋeku. Ana agetoga givehimeyedi be yana manuwa kadu yana faha hinaꞋitaveꞋavina. Kaliva saꞋeyana saꞋeyana yadi faisewa giveledi, ada edaꞋawana ana toꞋitaveꞋavina againe gigahe gigayo, Keke unadauda au unalulauboda.
24832	MRK 14:9	Gagahe velemoꞋena fafali haꞋamine haꞋamine kibababala ana VenuwaꞋata Yamumuna hinalulumamalena, meda yana huluva yamumuna Iya agaikuya ma hinalukahihiyena be ana abanuwaꞋuduꞋudu faꞋina.”
24871	MRK 14:48	Ada Yesu yoꞋo gigahedi gigayo, “Vaita Iya tomunugakaiꞋafu amine yo aku munuga faꞋina waꞋela wafetomiyao wafulumamiyao.
24872	MRK 14:49	Tova tova manuwa-tafalolo lakahina againe Iya omi buye kamiyami gavehavehawala tu keke wadakiveꞋaviku. Atu gavaimi tuwai-moꞋena Veyao Tuwaina ana buki Iya faꞋikuya gigahe, medema gidalakayemu velemoꞋena.”
24957	MRK 16:15	Kadu gigahedi gigayo, “Fafali moyaꞋaina agaidiya wanana be kibababala ana VenuwaꞋata Yamumuna kaliva moyaꞋaidi agaidiya wanalulumamalena.
24959	MRK 16:17	Ada badi hivetumaganeku-ma faiwala ana iyaꞋiyaya hidede amine hinaseyemaunena. Aku eganeya yafune hinawaviwavidi, meya tulina tulina agaidiya hinalulukahihi. KaꞋi oloto hinasilakahina o kaꞋi gufa laulaugina hinayuna digo, keke hinabwavi. Nimadi toꞋaulolo agaidiya hinaseni-yo hinayamumu. Vetumagana ana iyaꞋiyaya au hidede amine.”
24962	MRK 16:20	Badi tomuliya ma hitauya fafali tulina tulina agaidiya hilumamala, ada Kaiwabu gifaiwalaveledi be aituha fifiwalana hififaisewani-yo kaliva yadi laumamala faꞋina higahe higayo, “Velemodi.” Au hidede amine.]
25052	LUK 2:10	Tu tovenuwaꞋata gigahedi gigayo, “Keke wanamatauta, au wanogali! Valeya hagihagina agaimiya gaꞋaliyena be valeyai-nadi againe omi miIsileli ami yoꞋo vemwamwala lakahina wananuhagana.
25064	LUK 2:22	Tu tova giyemu be yadi yegayega faꞋina tafalolo saꞋeyana hinafaisewana Mosese yana buki-vehimeya againe Yaubada givehimeyedi amine. Kadu Yaubada yana vehimeya saꞋeyana tuwai-moꞋena Mosese giꞋetoladina-ma amine hihuluva. Vehimeyai-nadi ma kaliva tomoꞋainagona saꞋeyana saꞋeyana wanasevehailedi be Yaubada yana giba faꞋina. Au Yosefa be Meli kwamana Yelusalema againe hinauwena be Yaubada matane hinasena. Kadu abaveyao yadi yegayega faꞋina hinauwena, Yaubada buki-vehimeya againe gisena-ma amine, higa bunebune luhei o kaꞋi bututula kabiꞋodiyao luhei.
25091	LUK 2:49	Bana gigahedi gigayo, “Gavadi-yo waleleleku? Vaita omi wadahalamaneni gilubodaku be Kamaku yana manuweya gadamiyami.”
25112	LUK 3:18	Au hidedemi Yoni gilumamaledi kadu enohega tulina tulina amine Yaubada yana VenuwaꞋata Yamumuna faꞋina giluꞋageyedi.
25174	LUK 4:42	Hida mala gilauna Yesu gilowoga be gina melalagaga againe be anakaibe ginamiyami faꞋina. Tu yoꞋo hivemulitawaina be Bana againe hiꞋela vaita hinasiveyewana tu gigahedi gigayo, “Gilubodaku be Yaubada yana abavehimeya ana VenuwaꞋata Yamumuna kadu mali melala agaidiya gadalumamalena. Hidema ana inuba faꞋina Yaubada givegideku be gahobuꞋela.”
25200	LUK 5:24	Tu hida kaliva ganasiveyawana be wanaꞋitani-yo Iya faꞋikuya wanagahe wanagayo, Velemodi. Bana TohobuꞋela kaliva yadi koyona adi aiyawela ana tagalowalowa.” Ada au tovefela againe gigahe gigayo, “Againiya gagahe. Umidi, a ivi uwahi be una ya manuweya.”
25286	LUK 7:22	Au Yesu Yoni yana kaliva gigahedi gigayo, “Wanana ada gavaimi wanogalina kadu waꞋitana-ma Yoni wanavenuwaꞋatana, higa tomatakoyo matadi gimahalina, tovefela hinunudadana, tovedawodawowo yadi aulolo gihavaina, totagakweu tagadi giꞋafolena, toꞋalika himididi-havagi, kadu koyokoyo VenuwaꞋata Yamumuna Yaubada yana kibababala faꞋina hiꞋelaꞋela hinoganogalina.
25309	LUK 7:45	Veyauga againe keke udalusiuleyeku tu tova galuku againe badi hivebutu ageku hiveyaugi-faꞋilina.
25315	LUK 8:1	Yesu gimiyami tu hivebutu melala moyaꞋaina lakahidi be kabiꞋodi agaidiya ginunuwaliliuga, Yaubada yana itaveꞋavina ana VenuwaꞋata Yamumuna faꞋina gilulumamala. Ana tomuliya tuwelo hivebwaꞋuliyena kadu vevine tufoidi buyeꞋi, badi vevine-dina boi wayafunediyao kadu yadi waꞋaulolo tulina tulina tu Yesu gisiveyawadi. Vevine-moꞋedi hidede amine. Meli vineMagidala, bana yafune seveni hiluvaiyena tu Yesu giwavidi amanadi. Yowana bana Susa vavinena, kalivai-nadi Helodi yana manuwa hinagena adi toꞋitaveꞋavina. Susana kadu vevine velugadiyao moyaꞋaidi. Badi vevine-dina Yesu hibwaꞋulina be taudiyao yadi giba againe Yesu ana tomuliya buye hiꞋitaꞋitaveꞋavidi.
25368	LUK 8:54	Tu Yesu kwamana nimana giꞋabina gikova gigayo, “VineweꞋoweꞋo, umidi.”
25376	LUK 9:6	Au hilowoga melala tulina tulina agaidiya hinuwaliliuga, Yaubada yana VenuwaꞋata Yamumuna hilumamalena, melala moyaꞋaina agaidiya kaliva hisiveyawadi.
25403	LUK 9:33	Ada Mosese Elaiya hivebutu Yesu hinuyabuyabuni tu Fita Yesu gigahena gigayo, “Kauveya, ime O buye kamimiyami ma gilubodana. Vada tohiye anayogodi, saꞋeyana O faꞋiniya, saꞋeyana Mosese faꞋine, kadu saꞋeyana Elaiya faꞋine.” Tu gavaimi gigahegahe ma keke gidahalamaneni.
25469	LUK 10:37	Vehimeya ana tonuwahuya gigayo, “BanaꞋe ana tohinekalikali amanadi.” Yesu gigayo, “Kadu o unana meda unahuluva.”
25478	LUK 11:4	Yama koyona O udavenuwauluyena, faꞋina gaveyao moyaꞋaidi agaimeya hikoyo medema yadi koyona kadu ime avenuwauluyena. Kadu keke aladibidibi againe unahawahegema.” VeꞋoꞋola faꞋina hidedemi Yesu givehawala.
25691	LUK 16:2	Au gikovana be giꞋela-yo gitoliluveluvena gigayo, Higa tamo gavadi ugana-ma ganogalina? Ya faisewa ana valeya unaꞋihagihagiyena be yaku giba ana itaveꞋavina againe ya vemadu ganahalamanena. Valeya koyona ganogalina faꞋina ya faisewa ganadabana.
25755	LUK 17:35	Vevine luhei gufeya hinaꞋiꞋivilavila tu saꞋeyadi gananauwedi saꞋeyadi hinamiya. [
25842	LUK 19:42	Gigayo, “Hoiyoi miYelusalema! Vaita adamoya kukuya ana eda wadahalamaneni tu tova hidevama matami giꞋitahowahowa eda wafaniyena.
25849	LUK 20:1	Tova saꞋeyana Yesu manuwa-tafalolo againe kaliva givehavehawaledi kadu Yaubada yana VenuwaꞋata Yamumuna faꞋina gilulumamaledi tu abaveyao ana tofaisewa kikaiwabudiyao be Mosese yana vehimeya ana tovehawala kadu kaliva lakahidiyao buye Bana againe hiꞋela higayo, “O ugahema, haꞋagaine ya abavehimeya uvaini-yo boiyesedi mena gaitoma tulina tulina ufifaisewadi? HakwaꞋadi mena abavehimeya givele-yo hidedemi uhuluva?”
25893	LUK 20:45	Yesu au hidemi givehawala ada kaliva moyaꞋaidi aimo hivanevanenega tu ana tomuliya givenuwaꞋatadi gigayo, “Taumiyao wanaꞋitaveꞋavimi be Mosese yana vehimeya ana tovehawala yadi dewa keke nuwami ginaꞋabini. Nuwanuwadi aikeva tunugina hinaꞋoseni-yo abakimokimone againe hinanunudadana be kaliva hinalusiuleyedi kadu hinagayo, Velemodi. Nuwanuwadi manuwa-abavehawala ana egana sinagogi agaidiya kadu avemwamwala againe abavetoga kikaiwabuna againe hinavetoga.
25970	LUK 22:37	FaꞋina agaimiya ganagahe, gavaimi tuwai-moꞋena Veyao Tuwaina ana buki Iya faꞋikuya gigaheye-vagahina, anafaiweya medemi gidalakayemu velemoꞋena gigayo, Hivaita banaꞋe tokoyona adi yoꞋo kalivana. E, gavaimi tuwai-moꞋena Aiseya Iya faꞋikuya giꞋetoladina, medemi adamoya gilakalakayemu.”
25985	LUK 22:52	Ada abaveyao ana tofaisewa kikaiwabudiyao kadu tuilala kadu kaliva lakahidiyao hiꞋela vaita hidakiveꞋavina be hidanauwena-ma agaidiya Yesu gigahe gigayo, “Vaita Iya tomunugakaiꞋafu amine yo waꞋela wafetomiyao wafulumamiyao.
26033	LUK 23:29	Wanogali! Aimo tova vitana ginayemu be wanagahe wanagayo, Badi kakalidiyao ma hagihagidiyao! Vevine keke hidavenatuna keke hidavehuvehuhu-ma hagihagidiyao!
26043	LUK 23:39	Tokoyona saꞋeyana kelose againe hitutuvefosena-ma, givebutu gihawaluvetonovena gigayo, “Vaita Yaubada yana Tovegida OꞋeni. Au Tauni unakibababale, kadu amaꞋiselu buyeꞋi!”
26070	LUK 24:10	Vevine ma Meli vineMagidala, Yowana, Meli Yemesa hinana kadu mali vevine hibwaꞋulidi-ma gaitoma hidevama afositolo agaidiya hilukahihiyena.
26085	LUK 24:25	Hidedemi kaliva higahe-yo Yesu gigahedi gigayo, “Kwavakwavamiyao! Yaubada bonana ana toꞋawatalatalaina yadi gahe moyaꞋaina Veyao Tuwaina ana buki againe gidadauda-ma aseꞋasemi givenogale-Ꞌabobowena.
26087	LUK 24:27	Ada Yesu givebutu gahe moyaꞋaina Tauna faꞋine Veyao Tuwaina ana bukiya gidadauda-ma gahe-nadi faꞋina gikivetuvetunudi. Givebutu Mosese yana buki agaidiya kadu Yaubada bonana ana toꞋawatalatalaina yadi etoladi agaidiya be ginunauwena buki moyaꞋaina giluyabuna.
26104	LUK 24:44	Ada gigahedi gigayo, “Boi aimo buye kamiyami tu gavenuwaꞋatami-ma hidede amine. Gilubodana be gavadi moyaꞋaina boi tuwai-moꞋena Iya faꞋikuya Veyao Tuwaina ana bukiya hiꞋetoladina, medema gidalakayemu velemoꞋena. Gahe-nadi Mosese yana buki-vehimeya againe giꞋetoladina, kadu Yaubada bonana ana toꞋawatalatalaina hiꞋetoladina, kadu Yaubada yana kaliva Same againe hiꞋetoladina.”
26215	JHN 3:26	Au Yoni ana tomuliya bana againe hiꞋela hiꞋawatalatalaina higayo, “Tovehawala, Bana boi yuwa Yolidani buye wamiyami ada Bana faꞋine ulumamala-ma, Bana kalivai-nadi againe adamoya kaliva moyaꞋaidi hinauna hibafibafitaiso. Vaita o againiya hidaꞋela tu Bana againe hinauna.”
26260	JHN 4:35	Au omi wagagahe wagagayo, Vaikohi fowa kanaluyabuni-yo aꞋa kanaꞋaiyala. Tu Iya gagahe, WaꞋita, matami wahege be kaliva moyaꞋaidi Iya agaikuya hiꞋelaꞋela-ma waꞋitadi. Badi nuwadi ahe giludigadigaga be hinavetumaganeku.
26318	JHN 5:39	Yaubada bonana Veyao Tuwaina againe gidadauda-ma wahawa-hagihagiyena, faꞋina wanuwanuwa vaita bonai-nadi againe yawai-vagahimi wananuhagana. Tu kadu hida bonai-nadi Iya faꞋikuya gilukahihi, tu wafaniyeku.
26319	JHN 5:40	Veyao Tuwaina ana buki gilukahihiyeku nonogana, keke Iya agaikuya wadaꞋela-yo yawai-vagahimi wadanuhagani, au wakiloweku.
26435	JHN 7:38	KaꞋi unavetumaganeku, gufa miyamiya-vagahina gava nuwahinageniya ginaguwaguwalena be ginanauna. Hidede amine Veyao Tuwaina ana buki gigahe.”
26439	JHN 7:42	FaꞋina Veyao Tuwaina ana buki gigahe vaita Yaubada yana Tovegida bana Devida ana yoꞋo kalivana. Bedelihema againe ginatubuyemu, medema Devida yana melala.”
26470	JHN 8:20	Ada au Yesu manuwa-tafalolo againe givehavehawala tu hidede amine gilulukahihi. Velekawowo ana abavedodoga liline gimidimidi tu givehavehawala. Ada yana tova aimo keke gidalakayemu faꞋina ana kiveꞋavina higa-wayoga.
26518	JHN 9:9	Kadu tufoidi higayo, “Makewa bana hida kalivai-nadi.” Ada kadu tufoidi higayo, “Au keke banaꞋe tu ana bela tomatakoyo ana bela amine.” Tu bana kaliva tauna gigahegahe gigayo, “VelemoꞋena iya kalivai-kuna.”
26600	JHN 11:8	Ime ana tomuliya agahena agayo, “Tovehawala, boi tova kabiꞋona kahegena tu miYuda yama tonagona nuwanuwadi O hinatutuveꞋalika. KaꞋi badi agaidiya kanayewa? Vaita hidedei kadamiya.”
26717	JHN 13:18	Kadu gigayo, “Keke vaita moyaꞋaimi faꞋimiya gadalukahihi. Kaliva galuwafami-ma a gahalamanemi tu saꞋeyana agaimiya ginakoyo. Bana faꞋine Veyao Tuwaina ana buki gigahe gigayo, Kaliva yaku tolameya buye aꞋauꞋa-ma givenibaineku. Ada au bana kalivai-nadi hidede amine ginahuluva be Yaubada bonana etoꞋetoladina velemoꞋena ginalakayemu faꞋina.
26747	JHN 14:10	Iya Tauku Kamaku nuwahinagene gamimiyami kadu Bana Kamaku Tauna nuwahinagekuya gimimiyami, au Ime saꞋeyama. Vaita hida gahe udavetumaganeni. Ada keke Tauku yaku nuwanuwa againe gadalulukahihi, au Kamaku Tauna nuwahinagekuya gimimiyami be yana faisewa Tauna gifififaisewa.
26836	JHN 17:8	Vehawala O uveleku-ma kadu badi gavehawaledi ada aseꞋasedi giꞋonana. O againiya gatauya be gahobuꞋela ma hihalamane-hagihagiyena, kadu Iya faꞋikuya higahe higayo, Wona velemona Bana Yaubada giꞋiveninisena.
26891	JHN 18:37	Au Failato gitoliluveluvena gigayo, “VelemoꞋena OꞋeni tokaiwabu?” Yesu gigayo, “Ika, ugahe amine tokaiwabu IyaꞋeku. Nuwanuwa velemoꞋena faꞋina kaliva agaidiya gaꞋawatalatalaina. Hidema faꞋina Iya gatubuga kadu hidema faꞋina gahobuꞋela babiya. Gaveyao nuwanuwa velemoꞋena ana kaliva, medema bonaku hivenogalena.”
26913	JHN 19:19	Kadu valeyana Failato giꞋetoladina, givehimeya be kelose tabone hisena. GiꞋetoladi gigayo, BANA HIDEVAMA HIGA YESU kwanaNASALEDI, BANA miYUDA ADI TOKAIWABU. Etoladi-moꞋena au hidede amine.
27007	ACT 1:15	Himiyami tu tova saꞋeyana tovetumagana hivagaꞋauta be himitini, adi kilagalaga hanaledi-tuweniti (120). Ada au Fita gitowamidi be gilukahihi gigayo, “Tobohiyakweyao, keke gavana tu Yaubada Veyao Tuwaina ana bukiya boi tuwai-moꞋena givehimeyena amine ahe gilakayemu, higa AluꞋaluwa Mahalina Devida awane Yudasi faꞋine gigaheye-vagahina, bana kalivai-nadi boi kaliva giꞋaliyedi be Yesu hikiveꞋavina amanadi.
27067	ACT 3:2	Ada badi hiyemuyemu tu kaliva saꞋeyana yana tubuga againe givefela-ma manuwa-tafalolo ana abaluku againe hiwahiwahina, abaluku-nadi ana egana Abaluku Vewaga. Ada aiyeta saꞋeyana saꞋeyana tovefela hiwahiwahina, ada hidede againe hisesehobuyena be badi manuwa-tafalolo ana toluku agaidiya mani faꞋina giveꞋoveꞋoꞋola.
27075	ACT 3:10	Au hiyakovina higa bana tova moyaꞋaina manuwa-tafalolo ana Abaluku Vewaga againe gihiyoto be mani faꞋina giveꞋoveꞋoꞋola, ada au moyaꞋaidi aseꞋasedi giꞋalilihiwana ada yana yamumu faꞋina hiyaulowoga.
27102	ACT 4:11	Bana faꞋine gahetalahobuhobu saꞋeyana Veyao Tuwaina ana bukiya gidadauda gigayo, Ogola omi manuwa ana toꞋaiyogona wakilowena medema giveholiliꞋabi.
27170	ACT 5:42	Ada au aiyeta saꞋeyana saꞋeyana VenuwaꞋata Yamumuna Yesu Keliso faꞋine hilulumamala kadu hivehavehawala. Manuwa-tafalolo lakahina againe kadu kaliva yadi manuweya hidedemi hinunauwena, keke hidaꞋilova.
27206	ACT 7:21	Vaikohi tohiye gihavaidi-yo hisehobuyena be kabuꞋavane hiseni tu Felo natuna kwamayoku ginuhagana be gisilakahina, ada gifayayena be vaita tauna natuna amine.
27228	ACT 7:43	Au omi mene kilumina wabubudi be higa wanahawadavadavadi. Viviluwa saꞋeyana ana egana Moloki, keke Iya faꞋikuya tu bana faꞋine falai waꞋavaꞋavaladadanena. Kadu ikilukiluma vaita badibadi amine wakilakahina, medema yami viviluwa ana egana Lefani yana gaitoma. Au yami ikilukiluma wahawadavadavadi faꞋina, ganawavimi be yuwa wanana lauveya, melala Babiloni yuwa fafaline wanavehawahawala.” Au hidedemi Yaubada yana toꞋawatalatalaina awane miIsileli agaidiya gigahe ma Sitiveni giyakahina.
27257	ACT 8:12	Tu Filifi VenuwaꞋata Yamumuna Yaubada yana yoꞋo ana luku faꞋina gilukahihiyena, kadu Yesu Keliso ana egana faꞋina badi agaidiya gilumamalena, ada yana laumamala hivetumaganena. Hivetumaganeni-yo hibafitaiso, kaliva kadu vevine.
27270	ACT 8:25	Tu Fita Yoni Kaiwabu bonana ahe hilumamalena kadu gavadi gavadi taudiyao agaidiya hiꞋayaunena-ma ahe hiꞋawatalatalaineni-yo au Yelusalema againe hiyewadi. Ada yadina againe melala moyaꞋaina Sameliya ana fafaliya VenuwaꞋata Yamumuna hilumamalenauwena.
27277	ACT 8:32	Ada Yaubada bonana Veyao Tuwaina ana bukiya gihawahawana-ma ana maita hidedemi gigahe gigayo, Sifi hinauwena be hinayogona amine, banaꞋe hinauwena. Sifi kabiꞋona ana toꞋaikeya matane keke ginakwage amine, meda bana keke tamo bonalaufata gidagaheye.
27280	ACT 8:35	Ada bana Filifi givebutu medema Yaubada bonanai-nadi gihawana-ma faꞋina gikivetuvetununa, ada higa VenuwaꞋata Yamumuna Yesu faꞋine bana againe gilukahihiyena.
27285	ACT 8:40	Ada au Kaiwabu AluꞋaluwana Filifi ginuvedamanena ada auheꞋama melala ana egana Asodo againe gilakayemu. Medede againe givebutu melala moyaꞋaina agaidiya ginauna, VenuwaꞋata Yamumuna gilulumamalena ginunauwena tu Sisaliya againe giyemu.
27364	ACT 10:36	VenuwaꞋata miIsileli agaimeya giꞋiveninisena-ma au wahalamanena. E, VenuwaꞋata Yamumuna gihawavemogatalena higa Yesu Keliso yana alika faꞋina ime Yaubada buye aveyao, ada Bana Yesu kaliva moyaꞋaidi adi Tovehimeya.
27396	ACT 11:20	Tu tovetumagana tufoidi, miSaifilasi kadu miSailini Anidiyoka againe hina be kadu yoꞋo tulidiyao kalivai-dina agaidiya hilumamala, VenuwaꞋata Yamumuna Kaiwabu Yesu faꞋine hilukahihiyena.
27453	ACT 13:22	Malamala foti gihavaina, Yaubada Saulo yana abavehimeya gidabana, ada Devida gisena yadi kini faꞋina. Ada bana faꞋine tuwai-moꞋena Yaubada Veyao Tuwaina ana bukiya gigahe gigayo, Devida Yese natuna yana huluva yaku nuwanuwa amine faꞋina au nuwaku giꞋabina. Gavadi Iya nuwanuwaku ginafaisewa, au ginafaisewa. Au hidede amine Yaubada gigahe.
27460	ACT 13:29	Ada Yaubada bonana tuwai-moꞋena Bana faꞋine Veyao Tuwaina ana bukiya hiꞋetoladina amine, badi miYelusalema hifaisewa-Ꞌowoni yo au ana tomuliya wowona kelose againe hikakina be tomohuyehuyeya hihuyana.
27463	ACT 13:32	Tu ime hidedei aꞋela be omi agaimiya VenuwaꞋata Yamumuna anahawavemogatalena. Boi tuwai-moꞋena Yaubada gavaimi ime miIsileli bwanenemeyao agaidiya giwonadabadaba amine, au adamoya velemoꞋena gilakayemu be ide kaꞋita-moꞋena. E, ime badi miIsileli bwanenediyao faꞋimeya kadu omi kaliva tulimiyao moyaꞋaimi faꞋimiya, ide moyaꞋaida faꞋideya Yaubada Yesu alikeya gisivemididina ada hidede amine yana wonadabadaba velemoꞋena a gilakayemu. Kadu anafaiweya Yaubada bonana Same 2 againe tamo hakwadi giꞋetoladina gigayo, OꞋeni Natuku, adamoya gahawavenatune.
27472	ACT 13:41	Badi higayo, Omi toꞋihawadamana wanogali! Wanayaulowoga be wanakwaha, faꞋina babiya wamimiyami ana toveya gugai saꞋeyana ganafaisewana. KaꞋi tamo hakwadi gugai-nadi omi agaimiya ginaꞋawatalatalainena, au keke-moꞋa wanavetumaganeni.” Au hidedemi Yaubada Veyao Tuwaina ana bukiya tuwai-moꞋena gigahe ada Folo yana laumamala againe gahe-nadi giyakahina.
27478	ACT 13:47	Au Kaiwabu hida vehimeya givelema, gahe-nadi Veyao Tuwaina ana bukiya gidadauda gigayo, OꞋeni gavegide be yoꞋo tulidiyao agaidiya mahalina unanauwena, kadu tomiyababi fafali tulina tulina agaidiya yaku kibababala faꞋina unakivetuvetunudi. Au hidede amine Kaiwabu givehimeyema.”
27489	ACT 14:6	Ada au yadi nuwanuwa afositolo hinogalini-yo au fafali ana egana Likoniya againe hiꞋotayabuyabudi, melala luhei Lisidila kadu Debi agaidiya hiluku ada medema fafali-dina agaidiya hinudadana VenuwaꞋata Yamumuna hilumamalena.
27494	ACT 14:11	Tu yoꞋo kaliva againe Folo gavadi gigana-ma hiꞋita-yo, hivebutu taudiyao meyadiya bona Likoniya againe hikovakova higayo, “Viviluwa hivekaliva be ide agaideya hihobuꞋela.”
27497	ACT 14:14	Tu Folo Banabasi yadi nuwanuwa hinogalini-yo hinuwakoyo ada adi aikeva hikaninina be yoꞋo hinafadiya himadu digo hikovakova higayo, “Kaliva, mema gavaimi wagagauga? Ime kadu tomiyababi, wowoda au saꞋeyana. Ime aꞋela be VenuwaꞋata Yamumuna omi agaimiya anaꞋawatalatalainena, aseꞋasemi anakiviviyena be yami hawadavadava-kawowo hida viviluwa agaidiya wanahegeni tu Yaubada velemoꞋena wanahalamanena, Bana anakaibe yawayawana. E, BanaꞋe lobama babi lehaga gibubudi, kadu gavadi gavadi medede againe hidadauda-ma, au Bana gibubudi.