147	GEN 6:9	Noah ma ana epaepaeia ai virarautua wenanare. Noah natunatuna nelarai tonuḡa: Shem, Ham ma Japheth. Noah ana ḡoʼapoapoe eḡa, tauna ainelana rava aiaina eḡa me aiai ḡelauna nai au marana. Ma God maiteni i bababani nonoa ma ana au viaiaina i mamae.
329	GEN 13:10	Anina ma Lot matana i tawanei da waira Jordan wapuna ma Zoar melagaina au paratana. Ma i ʼnanai da waira i maḡa ma doa maumaurana me Bada ana peipei, me doa maumaurana au Egypt. (Nai marana Bada eḡa Sodom ma Gomorah ita vipupui.)
330	GEN 13:11	Ma Lot waira Jordan wapuna i vinei tauna aubaina ma i nae au maramatanei. Taui nanare i vilamonei.
685	GEN 25:26	Natuna ḡelauna i tuputupua turana au ae karena i vojijina ma i opu ma i viwavai Jacob. Isaac ana madeḡa 60 ma awana raḡaraḡa i vinatunei.
686	GEN 25:27	Maranai raḡaraḡa i vilaraga, Esau tauna rava aroarona. Wate Jacob rava genugenuanana ma au numa maemaena.
687	GEN 25:28	Isaac ana ḡoana ḡaeḡaena Esau, aubaina sia moduei i vunuvunui amna i ḡoei. Wate Rebekah, Jacob i ḡoana-kauei.
688	GEN 25:29	Mara tagogi Jacob gwada i vivitavi ma Esau i aroaro da i nei ma inina i garigari ma am i ʼraḡe-kaua.
689	GEN 25:30	Ma Jacob i riwei i pa, “Tau am a iraḡe kaua. Nai gwada lebalebarina ma taraiḡui da ana ani!” (Wenanare i riwa aubaina wava i verei Edom.)
690	GEN 25:31	Ma Jacob i riwa i pa, “Tam natuevou, Mara muriai amata ana buderi voḡaeḡaena ma vaia. Marina ma riweu da am buderi tau ma vereu ma gwada ana verem.”
692	GEN 25:33	Ma Jacob i riwa i pa, “Marina ma parivai-nuaḡaniu da am buderi tau ma vereu.” Ma Esau i parivainuaḡana da natuevou buderina Jacob ina verei.
693	GEN 25:34	Ma Jacob gwada i taraiḡui ma palawa da Esau i verei ma Esau i am ma i uma ma i vomairi da i nae. Wenanare i kauei lamna Esau ana buderi eḡa ita vinuabolei.
775	GEN 28:1	Isaac Jacob i kwatuei, i viaiaini ma i riwei i pa, “Eḡa au Canaan awam ma vaia,
784	GEN 28:10	Jacob Beersheba i netawanei ma i nenae au Haran.
790	GEN 28:16	Jacob i matave vomairi ma i riwa i pa, “Bada anina weka e mamae ma tau eḡa ata aramanei!”
791	GEN 28:17	Jacob i rovo kaua ma i riwa i pa, “Wei dobuna i vinirovorovo ḡaḡa! Wei anina God ana numa, Mara ana metaeta.”
792	GEN 28:18	Ubaubanai boiboḡi Jacob i vomairi ma ḡaima i viviunutaneia i vaia ma i vitura-mairini da ita vimataira. Ma Olive monamonana i buloi ḡaima au tepana da i vovivirei God aubaina.
794	GEN 28:20	Ma Jacob, Bada awarina i parivainuaḡana, “Mepa da tam au ririvau ma mae ma ma inana vaiteteu au vaḡai, lam ma gara ma vereu.
1021	GEN 35:9	Jacob, Padan-Aramei i nememei au Bethel. God i eḡa me Jacob awarina ma i viaiaini
1022	GEN 35:10	ma i riwei i pa: “Tam wavam Jacob, wate marina eḡa ina ḡorei Jacob ma wavam vouna Israel.” Ma i viwavai Israel
1026	GEN 35:14	God weka Jacob awarina i babani lamna matairana Jacob gana i vimairini. Ma au tepana wine i waḡi ana pulo ma Olive monamonana i buloi.
1027	GEN 35:15	Weka God Jacob awarina i babani ma lamna aubaina wei gabuna i ḡorei Bethel.
1028	GEN 35:16	Muriai Jacob ana dam maiteni Bethel i voterei ma i vaḡai, ma taui uama i rata da au Ephrath ita ḡeta. Ma Rachel malana i vaia da ina vinatuna ma vinatuna i voiana-guratei ma ana iniviara i rata kaua.
1032	GEN 35:20	Ma Jacob gana i vimairini Rachel ana kokoaga au tepana da i vimataira. Matairana amadodo e mamae.
1034	GEN 35:22	Jacob natunatuna nelarai 12:
1035	GEN 35:23	Leah natunatuna: Reuben; Jacob ana natuevou Simeon, Levi, Judah, Isakar, ma Zebulun.
1036	GEN 35:24	Rachel natunatuna: Joseph ma Benjamin.
1038	GEN 35:26	Zilpah - Leah ana taunola wavine natunatuna: Gad ma Asher. Wei lamna Jacob natunatuna anatapui au Padan-Aram i ḡuni.
1039	GEN 35:27	Ma Jacob i nememei amana Isaac awarina au Mamre au Kiriath-Arba; marina e ḡoreḡorei Hebron. Abraham ma Isaac wariaḡa wei dobuna i mae-gubai.
1041	GEN 35:29	ma i magura kaua, i lavutu tawanana ma iraḡe ma amamana i votaḡoi. Natunatuna Esau ma Jacob amai i doboi.
1085	GEN 37:1	Jacob ana dam maiteni kampa i mae, wariaḡa amana weka i mae, mai Canaan ai au dobu.
1086	GEN 37:2	Wei lamna Jacob natunatuna maiteni ai virarautua. Joseph tauna laraga ana madeḡa 17. Tauna tuatuana maiteni, amai awawana Bilhah ma Zilpah natunatui, amai ana sipu ma gote i paipaini. Wate Joseph tuatuana ai kaua apoapoe ḡelaui amai i vibenabenamei.
1087	GEN 37:3	Jacob ana au magura Joseph i tupua ma lamna aubaina natuna nuanuana i vai-kauei, eḡa me natunatuna ḡelaui nanare. Ma gara girugirumana, maiana ḡaeḡaena i kauei ma Joseph i verei.
1088	GEN 37:4	Maranai tuatuana i ʼnanai da amai Joseph i ḡoana-guratei eḡa me taui, ma ai ora-apoapoe ai tevera awarina i rata ma eḡa ita bababani kaua awarina.
1089	GEN 37:5	Waguvara tagogi Joseph i rauboni ma maranai tuatuana ana rauboni i riwei, taui ai ora-apoapoe i virata-guratei.
1090	GEN 37:6	Joseph i riwa, “Ona rautaniḡana ma au rauboni ana riwemi.
1092	GEN 37:8	Ma tuatuana i riwa, “Tam u notai da ma vibada bo? Ma tam ma vibadelai bo?” Ma Joseph ana babani ma ana rauboni aubaina taui amloi i ḡaiḡai guratana.
1096	GEN 37:12	Mara tagogi Joseph tuatuana amai ana sipu ma gote i taravaini ma i naiei au Shekem ma kampa i paini.
1097	GEN 37:13	Ma Israel (wavana ḡelauna Jacob) Joseph i riwei i pa, “Tuatuam au Shekem sipu ma gote e paipaini. A ḡoem da ma nae taui awari.” Joseph i vianina ma i riwa, “Anina ana nae.”
1098	GEN 37:14	Amana i riwa i pa, “Ma nae tuatuam ma ḡamoḡamo ma i ʼnanai, taui anina bo eḡa, ma ma nememei da ma riweu.” Ma Joseph i paritawanei. Hebron wapuna i netawanei ma i nae. Maranai au Shekem i ḡeta,
1100	GEN 37:16	Joseph i paribelei, “Tau tuatuau a baibaiei, taui ai sipu ma gote e paipaini. Uta riweu taui mepa?”
1101	GEN 37:17	Tauna i paribelei i pa, “Taui i nae. A nonori i bababani i pa, ‘Tana nae au Dothan.” Anina ma Joseph tuatuana i votaḡoi da au Dothan i nelaḡai.
1102	GEN 37:18	Maranai tuatuana matai i tawanei ma Joseph i ʼnanai i nenei ma i aramanei da tauna. Muriai da ita ḡetai taui ai oga i tarai da tauna ita viraḡeni.
1107	GEN 37:23	Maranai Joseph i ḡeta tuatuana awarii, tauna i vojijini ma ana gara girugirumana i ḡiḡi-tawanei.
1110	GEN 37:26	Judah varevareina i riwei i pa, “Aiwai aiaina tana vaia mepa da ata tevera tana viraḡeni ma tana moru.
1112	GEN 37:28	Ma maranai taugimara mai Midian i ḡetai, Joseph tuatuana tauna dogoei i taina-epai ma i gimarei mai Ishmael awarii maiana silva 20 ana ruva nanare ma taui i naiei au Egypt.
1113	GEN 37:29	Muriai Reuben i nememei da au dogo i ʼnana ḡaira, ma Joseph kampa eḡa ma i vinuabola kaua ma ana gara i sikai.
1118	GEN 37:34	Ma Jacob i vinuabola kaua ma ana gara i sikai. Ma ḡamoḡamo opina i oteni ma natuna i moguei da nawaravi biaḡa i kwa.
1151	GEN 39:1	Dam mai Ishmael Joseph i ḡairei au Egypt, ma Potiphar tauna i gimarai da ana taunola. Potiphar tauna Egyptei ma sorodia ai bada ḡaeḡaena.
1152	GEN 39:2	Bada Joseph i mae-ratui ma i voagui da anatapuna aiaina i kaukauei ana bada aubaina. Tauna Potiphar ana au numa i mae.
1153	GEN 39:3	Potiphar i ʼnanai da Bada Joseph i mae-ratui ma i voagui da aiwai anatapuna i kauana-kauei,
1154	GEN 39:4	ma wei Potiphar i vinuaiaiei ma Joseph i terei da tauna aubaina ina nola, ma ana taunola numa au orana, ma ana purapura anatapuna ina vibadei.
1155	GEN 39:5	Nai marana da i nenai, Joseph awarinei ma Bada Potiphar ana numa orana ravai ma ana purapura anatapui au numa ma ana au wapu i viaiaini.
1156	GEN 39:6	Anina ma Joseph vaivai i verei da Potiphar ana purapura anatapui i paini, ma ana bada ana nola da am ava ina paipaini. Joseph i tupua da karawata ma inanana aiaina.
1157	GEN 39:7	Kampa eḡa ita mae-pora ma ana bada awana Joseph i ʼnana rauoḡarei ma i riwei i pa, “Ma nei tana matave.”
1158	GEN 39:8	Wate Joseph i geduai ma wavine i riwei i pa, “Ma i ʼnana, tau au bada weka i tereu da a vivipaipai ma lamna aubaina tauna eḡa aiwai numa au orana ina vinuabolei. Tauna ana purapura anatapuna au urau i terei.
1160	GEN 39:10	Wavine marana patapatai Joseph i rarauelari da maiteni ita matave, wate Joseph i gedugeduai ma i nene-tawanei.
1161	GEN 39:11	Mara tagogi Joseph i nae au numa da ita nola, ma kampa eḡa taunola ḡelaui.
1162	GEN 39:12	Ma Potiphar awana i nae ma Joseph ana au kareko i voa ma i riwa i pa, “Ma nei tana matave!” Wate Joseph i ruba-opu au doa ma kareko wavine au urana i voterei.
1163	GEN 39:13	Wavine i ʼnanai da Joseph i ruba-opu ma ana gara au urana i voterei,
1170	GEN 39:20	Anina ma tauna Joseph i vaia ma panipani au numana i tawana-ruiei, mepa gulau ana panipani e mamae ma kampa i mae. Maranai Joseph au panipani-numana
1171	GEN 39:21	Bada Joseph i mae-ratui ma i viaiaini, lamna aubaina da panipani taupainina Joseph i vinuaiaiei.
1172	GEN 39:22	Ma tauna Joseph i terei da panipani ravai ita vibadei ma nola au urana i terei.
1173	GEN 39:23	Panipani taupainina ana nuabola eḡa aiwai, aubaina Joseph aiwai anatapuna i paipaini. Ma Bada tauna i mae-ratui ma i voagui da aiwai anatapuna i kauana-kauei.
1176	GEN 40:3	Ma i vaia ma panipani au numana i terei mepa Joseph i mamae lana, sorodia ai bada ana au numa.
1177	GEN 40:4	Sorodia ai bada wei ruaḡai i naiei Joseph awarina ma tauna ravai i paini. Taui i mae-guratana au panipani numana.
1179	GEN 40:6	Ma ubaubanai maranai Joseph i nei awari ma i ʼnanai da taui eḡa ita vinuaiai.
1181	GEN 40:8	Taui i paribelei, “Tauai airuaḡa a rauboni ma eḡa aiai da ai rauboni anona ita vieḡelai.” Joseph i riwa, “God ainelana rauboni e vivieḡai. Ami rauboni ona riweu.”
1182	GEN 40:9	Anina ma wine taupainina ana rauboni Joseph i riwei, “Au rauboni au orana grape ḡoroḡorovana a inanai au naou.
1185	GEN 40:12	Ma Joseph tauna i riwei, “Am rauboni anona wei. Grape raḡaraḡana tonuḡa, anona lamna au pom tonuḡa.
1189	GEN 40:16	Ma palawa tauapuina i ʼnanai da Joseph nuaiai riwana i vieḡai ma i riwa, “Tau nanare a rauboni. Palawa irigana tonuḡa au kolau a terei.
1191	GEN 40:18	Joseph i paribelei i pa, “Am rauboni anona wei. Iriga tonuḡa lamna au pom tonuḡa.
1195	GEN 40:22	Wate ana sorodia i egari da ana palawa tauapuina uana i borituini ma tupana ai au tepana i vitakei. Joseph menanare rauboni i vivieḡanei, nanare i tupua.
1196	GEN 40:23	Wate wine taupainina, Joseph nuanuana i vuru ma eḡa ita vinua-notenotei.
1210	GEN 41:14	Ma Pharaoh, Joseph ana riwa i paritawanei ma panipani-numanei laḡilaḡina i neiai. Joseph i viamḡari ma ana gara aiaina i oteni. Ma i naiei Pharaoh awarina.
1211	GEN 41:15	Ma Pharaoh Joseph i riwei, “Waguvarai a rauboni ma eḡa aiai au rauboni anona ita vieḡeu. Wate rava i riwa da maranai tam rauboni e nononori, lamna anona e vivieḡai.”
1212	GEN 41:16	Joseph i paribelana, “Tau eḡa tagotagogina, wate God am rauboni anona ina verem da oram ina viubai.”
1221	GEN 41:25	Joseph i paribelei, i pa, “Oo bada, rauboni ruaḡai anoi tagogina. God aburuna ava da aiwai ina kauei lamna gulau i viatataiei.
1234	GEN 41:38	Ma i riwei i pa, “Mepa rava ḡelauna tana nelaḡai me Joseph ma God Aruana tauna au orana e mamae?”
1235	GEN 41:39	Anina ma Pharaoh, Joseph i riwei, “God wei anatapuna i viatataiem, eḡa aiai ḡelauna nuaulaulana ma notanota kauana me tam.
1238	GEN 41:42	Ma Pharaoh au urana ana vigulau ringna i votawanei ma Joseph au urana i terei, ma gara maiana ḡaeḡaena i vioteni ma sein goldei au uana i tere-taḡonei.
1241	GEN 41:45	Ma Pharaoh Joseph wava Zaphenath-Paneah, i verei ma mai On ai pirisi Potiphera natuna guguinina Asenath, Joseph i verei da awana. Anina ma Joseph, dobu Egypt i vibadei.
1242	GEN 41:46	Joseph ana madeḡa 30 ma wei vibadana i vaia. Ma Joseph, Pharaoh i netawanei ma Egypt i naeni ma i tuvirevirei.
1244	GEN 41:48	Joseph ai maura ḡelaui i tami maura madeḡana 7 au orana au Egypt, ma au melagai nununai i tere-kauei ma i paini. Melagai anatapui ai lam au anara i terei.
1245	GEN 41:49	Joseph lam i vidamni da olana i mairi me bubu au gera ma iavana i kauana-avei aubaina lam i rata dewadewa.
1250	GEN 41:54	Ma gomara madeḡana 7 i raukarei, me Joseph i ririweia nanare. Gomara dobu au anatapuna, wate Egypt au anatapuna lam i mamae.
1251	GEN 41:55	Maranai mai Egypt raumolaḡau i vikarei, taui Pharaoh i vibaḡai lam aubaina. Ma taui i riwei da ita nae Joseph awarina ma tauna aiwai i ririweia ita kauei.
1252	GEN 41:56	Maranai gomara Egypt anatapuna i vaia, Joseph anara i votawatawanei ma lam mai Egypt awari i gimarei. Anina ma gomara i rata kaua dobu au anatapuna da rava anatapui i nei Joseph awarina au Egypt lam gimarana aubaina.
1254	GEN 42:1	Ma au Canaan Jacob i nonori da au Egypt lam ma natunatuna nelarai i riwei, “Aiwaina da o mamae labalababa?
1256	GEN 42:3	Anina ma Joseph varevareina ten i ḡaira au Egypt da lam ita gimarai.
1257	GEN 42:4	Wate Jacob eḡa Joseph ana tevera oiena Benjamin ita paritawanei aubaina i rovo mepa da aiwai apoapoena awarina ita tupua.
1259	GEN 42:6	Joseph i vibada ḡaeḡaena au Egypt ma tauna lam i gimagimarei dobu anatapui ravai awari. Varevareina i ḡetai ma Joseph au naona i mae-ḡaira au doa ma i raudune.
1260	GEN 42:7	Joseph taui i ʼnanai ma maratagogi i aramanei da taui aiavoi ma i kauana-melei da apamina taui eḡa ita aramanei. Ma riwa bagibaginei i vitara-virevirei, “Taumi meiei o nei?” Taui i paribelei, “Tauai Canaanei a nei da lam ata gimarai.”
1261	GEN 42:8	Joseph tuatuana i ʼnanai da i aramanei, wate taui ai tevera i vinua-nainei.
1276	GEN 42:23	Joseph Egypt ponanei i bababani ma rava ḡelauna taui ai ponei i paripari-verei. Wate taui eḡa ita aramanei da Joseph ai babani i nononori.
1363	GEN 45:4	Joseph varevareina i riwei, “Ona nei au ḡereḡereu.” Ma taui i nei au ḡereḡerena. Ma i babani, i pa, “Tau ami tevera Joseph, mai Egypt awari o gimareu.