161	GEN 7:1	Ma Bada Noah i riwei, “Tam ainelam rava jijimanim au dobu wei au marana. Lamna aubaina tam ma am numa ravai anatapumi au waga ona geru.
367	GEN 15:6	Abram, Bada riwana i vitumaḡanei ma lamna aubaina Bada i riwa da Abram rava jijimanina.
442	GEN 18:17	ma Bada ana au nota i pa, “Aiwai marina ana kauei, eḡa ana tere-govaḡi Abraham awarina. Abraham ana epaepaia ina vidam ḡaeḡaena ma vivirewapanana ma taunei dam anatapui au dobu ana viaiaini. Tauna a vinei da natunatuna ina riwei ma taui natunatui ina riwei da Bada ana lawana ina votaḡotaḡoi da aiaina ma jijimanina, ina kaukauei da tau Abraham a paripari-vainuaḡania ana kauei.”
474	GEN 19:16	Wate Lot i tatavira. Bada i ḡoei da Lot ita vilawani. Ma anela Lot awana maiteni ma natunatui urai i vojijini ma melagaiei i taravaina-opunei.
685	GEN 25:26	Natuna ḡelauna i tuputupua turana au ae karena i vojijina ma i opu ma i viwavai Jacob. Isaac ana madeḡa 60 ma awana raḡaraḡa i vinatunei.
1030	GEN 35:18	Wate Rachel iʼrairaḡe ma ana lavutu au damona ma tevera i viwavai “Ben-Oni.” Wate amana i viwavai, “Benjamin.”
1036	GEN 35:24	Rachel natunatuna: Joseph ma Benjamin.
1107	GEN 37:23	Maranai Joseph i ḡeta tuatuana awarii, tauna i vojijini ma ana gara girugirumana i ḡiḡi-tawanei.
1184	GEN 40:11	Pharaoh ana aniuma kelakana a vovojijini ma grape a purai ma au kelaka a buloi da Pharaoh a verei.”
1202	GEN 41:6	Anina ma witi rovei 7 muriai i gogogo wate rauanaḡa i ravi da i jinajina.
1203	GEN 41:7	Ma witi rovei jinajinai 7 i vomairi da witi rovei dododoi 7 i lawani. Anina ma Pharaoh matana i kala ma i aramanei da i rauboni.
1223	GEN 41:27	Bulumakau kirakiramai 7 muriai i nei, ma witi rovei jinajinai 7, lamna anona amapo madeḡana 7 au orana gomara.
1257	GEN 42:4	Wate Jacob eḡa Joseph ana tevera oiena Benjamin ita paritawanei aubaina i rovo mepa da aiwai apoapoena awarina ita tupua.
1392	GEN 46:5	Jacob, Beersheba i voterei, ma natunatuna nelarai amai i vojijini, ma anatapui awawai ma natunatui maiteni, au anivigeru Pharaoh i paripari-tawaneiana i geru.
1484	GEN 49:10	Gulau ana jiḡona Judah ina vojijini ma ana epaepaia ina vibada nonoa, anina da jiḡona taniwagana ina nei maranaina dobu anatapui ravai tauna ina raudunelei ma ina viborumei.”
1536	EXO 1:3	Isakar, Zebulun ma Benjamin;
1815	EXO 11:8	Am gabemani babadai anatapui ina ḡairai awariu ma au naou ina mae-ḡaira ma ina raudune ma ina riwa, ‘Laḡilaḡina ma ruba-nae am rava tauvotaḡotaḡoim anatapui maiteni.’ Lamna au murina tau ana nae.” Moses meji orana i oai ma Pharaoh i netawanei.
1828	EXO 12:11	Anatapumi wenanare ona am, vaḡai vigara ona vigarei: Ami ae uma ona oteni, ami jiḡona au urami, Ma ona am laḡilaḡina. Wei lamna Bada ana Raḡona torelana.
1841	EXO 12:24	—Ma maranai Bada dobu i paripari-vainuaḡanimi ona ḡeta, taumi eḡa nuanuami ina vuru da madeḡana patapatana Raḡona torelana ona kaukauei. Taumi natunatumi maiteni wei tarawatuna ona vojijina-nonoei.
1903	EXO 14:13	Moses ana rava i paribelei, “Eḡa ona rovo! Ona mairi jijina ma ona inana menanarena Bada ina vilawanimi amadodo. Mai Egypt amadodo o inainanai eḡa melanai ona inana-melei.
1906	EXO 14:16	Am jiḡona ma voepai da ma viloloi boga au tepana ma boga ina vilamonei, ma mai Israel boga au pouna doa au alalana ina babara damana.
1911	EXO 14:21	Moses ana jiḡona i viloloi boga au tepana ma Bada kariwabu ḡaeḡaena i paritawanei, ma boga i vilamonei, kariwabu i ruba da mara i tom da doa boga au pouna i alala.
1916	EXO 14:26	Ma Bada Moses i riwei, “Am jiḡona ma viloloi boga au tepana da boga ina nememei, mai Egypt au chariot ma sorodia horse au tepana anatapui ina puru-pai.”
1928	EXO 15:7	Tam ḡeḡetelaram ma taui i viḡaviem u vovaiubai. Am meji araratana u paritawanei da taui i aragibui me ai ragorago.
1930	EXO 15:9	Am ḡavia i riwa, “Ana viaḡaḡei, ana vojijini, ai purapura ma ai maura anatapui ana ḡutai, ma aiwai a ḡoeḡoei ana vaia, Au sod ana lavui ma ana vipupui.”
1993	EXO 17:9	Moses Joshua i riwei, “Rava ma vinei da ona nae mai Amalek maiteni ina viḡaiḡaiawa. Au maratom tau ola au tepana ana mairi ma God ana kwapu ana vovojijini.”
1996	EXO 17:12	Moses urana i garigari ma Aaron ma Hur ḡaima i neiai da i terei ma au tepana Moses i kiala. Aaron ma Hur, Moses au ririvana i mae, tagogi au navanavana ma ḡelauna au navanavana ḡelauna ma urana i voepai ma i vojijini da madeḡa i neulai.
2016	EXO 18:16	Maranai rava ruaḡa e viviamparipari. Taui e nenei awariu da a teretere-vaijijimani; ma God ana riwa ma ana tarawatu a ririwei.”
2022	EXO 18:22	Taui rava ai viamparipari ina tere-vaijijimani. Wate aiwai da i piripiri, ina neiai awarim. Taui ina voaguim da am vita ina avarai ma ina votelatelai.
2026	EXO 18:26	Wei babadai, rava ai viamparipari i teretere-vaijijimani ma aiwai da i piripiri i neneiai Moses awarina. Ma kaua telatelai i teretere-vaijijimani.
2032	EXO 19:5	Mepa da ona voteleteleu ma au parivainuaḡana bagibagina ona vojijina-kauei, lamna dam anatapui au dobu awariei taumi ana vinemi nuanuau pouna. Avena da dobu anatapuna Tau ḡariuei.
2058	EXO 20:6	Wate taui aiavoi nuanuau e vaivaini ma au tarawatu e vovojijini au nuavaina maemae-nonoana ana verei da kimta tausan nanare.
2138	EXO 22:23	Ma Tau ana meji guratana ma ḡavia au orana ana viraḡenimi. Awawami ina vikaiababa ma natunatumi eḡa amamai.
2208	EXO 25:12	Ma ana loji 4 ma vokaukauei ma au aena 4 ma terei; ma au baba ḡelauna loji ruaḡa ina mae ma au baba ḡelauna loji ruaḡa ina mae.
2210	EXO 25:14	Ma anipawe au loji bokisi au babana ma raviai, da ina pawei.
2211	EXO 25:15	Anipawe au loji ina mae, eḡa ina taina-lavui.
2441	EXO 32:2	Aaron i paribelei, “Awawami ma natunatumi waivinei ma nelarai ai loji goldei ona neiai awariu!”
2442	EXO 32:3	Anina ma rava anatapui ai loji i votawatawanei ma i neiai Aaron awarina.
2449	EXO 32:10	Ma votereu da au meji ana vikwai taui awarii ma ana pupuni. Ma tam Moses ana terem da am epaepaia maiteni dam patarai ḡaeḡaena ona vitupui.”
2450	EXO 32:11	Wate Moses God i vigigimanei i pa, “Oo Bada am rewapana ḡaeḡaenei am rava Egyptei u tere-opunei lamna aubaina eḡa am rava awarii ma meji ma ma pupuni.
2451	EXO 32:12	Mepa da ma pupuni, Mai Egypt ina riwa, ‘Ana nota apoapoena maranai i tere-opunei da au ola anatapui ita pupuni.’ Meji avena, oram ina uba, ma eḡa ma vipupui.
2458	EXO 32:19	Maranai Moses i turiai mepa rava i rauḡaravu ma bull natuna goldei i ʼnanai i maimairi ma rava i arara i ʼnanai. Tauna meji orana i oai ma ḡaima dabadabai ruaḡa i viorereni au doa. I viaigimagimai ola au karena.
2712	EXO 40:4	Teibol ma ruiei ma au tepana aiwai i kaukauei aubaina ma terei. Ma rampa anivojijinana ma ruiei, ma rampa ma terei
2726	EXO 40:18	Moses dogo i ḡarai ma tuatua i tonei ma terewaba ma anitapejijinana i ragini.
2728	EXO 40:20	Anina ma Moses ḡaima dabadabai ruaḡa bokisi au orana i terei. Ma anipawe loji au orana i vionaḡi bokisi au adana, ma uḡuna i viaitani.
3098	LEV 13:45	—Rava aiai opidoriana i vaia, tauna gara wanasikasikana ina oteni, aparana eḡa ina jinai ma naona ina purui ma ina kwatu ina pa, ‘Tau eḡa aiaiu! Eḡa ona nei au ririvau!’
3246	LEV 17:10	Aiai Israelieina bo jentail maiteni o mamae, sia taratarana e aniani, Bada tauna ina mae-puputei ma ana rava awariei ina bori-tawanei.
3299	LEV 19:17	—Eḡa oram ina raviapiai kaua apoapoena ravana awarina, wate maiteni ona kiala da kaua ona tere-vaijijimani, da eḡa ḡoʼapoapoe ona kauei.
4320	NUM 20:8	“Am jiḡona ma vaia ma tuam Aaron maiteni rava ona vitagogiei. Ma au matai kira awarina ma babani ma ana waira ina veremi. Nanare waira kirei ina opu da Israel patarana ina uma ai ḡamoḡamo maiteni.
4321	NUM 20:9	Anina ma Moses jiḡona Bada au naona i vaia, i ririwei nanare.”
4323	NUM 20:11	Ma Moses ana jigona i voepai ma kira i ravi mara ruaḡa. Ma waira ḡaeḡaena i ruba-opu da rava ma ḡamoḡamo i uma.
4403	NUM 22:27	Maranai donki anela i ʼnanai, i mae-ḡaira da i kiala, Balaam amlona i ḡaiḡai kaua ma ana jiḡonei donki i kwapui.
4464	NUM 24:17	“God i viatataieu da rava muriai e nenei, a inanai wate eḡa laḡilaḡina ita nenei, Jacob ana damei gulau ana jiḡona Ana borumana me ubona gamrina Israeliei e opuopu. Moab muruai ma Seth natunatuna anatapui kolai ina viaigwadagwadai.
4475	NUM 25:3	Wei kauanei mai Israel Baal-Peor i voepaepai ma lamnei Bada ana meji i vikalai.
4476	NUM 25:4	Bada Moses i riwei i pa, “Babadai anatapui ona vaia ma madeḡai Bada au matana ona viraḡena-naiei, da tau au meji awarimi ina dauva.”
4483	NUM 25:11	“Aaron ḡoḡana pirisi Phineas au meji mai Israel awari i viubai; da taui eḡa ata pupuni aubaina tauna ana nota me tau au nota, rava eḡa god ḡelaui ina voepaepaei anina Tau ava.
5012	DEU 4:6	Tarawatui ona vojijina-kauei da dam ḡelaui ami nuaulaula ma ami aramana ina inanai. Ma tarawatu ina nonori ma ina riwa, “Riwa kaua da dam Israel lamna dam nuanuaulaulai ma araramani.
5014	DEU 4:8	Tarawatui aiaii ma jijimani anatapui amadodo a ririwemi, Eḡa mepa dam ḡelauna aburuna bo ḡaeḡaena ana tarawatu jijimanina me wei.”
5094	DEU 6:6	Wei tarawatuna amadodo a vereveremi ona vojijina-kauei.
5405	DEU 18:19	Tauna wavauei ina jima, ma pariviravirai ana kovoḡi.
5406	DEU 18:20	Wate maranai peroveta i mae-ḡaeḡae ma e ririwa da wavauei e jimajima wate tau eḡa babani ata verei, bo god ḡelauai aubai e nolanola, Nai perovetana ona viraḡeni.
5860	JOS 1:7	Anina ma virewapana ma tepam ina tora; ma nuanuam eḡa ina vuru da tarawatu Moses i verem, anatapuna ma voteletelei. Ma ma vojijina-kauei da awarina eḡa ma deḡa au oiem bo au kelakelaum da aiwai anatapuna e kaukauei ina ai.
6492	JOS 24:14	—Lamna aubaina Bada ona voteletelei ma orami taputapunei ona vipatutu. Noinoimi god morumorui kokoitau, i raraudunelei au Egypt bo au waira Euphrates ona kwajiei au modu ma Bada ainelana ona viborumei.
7220	1SA 1:6	Bada Hannah manawana i gudui ma lamna aubaina turana i vivinamei ma i vivijiboḡa-nonoei da ita vinuabolai.
7252	1SA 2:10	Tam am ḡavia ma pupuni; am meji ina viarapawa me waiparara Bada tam dobu ma rauetarei ma am gulau ma vovai-virewapani, ma am vinevine bulobulona ina virewapana kaua.
7291	1SA 3:13	A riwana-guratei da ana numa ravai ana kovoḡa-nonoei aubaina natunatuna i vijiboḡiu ma i vinimalamalaiu ma tauna natunatuna i vibae-naenaelei.
7296	1SA 3:18	Anina ma Samuel anatapuna i riwei, eḡa aiwai ita tajijini. Ma Eli i riwa, “Tauna Bada, ma aiwai awarina i jijimana ina kauei.”
7372	1SA 8:1	Samuel natunatuna ruaḡa, natuevou wavana Joel ma umauna Abijah. Maranai Samuel i magura ma natunatuna i vinei taurauetara au Israel ma i terei da au Beersheba i nola.
7394	1SA 9:1	Benjamin ana au dam rava tagogi wavana naenaena ma manemanena i mae wavana Kish. Tauna amana Abiel, ḡoḡana Zeror ma noina Bekorath ma ai magura Aphiah, Benjamin ana damei.
7409	1SA 9:16	“Wenanare marana au maratom oroto laragana Benjamin ana damei ana paritawaneiai. Olive monamonanei kolana ma buloi da ina vimataira da tauna a tereriei da au rava Israel ina vibadei. Tauna mai Israel ina voagui da mai Philistia ina vovaiubai. Au rava mai Israel a inanai i vinuapoapoe ma ai tou awariu agu aubaina a nonori.”
7422	1SA 10:2	Amadodo rava ruaḡa ma nebelei Rachel ana kokoaga au ririvana au Zelsah, Benjamin ana au dobu. Taui ina riwem, ‘Donkina o baibaiei i nelaḡai. Ma marina amam eḡa donkey ita baibaiei wate tam e vivinuabolem, e paripari-dadana, Menanare natu ana nelaḡanei.’
7426	1SA 10:6	Bada Aruana Vivivireina ana rewapanana oram ina naeni da ina vibadem, ma taui maiteni Bada ana babani ona jimei. Ma oram ina ravivouni da tam me rava ḡela.
7431	1SA 10:11	Maranai ravai Saul i araramaneia Saul i ʼnanai peroveta au borui i jimajima taui orai i auepai ma ai rava i ririwei, “Riwa kaua bo aiwai i tupua Kish natuna awarina? Saul i viperoveta bo?”
7433	1SA 10:13	Ma Saul jima i voterei ma i ḡae au ola au dobu vivivireina.
7440	1SA 10:20	Maranai Samuel damdamai i neiai Bada au naona ma Bada Benjamin ana dam i vinei.
7441	1SA 10:21	Ma Benjamin ana dam i neiai au naona ma Bada Matri ana epaepaia i vinei ma kampa Bada Kish natuna Saul i vinei. Ma maranai i baibaiei tauna kampa eḡa.
7570	1SA 15:8	Agag mai Amalek ai gulau lawalawaina i vojijini wate rava anatapui i viraḡeni.
7577	1SA 15:15	Saul i pa, “Sorodia mai Amalek awarii i vaia, bulumakau ma sipu vinevinei i vojijini da ina puloei Bada am God awarina wate ḡelaui anatapui a viraḡena-naiei.”
7589	1SA 15:27	Ma Samuel i mae-tavirei da ita nae ma Saul i ḡoei da ita viḡaei ma ana kwama adana i vojijini ma i sikai.
7686	1SA 18:8	Wei welana Saul i vimeji-kauei ma ana au nota i pa, “Taui David e vovoepaepai ma e ririwa da tauna rava tausan dam viriviri i vunui ma tau tausan ava.” Ma marina ina terei ai gulau.
7780	1SA 21:6	David i paribelei, Riwa kaua tauai eḡa waivine maiteni ata matamatave, maranai a opuopu ḡavia aubaina au nelara e ujiuji. Amadodo lamna gulau ana nola a kaukauei ma wei nolana aubaina a vokaukaua kaua.
8016	1SA 31:4	Ma Saul ana apia tauavaraina i riwei, “Am sodei ma viraḡeniu. Eḡa ata ḡoei da Philistia-eteni ina vijiboḡiu ma ina virageniu.” Wate tauna i rovo da viraḡenana i kauana-avei. Ma Saul ana sod i lavui da au manawana i tonei ma au tepana i peu da i ʼraḡe.
8294	2SA 12:5	Nai maranaina David i meji guratana ma Nathan awarina i ḡaiawa, “Bada lawalawaina wavanei a ririwa da aiai wei kauana i kauei anina ina iraḡe!
8303	2SA 12:14	Wate kaua apoapoena u kauei ma lamnei Bada u vijiboḡa-kauei lamna aubaina natum ina iraḡe.”
8310	2SA 12:21	Ana numa babadai i baiei ma i riwa, “Maranai tevera lawalawaina, tam u uji ma u mogu, ma tevera i ʼraḡe, tam u vomairi da e amam!”
8311	2SA 12:22	David i paribelana, “Ee tau a uji ma a mogu maranai natu lawalawaina. A notai da Bada ina rau-nuapoapoeleu ma natu ina lawana.
8312	2SA 12:23	Wate marina i ʼraḡe aiwai aubaina ana u uji? Ana neiana-meleai bo? Amapo ana nae awarina wate tauna eḡa ina nei awariu.”
8822	1KI 3:3	Solomon, Bada nuanuana i vaia ma lamna aubaina amana David ana tarawatu i vojijina-kauei. Wate kaua tagogi i kaukauana-boai lamna pulo i apuapu labalababai nai dobuna ravai ai pulo ai au aniamapuna.
8838	1KI 3:19	—Ma waguvara tagogi wavine natuna i matave-jijini da i ʼraḡe.
8847	1KI 3:28	Maranai mai Israel Solomon ana etara riwana i nonori, marina taui Solomon ina vivirei, ma i aramanei da God, Solomon nuaulaula i verei da lawana ina tere-vaijijimani.
9015	1KI 8:27	—Wate amapo God au dobu ina mae bo eḡa? Eḡateni! Mara, ma nanare mara ḡedewadewa eḡa tagotagogina da tauna ina vojijini. Wei tempolna a voavoaia lamna anina bo eḡa?
9029	1KI 8:41	—Ma maranai jentail aueia maemaei, riwam ma am rewapana ma kaua ḡaeḡaei u kaukaueia riwai ina nonori; ma ina nei da ina vimae-ḡaeḡaenim. Ma am numa au naona ina mairi ma ina raupari
9031	1KI 8:43	am au animae au mara, ai pari ma nonori ma ai ḡoana ma kauei. Ma jentail wavam ina aramanei ma ina vimae-ḡaeḡaenim me am rava oina mai Israel. Ma jentail ina aramanei da wei tempolna a voai. Tam vimae-ḡaeḡaenam aubaina.”
9091	1KI 10:9	Bada am God ana voepaepai, i vinuaiaiem ma i terem Israel ai gulau. Bada ana nuavaina maemaena mai Israel aubai i terem gulau, da riwa kauei ma kaua jijimaninei ma vibada.”
9112	1KI 11:1	Gulau Solomon, Egypt ai gulau natuna i ravaḡi ma nanare jentail waivinei i ravaḡa-naiei, ḡelaui mai Moab, mai Ammon, mai Edom, mai Sidon ma, mai Hitti.
9140	1KI 11:29	Mara tagogi, Jeroboam Jerusalem i voterei da i nenae ma au mutulua peroveta Shilohei wavana Ahijah maiteni airuaḡa ava i vinenebelana, Jeroboam kwama vouna i oteoteni.
9141	1KI 11:30	Ahijah, Jeroboam ana kwama vouna i vojijini ma i sikanaiei da 12.