52	GEN 2:21	Ma Bada God oroto i kauei da i matave ma maranaina i raunuavuru kaua, torotorona tagogi i votawanei ma vioa i pota-melei ana au gabu.
78	GEN 3:22	Bada God i riwa i pa, “Orotona aiaina ma apoapoena i aramanei, tauna marina tauta nanare. Eḡa tana voterei da urana ina vilolo-melei da lawana aina uana ina vaia da ina ani ma ina mae-nonoa.”
80	GEN 3:24	Anina ma oroto i viaḡaḡana-opunei ma cherub biaḡa au peipei Eden au maramatanei i terei ma ana dabaruma araratana i terei da i nenae ma i nenei ma lawana aina etanaina e gagagaloei.
84	GEN 4:4	Wate Abel nanare sipu natuevouii i vunu-naiei ma sia monamonai i apui Bada awarina ana pulo. Bada Abel ma ana pulo i vinuaiaiei.
143	GEN 6:5	Ma Bada i ʼnanai da rava anatapui au dobu ai ḡoʼapoapoe i rata kaua ma aiwai i viogatarei ma i vinua-notenotei anatapui apoapoei.
145	GEN 6:7	Ma Bada i riwa, “Tau rava a kaukaueia ana vipupui dobu au anatapuna ma nanare ḡamoḡamo ḡaeḡaei ma ḡamoḡamo au doa tetetei ma kiu au aidamo. Nuanuau i bola-kauei da taui a kauei.”
205	GEN 8:21	Ma maranai Bada pulo ḡabuna i laḡoni ma au nuanuana i pa, “A aramanei da rava melamelaiei ai nota i apoapoe. Wate dobu eḡa ana viapoapoeni ma eḡa melanai lawalawai anatapui ana pupuna-melei me a kauei nanare.
206	GEN 8:22	Ma maranai dobu e mamae paewa ma tuaruta, ubauba ma vibola, bodu ma omra, garewa ma madeḡa, maratom ma au pom, ina mae-nonoa ma eḡa ina kwa.”
217	GEN 9:11	Wei riwanei au parivainuaḡana bagibagina taumi maiteni a terei da eḡa melanai ututuva ḡelauna ana paritawanana-meleiai au dobu da purapura lawalawaii ina vipupui.”
274	GEN 11:7	Ona nei tana ḡaira da noi ravai ai pona tana vinua-raḡaraḡai ma ina babani labalababa.”
275	GEN 11:8	Anina ma Bada rava anatapui ai pona i vinua-raḡaraḡai ma i vilamonei dobu au anatapuna, lamna aubaina nai melagaina i ḡorei Babel. Ma melagai ḡaeḡaena voana i voterei. Bada taui i vilamonei dobu au anatapuna.
306	GEN 12:7	Kampa Bada i viatataeana-melei ma i riwa i pa, “Wei dobuna Canaan am epaepaia ana verei.” Ma Abram pulo aniapuna, i voai Bada awarina ma pulo i apui. Mepa Bada i viatataeana-melei lamna au gabuna aniamapu i voai.
350	GEN 14:13	Abram tauna Hebrewei ma Mamre ana ai ḡaeḡaena au ḡereḡerena i mamae. Ai taniwagana wavana Mamre tauna Amoriei, varevareina Eskol ma Aner. Anatapui Abram ana tauagu, ḡavia au marana. Ma oroto tagogi ḡavia i rovoei da i rovo-nae ma i ḡeta Abram awarina ma i vibenabenamei.
365	GEN 15:4	Anina ma Bada i riwana-melei i pa, “Eḡa! Tauna am vigulau eḡa ina vaia, wate natum orotona tamei ina tupua, tauna am vigulau ina vaia.”
366	GEN 15:5	Anina ma Bada tauna i taravaina-opunei au doa ma i riwei i pa, “Ma ḡoutata au mara ma ubona ma inanai, mepa da tam tagotagogina da uta iavi. Lamna am epaepaia ina maḡa me ubona nanare. Eḡa aiai tagotagogina da ina iavi.”
373	GEN 15:12	Ma maranai madeḡa i neneulai ma Abram i matave-nuavuru kaua. Ma gimtona ma rovo ḡaeḡaena i nei ma i purui.
374	GEN 15:13	Ma Bada i riwei i pa, “Wei ma aramana-kauei! Am epaepaia ina vitaomana au dobu ḡela ma kampa ina vitaunola. Ma dobuna ravai taui ina rau-iviapoapoelei da madeḡa 400 ina kwa.
376	GEN 15:15	Ma mai Amori ai ḡoʼapoapoe ina rata guratana, ma nai maranaina ana kovoḡi ma ana viaḡaḡana-opunei wei au dobuna. Ma lamna aubaina am epaepaia eḡa ina nei laḡilaḡinai da kimta au vi-four-na. Wate tam, Abram ma magura kaua ma ana nuaubam ma iraḡe ma ina doboim.”
399	GEN 17:1	Maranai Abram ana madeḡa 99 ma Bada i vieḡana-melei Abram awarina ma i riwei i pa, “Tau God Vivirewapana Kaukauana. Au naou ma babara ma kaua aiaina ava ma kauei
400	GEN 17:2	da nanare au Parivainuaḡana bagibagina ana vovai-virewapani tau ma tam awarita ma am dam ana vimaḡa-guratei.”
401	GEN 17:3	Ma Abram i mae-ḡaira au doa ma i raudune. Ma God Abram i riwei i pa,
406	GEN 17:8	Canaan dobuna taputapuna marina e mamae-gubai, tam am epaepaia maiteni ana vere-nonoemi aubaimi ma tau, taui ai God.”
415	GEN 17:17	Abraham i mae-peu ma i raudune ma i mutu-kaka ma au nuanuana i pa, “Amapo oroto ana madeḡa 100 ma ina vinatuna bo? Ma Sarah ana madeḡa 90 ma ina vinatuna bo?”
427	GEN 18:2	I taepai ma nelara tonuḡa i ʼnanai i maimairi. Maranai i ʼnananai i ruba da au naoi i mae-ḡaira ma i raudune.
430	GEN 18:5	Lam ana veremi da ina vovai-virewapanimi ma muriai ona vaḡai. Taumi o notaiu da o nei.” Taui i paribelei, “Anina u ririweia ma kauei.”
437	GEN 18:12	Sarah i mutu-kaka ma i riwana-melei, “Tau ma awau a magura kaua ma au vinatuna ana mara i kwa. Ma amapo tagotagogina da duama ana morelanei bo?”
442	GEN 18:17	ma Bada ana au nota i pa, “Aiwai marina ana kauei, eḡa ana tere-govaḡi Abraham awarina. Abraham ana epaepaia ina vidam ḡaeḡaena ma vivirewapanana ma taunei dam anatapui au dobu ana viaiaini. Tauna a vinei da natunatuna ina riwei ma taui natunatui ina riwei da Bada ana lawana ina votaḡotaḡoi da aiaina ma jijimanina, ina kaukauei da tau Abraham a paripari-vainuaḡania ana kauei.”
450	GEN 18:25	Lamna eḡa ita ai, ma eḡa ma kauei. Tam eḡa rava aiaii ma viraḡeni rava apoapoei maiteni. Nai kauai e kaukauei rava aiaii awarii, kauana tagogina rava apoapoei awarii e kaukauei, eḡateni! Tam rava anatapui au dobu tauetareina ma ma etarana-kauelai tapa?”
467	GEN 19:9	Ma Sodom nelarai i paribelei i pa, “Ma maeria! Tam dobu ḡela ravam weka e mamae-gubai ma marina u ḡoei da ma vibadabada. Marina ana viapoapoena-kauem eḡa me taui ruaḡa!” Ma taui Lot au metaeta i dudu ratui da gudu ita rikai.
468	GEN 19:10	Wate nelara ruaḡa numa au orana urai i tere-opunei ma Lot i taina-ruiei awarii ma metaeta i gudui.
475	GEN 19:17	Maranai melagai i opu-tawanei ma anela tagogi taui i riwei i pa, “Ona ruba ami lawana aubaina! Eḡa au murimi ona inana ma eḡa au wapu ona tumairi dadana. Ola aubaina ona ruba da ami lawana eḡa ona vine-boai.”
484	GEN 19:26	Ma Lot awana i vivimuri, i mae-tavirei ma i ravi-taputapui.
487	GEN 19:29	Maranai God nai melagaii ma wapuna i pupuni, tauna Abraham eḡa ita notavai-nuavurui. Ma lamna aubaina God Lot i paritawana-opunei ma muriai nai melagaina i vipupui.
515	GEN 21:1	Ma Bada Sarah i viaiaini ma i paripari-vainuaḡani nanare i kauei.
564	GEN 22:16	“Bada i riwa, ‘Tam u voteleteleu ma natum tagotago eḡa uta nuanei. Tau wavauei a paripari-vainuaḡanim da
679	GEN 25:20	Isaac ana madeḡa 40 ma Rebekah i ravaḡi. Rebekah tauna Leban novuna aburuna; amai Bethuel. Taui mai Aram au Padan-Aram i mamae.
692	GEN 25:33	Ma Jacob i riwa i pa, “Marina ma parivai-nuaḡaniu da am buderi tau ma vereu.” Ma Esau i parivainuaḡana da natuevou buderina Jacob ina verei.
789	GEN 28:15	Ma notai da tau au ririvam a mamae ma ana painim am au vaḡai. Ma ana neiana-meleiaim wei au dobuna. Eḡa ana voterem da aiwai a parivainuaḡanim ana kauei.”
792	GEN 28:18	Ubaubanai boiboḡi Jacob i vomairi ma ḡaima i viviunutaneia i vaia ma i vitura-mairini da ita vimataira. Ma Olive monamonana i buloi ḡaima au tepana da i vovivirei God aubaina.
1021	GEN 35:9	Jacob, Padan-Aramei i nememei au Bethel. God i eḡa me Jacob awarina ma i viaiaini
1023	GEN 35:11	ma i pa: “Tau God Vivirewapana Kaukauana Ma vinatuna guratana ma ma vimaḡaimi Am epaepaia ina virava-ḡaeḡaei ma dam borui ḡaeḡaei awarimei ina tupua ma gulagulau maḡamaḡaui ina viamanei.
1028	GEN 35:16	Muriai Jacob ana dam maiteni Bethel i voterei ma i vaḡai, ma taui uama i rata da au Ephrath ita ḡeta. Ma Rachel malana i vaia da ina vinatuna ma vinatuna i voiana-guratei ma ana iniviara i rata kaua.
1038	GEN 35:26	Zilpah - Leah ana taunola wavine natunatuna: Gad ma Asher. Wei lamna Jacob natunatuna anatapui au Padan-Aram i ḡuni.
1088	GEN 37:4	Maranai tuatuana i ʼnanai da amai Joseph i ḡoana-guratei eḡa me taui, ma ai ora-apoapoe ai tevera awarina i rata ma eḡa ita bababani kaua awarina.
1089	GEN 37:5	Waguvara tagogi Joseph i rauboni ma maranai tuatuana ana rauboni i riwei, taui ai ora-apoapoe i virata-guratei.
1106	GEN 37:22	“Eḡa tana viraḡeni. Tana tawana ḡairei waira dogona paipairana au orana weka au mutulua ma eḡa tupuana tana vodadani.” Reuben wenanare i babani aubaina i ḡoei da ana tevera ita naiana-melei amana awarina.
1112	GEN 37:28	Ma maranai taugimara mai Midian i ḡetai, Joseph tuatuana tauna dogoei i taina-epai ma i gimarei mai Ishmael awarii maiana silva 20 ana ruva nanare ma taui i naiei au Egypt.
1152	GEN 39:2	Bada Joseph i mae-ratui ma i voagui da anatapuna aiaina i kaukauei ana bada aubaina. Tauna Potiphar ana au numa i mae.
1153	GEN 39:3	Potiphar i ʼnanai da Bada Joseph i mae-ratui ma i voagui da aiwai anatapuna i kauana-kauei,
1157	GEN 39:7	Kampa eḡa ita mae-pora ma ana bada awana Joseph i ʼnana rauoḡarei ma i riwei i pa, “Ma nei tana matave.”
1162	GEN 39:12	Ma Potiphar awana i nae ma Joseph ana au kareko i voa ma i riwa i pa, “Ma nei tana matave!” Wate Joseph i ruba-opu au doa ma kareko wavine au urana i voterei.
1163	GEN 39:13	Wavine i ʼnanai da Joseph i ruba-opu ma ana gara au urana i voterei,
1165	GEN 39:15	Ma i nonori a garagarara ma i ruba-opu ma ana kareko i ruba-tawanei.”
1168	GEN 39:18	Wate maranaina a garagarara, tauna i ruba-opu ma ana kareko au ririvau i voterei.”
1170	GEN 39:20	Anina ma tauna Joseph i vaia ma panipani au numana i tawana-ruiei, mepa gulau ana panipani e mamae ma kampa i mae. Maranai Joseph au panipani-numana
1171	GEN 39:21	Bada Joseph i mae-ratui ma i viaiaini, lamna aubaina da panipani taupainina Joseph i vinuaiaiei.
1173	GEN 39:23	Panipani taupainina ana nuabola eḡa aiwai, aubaina Joseph aiwai anatapuna i paipaini. Ma Bada tauna i mae-ratui ma i voagui da aiwai anatapuna i kauana-kauei.
1174	GEN 40:1	Ma mara tagogi Pharaoh ana wine taupainina ma palawa tauapuina babadai, i kauana-boai Pharaoh awarina.
1177	GEN 40:4	Sorodia ai bada wei ruaḡai i naiei Joseph awarina ma tauna ravai i paini. Taui i mae-guratana au panipani numana.
1186	GEN 40:13	Au pom tonuḡa au murina, Pharaoh ina tere-opunem ma am au nola ina tere-melem. Ma tam, Pharaoh ana aniuma kelakana au urana ina tere-melei, me au noana nanare.
1187	GEN 40:14	Wate maranai wei gabuna u opu-tawanei ma aiwai anatapuna ina ai-me. Tau ma notaiu, am i viaiai ma kauei da au nuabola Pharaoh ma pariverei da panipani-numanei ina tere-opuneu.
1188	GEN 40:15	Pharaoh ma riwei aiwai awariu i tupua. Mai Hebrew ai au dobu i daneneu ma weka i neiaiu, wate tau eḡa aiwai ata kauana-boai ma weka au dogo i tawaneu.”
1192	GEN 40:19	Aupom au vitonuina, Pharaoh panipani-numanei ina tere-opunem da uam ina borituini ma tupuam ai au tepana ina vitakei ma kiu ina nei ma vioam ina ani.”
1193	GEN 40:20	Ma au pom au vitonuina, lamna Pharaoh ana tupua marana ma torela ḡaeḡaena i kauei, ana gabemani babadai aubaii. Ma ana wine taupainina ma palawa tauapuina panipani-numanei i tere-opunei ma i neiai Pharaoh awarina, ana gabemani babadai au matai.
1194	GEN 40:21	Ana wine taupainina, ana au nola i tere-melei me au naona nanare. Ma tauna, Pharaoh ana aniuma kelakana au urana i tere-melei.
1209	GEN 41:13	Ma tauna aiwai i ririweia nanarena i tupua. Tau u tere-meleu au au nola ma palawa tauapuina u viraḡeni.”
1210	GEN 41:14	Ma Pharaoh, Joseph ana riwa i paritawanei ma panipani-numanei laḡilaḡina i neiai. Joseph i viamḡari ma ana gara aiaina i oteni. Ma i naiei Pharaoh awarina.
1233	GEN 41:37	Anina, ma Pharaoh ana gabemani maiteni oga-tarana i vianinei.
1244	GEN 41:48	Joseph ai maura ḡelaui i tami maura madeḡana 7 au orana au Egypt, ma au melagai nununai i tere-kauei ma i paini. Melagai anatapui ai lam au anara i terei.
1245	GEN 41:49	Joseph lam i vidamni da olana i mairi me bubu au gera ma iavana i kauana-avei aubaina lam i rata dewadewa.
1259	GEN 42:6	Joseph i vibada ḡaeḡaena au Egypt ma tauna lam i gimagimarei dobu anatapui ravai awari. Varevareina i ḡetai ma Joseph au naona i mae-ḡaira au doa ma i raudune.
1260	GEN 42:7	Joseph taui i ʼnanai ma maratagogi i aramanei da taui aiavoi ma i kauana-melei da apamina taui eḡa ita aramanei. Ma riwa bagibaginei i vitara-virevirei, “Taumi meiei o nei?” Taui i paribelei, “Tauai Canaanei a nei da lam ata gimarai.”
1274	GEN 42:21	Ma taui i babani vivira, “Nai maranaina ata tevera ana ora-viarana agu i toutouei awarita ma, eḡa tata rau-nuʼapoapoelei. Tauta ata wavu lamna kovoḡana marina ta vaivaia.”
1366	GEN 45:7	God i aipari-tawaneu da taumi ma ami dam ravai maiteni ata vilawanimi, ma ami dam avena ita pupu.
1384	GEN 45:25	Anina ma Joseph tuatuana Egypt i opu-tawanei ma i nae me amai Jacob awarina au Canaan.
1391	GEN 46:4	Tau maiteni tana nae au Egypt ma am epaepaia ana neiana-meleiai wei au dobuna. Joseph amapo au ririvam, maranai ma iraḡe.”
1392	GEN 46:5	Jacob, Beersheba i voterei, ma natunatuna nelarai amai i vojijini, ma anatapui awawai ma natunatui maiteni, au anivigeru Pharaoh i paripari-tawaneiana i geru.
1466	GEN 48:14	Wate Jacob uraoiena i tere-taḡonei ma Ephraim au kolana i terei avena da tauna umau, ma ura-kelakelauna i tere-taḡonei da Manasseh au kolana i terei avena da tauna natuevou.
1468	GEN 48:16	Ma am anela taugagaloeu au anatapuna wei roaroai ma viaiaini! Ma wavau ma amamau wavai awarii ina mae-nonoa ma a raraupari da ai dam ma viratai au dobu.”
1473	GEN 48:21	Ma Israel, Joseph i riwei, “Tau aburuna ava da ana iraḡe. Wate God awarim ina mae da ina naiana-melem au Canaan, amamam ai au dobu.”
1524	GEN 50:17	‘Joseph wenanare ona riwei, “Tuatuam kaua apoapoe kaukauana awarim i kauei. Wate a ḡoei da ai kaua apoapoe ma nota-tawanei.” “Tauai amam ana God a vovoepaepai, ma a vivibaḡa-guratem da ai ḡoʼapoapoe ma nota-tawanei.” Maranai Joseph wei riwana i nonori tauna orana i viara kaua ma i tou.
1525	GEN 50:18	Anina ma tuatuana i nei ma au naona i mae-peu ma i riwa, “Ma inanaiai tauai am taunola a nei.”
1557	EXO 2:2	wavine i raumanawa ma natuna orotona i ḡuni. Ma wavine i ʼnanai da natuna inanana aiaina i tupua, ma natuna i tere-govaḡi da nawaravi tonuḡa i kwa.
1558	EXO 2:3	Wate eḡa tagotagogina da ita teregovaḡa-nonoei ma iriga waira modunei voavoana i vaia ma koltei gavogavo i pasi-tomeni da waira eḡa ina rui. Ma tevera au iriga i poai ma waira modui au orai i terei au waira Nile.
1570	EXO 2:15	Pharaoh wei riwana i nonori ma i ḡoei da menanare Moses ina viraḡenanei, wate Moses Egypt i ruba-tawanei ma i nae au Midian ma waira dogona au adana i kiala.
1586	EXO 3:6	Tau amamam Abraham ma Isaac ma Jacob ai God.” Maranai Moses wei babanina i nonori i rovo kaua ma naona i tere-govaḡi da avena God naona ita inanai.
1587	EXO 3:7	Anina ma Bada i riwa, “A inanai menanare mai Egypt natunatu e rarau-iviapoapoelei. Ma ai tou agu aubaina i ḡetai awariu da vibadabadai awarii ata vaitawanei. Menanare e vinua-apoapoenei a aramanei.
1809	EXO 11:2	Ma nae ma mai Israel ma riwei, ‘Anatapumi ona nae ma mae-turami Egyptei ona vibaḡai da ai via goldei ma silvei ina veremi.”
1815	EXO 11:8	Am gabemani babadai anatapui ina ḡairai awariu ma au naou ina mae-ḡaira ma ina raudune ma ina riwa, ‘Laḡilaḡina ma ruba-nae am rava tauvotaḡotaḡoim anatapui maiteni.’ Lamna au murina tau ana nae.” Moses meji orana i oai ma Pharaoh i netawanei.
1821	EXO 12:4	Mepa da numa tagogi ana rava i viruaḡa ma sia i rata guratana, lamna mae-turai maiteni sia ina ḡutai rava ai maḡa ma ai am ana au ruva nanare.
1823	EXO 12:6	Ona ḡamo-kauei da au pom vi-14-na wei au nawaravina. Ma maranai madeḡa e arearere, mai Israel anatapui ai ḡamoḡamo ina viraḡeni.
1831	EXO 12:14	Wei torelana ona nota-nonoei madeḡana patapatana, da Tau Bada aiwai a kauei nuanuami eḡa melanai ina vuru. Ami epaepaia anatapui wei marana ina vivirei ai mara au anatapuna.”
1839	EXO 12:22	Rugurugu ona turautuvi sipu au tarana au aboma ma ami numa metaetana au tepana ma au adana ona pasi. Ma eḡa aiai numa ina opu-tawanei da ubaubanai.
1840	EXO 12:23	Ma waguvarai Bada Egypt anatapuna ina naeni ma mai Egypt ai natuevou ina viraḡeni. Wate maranai tara ina inanai metaeta au tepana ma au adana, Bada wei numana ina raḡoni ma iraḡe-anelana ina viḡaei da eḡa ina rui da ina viraḡenimi.
1841	EXO 12:24	—Ma maranai Bada dobu i paripari-vainuaḡanimi ona ḡeta, taumi eḡa nuanuami ina vuru da madeḡana patapatana Raḡona torelana ona kaukauei. Taumi natunatumi maiteni wei tarawatuna ona vojijina-nonoei.
1844	EXO 12:27	Ma taumi ona paribelei, ‘Wei torelana lamna Raḡona viegualau pulona Bada awarina, aubaina wariaḡa au Egypt Bada mai Israel ai numa i raḡoni, ma mai Egypt ai natuevou i pupuni, ma tauai natunatuiai i voterei.” Ma mai Israel i mae-ḡaira au doa ma Bada i raudunelei.
1850	EXO 12:33	Mai Egypt anatapui mai Israel i egari da ina vipaparana ma Egypt ina opu-tawanei ma i riwa, “Mepa da eḡa ona nae tauai anatapuiai ana iraḡe.”
1854	EXO 12:37	Mai Israel dobu Rameses i netawanei ma i babara-nae au Sukoth. Nelara anatapui 600,000 nanare, waivine ma roaroa eḡa ita iavi.
1856	EXO 12:39	Maranai mai Egypt i viaḡaḡana-opunei taui eḡa ai tamaina ita vokaukauei ma laḡilaḡina i opu, taui palawa pasipasi nonoana eḡa yist maiteni i vaia ma palawa bagibagina i apui.
1879	EXO 13:11	“Bada ina ruiemi mai Canaan ai au dobu ma dobuna ina veremi, noinoimi i paripari-vainuaḡani nanare.