183	GEN 7:23	Anina ma Bada anatapuna lawalawaii au dobu i pupuna-pai, rava ma ḡamoḡamo ma kiu ma ḡamoḡamo tetetei, anatapui i viamoai. Noah ma taui aiavoi au waga i gerugeru, taui ava i lawana.
201	GEN 8:17	Ma ḡamoḡamo lawalawai anatapui ma taravaina-opunei, kiu anatapui, ḡamoḡamo au doa tetetei da ina vinatuna ma ina maḡa da dobu ina vioai.”
302	GEN 12:3	Ma aiai i viaiainim, tau ana viaiaini, ma aiai i parivai-apoapoenim, tauna ana parivai-apoapoeni, ma tamei dam anatapui au dobu ana viaiaini.”
303	GEN 12:4	Ma Bada i ririweia nanare, Abram awana Sarai ma maiana Lot Haran i opu-tawanei, Abram ana madeḡa 75. Ai purapura, ai ḡamoḡamo ma ai laralaraga ma i vomairi Canaan aubaina.
405	GEN 17:7	Au parivainuaḡana bagibagina ana vovai-virewapani, tau ma tam ma am epaepaia muriai e nenei da tau am God ma taui ai God.
406	GEN 17:8	Canaan dobuna taputapuna marina e mamae-gubai, tam am epaepaia maiteni ana vere-nonoemi aubaimi ma tau, taui ai God.”
437	GEN 18:12	Sarah i mutu-kaka ma i riwana-melei, “Tau ma awau a magura kaua ma au vinatuna ana mara i kwa. Ma amapo tagotagogina da duama ana morelanei bo?”
696	GEN 26:3	Weka ma mae-gubai, tam maiteni ana mae ma ana viaiainim. Wei dobuna anatapuna tam ma am epaepaia ana veremi. Ma Abraham aiwai a parivainuaḡani ana kauei aubaimi.
776	GEN 28:2	wate ma vomairi ma ma nelaḡilaḡina au Padan-Aram, ḡoḡam Bethuel ana au dam ma kampa avum Leban natunatuna waivinei e mamae, kampa awam ma vaia.
778	GEN 28:4	Ma tam am epaepaia maiteni ina viaiainim me Abraham i viaiaini nanare, da dobu marina e mamae-gubai, God Abraham i verevereia tam ma vibuderiei.”
1087	GEN 37:3	Jacob ana au magura Joseph i tupua ma lamna aubaina natuna nuanuana i vai-kauei, eḡa me natunatuna ḡelaui nanare. Ma gara girugirumana, maiana ḡaeḡaena i kauei ma Joseph i verei.
1153	GEN 39:3	Potiphar i ʼnanai da Bada Joseph i mae-ratui ma i voagui da aiwai anatapuna i kauana-kauei,
1170	GEN 39:20	Anina ma tauna Joseph i vaia ma panipani au numana i tawana-ruiei, mepa gulau ana panipani e mamae ma kampa i mae. Maranai Joseph au panipani-numana
1186	GEN 40:13	Au pom tonuḡa au murina, Pharaoh ina tere-opunem ma am au nola ina tere-melem. Ma tam, Pharaoh ana aniuma kelakana au urana ina tere-melei, me au noana nanare.
1241	GEN 41:45	Ma Pharaoh Joseph wava Zaphenath-Paneah, i verei ma mai On ai pirisi Potiphera natuna guguinina Asenath, Joseph i verei da awana. Anina ma Joseph, dobu Egypt i vibadei.
1260	GEN 42:7	Joseph taui i ʼnanai ma maratagogi i aramanei da taui aiavoi ma i kauana-melei da apamina taui eḡa ita aramanei. Ma riwa bagibaginei i vitara-virevirei, “Taumi meiei o nei?” Taui i paribelei, “Tauai Canaanei a nei da lam ata gimarai.”
1539	EXO 1:6	Muriai Joseph ma varevareina ma nai kimtana i ʼraḡe-pai,
1545	EXO 1:12	Mai Egypt amapo da taui i rau-iviapoapoelei, wate mai Israel amapo da i vivinatuna ma ai dam i rarata au Egypt. Ma lamna aubaina mai Egypt mai Israel i rovoei.
1566	EXO 2:11	Maranai Moses i vilaraga, ma i nae da ana rava oina ita raugenari, ma i ʼnanai menanare mai Egypt ana rava i egari da i nolanola ma i rau-iviapoapoelei, ma i ʼnanai Egyptei Hebrewei i vunuvunui.
1583	EXO 3:3	Moses i vinua-notanota, “Wei lamna aiwai? Aiwai aubaina ai e lebalebara wate ai eḡa ita ararai? Ana nae au ḡereḡerena ma ana tuvirevirei.”
1590	EXO 3:10	Tau a paripari-tawanem, marina ma nae vibadabadana Pharaoh awarina da mai Israel au Egypt ma taravaina-opunei.”
1595	EXO 3:15	Mai Israel ma riwei, ‘Tau Bada, amamami ai God, Abraham, Isaac ma Jacob ai God, tauna i paritawaneu awarimi.’ —Wei Tau wavau Maemae-Nonoana, kimta anatapui wenanare wavau ina ḡorei.”
1881	EXO 13:13	Wate sipu orotona Bada ona verei ma awarina donki natuevouna ona gimara-melei, ma mepa da eḡa ona gimara-melei, lamna donkina uana ona gomui. Taumi natunatumi nelarai natuevoui ona gimara-melei.
1882	EXO 13:14	—Ma mara au murina, natunatumi ina vitara-viravira, ‘Aiwai aubaina wei ta kaukauei?’ Tam ma paribelei, ‘Bada urana vivirewapananei i taravaina-opunelai, panipani numanei au Egypt.
1898	EXO 14:8	Bada, i kauei da Pharaoh, Egypt ai gulau nuanuana i vopotai ma mai Israel i viaḡaḡana-taḡoei, Mai Israel ana tepatorai i nenae.
1899	EXO 14:9	Mai Egypt ana sorodia i viaḡaḡa, Pharaoh ana horse ma chariot anatapui ma horse babadai ma ana sorodia anatapui, maiteni i viaḡaḡa da au gera i mamaelana, i votani dobu Pi-Hahiroth, Baal-Sephon au baba ḡelauna.
1922	EXO 15:1	Anina ma Moses mai Israel maiteni wei voepaepa welana i ravi Bada awarina: Tau ana wela Bada awarina ma ana voepaepai, aubaina ana ḡavia i vipupui, ma horse ma chariot taugeruii au boga i viorerena-naiei,
1971	EXO 16:23	Moses taui i riwei, “Bada riwa bagibaginei wenanare i riwa, ‘Maratom lauvitau vivireina Sabate ana mara, Tau aubaiu. Aiwai apuna o ḡoeḡoeia amadodo ona apui ma aiwai vitavana o ḡoeḡoei amadodo ona vitavi. Ma aiwai i mae-terei, ona tereriei au maratom aubaina.”
2032	EXO 19:5	Mepa da ona voteleteleu ma au parivainuaḡana bagibagina ona vojijina-kauei, lamna dam anatapui au dobu awariei taumi ana vinemi nuanuau pouna. Avena da dobu anatapuna Tau ḡariuei.
2135	EXO 22:20	—Eḡa dobuḡela ravai ona ḡoa-boai, ona notai da taumi mara tagogi o mae dobuḡela ravami au Egypt.
2140	EXO 22:25	Mepa da rava ḡelauna ana kwama u vaia da manena ina veremelem ma muriai ma vere-melei, ana kwama ma vere-melei muriai da madeḡa ina ḡaira.
2462	EXO 32:23	Ma i riweu, ‘god ma kauei da ina ravenita. Ma wei ravana Moses, Egyptei i tere-opunelai, tauai eḡa ata aramanei aiwai awarina i tupua.’
2504	EXO 34:7	Au nuavaina maemaena ina mae au rava awarii da kimta tausan ina kwa ma kaua apoapoe, mae-ḡaeḡae ma ḡoʼapoapoe ina nota-tawanei. Wate tauna eḡa kaua apoapoe taukauei ita inana-tawanei, natunatui ma ḡoḡoḡai, amamai i kaukauei kovoḡana e vaivaia da kimta vitonuina da vi-four-na.”
2506	EXO 34:9	I riwa, “Au bada mepa da riwa kaua da tam nuanuau u vaia, a vivibaḡaim da uta vinao ma tata nae. Wei ravai orai badobadoi, wate ai kaua apoapoe ma ai ḡoʼapoapoei ma nota-tawanei, ma ma vai-meleiai am buderi.”
2729	EXO 40:21	Ma bokisi i ruiei God ana au numa gara vivivireina ma anitereḡaḡara i terei da bokisi i mae-ḡaḡari, Bada i ririwei nanare.
2784	LEV 3:5	Ma Aaron natunatuna wei monamonai sia taputapuna e ararai au tepana ina terei ma ina apu-tagogiei, pulo aniapuna au tepana. Wei amgogona pulona ma ḡabuna i ai kaua Bada awarina.”
3299	LEV 19:17	—Eḡa oram ina raviapiai kaua apoapoena ravana awarina, wate maiteni ona kiala da kaua ona tere-vaijijimani, da eḡa ḡoʼapoapoe ona kauei.
3325	LEV 20:6	Aiai ravana i ḡoei da kaua anoi ita aramanei, lamna Tau ina vibaḡaiu. Eḡa vinuaterena aubaina ina nae konakonaḡa awarii ina bababani. Mepa da aiai wei i kauei, nai ravana ana mae-puputei, ma au rava awariei ana viopuni.
4376	NUM 21:35	Ma gulau Og i viraḡeni natunatuna nelarai ma rava anatapui i viraḡena-pai, eḡa aiai ita mae. Ma mai Israel dobuna i vaia da ai dobu.
4380	NUM 22:4	Ma mai Moab mai Midian babadai i riwei i pa, “Aburuna ava ma wei patarana aiwai anatapuna au ririvata ina pupuna-pai, me bulumakau au wapu modu e amam.”
4382	NUM 22:6	Taui i virewapana kaua eḡa me tau, ma nei ma ravai ma parivai-iviapoapoeni, mepa da tau ravai ana vovaiubai ma wei dobunei ana viaḡaḡana-opunei. Aramanei da maranai tam rava e viviaiaini tauna viaiaina e vaivaia ma maranai u parivai-apoapoeni tauna ina apoapoe.”
4400	NUM 22:24	Ma Bada ana anela etanai ḡuriḡuririna i mae-potai, Grape ḡoroḡorovai epaepana ruaḡa ḡaimei i garigaria au poui.
4439	NUM 23:22	God taui Egyptei i tere-opunei, Aubaii i viḡavia me bulumakau moduei.
4476	NUM 25:4	Bada Moses i riwei i pa, “Babadai anatapui ona vaia ma madeḡai Bada au matana ona viraḡena-naiei, da tau au meji awarimi ina dauva.”
5095	DEU 6:7	Natunatumi ona viararamani. Ona babaniei maranai o viboruboru numa au orana bo o bababara-nae, bo muriai da ona matave bo o matave-vomairi.”
5121	DEU 7:8	Wate Bada nuanuami i vaia ma parivainuaḡana bagibagina noinoimi maiteni i kauei. Ma lamna aubaina urana virewapananei panipani au orana i vai-melemi, Pharaoh - mai Egypt ai gulau awarina.
5153	DEU 8:14	Ona inana-kaua da eḡa ona mae-ḡaeḡae, ma nuanuami ina vuru! Da Bada menanare Egypt ei panipani au dobuna i tere-opunemi.
5947	JOS 5:11	Ma ubaubanai ḡelauna, raḡona au murina, taui witi au wapu i tuarui ma palawa dabadabai i apui ma i am. Ma ubaubanai ḡelauna Manna raua i voterei, taui wei lamna eḡa ita am-melei, ma ai lam wapuei i tuarui. Mai Israel eḡa manna ita am-melei, lam ai au doa au dobu Canaan i vaia da i amam.
6554	JDG 2:7	Mai Israel Bada i viborumei maranai Joshua lawalawaina i mamae ma i ʼraḡe ma kimtana magumagurii biaḡa i mamae i ʼraḡe-pai, wei ravai Bada kaua ḡaeḡae i kauei i vimatematei.
7222	1SA 1:8	Maranai Elkanah awana Hannah i paripari-dadanei, “Hannah aiwai e toutouei? Aiwai aubaina eḡa uta amam? Aiwai aubaina e vivinuabola, natunatum eḡa lamna e vivinuabolei bo? Tau weka! Natunatum nelarai 10 epaiai!”
7227	1SA 1:13	Hannah au nuanuana i raraupari ma ipirina ava i vidagudagu wate eḡa babani ita opuopu. Ma Eli i notai da tauna i uma-bua,
7252	1SA 2:10	Tam am ḡavia ma pupuni; am meji ina viarapawa me waiparara Bada tam dobu ma rauetarei ma am gulau ma vovai-virewapani, ma am vinevine bulobulona ina virewapana kaua.
7279	1SA 3:1	Wei au marai Bada eḡa rava awari ita bababani bo ai au rauboni bo ai au inana ita vivieḡana-melei, mara tagotagogi ava wei i tuputupua. Tevera Samuel Eli i voagui ma Bada awarina i vitaunola.
7422	1SA 10:2	Amadodo rava ruaḡa ma nebelei Rachel ana kokoaga au ririvana au Zelsah, Benjamin ana au dobu. Taui ina riwem, ‘Donkina o baibaiei i nelaḡai. Ma marina amam eḡa donkey ita baibaiei wate tam e vivinuabolem, e paripari-dadana, Menanare natu ana nelaḡanei.’
7584	1SA 15:22	Anina ma Samuel i riwa, “Bada metauna e vinuaiaiei? Votelatela bo pulo ma ḡamoḡamo apuapunana. Votelatela i ai-telara, eḡa me pulo apuapunana; Ma rautaniḡana i ai-telara, eḡa me sipu monamonana.
8197	2SA 7:14	Tau ina viamaneu ma tauna ana vinatunei. Ma maranai i kauana-boai, ana kovoḡi me ama natuna e kovokovoḡi nanare.
8906	1KI 6:7	Ḡaima ḡaeḡaei numa voana aubaina anatapui au weia i ḡarai ma kampa i bori-naiei, da eḡa irama bo aniambori gugurai numavoa gabuna ita vitaniḡa-potai.
8993	1KI 8:5	Gulau Solomon ma mai Israel anatapui parivainuaḡana bokisina au naona; sipu da bulumakau i vunuvunu-naiei, ḡamoḡamo i maḡa guratana da iavana i kauana-avei.
8998	1KI 8:10	Maranai pirisi gabu vivivireina i opu-tawanei, bau potopotona i ḡairai, ma ana boruma numana i purui.
9017	1KI 8:29	Am tempol ma inana-vaitetei, marai ma waguvarai, wei gabuna aubaina u riwa u pa, ‘Tau wavau kampa.’ Lamna aubaina au pari weka ana pariparitawaneiai ma i rautaniḡanei.
9086	1KI 10:4	Sheba ai gulau i aramanei da Solomon nuanuana i ulaula kaua ma; i ʼnanai ana gulau-numana, vigulauna i voai,
9112	1KI 11:1	Gulau Solomon, Egypt ai gulau natuna i ravaḡi ma nanare jentail waivinei i ravaḡa-naiei, ḡelaui mai Moab, mai Ammon, mai Edom, mai Sidon ma, mai Hitti.
9180	1KI 12:26	Mara tagogi gulau Jeroboam wenanare i vinua-notanota, “Mai Israel anatapui e ḡeḡae au Jerusalem da au tempol pulo e apuapui Bada awarina. Ma mepa da nuanuai ina virai ma ina audamana Judah gulauna Rehoboam awarina amapo tau ina viraḡeniu.” Ma wei vigulauna ina nae me David ana epaepaia awarii.
9374	1KI 18:30	Ma Elijah rava i riwei, “Ona nei awariu.” Ma anatapui i nei ma Elijah i mae-kwaviviroi, tauna Bada ana pulo aniapuna i voavoa-melei.
9400	1KI 19:10	Elijah i paribelei, “Oo Bada vivirewapana kaukauam, Tau mara nonoa tam a viborumem - tam ainelam. Mai Israel am parivainuaḡana bagibagina i viaigai, am pulo aniapuna i viairikarikai, ma am peroveta i viraḡena-pai, tau ainelau i votereu, ma marina i ḡoei da tau maiteni ina viraḡeniu!”
9408	1KI 19:18	Wate mai Israel ai maḡa 7,000 eḡa melanai Baal ita raudunelei bo kokoitaui ita vigia-laḡolaḡonei, ina lawana!”
9651	2KI 4:44	Ma lam au naoi i terei ma taui i am ma lam i mae-terei, Bada i ririweia nanare.
9669	2KI 5:18	Tau am taunola ma a ḡoei da Bada au ḡoa apoapoei ina nota-tawanei, kaua tagogi ava awarinei; maranai au gulau a ruiruiei ana au tempol ma tauna au urau e vovojijina ma maiteni a mamae-ḡaira ma Syria ai god Rimmon a viviborumei.”
9992	2KI 17:5	Assyria ai gulau Israel anatapuna i naeni, da i ḡeta da Samaria taon I mae-kwaviviroi, ma i gudu-tomeni da madeḡa tonuḡa i kwa. Maranai Hosea ana vigulau madeḡana 9 i ḡetai, Mai Assyria Samaria taon i ruini mai Israel i pupuna-naiei au Assyria. Ma au Halah, taon, waira Habor au ririvana ma mai Mede ai au taon nununai i verei da i raunuma.
10136	2KI 21:13	Ruvana tagoginei Samaria a kovoḡi ma ruvana tagoginei Jerusalem ma Israel ai gulau Ahab ana epaepaia maiteni a kovoḡi. Jerusalem ravai ana amaḡa-tawanei, me aboma ita amamaḡi, ma i vitaragabubui.
10137	2KI 21:14	Au rava i ḡoʼapoapoe awariu, maranai noinoii Egypt i opu-tawanei da marina. Wei e viviamloḡaiḡainiu. Ma rava mamae‑terenai ana inana-tawanei, ma ana veredamanei ḡavia awarii ma taui ina vovaiubai ma ai purapura ina kwalei.”
10173	2KI 23:4	Ma gulau, pirisi ḡetelarana Hilkiah, ana pirisi babadai ma tempol taupainii i egari da Bada ana tempol au orana aiwaiei Baal ma god wavinena Asherah ma ubona godna morumorui i viviborumei anatapui ita opuneiai. Gulau wei purapurai anatapui i naiei da gaugauba Kidron au ririvana i apu-naiei, ma lapukarei i vivanei au Bethel.
12017	2CH 36:19	Ma God ana Tempol i apui ma Jerusalem garina i viairikarikai; ma gulau ana numa ma numa ḡelaui anatapui ma purapura mae-terenana anatapui i viairikarikai ma i apu-naiei, eḡa aiwai ita mae.
12888	JOB 1:15	ma mai Sabea i ruba-ḡairai ma ḡamoḡamo anatapui i kwalei, am taunola anatapui i viraḡena-naiei, ma tau ainelau a ruba da ata pariverem.”
12889	JOB 1:16	I bababani ma taupariverena ḡelauna i ḡetai ma i riwa, “Namanamara marei i ḡairai da sipu ma taupainii i viraḡena-pai, ma tau ainelau a rubai da ata paripariverem!”
12890	JOB 1:17	Ravana i bababani ma taupariverena ḡelauna i ruba ḡetai ma i riwa, “Mai Caldia boru tonuḡa ana melaḡina i ḡairai ma am kamel i viaḡaḡana-naiei ma taupainii i viraḡena-pai, tau ainelau a ruba da ata paripariverem!”
12905	JOB 2:10	Wate Job i paribelei i pa, “Tam opaopam! Eḡa nanare ma babani. Tauta God kaua maḡamaḡaui ma aiaii e verevereta, ma apoapoei e paripari-tawaneiai, maiteni tana vaia.” Wei kauai maḡamaḡaui apoapoe Job awarina i tupua, wate tauna ana babani awarinei eḡa ḡoʼapoapoe ita kauei.
12912	JOB 3:4	Nai marana ina waguvarei! Ma God au aidamo wei marana ina nota-tawanei, ma au tepana eḡa ina rarana.
13936	JOB 42:10	Ma maranai Job i raupari-vorovei, Bada ana maura i veremelei ma raviai-tepatepani.
14305	PSA 27:3	Avena da sorodia borui ina mae-gariḡuruviu, tau eḡa ana rovo dadana. Maranai au ḡavia i vomairi, tau anina da God ana vivitumaḡanei.
14415	PSA 34:8	Aiai da Bada e vivivirana-kauei, ana anela taui e inana-vaitetei, ma e vivilawani.
14732	PSA 51:9	Au ḡoʼapoapoei ma oḡa-tawanei, ma oḡaiu da ana arapoira da gonu rovena arapoirana ana ḡetawanei.
15454	PSA 90:11	Eḡa aiai am ḡaiawa malana ita vai-kauei. Mepa da am ḡaiawa ata aramana-kauei, lamna tauai ata vivirana-kauem.
15456	PSA 90:13	Oo Bada! Ma nememei awariai. Ma mae-tavirem, ma vinuabolelai, tauai am taunola.
15579	PSA 100:5	Aubaina Bada i aii; natunatuna e vivinuavaina-nonoei, ana vipatutu e mamae-nonoa, kimta au anatapui.
15619	PSA 103:3	Au ḡoʼapoapoe anatapui e notanota-tawanei, ma doria awarinei e vivilawaniu.
15626	PSA 103:10	Anina da ita kovaḡa-kaueta, wate i raunuʼapoapoeleta da kovoḡa eḡa ḡaeḡaena ita verevereta.
15629	PSA 103:13	Me ama natunatuna e rarau-nuapoapoelei, nanare Bada natunatuna e rarau-nuapoapoelei.
15632	PSA 103:16	Anina ma ive i uvena-kapupuei, eḡa ita mamae, ana gabu i kwakwava.
15980	PSA 119:14	Am tarawatu votelatelana a vinuaiainana-kauei, eḡa me vipurapura bo vimane.
15982	PSA 119:16	Am tarawatu a vinuaiaina-kauei, eḡa riwam ana voteretawanei.
16312	PSA 139:5	Tam e garigari-kwaipipiniu, ma uram virewapananei e paipainiu.
16325	PSA 139:18	I maḡa guratana eḡa me bubu, iavana ana kauana-avei, avena da ata iava-pai, tau amapo da tam ana vivinuanainem.
16329	PSA 139:22	Taui a geduaiana-kauei, anina taui au ḡavia.
16610	PRO 5:23	Tauna opaopana ma eḡa ita paina-melei, Ana kaua opaopai aubaii iʼraḡe.
17127	PRO 23:13	Natum e viviorapota eḡa ma inana-tawanei, boreborelei u kwapui Amapo eḡa ma viraḡeni.
17180	PRO 24:31	A inanai da modu i gogo-nae, ma donadona wapuna i vioai. Ma ana gari, i wanarikarikai.
17297	PRO 29:3	Aiai ravana nuaulaula i ḡoana-guratei, nuaiai ḡaeḡaena amana e vereverei. Wate aiai da etanai waivinei maiteni e nenae lamna ana mane ma ana purapura anatapuna e vikalokaloei.
17400	ECC 1:15	Aiwai barabarai amapo eḡa ma vojijimana-melei, aiwai awarim eḡa, lamna menanare ma iavanei.
17406	ECC 2:3	Nuaulaula a ḡoana-guratei, ma a ḡoei da wine ata umai da orau ita telatela ma kaua opaopai ata kauei, da ata aramanei metauna i aii rava au dobu awari, maranai mara tupona ava au dobu e mamae.