23216 | MAT 1:3 | Yuda kampongola Paresi na Zera, wana wa Tamari; Paresi kampongola Hesironi, Hesironi kampongola Arama, |
23237 | MAT 1:24 | Paasisimuke usingizi, Yusufu akitenda kamba vyaambiriwe na laika wa Mola ire, akimpokerera nkawake. |
23247 | MAT 2:9 | Pawansikire nfalume ire, wakúka. Ona, noire nondwa yawawonire ikiwala ire, ikiwalongoza mpaka mahala paakiwa toto ire, ikimira. |
23248 | MAT 2:10 | Pawawonire nondwa ire, watenda radi na wafurahi pakulu sana. |
23261 | MAT 2:23 | Paafikire, akikala kaya ulu yakwitiwa Nazareti ipate vitimiziwe visemiwe na minabii kuwa: “Akwitiwa nNazareti.” |
23280 | MAT 4:2 | Pesire kufunga suku arubaini, usiku na nsana, mwinsho ikinkola njala. |
23296 | MAT 4:18 | Insa, paakenenda nanyenje ya tanda ra Galileya, kawawona wanu, munu na nduye: Ansumani etiwa Peduru, pamoja na nduye Andere, wakitaya nyavu ntanda mure konta wákiwa wavuvi. |
23304 | MAT 5:1 | Pawonire makundi a wanu, Insa akikwera pamwango, akikala. Na wanafunzi wake wakuka wakijumana naye. |
23328 | MAT 5:25 | Patana na aduwi wako upesi paúri naye munjira ipate asukupereke ka mwenyé kulamula, neye kukupereka ka amiri wa kalaboshu, wefyeriwe nomo. |
23356 | MAT 6:5 | Insa kazidi kuwambira kaamba: “Pamulebela duwa, musitende kamba vyawatenda wanafiki. Kamana ewo kuwajibu kwimira kulebela duwa mmasinagoga na mmamembe ipate wawoniwe na wanu. Nukwambirani kweli kuwa wapata futi thawabu zawo. |
23358 | MAT 6:7 | Pamulebela duwa, musisowere novyo-novyo masemo mengi saana mana, kamba vyawatenda sawamwijiwa Mwenyezimungu. Ewo wawaza kuwa, kwa sababu ya usowezi mwingi, wasikiriwa. |
23367 | MAT 6:16 | Ikisa kawambira javi: “Pamufunga, musiwalande manafiki wafunga wajii, kamana wanyatisa kumaso kwawo ipate wawoniwe na wanu kuwa wafunga. Omi nukwambirani kweli kuwa ewo wesa kupokerera thawabu zawo. |
23413 | MAT 7:28 | Pesire Insa kusowera usowezi‑wu, makundi a wanu wakishanga namuna vyaakifunda, |
23419 | MAT 8:5 | Pengire Insa Kafarnaumu, nfalume wa masurudadu wa Roma akinfika karibu, akinlebela, |
23428 | MAT 8:14 | Insa, paafikire nyumba ya Peduru, kansingana nkwewe Peduru alarire pakinanda, ákiwa na homa. |
23430 | MAT 8:16 | Paifikire jironi, wakija nawo kwake wanu wengi wamashetwani. Iye, kwa usowezi wake tu basi, akiwatuwisa mashetwani. Piya wákiwa walwere akiwaponesa, |
23437 | MAT 8:23 | Pengire Insa mungalawa, wanafunzi wake wakinfulata. |
23442 | MAT 8:28 | Pafikire ng'ambu nyengine, inti ya waGerasi, wakinjira kusowera naye wamashetwani wawiri, wakilawa kumakaburi. Ewo wakopesa pakulu futi, pakutowa munu kupita noyo njira‑yo. |
23447 | MAT 8:33 | Wasunga wa nguluwe zire wakitira. Pawalawire, wakuka mpaka kaya ulu, wakereza piya habari zikunire zire na mambo awakunire wamashetwani ware. |
23449 | MAT 9:1 | Pengire Insa mungalawa, akilokera ng'ambu nyengine, akuka mpaka kwawo. |
23473 | MAT 9:25 | Pawalaviriwe panja wanu ware, Insa akingira, akinkola nkono mwari ire, neye akilamuka! |
23477 | MAT 9:29 | Basi, akiwakumbula mmaso mwawo, akamba: “Patani kadiri ya kwamini kwenu!” |
23480 | MAT 9:32 | Pawalawire ware, onani, wanjisira Insa munu mmoja bubu wamashetwani. |
23488 | MAT 10:2 | Mazina a mawalii kumi na wawiri ndiya: wakwanza ndi Ansumani atapiriwe zina ra Peduru, Andere nduye Peduru, Yakobu na Yahaya, munu na nduye wana wa Zebedeyu, |
23498 | MAT 10:12 | Pamwingira nnyumba, komazani. |
23535 | MAT 11:7 | Sambi, pawokire vyawo, Insa akanza kuwambira wanu kuhusu Yahaya: “Paluwanja pare múka kuwona kinani? Nyani wakutikinyiwa na mepo? |
23555 | MAT 11:27 | Piya vinu nigabiziwa na Baba wangu. Hapana amwijíwa Mwana ila Baba, na hapana amwijíwa Baba ila Mwana na ware wakuwa Mwana kawatondola kuwafafanurira. |
23556 | MAT 11:28 | Piya wenye kusokera na wenye kuwa na mashuguli mengi, njoni kwangu omi, nukupani pumuzi! |
23581 | MAT 12:23 | Wanu piya wakishanga, wakamba: “Paa! Sinoyu‑yu ujukulu wa Daudi?” |
23583 | MAT 12:25 | Pejiwe ware cawari kuwaza, Insa kawambira: “Kila ufalume wakwawányika makundi akubishana watupu, ufujika. Na kila kaya au nyumba yakwawányika makundi akubishana watupu, aiinshi. |
23612 | MAT 13:4 | Paakivyala, mbeyu nyengine igwirira munjira, zija nyuni zidodola. |
23634 | MAT 13:26 | Paikurire tirigu ire ikitambuluka, na minyani ikanza kuwoneka. |
23654 | MAT 13:46 | Paasingana ambari moja ya nzuruku mwingi, alawa akuka kuuzanya vyaári nawo piya, akuka kuuza ambari ire!” |
23656 | MAT 13:48 | Pazijala inswi, wavuvi wavutira kungulu, wakwikala, watondola ngema, wakitaya ntenga, sazifãi wakefya. |
23664 | MAT 13:56 | Walumbuze piya atíri nawo pamoja? Piya‑vi vyankunlawirira ndepi?” |
23681 | MAT 14:15 | Paifikire jironi, wanafunzi wake wakinfika karibu wakimwambira: “Epa mahala‑pa panyamazikana na juwa riswa. Wambire wanu‑wa watawanyike woke mmamakaya, wakauze cakurya warye.” |
23689 | MAT 14:23 | Nakwisa kulayana nawo, akikwera yeka pamwango kulebela duwa. Pariswere juwa, akibaki yeka. |
23691 | MAT 14:25 | Paifikire alufajiri Insa akuka akifika mpaka paikenenda ngalawa pare, akenenda julu ya maji, wé! |
23694 | MAT 14:28 | Peduru akijibu, akamba: “Mwenye, ikiwa nduwe, namuru nenende julu ya maji nifike pauri‑po!” |
23695 | MAT 14:29 | Akinjibu: “Njo”. Nakwisuka mungalawa mure, Peduru akenenda julu ya maji, akuka paákiwa Insa pare. |
23698 | MAT 14:32 | Pawengire mungalawa mure, na mepo ire ikinyamala. |
23699 | MAT 14:33 | Piya wákiwa mungalawa mure wakintukuza wakamba: “Kweli-kwelini kuwa Mwana wa Mwenyezimungu!” |
23717 | MAT 15:15 | Peduru akimwambira, akamba: “Ewo nfano‑wo tifafanurire mana ake.” |
23757 | MAT 16:16 | Ansumani Peduru akijibu akamba: “Uwe kuwa Almasihi, Mwana wa Nlungu hai.” |
23759 | MAT 16:18 | Omi novyo nukwambira kuwa uwe kuwa Peduru, na pajulu ya ewu mwala‑wu nijenga jamati yangu, na miryango ya Kuzimu aikidiri kushinda eyo jamati‑yo. |
23763 | MAT 16:22 | Noparepare Peduru akimwitira kunyenje, akanza kunkaidi akamba: “Anta, Mwenye! Vinu-vyo avikukuna futi!” |
23764 | MAT 16:23 | Fala iye akizungunuka, akimwambira Peduru: “Uka nyuma yangu‑ko, Ibilisi! Kwangu omi, uwe kuwa kisiki cakukwakuriwa, konta auwaza víri ka Mwenyezimungu, ila ka wanadamu.” |
23770 | MAT 17:1 | Bandi ya suku sita, Insa akintwala Peduru pamoja na Yakobu na Yahaya, munu na nduye, akikwera nawo pamwango nrefu yeka yawo. |
23773 | MAT 17:4 | Akilawa Peduru akimwambira Insa akamba: “Mwenye, vyema futi ofwe kwikala mahala‑pa! Mukisaka, nijenga nopa vibanda vitatu: kimoja cenu, cengine ca Musa, na cengine ca Aliyasi.” |
23777 | MAT 17:8 | Pawenure uso, awammonire munu, ila Insa tu basi. |
23778 | MAT 17:9 | Pawesuke pamwango pare, Insa akiwalaizira, akamba: “Musimwambire munu amuwonire are, mpaka Binadamu wa Binguni afufuriwe ka wafwi.” |
23783 | MAT 17:14 | Pawafikire karibu ya wanu wengi, noparepare akija munu mmoja ka Insa, akikokora mbere yake, |
23791 | MAT 17:22 | Pawekare pamoja Galileya, Insa kawambira wanafunzi wake javi: “Binadamu wa Binguni aperekiwa mmakono mwa wanadamu, |
23793 | MAT 17:24 | Pawafikire Kafarnaumu, wanu wákiripisanga nsoko wa jarajara mbiri, wakimukira Peduru, wakindairi javi: “Nsoko wa jarajara mbiri, mwanlimu wenu aripanga?” |
23794 | MAT 17:25 | Iye akamba: “Aye, aripanga.” Basi Peduru pengire nnyumba mure, Insa kawa ntanzi kusowera, akindairi javi: “Ansumani! Kwankuwona mwaja? Mafalume wa muinti‑mu wapokerera nsoko au ushuru ka wanuni? Ka wana wawo au ka wanu wengine?” |
23795 | MAT 17:26 | Akilawa Peduru akijibu: “Ka wanu wengine.” Sambi Insa akisema javi: “Basi, wana wawa nawo uhuru, awaripa. |
23817 | MAT 18:21 | Sambi, Peduru akinfika karibu, akindairi: “Mwenye, akinikosera mwenzangu inilazimu ninswamii mpaka mara nyengapi? Mpaka mara saba?” |
23820 | MAT 18:24 | Paanzire kuwalangirana nawo, wakinjisira cadeni mmoja akiwiriwa talanta alufu kumi. |
23858 | MAT 19:27 | Nakuwajibu, Peduru kawambira javi: “Ofwe tasa piya, tukufulata uwe. Faida yetu ofwe ndi yepi?” |
23869 | MAT 20:8 | Pariswere juwa, mwenyé masamba ire kamwambira kapatashi wake javi: ‘Wete wakolakazi piya, uwaripe nshahara wawo, uwanze wajíre mwinsho mpaka wanzire kuja.’ |
23871 | MAT 20:10 | Pawafikire wanzire kuja ware, wakidanizira kuwa wapokera nzuruku mwingi, fala kila mmoja kapokera novyo jarajara moja ya parata! |
23872 | MAT 20:11 | Pawapokere, wanduguda mwenyé masamba ire, |
23891 | MAT 20:30 | Sambi, wekala nanyenje ya njira vipofu wawiri. Pawasikire kuwa Insa kankupita, wafula uto, wakamba: “Mwenye mwana wa Daudi, tiwonere utungu!” |
23893 | MAT 20:32 | Pawemire, Insa akiweta akiwadairi: “Musaka nukutendeni mwaja?” |
23929 | MAT 21:34 | Paifikire karibu ya mavuno, kawatuma watumisi wake ka warimi ware, wakatware visumo vyake. |
23935 | MAT 21:40 | Paasaka kuja mwanyewe masamba are, warimi ware awatendaja?” |
23950 | MAT 22:9 | Basi ukani mmasimana-manjira. Piya wamusaka kuwansingana onse warifuni waje kuharusi kuno.’ |
23963 | MAT 22:22 | Pawasikire javire wakishanga dwaraa. Wakimwasa, wakuka vyawo. |
23982 | MAT 22:41 | Pawajumane Mafarizeu pamoja, Insa akiwadairi, akamba: |
24087 | MAT 25:10 | Pawalawire kuka kuuza, akifika mwenye-harusi. Wári waritengeze ware wakingira naye njambo, nryango ukifungiwa. |
24108 | MAT 25:31 | “Paaja kwisuka Binadamu wa Binguni, na utukufu wake na piya malaika wakuwa pamoja naye, basi akwikala julu ya kiti ca utukufu wake. |
24125 | MAT 26:2 | “Mukwijiwa kuwa ubaki muda wa suku mbiri, ífika suku ya Pashukwa, na Binadamu wa Binguni aperekiwa akagomezeriwe pansalaba.” |
24129 | MAT 26:6 | Paafikire Insa Betaniya nyumba ya Ansumani camagundula, |
24140 | MAT 26:17 | Suku yakwanza jambo ra mikate saitayiwe furumento, wanafunzi wamúkira Insa wakindairi javi: “Ndepi pausaka tikakutengezere cakurya ca Pashukwa urye?” |
24141 | MAT 26:18 | Neye akiwajibu: “Ukani mpaka kaya ulu, ka mwananlume mmoja, mukamwambire javi: ‘Mwanlimu katumiza javi: Wakati wangu uwa karibu kufika. Nukuja kwako kutenda Pashukwa pamoja na wanafunzi wangu.’ ” |
24142 | MAT 26:19 | Wanafunzi ware wakitenda kamba vyawatumiwe na Insa, wakitengeza jambo ra Pashukwa rire. |
24143 | MAT 26:20 | Paufikire usiku, Insa kekala pamoja na wanafunzi wake kumi na wawiri kusaka kurya. |
24144 | MAT 26:21 | Pawakirya, iye akamba javi: “Nukwambirani kweli kuwa piya-mwe mmojawapo anizungunuka.” |
24149 | MAT 26:26 | Pawakirya, Insa akitwala nkate, nakuntukuza Mwenyezimungu, akimeya akiwapa wanafunzi wake, akisema akamba: “Twalani mutafune, ewu ndi mwiri wangu.” |
24153 | MAT 26:30 | Pawesire kwimba nyimbo, wakilawa wakuka mwango wa Mizaituni. |
24156 | MAT 26:33 | Peduru akinjibu, akamba: “Anta ikiwa piya wabugudika nawe, fala omi sishubutu futi kubugudika!” |
24158 | MAT 26:35 | Peduru akimwambira Insa javi: “Anta paiwa kuwa tikufwa pamoja, sishubutu futi kukukana!” Na wanafunzi wengine ware, piya wakisema novire. |
24160 | MAT 26:37 | Nakunsukula Peduru na wana wawiri wa Zebedeyu, akanza kukafilika, akiuzunika. |
24163 | MAT 26:40 | Akija ka wanafunzi wake, kawasingana walarire usingizi, akimwambira Peduru: “Kú, amukidirire kurinang'anizira pamoja nomi nanga ora moja basi? |
24181 | MAT 26:58 | Sambi Peduru akinfulata baidi futi, mpaka nluwani mwa nkulu wa wakulungwa wa dini. Akingira akikala pamoja na mashikarakanzi apate kwijiwa mwinsho wake. |
24192 | MAT 26:69 | Sambi, Peduru kêkala panja nluwani. Ntumisi mmoja mwari akinfika karibu yake, akimwambira javi: “Nowe novyo úkiwa pamoja na Insa nGalileya!” |
24196 | MAT 26:73 | Mpunde sinkulu wanu wákiwa nopare wakimukira Peduru, wakimwambira: “Kweli-kwelini, na uwe novyo nkonjo wenu mmoja na ware, konta kusowera kwako umanyirika!” |
24198 | MAT 26:75 | Sambi Peduru ire akikumbukira usowezi waâsowere Insa ure kuwa: “Kokoriko saanawika, unikana mara natu.” Basi akilawira panja, akanza kurira pakulu futi. |
24199 | MAT 27:1 | Pakucere subuu namapema, wakulungwa wa dini pamoja na wazee wa Mayahudi piya wakisikizana kumuulaya Insa. |
24200 | MAT 27:2 | Wakinfunga, wakintwala, wakimpereka ka guvinadoru Pilatu. |
24211 | MAT 27:13 | Sambi Pilatu akindairi: “Ausikira vyawamba‑vi kuwa wankukusowerera nowe?” |
24213 | MAT 27:15 | Sambi, íkiwa tabiya ya guvinadoru, ikifika suku ulu ya Pashukwa, wanu wakintondolanga nfungwa mmojawapo wawansaka onse afunguriwe. |
24215 | MAT 27:17 | Kwa javyo, wanu pawajumane pamoja, Pilatu akiwadairi javi: “Umwe wamunsaka afunguriwe ndi wepi‑pa? Baraba au Insa wakwitiwa Almasihi?” |
24217 | MAT 27:19 | Visitoshe, Pilatu ekare kiti cake cakulamula, nkawake akimperekera habari zakwamba: “Usiritaye na eyo munu wa shariya‑yo! Nitabika vinu vingi rero kwa kulota kwa sababu yake.” |
24220 | MAT 27:22 | Mwinsho Pilatu akiwambira: “Sambi Insa wakwitiwa Almasihi nintende mwaja?” Ewo piya wakijibu: “Agomezeriwe pansalaba!” |
24222 | MAT 27:24 | Kwa javyo, Pilatu paawonire kuwa acipo cakukidiri tena ila shonge ya wanu ire ikizidi, basi akitwala maji, akinawa mmakono mbere ya wanu ware piya, akamba javi: “Omi‑pa sina kosa julu ya damu ya eyu munu‑yu. Eyo shauri yenu wanyewe.” |
24224 | MAT 27:26 | Basi Pilatu akinfungula Baraba, akiwapa. Fala Insa, bandi ya kucapiwa, wakimpereka agomezeriwe pansalaba. |
24225 | MAT 27:27 | Ikisa masurudadu wa Pilatu ware wakintwala Insa, wakimwingiza nnyumba ya kifalume, wakikusanyika piya masurudadu ware, wakinzunguriza. |