13973	PSA 4:3	Ginu kuupbam! Tapduu datdasing binga ginda natane umana yaitapaakusiwan natane umana kopsa akngata wena siwik? Tapduu datdasing binga sanga kem taknga akngae natanggamataning? Tapduu datdasing binga ginda kem taknga inata inata tawake tasining?
14021	PSA 7:18	Ngan, natapnong! Anutu waapa nomana sikngaapa. Unzingge nata ie gaak wamu ininggat. Nata Anutu enane siknga yuak kapae kau taike umana yatangenawit.
14222	PSA 22:2	Anutuna! Natane Anutuna! Dasingge na napmanggayak? Dasingge gata na dua siknga gatangamunggayak? Dasingge gata kwanamu nata gae sikgat takngae maau dua siknga panggayak?
14380	PSA 32:6	Unzingge aminu kuupbamu ga gawakaingu apmanu waaminda tumuk wam ganinong. Sike meya aknga buyambam ba siwik, unzing yanggata buyambam paptake amin kaitake kunggak binga siwanu, meya akngata waaminu dua pasiwan maining. Wena Siknga!
14554	PSA 40:6	Anutu, Buyambam tapana, gata puya nomanu kwaapzang nin gatanimunangge tasikuyak. Aminu ga binga tapatu wena. Gata asiknga yapbikuyak. Sike nata gae wamu amin yanike puya gata tasinggayakge gatu natdetdet takngakaatde yaniwiu mateknga dua. Mate! Sanga wa kwaapzang siknga. Gata sangabamu nin gatanimunangge pekuyau kendetnanga dua.
14560	PSA 40:12	Buyambam tapa, na atnataat. Musip kwikwiu gatane aknga nae natangamunangge ma kotnawim. Wena! Gata nae butaya asinggan nataayak. Gata nae take natangamuke gata wam noman takngaka tawanggayak. Waaknga tawake gata na kakuya asinggan tasinggayak.
14615	PSA 44:18	Anutu, ninu gae dua botakumang. Aho! Gatane pasap wamba ninu dua yamasandemang. Siwan ngana sanga wa ninkatang apbut.
14651	PSA 46:9	Ayok! Ginda Buyambam tapata puya pasinggak kaknga kanong. Ginda musipzane Buyambam tapata sanga takngatu takngatu kepdakane tasinggaunin kaning.
14713	PSA 50:13	Asikaya na kao wawi gwendane gamanggamai apba nanggat? Asikaya na meme wawi gwendane daknga apba tangokgat, ba? Wena!
14733	PSA 51:10	Gata musipma tasiwi apbakngayok. Siakan siknga! Gata nae waiaknganae meya namukuyak. Namuke natane kwatana zipmanggamumbi apuking ngana gata na tasiwi kwatana waapa apata gatuna take siwanu nata apbakngawit.
14742	PSA 51:19	Ayok, Anutu! Nata ninae natapa epan nata gae gepbiatang koyuwit. Sike wa natane yamuyamuk takngana binga. Na atnataat. Gata aminu tapatuta inane waiaknganae meya natake umana inane aknga natapan epik. Natapan epan kake gata wa apae masa dua siknga imiyak.
14753	PSA 52:9	Kanong! Aminu aapa Anututa gatangamuke tapan kekekawikge dua natapbut. Ita baniu kekeknga siknga sangaapana buyambamdekan natapbut. Gatu, waiaknga nata tasike take apme yuwit, ngang natapbut.
14778	PSA 55:7	Ayok! Nata anzing yakum, “Butaya, na piana kwaitdane binga kaa gamun. Manggamu bepmake kuke paku keu komdune yuwa takawan.
15029	PSA 70:4	Aminu na nanisapduke, “Apa! Gataaa,” ngang nanikaing. Siwan nata nataau waaminda kumzang siknga maakake dasingga yuyuknga yuaingu kake kasatnaningge nataat.
15285	PSA 81:9	Natane aminabam, daniwa natapnong! Nata wamu kekeknga aknga ginde gwaut wam daniwit. Ginu Isrel amin, natane wamu ginda natapningge take siknga nataat.
15306	PSA 83:5	Waaminda anzing yakaing, “Ayom! Ninda Isrel nana wena aknga pasinim. Siwan aminu kunduta waaminde umanae gatu dua natapning.”
15423	PSA 89:33	Ayok! Nata wai aknganae natapa kuwan nata meya yake yamit. Siwan nata gutongana tasikaingge natake atzipmake toknga yamit.
15507	PSA 94:10	Ita amin kuupbam kayuak. Ayok! Asikaya ita waakwau dua papanomataning, ba? Siwan waapa aminu kuupbamdane yanindamumsa apa. Asikaya i natdetdetna wena ba?
15521	PSA 95:1	Ginu apnong! Ninda apbakngake kau Buyambam tapatane umana yatangenatnangge taina. Ninda Anutu kekeknga siknga apata ninu gatu pakutde natake ninda kap taike ie ainggamatake apbaknganim.
15533	PSA 96:2	Kau Buyambam tapae tainong. Taike itane umana yatangenatnong! Tapduk tapduk ginda aminbamu anzing yanikapnong. Buyambam tapata inane aminu panggakge yanikapnong.
15560	PSA 98:4	Ginu aminu kepna kepna nanata kap taike Buyambam tapae apbaknganong! Siwan musip gwaang kap taike itane umana ayatangenatnong!
15595	PSA 102:8	Siwan na apekgat komune pewa ngana kaina petnanga dua singgak. Butaya! Na ninatakan kwaiu gwenduta inatakan yot dum tangan yuak binga yuat.
16153	PSA 121:4	Siakan! Ita Isrel nana amin toike waapa dapunu dua pekgak. Wena siknga.
23251	MAT 2:13	Siwan aminu waakwakga gwa kuwana Josepda mia takngatu kawawan angelata anggaman singaawan kakut. Kaawan waapata anzing inikut. “Enat! Tupantapa Herotda engang waapa tangutenangge natake apmaatzim tawambik. Ge ga enake engakat mingaat papi Isip kep komune datakunong. Datakuke undang yuwawa apmea nata daniwa ginu gatu ane apnong,” ngang inikut.
23270	MAT 3:9	“Suu ayuaing gwegwenu sanga moo binga ngana Anututa tasiwan supda Ebrahamdane donga dakngananga. Siwan ginda wamu anzingu ma yawam. ‘A! Ninu Ebrahamdane dongune aake yuamang. Yuwatna Anututa nindupan aminu noman aminda yuaing ngang ninduak,’ ngangu ma yawam. ‘Ninduakge dasingge musipminu tana tekwambik,’ ngangu ma yawam,” ngang yanikut.
23288	MAT 4:10	Iniwan natake Jesuta yake anzing inikut, “Anututane wampatang wamu takngatu anzing matakut, ‘Anutu Buyambam tapae inimbakngake ie puyaekan natake tasingamuyo,’ ngang matakut takngae natake dua ganimbakngawit,” ngang inikut. Unzing inike “Seten! Ga napmake kungga,” ngang inikut.
23295	MAT 4:17	Sike tapduu waomune Jesuta tuwanguke wam yake anzing yakapbut, “Ginu musipza tapa tekwamsok! Tapduknga Anututa amin panangge tasinggak kakngata apnangge dapaknga gwa singgak,” ngang yanikut.
23326	MAT 5:23	“Siwan gikatnana tapatuta sangana Anutue imunangge natake yot takwan gwene pakopik. Pakoke sanga apbotakut taknga gatuna natapik. O! Nata notnae wai takngatu tasingamukum. Wai waaknga tasiwa nae wai nataak ngang natapik.
23406	MAT 7:21	“Siwan kunduta, ‘Kuyanin! Kuyanin,’ ngang nanike ngana siakan siknga dua nataaing. Kautdu kem yakaing. Siwan Anututa gwaboknga unzing yaya aminde ziyamunanga dua. Siwan Nanin enandang yuak kapatane banip tawananu Anututa gwaboknga zitnimik.
23407	MAT 7:22	Tapduknga Anututa amin usanziwik gwekatangu aminu buyambamda anzing nanining, ‘Kuyanin! Kuyanin! Gata ninipewi kuke gatane wam takeaknga ngang yanikapbumang. Ninipewi kuke waung waiakwak yanikwasike puya kekeknga takngatu takngatu buyambam pasikumang. Pasina dua nindupbuyak ba dasing,’ ngang nanining.
23412	MAT 7:27	Siwan sopa ataawan yangga apaptawawan gotda kekeknga puyapan you wagwenu apimakut. Ngan, ita asiknga pimakut!”
23443	MAT 8:29	apaa siknga anzing inikumayak, “Anututane waaknga! Gata ninde dasing tasinimuya? Apmanu tapduu dua siwawan ngana gata apuke ninde toknga nimunangge apunggayak ba dasing,” ngang inikumayak.
23450	MAT 9:2	Kuke yuwawan mait aminu tapatu kwatai gatukande gwa kumbing kapa notnata Jesue bek gwene teke gwaamutakuking. Gwaamutakuke Jesuta maitna apme sandekngamik ngang natapa kekekakut taknga kake Jesuta mait sikut tapa anzing inikut, “Waatdakana! Waiakngaka gwa sandekgamunggat.
23491	MAT 10:5	Siwan Jesuta ninu aminu katau kuut musa kepianganu tapaaya ngangge anzing ninikut, “Ginu aminu dongu kundune nana Anutue dua nataaing aminde ma kuwam. Siwan ginda Samariae yotbam gapmane ma kopam. Wena!
23549	MAT 11:21	“Ginu Korasin nana! Tokngabam paning. Ginu Betsainda nana! Tokngabam paning. Aminu taptuta duya takngatu Taiaat Sodom yot gapmaaune nata yotza tasikum binga tasikut gamu tupa siknga Taiaat Sodom nanaatda musia tapa tekwamban meya siknga natake bek saau taukge binga wamake muyup gwene yuwam,” ngang yanikut.
23560	MAT 12:2	Nayuk kuwatna Ferisi aminu kunduta ninduke Jesu kaanga anzing iniking, “Natapso! Tapduk yuwatakak gwene puya dua tasinimde mama wamda ayandaknganggak ngana pandetdata sandeke pasiwawa dua kayak ba dasing,” ngang iniking.
23586	MAT 12:28	“Sike Anututane Waung Kapata gatangaman waung wai yanikwasiwa kuwa ginda natdeke tapduknga Anututa amin panangge tasinggak kakngata ninde gwa apbut ngang natapnong!
23611	MAT 13:3	tuwang wamu takngatu takngatu yanike wamu buyambam anzing yanikut, “Natapnong! Aminu tapatuta nanam zak pake paku puyaangatang muban pimaking.
23709	MAT 15:7	Ginu kem amin! Ayanikapsaapa Aisaiata ginu noman siknga tuwanguke anzing yakut.
23786	MAT 17:17	Iniwan yake anzing inikut, “Ginu Anutue natapa siakan dua siwan yamandet sikaing amin! Na gikat gatake yuke asinggan asinggan dandupewa ginda meyaaknga nama gwaamuba take dua siwik. Ginda waapa nae ane takapnong,” ngang yawan takapa
23824	MAT 18:28	“Sandekngamuke initewan kuke waapasimda notna tapatu puya takngatukan tasike yukumayak kapa kakut. Kake waapata mani mateknga ngang yake imikge inikut. Inike guyakngaatang panggamuyuk mani yake, ‘Nam! Nam,’ ngang inikut.
23900	MAT 21:5	“Ginda aminu you Saion gapmanenana anzing yaninong, ‘Kanong! Buyambam tapasata ginde apunggak. Ita inane umana dua tangenakgak kapa dakngake ikwawa gaman gwene engatangan pukwike apunggak. Ita engatangan ikwawa gaman sangaapa papsa gwene pukwike apunggak,’” ngang yanikapsa aminda yakut taknga buya unin aakut.
23904	MAT 21:9	Siwan aminbamu kundu tupan kuwawa kundu masan apuyuk anzing yanggammataking, “Devitdane dongune aakut tapata apan kana take siknga singgak. Umana tangenatnong! Anutu enane yuak kapata kawan take siknga singgak,” ngang yaking.
24000	MAT 23:13	“Ginu mama wam yanindamumsa amikat Ferisi amikat ginu genza gwakngayasa kaya! Ginda toknga aknga apaning! Ginda Anututa amin panangge tasinggak kakngae gwabou aminbamde nomune yapukaing. Gisa undangu dua koke aminda kopnangge tasiwa ngana ginda dua kapewa kokaing,” ngang yanikut.
24001	MAT 23:14	(“Ginu mama wam yanindamumsa amikat gatu Ferisi amikat ginu genza gwakngayasa kaya aminu toknga aknga apaning! Ginda maya kombakobatdane yotna kaiwa kuwa tumuk wamu mamaya siknga wai waakngasa takusopunangge yakaing. Unzingge ginda toknga siknga paning,” ngang yanikut.)
24002	MAT 23:15	“Ginu mama wam yanindamumsa amikat Ferisi amikat ginu toknga aknga apaning. Ginu genza gwakngayasa kaya amin! Ginda aminu tapatu tapan pandetza dakngawikge natake yanggabam gwene kuke kepdakane kuke aminu tapatu tapa gindane pandetza dakngake katap bapatang kunanga amin gisa binga daknganggak. Ngana ginda tasiwa aminu waapa waiaknga tasike ginu atdapbikgak,” ngang yanikut.
24004	MAT 23:17	Ginu katukatum! Kaisa akusiya amin! Gol sake pakapu Anututane yot takwan gwene pewa gatakukingu takwan daknganggak. Siwan gol pewa gatakukingu wa sasanda yot takwan gwenu yapbike sanga buyambam siknga singgak ba dasing? Wena.
24006	MAT 23:19	Ginu kaisa akusiya amin! Buka gwenu sangana Anutue imuke pengamukaingu takwan daknganggak. Siwan sanga Anutue imukaing kakngata buka wagwenu ayapbikgak ba dasing? Wena.
24010	MAT 23:23	“Ginu mama wam yanindamumsa amikat gatu Ferisi amikat ngangu ginda toknga aknga apaning! Ginu genza gwakngayasa kaya amin! Ginda iyaknga kuupbam puyanenana katau kuut musaat pake usanzike kasam gatu tabapmensam gatu gwapda ngang usanzike kendewa kuku mingandaka singgakgan Anutue imuke mama wamu kwanga aknga tawake tasikaing. Ngana ginda wamu meya kananga aknga gwa teking. Unzing wamu nomana akngane amin usanzitnanga aknga gatu sanga kwikwiknga akngaat gatu Anutue natapa kekeknga siya aknga kuut gwa teking. Sike mama wamu wa meya kananga aknga dua teke sanga katau minga dakakan imanu take siwik,” ngang yanikut.
24011	MAT 23:24	“Ginu kaisa kusiyata aminde kepi yeuyamunangge tasikaing! Ginda inguingutda yangga akngane yuwa kake kwaipamaba kuwa tangokaing binga tasikaing ngana ikwawa gamanda yangga akngane yuwan kake ngana ngok pamukaing binga tasikaing.
24012	MAT 23:25	“Ginu mama wam yanindamumsa amikat Ferisi amikat ginda toknga aknga apaning! Ginu genza gwakngayasa kaya amin! Ginda bapusatane wam tawake kapzaat dopangzau kepmangan saukaing ngana sangaapa panangge toknga natake ginda gwaut wam yayuk mani pake kait pasike mani pakaing kakngatakan banipzaatang dokgak,” ngang yanikut.
24013	MAT 23:26	“Ginu Ferisi aminu kaisa akusiya amin! Tupanu kapza amaakatangu sauwana kepman saakaya dudumna kuut siwik.
24014	MAT 23:27	“Ginu mama wam yanindamumsa amikat Ferisi amikat ginda toknga aknga apaning! Ginu genza gwakngayasa kaya amin! Ginu unzing matmat gapma penu kwaknga gwenda pasikaing binga. Kepmanu kana dudumna siknga singgak ngana amaakatangu amindane kwataiat gatu apbukatanggakat ngang undang doke yuak.
24016	MAT 23:29	“Ginu mama wam yanindamumsa amikat Ferisi amikat ginda toknga aknga apaning! Ginu genza gwakngayasa kaya amin! Ginda anzing yakaing, ‘Ninda tupa siknga bapuninda yuking komune yukumang gamu ninda ayanikapsa amin zipningge dua gatayamunam,’ ngang yake ayanikapsa aminu wa noman amin takwakge apbakngane matmatna tanomunuke tupa kwaiking komune yot matek mitake sanga kawa take siwikge sanga tasikaing.
24019	MAT 23:32	Ayok. Ginda bapusata tuwanguke tasiking kaknga undang tasiwa puyuyok!
24024	MAT 23:37	“Jerusalem nana! Jerusalem nana! Anututa yanikapsaat kuwikngaat yanipewan kuwawa ngana ginda asinggan inandek inandek supda zipa kungwakaing. Ginde butaya natake taau minga gwenda gwauya wam yawan matekngata apa piata usikwatapan amakatang yuaing binga ginu Jerusalem nana gatu gatu yandawamba ngana ginda apbitake yuaing.
24049	MAT 24:23	Sike tapduu wagwene aminu tapatuta anzing daniwik, ‘Kanong! Krais gatanimuya apata andang yuak, ba ita atunzing yuak,’ ngang yawanu ginu, ‘Siakan,’ ngang ma natapam.
24051	MAT 24:25	Natapnong! Nata ie gwa danit.
24052	MAT 24:26	“Unzingge aminda anzing ba danining. Kanong! Ita atu amina wena kopatang yuak ngang daniwanu ugwak saau ma kuwam. Siwan gatu anzing ba yaning. Kanong! Ita you anggwekatang yuak ngang daniwanu siakan ngang ma natapam.
24068	MAT 24:42	“Unzingge ginu katak siknga tandakngake yutnong! Na gindane buyambam tapasata apitde tapduknga ginu dua nataaing.
24069	MAT 24:43	Daniwa natanggamatanong! Tupanu yot toikga zaapduknga zikaane kuka aminda apikge katak natakengu ita tandakngake yuke dua katewan kuka aminu waapata yotna waike yotnaatang kopik.
24083	MAT 25:6	“Apeke yuwawa petakumat dakane wamu takngatu anzing yakut, ‘Aminu maatna gwa takut tapata asapunggak! Ginu apu kawa iat gatake yutnong,’ ngang yakut.
24086	MAT 25:9	ngana maya natdetdetna kayata anzing yaniking, ‘Aho! Kerosinu buyambam dua. Ginde damukengu atdapnim. Ginu usiwam yot kuke gisa usinong,’ ngang yaniwa
24088	MAT 25:11	“Koke gitna yapukusiwana maya mateu kerosin usinangge kukingu apu anzing yaking, ‘Buyambamtapa! Buyambamtapa! Gata gwabou ninde zitnimung,’ ngang iniwawa
24103	MAT 25:26	“Iniwan ngana yake kaanga anzing inikut, ‘Ga kamun siknga apa! Aminu tapatuta keu komdune nanam zak mukgau nata apanggat ngangu siakande nataayak ba dasing?
24118	MAT 25:41	“Unzing yanike aminu kundu kwana saak yutningu anzing yaniwit, ‘Ginu toknga pananga amin! Ginu na napmake katau dua kungwanggak gwenu Anututa tandakngatekuu Setenkat puya aminaatda kuke toknga apaning gwene kunong.
24162	MAT 26:39	Yanikenga kundusim kuke nomda pimake tumuk wamu anzing yakut, “O Nana! Take siwanu meya wa kawit taknga sandekngamuyo. Ngana gata nae banip ma tawambim. Aho. Gata gikae banip tawamso,” ngang yakut.
24168	MAT 26:45	Siwan masande gatu apuke pandetna anzing yanikut, “Ginu gatu gatu danit ngana dapunza asinggan peke yuwatakakaing ba dasing? Natapnong! Tapduknga na aminbamde notna dakngake yuat tapa wai aminde katakngane yeuyamuningge gwa singgak.
24169	MAT 26:46	Ginu enawa kuna. Kanong! Aminu ayeuyamik kapata gwa apunggak,” ngang yanikut.
24186	MAT 26:63	ngana wamu dua yakut. Yake dua iniwan kake tupan aminu waapata anzing inikut, “Nata siakande siknga Anutu kayuk yuak kapae umande ganikwaiwa gata asiknga ngang niniyo! Ga Anututa tapan Kraistapa dakngake Anututane waaknga yuayak ngang kakengu gata niniwi natapnim,” ngang iniwan
24227	MAT 27:29	Tasingamuke nau bombingga gwasike gwapakngane kupnae buyambam tapatane binga gwapungamuking. Gwapungamuke pitamu tapatu kataknga siapane iman buyambam tapata binga take yuwawan inengan kuku muna puke ie sapdut wamu anzing iniking, “Judia amindane buyambamtapa! Gata asinggan asinggan yuyo,” ngang inike
24238	MAT 27:40	“Aminu gaapa Anututane yot takwan waike tapduu gweaat gwenduatdekan mitanggaunin. Gika gatanggamuyok! Sike ga Anututane waaknga kakengu amin saamdaka take ep,” ngang iniking.
24244	MAT 27:46	Jesuta inae wam tangan apaa anzing yakut, “Ilai, Ilai, lema sabaktani,” ngang yakuu tana tekwamban, “Anutuna! Anutuna! Dasingge gata na napmambi yuat,” ngang yakut.
24252	MAT 27:54	Siwan amak aminu tupan tapaat iat gatake yukikatda Jesue kayuke kawawa miyamun siwan kawawa sangabamu siwan kumzang siknga gwauke anzing yaking, “Siakande siknga! Aminu aapa Anututane waaknga,” ngang yaking.
24308	MRK 1:24	“A! Ga Jesu! Nasaret yot gapmane nanaapa! Ga ninde dasing tasinimunangge apunggayak ngang yanggamatake gata apu ninu apasiwi mainimde ba apunggayak? Nata gae Anututane aminu dudumnaapa ngangu gae atnataat,” ngang inikut.
24383	MRK 3:26	“Siwan Setenda inane dongae iwan dakngawanu ita kekeknga yutnanga dua. Aho! Ita wena asiwik,” ngang yanikut.
24395	MRK 4:3	“Nata ginu daniwa natapnong! Aminu tapatuta nanam zak pake paku puyaangaatang muban pimaking.
24416	MRK 4:24	“Wamu ginda natapbing kaknga katak siknga natdetnong! Wamu wa natdekaing kaknga buyambam ba mateknga pakinga kakengu ina unzakan dua paning. Kunduat isakoyamik.
24430	MRK 4:38	Siwan Jesu dopangbam gwenu maseatang yuke pilo gwendune dapuna peawan tanguwa enawan anzing iniking, “Yanindamumsaapa! Dakpaknga siknga ninu kumnanggekamang. Siwan ngana butaya dua natanimuke dapunu pekgayak,” ngang iniwa
24626	MRK 9:19	Iniwan natake ita aminbam anzing yanikut, “Ginu Anutue natapa siakan dua siwan yamandet sikaing amin! Na gikat gatake yuke asinggan dandupewa ginda meya aknga nama gwaamuba take dua siwik. Ginda waatdaka waapa nae takapnong,” ngang yanikut.
24632	MRK 9:25	Iniyuwawan aminbamda ie isapmake apu yupbasinangge tasiwa kake ita waung wai waapa kaanga anzing inikut, “Ga waungu waatdaka aapa tapi genaat maakngaat kusikut tapa nata ga ganinggat. Gata waatdaka aapa teng! Teke gata gatuka i ma tapim,” ngang iniwan
24681	MRK 10:24	natake asatnaking. Siwan ngana wamu yake anzing yanikut, “Waatdakana! Anututa amin panangge tasinggak kakngae gepbiatang kopnanggengu aminda kwatan siknga tasining.
24685	MRK 10:28	Siwan Pitata yake wamu takngatu anzing inikut, “Natapso! Ninu sangabamin peke gaat unekan gatake sukukamangga kayuk yutnim taknga apanim ba dasing,” ngang inikwaikut.
24704	MRK 10:47	Yayawake natawawan tapatuta yake Jesu Nasaret nanaapata apunggak ngang yawan natake apaa anzing yanggamatakut, “Jesu! Ga nindane Buyambamtapa. Ga Devitdane dongune aakuyak kapa. Gata nae butaya natapso,” ngang yawan
24706	MRK 10:49	Yawan natake Jesuta pakapu yuke, “Ginda yatawamba apan,” ngang yaniwan natake kai kusikuu waapa yatawake anzing iniking, “Musipba kekeknga siyok. Gae yanggawanggak. Enat!” ngang iniwa
24718	MRK 11:9	Siwan aminbamu kundu tupan kuwawa kundu masan apuyuk anzing yanggamataking, “Umana yatangetnatnong! Anututa initewan apan kana take siknga singgak,” ngang yaking.
24771	MRK 12:29	yake anzing inikut, “Mama wamdane tupan siknga aknga anin, ‘Ginu Isrel nana! Ginda natapnong! Anutu Buyambamu nisane awia waapatakan ita Buyambam tapa.
24807	MRK 13:21	Sike tapduu waomune aminu tapatuta anzing daniwik, ‘Kanong! Krais gatanimuya apata andang yuak ngang daniwan natapning. Ba kanong! Atunzing yuak,’ ngang daniwan natake ginu, ‘Siakan,’ ngang ma natapam.
24829	MRK 14:6	Siwan ngana Jesuta anzing yanikut, “Ginu maya waapa katenong. Ie meya ma imam! Ita nae sanga take siknga tasingamunggak,” ngang yanikut.
24859	MRK 14:36	tumuk wamu anzing yakut, “O nan! Gata sanga kuupbam atasinangaapa. Gata meya wa kawit taknga asandekngamuyo. Ngana ga nae banip ma tawambim. Aho. Gata gikae banip tawamso,” ngang yakut.
24865	MRK 14:42	Ginu enawa kuna. Kanong! Aminu na yeuyamik kapata gwa apunggak,” ngang yanikut.
24909	MRK 15:14	Yawa ngana Pailatda anzing yanikut, “Dasingge? Ita wai dasing kaknga tasikut,” ngang yaniwan ngana, “Amin saamdakane tanguyo!” ngang kumzang yanggamatawawa
24913	MRK 15:18	Gwapungamukenga kem tanziyuk umana yatangenake anzing yaking, “Judia amindane buyambam tapa! Gata asinggan asinggan yuyo,” ngang inike
24924	MRK 15:29	Siwan aminu kunduta kungapuyuk kake gwapakngi makaike ie sapdut wamu anzing iniking, “Ayok! Ga Anututane yot takwan gwen waike tapduu gweaat gwenduatdekan mitanggaunin.
24929	MRK 15:34	Jesuta apaa inane wam tangan anzing yakut, “Ilai Ilai lama sabaktani,” ngang yakut. Wamu waaknga tana tekwamban anzing yanim, “Anutuna! Anutuna! Dasingge gata na napmambi yuat,” ngang yawan
24930	MRK 15:35	aminu kundu inengan yukingga natake anzing yaking, “Natapnong! Ita Ilaija aminu tupa siknga ayanikapsa dakngake yukut tapae yatawanggak,” ngang yawa
24948	MRK 16:6	Akasatnawa ita anzing yanikut, “Ginu ma satnawam. Na atnatat. Ginu Jesu Nasaret nanaapa amin saamdakane tanguwa kumbut tapae kanangge apukaing. Ita gwa enak! Andang dua yuak! Ateking komde kanong.
24992	LUK 1:30	Natayuwan angelata inikut, “Maria! Ma gwaumbim. Anututa gandupan take sikut.
25038	LUK 1:76	Siwan engang! Ga takawi aminbamda gae yake enane siknga yuak kapatane yanikapsa amin tapa ngangu gae yaning. Sike ga Buyambam tapae tupan kuke itane kepina tandakngaya.
25059	LUK 2:17	Kakenga wamu Buyambam tapata engangu waapae yaniwan natapbingu une yaniking!