13948	PSA 1:5	Dakngake wai aminu waakwakga Anutue kaine wamu yawan take dua siwik. Siwan waaminda amin nomande banakan katang gatake yutnanga dua.
13949	PSA 1:6	Dasingge? Anututa aminu kepi noman tawake tasikaing aminde asiknga bakngake kakuya tasinggak. Siwan ngana aminu waiaknga tawake tasikaingu sanga kuupbam tasiwik ba puya takngatu tasiwanu take sinanga dua.
13950	PSA 2:1	Dasingge katum aminu dongu kuupbamdane nanata sanga yamandet taknga tasinangge natake yandekaing? Dasingge aminu waakwakga sanga sanga tasinangge natake wamu moo yandekaing?
13961	PSA 2:12	Ginda itane waakngae asinimbaknganong. Ita musiptok ginde natapsak. Dasingge, ita musiptou zaat natandaman ginda akumning. Siwan ngana aminu Anutue gepbiatang koyukengu, waakwakga apbaknganing.
13967	PSA 3:6	Siwan zikaane na dapuna peke apepbotanggat. Pesika gatuna enake na take yuat. Dasingge, Anututa na kakuya katak siknga nanduyuak.
13979	PSA 4:9	Buyambam tapa, gatakan nanduyuwawi na take yuke sanga tapatue dua gwaumbit. Dua gwauke tapduu nata dapun pekgat komune zaat pepbotanggat.
13989	PSA 5:10	Sike iwana waakwakga siakan wamu takngatusimu dua siknga genane yakaing. Dua yake aminu kundu pasiwa maining gekan nataaing. Siwan kem wamu atdopan yuke yakaing. Yake tanzit wam yanike tasiwa maikaing.
14018	PSA 7:15	Dasingge, wai aminda waiakngakan tasinangge natake natdetdetna gwa natapan yuaing. Ita sanga wai takngatu takngatu tasinangge tandakngake tasiwawa buyana asaawik. Buyana asaawan waaminda wai siknga meya buyak yutning.
14026	PSA 8:5	“Ninu aminu dasing binga ge gata ninde natanggamatanggayak? Ninu sanga yumdekan binga. Dasingge gata ninde kakuya tasinggayak?”
14035	PSA 9:4	Dasingge, natane iwanata ga ganduke waakwakga atdatakukaing. Datakuke kaikane pimake waakwau kuupbam kungwakaing.
14044	PSA 9:13	Buyambam tapa, aminu amin zipa kungwakaing aminde yake toknga yamunggak kapata atnatanggamatanggak. Sike kwanamu ie sikainggengu maaknga dua umukusinggak. Dua umukusiwan aminu aminda toknga aknga yamukaing aminde yake toknga yamunggak.
14065	PSA 10:13	Siwan wai aminu waapata gae masa gamuke musiaatangu anzing nataak, “Nata gutonga tasinggatde Anututa meya yake dua namik.” Dasingge, aminu waapa gae dua ba gwauke yuak?
14072	PSA 11:2	Dasingge? Wai aminda kweemna mitake sakutna pake aminu noman yuaingu zikaane akusopuke yamnangge tasikaing.
14077	PSA 11:7	Dasingge? Anututa ina kepi noman takngakan tasinggaunin. Siwan ita kepi noman tawake katak siknga usanzikgak kakngae take siknga nataak. Ge aminu ie wam tawake tasikaingu itane nomna akaning.
14079	PSA 12:2	Buyambam tapa, gata na gatangamuyo. Dasingge, aminu gae gen gwaamukgau tapatu dua yuak. Gatu aminu gae banip singgau tapatu tawamba maik. Siwan gata na dua nandutewi banip dua sikaing aminkat gatake yutnim.
14086	PSA 12:9	Dasingge, tapduu aminu kuupbamda sanga waiakngae natapan takekan siwanu wai aminda tendeknga wena yamandet sike kepi kepi sukuke tawamban sandekgak.
14092	PSA 13:6	Siwan ngana gata musip kwikwiu nae asinggan natangamuya ngangu atnataat. Siwan gata na gatuka tapi take yuatde apbaknganggat. Ngan, nata kau Buyambam tapatane umana yatangenatnanggengu ataiwit. Dasingge, ita nae take siknga tasingamukut.
14097	PSA 14:5	Tumuk wamu dua inikengu waaminu asiknga gwautning. Dasingge, Anutu inane wam natake tawakaing aminkat gatake yuak.
14105	PSA 16:1	Anutu, gata na nanduyuwawi nata take yuwit. Dasingge, iwanata na dua nuwan maiwitde nata gatane gepbiatang koke yuat.
14111	PSA 16:7	Nata Buyambam tapatane umana yatangenawit. Dasingge, ita na nanindamuke tanomanukgaunin. Ngan, zikaane natdetdet panggat takngata atnanindamukgak.
14114	PSA 16:10	Dasingge, gata na dua nandutewi aminu gwa kupsa amindane kep komune paku yuwit. Aho, gata dua nandutewi na aminu gikane matmaune yuke kapanga siwit.
14117	PSA 17:2	Gata gatangami nata wamyak gwene wamu yawiu ayapbimbit. Dasingge, gata yuyuu noman takngaenu katak siknga atnataayak.
14118	PSA 17:3	Gata natane musipmaatang nataat taknga atnataayak. Natake gata zikaane apu nata natdetdetnane nataat taknga usanzike tasinggayak. Tasiwi siwan sanga wai takngatu kawi maiwik. Dasingge, natdetdeu gutonga takngatu musipmaatangu dua natake yuat.
14125	PSA 17:10	Waamindane musipna zikaa siwan aminu kundue take dua natayamukaing. Dua natayamuke nindane umaninu kopsa ngang natake yamandet wam yakaing.
14129	PSA 17:14	Siakan, Buyambam tapa, gata na gikane kekekngakaneta gatangamuyo. Siwan na waaminda dua tasiwan maiwit. Sike waaminda sanga kepdakane nanakan papan dopan yuaing. Waamindane kekeknganane sandeke tapso. Siwan aminu gata musip gwaang natayamunggayak aminu tomna natapning, ngana gata gatayami tomna wena siwik. Tomna wena siwan waamindane waatdakanata sangae dua dapmake yutning. Dua dapmake yuke waakwakgane bapuna masan aatning aminu sangae dua dapmake yutning.
14150	PSA 18:20	Ita gatangamuke nanitakuwan nata keu aanggaman komune take yukum. Sanga gwautnanga aknga wena sikut. Dasingge, ita nae musip gwaang natangamuke na gatuna takut.
14181	PSA 18:51	Buyambam tapata na, Devit, King kapa dakngawitde yakut. Unzingge asingganu ita tasiwan iwana asiknga yapbikgat. Ita tendeknga wena musip gwaang nae natangamunggak. Ita natane dongu masan aatningu ina unzakan musip gwaang natake gatayamik.
14219	PSA 21:13	Dasingge, gata sakutdata yamake pasiwi kake atdatakuning.
14222	PSA 22:2	Anutuna! Natane Anutuna! Dasingge na napmanggayak? Dasingge gata na dua siknga gatangamunggayak? Dasingge gata kwanamu nata gae sikgat takngae maau dua siknga panggayak?
14232	PSA 22:12	Sike gata na ma napmambim. Dasingge, meya apmanu nae apukaing. Na aminu gatangamunanga tapatu wena.
14245	PSA 22:25	Dasingge? Ita meya buyak yuaing aminde masa dua yamunggak. Gatu waaminda meya pakaingge ita natapan sanga moo binga dua singgak. Ita waaminu peke paku maa dua yuak. Aho. Ita waamindane tumuk wamna natake akgatayamunggak.
14249	PSA 22:29	Dasingge? Buyambamtapa King kapa yuke ita aminu kuupbam kakuya pasinggak.
14256	PSA 23:4	Anutu, nata damene zikaa dakaatang kuke ngana gata gatangami akumnanga akngae nata dua gwaumbit. Dasingge? Ga naat gatake yuamak. Nata ga gandupa gusou sipsipde kakuya tasikaingga pakaing kapaapa apanggayak. Unzing kake natane musipma kwikwikngata yuwit. Nata wai sinanga dua.
14273	PSA 25:5	Gata siakan wamu gikane aknga tawambitde nanindamumso. Dasingge, ga natane Anutuna. Gata na tapi iwanata dua napbitning. Sike tapdukbam asinggan asinggan gata gatangamiyakge gae ganduyuat.
14284	PSA 25:16	Anutu, gata nae gatuka apuke musip kwikwiu natangamuyo. Dasingge, na ninatakan yuke meya takngatu takngatu akaat.
14322	PSA 28:6	Siwan nata Buyambam tapatane umana yatangenakgat. Dasingge, nae musip kwikwik natangamikge natake ie tumuk wam yatawaawa gwa natapbut.
14346	PSA 30:10	Sike nata akupanu sanga nomanu dasing bingata aawik? Sike nata akungwake matmaune kuwanu sanga waakngata mamin gatangamik? Aminu gwa kumbingga gatane umanda apme yatangenatning ba dasing? Asikaya waaminda asingganu gata waaminde take tasiyamukuyak kakngae yakapning ba dasing? Wena. Dua yakapning.
14354	PSA 31:5	Sike iwanata yapapna tewa nata undang pukuwa na tanangge tasikaing. Gata na asiknga kakuya tasiwi nata meya waaknga dua papit. Dasingge, ga nata akusopunggat tapa gakan.
14357	PSA 31:8	Sike gata nae butaya asinggan natangamunggayak. Unzingge nata gae apbaknganggat. Dasingge, gata meya natapbum taknga akakuyak. Ngan, gata natane musipmaatang meya takngatu takngatu natapbumu atnatapbuyak.
14363	PSA 31:14	Dasingge, nata nataawa iwana kwaapzangga nae sapdut wam nanikaing. Siwan gatu kaut kaut yuke na tasiwa gwaumbitde kumzang tasikaing. Sike gatu unekan yuke wamu yawan kekekawan na tasiwa maiwitde yakaing. Waaminda atnuwa kupitde yakaing.
14373	PSA 31:24	Siwan aminu Anututane aminabam, ginda ie take siknga natapnong. Dasingge, ita aminu ie wam natake tawakaingu akgatayamunggak. Sike ngana aminu yamandet sikaingge yake toknga kapzang ayamunggak.
14378	PSA 32:4	Dasingge, gunzit tapane gatu zikaane gata meya takngatu takngatu namuwawi natane kekekngana kuupbam wena sikut. Unzing gunzitda kepdaka isiwan wawaakgak binga sikum.
14394	PSA 33:9	Dasingge, ita wamban yawan keu andaka yukut. Siwan ita wamu yawan sanga kuupbamu aake yuking.
14397	PSA 33:12	Siwan Anututa dongu inae yawan yuaing aminda apbaknganong. Dasingge, dongu waakwau Buyambam tapata inae yawan yuaingge, waaminda apbaknganong.
14417	PSA 34:10	Ginu aminu Buyambam tapatane, ginu kuupbam ie akgwauke yutnong. Dasingge? Aminu Buyambam tapae akgwauke ie gepbiatang yuaing aminu sanga tapatue dua dapmakaing.
14444	PSA 35:14	Dua gatayami kake nata waaminde butaya notnaapae ba paana ba uyapnae nataaing binga natayamunggat. Sike nata kepi sukuke aminu tapatuta mingae akupan butaya natake kwanam sikgak binga nataat. Nata musipmane meya siknga natake kwanam sikgak binga natayuat.
14473	PSA 37:2	Dasingge? Tapduu matekngasim yukengu wai aminu zongazongata kupiakaing binga sining, ba katau dakatutane tatakngita kupiakaing binga kungwake pimaning.
14488	PSA 37:17	Dasingge? Buyambam tapata wai amindane kekekngana pasiwan sopukaing. Siawan noman aminu kakuya katak kayuak.
14499	PSA 37:28	Dasingge, Buyambam tapata aminu noman taknga tasikaing aminde take nataak. Sike aminu ie banip singgau sopuningge dua nataak. Aho, ita asingganu waaminu kakuya tasiwawan kepi noman takngane kukaing. Siwan ngana ita tasiwan wai amindane waatdakana apmea aatningu wai siknga asining.
14529	PSA 38:18	Dasingge, na paa siknga pimanggat. Siwan na musipmaatangu toknga asinggan nataat.
14544	PSA 39:10	Siwan ngana na wamu dua yawit. Na gena asiknga umumbit. Dasingge, gika siknga meya aknga nae namukyak.
14556	PSA 40:8	Tasike anzing yakum, “Ayok. Anutu, na gae gwa aput.” Dasingge, tupa nata apitde wamu buk gomune matakut takngae natake yakum.
14578	PSA 41:12	Sike natane iwanata dua naitakepu napmakaing. Dua naitakepuke napmamban kake na gata nae take siknga natangamunggayak ngangu atnataat.
14586	PSA 42:6	Dasingge na meya musipmaatang asingganu nataat? Dasingge na musipmaatang apbinga kasatnanggat? Nata Anutue banip sike kayuwawa ita gatangamik. Sike i Anutuna ge ita akgatangamunggaunin. Unzingge na itane umana gatu yatangenawit.
14590	PSA 42:10	Anututa kekeknga nae atnamunggaunin. Siwan ngana nata anzing ininggat, “Dasingge gata nae botanggayak? Dasingge gata natane iwana kapewi na naitakepu tewan na musipmaatang meyambamu panggat?”
14592	PSA 42:12	Dasingge na musipmaatang meyambamu asinggan panggat? Dasingge musipma apbinga kasatnanggak? Na Anutuekan banip sike yuwawa ita akgatangamik. Sike i Anutuna ge ita akgatangamunggaunin. Unzingge nata itane umana apmea yatangenawit.
14594	PSA 43:2	Sike ga natane kekekatna ge nata gae apukenga meya dua kawit. Siwan ngana dasingge ga nae masa namunggayak? Dasingge gata kapewi iwanata na naitakepu tewa meyambamu musipmaatang na pake sukunggat?
14596	PSA 43:4	Unzingge Anutu, na gatane alta dakane wesim kuwit. Dasingge? Gata tasiwi na musip gwaang natake apbaknganggat. Sike ga natane Anutuna, nata gwameming daka take tanguwa gakngae noman yawik. Siwana nata kap taike gatane umanda akngae yatangenawit.
14597	PSA 43:5	Siwan dasingge na musipmaatang meyambamu asinggan panggat? Dasingge musipma apbinga kasatnanggak? Na Anutuekan banip sike yuwawa ita akgatangamik. Sike i Anutuna, ge ita na akgatangamunggaunin. Unzingge nata itane umana gatu yatangenawit.
14608	PSA 44:11	Gata unzing tasiwi ninu iwanin kagwauke datakukumang. Datakuwatna ita apu nindane sangaapanin paking.
14614	PSA 44:17	Dasingge? Aminu kunduta sapdut wam nanike wamu waiaknga nanikaing. Sike kaawanu iwanaat gatu aminu kunduatda waiaknga yake nae tasinangge nataaing.
14621	PSA 44:24	Buyambam tapa, ga enayo. Dasingge ga dapunu pekgayak? Ga enayo. Gata masa asingganu ninde ma nimim.
14622	PSA 44:25	Dasingge ga ninde kusopunggayak? Aminda ninde wai pasiwa ninu meyambam pake yuamang. Ninda meya wa pakamangge dua botawim.
14627	PSA 45:3	Ga aminu sikngaapa. Aminu tapatu ga binga dua yuak. Gata wamu yanggau Anututa gatanggaman takeakngakan yanggayak. Dasingge, ita ga asinggan asinggan take tasinggamik.
14657	PSA 47:3	Dasingge, ninda Buyambam tapae asiknga gwautnim. Buyambamtapa waapa enane siknga yuak. Ita kingu tupantapa yuke aminbamu kepna kepna yuaingu kakuya tasinggak.
14662	PSA 47:8	Dasingge, Anutu king siknga yuke kepna kepna kuupbam kayuak. Ninda unzingge kau taike umana aknga ayatangenatnim.
14664	PSA 47:10	Sike amindane tupan amin tapaapa aminu Abrahamdane Anutuna tawakaingkat unekan gatake yuaing. Dasingge, kingu kepna kepna nana kuupbamu aminu Anututanekan. Ita king tupan tapa enane siknga yuak kapanin.
14671	PSA 48:7	Datakuke dandai kumzang yamuking. Dandai yamumban atdatakukingu wa unzing mayata engang bokngitnangge toknga nataaing binga sikut.
14688	PSA 49:9	Dasingge? Amin usinanga aknga buyana enane siknga. Sanga wa usinanga dua.
14706	PSA 50:6	Siwan sanga yekapatang yuaingga yeutniman kake ninda Anutu noman sikngaapa ngang nataamang. Dasingge, Anutu ina amin usanzikgak kapanin.
14732	PSA 51:9	Gata natane waiakngana sandekngami nata dundumna amin dakngake yuwit. Gata yanggata binga saukngami aminu wasapna wena siknga binga dakngake yuwit. Dakngake yuwawa natane waiakngana gatane kaikane wena siknga siwik.
14757	PSA 53:2	Katum aminda inae anzing yakaing, Anutu wena. Dua yuak ngang yakaing. Aminu waakwau wa wai siknga. Ita tasikaingu waiakngakan tasikaing. Iat nana tapatuta take takngatu dua tasinggak.
14761	PSA 53:6	Siwan ngana waaminda kumzang siknga gwauking. Sike tupa unzingu dua gwauking. Wena siknga. Siwan ngana gautnanga tapatu wena.” Dasingge, Anututa waaminde natapan wai siknga sikut. Siwan ita gindane iwanza waakwau kuupbam siknga zipan puyuwan kwate awesike kaukaut mupewan kuking. Ita wai aminu gwa usanzikutde waaminu asiknga pasiwan maiking.
14775	PSA 55:4	Natane iwanata na tasiwan maiwitde wamu kekeknga yakaing. Yake waaminda kumzang nanduyake dua tewan nanduyuaing. Unzingge musipmaatangu natapa take dua singgak. Na musipmaiu atnataat. Dasingge, waaminda musiptou nae kwaapzang natangamuke kaanga nanikaing. Meya akngata na tasiwan gatukande mainanggenggat.
14787	PSA 55:16	Gata katewi kungwak kakngae dua nataaing ngana waakngata iwana apu papsok. Papan ninu kayuk take yuamang ngang yakaing ngana nata nataau gapmaatang gwa kupsa aminda yuaing katang pukuningge nataat. Dasingge, aminu waakwakga yotnaatang yuke waiaknga kundu pasikaing.
14790	PSA 55:19	Aminbamda nae amak tasikaing. Siwan ngana na meya dua kaat. Dasingge, Anututa nanduyuke na gatuna nanitakapunggak.
14791	PSA 55:20	Anutu tupa siknga king kapa binga yukut. Ge apman kaya ina unzakan king kapa ayuak. Sike ita nae tumuk wama natake ita gakngau iwanata amak gwekatang tasikaing kaknga natake ayapbimbik. Waakwau ie dua gwaukaing. Dua gwauke musia dua tapatekngamban kepi wai tawakaingu dua siknga tening.
14805	PSA 56:10	Anutu, nata gae tumuk wam yawanu gata tasiwi iwanata masa namuke datakuning. Datakuwa kake gata gatangamunangge tasinggaak ngang natapit.
14807	PSA 56:12	Na Anutue banip sike ita wamu yawan kekekakut takngae natanggamatanggat. Unzingge sanga tapatue dua gwaumbit. Dua gwaumba aminda nae mina binga takngatu tasiwa maiwit? Wena.
14845	PSA 59:12	Buyambam tapa, ga nin ninduyuayak kapanin. Gata waamin ma zipi kumnong. Dasingge? Zipi kupanu natane aminabamda sanga waakngae botaning. Gikane kekeknga aknganetakan iwaninu yanikwasiwi unda undang kuwa pasiwi mainong.
14850	PSA 59:17	Siwan ngana natanu gatane kekeknga akngakae kau taiwit. Ngan, tembana tapduu kuupbam nata kau kapzang taike nae asinggan natanggamatanggayakge natake taiwit. Dasingge, tupa meya takngatu takngatu nae apbing. Siwan ngana gata kakuya katak siknga tasike gata nae damangwen binga dakngawi yuat.
14864	PSA 60:13	Ngan, gata nin gatanimi ninda iwaninde amnim. Dasingge, aminda gatak gatak tasining kaknga wa sanga moo.
14869	PSA 61:4	Dasingge, ga natane damanu kekeknga gwenunin. Unzingge iwanata na dua tasiwan maiwit.
14883	PSA 62:9	Ginu natane donga, Anutue baniu asinggan sinong. Ginda meya kuupbam musipzaatang pakaing ba natdetdetzaatang nataaingu iekan yakapnong. Dasingge, ninda iekan kuke take yutnim.
14895	PSA 63:8	Dasingge, gata na asinggan gatangamunggayak. Na gae wesim yuwau wa unzing, taak matekga mingae piyaatang kopa usikwatanggak binga. Siwan nata gae gepbiatang yuke kau apbakngananga tainggat.
14933	PSA 66:9	Dasingge, ita ninduyuwawan ninu kayuu yukumang. Yuwatna ita dua nindupewan kepi saweknga apane pimakumang.
14938	PSA 66:14	Dasingge? Meya nae apan sanga katapatang kuutgan sawa kapanga kaya aknga singgau gae ganimbakngawitde natake gamunangge yawa kekekakut.
14944	PSA 66:20	Nata Anututane umana yatangenawit. Dasingge, ita tumuk wamae masa dua namukut. Siwan butaya aknga nae natangamukuu dua sandekut.
14951	PSA 67:7	Dasingge, nanamu nindane kepmine kwaapzang aawan kakumang. Siwan Anutu, wa nisane Anutunin, ita ninu take pasikut.
14961	PSA 68:9	Sike tapduu waomune Sainai tawandakane miamun sikut. Siwan sopabam takut. Dasingge, Anutu, ga gwa apuyak. Siakan siknga, Isrel nanatane Anutuna, ga gwa api sopa wa tawan miamunu wa sikut.
14974	PSA 68:22	Siakan siknga, Anututa iwana gatukande pasiwan maining. Dasingge, waaminu waiaknga asinggan tawake tasikaing.
14992	PSA 69:4	Anutu, nata ganike ganike yuwawa kekekngana wena singgak. Siwan guyakngata akupiawan kaina toknga. Dasingge, nata gatangamiyakge tupa yawa ngana dua gatangami yuwa mainggak.
14998	PSA 69:10	Dasingge? Nata yotdae take siknga nataat. Unzingge nata puya kekeknga tasiwa yotda wagwenu take yuwikge tasinggat. Siwan aminda gae ganisapduwa sapdut wamu waaknga naanganu apimanggak.
15015	PSA 69:27	Dasingge, aminu waiaknga tasiwan yake meya tupa yamukuyau wai aminda waakwau gatuna pasiwan maikaing. Sike kundu gupnaapatang toknga yamukuyau, wai aminda sapdut wam yanike meya unekan yamukaing.
15024	PSA 69:36	Dasingge, Anututa Saion nana gatuna iwanae kataune sandeke pake Judatane yotbam gapmanggapma gatu mitapik. Ita unzing tasiwana Anututane aminabamda you wanggapma gapmana pake yuke keu wandaka inae gatukande taning.
15034	PSA 71:3	Ga natane suu buyambam kekeknga gwendu binga dakngake yuyo. Yuwawi na gae gepbiatang akopa gata na kakuya tasiyo. Dasingge, na gaekan apuke na kusopuwit. Gata siknga gatangami na take yuwit.
15036	PSA 71:5	Dasingge? Buyambam tapa, na gaekan baniu singgat. Sike na waatdaka yukum komuneta gae baniu sikum. Siwan baniu wa sikumu apmaat kaa baniu asike yuat.
15041	PSA 71:10	Dasingge, iwanata nutapan kupitde unekan yuke na tasiwan maiwitde wamu yandeking.