14056	PSA 10:4	Masa imuke na kopsaapa yuat ngang musiane moo siknga nataak. Natake Buyambam tapae dua natapan singgak. Aho. Natdetdetnaatangu Anutue dua siknga nataak.
14058	PSA 10:6	Itanu anzing nataak, “Na kekeknga yuat. Sanga tapatuta dua siknga kwasiwik,” ngang nataak. Siwan, “Nata meya dua kawit. Aho, asinggan asinggan musipma tatanga natake yuwit,” ngang yanggak.
14091	PSA 13:5	Gatangami dua kupa kake iwanata anzingu dua yaning, “Ninda i gwa yapbikamang,” ngangu dua yaning. Aho, iwanata dua yake nata pimambitde dua baknganing.
14108	PSA 16:4	Sike aminu anutu pupuknga apaapae tumuk yaninangge natake isapmake kukaingu meya kwaapzang gwaamutning. Gatu na iat dua gatake yuke amindane daknga anutu pupukngae yamunim. Aho, waamindane anutu pupuknganae umana dua yake tumuk wamu nata ie dua yaniwit.
14114	PSA 16:10	Dasingge, gata na dua nandutewi aminu gwa kupsa amindane kep komune paku yuwit. Aho, gata dua nandutewi na aminu gikane matmaune yuke kapanga siwit.
14152	PSA 18:22	Nata Buyambam tapatane mama wamu take tawakum. Nata Anutunae masa dua imukum. Aho, wai waaknga dua tasikum.
14192	PSA 19:11	Siwan golmanitane buyana buyambam siknga. Siwan ngana Buyambam tapatane mama wamda golmani ayapbikgak. Siwan hani kaaya siknga. Siwan ngana itane mama wamda hani ayapbikgak.
14204	PSA 20:8	Aminu kundu amak amnangge natake sanga pake amak kekeknga siknga amakaingu umana karis ngang yanikaingge banip takaing. Siwan kundu amak kumzang siknga amnangge natake hos gwegwen pake amakaingge banip takaing. Siwan ngana ninu Anutu, Buyambam tapanindane umana aknganae banip takamang.
14245	PSA 22:25	Dasingge? Ita meya buyak yuaing aminde masa dua yamunggak. Gatu waaminda meya pakaingge ita natapan sanga moo binga dua singgak. Ita waaminu peke paku maa dua yuak. Aho. Ita waamindane tumuk wamna natake akgatayamunggak.
14349	PSA 30:13	Unzingge nata gena dua umumbit. Aho, nata musipmaatangu kau umanda yatangenatnangge ataiwit. Buyambam tapa, ga natane Anutuna. Nata gae gaak wamu asinggan asinggan ganimbakngawit.
14383	PSA 32:9	Gata ikwawa gamanu hos ba dongki binga dua dakngawim. Sike ikwawa wa gweayau natdetdetna wena. Unzingge gata ainu napna mamaya dakau genane peyo. Peke nap takngaat peke panomanuwawi wanggwak kuson. Sike gata unzing dua tasiwinu gata natapiak kaknga dua tawasan.”
14402	PSA 33:17	Siwan ikwawa gamanu hos ngang yanikaing gwegwenda amak amin gatayaman amake yapbitnanga dua. Amak aminu amak tasike tuyukawanu hosdane kekeknganata gatayamunanga dua.
14495	PSA 37:24	Aminu waapa apimake ngana meya dua kawik. Aho, Buyambam tapata katakngine take tangenawan kekeknga gatu yuwik.
14499	PSA 37:28	Dasingge, Buyambam tapata aminu noman taknga tasikaing aminde take nataak. Sike aminu ie banip singgau sopuningge dua nataak. Aho, ita asingganu waaminu kakuya tasiwawan kepi noman takngane kukaing. Siwan ngana ita tasiwan wai amindane waatdakana apmea aatningu wai siknga asining.
14538	PSA 39:4	Siwan musip maatang nangayakan natapbum. Nina atnataawakan musip maatang wai siknga sikut. Unzing siwan na gena umutnanga dua. Aho, wamu kundu ayakum.
14559	PSA 40:11	Nata sanga gata noman nomana tasinggayak kaknga musipmaatangu dua takusopunggat. Aho. Gata wamu yawi kekekakut saak tawake na gatu takuyakge ayanikapmanggat. Siwan gata aminbamde musip gwaang natake gata kepi noman taknga siknga tawake tawanggayakge nata wamu waaknga aminu mitie unekan yuaingune dua takusopunggat. Wena. Nata ayaninggat.
14615	PSA 44:18	Anutu, ninu gae dua botakumang. Aho! Gatane pasap wamba ninu dua yamasandemang. Siwan ngana sanga wa ninkatang apbut.
14629	PSA 45:5	Ga Kingu tupan tapa, umanda kayaapa yuayak. Gata ikwawa gamanu hos gwene pukwike kuku amak tasike yapbikgaunin. Gata kuku amau tasinggaau wa noman amin gatayamunangge tasiyo. Tasiwi kepi noman tapa tawaningge. Ngan, inane umana dua yatangenatningge. Gata amau kekeknga siknga tasiwi wai aminda ganduke gwauya siknga natapnong.
14664	PSA 47:10	Sike amindane tupan amin tapaapa aminu Abrahamdane Anutuna tawakaingkat unekan gatake yuaing. Dasingge, kingu kepna kepna nana kuupbamu aminu Anututanekan. Ita king tupan tapa enane siknga yuak kapanin.
14687	PSA 49:8	Ninu atnataamang. Aminu tapatuta notna dua kupikge natake inane moningata usinanga dua. Aho. Ita Anutue kayuk asinggan asinggan yutnanga akngana moningga usinanga dua. Wena siknga.
14695	PSA 49:16	Siwan ngana Anututa na atapik. Atapan gwa kupsa aminda yuaing komune nana kekeknga akngata na tanggaganutnanga dua. Aho. Ita na tapan naat iat gatake asinggan asinggan yutzim.
14749	PSA 52:5	Ga takeakngae dua nataayak. Aho. Ga waiakngaekan nataayak. Ga siakan wamgan yanangge dua nataayak. Ga kem wamgan yanangge nataayak.
14816	PSA 57:7	Sike iwanata na tanggaganuwikge yapapna peking. Unzingge meya buyambamda na asiknga tasiwan maikum. Nata kepi kunggaune gapma kwaiking, nata undang pukuke kupitde. Siwan ngana na dua pukukum. Aho. Gapma wa daka dakaatangu ina pukuke kumbing.
15079	PSA 73:4	Sike waaminu meya takngatu dua kaaing. Aho, waaminu gupnaatangu toknga dua pake gupna kekeknga, siwan takekan yuaing.
15109	PSA 74:6	Sike katap sanu tuwanga gatu kunzi kunzina kaya pasike peya waaminda apuke sandunda mateknga gatu hama buyambamu sanga kekeknga zipmapukaing gwegwenda ngangga zipmakapbing.
15144	PSA 76:7	Siwan Jekopdane Anutuna, gata kaanga yaniwi hos gwegwekat aminu hos tangan pukwikingkat kuupbam gwa kungwake kepdakane kuma yuaing.
15175	PSA 78:4	Nindane waatdakaninda natapningge wamu waaknga dua takusopunim. Aho. Ninda engangu kayuu aatning kaa ayaninim. Ninda Anututane kekeknganae puya kekeknga pasike duya takngatu takngatu pasikutde ngang yaninim.
15221	PSA 78:50	Ita musiaatang toknga natayamuke waaminu dua kapekut. Aho. Ita maiu buyambam takngatu tewan apu zipan yumdekan kungwa takuking.
15275	PSA 80:19	Siwan gata unzing tasiwinu, ninda ga dua gapmake kunim. Aho, gata gatanimi ninu take yutnim. Siwan ninda tumuk wam ganinim.
15413	PSA 89:23	Sike iwanata amak tasike i yapbitnanga dua. Aho, wai aminda dua tasiwa maiwik.
15625	PSA 103:9	Gatu ita temapan ninike ninde asinggan dua natanimunggak. Aho, itane musiptok takngan mamayambam dua yuak.
15679	PSA 105:6	Ngan. Ginu Abrahamdane bapuna. Waapa Buyambam tapatane puya amina. Ginu Jekopdane donga, ginu Buyambam tapata inae natake yawan yuaing.
15682	PSA 105:9	Pasap waaknga tupa Abrahampat yawat yukut. Siwan ita pasap wamu waakngakan Aisakge ina yawan kekekakut saak Anututa ina tawanangge yakut.
15715	PSA 105:42	Siakan. Ita wamu takngatu tupa puya amin tapana Abrahamde kekeknga yawan kekekakut takngae natanggamatake sanga wa kuupbam tasikut.
15725	PSA 106:7	Nindane bapuninu Isip yuking kopatangu gata duya buyambamu pasikuyakge dua natdeking. Aho, gata tapdukbam gatayamuke waaminde musip gwaang siknga natayamukuyak kaknga atnatapbing. Ngana waakngae apbotaking. Apbotake yangga Ret Si gwende kwaimune kundoke gae yamandet siking.
15731	PSA 106:13	Siwan ngana zeetgaman waaminda sanga Buyambam tapata tasikutde apbotaking. Sike Anututane wam gamok dua take natdeking. Aho. Waaminda sanga inae natdetdeu nekan natake tasiking.
15808	PSA 107:42	Siwan noman aminda unzing kakengu musip gwaang nataaing. Siwan ngana wai aminda kakengu wamu takngatu dua yaning. Aho, waaminu gena asumutning.
15878	PSA 112:7	Siwan ita meya takngatu zandangga aakgakge yawan natakengu dua gwaumbik. Aho, ita Buyambam tapae banip sike ie natapan kekekawik.
15931	PSA 116:15	Siwan Anututane aminu tapatu akupan kakengu ita sanga mooi ngangu dua nataak. Aho. Ita inane aminde butaya siknga natayamunggak.
15954	PSA 118:17	Na zet dua kupit. Aho. Nata kayuk yuke Buyambam tapata sanga pasikutde yakapit.
16093	PSA 119:127	Na gatane mama wambae take siknga nataat. Sike na golmani ngang yanikaingge take dua nataat. Siakan. Gol kundu noman siknga ngana ie take siknga dua nataat. Aho. Na gatane wamba akngae siknga nataat.
16207	PSA 129:7	Aminu tapatuta zongazonga wa unekanu dua pakapu peak. Aho, unekanu dua wamake gwaamupake kuwik.
16217	PSA 131:1	Buyambam tapa, na yamandet taknga tasikumu gwa teke musipmaatangu umana nina dua yatangenakgat. Aho, na aminu kundue natapa moo aminu unin ngangu dua nataat. Siwan na natdetdet buyambam pakaing aminda nataaing kaknga binga na dua nataat. Dua natake sanga nangaakande dua nataatde kuut ina unzakan.
16223	PSA 132:4	Aho, na dua yuwa takawan dapunu pewit. Wena siknga.
16225	PSA 132:6	Sike ninu Epratah yot gapmane yuke pukit takwanu buyambam tapatane gwende natapbumang. Sike ninda kawatna Jardane kep komune yuwawan kakumang komune yukut.
16254	PSA 135:11	Ngan, ita Sihon tanguwan kumbut. Kingu waapa Amor nana amindane. Gatu Ok, Basan nanatane king kapa, gatu Kenan kep komune nana kingu kuupbam zipa kumbing.
16283	PSA 136:19	Ita Kingu Sihon, Amor yot gapmane nana apa atanguwan kumbut. Asinggan asinggan ita ninde musip gwaang siknga natanimuke yuak.
16431	PSA 147:10	Sike Buyambam tapa hos kekeknga gwegwende gatu aminu kekeknga apapae dua baknganggak. Aho.
23214	MAT 1:1	Sike aminu aakwau Jesu Kraisdane bamnatane umana. Jesu Devit tupa siknga kumbut tapatane donga, siwan Devitda Ebraham tupa siknga kumbut tapatane zakngi.
23215	MAT 1:2	Ebrahamu Aisakgane nana. Sike Aisakga Jekopdane nana. Siwan Jekopda Judaat gatu itane uyapna bapatdane nana.
23218	MAT 1:5	Sike Salmonda Boasdane nana. Sike minga umana Repah. Siwan Boasda Obetdane nana, sike minga Rut. Siwan Obetda Jesitane nana.
23221	MAT 1:8	Siwan Esata Jihosafatdane nana. Siwan Jihosafatda Joramdane nana. Siwan Joramda Usaiatane nana.
23222	MAT 1:9	Siwan Usaiata Jotamdane nana. Siwan Jotamda Ehasdane nana. Siwan Ehasda Hesekaiatane nana.
23230	MAT 1:17	Unzingge Ebrahamdane dongata waakzak sike sitakunggawan apu apu banakan katangu aminu buyambam siknga dakngawana masan siknga Devitda aakut. Siwan Devitdane dongata waakzak sike sitakunggawan apu apu banakan katangu ina unzakan aminu buyambam siknga dakngawana masan siknga Bebilon kep komune nana aminda apu kaipakuking. Kaipakuwa yuke wa aminda waakzak sitakunggawan apu apu banakan katangu ina unzakan aminu buyambam siknga dakngawana masan siknga aminu tapatu Anututa tapan akgatanimunangaapa dakngake aakut. Anututa waapa takutde natake umana Krais ngang inikamang.
23239	MAT 2:1	Siwan Herotda tupan tapa yukut gwekatang Jesuta Betlehem yot gapma Judia kep komune yuak gapmane aakut. Aawana natdetdetna kaya aminu gunzitde yapiiatangga Jerusalem apu anzing yaking.
23243	MAT 2:5	Yanikwaiwan yake anzing iniking. “Betlehem yot gapma Judia kep komu yuaune aawik,” ngang iniking. “Dasingge, ayanikapsa aminda anzing mataking,
23244	MAT 2:6	‘Ginu Betlehem nana Judia kep komdane yot gapmabamu ginu dua dapbitning. Wena siknga. Sike gikatnana tapatuta apuke natane amina Isrel nanae kuyana yuwik,’ ngang mataking,” ngang take aminu waakwakga Herotde unzing iniking.
23254	MAT 2:16	Siwan Josepda engakat mingaat pake Betlehem teke datakuwana Herotda kaawan natdetdetna kaya aminda kem tasiwa kake musiaatang toknga siknga natapbut. Natake natdetdetna kayata kuminamu wagwenu tupa kakingge tapduknga gwende gatu natapbut. Natake Betlehem nana amindane waatdaka nakanu gweaat gwenduat dua kaking aminu zipa puyuwikge amina yanipewan kuku zipa kumbing.
23269	MAT 3:8	“Ginda Ebrahamdane dongune aake yuaing ngana sanga takngatuekan dapmakaing. Musipza tapa tekwamban waiakngasae masa yamuke yuaing kakngata anggaman siwan kanimde pasinong,” ngang yanikut.
23270	MAT 3:9	“Suu ayuaing gwegwenu sanga moo binga ngana Anututa tasiwan supda Ebrahamdane donga dakngananga. Siwan ginda wamu anzingu ma yawam. ‘A! Ninu Ebrahamdane dongune aake yuamang. Yuwatna Anututa nindupan aminu noman aminda yuaing ngang ninduak,’ ngangu ma yawam. ‘Ninduakge dasingge musipminu tana tekwambik,’ ngangu ma yawam,” ngang yanikut.
23340	MAT 5:37	Sike wamu takngatu kekekawikge natake mamaya ngwakngake yakainggane yapii Seten ngang natayuke ginda siakan ba aho nganggan yanong,” ngang yanikut.
23425	MAT 8:11	“Siakande daninggat. Aminbamu kaukaut yuaing amikat Ebrahapat Aisakat Jekopat ngang apuke uneken gatake yuke aminu Anututa papan itane aminabam dakngake yuaikat gatake yuke nanamu naning,” ngang yanikut.
23460	MAT 9:12	Ngang ninikwaiwa Jesuta wamu waaknga natake tuwang wamu takngatu anzing yanikut, “Aminu maitna wenata doktae dua kukaing. Aho. Maitna kaya amindakan doktae kukaing,” ngang yanikut.
23461	MAT 9:13	“Anututane wapatang anzing yakut, ‘Nata sanga upat binga namuningge bitanggat. Na musipza kwikwiknga notzae natayamuningge take nataat,’ ngang yakut. Sike ginu wa yakut takngae kuke natdetdet panong,” ngang yanikut. “Nata apuke amin noman yuamang ngang yakaing amin yayawamba musia tapa tekwambikge dua apbum. Aho. Nata waiakngana kaya amin yayawamba apuke musia papa tekwambikge natake apbum,” ngang yanikut.
23637	MAT 13:29	‘Aho. Ginda zongazonga wai zike poyakat kuut zitnang,’ ngang yanikut.
23713	MAT 15:11	Sanga napa genaatang konggakga dua pasiwan aminu wai amin dakngakaing. Aho. Sanga genaatang yusika kepman epukaingga pasiwan aminu wai amin dakngakaing,” ngang yanikut.
23753	MAT 16:12	“Ita sanga poyakat sawa paptakaingge dua ninik ngang natapbumang. Aho. Ferisi amikat Sadyusi amikatde wamde gwautnimde ninik,” ngang natapbumang.
23758	MAT 16:17	yake anzing inikut, “Saimon, Jonatane waaknga. Aminu keunenana tapatuta dua wamu waaknga gae yeukgamuk. Aho. Nana enane siknga yuak kapata yeukgaman kake yanggayakge apbakngayo,” ngang inikut.
23796	MAT 17:27	Niu Anutuat nana amin ngana ninda tasina musia toknga natanimunang. Ga yangga gapan gwene kuke pis kaitnangge huk mumbi kuwan pis tupan kaiwiyak gaka gena tapi akngawan mani sandu undang kawiyau take taku niu kuutde wasan yamuyo,” ngang inikut.
23845	MAT 19:14	natake Jesuta anzing ninikut, “Ginu kapewa waatdaka nae apnong. Ginda ma yanindakngawam. Aho. Aminda waatdaka aakwakga nae nangaakan dua nataaing binga daknganingu Anututa amin panangge tasinggak kakngae gepbiatang yuaikat nana aminu unin,” ngang ninike
23884	MAT 20:23	yake anzing yanikut, “Gitda meya nata kawit taknga akasan. Ngana Anututa dua naniwan kapewa kataknga siyaapane ba kwanaapane ngangu yuke tasan. Aho. Kekeknga waaknga aminu tapaayae Nanata gwa tandakngake teyamukut tapaatdakan tasan,” ngang yanikut.
23916	MAT 21:21	Yana yake anzing ninikut, “Nata siakande siknga daninggat. Ginu Anutue natapa meya dua siwanu ginda nata katau baapdakae tasinggat taknga atasining. Siwan ginda unukan dua tasining. Aho. Puya buyambamu atasining. Sike ginda tawanu andakata zike yanggabam gwene isakuwikge yawa kekekawanu itaaya unzing atasiwik,” ngang ninikut.
23973	MAT 22:32	‘Na Ebrahamdane Anutuna, gatu Aisakgane Anutuna, gatu Jekopdane Anutuna,’ ngang yakut. Ge Anutu akupsa aminde Anutuna dua. Wena. Kayuk yuya aminde Anutuna,” ngang yanikut.
24086	MAT 25:9	ngana maya natdetdetna kayata anzing yaniking, ‘Aho! Kerosinu buyambam dua. Ginde damukengu atdapnim. Ginu usiwam yot kuke gisa usinong,’ ngang yaniwa
24162	MAT 26:39	Yanikenga kundusim kuke nomda pimake tumuk wamu anzing yakut, “O Nana! Take siwanu meya wa kawit taknga sandekngamuyo. Ngana gata nae banip ma tawambim. Aho. Gata gikae banip tawamso,” ngang yakut.
24306	MRK 1:22	Yanike Mosesdane mama wam yanindamumsa aminda binga dua yanikut. Aho. Ita aminu kekekngana kaya apata binga yaniwawan natake asiknga satnaking.
24346	MRK 2:17	Yanikwaiwa Jesuta wamu waaknga natake tuwang wamu takngatu anzing yanikut, “Aminu maitna wenata doktae dua kukaing. Aho. Maitna kaya amindakan doktae kukaing. Sike tuwang wamu waakngatane yapii anzing. Nata apuke amin noman yuamang ngang yakaing amin yayawamba musia papa tekwambikge dua apbum. Aho. Nata apuke waiakngana kaya amin yayawamba apuke musia papa tekwambikge natake apbum,” ngang yanikut.
24356	MRK 2:27	“Anututa aminu yuwatakak tapduk gwendane mama wam gwaamuke tasiningge natake dua tumukut. Aho. Ita yuwatakak tapduk gwenu amin gatayamikge tekut.
24383	MRK 3:26	“Siwan Setenda inane dongae iwan dakngawanu ita kekeknga yutnanga dua. Aho! Ita wena asiwik,” ngang yanikut.
24550	MRK 7:18	ita anzing yanikut, “Gikaya natdetdetza wena ba dasing? Sangabamu napan aminde musiaatang pukuwiu ita natdetdetnaatang dua pukuwik. Aho. Napayutnaatang pukuke yusika masande kotdekatang pukunggak. Unzingge sanga wa bingata tasiwan aminu wai amin dua dakngawik ngang ie dua natake wamdane yapiie nanikwaiing ba dasing,” ngang yanikut. Wamu waaknga yawan natake nanamu kuupbam yuaingu tapatu dua nanimde aminu tapatuta ninindakngananga dua siwik. Take nanim ngang natapbing.
24671	MRK 10:14	kake Jesuta musia wai natayamuke anzing yanikut, “Ginu kapewa waatdaka mateu nae apnong. Ginda ma yanindakngawam. Aho. Aminda waatdaka aakwakga nae nangaakan dua nataaing binga daknganingu Anututa amin panangge tasinggak kakngae gepbiatang yuaikatnana aminu unin,” ngang yanikut.
24697	MRK 10:40	Siwan ngana Anututa dua naniwan kapewa aminu tapaata kataknga siyaapane ba kataknga kwanaapane ngangu yuke tasan. Aho. Kekeknga waaknga aminu tapaae Anututa gwa tandakngake teyamukut tapaatdakan tasan,” ngang yanikut.
24768	MRK 12:26	“Siwan ngana Mosesda bukatangu wamu takngatu katapdakasimu katapda isikutde matakut taknga ginda kendeke atnatdeking gamu, ‘Akupsa aminda gatu dua enatning,’ ngang dua yawam. Wamu waaknga matake Anututa Moses inikut taknga tupa siknga Mosesda anzing matakut, ‘Na Ebrahamdane Anutuna gatu Aisakgane Anutuna siwan gatu Jekopdane Anutuna,’ ngang matakut.
24859	MRK 14:36	tumuk wamu anzing yakut, “O nan! Gata sanga kuupbam atasinangaapa. Gata meya wa kawit taknga asandekngamuyo. Ngana ga nae banip ma tawambim. Aho. Gata gikae banip tawamso,” ngang yakut.
25017	LUK 1:55	Ebrahapat ie dongune masan siknga aake yuamang amikat dua ninigokgosake Isrel nana puya amina dakngake yuamang aminu akgatanimukut.”
25023	LUK 1:61	“Aho. Umana Jon ngang ininim,” ngang yakut.
25035	LUK 1:73	Anututa yake nindane baminu Ebrahamde wamu anzing iniwan kekekakut,
25046	LUK 2:4	Siwan Josepda dongu Devitdane dongune aakut tapa. Unzingge yot gapma Nasaret Galili kep komune yuak gapma teke uneta Judia kep komune kopbut. Koke Betlehem yot Devitda tupa siknga yukut gapmane kukut.
25057	LUK 2:15	Siwan angelata wa amin peke enandang kopana sipsip toik aminu anzing yaking, “Ayok. Betlehem kuke sanga wa singgakge Buyambam tapata ninik kaknga kanim,” ngang yaking.
25102	LUK 3:8	Ginda Ebrahamdane dongune aake yuaing ngana sanga takngatuekan dapmakaing. Musipza tapa tekwamban waiakngasae masa yamuke yuaing kakngata anggaman siwan kanimde pasinong. Suu ayuaing gwegwenu sanga moo binga ngana Anututa tasiwan supda Ebrahamedane donga dakngananga. Siwan ginu wamu anzing ma yawam, ‘A! Ninu Ebrahamdane dongune aake yuamang. Yuwatna Anututa nindupan aminu noman aminda yuaing ngang ninduak. Ninduakge dasingge musipminu tana tekwambik,’ ngangu ma yawam.
25128	LUK 3:34	Judatane nana Jekop. Jekopdane nana Aisak. Aisakgane nana Ebraham. Ebrahamdane nana Tera. Teratane nana Neho.
25129	LUK 3:35	Nehotane nana Serak. Serakgane nana Riyu. Riyutane nana Pelek. Pelekgane nana Iba. Ibatane nana Sila.
25131	LUK 3:37	Lemekgane nana Metusala. Metusalatane nana Inok. Inokgane nana Jeret. Jeretdane nana Mahalalil. Mahalalildane nana Kenan.