23224	MAT 1:11	Yosaia wo Yehoiakin umuragrari big wurinou ur. Qen end Isrel munon yamangar Babilon ite ir uyort igour eng.
23231	MAT 1:18	Munon inubersiau tari wo unor bauor eng werei ende. Wonou unor Maria Yosep bainer qamb wot maribigumirei. Qen end ombur me qibaiau igama Qenu wonou Igomurur qau eng Maria seara qugurau igoai.
23233	MAT 1:20	Wo misir ende igub igama ne Qenu wonou munon enger ger darab qob ger dibes nob qamara inig garei. Inig gea nob qamar: “Yosep, Debit tumbigi, ne Maria baib qamb me qinining. Wo qugurau igo eng Igomurur qau seara qugurau igo.
23236	MAT 1:23	“Yamangar yorou qoregen ger wonou ar igo qugurau igoriba. Igo wau ger baub unum biginer eng Emanuel.” Unum eng qanam eng, Qenu inopuri ten igo.
23240	MAT 2:2	“Wau ger unor se baiar eng igoi baraiburab Yuda wurinou munon baraitari igoribar eng eret igo? In wonou tapai worom diat wes end igo gab wot mismisirub qamb yoroun.”
23244	MAT 2:6	An munon Betlehem Yuda wurinou ait igoumon eng, an munon unum diban igoumon end Munon Aib ger aninou yurau end dari ne Isrel munon oroar igama an unum diban igoruboumon.”
23247	MAT 2:9	Qob eng ende qamara igub wogub mom ende oboub qamb isumirei. Isub gamin eng tapai worom diat wes end igo gamir eng bo wuri isub etemirt wes end isa toat isub igurei. Tapai eng isub munai mor wau unor nob igour eng maribig erer end igoai.
23249	MAT 2:11	Isi yarab wau unor Maria nob igour munai mor end isub ibagamirei. Ibag gamaur wat bugab mismisiramirei. Ende at ne abau dagot mi qenenginob ne uyan qogom nob ne welya qogomnob uyabriamir eng dagot banam ar utemirei.
23251	MAT 2:13	Iroari wogub qen geret Yosep bo inerei igo inig Munon Aib enger gea nob qamar: “Wau unor nob oromar iua Isip umo isar. Is end igamari bo diarar qamb qob anit bigine igub diarar. Herot wau eng waramb qamb yogorau munon wuriimurima gub qamb asi qib igorubour.”
23252	MAT 2:14	Ende qamara igub itum end Yosep der wau unor nob oramar ai Isip umo isumirei.
23253	MAT 2:15	Is end igamari qen geret Herot uma wogub diorub qamb qoat igurei. Mi eng ebeter eng Qenu qob qoan ete qamara munon miteri qamb gumatemir eng irimaniamorei: Yonou wau Isip end igama wot qemerine dieriba.
23257	MAT 2:19	Qen geret Herot mom uma wogub, Munon Aib enger ger der Isip end isub Yosep nob qamara inig gea qamar:
23258	MAT 2:20	“Ne munon wau waramb at igour eng qo umumirei, der wau unor nob oramar Isrel ai end bo irar.”
23259	MAT 2:21	Ende qamara Yosep der wau unor nob oramar Isrel ai end bo diamirei.
23261	MAT 2:23	Irab is munai ginam Nasaret eng mom baurei. Wuri munai ginam Nasaret mom baumir eng munon miteri qamb gumatemirei igoar eng irimaniamorei: Munon eng wot Nasaret munon ende wot qomorubour.
23268	MAT 3:7	Qen end Parisi Sadyusi nob Yon munon ya obotar wurimaragansi igoar eng igub gub qamb isumirei. Isari Yon ibag qamar: “An mani quterag gas ende. Qenu aningarambar eng your aninob qamara igub qoaub at igoumon?
23272	MAT 3:11	Ye yat anmaragansiaum eng an oau apand buroumon eng imbigar qamb. Ego munon ger ye qanamt yariner eng qeretutnob igoriba. Ye wonou goten yau ba utin eng pi isub gab ba me utinei. Munon eng Igomurur qau ba mutet ten anmaragansieriba.
23274	MAT 3:13	Qen end Yisas Galili wogub yar ya Yordan end isorei. Isub is Yon yat yemaragansi qamb isorei.
23275	MAT 3:14	Isa Yon qes wara nob qamar: “Ne ye yat nemaragansierin qamb yaran ne? Ye me nemaragansierinei. Ne ye yemaragansierinen eng uber.”
23277	MAT 3:16	Yon ende ya obota wogub ne Yisas ya qurt naget igoar eng wogub ya gabut deara ne tat qitend miroau gas ende ebeterei. Aba geari Qenu wonou Igomurur qau morogan wamariau gas ende at dererei, darab wot begentarei.
23279	MAT 4:1	Ende aba wogub ne Igomurur qau Yisas mot ai qengerenget end isorei, isa Satan warigesi qamb.
23280	MAT 4:2	Is end igo mani me niau, ar igama igoi worom 40 ne itum 40-ende ar igoi wogub borusi minemb igoai.
23283	MAT 4:5	Ende qamara ne Satan Yisas bo mot ginam qau aib end irarei. Irab qamara Yisas inorou munai aib qirer sig erer qitend naga nob qamar: “Ne Qenu wau igo gab eng, ende naget igo orubor ag qumo is. Isa Qenu wonou qob igo end wonou enger imurima darab nebeari mesenau isub mi waramb me uminenei.”
23286	MAT 4:8	Ende qamara wogub Satan Yisas bo mot ai qaur sig erer qitend irarei. Irab munon yurau ai qent gugum wurinou mi uber-uber sirbiga gea nob qamar:
23290	MAT 4:12	Yisas igor eng Yon baab uyort bigumirei igama qamarari igorei. Igub wogub bo ai Galili end isorei.
23299	MAT 4:21	Isub-isub ne ibagamir eng munon ombur bo ibagamirei. Munon ombur eng Yems Yon nob, wurinou ur unum Sebedi. Wuri gor wurinou ur nob tabint igo dob musub igamari is ibagamirei.
23300	MAT 4:22	Ibag wurinob qamara wurinou dob eng urt wogub nob isumirei.
23301	MAT 4:23	Isub munon ginam-ginam ai Galili igo eng gugum isub wurinou Qenut igub igour munai mor end isub Qenu wonou bibis qob uber eng wuriimbig wurinob qamb, ne munon ai bigau igaramor eng ne toar ar qei igara igour eng wurimusub ende at qib igoai.
23302	MAT 4:24	Ende at qiroa qob toau ai Siria eng gugum isa igumirei. Igub munon toar wes-wes igara igour eng ne git goan uter igara igour eng, ne aibigau igarama igour eng, ne uben goten gurumot uburerei igama igour eng gagar oramar yarari wurimusub igoai.
23305	MAT 5:2	Igama wonou imbigau yurau eng yar qouimari wuriimbig qamar:
23340	MAT 5:37	An qob qomorub eng qob ete gari qamarar: Io, qo ue, ende gari qamarar. Qob nonogursiorub qamb mi unumir qomorunon eng qomon boru wonou qanam.”
23360	MAT 6:9	An Tain qebi qomorub eng ete at qamarar: Ininou Tain nonou ginamt igoan. Nonou unum qau igoriner.
23363	MAT 6:12	In qomon boru ebet igoun eng init biruet arirama ne munon qei init qomon boru ebet igour eng in wurit biruet ariramboun.
23376	MAT 6:25	“Qanam end ne aninob quraum eng: See igom igoun end mi goan qamb nomon qurt ne mani qamb end misir qebebi me igar. Igom igoun eng mai, mani ya qamb eng qas nub igoun qiyo? A mingoan qas qumani igoun qiyo?
23418	MAT 8:4	Ende aba Yisas munon eng nob qamar: “Ne eng aban end munon ar song-song wurinob me qem, ar deget munon Qenut mian yab igour end qas ire. Iroa negab Moses qomon qoan qamb gumater igo eng toat nemaragansiorunor. Ende abari munon gugum ne iam mom woumrirar eng imbigar qamb.”
23421	MAT 8:7	Ende qamara Yisas taui qamar: “Io, ye isub musieribam.”
23424	MAT 8:10	Munon barai eng Yisas qob ende nob qamara igub qiet ne munon toat qib igour eng wurinob qamar: “Apand aninob quraum. Isrel munon yurau end ger oau apand ende ger qoan me geau.
23428	MAT 8:14	Yisas ende qamb wogub ne Pita wonou munai mor end isorei. Isub gar eng Pita wonou ayi eng toar wara inab igoai.
23433	MAT 8:19	Ende at igamari qomon qerei imbigau munon ger Yisast yar qamar: “Imbigau munon tari, ye mom ne notoat ten mom qib igorib qamb girinet tug mom igoum e.”
23434	MAT 8:20	Ende qamara Yisas taui qamar: “Iau qaar wuri irut igour, ne morogan wuri mon ubet igour. A munangit wau wo wonou ar deget qib igo, wo umiminer munai eng ger ue.”
23438	MAT 8:24	Isub igamari sani-sani aib uyer ya wobon end dari ne uyer ya buresi tabin umimb aterei. Ego Yisas qoan naat inerei.
23442	MAT 8:28	Moon ende omboopurama waga ne isi munon Gadara wurinou ai end isumirei. Isari munon ombur aibigau igaramor eng munon teteret end igo Yisast yaremirei. Munon ombur eng munon teteret end igamari munon ar munon teteret wes end bais me qib igamau, borusi yari wogub igurei.
23448	MAT 8:34	Ende qamarari igub munon gugum ginam aib eng wogub Yisas gub qamb iramirei. Irab gab ne wurinou ai eng wogub iua qamb qamat qamamirei.
23450	MAT 9:2	Diab end igama munon ger git goan gurumot uburer eng gart big ba diamirei. Diarari munon eng wurinou oau apand eng ibag ne toar munon eng nob qamar: “Io, oau mein burab igoar, nonou qomon boru eng ye net biruet ariramoum.”
23461	MAT 9:13	Isub qob qoan igoar eng maigas qi eng qoot gaiar. Ye wai mian yab big igour eng ye oau me yemeinsia. Ue, munon qomon uber ebet igo eng oau yemeinsi igo. Ye derem eng munon in qoregen qamb igour end me darau, ue, munon gogorau igour eng wurit deremei.”
23470	MAT 9:22	Ne Yisas igeser yamangar eng gab nob qamar: “Io, see oau mein burab igoar, yet oabigan eng gab.” Ende qamara qen end qas amug isub igoar eng boopur wagerei.
23471	MAT 9:23	Ende aba wogub Yisas munon barai eng wonou munai mor end isorei. Isub gar eng munon ain mer gusit toau big igamari ibagarei.
23472	MAT 9:24	Ibag qamar: “An gugum iuar, yamangar wau me umau, naat inai igo.” Ende qamara wuri qanambig wot igerig ber qob wot qamb ende ebetemirei.
23476	MAT 9:28	Ende arari Yisas mor isa ne munon ombur eng wot isari Yisas der wuri qebi qamar: “An ye mi eng eb qamb mom yet oabigoumon qiyo?” Ne wuri qamamir: “Io, in qenungoun.”
23481	MAT 9:33	Diarari Yisas munon eng musia qob musub qamarei. Qamara munon gugum gab qoagurui qamamir: “Qoan Isrel munon end ger mi ende aba me geau.”
23483	MAT 9:35	Yisas eng ende at wogub is ginam aib-aib qamaaman end qib igoai. Qib igo wurinou inorou munai mor end isub Qenu wonou bibis big igo qob uber eng wurinob qamb qib igoai. Igo munon git goan boru-boru ne toar qamb eng gagar wurimusub qib igoai.
23490	MAT 10:4	Ne Saimon Selot, ne Yudas, Iskariot wonou wau, wo Yisas duiamor eng ende.
23492	MAT 10:6	Isrel munon yurau wai sipsip gas ende qaar domb at igour eng wurit isar.
23493	MAT 10:7	Isub wurinob ete qamarar: ‘Qenu wonou ginamt bibis eng piara.’
23506	MAT 10:20	An qob qomorunon eng aninou qob ue, Tain wonou Igomurur qau eng wonou anit di qemeriba.
23509	MAT 10:23	End ginam aib geret isari ansiningoar abari ibag iua yar ginam aib geret isar. An sarau oboumon eng Isrel ginam aib eng gugum me at ugunanei, igama Munangit wau deriba.
23530	MAT 11:2	Ende is qib igama Yon munon wurimaragansi igoar eng uyort igo Yisas wonou sarau eng qob toau isa igorei. Igub wonou imbigau yurau eng qei wuriimurima Yisast iramirei.
23531	MAT 11:3	Irab Yisas qebi qamamir: “Ne munon eng Yon nenet deriban qamb qamara igub qoat igoun eng qiyo? A munon ger qoat igoruboun?”
23536	MAT 11:8	Isumon eng meimi gamanei? Munon ger mi goan qenenginob wes at qumani igama gub qamb isomanei ne? Munon mi goan uber ende at qumani eng munon baraitari wurinou munai end igorubour.
23537	MAT 11:9	Yenob qamarari igini, isub meimi gamanei? Qob gigit qamarau munon ger qiyo? Io, ye ete aninob qemerine igar, an isub qob gigit qamarau munon qei wuritanamimar eng gub qamb isomanei.
23545	MAT 11:17	In munon yamangar nob qibaiari mismisir uru uyoun eng an nob me uyau. Ne uru qabar uber woroun eng an me toubau. Wuri eng at igour gas ende.
23553	MAT 11:25	Ende qamb wogub ur nob qamar: “Io Tain, Ne sig Aib erer qite ne ag e nonou torsianei igoan. End ne qomon wes eng aban eng, munon qoyam aib eng wuriimbiga geau eng bo wuri mag ibag-ibag munon boru tagug igour eng wuriimbiga gab ye sig nenet mismisiraum.
23554	MAT 11:26	Io Tain, mi eng aban eng nonou qerei qenunget aban.”
23568	MAT 12:10	Ginam end munon ger uben gurumot uburer eng end igoai. Igama Yisas inorou qen songi musia gab baab uyort bigub qamb yar qebi qamamir: “Ininou qomon igo eng mai songi inorou qent munon e musioruboun qiyo?”
23573	MAT 12:15	Ende abari qob igub ginam eng wogub qoa munon yurau irou toat isumirei. Isari munon toar nob irou wurimusub igoai.
23576	MAT 12:18	Munon e yonou sarau munon, yonou oau uri eng anit maribigomei. Wo ye sig qenunget igoum. Yonou Igomurur qau eng wot igoriba. Igo ye munon qen geret wuriqereiemin eng wurinob qamb igoriba.
23586	MAT 12:28	Ego Qenu Igomurur qau ye yenogursia aibigau orotoar ariramine gab eng Qenu wonou bibis end igoarar qamb maribagatarer eng qo anit yarerei.”
23589	MAT 12:31	Qanam end ne aninob quraum eng: Munon ger qomon boru ebet qiyo a qob boru ger qamb ebeiner eng Qenu wot birogonimba. Ego Qenu wonou Igomurur qau end qob isi wot qamb qiyo mi eng gagar ebeiner eng Igomurur qau mom-mom mogirt wab wegiba. See ne qen geret eng mom ende igoriba.”
23596	MAT 12:38	Ende qamara qomon imbig igour eng ne Parisi munon qei der nob qamamir: “Imbigau Munon, ne qomon wes ger aba gub qamb qenungoun?”
23601	MAT 12:43	Ende qamb bo qamar: “Aibigau ger munon wot isub igoi wogub der qoaiba. Iua seger ait end qib munai ger gab umiemini qamb asi qib-qibei seret wogub wonou misirt ete qamar: “Qo, wonou munai qoan wogub iuam sambur end bo irini.” Ende qamb irab wonou munai sambur eng gar eng munon ger me igamau. Munai wab arir musub wugumirei igama garei.
23603	MAT 12:45	Gab bo isub aibigau bo 7-ende oramar diarei. Aibigau 7-eng wurinou qomon eng sib boru aib. Erogori diab munai end igurei. Igamari munon eng qoan aruab igoar eng ios ende, ne see bo sig borusi mom aruab igo. Qomon eng gas ende Qenu munon wurinou qomon qereiminer eng ende gas oboubour.”
23605	MAT 12:47	Ne munon ger end igo Yisas nob qamar: “Nonou nani imaori big diab qob nonob qomorub qamb ag naget igour. Iro ibeg.”
23612	MAT 13:4	Isub nanasingir qur boogibi bunumban ariramorei. Arirama qur qei is ai tap qenen qib igour end diban igama morogan numirei.
23623	MAT 13:15	Wurinou misir eng mom qanganget wogubour. Ne qob igau end iet iruges warubet wogubour. Ne mag asi mi gun qamb mauri igorubour. Irugest qob igub misirt imbigubour. Ende at wuri igeser yar yet Qenu qamarari wurimusieribam.
23633	MAT 13:25	Itum end munon wit qur bisub ariramor eng wonou munon qarau eng, itum end maran qur qei ba yar morogot arir wogub qorei.
23634	MAT 13:26	Igama wit qur qaur di isarima gamir eng maran nob morogot isariamorei.
23636	MAT 13:28	Ende qamarari wo der wurinob qamar: “yonou munon qarau mi eng ebetemirei ne?” Ende qamarari wuri qamamir: “Ne mai misir igan? In isub maran eng benerumi ariromun qiyo?”
23656	MAT 13:48	Isub diara ne munon dob arir igo eng ubumot ten ba daan diab bugab igo ne yag wai qerei igo. Qerei uber-uber eng ba abaut uyab ne boru-boru eng arir igo.
23657	MAT 13:49	Eng gas ende qen sindomund end munon yamangar ende wurisieriba. Enger der munon boru munon qoregen nob yesir igour eng, wuriwanungar wuriimurima mut aib qenen oab igo end isubour. Isub end igo eab nanqur qingim got igorubour.”
23659	MAT 13:51	Ende qamb ne wuri qebi qamar: “An ye qob e quraum eng qanam musub mom imbigoumon qiyo?” Ende qamara wuri qamamir: “Io.”
23661	MAT 13:53	Yisas qob eng ende wurinob qamb ugab wogub ginam end wogub wonou ginam qenen end isorei. Isub wurinou inorou munai mor end isub qob wurinob qamara igub qiet qamamir: “Wa, munon eng qoyam eng eret baurei? Ne gor qomon wes eng eret imbigorei igo ebet igo-o?
23667	MAT 14:1	Qen end Herot wo munon barai igo ai Galili qoat igoai. Igo Yisas eng at qiroa qob toau isa igorei.
23668	MAT 14:2	Igub wonou burtuum qoat igour eng wurinob qamar: “apand Yon munon yat wurimaragansi igoar eng bo igomot der bugab at qib igo. Wonou sarau qeretutnob qoan at igoar eng bo at qib igo eng,” ende qamarei.
23679	MAT 14:13	Yisas qob eng ende igub wogub ginam eng wogub wonomai tabin ba bo ig munon uet wes end isorei. Isa munon ginam aib eng qob igub toat ag isumirei.
23683	MAT 14:17	Qamara wuri qamamir: “In mani parau ten 5 ne yag wai ombur-ombur gari igo.”
23688	MAT 14:22	Mani ende wurisari niari wogub Yisas wonou imbigau yurau eng wurinob qamara wuri tabin ba gigit ya tai eng purab ig iro isumirei. Isari wonomai munon yurau eng wuriimurima qoamirei.
23691	MAT 14:25	Ende isub igamari ai uter tubub diara yonam asi gamir eng Yisas ya erer isub igoai. Isub igama geari-geari is iseii wuri qani isa uriger uburerei.
23696	MAT 14:30	Isub ya aib qarib di yara gab oau uburab isub wogub ya erobon qumo isib at ne Yisast simot qamb ar: “Barai yeba ereriom.”
23701	MAT 14:35	Isari munon ginam eng ibag qob bigari ginam qani-qani eng isa igub munon toar nob igour eng oromar Yisast yaremirei.
23702	MAT 14:36	Yarab Yisas nob qamarari toar munon eng mi goan gabut qas baab uberburar qamb qamarari Yisas “Io” qamara toar munon eng gagar mi goant qas baab uberetri igurei.
23726	MAT 15:24	Ne Yisas taui qamar: “Qenu ye yiimuriamor eng wai sipsip Isrel yurau end qaar rab igour eng gari wurimusi qamb.”
23732	MAT 15:30	Igama munon yurau irou munon goten gurumtriamir eng ne, mag tuumtriamir eng ne, qer amamiriamir eng ne, iruges tuumtamir eng ne, toar ar qei irou igab igoar eng oromar yar Yisas gotennamt end wuribigari wurimusub igoai.