17	GEN 1:17	Honamba Sesoava ovra wosana, okombam, weism, paim. Upsilva honamba sena ovrava lovahvna, petharam lovhoapuv vevna,
26	GEN 1:26	Doa henga Sesoava ona, indhanam pioa vewol velvohra, wo himba si os undna avav, men piv avm. Hev si kuwulva wulvahunvav tambkona, tuawana, wo eva tatana.
42	GEN 2:11	mongova os ningthivna Pison, mongova os ningthivna Gihon, mongova os ningthivna Tikris, mongova os ningthivna Yupretis. Pomba Pisonmba weisming vrena mongom petham, os ningthivna Havila petha, wo diva golva lohvna,
47	GEN 2:16	Honaoa inneoa yeoa nevm, timov mani mani hona denwitrinioa.
48	GEN 2:17	Heva os yimba manam nevav nomba timovpa, kava os ona, yimba netava, yimba pev si wohlihavav, memba mona besal, wo temba monakokla. Yemba kava ovomnav no timovpa, wo yimba netava, nonamba lohvav yenamba dahalmba.
51	GEN 2:20	Vevna, deuvrinim awowol vena, sungeitrinim awowol vena, tuawam awowol vena. Heva os tendoriniva hevna sehelmba nonglanamoa, hev ahamana evelm.
71	GEN 3:15	Yemba kava os venav, yimba ungevlirinina ungund, eva ungevliriniva yena ungund. Eva kava verava, yetindiva muskonam vinvra hona ungevlirinina towandmba, si yenam osangas yunalm. Honamba ungevlirinina towandalliniva si yemba nonglavrava, si yena kumba singthavav, wo yimba si hemba monglaval kangthovav.
91	GEN 4:11	Doa yem ka kinwonda plothomnav. Hona petharinioa wohgao. Tovolva doa pethamera gai, maim oi, indhanarini po nev. Pevna englana yimba doa sovhopipahi boaslapevna tovolva.
103	GEN 4:23	Wo Lamek ongalm hevnam os unna Ataim Silaim, yeoa kana moam ehellevm, mongova tendo towondriniva kamba helveiva, wo doa kava helvakomandhai. Himba kam sang polavoiva, wo doa ka helvakomandhai.
104	GEN 4:24	Henomba Keinmba helvakomandhatava, Sesoava henomba kinwonda mendekli si plothomnavav. Kamba henomba helvetava, si kava kinwonda snamemakumbi plothomnavav.
135	GEN 5:29	Hev ona, tanam Yawe doa doara hona pethava sahokla ovrena Keinna indkoklara, wo hona tuendisrini Noa si pimba kolvrowol vevav osondrarava. Noinda osva awona Noam.
138	GEN 5:32	Noava os amana venamba, 500pelara osomba venamba, wo ombolva samblamong vilomnana, os awowol vena Sem Ham Yapetm.
141	GEN 6:3	Wo noinda Sesoa ona, indhanamba nomba, si kavsongolva kava wonamana vevavmoa yunalmba hemba. Tanam ka daswolvna kavsongolva hemba, nonapopolmba almba. Heva os himba kalmba avnamoa, noinda himba si wohaevvavmoa eukwonamba, hemba si dalvav. Himba osomba si 120pelara vevrava, os dahavra.
144	GEN 6:6	wo Yawemba kinwondana plothumnivna. Hev nengna, sahonam kava vewol venama, pethara sandhana, wo hona petharini kava si kelvapiangavav, si indhanamba lohhui, tatamba lohhui, tuawava lohhui. Kav venamba honamba, wo beswonamba lohvmoa, noinda kamba kinwondana yuhla wuleuvv.
147	GEN 6:9	Noana moamba os lohv. Ombolva samblamong os phomnana, nihilva Sem, Ham, Yapet. Noava indhanarini besal, wo hevho besal lohvna Sesoana novra. Wo himba Sesoam mongawundna amana venavna.
151	GEN 6:13	Doa Sesoa Noam omnana, doa kava vevav, wo indhanamba si hemba wohsihavav. Himba ahalvamana nakra aevulv, beswonamba owai, noinda kava yunam wohkelvapiangalm vev pethanahonam.
153	GEN 6:15	Os veo hona botmoa. Hoanalva os 130pelara mita, wo ahnamba os 22pelara mita, wo indundva os 13pelara mita.
157	GEN 6:19	Wo yeoa tuawam tatam indakondam os holvorombol vevm. Henom tlalm ongalm, henom tlalm ongalm vewol vevm, wo mera wolasiha veo, wo beswonam aevulvra, pueumbva livrava.
171	GEN 7:11	Doa pethava kawol vuku vevnamba, wo mellini pomba phungu vena os i, wo pomba ovriniva eva osta noshara sovhopevna i. Honamba os phona, tangal 17 vena, weisva sambla doara khuawolna, nonamba Noanamba osomba os lohmanavna 600pelara.
206	GEN 8:22	Honamba pethava si os wohlohvav, innem wolalm, innem aiselm, nelpong vevra, suwepav vevra, hlakomba lohvra, po hasvovra, okomba lohvra, sia kilvravra. Honamba si wuleihavavmoa hona petharava, verava, pethava si honamba os mueisowa vevav. Doata.
218	GEN 9:12	Hello, mindva si kava kelathavav tekohovra, honamba osm, kav wohishomnav yem, tatam yunalm. Doa si kava tekomsna ningewol vevrava ovra, wo pom sombvramnavrava, hasvolm, wo mindva si os kelathavra snal.
224	GEN 9:18	Nihilva Noanamba ombtowondalnamba men, Sem Ham Yapet, botmerini aralva hemba wonpihanamba. Honamba Noana towandva samblamong pivna eindhumunil hona pethanindna annindna annindna indakonda. Hamba nomba Kenanna aral lohna.
228	GEN 9:22	Doa Ham aralna lailduvra siha, aralm nonglana, pai nihps liv. Wo phonamba, unna, aramba nihps liv.
231	GEN 9:25	Wo hev ona, Kenanmba Sesoa si kinsomb plothomnavav, Hamna ombolmba, wo Yapetina Semina keusingi si himba wohluhunvav.
236	GEN 10:1	Men Noatindiva os nowana. Noanamba men Sem, Ham, Yapet. Pueumbva hivranamba, wo Semtindi Hamtindi Yapettindi os phona.
241	GEN 10:6	Hamnamba men ombolva Kus, Isip, Lipia, Kenan. Pimba hetindimba os nengsm uv simbehumunilna nihilm.
242	GEN 10:7	Kusnamba men sespalva Sepanind, Havilanind, Saptanind, Ramanind, Saptekanind. Ramanindnamba men sespalva Sepanind, Detannind.
243	GEN 10:8	Wo Kusnamba mongova ombol lohna, nihilva Nimrot. Hengas kuwulva andralva wulluhunna, seilva sna indhanariniva mongova owai, lohnamoa.
248	GEN 10:13	Isip mongova Hamnamba ombolva lohna, wo Isiptindiva men os nowana, Litiatindi, Anamtindi, Lehaptindi, Naptutindi,
249	GEN 10:14	Krittindi, Kaptortindi, Kaslutindi. Honamba Kaslutindiva eindhumunil lovahinvna Pilistianindna.
250	GEN 10:15	Wo Kenannamba yiveltowondva lohna, nihilva Saiton, mongova Het, wo pimba os sevriv Sitontindi, Hettindi.
252	GEN 10:17	Hivitindina, Arkatindina, Sinitindina,
253	GEN 10:18	Avatindina, Semartindina, Hamattindina. Wo nomba Kenanna towandalva os geku vena no petharam no petharam. Venamba, petham lehra vetha.
255	GEN 10:20	Doa Hamnamba men, hevna moa hevna petha hevna kembel, os himba avhoangana.
256	GEN 10:21	Doa Semba Yapetna etel lohmanana, wo himba simbel luhunna indkumbi Hiprunindm.
258	GEN 10:23	Wo Aramnamba men towandalva, Usnind, Hulnind, Geternind, Meseknind.
261	GEN 10:26	Wo Yoktantindimba men Almotatnind Selepnind, Hasamavetnind, Yeranind,
262	GEN 10:27	Hatoramnind, Usalnind, Diklanind,
264	GEN 10:29	Opirnind, Havilanind, Yopapnind. Yoktantindiva os phona,
273	GEN 11:6	Hev ona, nunglu, Noana towandva mongawatindi, wo moamba mongasal, wo mongawulmangas himba euvmona vevna, heva os kava doara doa ishunna, bukethungu veo indakonda, no petharam no petharam. Heva os owai, himba deuvkembelva mongasal mendeklikumbi vivna. Mani hengava si vivav hevna nengavnangnamba, memba osva vivpa?
277	GEN 11:10	Men Semtindiva os nowana. Noana ombol Sem lohna, wo Semba osomba 100pelara venamba, ombol pola, Apaksatm awona. Honamba os phona, pueumbva hivrapianamba, osomba sambla vewolna.
293	GEN 11:26	Terava osomba 70pelara venamba, ombol samblamong pho, os awowol vena Apram, Nahorm, Haranm.
294	GEN 11:27	Teratindi nowana os. Terana ombolva samblamong, Apram, Nahor, Haran. Wo Haranmba mendekli venamba, ombol polamna, Lotm awona.
295	GEN 11:28	Wo Terava mendah lohvna, Haranmoa os wohdahana. Di Bapilon pethara Ur kembella hemba dahana, ten di doara aval lengnam.
296	GEN 11:29	Doa Apramba ongam vrana Saraim, himba yunam phangangal avna. Wo Nahorva eva ongam vrana, Milkam Haranna molm. Molva mongova Iska.
298	GEN 11:31	Doa Tera phonamba, Bapilonm wuleihana, honam wongana, ombolm kolm umbeindilm. Ur kembellini venamba, wonganamba, ona Kenan petharam pulvotam, wo owai, ambo di Haran kembella aevulthana.
299	GEN 11:32	Wo di Haran kembella Teramba os wohdahana, osomba hevnamba 205pelara os lohmanana. Doa.
302	GEN 12:3	Wo indhanamba yemba beswonamba vrivrava, nomba indhanamba kava si beswonam eva vewol vevrata. Heva os yemba nomba indhanamba sahonamba vritava, no indhanamba si kava sahonam vewol vevav. Wo kananapopol yimba si beswonam vinvav indakonda pethanindmba.
303	GEN 12:4	Doa Apramba Yawena moamba hellenamba, wo ga Harandini. Hena osomba os lohmanavna 75pelara, wo himba gana os. Himba ongalm, buesilm, andranindm, wohm, noi wondambnamba, os wohgana Harandini. Andranindva nomba, wohva nomba, himba doara dombvna di Haranda. Wonganamba, Kenanmonam vinamba, doa petham nonglapulvo Kenan petham.
310	GEN 12:11	Himba murava wongavnamba, doa Saraim ongalm os ishomnana, yimba besal hevm, noinda kava pem vev, Isipnindva ata yemba nunglivrava, ata hevm eishovra, Apramna ongal. Noinda kamba ata helvakomandhalmba vivra, wo yemba beswonam vreivav hevm.
316	GEN 12:17	Heva os Yaweva Perotatanamba vevandm wolaihaphunna, manara Pero Saraim vranamba Apramna ongalm.
326	GEN 13:7	Hena andranindva hevm akosrombomana vevna, nomba andranindva temba himba sapimba dahwol vivnamba. Nonamba vivnamba, ungundva mendah di eku vevna Kenannindva eva Peresnindva.
337	GEN 13:18	Doa Apram hellenamba, lailduvpa ningewol venamba, anga. Anganamba, di wonpho Hepron kembella. Wonphonamba, sahitra henga aevulthana di Mamreinda. Doa Apramba henga honmba songowol venanamba, Yawemba sembayang venalm.
338	GEN 14:1	Doa buesilva di pundra wonavhoanamba, di ten ungundna kembelva luhungu vinvnam, Sotom kembel, Gomora kembel, wo eva mongla. Wonavhoanamba, sisva daos mendekli di ohona Lotna novra, plalmomba men. Pundnindna kuwulva 5pelara di kusona, hevm una, pioa nomongo owalwolvohra. Himba Sotomnindnamba kuwulva, nihilva Bera, Gomoranindnamba kuwulva, nihilva Birsa, Atmanindnamba kuwulva, nihilva Sina, Sepoimnindnamba kuwulva, nihilva Semper, eva Belanindnamba kuwulva. No Bela kembelva indanam sevrivna os, Soar. Nomba kuwulva himba noinda daosm uvna, osomba 12pelara himba keusingi lovahvna mongnindna kuwulna, wo hev keusingiva noinda ovumnina, nomba kuwulva nihilva Ketolaoma, himba Elamnindna kuwul wulluhunvna. Wo Ketolaomava eva hillinnamba, wo himba owai vevna, wo dawonam mongona tahonnam himba hevna owalm kuwulm 3pelaram nembaomana venamba, doa owalwolalm wonprovna, hevna daosnindm wonambvna. Nomba kuwulva 3pelarava himba Bapilonnindna kuwul, nihilva Amrapel, Elasarnindna kuwul, nihilva Ariok, eva Goinindna kuwul, nihilva Tital. Doa Ketolaomatatana ambanamba, boasna owalwole monglava kembelnindmba, os ningthiv Repai, Sus, Emi, Hor. Repainindmba himba owalwolanamba di Asterotkanara, doa os wohengilanga. Susnindmba himba owalwolanamba di Hamda, doa os wohengilangana. Emnindmba himba owalwolanamba di pundra Kiriataim, os wohengilangana. Hornindmba himba olora Seirra owalwolanamba, doa engilanganamba dem kembellam Elpararam di ella pethakoklara. Doa henga heoa ambna Kates kembellam, no Kates kembelva nonamba os sevrivna Enmispat. Wo osva himba pethamba wohvaohuthunvna hevm Amaleknindna. Wo mongnindm engilanganamba Amornindm, diva temba Hasasontamar kembella aevulvnam.
347	GEN 14:10	Doa Sotomnindna kuwul, Gomoranindna kuwul, himba pem engalm evevna. Heva os owai, melva di luhungu vevna pundrava, wo mella epihohowolna. Kuwulva monglava samblamongova wohangana pem oloram.
350	GEN 14:13	Doa mongo indhanarini wohgana, ishomnana Apram Hiprunindrinim, ten mendah wonavnam sahitra murapeta di Mamreinda. Mamreva nomba Amortindi, wo he boaslal sambla os aevulvna Apramna sehel. Boaslal samblana nihilva Eskol eva Aner.
352	GEN 14:15	Doa boasna himba hevtatanam moang vuku vena, wo sinim poaita ambwul venamba, ambanamba owalwolalm, doa engilungu vena. Venamba, engilpihal ve, venamba, Hopa kembella di Damaskusra nohalm.
355	GEN 14:18	Wo eva mongo kuwul hevna deuvrini venamba, di Apramba monara anongla vena, nihilva Melkisetek, wo himba Salem kembelnindna mendekli kuwul wulluhunvna. Melkisetekkumbiva nomba hovra luhunvna, vevna indhanam piawol vevna, eva Sesoamendeklim piavna. Himba Apramba nonglaphonamba, wainpol roti noi dembrahona,
363	GEN 15:2	Doa Apramba henga omnana, yimba Yawe mendekli av, wo yimba kamba mana emamba besalva vrahovrava, lehra. Heva os kava otolhui lohv, wo si kamba daharava, puewulva si ambalnindrini vaohothovav. Men kainda lohv, kana andranindrini, nihilva Elieser. Himba katindiriniva owai, himba Damaskus kembellini.
371	GEN 15:10	Doa Apramba os wohvena, ten Yawe hevm wohomnanam, tatamba nomba ipromnanamba Yawemba, doa ovla vranamba, nona hovrahovra popowol vevna. Venamba, vevna mongnahalm pulundthoavna, mongnahalm pulundthoavna, hovrava mona dihelgavna. Heva os leumb samblava owai, kovhoawolnamoa.
374	GEN 15:13	Doa Yaweva omnana, tanam yetindiva mindnam avav, wo ungundna petharava si euvmona vevav. Di si himba andranindilmangas avav ungundna keusingi, wo hemba mindnam ishunvav notongandram notongandram, kinsombm hemba vinvav. Hevpa si os ungundna keusingiva avav, wo hena ombolva avav, verava, umbeindilva, simbelva os si avav. Honamba tahonmba si verava, 400pelara lohvrava,
377	GEN 15:16	Amornindmba hona pethanindmba kava engilpiangavavmoa lelnamba daipotava. Hena indkoklava mani mendeklima, heva os dawonam himba indkoklava si ora mendekliva vira, si os kava engilpiangavav, wo yetindiva os ambvav homba aevulthalmba.
380	GEN 15:19	Wo ungundva memba huiva aevulvpa, hena pethava kava si yetindim kovorahunvav, Kennindna petha, Kenisnindna petha, Katmonnindna petha, Hitnindna petha, Peresnindna petha, Lepanindna petha, Amornindna petha, Kenannindna petha, Girkasnindna petha, Yepusnindna petha.
383	GEN 16:1	Doa Apramnamba ongalva Saraiva phal avna, wo noinda himba tlalm omnana, kava andranindrinim men waiav Isipongorinim, nihilva Hakar. Kava yemba os nengmanav, yeoa Hakarm vro, verava, ena vethara, manara, kava phal av, kava si yemba otolva sleihamanavavmoa, manara Yawe doa emba kanamba kevrana. Himba otolva lengtava, si kava osva ovav, kana. Memba pina wevsa luhunv.
386	GEN 16:4	Waiamana venamba, doa Hakarva nukulthoavna, hevm lihana, kakowa doa kinsombol av, noinda osva Saraina moamba hellevnamoa, esesm ahalvna. Nonam phona, Apramba di Kenan pethara avna, tahonmba 10pelara vevna.
387	GEN 16:5	Doa Saraiva phonamba, tlalm okosve, ye indkokla venamba. Hakarva kana moamba hellevmoa. Lihav, osva ena vethav kamba, wo noinda moamba hellevnamoa. Wo noinda osva Yawe heva osva ovav, an indkoklava vena, ye ora ka.
388	GEN 16:6	Doa Apramba henga omnana, manapenam, yena memba andranindrini, wo yimba hemba mana vemamba vemnavrava, veo manapenam. Noinda Saraiva Hakarmba sahonam vrevna, wohpholahangana.
390	GEN 16:8	Hakarm omnana, yimba henimonam gav?, yimba Saraina andranindrini. Hinimini yimba prov, hem yimba gav? Hev omnana, kava Sarainamini pem gav.
394	GEN 16:12	Heva os yena ombol mendekli verava, oi sungeitwinde, wo himba si daos ungundrinimsna lohvav, himba owalmongova euvmona vevavmoa.
395	GEN 16:13	Doa Hakar hellenamba, evekingil vetha, ona, tanamolnam kava Yawemangas nonglai, wo beswonam kamba ishomni, helveimoa. Noinda os omnana, Sesoa tanamolnam kamba nonglav.
397	GEN 16:15	Doa Hakarva ganamba, tuendisrinim di lengna Apraminda. Wo aral os awona Ismaelm.
399	GEN 17:1	Doa sisva Yaweva henga Apramba nonglaphona. Honamba os phona, Apramna osomba os lohmanavna 99pelara. Phonamba, os ishomnana, kava Sesoa, kava keknamangas lohv, wo yeoa kana moamoa hellengas veo, wo besalm wevsam engvm.
400	GEN 17:2	Henga yemba kava tanamolnam ishomnav, yetindiva si mindnam phovav kanapopol.
405	GEN 17:7	Hona tanamolmomba yemba kava maivethavavmoa yena otomotalhumunmba, si kava Sesoa wohluhunvav yena otomotalhumunmba.
409	GEN 17:11	Tuendisriniva simba 8pelara vevrava, doa hutovpa os kovhoamnavra. Wo yena wevsaoa osangas luhunvra daipotava, verava yunalm. Memba honamba os lohvra yena nihrava, osm indhanamba yemba nunglivra, yimba doa katindilm siheinna. Honaoa pevtindim vinvm, wo andranindm vinvm, ten aval yena deuvra tetwond vinvm. Wo andranindm vinvm, ten pev indhanana englisrini holvorombol vivnam dina.
411	GEN 17:13	Hona hutovmomba kava yemba ishomnavpa olhmoa, osva yemba kava tanamolnam wohishomnav.
414	GEN 17:16	Kava si beswonam vrevav, wo ena vethavav, tuendisrinim lenge yeinda. Honamba kava wohvevrava, henamba otomotalva si mindnam pulvovav no pethara no pethara, wo monglava si os kuwul mendekli ilvahul vevav.
419	GEN 17:21	Heva os Isakindangas kana moanonoava si wohlohvav. Ongapevpa yenamba si lengvav hona weisram no tahonnam.
436	GEN 18:11	Hev hellenamba, wo poaita ambo himba los owomanavna, os nengvna, doa kamba mundkolatov vewolv, demutrava kava doa wohwuleihana. Es himba onengv, kava lehra ihilmana evevma tlaiva?
444	GEN 18:19	Hemangas kava pusvundthoana, osva himba beswonam si hevna otomotalmba wonavav, wo kana moam ishomana vinvra, osva heoa beswonam wevsam engivra, hillivra. Wo himba osva vivrava, kava hemba os vinvav, temba kava Aprahamba doarava tanamolnam ishomnanamba.