54	GEN 2:23	Se kari mu balam, “Ese! Aitak imi asele aninga angimik sokel te aratam, ale aninga angimik nunguning te aratam; buta se ani aurik ‘imet’ maikko, mu awuk, nu aninga angimik sokel te aratam,” mam.
388	GEN 16:6	Se Abram den koma balam, “Ikiko! Hagar mu nika ura dungan imet. Mu ni nu bitarsam. Nika gemang te ni nu kumik te aguwaya bitarko mu uwutata bitarko.” Se Sarai Hagar bita maguwukaso ale yaman ikup ninguru tuikaso. Se nu nunga beteram ale namakaso.
559	GEN 22:11	bare Yawe ko engel duruk wonong te baga se auram, “Abraham! Abraham!” mam. Se Abraham “Ani iweya,” mam.
691	GEN 25:32	Se Esau balam, “Ikiko! Ani kuerikko pingita, se ani kari laun aga marak mu anape ningo ani aisuokko?”
1389	GEN 46:2	Se tirom Kaem anira te maonam, “Jacob! Jacob!” mam. Se Jacob “Ani iweya,” mam.
14451	PSA 35:21	Nuna den atumu ani aisisan ale balsan, “Aha! Aha! Karkaman bo! Ana namotam kuagi te kiwem memek bitawerem se karkaman!” masan.
14753	PSA 52:9	“Arigalko! Kari imitang Kaem te me ira sanami lagakaso, kota ko mel suen biya te sanamikaso, ale kariimet nunga maguwura te sokel ago bagakaso, mu aitak koma tam!”
16158	PSA 122:1	Tom nuna aninga manorman, “Ario! ana Yawe ko temple te namanakko,” maman, mu ani ninguru amilmilerem.
17784	ISA 3:7	Bare ko launuria umu sokel ago baluk, “Mena! Mu suwuta mena. Ani aga kawam te angimik na inang se guang ningo bo me aniso. Bore te se kariimet nunga kari supuling ko me aga baongalko.”
17844	ISA 6:5	Se ani niarem ale maem, “Boteko! ani ikup arigem! Mu awuk, ani agiring te bala memek arataso, se kariimet nuguring uwuta tala wore nunga ningi ani bagasam, bare ani Yawe, nu King Sokel Garagar, wore amotam te arigem.”
17993	ISA 13:17	“Arigalko! ani Medes alo nongomang patawurik se Babylon alo nunga maguwumonko, Medes alo mu, silver ko nongomang me barasoso, se nomotam gold te me aniso.
18002	ISA 14:4	mu nina Babylon ko king nisiwik sapa tual, ale iwita balalko: “Arigalko! Kakirip tamatama daongawaram mu aitak mena! Arigalko! Nago ko memek bitawaram mu tai sanamaram!
22413	JOL 4:1	“Ikialko! Tom mu kaparuk se ani Judah se Jerusalem ningi mel suen biya nungek burangarikko.
23502	MAT 10:16	“Ikialko! Ani nina sipsip iwita ninga beterem se kausik diwang nunga ningi namasan. Bore te se, nina mot wis sinar la lagoso iwita laga se, ningo yawarakala la inangnang biton iwita lagaralko.
23560	MAT 12:2	Se Pharisee alo nungarkaman ale nu manorman, “Arikko! Nika olekem alo Sabbath tom imi ko munan kulukurman!” maman.
23699	MAT 14:33	Se olekem dal awote bagaman mu nuna noko nup patawukasan ale balukasan, “Nunguningta! Ni Kaem ko Namar!” makasan.
23904	MAT 21:9	Se kariimet saki Jesus ko gira namakasan se saki udagi taikasan, mu suen la aikasan ale balukasan, “Hosiana! David ko Namar amilmil tunakko! Marak se amilmil yawara awiriya Yawe nup te taiso mu kote kaparukko! Hosiana! Kaem Kalel Biya!”
23926	MAT 21:31	“Uwutata! Se nina awuk ikisan? Kuriang ilagala mu nunga ningi awuk wore nuet ko kuring karo tuam?” Se nuna balman, “Laun wore,” maman. Se Jesus nunga maonam, “Ani nunguningta ninga manorsam, takis tata kari se lage luan imet mu ninga kiaman ale giriman Kaem ko kingdom ningi kasu naguwasan.
24058	MAT 24:32	“Ario! Nina aitak tam fig te kausa sang ari ikialko: Tom tam fig ko kower awote gurek gawa iru diruwuso, mu nina umu te ko ikisan, nunguning kaparukko tom pingi aram masan.
24148	MAT 26:25	Se Judas, kari Jesus memek te bitirukko, mu mam, “Rabbi, ni aninga iki se me balsam agila?” mam. Se Jesus mam, “Se! mu nigita,” mam.
24168	MAT 26:45	Asele peleram ko olekem alo nongote tairam ale nunga maonam, “Au! agi am ani se neneman sapawasan e? Arigalko, tom tai aratam, se Kari ko Namar kari memek nuguting te betemonko.
24395	MRK 4:3	“Ikialko! Ningam ura ko kari bo ko ningam te inang muguri warukko namaram.
24559	MRK 7:27	Se Jesus iwita maonam, “Ikiko! Munan diram mu iwita: Kuriang nunga nongomang te na namon nama nungumik ago ninguru terong maukko. Bare kuriang nunga na me nana se gira ale nunga kausik nungara mu munan memek.”
24719	MRK 11:10	“Amilmil yawara, ananga nainet David ko kingdom taiso mu te aniso!” “Hosiana! Kaem Kalel Biya!”
24829	MRK 14:6	Bare Jesus nunga maonam, “Beteralko! Nina anape ko nu gomang ikup tusan a? Nu munan yawara nunguningkiri wore ani angimik te beteram.
24864	MRK 14:41	Se nu akingtala namaram ale guranek beteram, ale peleram tairam mu nuna aking tala aniwaman se nungarkam, ale balam, “Au! agi am ani se neneman sapawasan e? Mu terong mam! Arigalko, tom aram, se Kari ko Namar kari memek nuguting te betemonko.
24924	MRK 15:29	Se kariimet nama taikasan mu nuna ari se nusupuling sisuwuwakasan ale den dolara tuikasan, “Se! Ni temple parusuwur ale tom ilagala suan ningi aking iru kaloko balem,
25022	LUK 1:60	bare ko nuam balam, “Mena! Noko nup mu John,” mam.
25166	LUK 4:34	“Ha! Nazareth kari Jesus, ni ana awuk nanga bitarko? Agi ni anananga maguwurko tairem e? Ani nika ikisam, ni Kaem ko Kari Laili!” mam.
25454	LUK 10:22	Ale mam, “Ikialko! Aninga Ait melmasak suen la ani agiting te bita saparam. Awiriya bo Namar ko me ikiso, bare Nuet kota suanta ko Namar ko ikiso. Se koma suanta tala, kari bo Nuet ko me ikiso, bare ko Namar kota mu Nuet ko ikiso; se arikaya Namar kota nunga balso mu ko Nuet nunga kasurso se ko ikisan.”
25733	LUK 17:13	sail te aru manorman, “Jesus! Kari Biya! Ana nago ko gemang batagukko!” maman.
26293	JHN 5:14	Udagi Jesus kari umu aking temple ningi arigam ale maonam, “Ikiko! Ni aitak nungerem. Udagi memek me bitarko, ikup memek biya nunguning arik bore ko!” ma maonam.
26423	JHN 7:26	“Arigalko! Nu aitak murum te wetang te munakawoso, bare nuna den bo yam ta me manorsan! Agi supuling alo aitak ikiman mu nu nunguningta Kristus agila pa?
26549	JHN 9:40	Se Pharisee sang nu kumik duap te bagaman mu den mu ikiman ale balman, “Awuk! Agi, ana agotala namotam sisira e?” maman.
26628	JHN 11:36	Se Juda alo nunumi manarukasan, “Arigalko! Lazarus ko ninguru kuakaso!”
27153	ACT 5:25	Bare kari bo tairam ale mam, “Ikialko! Nina arika talipara ningi nunga awuman, se umu arika temple ningi kariimet den nunga kasuruwasan?” mam.
27771	ACT 21:39	Se Paul den koma mam, “Mena! Ani Juda kari, ani Cilicia wonong Tarsus ko, ani wonong bo nup mena ko kari mena. “Ni kuring aisu se kariimet den sang nunga manikko terong e?” mam.
27799	ACT 22:27	Se kager kari nunga supuling biya mu Paul kote namaram ale isuam, “Ni balu se ani ikiekko, ni Rome ko citizen bo e?” mam. Se Paul mam, “Se! mu nunguningta,” mam.
28256	ROM 9:33	Batoga te aniso iwitata: “Arigalko! Ani manga bo Zion betesam, manga umu kariimet nusuwik te atumumonko; nuna manga umu nusuwik te atumumon ale dagulamonkowo. Bare awiriya nu te ira sanami lagasan mu me te dagulomon ale dolomonko.”
30754	JUD 1:14	Enoch mu kari ko gue Adam te se kaparam tai gue 7 mu nu bilangaram. Nu kariimet uwuta mu nunga iwita giram balam: “Arigalko! Kari Biya ko engel laili, kaura ko moke mena nunguningkiri wore nongorak taiwoso.
30852	REV 5:5	Bare kari supuling umu nunga ningi bo aga maonam, “Me mo nierko!” mam. “Arikko! Judah ko gue te Lion aratam, David ko Miri mu sokel ago aratam, ale kager te sail ago sanamaram. Nu scroll umu ko kaola kutira 7 pela mu kututuwurok ale apurokko terong mam.”
30890	REV 7:12	ale makasan: “Nunguning! Amilmil yawara se nikitang biya, se ikia sinar se nup patawura, se nup biya, sokel biya, se sangam ningo mu anananga Kaem ko, pempem la butata ani se lagarukko, nunguning!”
30908	REV 8:13	Se ani loagawerem mu taraga bo kualala binga se sail karogo airam ale balukaso, “Boteko! Boteko! Boteko!” makaso. “Mu awuk, engel ilagala suan am bagasan umu nunga trumpet itugumon mu, o ali imi ko kariimet mu nina awuk ko ya?”
31030	REV 16:7	Asele ani altar te kuring bo aratam se ikiem, mu iwita balam: “Nunguningta! O Kari Biya, Kaem Sokel Garagar, ni nunga betera kaora ko koma, te tamonko wore te diram la nungarsam.”
31038	REV 16:15	“Ikialko! Aninga taira mu tere kari ni me ko iki bataguruwara se taira iwita tairikko. Awiriya marak sinar ago baga se numi nunguru burangiwoso mu amilmilarukko. Uwuta mu asele tom biya mu kaparuk mu nu me tinga biririkirok, ale nunguning la bagoso mu ko me dolurukko.”
31087	REV 19:1	Asele ani akingtala ade gurugem ale kariimet motam biya bo duruk wonong te sokel ago iwita ai bala iwita ikiem: “Aleluya! Anananga Kaem mu nu kota nup biya se sokel ago! Sangaru ta ko kotam mu nu kota!
31089	REV 19:3	Ale akingtala ai balukasan: “Aleluya! Imet umu kani malilawoso umu ko bur mu uwutata pempem barasu se lagarukko.”
31092	REV 19:6	Asele ani nirung bo tala, kariimet motam biya ai balu kam agi, yu sokel ago nagura ko nirung agi, pure sokel ago paga ko nirung iwita ai balukasan se ikiem: “Aleluya! Mu awuk, anananga Kari Biya Kaem Sokel Garagar, nu mel suen la bitaruwoso!
31103	REV 19:17	Se ani engel bo worem te sanamiwaram se arigem. Nu inangnang kualala bingawaman umu sokel ago nunga auram ale mam, “Tairalko! Kaem ko inang biya nungam ewere ko tai ilu biguwuralko!
31156	REV 22:7	“Ikialko! Ani tairikko tom pingi aram! Se kariimet awiriya mel udagi aratukko umu ko den batoga imi ningi aniso mu karo tuiwasan, mu amilmilamonko.”
31161	REV 22:12	“Ikialko! Ani tairikko tom pingi aram! Ani ningo memek koma ningarikko taiwasam, ale kariimet suan suan nunga betera kaora te iki se koma diram la nungarikko.