23260	MAT 2:22	Aser Josep ka eipm sank na Arkelaus naimpil nkamump yemp nkan waiek ankilel Herotel, kil ka apmoi omoule amamp awulmp kitapm Judiael ka ar Israelel. Josep ka nkinkiekn ampulp na la Israel, aser Wulapm Weink akei yenkeniepmel nankimpil na, “Yikn la kitapm Galili”.
23261	MAT 2:23	Kil kilpe la Galili ka yemp yatel ar Israelel, kil nkupmus oumpyetneel ka nti aiyimp Nasaret, ka sop sank kumpueik omouleel nakel. Kil nakaworp yapmonemp Wulapm Weinkel nak na, Kako nti yimpil omoule Nasaretel.
23274	MAT 3:13	Aninkel kilelel, Jisas nkarp eik Galili mila upukn Jordan. Kil la aser Jon, nakimpil na, “Yikn wurp apm yo mpep”.
23290	MAT 4:12	Jisas ka eipm aser nti mper Jon apmoi yetne kuoretel, et kil awemp Nasaret apmoi. Kil mila Kaperneam ka ar kitapm Galiliel, ka kitnan nantip mpepwarmp Galili. Kitapm kilpe nti nkisel, ka kumpueik nti oupmweink Sebulun nampueip nti Naptali nkisel.
23292	MAT 4:14	Ka sop sank ka kumpueik Wulapm Weink aki yapmonemp Aisaiael, ka kil nak na, Nti Sebulun nampueip nti Naptali, kitapm antuol ka ar Galili apei yakitie upukn Jordanel. Nti ka sil aiyapel suknel ka la mpep nioupmel, et nti omoule yatel wampwamp mitinkel ka antemp nti nkis. Nti ementitmuaken nkan Sebulun nti Naptaliel, nti ka nkis kuko antemp yapmonemp nilapmel. Aser Wulapm Weink kako yupul yapmonemp nilapmel antuol kilelel ko yer mpilil ntinkiraiimp. (Aisaia 9:1-2) Jisas ka apei Kaperneam ntokilelel, ka Wulapm Weink apul sank Aisaiel kilpe niminink.
23296	MAT 4:18	Jisas nakerpm mpepwarmp eikiriekn Galiliel amu aser, kil anser ntiwie esuknuanel, Saimon, ka nio yatel ankilel Pita, nampueip uknuan ankilel Andru. Ntiwie apul niokn wuntokn ntiwieel akei ntoknpuank nkamp oyokn apmoi mpepwarmp.
23301	MAT 4:23	Jisas ka etn aser nti eikusukn ar kitapm Galiliel, kil muar yonk Wulapm Weinkel irpm antuol yumuap nti ementitmuaken sank sepmel apulp Wulapm Weink na yuwulmp ntiel yer onto ankilel. Nti ementitmuaken ka wulenip mimi apul ntiel, kil naimpil apul nti sepmimp.
23303	MAT 4:25	Nti omoule ementitmuaken mitinkel, ka nkarp ar Galili, Dekapolis, Jerusalem, Judia, nampueip nti yemp ka ar yakitie nkan pukn Jordanel, nti ka sopil.
23442	MAT 8:28	Jisas ninink nternkiepm Gadarael ka eik yakitie mpepwarmp Galiliel. Nti omoule wie ka muanumpuor yanker apul ntiwieel, nti ka eik yemp ntopmuanel niminkemp Jisas. Ntiwie ka kuko nkernkerelip. Sopilelel, nti ementitmuaken ka nkinkiekn apulp ntiwie, et nti nkarkemp na yetn aiyapel kilelel.
23501	MAT 10:15	Apm nakimp yipm etetel, kuatiar kona Wulapm Weink yuntunel nti ementitmuakenel, wankepm kako ninkemp nti ementitmuaken yer yemp suknel kilelel kako suknelip, kako samunkuork wankepm suknel kako ninkemp nti ntitmuaken yemp suknel Sodom nampueip Gomorael, ka apulp kumpueik nti nkis yapmonemp sankminamp kuoretel”.
23529	MAT 11:1	Jisas karep nak yumuap nti 12-pla ka sopilel sank miniat, aser kil na mila yemp suknel irpm ka ar kitapm Galiliel na ninkimp yumuap nti ementitmuaken sank Wulapm Weinkel.
23667	MAT 14:1	Aninkel, Herot ka omoule amamp ka awulmp kitapm Galiliel, kil eipm sank ampulp niokn ka Jisas apulel.
23700	MAT 14:34	Jisas antempel nti omoule ka sopilel, nti kilpe antun mpepwarmp mila eik yakitie yemp Genesaretel.
23701	MAT 14:35	Kona nti omoule Genesaretel aser amorel ka Jisas ankil, nti mper sank nakimp nti ementitmuaken ka ar oumpyetne eikusukn kitnan kitnanel. Nti kilpe ka nkamp nti ementitmuaken ka wulenip apul ntiel, apul nti mila aser kil.
23731	MAT 15:29	Jisas awemp yemp kile apmoi, kil etn mila mpepwarmp Galili eikriekn. Kil no malenkel nkistapm.
23791	MAT 17:22	Jisas antemp nti omoule ka sopilel ar la lekekn ar kitapm Galili. Jisas nakimp nti na, “Nti kile kako mper apm Es Nkan Ntitmuaken Eikusuknel la onto antuol omouleel.
23832	MAT 19:1	Jisas nak sank miniat, kil awemp kitapm Galili apmoi, kil etn la kitapm Judia ka ar yakitie upukn Jordanel.
23906	MAT 21:11	Aser nti omoule ka antempil lael nakimp nti omoule Jerusalemel nak na, “Kil ka Jisas. Kil ka omoule ka nakaworp yapmonemp Wulapm Weinkel. Kil ka eik oumpyetne ankilel Nasaret ka ar Galiliel, kil la”.
24155	MAT 26:32	Aser Jisas nak na, “Nti ko yer apm wuntuel, aser apm ko nimpil serp yer yemp ka nti antup muan oel, epe apm kileko la Galili miniorkn nkisemp yipm”.
24159	MAT 26:36	Jisas nampueip nti la yemp Getsemani. Kil nakimp nti omoule niemp ka sopilel nak na, “Yipm kipiseiye. Apm'a la kuor nek sank yentemp Waiek Ekeipmel”.
24192	MAT 26:69	Pita etn ar anuyapel, aser muakenel ka apulp omoule amamp niokn kuserelel, kil la kitnan nantip nankimp Pita na, “Ka yikn epe, ka etn antemp Jisas Galiliel”.
24196	MAT 26:73	Ar pitepitekn aser, nti omoule ka etn nantipilel, nti nak na, “Ka etetelel, yikn ka ninkilapmel antuol. Sank ourenk aiyiknel ka an eipm ankuorp ka sop antuol Galiliel”.
24231	MAT 27:33	Nti la niminink yempel, nio ankilel Golgota. Niupukn nio keielel ka nak apulp amamp lenkepmel.
24253	MAT 27:55	Nti muaken mpurel ka kumpueik awemp Galili sop Jisas wakerpilel, nti kilelel la etn peik anser.
24271	MAT 28:7	Kona yipm ser niatel, et yipmwie pelkel la nikimp nti omoule ka kumpueik sopilel nek na, Kil karep amemp ntoupm muanel apmoi, kil ka naimpil nkarpmop. Yipm eipm. Kil ka no Galili miniorkn. Et yipm no Galili nser kil. Apm ka la nakimp yipm sank kipe”.
24274	MAT 28:10	Epe Jisas nakimp ntiwie na, “Yarkup kakorokn yupul yipmwie. Et yipmwie la nikimp nti uknuanuknuan apmelel, nti kumpueik sop apmel, nti ko la ser apm yopmoi Galili”.
24280	MAT 28:16	Nti 11-pla omoule ka sop Jisasel, nti ka mila Galili. Nti ka la napir malenk kilelel ka Jisas nakimp nti na lael.