29	GEN 1:29	Na꞉tapo wua꞉ta dlowe alisisi opi ta꞉la dulu dla milimalalo mate epo dali di dla dlomoko mila꞉pi meyelope meyelope dle mate ma-hapiwapo, wua꞉tapo demha꞉ha꞉lepo depame.
54	GEN 2:23	Epalati oplamita epo atlaiyo, “Wata ma-natima, ya꞉ye na꞉ mate ala꞉na. Ya꞉ye na꞉ elo tle epo na꞉ mo tle mita꞉pelepo. Epedeme ka꞉dena, ya꞉ hiye a꞉ya dlepe. Adipalati, ya꞉ye oplami moto tle holahapame mita꞉pelepo,” diyo.
206	GEN 8:22	Amasiyama ta꞉lamota matle hallowe oloma edla alisisi emolowe alila me-ellepe, epame alisisi hauwallowe alila ma me-ellepe. Epame pomale alila ma me-ellepe, epame alemalle alila ma me-ellepe. Epame tene alila mate epo sali silaple alila mate ma me-ellepe. Epame utula꞉la mate alila mate ma me-ellepe.”
295	GEN 11:28	Epame Halan ya꞉ a Tela ala me-hallati Halan mo-powaiyo, Kaldeya mo pato dulu dla ya꞉ mo ikadepe Ul dla.
361	GEN 14:24	Epapele dulu dla wa꞉ alisisi dulu dla na꞉ opata dlowe alisisi opiye mo-douwa, epedeme eye na꞉ta wa꞉ dla halomolowe asiyama epo. Amasiyama wa꞉ ka꞉dena, na꞉ mate tamalale so opa Ane mate Esko mate epo Mamele mate dla alisisi halopiliweye.”
440	GEN 18:15	Amasiyama Selaye sikemte wota꞉mama ya꞉tapo eimale kokoye kesomama, na꞉ pe-eimana, diyo. Amasiyama Godtapo ya꞉ watle epo atlaiyo, “Hao, wa꞉ me-eimalepo,” diyo.
444	GEN 18:19	Adipalati, na꞉tapo ya꞉ye mo-souwapo, ya꞉tapo ya꞉ mamaduloye God yu imama ka꞉ka꞉dle koko tlo halomha꞉ha꞉lepo depame. Epalati na꞉tapo ya꞉ dla yu itiyapo himiwa kokoye e hamilowepo,” diyo.
556	GEN 22:8	Epalati A꞉iblahamta asiyama epo atlaiyo, “God meyelo sipi aliya yemala eye di watle nati-ilipe, dita yumpame God hi di dla ta꞉demama ha꞉loweye,” diyo. Epame yia꞉ta madipatata ma-tamalaiyo.
568	GEN 22:20	Koko i gudlati alotle A꞉iblahamtapo oplami haleta ya꞉ watle yu hamili yu iye me-daliyo, “Wa꞉ ei Nahol ya꞉llu Milkaye akimlala 8 hatitimuwapo.” Epedeme akimlala ewolo hiye ipo, Us, epo Bus, epame Alam ya꞉ a Kemuwel, epo Kesed, epo Haso, epo Pildas, epo Yidalap epame Betuwel. Epalati Betuweltapo Lebekaye himiyo.
576	GEN 23:4	“Na꞉ye mo hale oplamita ma wua꞉ mo hema isikimi asepe puame halapo. Epedeme wua꞉ na꞉ watle ta꞉la nati-iya, na꞉ epalati asiyama mate ta꞉la e hapame na꞉ a꞉ya motoye hamatilowama,” diyo.
638	GEN 24:46	Epalati ya꞉tapo ya꞉ eto maka꞉ di dla polaleye na꞉ watle haiyemama, yú i tlo dene de. Epame ma ya꞉tapo na꞉ ka꞉mol aliya ma yú ilimili de. Epapedeme na꞉ yú e ma-de, epo na꞉ ka꞉mol aliya mape yú me-ilima.
765	GEN 27:37	Amasiyama Aisektapo ya꞉ watle epo atlaiyo, “Na꞉tapo Yokob watle itiyamale ma-hamilipo, ya꞉tapo wa꞉ye dokopala depo halemama wa꞉ asiyadulo dla mape ya꞉ta dokopala depo hallepe. Epame na꞉tapo na꞉ emale alisisi osalo hapuloma ma ya꞉ dla ma-hapi. Epapedeme na꞉ matle apa kokoye wa꞉ watle hamipa꞉? Na꞉ dla koko opiye ma-hawa,” diyo.
781	GEN 28:7	Epame ya꞉ ma me-daliyo, Yokobtapo ya꞉ a Aisek yu dalepame salladepo Padan Alam mo dla tale kokoye.
861	GEN 30:30	Epapele dulu dla na꞉ta ka꞉yapa puwa oloma edla wa꞉ aliya haloye pase pasataleta halana. Amasiyama wata oloma hema wa꞉ aliya halotapo sikemte kustipo tame elapo. Adipalati, Godtapo na꞉ta koko halomale tle wa꞉ dla gadle pato himhaluwapo. Amasiyama wata oloma hema alilatapo mo-puapo, na꞉tapo naskamu na꞉ yimlala siyapo tlo omhalloweye,” diyo.
879	GEN 31:5	Epame yia꞉ watle epo atlaiyo, “Na꞉ wata mo-malanatima, wua꞉ atapo na꞉ dla elle himhala kokoye. Amasiyama dulu edla na꞉ a Aisek ya꞉ Godtapo na꞉ mate halemama wua꞉ atapo na꞉ watle wotiyalle pohamimdena. Epapedeme wua꞉ mo-wua꞉malamana, na꞉tapo wua꞉ a oko pato hamhaluwaye. Epapele tlope ya꞉tapo na꞉ dla isikimi mala-atlale koko hamama na꞉ oko asiyamaye alila opi dla meyelope de epo ma alila opi dla meyelope de demhaluwapo.
1129	GEN 38:9	Amasiyama Onantapo ya꞉ bapa elo dla hallowe maseyemala himilowe posolotamaiyo. Epammama ya꞉tapo Tama mate elale oloma edla ya꞉ nalakaleye alikili dla o-olotimdiyo, ya꞉ta mopapo popollalo wekelepo depame.
1134	GEN 38:14	Epapele dulu dla ya꞉ mo-malamaiyo, Yuda yami Salata mo-pato depo hala kokoye. Amasiyama epapele tlope ya꞉ moma Yudatapo yami Salaye ala ya꞉ watle pohamilalo halaiyo. Epalati asiyama ya꞉tapo Yuda elemolowedeme ya꞉ dupulapi tluka uptipame isikimi duka dla sela꞉lalo a꞉ya some ya꞉ mila꞉piye tlukata bopudepo tame Enaim mo kosukulli kokoloma tala dla Timna dla tlalo api dla ompolaiyo.
1267	GEN 42:14	Amasiyama Yoseptapo yia꞉ watle epo atlaiyo, “Medla gudiya! Adipalati, na꞉ta ka꞉yapa wua꞉ watle ma-atlalepo, wua꞉ye mo hema isikimi wota꞉ pumulalepo.
1345	GEN 44:20	Epalati dita wa꞉ watle atlemama, yao, dia꞉ a mate epo di ei yemala Benyamin, di ata mo-totoyemala halemama himili ma me-halema, duwapo. Epedeme na꞉ a ya꞉llu hale Leisol ya꞉ akimlala dapiyamte dulu dla hatlo Benyamin tlo halapo. Adipalati, ya꞉ bapaye mo-pouwapo. Epapele koko tle ya꞉ atapo ya꞉ye sikemte malamale pato elemde.
1371	GEN 45:12	Epame Yoseptapo mamisika꞉ yia꞉ watle epo atlaiyo, “Wua꞉ watapo wua꞉skamu me-malanatipo, na꞉ye ikadepe wua꞉ ei Yoseppo. Epame Benyamin wa꞉ mape na꞉ye me-malanatipo, na꞉ye ikadepe wa꞉ bapa Yoseppo.
1439	GEN 47:18	Epalati yia꞉ Yosep hala dla tame epo atlaiyo, “Ditapo wa꞉ watle asiyama mate daya halomha꞉ha꞉mama di mani mate epame di aliya halo mate mo-pokapokadepo. Epapedeme di ma apa alisisi wa꞉ dla halopimama asiyama daya halopa꞉? Dia꞉ dla di alisisi hapulomaye ma-hawa, isikimi di moto i mate epo di ta꞉la mate tlo me-hutiyepo.
1463	GEN 48:11	Epame Yokobtapo ma Yosep watle epo atlaiyo, “Na꞉ta malamaletapo wa꞉ye ma ponatilalo wekelowe tepo demduwa. Amasiyama wata Godtapo hatlo wa꞉ tlo ponati-ina, amasiyama wa꞉ akimlala mape na꞉ watle me-nati-ilipo,” diyo.
1552	EXO 1:19	Epalati asiyama yia꞉tapo epo atlaiyo, “Dokopala oplami, wa꞉ natine, Hibulu so wola꞉ye owayimlala hohomolowe dla sikemte i-itiyamana, po-Isip so wola꞉ epapena. Epapele koko tle dita ma hapele tuwame yia꞉ gadloweye pta dekelemde,” diyo.
1745	EXO 9:2	Amasiyama Pelotapo na꞉ opaye alikili a꞉ma woyamaiya dlowe dla ala me-alimhallepiye, na꞉tapo ya꞉ aliya halo hapuloma dla esulumale pato hamilowepo. Epalati ya꞉ hos aliya mate epo donki aliya mate epo ka꞉mol aliya mate epame bulumkiyawa aliya mate epo sipi aliya mate epame gaut aliya mateta esulumale pato halomama pallipe.
1839	EXO 12:22	Epame omali tilipame dali tatala hauwalepo omali dla saodepame kokoloma tala alikili dla huhutupiliyemtaiya. Epame utula꞉la edla oplami haletapo alikili a꞉ma po-ulatlowa, amasiyama woloma aya dulu dla popa꞉mtelepe.
1848	EXO 12:31	Epedeme utula꞉la oloma edla Pelotapo Moses mate epo A꞉lon mate sisilapame yia꞉ watle epo atlaiyo, “Wua꞉ta hapuloma wata ma-tamalaiya! Wua꞉ wola꞉ mate epo wua꞉ yimlala mate epo wua꞉ aliya halo mate me-eleme ma-tamalaiya, wua꞉ God hi di dla ta꞉dlowedeme. Amasiyama wua꞉ tamama God dla inoma sumale mate na꞉ gadiya,” diyo.
1902	EXO 14:12	Epame ditapo wa꞉ watle ma-atlamduwapo, ‘Wa꞉ di memelene. Di Isip mo medla asiyama pa꞉le oko halomha꞉ha꞉lowama,’ demduwapo. Epapele dulu dla di asiyama pa꞉le oko dulu medla ha꞉ha꞉matiye, di dalupa dulu hema puame popalima,” demyaiyo.
2061	EXO 20:9	Adipalati, wa꞉ dla alila 6 me-hutiyepo, wa꞉tapo alila edla wa꞉ta solotamale oko halomoloweye.
2472	EXO 32:33	Epalati Godta asiyama Moses watle epo atlaiyo, “Opa anawolotapo na꞉ dla batalimale koko mo-halomuwa, opa ewolo hi tlope na꞉tapo na꞉ buka tle hiyotimolowepo.
23235	MAT 1:22	Epapedeme koko hapuloma ita mo-wowoyamaiyo, Lodta ya꞉ tle yu hapame molo atlalo oplami mati tle atlamale kokota mikadepe dlepo depame. Adipalati, ya꞉ta epo atluwapo,
23253	MAT 2:15	Yia꞉ edla tame Helodta polopo depame omha꞉ha꞉iyo. Epedeme koko ita mo-woyamaiyo, Lodtapo ya꞉ tle yu hapame molo atlalo oplami mati tle atlale yuta mikadepe dlowedeme. Yu eye ipo, “Isip mo dulu tle na꞉tapo na꞉ maseyemalaye sisilamuwapo.”
23292	MAT 4:14	Koko itapo mo-woyamaiyo, God tle yu hapame molo atlalo oplami Aisayatapo atlale mate ala꞉lowedeme. Adipalati, ya꞉ta yu ipo atluwapo,
23314	MAT 5:11	Epedeme opatapo na꞉ koko yilo wua꞉ putlopame hopolemyemama wua꞉ hi mate mala-atlamyelepiye, wua꞉ sisiyeiya.
23324	MAT 5:21	“Epedeme Godtapo mo-powataliya di mamadulo dla yu ipo atluwaye wua꞉ ma-daluwapo, ‘Ya꞉mkale yumula aiyalma, epame ya꞉mkale yumulalo oplamiye koko gladle dla hamamhetlepe,’ duwa kokoye.
23330	MAT 5:27	“Epedeme wua꞉ yu ipo atlati ma-daluwapo, ‘Ya꞉mkale a꞉ya uhala aiyalma’ duwa kokoye.
23334	MAT 5:31	Epame wua꞉ yu ipo atlati ma-daluwapo, ‘Oplami antapo ya꞉ a꞉ya memellowe solotamelepiye, ya꞉ye a꞉ya mellalo pepa dla yu ilipame a꞉ya watle hamilipe,’ duwapo.
23336	MAT 5:33	“Epame wua꞉ di mamadulo dla yu ipo atlati ma-daluwapo, ‘Wa꞉ God dla koko hale halowedeme aiyalma sepame aiyalma eye ma popostlowa,’ duwapo.
23341	MAT 5:38	“Epame wua꞉ yu ipo atlati ma-daluwapo, ‘Wa꞉ ya꞉mkale heyumama inoma topa꞉dlepiye, ka꞉dena, oplami haleta asiyama wa꞉ heyumama inoma topa꞉dloweye. Epame matle wa꞉ ya꞉mkale a꞉pe nama dla heyumama a꞉pe hatlo holamastlepiye, ka꞉dena, ma asiyama oplami haleta wa꞉ a꞉pe nama dla heyumama a꞉pe holamastloweye.’
23346	MAT 5:43	“Epedeme wua꞉ yu ipo atlati ma-daluwapo, ‘Wa꞉ amkale tlo bokotiyapo malamama asiyama wa꞉ dla opahale dlalo oplami tlo aline’ duwaye.
23721	MAT 15:19	Adipalati, ya꞉ dupa dulu tle ipapele kokota wowoyamdepo, batalimale koko malamolowe, epo ya꞉mkale yumuluwe, epo ya꞉mkale ya꞉llu mate ya꞉mkale ya꞉wolali mate uhalowe, epo opa mate wola꞉ mate uhalomolowe, epo upo alisisi uhalowe, epo ya꞉mkale mala-atlowe, epo ya꞉mkale hi mate putlopo atlowe.
23745	MAT 16:4	Wata oloma hema ha꞉ha꞉ so opaye pta bobtalimana. Epame yia꞉ ma God kokoye pokoko desemdepo. Epammama yia꞉ ulugiyemale koko tlo tlamha꞉ha꞉lowedeme na꞉ watle atlamha꞉ha꞉po. Amasiyama na꞉ yia꞉ dla ulugiyemale koko hale ponati-iliwa, isikimi Yona koko tlo yia꞉ watle nati-iliwepo.” Yesu koko i atlepo gudepame yia꞉ saliyome ma-taiyo.
23753	MAT 16:12	Epalati ya꞉ alotle tlalo sotapo edla malanatiyo, Yesuta ikadepe daya koko dla po-atlalo, isikimi Pa꞉lisi so mate epo Sa꞉dusi so mateta imale koko dla atlaleye.
23789	MAT 17:20	Epalati Yesuta asiyama yia꞉ watle epo atlaiyo, “Wua꞉ta mikadepe dleye pta yimka꞉sikili ikadepe. Epapele koko tle wua꞉ta bataliya i alikili dla dodolomoloweye itiyamale hawa halalepo. Epedeme na꞉ ikadepe koko wua꞉ dla atlema. Wua꞉ta mikadepe dleta dlomoko ale yimka꞉sikili epapele some wua꞉ dla me-hutiyelepiye, eta wua꞉ ala꞉na, tamali watle atlemama ‘ma huma tame polane’ dlepiye, mepapelepe. Epedeme koko haletapo wua꞉ dla pokokallowa. [
24216	MAT 27:18	Epele dulu dla ya꞉ mo-malanatiyo, Yu so dokopala sota Yesu dla sikemte elle himimama ya꞉ watle hamame pualeye.
24299	MRK 1:15	“Ka꞉dle alilata mo-puapo, epame God ya꞉ mo kokota puluweye mo-mateka꞉pi. Epedeme wua꞉ malamale meyelope depame wua꞉ bobtalimale tle heheletipo ka꞉dle yu dla mikadepe diya.”
24383	MRK 3:26	Epo Saitentapo ya꞉skamu ya꞉ opa mate duka gladepame opahale dlepiye, ya꞉ mo kokota kokó pe-ellowa, medla pa꞉lepe.
24407	MRK 4:15	Epapedeme opa opitapo witi daya ale opi api duka dla teteyuli epapele some ha꞉ha꞉po. Yia꞉ God yu ma-dalemdepo, amasiyama Saitentapo pakasiyamalalo yia꞉ tle kolahamdepo.
24465	MRK 5:32	Amasiyama Yesu me-tlamhalaiyo, ya꞉ tluka umale oplami natilowedeme.
24544	MRK 7:12	Amasiyama aiyalma imalalo so, wua꞉tapo ya꞉ watle epo atlemdepo, ‘Wa꞉ a mate wa꞉ wai mate matle gadlowe poka꞉dena. Adipalati, wa꞉ yu me-himiwapo, wa꞉ alisisi God watle hapilowedeme,’ demdepo.
24554	MRK 7:22	epo alisisi sikemte halomolowe malamale, epo poka꞉ka꞉dle koko halomolowe, epo ya꞉mkale mala-atlowe, epo opa inoma dali dla wota꞉le koko halowe, epo ya꞉mkale ellewe, epo ya꞉mkale hi mate putlopo atlowe, epo ya꞉skamu di dla hamhetlowe, epo dokopala pa꞉msiyamolowe.
24880	MRK 14:57	Epalati opa opita sillipame Yesu hi mate ipo mala-atlamyaiyo,
24887	MRK 14:64	Adipalati, wua꞉ ma-dallepo, ya꞉ta God hi mate putlopo atlaleye. Epedeme wua꞉ apa koko ya꞉ dla halowe solotama꞉?” diyo. Epalati Yu so dokopala so hapulomata epo atlamyaiyo, “Yesuye pta batalimale oplami. Epedeme ya꞉ polowe ka꞉dena,” demyaiyo.
24904	MRK 15:9	Epele dulu dla Paelet mo-malanatiyo, Yu so dokopala sota Yesu dla sikemte elle himimama ya꞉ watle hamame pualeye. Epammama ya꞉ta opa hapuloma watle epo atlaiyo, “Wua꞉ solotama꞉, na꞉ta wua꞉ dokopala oplami Yesu tlo alikili dla hamame woyamoloweye?” diyo.
25068	LUK 2:26	Amasiyama Hela꞉dle Sokota ka꞉yapa ya꞉ watle ma-atlaiyo, ya꞉tapo totoyemala ikadepe halemama Lodta sale Kelisoye natipame poloweye.
25076	LUK 2:34	Epame Simiyontapo God hi tle yia꞉ dla siyele hamimama Meli watle epo atlaiyo, “Godtapo maseyemala iye ma-sauwapo, Isalael so opita ya꞉ tle kustamtame teteyumha꞉ha꞉lati asiyama opitapo ya꞉ tle gadle hapame ma sillimha꞉ha꞉lepo depame. Epame opa opitapo ya꞉ koko haloweye allimama ya꞉ mate opahale dlepe.
25518	LUK 11:44	Ka꞉e, Pa꞉lisi so, wua꞉ wolomape! Adipalati, wua꞉ye wabasi some ha꞉ha꞉po. Opata wabasi pomalanatilalo di metle me-siyamde, wua꞉ epapele some ha꞉ha꞉po.”
25576	LUK 12:48	Amasiyama oko oplami antapo ya꞉ dokopala oplamita solotamale koko pomalamalalo halemama koko e pohalalo hallepiye, ya꞉ye asiyama pase sikemte hopollowa. Epedeme Godtapo opa anawolo watle oko pato halomha꞉ha꞉lepo depame malamale patoto mo-halopiwa, ya꞉ solotamapo, malamale e mate oko e halomha꞉ha꞉lepo depame. Epame Godta opa anawolo watle isikimi oko yimka꞉sikili mo-halopiwa, ya꞉ solotama, oko yimka꞉sikili eye halomha꞉ha꞉lepo depame.”
25639	LUK 14:17	Epame daya mo-dlowedeme, ya꞉ oko oplami hale watle tame ya꞉ta sisilamale soye elempuane diyo.
25726	LUK 17:6	Epalati asiyama Lodta epo atlaiyo, “Wua꞉ta mikadepe dleta dlomoko ale yimka꞉mala epapele some wua꞉ dla me-hutiyelepiye, eta wua꞉ ala꞉na, dakiyako dlomoko dali hema atlemama ‘wa꞉ wa꞉ kese mate dodokalepo tame ma kaula dla halane,’ dlepiye, mepapelepe,” diyo.
25908	LUK 21:13	Amasiyama oloma edla alila ka꞉dleta me-woyamelepe, wua꞉tapo na꞉ kokoye yia꞉ watle botomastloweye.
25965	LUK 22:32	Amasiyama na꞉ wa꞉ yilo inoma sumale pato me-himiwa, wa꞉ta mikadepe dleye haodlala depame. Epame wa꞉ta na꞉ hala dla ma ilame puale oloma edla wa꞉ amkadulo mikadepe dle soye itiyamale hamilipe,” diyo.
26019	LUK 23:15	Epapele dulu dla Helod mape Yesu dla batalimale koko hale ponatina. Epammama ya꞉tapo ya꞉ye ma di watle semtaiya dlepo. Epedeme wua꞉ me-natipo, oplami i yumuluweye, ya꞉ dla batalimale hale hawa ikadepe.
26125	JHN 1:12	Amasiyama opa anawolotapo ya꞉ye hampame ya꞉ dla mo-mikadepe duwa, ya꞉ opa ewolo dla itiyamale ma-hamiwapo, yia꞉tapo God ya꞉ akimlala depo ha꞉ha꞉lepo depame.
26246	JHN 4:21	Epapalati Yesuta asiyama ya꞉ watle epo atlaiyo, “Na꞉ ikadepe koko wa꞉ watle atlema. Alilata mo-pulupe, opatapo A God dla sisiyelowedeme Yelusalem dla ma potlalo weke epo Samaliya dla ma potlalo weke demha꞉ha꞉loweye.
26248	JHN 4:23	Epapedeme alilata pulupe, amasiyama alila eye mo-puapo, mikadepe ya꞉ dla sisiyelalo sotapo woloma Soko tle epame ikadepe koko tle A God dla sisiyeloweye. Adipalati, A Godta ipapele api tle ya꞉ dla sisiyelalo so tlo sikemte totamhalapo.
26301	JHN 5:22	Epedeme Aye opa koko pogladesemde. Amasiyama ya꞉tapo Maseyemala watle itiyamale ma-hamiwapo, ya꞉tapo opa hapuloma koko gladlalo hallepo depame.
26304	JHN 5:25	Epapedeme na꞉ ikadepe kokoye wua꞉ watle atlema. Alilatapo pulupe, amasiyama alila eye mo-puapo, soko palli sotapo God Yami yu dalloweye. Epapele dulu dla opa anawolotapo ya꞉ yu dalepame ya꞉ dla mikadepe dlepiye, yia꞉ye pasakalo hallowe halomelepe.
26306	JHN 5:27	Epame Atapo Maseyemala watle itiyamale ma-hamiwapo, ya꞉tapo opa hapuloma yia꞉ koko gladlepo depame. Adipalati, ya꞉ye Opa Yamipo.
26307	JHN 5:28	Epedeme na꞉ta atlamale yu hema dalepo ase sikemte yiyelemiya. Adipalati, alilatapo mo-pulupe, palli so yia꞉ wabasi dulu dla hutiyele sotapo Opa Yami yu dalepame yia꞉ wabasi dulu tle silliweye.
26362	JHN 6:36	Epapedeme na꞉ wua꞉ watle koko hapulomaye ma-atlamuwapo, epame wua꞉ na꞉ koko ma-natiwapo. Amasiyama wua꞉ ala na꞉ dla pomikadepe desema.
26390	JHN 6:64	Yesu ya꞉ tatle ma-natiyo, opa anawolotapo ya꞉ dla pomikadepe dlalo wekelowe soye. Epame ya꞉ye hamame opahale do tama dla homellowe oplami mape ma-natiyo. Epapedeme ya꞉tapo yia꞉ watle epo atlaiyo, “Opa opi wua꞉ dulu dla ha꞉ha꞉ye ala na꞉ dla pomikadepe desema.
26391	JHN 6:65	Epapele koko tle na꞉tapo yu iye wua꞉ watle ma-atlalepo, ‘Oplami haletapo isikimi na꞉ hala dla populuwa. Amasiyama Atapo ha꞉ha꞉mhallalo oplamita na꞉ hala dla pulupe,’ dlepo.”
26447	JHN 7:50	Epapeleye yia꞉ dulu dla Pa꞉lisi oplami hale me-halaiyo, ya꞉ hiye Nikodimas. Ya꞉ye ka꞉yapa utula꞉la Yesu natila tale oplamipo. Epedeme ya꞉tapo epo atlaiyo,
26494	JHN 8:44	Epapedeme wua꞉ aye Saitenpo. Epedeme wua꞉tapo ya꞉ koko natipame ya꞉ta solotamale koko halowe tlo sikemte solotamha꞉ha꞉po. Adipalati, ya꞉tapo ka꞉yapa kotiyamale sitali tle ya꞉mkale yumulalo oplami halemama ya꞉mkale mala-atlalo oplami depo haluwapo. Ame adipalati, ya꞉ dulu dla ikadepe koko hale hawa ikadepe. Epedeme ya꞉tapo mala-atlepiye, ya꞉tapo isikimi ya꞉skamu ya꞉ta hala koko ikadepeye nati-imdepo. Adipalati, ya꞉ye mala-atlalo oplami ikadepepo. Epapele dulu dla ya꞉ye mala-atlalo koko hapuloma dulu dla yia꞉ a ikadepe hatlo ya꞉ta halapo.
26502	JHN 8:52	Epalati Yu sotapo Yesu watle epo atlaiyo, “Di wata mo-malanatima, wa꞉ye bataliya walle oplamipo. Adipalati, wa꞉tapo ka꞉yapa ipo atlalepo, ‘oplami antapo na꞉ yu dalepame salladepo sela꞉lepiye, ya꞉ye popolowa,’ dlepo. Amasiyama di mama A꞉iblaham mate epo God tle yu hapame molo atlamalalo so mate mo-paliwapo.
26503	JHN 8:53	Epedeme wa꞉ di mama A꞉iblahamye wa꞉ta tla꞉mtlowedeme amma꞉? Adipalati, di mama A꞉iblahamye mo-pouwapo, epame God yu molo atlamalalo so mape mo-paliwapo. Epapele dulu dla wa꞉ wa꞉skamu wa꞉ye ana depo malama꞉?” diyo.
26512	JHN 9:3	Epalati Yesutapo epo atlaiyo, “Oplami inoma pa꞉le iye me-ya꞉ batalimaleta po-apena, epame ya꞉ wai mate epo ya꞉ a mate yia꞉ batalimaleta po-apena. Amasiyama oplami etapo mepo inoma pa꞉le hamuwa ya꞉ dulu kokoye ipo elema. Godtapo ya꞉ta itiyamale kokoye ya꞉ tle nati-iliwedeme apuwapo.
26530	JHN 9:21	Amasiyama di podimalamana, ya꞉ta ya꞉ inoma ka꞉dle kokoye. Epame di ma podimalamana, ya꞉ ka꞉dle oplamiye. Epedeme wua꞉ maseyemala ya꞉ dla dalla natiya. Adipalati, ya꞉ye mo-patopo, ya꞉ta ya꞉skamu ya꞉ koko wua꞉ watle atloweye,” diyo.
26568	JHN 10:18	Epapedeme oplami haletapo na꞉ pasakaloye na꞉ tle pokolahalowa. Amasiyama na꞉ pasakaloye monolo opa yilo isikimi me-hamilowepo. Epapele dulu dla na꞉ dla itiyamale me-elapo, na꞉tapo na꞉ pasakaloye opa yilo hamipame mamisika꞉ monolo haloweye. Adipalati, koko iye na꞉ Atapo na꞉ta halepo depame atluwapo.”
26613	JHN 11:21	Epalati Matatapo Yesu umpo ya꞉ watle epo atlaiyo, “Lod, wa꞉ hema me-halematiye, eta na꞉ eiye popolalo wekema.
26672	JHN 12:23	Epapalati asiyama Yesuta yia꞉ watle epo atlaiyo, “Alilatapo mo-puapo, Opa Yamitapo ya꞉ta hela꞉dle haloweye.
26689	JHN 12:40	“Lodtapo opa hapuloma inomaye mo-hihimamuwapo. Epame ya꞉tapo yia꞉ta malamale hapulomaye mo-hihimamuwapo, yia꞉tapo woloma ponatilalo wekelepo depame, epame woloma pomalamalalo wekelepo depame, epame ma Lod dla heheletipame gadle pohalalo wekelepo depame.”
26701	JHN 13:2	Epapedeme Yesutapo ya꞉ alotle tlalo so mate tamila꞉la daya dempopa꞉iyo. Epapele dulu edla Saimon Iskaliyot yami Yudas watle Saitenta malamale batalimale ma-hamiyo, ya꞉tapo Yesuye opahale do tama dla homellepo depame.
26702	JHN 13:3	Epame Yesu ya꞉ye mo-malamaiyo, ya꞉ Atapo koko hapuloma omhallowe itiyamale ya꞉ dla hamiwaye. Epame ya꞉ ma mo-malamaiyo, ya꞉tapo God tle pupame ma God hala dla ilame hetlowe kokoye.
26710	JHN 13:11	Epedeme Yesu ya꞉ mo-malamaiyo, ya꞉ hamame opahale do tama dla homellowe oplamiye. Epammama ya꞉tapo epo atlaiyo, “Oplami hale wua꞉ dulu dla ala ullu mate me-halema,” diyo.
26745	JHN 14:8	Epalati Pilipitapo epo atlaiyo, “Lod, wa꞉ di watle Aye nati-ilipiye, di eta selledlepe,” diyo.
26746	JHN 14:9	Amasiyama Yesutapo asiyama Pilipi watle epo atlaiyo, “Na꞉ alila pasatale dulu dla wua꞉ mate ma-haluwapo. Epapele dulu dla wa꞉ ala na꞉ kokoye pomalamalalo halapa? Epedeme oplami antapo na꞉ye ma-natiwa, ya꞉ye A ma ma-natiwapo. Epapedeme wa꞉ adipalati na꞉ watle atlemama, ‘Aye di watle nati-ine,’ dema꞉?
26763	JHN 14:26	Amasiyama na꞉ Atapo Hela꞉dle Sokoye na꞉ hi tle wua꞉ hala tulune dlepe, ya꞉tapo wua꞉ye gadlalo halemama koko hapulomaye imelepo depame. Epame ma ya꞉tapo koko hapuloma na꞉ta wua꞉ watle me-imuwaye, ma wua꞉ watle malamale hapimhallepe.
26766	JHN 14:29	Epapele dulu dla na꞉tapo koko hapuloma ala powowoyamalalo hallati wua꞉ watle koko hapuloma iye ma-atlamalepo, wua꞉tapo koko eta alotle woyamalati natipame mikadepe dlepo depame.
26779	JHN 15:11	Epedeme na꞉ koko iye wua꞉ watle ma-atlamalepo, wua꞉tapo na꞉ dulu dla siyele elaye wua꞉ ma e halepo depame. Epame siyele etapo wua꞉ dulu dla pasatamama alikili a꞉ma alowamelepe.
26787	JHN 15:19	Epapele dulu dla wua꞉ ta꞉lamo so mate hatlope depo ha꞉ha꞉lepiye, yia꞉tapo wua꞉ye sikemte malamha꞉ha꞉lepe. Amasiyama na꞉tapo wua꞉ye ta꞉lamo so dulu tle mo-sesalemuwapo, wua꞉tapo yia꞉ mate pohatlope depo ha꞉ha꞉lalo wekelepo depame. Epapele koko tle yia꞉tapo wua꞉ dla elle pato himha꞉ha꞉po.
26793	JHN 15:25	Epapedeme koko itapo mo-woyamuwapo, God yu bukata atlama koko mate ala꞉lowedeme. Adipalati, God yu bukata epo atlapo, ‘Yia꞉tapo koko pa꞉le na꞉ dla elle himha꞉ha꞉po,’ depo.
26797	JHN 16:2	Adipalati, opatapo wua꞉ hiye inoma sumalalo aya dulu dla hutiyeye kotipame wua꞉ye ma alikili dla dodolomsallepe. Epame alilata me-pulupe, opatapo mikadepe dle so potimolowe kokoye semte God oko hamapo depo malamoloweye.
26807	JHN 16:12	Epapedeme na꞉ dla koko pasatale me-hutiyepo, wua꞉ watle atlamolowedeme. Amasiyama wata oloma hema wua꞉ta koko pasatale iye momalamoloweye po-ala꞉na.
26820	JHN 16:25	“Epapedeme na꞉tapo koko hapuloma iye atlamsela꞉mama wayu mate atlamsela꞉uwapo. Amasiyama alilata me-pulupe, na꞉tapo koko hapulomaye matle wayu mate wua꞉ watle po-atlamsela꞉lowa. Amasiyama na꞉tapo A kokoye haliyamale dla atlamsela꞉lowepo.
26827	JHN 16:32	Amasiyama wua꞉ daliya. Alilatapo mo-pulupe, epapeleye alila eye wata mo-puapo, wua꞉tapo na꞉ salepame meyelope meyelope depo tamhalloweye. Epapele tlope na꞉ye monolo posela꞉lowa. Adipalati, Atapo na꞉ mate hallepe.
26830	JHN 17:2	Adipalati, wa꞉tapo opa hapulomaye omhallepo depame Maseyemala watle itiyamale ma-hamiwapo, ma ya꞉tapo wa꞉ta ya꞉ watle hapili opa dla halepo halepo pasakalo hapilipo depame.
26854	JHN 17:26	Na꞉tapo wa꞉ hiye yia꞉ watle mo-botomastauwapo, epame ma me-botomastamhallepe, wa꞉ta na꞉ dla bokotiyapo malamhala epapeleta ma yia꞉ dulu dla ellepo depame. Epammama na꞉ mape yia꞉ dulu dla me-hallowepo.”
26880	JHN 18:26	Epapele dulu edla aiyalma aya dokopala oplami ya꞉ oko oplami hale me-halaiyo, ya꞉ye Pitata molo kestale oplami e mate asiya hatlopeyo. Epapeleye ya꞉tapo Pita watle epo atlaiyo, “Na꞉ wa꞉ye Yesu mate osalo dulu dla sela꞉lati natiwa,” diyo.
26886	JHN 18:32	Epapedeme koko itapo mo-wowoyamuwapo, Yesutapo ya꞉ta adipo polowe koko atlamsela꞉leta mikadepe dlowedeme.