49	GEN 2:18	Epedeme Lod Godta ma epo atlaiyo, “Poka꞉dena, oplamitapo meyelo halloweye. Na꞉ matle ka꞉dle gadlalo ya꞉ mate ala꞉leye mita꞉plowepo,” diyo.
54	GEN 2:23	Epalati oplamita epo atlaiyo, “Wata ma-natima, ya꞉ye na꞉ mate ala꞉na. Ya꞉ye na꞉ elo tle epo na꞉ mo tle mita꞉pelepo. Epedeme ka꞉dena, ya꞉ hiye a꞉ya dlepe. Adipalati, ya꞉ye oplami moto tle holahapame mita꞉pelepo,” diyo.
73	GEN 3:17	Epame Godta matle A꞉dam watle epo atlaiyo, “Wa꞉ mape wa꞉ a꞉ya yu dalepame na꞉ta dlomoko demiyo dle dlomokoye delepo. Epedeme wa꞉ta dlomoko dele koko tle na꞉tapo ta꞉laye batalipo mellowepo. Epedeme dlowe alisisita isikimi meyelo pomatlowa, amasiyama osamokolo mate epo tuwale mateta matelepe. Epedeme wa꞉ dlowe alisisi dlowedeme mowolo oko pato hamama ekukulli mate oko hapo de demhallepe. Epapedeme wa꞉ oko pato metlo me-hamhalemama wa꞉ta polowe sukulu dla malatelepe. Epedeme wa꞉ta polopiye, wa꞉ motoye matle ta꞉la yielepe. Adipalati, wa꞉ motoye ta꞉la mate mita꞉puwapo,” diyo.
88	GEN 4:8	Alotle Keintapo ya꞉ ei Eibol watle epo atlaiyo, “Di moku dla isikimi hohola꞉mtlowa,” diyo. Yia꞉ epo ma-tame moku dla ha꞉ha꞉mama Keintapo ya꞉ ei Eibol hampame yumiyo.
356	GEN 14:19	Epapeleye ya꞉ta A꞉iblam watle epo atlaiyo, “Pepele di mate ta꞉lamo mate mimita꞉polalo Godta wa꞉ mate hallepe. Epedeme na꞉ di ikadepe dla hallalo God hi di dla ta꞉dema. Adipalati, wa꞉ dla opahale dlalo soye ya꞉ta hohopame wa꞉ do tama dla ipila꞉uwapo,” diyo. Epame A꞉iblamta ya꞉ta opahale dele dulu dla halomale alisisi hapuloma kolumtame 10 dleye meyelope meyelope depo kokolupame ma dulu edla kolumale hatlo tlo Melkisedek watle hamiyo.
387	GEN 16:5	Epalati Selaita A꞉iblam watle epo atlaiyo, “Hagaita na꞉ kokosa꞉mhala kokoye e mo-wa꞉ batalimalepo. Amasiyama na꞉ta ya꞉ye wa꞉ watle hamiwapo, epapele tlope ma ya꞉ta mopapo polale natipame ma na꞉ye kokosa꞉mhalapo. Epedeme Godta wa꞉ mate epo na꞉ mate di kokoye gladlowe ka꞉dena,” diyo.
391	GEN 16:9	Epalati God ya꞉ banakaka oplamitapo ma ya꞉ watle epo atlaiyo, “Wa꞉ ma ilamtame wa꞉ omhallalo a꞉ya Selai yu dla salladepo sela꞉ne,” diyo.
429	GEN 18:4	Amasiyama wua꞉ aseka dali tau hema hedepo popa꞉iya. Epalati na꞉ tame wua꞉ hete hoahalomolowe yú mate epo dlowe alisisi mate halopo puluwepo, wua꞉ta e depame ma itiyamale mate tloweye,” diyo. Epalati asiyama yia꞉ta epo atlaiyo, “Ka꞉dena, wa꞉ta atla koko eye ka꞉pi,” diyo.
431	GEN 18:6	Epalati A꞉iblaham hapele tame ya꞉ aya dla tuwame ya꞉llu Sela watle atlemama epo atlaiyo, “Wa꞉ hapele daya amko tlo hapo daya pato ha꞉ne,” diyo.
539	GEN 21:25	Epame A꞉iblahamta ma Abimelek watle epo atlaiyo, “Wa꞉ oko sotapo na꞉ta yú kolomale haleye uhauwapo. E poka꞉dena,” diyo.
556	GEN 22:8	Epalati A꞉iblahamta asiyama epo atlaiyo, “God meyelo sipi aliya yemala eye di watle nati-ilipe, dita yumpame God hi di dla ta꞉demama ha꞉loweye,” diyo. Epame yia꞉ta madipatata ma-tamalaiyo.
559	GEN 22:11	Epalati oloma edla God ya꞉ banakaka oplamitapo pepele di tle ya꞉ watle epo sisilamaiyo, “A꞉iblaham, A꞉iblaham,” diyo. Epalati asiyama A꞉iblahamta epo atlaiyo, “Na꞉ ipo,” diyo.
682	GEN 25:23	“Opa alumale dapiyamtetapo wa꞉ koko dulu dla popa꞉po. Alumale dapiyamte ewolotapo wa꞉ koko dulu tle wowoyapo ha꞉ha꞉mama yia꞉ dulu dla opahale demha꞉ha꞉lepe. Yia꞉ta dapiyamteta epo opahale demha꞉ha꞉le dulu dla haletapo itiyamale mate hallati asiyama haletapo pase itiyamale mate hallowa. Epedeme ya꞉ bapatapo ya꞉ ei yu dla salladepo sela꞉lepe,” diyo.
831	GEN 29:35	Epame mamisika꞉ mopapo polopo maseyemala hale hampame ya꞉ hiye Yuda diyo. Epame ma epo atlaiyo, “Wata oloma hema na꞉ God hi di dla ta꞉dlowepo,” diyo. Epame etle tamama mamisika꞉ yimlala opi po-isukumalalo halaiyo.
990	GEN 34:9	“Epedeme ka꞉dena, ditapo dia꞉ dulu dla di utukakaye asiyama ha asiyama ha dlowe ka꞉pi,” diyo.
1143	GEN 38:23	Epalati asiyama Yudata epo atlaiyo, “Mope, ya꞉ta na꞉ alisisi me-halopo hallepo,” diyo. “Epedeme ditapo gaut aliya ya꞉ watle hamame iliwedeme semtale tlope, di ya꞉ ponatina. Epapedeme dita mamisika꞉ gaut aliya iye semtelepiye, opata di natipo eimela꞉lepe,” diyo.
1158	GEN 39:8	Amasiyama Yoseptapo alimama ya꞉ watle epo atlaiyo, “Hao, na꞉ wa꞉ mate pohatlope dlowa. Adipalati, wa꞉wolali Potipatapo na꞉ watle koko hapuloma hapimama woloma omhalane duwa. Ya꞉ta epo atlemama wa꞉ tlo na꞉ta po-omhalane dena. Ame adipalati, wa꞉ye ya꞉llu ikadepepo. Epedeme na꞉ adipammama batalimale koko ipapele wa꞉ dla hapa꞉? Adipalati, God mila꞉pi tle batalimale koko ipapele haloweye poka꞉dena,” diyo.
1181	GEN 40:8	Epapalati asiyama yia꞉ta Yosep watle epo atlaiyo, “Di wata utula꞉la hutiyemama milamalo tlama. Amasiyama milamalo tlamale ya꞉ dulu kokoye oplami antapo di watle bobotimatipa꞉, dempopa꞉ma,” diyo. Epalati Yosepta yia꞉ watle epo atlaiyo, “Hatlo God tlo ala꞉na, wua꞉ta milamalo tlamale kokoye woloma wua꞉ watle imoloweye. Amasiyama wua꞉ta tlamaleye na꞉ watle atlamaiya,” diyo.
1294	GEN 43:3	Amasiyama Yudatapo ya꞉ watle epo atlaiyo, “Di edla tamalemama Benyamin dimi tloweye poka꞉dena. Adipalati, dokopala oplamita di watle ipo atluwa, ‘Wua꞉ ma hema ilampumulumama Benyamin posempulalo wekelepiye, wua꞉ matle na꞉ta hala dla puame daya pohalomolowa,’ duwa. Epedeme di Isip mo dla ma ilame tamalemama Benyamin mate semtlowe ka꞉pi,” diyo.
1307	GEN 43:16	Yia꞉ Isip mo dla tame Yosep hala dla woyamalati Yoseptapo Benyamin natipame ya꞉ oko oplami watle epo atlaiyo, “Opa iwolotapo wata alila dla na꞉ mate daya delepe. Epedeme yia꞉ye na꞉ aya dla eleme hetame aliya halo yumpo di daya ha꞉ne,” diyo.
1422	GEN 47:1	Epapeleye Yosepta Pelo hala dla tame ya꞉ watle epo atlaiyo, “Na꞉ a mate epo na꞉ bapadulo mate epo yia꞉ aliya halo mate epame yia꞉ alisisi hapuloma mate Keinan mo tle mo-puame Gosen mo dla popa꞉ma,” diyo.
1430	GEN 47:9	Epalati Yokobta asiyama ya꞉ watle epo atlaiyo, “Na꞉ye ta꞉lamo wotiyalle dulu dla halemama 130 sokomoko pololuwa. Amasiyama na꞉ mamadulota ha꞉ha꞉le sokomokota na꞉ sokomokoye tla꞉mtana,” diyo.
1460	GEN 48:8	Amasiyama Yokobye mo-totoyemalata inoma pa꞉mama yami Yosep ya꞉ akimlala natipo epo atlaiyo, “Akimlala iwoloye anawolota꞉?” diyo. Epalati asiyama Yosepta epo atlaiyo, “Na꞉ akimlalapo. Akimlala iwoloye na꞉ta Isip mo dla hallati Godtapo na꞉ watle halopiwapo,” diyo. Epapalati Yokobtapo ya꞉ watle epo atlaiyo, “Yia꞉ye na꞉ watle elempuane. Epalati na꞉tapo yia꞉ye hohopo inoma sumama God dla ta꞉dlowepo,” diyo. Epedeme Yoseptapo ya꞉ akimlala dapiyamteye ya꞉ hala dla elempulati Yokobtapo yia꞉ye hohopo poposila꞉lepo huhulamaiyo.
1469	GEN 48:17	Amasiyama Yokobtapo ya꞉ dowala dota Eplaim dokopala dla hama epela asiyama ya꞉ weke dota ya꞉ bapa Manase dokopala dla hama depo halemama inoma sumalati yami Yosepta koko e natipame posiyeiyo. Epammama ya꞉tapo ya꞉ a doye alikili a꞉ma poloko demama epo atlaiyo, “A, wa꞉ dowala doye itapu hamale maseyemala dokopala dla pohamamhalasema. Amasiyama ma ya꞉ ei yemala dokopala dla hamamhalapo. Epedeme wa꞉ dowala doye itapu hamale maseyemala Manase dokopala dla hamolowe ka꞉pi,” diyo.
1471	GEN 48:19	Amasiyama ya꞉ ata Yosep watle epo atlaiyo, “Na꞉ta koko i haye na꞉malamana. Adipalati, ya꞉ ei yemala Eplaim ya꞉ mamadulotapo sikemte pasatamama ya꞉ bapa Manase ya꞉ mamaduloye tla꞉mtelepe,” diyo.
1575	EXO 2:20	Epapalati yia꞉ atapo yia꞉ watle epo atlaiyo, “Oplami eye da꞉? Wua꞉ ya꞉ye isikimi duka dla pomeleme pumiya. Amasiyama wua꞉ ya꞉ye di aya dla seme matame popa꞉mama daya iliwe ka꞉pi,” diyo.
1591	EXO 3:11	Amasiyama Mosestapo God watle epo atlaiyo, “Na꞉ po-ala꞉na, na꞉tapo wa꞉ opa Isalael soye eleme alikili dla woyamolowedeme Pelo hala dla tame yu ka꞉dloweye,” diyo.
1592	EXO 3:12	Epalati asiyama Godta Moses watle epo atlaiyo, “Na꞉tapo wa꞉ mate hallowepo. Epedeme na꞉tapo ikadepe wa꞉ye tane duwa kokoye wa꞉ dla nati-imama Isalael so opaye alikili dla eleme woyapo puame ma tamali hema na꞉ dla inoma sumama na꞉ hi di dla ta꞉dlepe,” diyo.
1606	EXO 4:4	Amasiyama Godtapo Moses watle epo atlaiyo, “Tila꞉ dla hamame ta꞉dene,” diyo. Epalati Mosestapo ilamaye tila꞉ dla hamame ta꞉dlati ilamatapo ma ya꞉ dali ku yieiyo.
1787	EXO 10:9	Epalati Mosesta asiyama epo atlaiyo, “Isalael so hapulomatapo na꞉ mate telepe. Epapedeme opolatalo yimlala mate epame amkoteta꞉le so mate di aliya halo hapuloma mate eleme na꞉ mate tamellepe. Adipalati, di ma edla tame daya pato demama di God hi di dla ta꞉dlowama,” diyo.
1916	EXO 14:26	Epalati Godtapo Moses watle epo atlaiyo, “Wa꞉ dali ku mamisika꞉ ta꞉depame kaula di dla dlokomane. Epalati yúta ma ilame puame godemama Isip so mate epo yia꞉ aliya koa mateye gola꞉dlepe,” diyo.
2440	EXO 32:1	Epame ma Mosesta tamali di dla hetame ma ilame hapele pomallalo wekelati Isalael sotapo A꞉lon hala dla puame alupame ya꞉ watle epo atlaiyo, “Di Isip mo tle hema elempuwa Mosesye hapele popuasema. Di podimalamana ya꞉ye hadima tauwo? Epedeme wa꞉ di elemtlowe godye dota mita꞉pene,” demyaiyo.
2463	EXO 32:24	Epalati na꞉tapo yia꞉ yu dalepame yia꞉ watle atlemama wua꞉ gold sutulu uptipame na꞉ watle halopo puaiya duwapo. Epame yia꞉tapo alisisi eye mo-halopo pulati na꞉tapo e halopame dlapa alemalle dla potolupo depame bulumkiyawa aliya mila꞉pi sepele iye mita꞉puwapo,” diyo.
22612	JON 1:12	Epalati Yonata asiyama yia꞉ watle epo atlaiyo, “Na꞉ batalimaletapo sokomoko patota wua꞉ dla mo-pualepo. Epedeme na꞉ tlo hampame kaula dla hamastaiya. Epelepiye, ulo patoto mate epo sokomoko mateta medla ka꞉llipe,” diyo.
22640	JON 4:3	Epedeme God, wa꞉ na꞉ pasakalo hane. Na꞉ hallowe posolotamasema, polowe tlo ka꞉pi,” diyo.
22645	JON 4:8	Epame salita matlati Godta alemalle pato hamiyo. Oloma edla salita sisikalle mate tulume Yona dokopala dla sikemte domaiyo. Epalati Yonaye powatlowe mateka꞉pi dla polomama polowe tlo solotamaiyo. Epammama ya꞉ta epo atlaiyo, “Na꞉ pasakalo hallowe posolotamasema, polowe tlo ka꞉pi,” diyo.
22646	JON 4:9	Amasiyama Godta Yona watle epo atlaiyo, “Yona, wa꞉ta dukuluta polati siyaladlowe poka꞉dena,” diyo. Epalati asiyama Yonata God watle epo atlaiyo, “Na꞉ sikemte siyalademama polowe solotama,” diyo.
23275	MAT 3:14	Amasiyama Yonta Yesuye yú dla ka꞉stlowe alimama ya꞉ watle epo atlaiyo, “Wa꞉ adipalati na꞉ta wa꞉ye yú dla ka꞉stlepo depame na꞉ hala dla puo? Ka꞉dlepo, wa꞉ta na꞉ tlo yú dla ka꞉stloweye,” diyo.
23416	MAT 8:2	Epapele oloma edla kapala batalimale oplamita puame Yesu hete sitali dla polomama epo atlaiyo, “Lod, wa꞉ na꞉ ka꞉dlowe solotamelepiye, na꞉ ka꞉dene,” diyo.
23421	MAT 8:7	Epalati Yesuta ya꞉ watle epo atlaiyo, “Na꞉ tame ya꞉ye ka꞉dlowepo,” diyo.
23433	MAT 8:19	Epalati oloma medla aiyalma imalalo oplami haleta puame ya꞉ watle epo atlaiyo, “Imalalo oplami, wa꞉ta hadima adipo tamsela꞉lepiye, na꞉ wa꞉ dolumsela꞉lowepo,” diyo.
23468	MAT 9:20	Yia꞉ ala me-tamaha꞉ha꞉lati a꞉ya hale 12 sokomoko dulu dla ya꞉ toto koko natimama ka꞉lliwe pa꞉le esiyele hampollalota yia꞉ mate tamama epo malamtaiyo, “Na꞉ isikimi Yesu tluka ipi tlo umili, eta na꞉ye ka꞉dlepe,” diyo. Ya꞉ epo malapame opa dulu tle tuwame Yesu tluka ipi umaiyo.
23482	MAT 9:34	Amasiyama Pa꞉lisi sotapo epo atlamyaiyo, “Bataliya yimlala yia꞉ dokopala oplamitapo Yesu watle itiyamale hamilati itiyamale etle bataliya yimlalaye alikili dla dodolomsalemsela꞉ma,” demyaiyo.
23667	MAT 14:1	Alila haleta Ga꞉lili mo omhallalo oplami Helodtapo ya꞉ ei Pilipi ya꞉llu Helodiyasye kolahaiyo. Epalati Yonta koko i natipame Helodye sikemte atlemama epo atlemdiyo, “Wa꞉ta wa꞉ ei ya꞉llu kolahaloweye poka꞉dena. Adipalati, eye aiyalmapo,” demdiyo. Epalati Helodta sikemte siyaladepame Yonye amtuwale aya dla ka꞉staiyo. Epammama ya꞉ solotamaiyo, Yon yumuluwedeme. Epele tlope ya꞉ opa wota꞉mama poyumiyo. Adipalati, opa hapulomata Yonye God tle yu hapame molo atlalo oplami demdiyo. Epame alotle Helod ya꞉ hamale alilata umalati ya꞉tapo ya꞉mkadulo mate eleme puame daya dempolaiyo. Epalati Helodiyas yotitapo puame yia꞉ mila꞉pi tle ka꞉pi yomama Helod dla siyele hamiyo. Epalati asiyama Helodtapo yu itiyamale himimama ya꞉ watle epo atlaiyo, “Wa꞉ta solotamale alisisiye na꞉ watle atlepiye, na꞉ta alisisi eye wa꞉ watle hamilowepo,” diyo. Ya꞉ epo atla dalepo yomhalepo gudepame ya꞉ wai hala dla tuwame ya꞉ta solotamale kokoye daliyo. Epo ma ilame matime Helod watle epo atlaiyo, “Na꞉ Yon opa yú dla ka꞉ka꞉timalalo oplami dokopala tlo solotama. Epedeme wa꞉ watapo ya꞉ dokopalaye ketahapo kowepa dla himme puame na꞉ watle hamine,” diyo. Helodta koko i dalepame Yon dokopala ketahapo hamiloweye posolotamaiyo. Amasiyama ya꞉ta amseyemala watle yu itiyapo himili kokoye ya꞉ mate daya dempopa꞉le so ma me-daliyo. Epapedeme ya꞉tapo koko hema alliweye api ponatiyo. Epedeme ya꞉tapo ya꞉ opa watle yu itiyamale hamiyo, yia꞉tapo tame Yon dokopalaye ketahame hampulupo depame. Epalati ya꞉ opatapo tame Yon dokopalaye ketahapo kowepa dla himimpuame amseyemala watle hamiyo. Epalati ma ya꞉tapo ya꞉ wai watle hamiyo. Epalati Yon ya꞉ alotle tlalo sota puame Yon motoye hamtame wabasi dla hamatiyo. Epo tame Yesu watle atlaiyo. Epapele koko alotle Helodtapo Yesuta koko halomsela꞉le dalepame ya꞉ oko so watle epo atlaiyo, “Oplami iye Yon opa yú dla ka꞉ka꞉timalalo oplami mle. Epedeme ya꞉tapo powale tle sila꞉time ma ulugiyemale koko ipapele halomsela꞉po,” diyo.
23681	MAT 14:15	Yesu epamsela꞉lati ya꞉ alotle tlalo sota tamila꞉la puame ya꞉ watle epo atlaiyo, “Sali mo-tulupo. Epedeme wa꞉ opa hapuloma iye ma-taiya dene, yia꞉tapo mo mateka꞉pi hema popa꞉ dla tame daya halomelepo depame. Adipalati, dita popa꞉ mo iye daya pa꞉na,” diyo.
23728	MAT 15:26	Epalati Yesuta asiyama a꞉ya watle wayu mate epo atlaiyo, “Yimlala dayaye halopame ma esemala dla ilimoloweye poka꞉dena,” diyo.
23730	MAT 15:28	Epalati Yesuta ya꞉ watle epo atlaiyo, “A꞉ya, wa꞉ta mikadepe dleye pta pato. Epedeme na꞉tapo wa꞉ta atlale kokoye ala꞉lowepo,” diyo. Epapele oloma medla a꞉ya e ya꞉ amseyemalata ma-ka꞉diyo.
23762	MAT 16:21	Epame oloma etle Yesutapo ya꞉ alotle tlalo so watle ya꞉ta polowe kokoye atlamsela꞉lowe kotiyamaiyo. Epammama ya꞉ta yia꞉ watle epo atlaiyo, “Na꞉ye Yelusalem dla hetlati Yu so dokopala so mate epo aiyalma aya dokopala so mate epo aiyalma imalalo so mateta na꞉ dla wotiyalle hamilipe. Epame opata na꞉ye yumulati wabasi dulu dla powame elepo alila dapahatlope dla ma pasakalo depame sila꞉tilipe,” diyo.
23763	MAT 16:22	Epalati Pitata Yesuye alikili dla hamamtame halemama ya꞉ watle epo atlaiyo, “Hao Lod, koko ipapeleta wa꞉ dla woyamoloweye poka꞉dena,” diyo.
23776	MAT 17:7	Amasiyama Yesuta puame yia꞉ dla umama epo atlaiyo, “Wua꞉ silliya. Ase sikemte wowota꞉miya,” diyo.
23785	MAT 17:16	Epapeleye na꞉tapo maseyemala eye wa꞉ alotle tlalo so dla puame nati-ilati yia꞉tapo ya꞉ye poka꞉dena,” diyo.
23892	MAT 20:31	Amasiyama opata yia꞉ watle epo atlaiyo, “Wua꞉ yu dimi popa꞉iya,” diyo. Amasiyama opata yia꞉ watle epo atlati yia꞉tapo yia꞉ yu podallalo ma sikemte yu teta꞉le mate epo atlempopa꞉iyo, “Deibidi Yami, wa꞉ di polowamama di gadene,” dempopa꞉iyo.
24028	MAT 24:2	Amasiyama Yesuta epo atlaiyo, “Wua꞉ koko hapuloma iye woloma natiya. Na꞉ ikadepe koko wua꞉ watle atlema. Aya hema ewala haletapo matle yimkadulo tama di dla popopa꞉lowa. Amasiyama aya e dokostlati ewala hapuloma etapo matle ta꞉la dla teteyupo tulume popa꞉myelepe,” diyo.
24128	MAT 26:5	Epammama yia꞉ta epo atlaiyo, “Di daya dele alila dla ya꞉ye poyumulowa. Adipalati, opata siyaladle ta꞉dlala,” diyo.
24189	MAT 26:66	Epedeme wua꞉ apa koko ya꞉ dla halowe solotama꞉?” diyo. Epalati asiyama Yu so dokopala sota epo atlaiyo, “Ya꞉ polowe ka꞉dena,” diyo.
24193	MAT 26:70	Epalati Pitata opa hapuloma mila꞉pi tle epo atlaiyo, “Na꞉ wa꞉ta atla kokoye pona꞉malamana,” diyo.
24194	MAT 26:71	Ya꞉ epame aya kosukulli kokoloma tala dla hallati oko a꞉ya haletapo ya꞉ natipame opa edla ha꞉ha꞉le so dla epo atlaiyo, “Oplami i mape Yesu Nasalet oplami mate sela꞉uwapo,” diyo.
24195	MAT 26:72	Epalati Pitata matle yu itiyamale mate epo atlaiyo, “Na꞉ ikadepe koko atlema. Na꞉ oplami e ya꞉ kokoye pona꞉malamana,” diyo.
24202	MAT 27:4	Ya꞉ tame yia꞉ watle epo atlaiyo, “Na꞉ batalimale koko hauwa. Adipalati, batalimale pa꞉le oplamiye na꞉tapo opahale so dla homeluwapo,” diyo. Amasiyama dokopala sota asiyama epo atlaiyo, “E podi koko. Wa꞉ kokopo. Mowolo ka꞉dene,” diyo.
24278	MAT 28:14	Epame gamani oplami Paeletta koko i dalepo siyaladlepiye, ditapo ya꞉ta siyaladleye pustamama wua꞉ koko ka꞉dlowepo,” diyo.
24324	MRK 1:40	Kapala batalimale oplamita Yesu watle puame alumata kellepo polomama epo atlaiyo, “Wa꞉ na꞉ ka꞉dlowe solotamelepiye, na꞉ ka꞉dene,” diyo.
24339	MRK 2:10	Epedeme Opa Yamita ta꞉lamo hema batalimale hiyotimolowe dla itiyamale hamsela꞉ye wua꞉ta natilipo depame na꞉tapo wata akoloyale oplami iye ka꞉dlowepo,” diyo. Epo atlepame Yesuta akoloyale oplami watle epo atlaiyo,
24366	MRK 3:9	Opa hapuloma iwolota Yesu hala dla alumalati Yesuta esusulumale so opiye ka꞉ka꞉diyo. Epalati natipame esusulumale so opi hapulomata Yesu tluka ipi umuluwedeme opa alumale dulu dla sikemte akumtumulaiyo. Epedeme opata epo sikemte akumtumullati Yesuta ya꞉ alotle tlalo so watle epo atlaiyo, “Na꞉ koa hale momolo himme popa꞉iya,” diyo.
24433	MRK 4:41	Amasiyama ya꞉ alotle tlalo sotapo sikemte wowota꞉mama yiskamu yia꞉ dulu dla atlanati atlanati demyemama epo atlamyaiyo, “Oplami iye anata꞉? Sokomoko mate epo ulo mateta ya꞉ yu dalepo keka꞉llipo,” demyaiyo.
24460	MRK 5:27	Epedeme ya꞉ Yesuta opa ka꞉ka꞉demsela꞉ dalepame ya꞉ epo malamaiyo, “Na꞉ isikimi tame Yesu tluka ipi tlo umili, eta na꞉ye ka꞉dlepe,” diyo. Ya꞉ epo malapame opa dulu tle tuwame Yesu tluka ipi umaiyo.
24468	MRK 5:35	Yesu ala me-yukamhallati opa Yelus aya tle puame Yelus watle epo atlaiyo, “Wa꞉ amseyemala mo-powame elema. Epedeme wa꞉ta imalalo oplami sempuluweye koko pa꞉na,” diyo.
24474	MRK 5:41	Yesu tuwame amseyemala powame ela do dla hamame halemama epo atlaiyo, “Amseyemala, wa꞉ sila꞉tine,” diyo.
24479	MRK 6:3	Ya꞉ isikimi Meli yami, aya halalo oplamipo. Epo ya꞉ye Yeims epo Yosep epo Yudas epo Saimon yia꞉ bapapo. Epame yotumadulo mape dia꞉ mate midla popa꞉po,” demyaiyo. Epedeme yia꞉ta ipo malamale tle Yesuta imale haloweye alliyo.
24490	MRK 6:14	Epalati alotle Yesuta itiyamale mate ulugiyemale koko halomsela꞉lati opata Yesu koko dla epo atlemdiyo, “Oplami iye Yon opa yú dla ka꞉ka꞉timalalo oplami mle. Epedeme ya꞉ powale tle ma-sila꞉timpuame ulugiyemale koko i halomsela꞉yo,” demdiyo. Epo opa opita ma epo atlemdiyo, “Yesuye God tle yu hapame molo atlalo oplami hale Ilaya mle,” demdiyo. Epalati ma opa opitapo epo atlemdiyo, “Ya꞉ God tle yu hapame molo atlalo so ka꞉yapa ha꞉ha꞉uwa so epapele oplami hale mle,” demdiyo. Amasiyama Helodta Yesu koko dalepame epo atlaiyo, “Ya꞉ye Yonpo. Na꞉ta dokopala ketamastauwata matle powale tle pasakalo depo sila꞉timsela꞉yo,” diyo.
24493	MRK 6:17	Alila haleta Helodta ya꞉ ei Pilipi ya꞉llu Helodiyasye kolahalati Yon opa yú dla ka꞉ka꞉timalalota ya꞉ye sikemte golemama epo atlemdiyo, “Wa꞉ta wa꞉ ei ya꞉llu kolahaleye, koko e poka꞉dena,” demdiyo. Epalati Helodiyasta siyaladepame tame Helod watle Yon amtuwale aya dulu dla ka꞉stlepo depame atlaiyo. Epalati Helodta ya꞉ opaye taiya dlati yia꞉tapo tame Yon hampame amtuwale aya dulu dla ka꞉staiyo. Amasiyama Helodiyasta Yon sikemte alimama ya꞉ yumuluwe solotamaiyo. Epele tlope Helodta Yon yumuluwe wota꞉mama ya꞉ye woloma omhalaiyo. Adipalati, Helod ya꞉ malamaiyo, Yonye ka꞉dle oplamipo. Epedeme Helodta Yonta God yu atlemhallati dalepame haloweye malamale tatlamdiyo. Epele tlope ya꞉ Yon yuye me-dallowe solotamdiyo.
24511	MRK 6:35	Yesu ala opa dla me-imhallati salita mo-tulumtaiyo. Epalati ya꞉ alotle tlalo sota ya꞉ watle epo atlaiyo, “Sali mo-tulupo. Epedeme wa꞉ opa hapuloma iye ma-taiya dene, yia꞉tapo mo mateka꞉pi hema popa꞉ dla tame daya halomelepo depame. Adipalati, dita popa꞉ mo iye daya pa꞉na,” diyo.
24559	MRK 7:27	Yesu ya꞉ yu dalepame wayu mate epo atlaiyo, “Yimlala dayaye hapo esemala watle ilimolowe poka꞉dena. Yimlala tatle daya ilimolowe ka꞉pi,” diyo.
24572	MRK 8:3	Na꞉ yia꞉ daya po-ilimalalo ma-taiya dlowe tlope, yia꞉ api duka dla tamalemama daya yilo hopeyalimelepe. Adipalati, opa opi yia꞉ mo pateka꞉pi,” diyo.
24629	MRK 9:22	Epedeme bataliyata maseyemala i yumuluwedeme dlapa dulu dla epo yú dulu dla ka꞉ka꞉timhalemde. Epedeme wa꞉ dla ala꞉lepiye, dia꞉ye polowamama na꞉ maseyemala i ka꞉dene,” diyo.
24638	MRK 9:31	Adipalati, ya꞉ isikimi ya꞉ alotle tlalo so tlo imsela꞉mama yia꞉ watle epo atlaiyo, “Opa Yamiye opa do tama dla homellepe. Epalati yia꞉tapo ya꞉ye yumilipe. Amasiyama ya꞉ye powame elepame ma dapahatlope alila dla ma pasakalo depame sila꞉tilipe,” diyo.
24825	MRK 14:2	Amasiyama yia꞉ yiskamu epo atlaiyo, “Di daya dele dulu dla ya꞉ye poyumuluwa. Adipalati, opata siyaladle ta꞉dlala,” diyo.
24855	MRK 14:32	Epame Yesu ya꞉ alotle tlalo so mate Getsemani osalo dla tamalaiyo. Epame Yesuta yia꞉ watle epo atlaiyo, “Na꞉ tame inoma sumhallati wua꞉ hema ompopa꞉iye,” diyo.
24887	MRK 14:64	Adipalati, wua꞉ ma-dallepo, ya꞉ta God hi mate putlopo atlaleye. Epedeme wua꞉ apa koko ya꞉ dla halowe solotama꞉?” diyo. Epalati Yu so dokopala so hapulomata epo atlamyaiyo, “Yesuye pta batalimale oplami. Epedeme ya꞉ polowe ka꞉dena,” demyaiyo.
24889	MRK 14:66	Pita ala dlapa me-timpollati aiyalma aya dokopala oplami ya꞉ gadlalo a꞉ya haleta puame Pita malanatipame ya꞉ watle epo atlaiyo, “Wa꞉ ma Nasalet oplami Yesu mate sela꞉uwa hale wa꞉po,” diyo.
24892	MRK 14:69	Epame a꞉ya hatlo meta matle Pitata opa opi mate halla natipame yia꞉ watle epo atlaiyo, “Oplami iye Yesu mate sela꞉uwa hale ya꞉po,” diyo.
24893	MRK 14:70	Amasiyama Pitata koko eye ma isikimi demama epo atlaiyo, “Na꞉ oplami e kokoye pona꞉malamana,” diyo. Epame opata ma yimka꞉mala ha꞉ha꞉po Pita watle epo atlaiyo, “Ikadepe, wa꞉ ma Yesu mate sela꞉uwa oplami hale wa꞉po. Adipalati, wa꞉ mape Ga꞉lili oplamipo,” diyo.
25159	LUK 4:27	Epame ma Ilaisata halale oloma edla Isalael mo dla kapala bobtalimale sota wokasepo ha꞉ha꞉uwapo. Amasiyama Ilaisata opa ewoloye pogadena. Amasiyama ya꞉ po-Yu oplami Naman, Siliya mo dla hallalo tlo gademama ya꞉ye ka꞉duwapo,” diyo.
25188	LUK 5:12	Alila haleta Yesu ma mo hale dla taiyo. Mo edla kapala batalimale oplami halaiyo. Oplami itapo Yesu natipame Yesu hete sitali dla heodepo polomama epo atlaiyo, “Lod, wa꞉ na꞉ ka꞉dlowe solotamelepiye, na꞉ ka꞉dene,” diyo.
25200	LUK 5:24	Epedeme Opa Yamita ta꞉lamo hema batalimale hiyotimolowe dla itiyamale hamsela꞉ye wua꞉ta natilipo depame na꞉tapo wata akoloyale oplami iye ka꞉dlowepo,” diyo. Epo atlepame Yesuta akoloyale oplami dla omhalemama ya꞉ watle epo atlaiyo, “Na꞉ta wa꞉ dla atlema, wa꞉ sila꞉time wa꞉ wa꞉ya hame wa꞉ aya dla ma-tane,” diyo.
25278	LUK 7:14	Epame Yesuta tame powale moto tomsosomale dali ipi dla umulati powale moto hamtamha꞉ha꞉leye medla hediyo. Epalati Yesuta kipiliyemala powale watle epo atlaiyo, “Maseyemala, na꞉ wa꞉ dla atlema, wa꞉ sila꞉tine,” diyo.
25303	LUK 7:39	Epalati Pa꞉lisi oplami Saimonta koko e natipame epo momalampolaiyo, “Oplami iye ikadepe God tle yu hapame molo atlalo oplami dematiye, eta a꞉ya ya꞉ umpolaye malanatilimla. Adipalati, a꞉ya iye batalimale a꞉yapo,” diyo.
25363	LUK 8:49	Yesu ala a꞉ya i watle atlemhallati oplami haleta Yelus aya tle puame Yelus watle epo atlaiyo, “Wa꞉ amseyemalaye mo-powame elema. Epedeme wa꞉ta imalalo oplami hema sempuluweye koko pa꞉na,” diyo.
25368	LUK 8:54	Epapele tlope Yesutapo amseyemala powale do dla hampame ya꞉ watle epo atlaiyo, “Amseyemala, wa꞉ sila꞉tine,” diyo.
25377	LUK 9:7	Yesuta koko halomsela꞉le hapulomaye Ga꞉lili mo omhallalo oplami Helodta me-daliyo. Epame koko itapo ya꞉ watle totokoleyaple hamiyo. Adipalati, opa opitapo Yesu koko dla epo atlamdiyo, “Yon opa yú dla ka꞉ka꞉timalalo mo-powaleta ma ilame puame koko i halomsela꞉ma,” demdiyo.
25382	LUK 9:12	Yesu epamsela꞉lati ya꞉ alotle tlalo sota tamila꞉la puame ya꞉ watle epo atlaiyo, “Opa hapuloma iye ma-taiya dene, yia꞉tapo mo mateka꞉pi hema popa꞉ dla tame daya mate yia꞉ta hutiyelowe aya mate tlamelepo depame. Adipalati, dita popa꞉ mo iye daya dlowe mate hutiyelowe aya mate pa꞉na,” diyo.
25427	LUK 9:57	Yesu ya꞉ alotle tlalo so mate api tle tamha꞉ha꞉lati oplami haleta puame Yesu watle epo atlaiyo, “Wa꞉ta hadima adipo tamsela꞉lepiye, na꞉ wa꞉ dolumsela꞉lowepo,” diyo.
25430	LUK 9:60	Epalati Yesuta asiyama ya꞉ watle epo atlaiyo, “Ka꞉dena, soko tle palli sotapo miyelo palli soye hatimha꞉ha꞉lepe. Amasiyama wa꞉ puame God yuye opa dla atlamsela꞉ne,” diyo.
25469	LUK 10:37	Epalati aiyalma imalalo oplamita asiyama epo atlaiyo, “Oplamita ya꞉ polowamama ya꞉ gadle oplami tlo ya꞉mkale ikadepepo,” diyo. Epalati Yesuta ya꞉ watle epo atlaiyo, “Yao, ikadepe. Epedeme wa꞉ ma tame epapele koko hamsela꞉ne,” diyo.
25501	LUK 11:27	Yesu koko iye opa dla atlemhallati a꞉ya haleta opa alumale dulu tle yu teta꞉le mate epo atlaiyo, “Ka꞉dena, Godtapo a꞉ya wa꞉ hampame wa꞉ imsela꞉uwa dla siyele hamilowe ka꞉pi,” diyo.
25659	LUK 15:2	Amasiyama Pa꞉lisi so mate aiyalma imalalo so mateta koko i natipame allimama epo atlamyaiyo, “Oplami itapo batalimale so elepame yia꞉ mate daya demsela꞉mdepo,” demyaiyo.
25790	LUK 18:33	Amasiyama ya꞉ye wabasi dulu dla powame elepame ma dapahatlope alila dla ma pasakalo depame sila꞉tilipe,” diyo.
25840	LUK 19:40	Amasiyama Yesuta asiyama yia꞉ watle epo atlaiyo, “Na꞉ ikadepe koko wua꞉ watle atlema. Opa iwolotapo yia꞉ta yu dimi telepiye, asiyama ewala hutiyemyatapo yu teta꞉lalimyelepe,” diyo.
25864	LUK 20:16	Ya꞉ puame yia꞉ye potipame ma opa amko hohopo ya꞉ osaloye omha꞉ha꞉iya dlepe,” diyo. Epalati opa hapuloma Yesu yu dalempopa꞉letapo epo atlamyaiyo, “Koko ipapeleta woyamoloweye poka꞉dena,” demyaiyo.
25901	LUK 21:6	“Wua꞉ta wata aya mate epo alisisi mate tlapame ka꞉ka꞉pi dleye alotle dokostlepe. Epapele dulu dla ewala haletapo ma yimkadulo tama di dla popopa꞉lowa. Amasiyama aya e dokostlati ewala hapuloma etapo matle ta꞉la dla teteyupo tulume popa꞉myelepe,” diyo.
25966	LUK 22:33	Amasiyama Pitata asiyama ya꞉ watle epo atlaiyo, “Lod, na꞉ wa꞉ mate amtuwale aya dulu dla epo polowe dla tulluweye mo-dinapopo sela꞉ma,” diyo.