6	GEN 1:6	Me non Got ni ga’ar, “Nge sum e palpal th’ib nge ki’eg e ran, nge boch me par u bang.”
22	GEN 1:22	Me tow’ath nagrad ko re bugithin ni ba’aray ni yog ni ga’ar, “Pin’en nib fos ni bay u fithik’ e day nge ran e ngi i diyen nge sugnag fithik’ e day nge ran, ma arche’ e nge yo’or u fayleng.”
49	GEN 2:18	Me ga’ar SOMOL ni Got, “De fel’ ni nge par fare mo’on ni go ir. Bay gu ngongliy be’ ni nge chagil ngak ngi i ayuweg.”
61	GEN 3:5	I yog Got e re bugithin nir ya manang ni gimew ra kay, mi gimew bod Got me tamilangan’mew ngam nangew e n’en ni bfel’ nge n’en nib kireb ni bod ir.”
66	GEN 3:10	Me fulweg fare mo’on ni ga’ar, “Gu rung’ag lingam nga fithik’ e woldug; mu gu tamdag mu gu mith rom, ya gu bay u tamilang.”
68	GEN 3:12	Me fulweg fare mo’on ni ga’ar, “Fare pin ni mu sunumeg ni fan ngog e pi’ wom’ngin ngog ni nggu way, ma aram mu gu way.”
69	GEN 3:13	Me fith SOMOL ni Got fare pin ni ga’ar, “Mangfan ni mu rin’?” Me fulweg ni ga’ar, “Fare porchoyog e ban nigeg nggu way.”
71	GEN 3:15	I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”
72	GEN 3:16	Me ga’ar ngak fare pin, “Bay gu yo’ornag e gafgow rom ko ngiyal’ ni kam diyen, mu gu gelnag e amith ngom ko ngiyal’ ni ngam gargel. Machane bay kum par ni ka ga be yim’ ni bochan e pumo’on rom, ma bayi par ni ir e suwon gur.”
75	GEN 3:19	Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”
81	GEN 4:1	Me par Adam nge le’engin, me diyen le’engin. Me gargeleg bochi pagel me ga’ar, “I SOMOL e ayuw rok make yag bochi pagel gufakay.” Me tunguy Kain ngak.
87	GEN 4:7	Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”
92	GEN 4:12	Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”
95	GEN 4:15	Machane me fulweg SOMOL ngak ni ga’ar, “Danga’. Fa’anra li’em be’ ngamum’ ma medlip e pogofan ni yira thang ni nge yan nga puluwon.” Me tay SOMOL e pow nga daken Kain ni be ning chiylen ngak e en nra mada’nag ni dabi li’ ngem’.
141	GEN 6:3	Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”
145	GEN 6:7	Me ga’ar, “Bay gu thang owchen urngin e girdi’ ni kug sunumeg, ndemturug e gin’en ni yad bay riy. Ma bay kug thang owchen urngin e gamanman nge urngin e arche’, ya kug kolngan’ug ni kug sunumegrad.”
159	GEN 6:21	Mu fek urngin mit e ggan ni fan ngom, nge ngorad.”
164	GEN 7:4	Ya ka medlip e rran mu gu pi’ e n’uw nge yib nga daken e fayleng ni bayi par ni nge aw ni aningeg i ragag e rran nge nep’, ni fan e nge thang mit urngin e pin’en nib fos ni kug sunumeg.”
201	GEN 8:17	Ma ga fek urngin fapi gamanman ngar uned ngom nga wuru’ e barkow, ya ngar diyen gad ngar weargad nga gubin yang u daken e fayleng.”
213	GEN 9:7	“Thingar mu diyen gad nge yo’or pifakmed, ya nge yo’or e pi’in owchemed ngar pired u gubin yang u daken e fayleng.”
217	GEN 9:11	Ba’aray e thin ni ir e ngug ngongliy e m’ag u thildad ngay; gube micheg ngomed ndab ki kirebnag e ran bayay urngin e pin’en nib fos. Ma dabki kirebnag e ran bayay e fayleng.”
222	GEN 9:16	Ngiyal’ nra m’ug e ragim u fithik’ e manileng e bay ggu’ ma aram mu gu leamnag fare m’ag ndabi m’ay biid, ni m’ag u thilig nge urngin e pin’en nib fos ni bay u daken e fayleng.”
223	GEN 9:17	Miki ga’ar Got ngak Noah, “Ireray e pow ko fare bugithin ni kugog ngak urngin e pin’en nib fos ni bay u daken e fayleng.”
231	GEN 9:25	me ga’ar: “Nge bucheg Got wa’athan Kanaan! Bayi par ni ir e sib rok e gali pumo’on ni walagen.”
233	GEN 9:27	Nge ayuweg Got Jafeth nge yo’or owchen! Ma pi’in ni owchen e ngu’ur pired e tirok Shem e girdi’ u ta’bang. Mi Kanaan e bayi mang sib rok Jafeth.”
270	GEN 11:3	Me lungurad, “Ngad ngongliyed e rengnga nge mu’ ma gadad urfiy.” Ma aram me yag e rengnga ngorad ni ngar ubunged e naun ngay, nge n’en ni yima yin’ nga thilin e rengnga nge kol e rengnga.
271	GEN 11:4	Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”
274	GEN 11:7	Darod nga but’ ngad athkuyed e thin rorad nge bagayad ma dabki nangfan e thin ni be yog bagayad.”
302	GEN 12:3	Gu ra fal’eg wa’athan e pi’in yad ra fal’eg wa’atham, ma gu ra bucheg wa’athan e pi’in yad ra yibilayem ni nge kireb wa’atham. Urngin e nam nu fayleng e bay i fel’ wa’athrad ni bocham.”
306	GEN 12:7	Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.
312	GEN 12:13	Wenig ngom, mog ngorad ni gur be’ ni bpin ni walageg; ma aram e dab ra thanged e pogofan rog miyad ayuwegneg ni bfel’ ni bochan e walageg gur.”
328	GEN 13:9	Ere ngad weargow. Gur e ngamog e gin ni gab adag e binaw ni ngam man ngay mag pageg. Ngam sor ngabang mu gu sor ngabang.”
357	GEN 14:20	I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.
361	GEN 14:24	Dariy ban’en ni nggu fek rom nggu fanay. Kemus ni tin ke kay e tirog e girdi’ e kemang birog e f’oth, machane pi’in gamad nga baraba’, ni Aner nge Eshkol nge Mamre e ngar feked e f’oth rorad.”
364	GEN 15:3	Dawor mu pi’ e bitir ngog, e re bagayad e pi’in ni sib rog e bay gum’ me mil suwon urngin ban’en rog ngak.”
365	GEN 15:4	Me rung’ag bayay laman SOMOL ni be ga’ar ngak, “Re sib rom nir e ga ra yim’ ma gathi ir e ra mil suwon urngin ban’en rom ngak; ya be’ nib mo’on nri fakam e ir e bayi mil suwon ngak.”
366	GEN 15:5	Me fek SOMOL Abram nga wean me ga’ar ngak, “Mu sap nga lanelang ngam the’eg e t’uf ni bay riy ni fa’an rayag rom, aram urngin e pi’in owchem ni bay yib.”
368	GEN 15:7	Me ga’ar SOMOL ngak, “I Gag SOMOL, ni gag fa’anem ni gog ngom ni ngam chuw ko binaw nu Ur ni bay u lan yu Babylonia, ni fan e nggu pi’ ngom e re nam ney ngam tafnay.”
370	GEN 15:9	Me fulweg ni ga’ar, “Mu fek i yib ngog ba garbaw ni bpin ni dalip e duw yangren, nge ba kaming ni dalip e duw yangren, nge ba saf ni pumo’on ni dalip e duw yangren, nge ba arche’ ni dove, nge ba bulogol.”
377	GEN 15:16	Aningeg e mfen nra yan mfini sul e pi’in owchem ngaray, bay gu tuluf e pi girdi’ ni ba’aray ni kanog e Amorite ngorad ngar chuwgad ko ngiyal’ ni kar pired ni kari gel e kireb rorad ni dabisiy ni ngan gechig nagrad.”
382	GEN 15:21	nge Amorite, nge Kanaanite, nge Girgashite, nge Jebusite.”
384	GEN 16:2	Me ga’ar Sarai ngak Abram, “Mu sap, SOMOL e ke teg ndagur diyen. Mpirew e re pin ni ba’aray ni sib rog. Ya sana rayag ni nge diyennag reb e bitir nggu fakay.”
390	GEN 16:8	me ga’ar fare engel, “Hagar, ni sib rok Sarai, kamub u uw, ma uw e ga be sor ngay?” Me fulweg ni ga’ar, “Gu be mil rok Sarai ni ug pigpig ngak.”
391	GEN 16:9	Me ga’ar ngak, “Mu sul ngak Sarai ngam munguy ngak nge mang ir e i gagiyeg nigem.”
394	GEN 16:12	Machane chi cha’nem ni fakam e bay i par ni bod ba dongki ni malboch; bayi par ni be togopluw ngak urngin e girdi’, ma urngin e girdi’ ni bay ur pired ni yad be togopluw ngak. Bayi chuw u fithik’ urngin girdi’en nge yan i par ngabang ni go’ ir.”
395	GEN 16:13	Me fith Hagar u wan’ ni ga’ar, “Gur cha’ney ni kug guy e irera’ fa’anem nma guyeg?” Ma aram me tunguy fithingan SOMOL ni ga’ar, “Ba Got ni Ma Guy.”
396	GEN 16:14	Aram fan nma yog e girdi’ fithingan fare luwed ni bay u thilin yu Kadesh nge yu Bered ni “Luwed rok Fa’anem ni be Par Nib Fos Ma Be Guyeg.”
406	GEN 17:8	Bay gu pi’ ngom nge ngak e pi’in owchem e re nam ney ni ga be par riy e chiney ni gab milekag. Ma nam nu Kanaan ni ga’ngin e bayi par ni tafnam ndariy n’umngin nap’an, ma bay gu par ni gag e Got rok e pi’in owchem.”
414	GEN 17:16	Bay gu fal’eg wa’athan nge gargeleg bochi pagel ni fakam. Bay gu fal’eg wa’athan nge mang chitiningin bo’or e nam, ma pi’in ni bayra bad ni owchen e bay boch i yad ni bayi mang pilung.”
416	GEN 17:18	Me ga’ar Abraham ngak Got, “Wenig ngom, mu ayuweg Ishmael ndabi buch ban’en rok ma ga tay nib fos.”
419	GEN 17:21	Machane bay gu tay e m’ag rog u thilmow Isak ni fakam, ni bayi gargeleg Sarah ko re ngiyal’ i n’ey u lan e binem e duw.”
430	GEN 18:5	Bay gu fek e ggan i yib ngomed; ya ra pi’ gelngimed ngam ul’ulgad ko milekag romed. Kambad nga tafnag, ere gub aray ni nggu pigpig ngomed.” Miyad fulweg ni lungurad, “Kefel’, mu rin’ ni bod ni kamog.”
431	GEN 18:6	Me gurnag Abraham ir ngalan e tent me ga’ar ngak Sarah, “Mu gur nigem, ngam fek guyey e pawn ko tin th’abi fel’ e flour rom ngam ngongliy rogon ngam lith.”
434	GEN 18:9	Ma aram miyad fith ni lungrad “Bu uw Sarah ni le’engim?” Me ga’ar, “Bay u rom u lan e tent.”
435	GEN 18:10	Me ga’ar SOMOL, “Nggog ngom ni le’engim i Sarah e ka mereb e pul me gargeleg bochi pagel, ma aram e ngiyal’ ni bay gu sul ngaray.” Ma ke par Sarah u langan e mab ko tent u keru’ Abraham ni be motoyil.
437	GEN 18:12	Me minmin Sarah rok nike ga’ar u wan’, “Chiney e kari gu pilibthir ndabkiyag ni gu diyennag e bitir, gur ngku gu pirew e pumo’on rog ni bod ni ku gub rugod? — ya ku er rogon ni figirngig e ke pilibthir.”
439	GEN 18:14	Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”
440	GEN 18:15	Me ga’ar Sarah, “Da gu minmin.” I mithag ni bochan e ke tamdag. Me fulweg SOMOL ni ga’ar, “Kam minmin.”
444	GEN 18:19	Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”
446	GEN 18:21	Thingar gu wan ngaram nga p’ening ngug guy ko tin kanog ngog nib togopluw ngorad e riyul’ fa de riyul’. Bay gu wan mu gu nang.”
451	GEN 18:26	Me fulweg SOMOL ni ga’ar, “Fa’an gu ra pir’eg wugem e girdi’ u Sodom ndarir ngongliyed e kireb, ma dab gu kirebnag e re binaw nem ni bochan e re wugem i girdi’ nem.”
453	GEN 18:28	Sana kemus ni aningeg i ragag nge lal e girdi’ ndarir ngongliyed e kireb ma gathi wugem. Ere ga ra kirebnag e re binaw nem ni bochan e lal e girdi’ nde gaman ko fare mathe’eg?” Me ga’ar SOMOL, “Dab gu kirebnag e re binaw nem ni fa’anra gu pir’eg aningeg i ragag nge lal e girdi’ ni bay u lan ndarir ngongliyed e kireb.”
454	GEN 18:29	Miki ga’ar Abraham, “Sana kemus ni aningeg i ragag e bay ndarir ngongliyed e kireb.” Me fulweg ni ga’ar, “Fa’anra bay aningeg i ragag riy ndarir ngongliyed e kireb ma dab gu kirebnag.”
455	GEN 18:30	Me ga’ar Abraham, “SOMOL, wenig ngom, dab mu puwan’, ya ngkug non bayay. Ma fa’anra kemus ni guyey?” Me ga’ar, “Dab gu kirebnag ni fa’anra gu pir’eg guyey.”
456	GEN 18:31	Me ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. Fa’an mang e kemus ni reliw’ e ga ra pir’eg ndarir ngongliyed e kireb?” Me ga’ar, “Fa’an gu ra pir’eg reliw’ ma dab gu kirebnag e re binaw nem.”
457	GEN 18:32	Me ga’ar Abraham, “SOMOL, wenig ngom, dab mu puwan’, ya ngkug non ta’ab yay. Ma fa’anra kemus ni ragag e ga ra pir’eg?” Me ga’ar, “Fa’anra bay ragag ma dab gu kirebnag.”
460	GEN 19:2	me ga’ar, “Gub aray ni nggu pigpig ngomew, wenig ngomew mu unew ngog ngdarod nga tabinaw rog. Rayag ni ngam maluk nigew e rifrif u aymew mi gimew par u tabinaw rog e nep’ ney, me kadbul ni kam odgow mi gimew yan.” Machane me lungurow, “Danga’, bay gu pirew u roy u tagil’ e mu’ulung ko binaw e nep’ ney.”
463	GEN 19:5	Miyad tolulnag Lot ni yad be fith, “Bu uw fa gali pumo’on ni karbow ni ngar pirew rom e nep’ ney? Mfekrow i yib ngomad nga wean nggu pired.” Pi pumo’on nu Sodom nem e kar darngal niged e gali milekag nem.
466	GEN 19:8	Mu sapgad, l’agruw e ppin ni fakag ni bay ndawor nangew e pumo’on. Ere mu son gad nggu fekrow i yib nga wean ngomed mi gimed rin’ e tin gimed ba’adag ngorow. Machane dab mu rin’ed ban’en ngak e gali pumo’on ney, ya yow e milekag ni karbow ngalan e naun rog, ere thingar gu yoror rorow.”
467	GEN 19:9	Me lungurad, “Mu chuw u kanawo’ romad, ya gab milekag ni mub ngaray! I gur mini’ ni ngamog ngomad e tin nggu rin’ed? Dakumur ning e kanawo’ ngomad, ya rigu rin’ed e ngongol ngom ni kab gel e kireb riy ko ngongol ni nggu ngongliyed ngorow.” Miyad tay e mathur ngak Lot, miyad yan ko mab ni ngar t’ared.
471	GEN 19:13	ya nggu kireb nigew e re binaw ney. I SOMOL e ke rung’ag nrib kireb e tin be rin’ e girdi’ ko re binaw ney, me ere ke l’oegmow ni nggu kireb nigew yu Sodom.”
472	GEN 19:14	Me yan Lot i guy fa gali pumo’on ni ngar mabgolgad fa gali ppin ni fak, me ga’ar ngorow, “Mu gur nigew gimew ngam chuwgow u roy; ya SOMOL e nge kirebnag e re binaw ney.” Miyow finey ni be thin ni gosgos.
473	GEN 19:15	Ma nap’an ni be puf e woch, me tay fa gal engel e gur ngak Lot ni lungurow, “Mu gur nigem! Mu fek e bpin rom nge fa gali ppin ni fakam ngam chuwgad u roy, nge siy i un e pogofan romed ko re binaw ney ni ngan kirebnag.”
478	GEN 19:20	Ga be guy e re binaw ni ba’aram ni ba’achig? Ba chugur nrayag ni gu thap ngay. Kam guy ni bochi binaw nib achig. Mpageg nggu wan ngay mu gu fos.”
480	GEN 19:22	Mu gur nigem! Mmil! Dariy ban’en nrayag ni gu rin’ nge mada’ ko ngiyal’ ni kam tawgad ngaram.” Bochan e yog Lot ni ba’achig, ma aram min tunguy fithingan e re binaw nem ni Zoar.
490	GEN 19:32	Ngad guyew rogon nge chingnag, nge yog nda pired ngad diyengow rok e chitamangidow.”
492	GEN 19:34	Me reb e rran riy me ga’ar fa binem nib ilal ngak e bin bitir, “Fowngan e gu pirew e chitamangidow; ere ngad guyew rogon nge ching bayay e nep’ ney ma ga yan ngam rin’ ni bod ni gu rin’ ngad diyengow rok.”
499	GEN 20:3	Fa’an i reb e nep’ me yib i m’ug Got u malik’ay ngak Abimelek me ga’ar, “Ga ra yim’, ni bochan e re pin nir ni kam fek; yab mabgol.”
501	GEN 20:5	Ya ku Abraham ma keyog ni re pin ney e walagen ma ku arrogon ni be yog e re pin ney ni yow walag. Tin kug rin’ e ba tamilang u wun’ug, ni dariy ban’en ni kug rin’ nib kireb.”
511	GEN 20:15	Me ga’ar ngak Abraham, “Ba’aray e binaw ni tafnag. Are mu guy e gin ga ba’adag ni ngam par ngay.”
520	GEN 21:6	Me ga’ar Sarah, “Ke pi’ Got e felfelan’ ngog nge minmin. Urngin e girdi’ ni yad ra rung’ag murung’agen e yad ra un ngog ko minmin.”
521	GEN 21:7	Me ul ul ngay nge ga’ar, “I mini’ e susun e ra weliy ngak Abraham ni Sarah e bayi tathuthnag e bitir? Machane kug gargeleg bochi pagel ni fak ko ngiyal’ nike pilibthir Abraham.”
524	GEN 21:10	Me ga’ar ngak Abraham, “Mu l’oeg e re bpin ney nib sib nge fare pagel ni fak ngranow ngar chuwgow. Ya re pagel ney ni fak e re bpin nir nib sib e thangri dabi fek bang e fla’ab rom, ya Isak ni fakag e ir e nge yag ngak.”
527	GEN 21:13	Ya ku bay gu pi’ e bitir ni pire’ ngak fare pagel ni fak fare pin nib sib, ngar manged girdi’en reb e nam. Ya ku er rogon ni ir reb e pagel ni fakam.”
537	GEN 21:23	Ere mmicheg bugithin ngog e chiney u p’eowchen Got, ni dab’um ban nigeg, nge pifakag, nge pifak pafakag. Ug par ni gu byul’yul’ ngom, ere ngam micheg ngog ni kagra yul’yul’ ngog ma ngkum yul’yul’ nga lungun e re nam ney ni ga be par riy ni gathi ga be’ riy.”
538	GEN 21:24	Me ga’ar Abraham, “Kug micheg.”
544	GEN 21:30	Me fulweg Abraham ngak ni ga’ar, “Nge fel’ u wun’um ya ngam fek e medlip i pifak e saf ney, ya ga ra rin’ ma aram e kam micheg ni gag e gu ker e re luwed ney.”
549	GEN 22:1	Me munmun me sikengnag Got Abraham; i ga’ar, “Abraham!” Me fulweg Abraham ni ga’ar, “Gu be motoyil ngom.”
550	GEN 22:2	Me ga’ar Got, “Mu fek fare pagel ni fakam ni Isak, ni kari maagirag rom, ma bt’uf rom, ngam marow ko fa gi binaw ni Moriah. U daken bburey ni bay fini gu dag ngom, u rom e ir e thingar mu li’ riy ma ga urfiy ngam pi’ ni maligach.”
553	GEN 22:5	Me ga’ar Abraham ngak fa gali cha’ ni tapigpig rok, “Mu pirew rok e re dongki ney u roy. Bay gu warow e cha’ney ngaram nggu meybilgow, nge mu’ ma gamow sul ngomew.”
560	GEN 22:12	Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”
562	GEN 22:14	Me tunguy Abraham fithingan e gin’em ni “SOMOL e ma pi’.” I mus ko daba’ nma ga’ar e girdi’, “Ma pi’ SOMOL u daken e burey rok.”
576	GEN 23:4	“I gag e gub milekag ni gu be par u fithik’med; mu pi’ed bang e binaw ngog nggu chuw’iy nge yag ni gu chubgiliy le’engig riy.”
578	GEN 23:6	“Siro’ mmotoyil ngomad, gamad be sap ngom ni gur be’ nib ga’ lungum; ngam chubgiliy le’engim ko bin th’abi fel’ ko pi malangen e yam’ romad ney. Gamad gubin ni gamad ba falan’ ngay ni ngan pi’ ngom e bin th’abi fel’ ko malangne yam’ romad, ngam chubgiliy le’engim ngay.”
581	GEN 23:9	nge pi’ ngog nchuway’ e bin u Makpela e yiy, ni fa’an ba chuchugur nga mrichlen fagi flang rok. Mu de’eriyed nge yog tolngin puluwon nggu pi’ ngak u p’eowchmed, ya ngri milfan ngog nge par ngu’ug chubgil riy.”
583	GEN 23:11	“Siro’ mmotoyil; nggu pi’ ngom e gi flang ney ni ga’ngin nge fare yiy ni bay riy. U roy u p’eowchen urngin e girdi’ rog, e nggu pi’ riy ngom, nge yag ni ngam chubgiliy le’engim riy.”
585	GEN 23:13	me non ngak Efron ni nge rung’ag gubin e girdi’, “Wenig ma siro’ ngom, mtoyil. Bay gu chuw’iy e re gi flang nem ni ga’ngin. Nge magan’um ngay ngam fek puluwon, ya nggu chubguliy le’engig u rom.”
587	GEN 23:15	“Siro’, gi but’ nem e aningeg mir’ay yang e silber puluwon — ma mang e binem nga thildow? Mu chubguliy le’engim riy.”
600	GEN 24:8	Machane fa’anra dabun e re pin nem ni nge un ngom, ma aram e re bugithin ney ni kam micheg ni ngam rin’ e dakriy u dakenam. Demturug rogon, ma thingar dab mu fulweg fakag ngaram.”
606	GEN 24:14	Ma bayi lungug ngak bagyad, ‘Wenig ngom, mu sobut’eg e rume’ rom buchu’uw ngam pi’ boch e ran gu unum.’ Ma fa’anra ga’ar, ‘Mu unum, ma bay kug pi’ e ran i unum e kamel rom,’ ma aram e ir e cha’ ni kam turguy ni nge le’engiy e tapigpig rom i Isak. Fa’anra yodoro’, ma aram e kug nang ni kam tay nga tagil’ e tin mog ngak e masta rog.”