23250	MAT 2:12	E natapúna'a. Natapú Tupana quemari najló: —¡Pa! Ipa'aniyo Herodes i'imacá ejo. Marí caje aú apú iñe'epú chuhuá napa'ó nate'eré ejo.
23352	MAT 6:1	Ne'iyajena la'añó palá ajopana ina'uqué jimaje, ajopana quemacáloje nanacu: “¡Meque palá huani nala'acá!” que penaje. Ihuátajica ee palá la'acana, ila'aniya ilé que. Ñaqué ila'ajica ee ricá, uncá Tupana a'alaje ijló palá ila'acare huemí.
23381	MAT 6:30	Mequetánajloje penaje calé a'ahuaná ihuí. Chuhuajá que iná amaca ricá. Muní que rimeríya'aco. E'iyonaja palá amácanami ricá Tupana palamane. A'ahuaná ihuí chaje ra'ajica rinacojó icá, a'arumacaji i'imacáloje ijló penaje. ¡Meque huejápaja huani ipechu Tupana chojé caphí!
23390	MAT 7:5	¡Pajlácachi huani picá ta! Piyurí pu'uhuaré pila'acare piliyó pamineco. Rejéchami pihue'epíjica méqueca apú inaquiyánajlo quemacana, riyurícaloje huejapa ñani pu'uhuaré rila'acare riliyó penaje.
23424	MAT 8:10	Marí que rimacá rijló aú Jesús pechu i'imá: “¡Meque palá huani ripechu Tupana nacú!” E rimá rijhua'até chira'ajéñojlo: —Jema'á marí: Caphí ripechu Tupana chojé, ra'acáloje riñaté penaje. Uncá nuphátala apú Israelmi chu laquénami naquiyana e'iyayá, ricá que huani péchuri.
23439	MAT 8:25	Ejéchami napótaca Jesús. Nemá rijló: —¡Huehuíña'atajeri, pihue'epí huamu'ují! Chuhuaca huejaca.
23441	MAT 8:27	Marí caje aú ra'apiyatéjena pechu i'imá: “¡Meque piyuque huani rihue'epica!” Nemá pajlocaca: —¿Na huani chi ricá? Ripuráca'alo aú carená, juni hua'até jema'arí ra'apiyá.
23451	MAT 9:3	Tupana puráca'alo nacú jehuíña'atajeño naquiyana i'imaño re caja. Marí que rimacá aú napechu i'imá: “¡Meque pu'uhuaré huani ta rimíchaca ta! Tupánaja calé amaro ina'uqué chaje pu'uhuaré nala'acare liyá. Uncá Tupana calé ricá.”
23478	MAT 9:30	Eja mejlucaji ja'apari naliyá, palá namaca. E Jesús quemari najló: —¡Pa! I'imaniya riyucuna ajopánajlo.
23581	MAT 12:23	Ramájeño pechu i'imá: “¡Meque piyuque huani rila'acá!” Nemá pajlocaca: —¿Ricá chi quele jupichúnami quemacare nacú, huaícha majó ina'uqué i'imatájeri penaje?
23662	MAT 13:54	Iphari rite'eré ejo. Re richape piño riqueño'ó nehuíña'atacana Tupana nacú nahuacáca'alo ñacarelana chu. Ripuráca'alo jema'ajeño pechu i'imá: “¡Meque piyuque huani rihue'epílaca nacaje nacojé!” Nemá: —¿Mere chi rehuíña'o piyuqueja puráca'aloji nacú? ¿Meque rihue'epica nacaje la'acana, uncá ina'uqué hue'epílare la'acana?
23692	MAT 14:26	Ra'apiyatéjena amaca aú ricá huaíchaca, cajrú naquero'ocó. —¡Yee, ilé ina'uqué ñacami ta huaícha! —que nahuíyo'oca.
23696	MAT 14:30	Rimá: “¡Meque caphí huani ta carená!” Aú riquero'ó. Hua'ató que caja ra'acó junápeje. Eja rahuíyo'o: —Pihue'epí numu'ují.
23697	MAT 14:31	Ejéchami Jesús patacá ricá ra'anapitá naquiyá. Rácho'ota junápiya ricá. Rimá rijló: —¡Huejapa nochojé péchuri picá! ¿Naje piyuricha caphí nochojé i'imacana?
23730	MAT 15:28	Raú Jesús quemari rojló: —¡Meque caphí huani pipechu nochojé! Pihuátaca queja ri'imajica pijló. Marí que rimacá rojló a'apona que Jiñá pechu jácho'oco rutu e'iyayá. Raú richuhuaja rutejmo'otaco.
23733	MAT 15:31	Uncá pura'alaño penájenami pura'añó palá. Apicháca'alona i'imacaño penájenami pala'añó palá. Uncá ja'apálaño palá penájenami ja'apaño caja palá. Mejluruna penájenami amaño caja palá. Marí cajé aú napechu i'imá: “¡Meque piyuque huani la'acá ricá!” Palá napura'acó Tupana nacú raú. Tupana, Israelmi chu pechu i'imacare chojé caphí, nacú napura'ó palá.
23749	MAT 16:8	Jesús hue'epiri meque napechu i'imacá. E rimá najló: —¿Naje imá: “Uncá pan i'imalá huacapi”? ¡Meque huejápaja huani ipechu i'imacá nochojé caphí!
23763	MAT 16:22	E Pedro huá'ari Jesús apojó quemachi. Raca'á ricá, rimá rijló: —Eco Tupana hue'epí pimu'ují. ¡Uncá huani nala'alaje ilé que picá!
23764	MAT 16:23	Raú Jesús pajno'oró riyámajo. E rimá Pédrojlo: —¡Pa'apá nuliyá, Satanás! Nunacu cahuíla'ajeri picá. Uncá Tupana pechu que calé pipechu. Ina'uqué pechu que caja pipechu.
23773	MAT 17:4	Raú Pedro quemari Jesusjlo: —Hue'emacana, ¡meque palá huani huecá maare! Pihuátajica ee, huala'ajé hueji quele ca'apejé maare. Pajluhuala huala'ajé pijló, apalá Moisesjlo, apalá Elíasjlo.
23786	MAT 17:17	E Jesús quemari ra'apiyatéjenajlo: —¡Meque uncá huani ipechu i'imalá Tupana chojé caphí! Pu'uhuaré la'acaño icá. ¿Me quetana júpica nujña'ajica icá panacu? Ihuá'icha ricá majó —que rimacá najló.
23915	MAT 21:20	Marí que ra'apiyatéjena amaca aú napechu i'imá: “¡Meque piyuque huani rila'acá!” E nemá Jesusjlo: —¿Meque la'ajé chi rili'ichaco cuhuichila quiñaja huani?
23963	MAT 22:22	Marí que rimacá aú najló napechu i'imá: “¡Meque capechú huani rimíchaca huajló!” E na'apaña ricá. Ne'ejná ají que a'ajná ño'ojó.
23974	MAT 22:33	Marí que rimacá najló. Aú napechu i'imá: “¡Meque palá huani rehuíña'ataca ina'uqué!”
24004	MAT 23:17	¡Meque uncá huani napechu i'imalá najló! ¡Uncá huani nahue'epila! Oro nayá'atacare Tupana ñacaré chojé, palani ricá re ri'imacale.
24006	MAT 23:19	¡Meque uncá huani napechu i'imalá najló! ¡Uncá huani nahue'epila! Nacaje nayá'atacare mesa nacú, palani ricá, Tupánajlo a'acanami ri'imacale. Mesa nacú ri'imacale, palani ricá.
24103	MAT 25:26	Ricarihuate quemíchari rijló: “¡Meque uncá huani ina'uquélari ta picá! Maliyaru huani picá ta. Pihue'epícare mecajeca nucá. Pihue'epícare caja nejátaca nojló nacaje, richa i'imacáloje nujluhua penaje. Pihue'epícare caja uncá nusápala numena e'iyá. E'iyonaja re nacaje re'iyayá nojló penaje.
24131	MAT 26:8	Marí caje aú ra'apiyatéjena yúcha'año ruchá. Nemá pajlocaca: —¡Naje majopeja huani ta rucupíchaca ricá!
24306	MRK 1:22	“¡Meque palá huani rehuíña'atalaca huecá!” que ripuráca'alo jema'ajeño pechu i'imacá rinacu. Palá rihue'epica nacaje nacojé rehuíña'atacare nacú. Tupana puráca'alo nacú jehuíña'atajeño, rehuá i'imacaño, uncá hue'epílaño palá rijlunami chojé.
24311	MRK 1:27	“¡Meque piyuque huani rila'acá cari!” que ramájeño pechu i'imacá Jesús nacú. Nemá pajlocaca: —¡Meque piyuque huani rila'alaca cari! Huajé huani huajló ripuráca'alo. Raú ja calé rihuacára'a jiñana pechu jácho'oco ina'uqué e'iyayá. Nema'á ra'apiyá —que nemacá pajlocaca.
24336	MRK 2:7	“¡Meque pu'uhuaré huani ta rimíchaca! Tupánaja calé amaro ina'uqué chaje pu'uhuaré nala'acare liyá. Uncá Tupana calé ricá,” que napechu i'imacá rinacu.
24341	MRK 2:12	Ejéchami ritami jácho'oco pila pila que. Nejlú chuhuá ra'apá. Raú ramájeño pechu i'imá Jesús nacú: “¡Meque piyuque huani la'acá ricá!” Palá napura'acó Tupana nacú, ra'acale Jesús ñaté. Nemá pajlocaca: —Uncá huani huamala apú la'acá marí rila'acá que caja.
24353	MRK 2:24	Raú fariséona quemaño Jesusjlo: —¡Piyacá'o! Chuhuajá huatána'acaje huacajé. E'iyonaja cajona pa'apiyatéjena sapaño. Uncá nala'alá Moisesmi chu puráca'alomi quemacá que.
24453	MRK 5:20	—Je —que rimacá. E ripa'ó. Riqueño'ó riyucuna i'imacana rite'eré ehuájenajlo. Re'iyohuá iyamá té'ela quele pajimila i'imacá. Re ri'imá palá Jesús la'acare ricá yucuna najló. Riyucuna jema'ajeño pechu i'imá Jesús nacú: “¡Meque piyuque huani rila'acá!”
24475	MRK 5:42	Raú ja rócho'o; ruchira'ó. Iyamá iphata ji'imaji nacojé quele jarechí ru'umacá. Rijhua'até i'imacaño pechu i'imá rinacu: “¡Meque piyuque huani rila'acá!”
24527	MRK 6:51	Ejéchami rihuitúca'aca jita chojé natu'uhueje. Hua'ató que carená yurica ja'apácaje. Aú napechu i'imá: “¡Meque piyuque huani rila'acá!”
24602	MRK 8:33	Jesús pajno'oró ají que riyámojo, yacá'aro ajopana ra'apiyatéjena chaje. Eyá raca'á Pedro; rimá rijló: —¡Pa'apá nuliyá Jiñá Chi'ináricana! Uncá Tupana pechu que calé pipechu. Ina'uqué pechu queja pipechu.
24612	MRK 9:5	E Pedro quemari Jesúsjlo: —Huehuíña'atajeri, ¡meque palá huani huecá maare! Huala'ajé hueji quele ca'apejé maare. Pajluhuala huala'ajé pijló, apalá Moisesjlo, apalá Elíasjlo —que rimacá rijló.
24626	MRK 9:19	E Jesús quemari ra'apiyatéjenajlo: —¡Meque uncá huani ipechu i'imalá Tupana chojé caphí! ¿Me quetana júpica nu'umajícajla ijhua'até? —que rimacá najló. E rimá piño ajopánajlo: —Ihuá'icha majó ilé yuhuají. —Je —que nemacá.
24705	MRK 10:48	Raú cha'apá ina'uqué aca'añó ricá. Nemá rijló: —¡Pimanúma'o ta! Aú richaje huani rahuíyo'oca. Rimá piño: —Jesús, ina'uqué i'imatájeri penaje picá. Pihue'epí numu'ují.
24787	MRK 13:1	Jesús jácho'oro Tupana ñacaré chiyá. Aú pajluhuaja ra'apiyatéjeri quemari rijló: —Huehuíña'atajeri, pamala marí Tupana ñacaré. Jipa naquiyá la'acanami ricá. ¡Meque palani huani ricá!
24827	MRK 14:4	Marí caje aú, ajopana re i'imacaño, yúcha'año ruchá. Nemá pajlocaca: —¡Naje majopeja huani ta rucupíchaca ricá!
24926	MRK 15:31	Ñaqué caja sacerdótena huacára'ajeño, Tupana puráca'alo nacú jehuíña'atajeño, quele la'ajica namácaja Jesús. Nemá pajlocaca: —¡Meque calé ta ri'imataca ajopana capichácajo liyá i'imacá! Eta ricó uncá meño'ojó ri'imatala!
25005	LUK 1:43	Nuhuacára'ajeri jaló penájeru picá. ¡Meque palá huani pili'ichaca nucá majó nuchaje i'ijnacana aú!
25056	LUK 2:14	¡Palani huani nacaje Tupana la'acare! Yenú, je'echú chu, ricá Tupana. Ina'uqué, marí eja'ahuá chu i'imacaño, pu'ují ripechu i'imacárena nacú, necá i'imajeño palá pajhua'atéchaca, que nemacá Tupana nacú najló.
25060	LUK 2:18	Riyucuna jema'ajeño pechu nacú ri'imá: “¡Meque piyuque huani Tupana la'acá!”
25075	LUK 2:33	Marí que rimacá rinacu. Aú José, Jesús jaló, quele pechu i'imá: “¡Meque palá huani rimíchaca queráco'ope ñani nacú!”
25089	LUK 2:47	Ajopana jema'añó Jesús quejá'aca riyucuna. Aú napechu i'imá rinacu: “¡Meque capechuni huani ricá! Palá riquejá'aca riyucuna, palá caja rapiyácaca necá,” que napechu i'imacá rinacu.
25108	LUK 3:14	Surárana naquiyana quemaño caja rijló: —¡Eta huecá! ¿Meque huala'ajica? Rimá najló: —Ila'aniya chapú ajopana, ijña'acáloje naliyá nacaje ijluhua penaje. Imaniya caja majopeja nanacu: “Pu'uhuaré nala'acá” que, na'acáloje ijló liñeru, multa huemí raú penaje. Ipechu i'imá palá liñeru hua'até na'acare ijló isápaca'ala huemí penaje —que rimacá najló.
25168	LUK 4:36	“¡Meque piyuque huani rila'alaca cari!” que ramájeño pechu i'imacá Jesús nacú. Nemá pajlocaca: —¡Meque palá huani ripuráca'alo! Raú ja calé jiñana pechu jácho'oro ina'uqué e'iyayá —que nemacá pajlocaca.
25202	LUK 5:26	Rácho'oco aú ramájeño pechu i'imá Jesús nacú: “¡Meque piyuque huani rila'alaca cari!” Nemá pajlocaca: —¡Meque palá huani huamíchaca rila'acá quele!
25257	LUK 6:42	Pu'uhuaré huani la'ajeri pi'imacachu, ¿meque ta pimacajla apú pinaquiyánajlo: “Piyurí pu'uhuaré pila'acare piliyó” que? ¡Pajlácachi huani picá! Piyurí pu'uhuaré pila'acare piliyó pamineco. Ejéchami pihue'epíjica méqueca apú inaquiyánajlo quemacana, riyurícaloje huejapa ñani pu'uhuaré rila'acare riliyó penaje.
25339	LUK 8:25	E rimá ra'apiyatéjenajlo: —¿Naje chi uncá ipechu i'imalá caphí nochojé? Quero'ocajo nacú ne'emá. Napechu i'imá: “¡Meque piyuque huani rihue'epica!” Nemá pajlocaca: —Ripuráca'alo aú carená, juni hua'até jema'arí ra'apiyá.
25370	LUK 8:56	Ruchi'iná pechu i'imá: “¡Meque piyuque huani la'acá ricá!” E rimá najló: —Pa. I'imaniya riyucuna ajopánajlo.
25383	LUK 9:13	E'iyonaja rimá najló: —Icá a'ajeño najló a'ajnejí. Nemá rijló: —Pajluhua té'ela ca'alá pan maare iyajmela jíñana hua'até, queleja calé maare. ¿E pihuátaca hue'ejnacá a'ajnejí huarúhua'aje najló? ¡Iqui'iruna huani ina'uqué maare! —que nemacá rijló.
25403	LUK 9:33	Ejéchami ina'uqué, iyamá i'imacaño, capichaco Jesús ahua'ayá sujhuí que. Ejéchami Pedro quemacá Jesusjlo: —Huehuíña'atajeri ¡meque palá huecá maare! I'ijná huala'achí hueji quele ca'apejé maare, pajluhuala pijló, apalá caja Moisesjlo, apalá caja Elíasjlo —que rimacá rijló. Majopeja rimacáchojonaja calé rimacá. Uncá rihue'epila na penájeca rimacá marí que.
25411	LUK 9:41	E Jesús quemari najló: —¡Meque uncá huani ipechu i'imalá nochojé caphí! Pu'uhuaré la'acaño icá. ¿Me quetana júpica nujña'ajica panacu icá? ¿Me quetana júpica nu'umacajla ijhua'até, ihue'epícaloje rinacojé nuliyá penaje? E rimá rara'apajlo: —Majó pihuá'icha pi'irí. —Je —que.
25413	LUK 9:43	Ramájeño pechu i'imá Jesús nacú: “¡Meque piyuque huani rila'acá Tupana Pechu aú!” Ina'uqué i'ijnataño napéchuhua Jesús la'acare nacú. E Jesús quemari ra'apiyatéjenajlo:
25455	LUK 10:23	Eyá Jesús pajno'oró ají que ra'apiyatéjena ejo. Najloja calé rimá marí que: —¡Meque palá huani ijló, amácale nacaje nula'acare e'iyohuá!
25488	LUK 11:14	Jesús ca'arí jiñá pechu apú ina'uqué e'iyayá i'imacá. Jiñá pechu nacojé uncá meño'ojó ripura'aló. Rica'acá ricá re'iyayá ejomi ripura'acó palá. Marí que ajopana amaca aú napechu i'imá Jesús nacú: “¡Meque piyuque huani rila'acá!”
25501	LUK 11:27	Marí que Jesús i'imacá yucu cajrú ina'uquejlo i'imacá. Ejomi pajluhuájaru inanaru jahuíyo'oyo rijló. Marí que rumacá rijló: —¡Meque pu'ují ilerú pechu, huá'ayo pi'imacá, lamára'ayo pi'imacá! —que rumíchaca rijló raló nacú.
25503	LUK 11:29	Richaje, richaje que ina'uqué jahuacaco Jesús nacojé i'imacá. E rimá najló marí que: —¡Meque uncá huani ina'uquélaruna mariruna ina'uqué naquiyana me'etení i'imacaño! Nemá nojló, nula'acáloje nacaje najló Tupánaja calé hue'epícare la'acana. E'iyonaja uncá nula'alaje ijló ricá. Júpimi Tupana la'acá Jonasmi chujlo nacaje. Rila'acá rijló nacaje i'imacá que caja rila'ajica piño nojló nacaje. Ricá aú ja calé ihue'epeje nucá.
25516	LUK 11:42	’¡Meque chapú huani ri'imajica ijló, icá fariséonajlo! Iyamá té'ela quele a'ajnejí puní ejátacare naquiyana icá a'añó pajluhuaja Tupánajlo. Raú ca'ajná ipechu i'imá inacuhuá: “Palá la'acaño huecá” que. Uncá paala ila'acá, uncale ihuátala Tupana íqui'ija. Uncá caja ila'alá palá ajopana ina'uqué. Chuhua ila'á palá. Ihuata caja Tupana íqui'ija. Marí que la'acana, ricá a'acáreno rijló hua'ató, palani Tupánajlo.
25517	LUK 11:43	¡Meque chapú huani ri'imajica ijló, fariséonajlo! Ihuata ajopana ina'uqué pechu i'imacá inacu: “Ajopana chaje i'imacaño necá” que. Ñaquele ihuata natucumá yá'acano jahuacáca'alo ñacarelana chu. Ihuata caja ina'uqué ajalaca icá palá ja'apaca aú le'ejepelaji ñacarelana e'iyohuá.
25520	LUK 11:46	Jesús quemari rijló. —Que jo'ó ricá. ¡Chapú huani ri'imajica ijló, Tupana puráca'alo nacú jehuíña'atajeñojlo! Chapú ri'imajica ijló, ila'acale pu'uhuaré marí que: Icá huacára'año ajopana, nala'acáloje nacaje puhuichani huani penaje. Nacaje uncá meño'ojó iná la'alare caje, ihuacára'a nala'acá ricá. Eyá icá, uncá huani la'alaño nacaje najhua'até. Huejápaja ñani uncá caja ila'alá najhua'até —que rimacá najló.
25521	LUK 11:47	’¡Meque chapú huani ri'imajica ijló! ihuacára'acale nala'acá támijimina ca'aquelana palá nojé, naca'acáloje Tupana puráca'alo ja'apátajeñomi chuna aphinami richojé penaje. Ichi'inami chuna noño ne'emacá.
25526	LUK 11:52	’¡Chapú huani ri'imajica ijló, Tupana puráca'alo nacú jehuíña'atajeñojlo, me'etení i'imacáñojlo! Tupana puráca'alo quemari méqueca ri'imataca iná capichácajo liyá. Uncá jehuíña'atala ina'uqué palá rinacu. Raú uncá nahue'epila rinacojé. Uncá caja ihue'epila rinacojé. Aú calé itá rapu ajopánajlo, nahue'epica piyá rinacojé —que Jesús quemacá najló.
25556	LUK 12:28	Mequetánajloje penaje calé a'ahuaná ihuí. Chuhuajá que iná amaca ricá, muní que rihuijíño'oco. E'iyonaja palá amácanami ricá Tupana palamane. A'ahuaná ihuí chaje ra'ajica rinacojó icá, a'arumacaji i'imacáloje ijló penaje. ¡Meque huejápaja huani ipechu Tupana chojé caphí!
25573	LUK 12:45	Eyá uncá ina'uquélari ri'imaquela, rimajla marí que ricarihuate nacú ya'ajná jo'ó ri'imaqué huacajé: “¡Meque júpija huani nuhuacára'ajeri malá'ataca ricó rehuá!” Marí que ripechu i'imacajla aú riqueño'ójla ricarihuate hua'até sápajeño ña'atácana, achiñana, inaana hua'até. Cajrú ra'ajnehuá ajñacana nacú ri'imajla. Cajrú i'iracaje i'iracana nacú caja ca'ajná ri'imacajla. Yuhuéra'acajo nacú ca'ajná ri'imajla.
25584	LUK 12:56	¡Pajlácachina icá! Icá la'añó icó palá la'ajeño que ina'uqué ijlú chuja. E'iyonaja uncá ñaqué calé icá. Icá hue'epiño méquechamica juni ja'ajico je'echú chojé yacá'acano aú. Ñaqué caja ihue'epica nacaje nacojé te'erí chaje yacá'acano aú. Eta, maare nucá ijhua'até me'etení. E'iyonaja uncá ihue'epila na penájeca Tupana huacára'aca nucá majó —que Jesús quemacá najló.
25602	LUK 13:15	Raú Jesús quemari rijló: —¡Pajlácachina ta icá! Icá la'añó icó palá la'ajeño que huani ina'uquejlo. E'iyonaja uncá ñaqué calé icá. Ipirá, jema piracana ca'ajná, cahuarú ca'ajná i'imaquela nañacarelana chu huatána'acaje huacajé, ihuá'ajla caja necá richiyá une'é chuhuá juni i'irajé.
25697	LUK 16:8	E caja ehuaja riyucuna iphíchari ricarihuate nacú. Raú ripechu i'imá: “¡Meque capechuni ta quele uncá ina'uquélari ta!” Caja quetana riyucuna. E Jesús quemari najló: —Quehuaca, necá uncá jema'alaño Tupana ja'apiyá, capechúruna necá nanaquiyana hua'até pajlácana aú. Raú nachá'ata Tupana ja'apiyá jema'ajeño.
25735	LUK 17:15	Pajluhuaja hue'epiri caja ritejmo'otaco. Samaria eyaje ri'imacá. Raú ripa'ó rapumí chuhuá. Jahuíyo'oqueja rimacá Tupana nacú: —¡Meque palá huani Tupana li'ichaca nucá!
25796	LUK 18:39	Jesús tucumá ja'apájeño aca'añó ricá: —¡Pimanúma'o ta! —que nemacá rijló. E'iyonaja richaje huani rahuíyo'oca raú: —Ina'uqué i'imatájeri Tupánajlo penaje picá. Pihue'epí numu'ují —que rihuá'aca Jesúsjlo.
25822	LUK 19:22	Raú ne'emacana quemíchari rijhua'até sápajerijlo: “¡Meque uncá huani ina'uquélari ta picá quele!” Ilé pimíchaca nunacu aú iná hue'epí uncá huani paala pila'acá. Marí pihue'epí quehuaca: caphí nuhuacára'aca ina'uqué. Pihue'epícare caja nejátaca nojló nacaje icha ijí, richa i'imacáloje nujluhua penaje. Pihue'epícare caja uncá nusápala numena e'iyá. E'iyonaja re nacaje nule'ejé pacá penaje re'iyayá.
25874	LUK 20:26	Marí que naquejá'aca riyucuna ajopana ina'uqué e'iyá. Marí que rimacá aú uncá meño'ojó nemalá: “pu'uhuaré rimíchaca pinacu” que ne'emacánajlo. Raú namanúma'o. Napechu i'imá: “¡Meque capechú huani rimíchaca huajló!”
25985	LUK 22:52	Marí quele ina'uqué iphaño Jesús ña'ajé i'imacá: sacerdótena, Tupana ñacaré chiyá huacára'ajeño, ajopana peñahuilana cajena, quele ne'emacá. E Jesús quemari piyuque rijña'ajé i'ijnacáñojlo: —I'ijichá majó nujña'ajé sajalu hua'até, cujyúhua'ala, quele hua'até. ¡Meque ata'acachi que huani ila'acá ijluhua nucá!
26082	LUK 24:22	Huanaquiyana, inaana, i'imichaño riyucuna huajló, meñaru namíchaca ulahuí chiyá yucuna. Aú huapechu i'imichá: “¡Meque piyuque huani rila'acá!” Ne'ejichá támijimi to'otáquelana ejo lapiyami, camú jeño'ochaca ee.
26085	LUK 24:25	Jesús quemari najló: —Ñaqué caja Tupana puráca'alo ja'apátajeñomi chuna lana'acá riyucuna papera chojé i'imacá. ¡Meque ijnú huani jema'acá napuráca'alomi ja'apiyá! ¡Meque uncá huani ipechu i'imalá ijló!
26134	JHN 1:21	Nemá rijló: —¡Eta! ¿Na chi picá? ¿Ilé Tupana puráca'alo ja'apátajeri Elías chi picá? —Uncá. Uncá ricá calé nucá —que Juan quemacá najló. Nemá piño rijló: —¿Picá chi ilé Tupana puráca'alo ja'apátajeri nemájicare nacú, iphájeri majó aquijñojo? —Uncá caja ricá calé nucá —que rimacá najló.
26138	JHN 1:25	Nemá piño rijló: —Uncá capichácajo liyá ina'uqué i'imatájeri calé picá. Uncá caja Elías calé picá. Uncá caja Tupana puráca'alo ja'apátajeri calé picá, Tupana huacára'acare majó i'imacá. ¡Eta! ¿Naje ta pila'á bautizar ina'uqué?
26184	JHN 2:20	Aú nemá rijló: —Cuarenta y seis jarechí quetana naca'acá rila'acana nacú. ¡Eta! ¿Picá chi jácho'otajeri ricá hueji que cala i'imajemi? —que nemacá Jesusjlo.
26368	JHN 6:42	Aú nemá pajlocaca: —¿Uncá chi José i'irí calé ricá Jesús? Huamána'apa rara'apá, raló, quele. ¡Eta, meque rimacá rinacuhuá: “Nucá huitúca'ari je'echú chiyá majó!” —que napura'acó pajhua'atéchaca rinacu.
26386	JHN 6:60	Marí que rehuíña'ataca necá rinacu. Raú cajrú ra'apiyá jema'ajeño quemaño pajlocaca: —¡Meque me'echuje huani caji rimíchaje nacú huajló! Uncá meño'ojó iná a'alare jená palá. Uncá meño'ojó iná a'alá iná nacojó ricá.
26412	JHN 7:15	E judíona pechu i'imá: “¡Meque piyuque huani rihue'epílaca!” Nemá pajlocaca: —¿Meque la'ajé chi rihue'epica piyuque nacaje nacojé? Uncá ri'imalá jehuíña'ajo.
26418	JHN 7:21	Jesús quemari najló: —Nula'á nacaje palani e'iyá i'imacá. Raú ipechu nacú ri'imá: “¡Meque piyuque huani rila'acá!” Huatána'acaje huacajé nula'á ri'imacá. Pachá ipechu i'imá nunacu chapú.
26461	JHN 8:11	Rumá rijló: —Hue'emacana, uncá na ca'alacha jipa nuchá. Jesús quemari rojló: —Nucá, uncá caja ca'alaje jipa pichá. Chuhua pa'apá. ¡Pema'á! Pila'aniya piño pimanaicho ca'ajnó.
26539	JHN 9:30	Marí caje aú mejlurú penájemi quemari najló: —¡Meque apú caje huani quele imá nacú! Uncá ihue'epila mere eyájeca ricá. ¿Meque la'ajé calé ta ra'apáchiya nuliyá mejlucaje?
26894	JHN 18:40	Marí que rimacá aú najló cajrú nahuíyo'oca rijló piyuqueja. Nemá rijló: —¡Uncá ricá ta calé! Pácho'ota huajló Barrabás —que nahuíyo'oca rijló. Piro'oqueji Barrabás i'imacá.
26909	JHN 19:15	Raú nahuíyo'o rijló: —¡Rinócana palani! ¡Rinócana palani! ¡Pihuacára'a racúhua'atacana a'ahuaná apiyácacanami nacojé! —que nahuíyo'otaca rijló i'imacá. Pilato quemari najló: —¿E chi ihuátaca nuhuacára'aca i'imacana jacúhua'atacana a'ahuaná apiyácacanami nacojé? E sacerdótena huacára'ajeño quemaño rijló: —Romano naquiyana huacára'ajeri, huahuacára'ajeri caja ricá. Ricaja calé, pajluhuaja, hue'emacana. Uncá na apú i'imalá.
26952	JHN 20:16	Ejéchami Jesús ajalácaca rucá: —María —que. Raú rupajno'ó ruyámojo richaje yacá'ajo, amayo Jesusca ri'imacá. Raú rumá marí que napura'acó chu: —¡Rabuni! (“Nohuíña'atajeri”, que quemacánaca Raboni.)
26974	JHN 21:7	Ehuá Jesús ja'apiyateje, íqui'ija rihuátacare, quemari Pédrojlo: —¡Huahuacára'ajeri ricá! Marí que rimacá aú Pedro a'arí ra'arumacá rinacuhuá richaje, maapami que rica'acare rinaquiyó ri'imacá. Ejomi reño'ó jita chiyá junápeje; i'ihuapari juni turenajo.
27024	ACT 2:6	E cajrú nema'acá namejé a'ajnare que, hueru, hueru, hueru que. Aú ne'ejná rejo yacá'ajo. Jahuacaño nachaje cajrú. Nema'á napura'acó napura'acó chu. Aú nemá: “¡Meque piyuque huani!” Piyuqueja necá jema'añó pajluhuano pajluhuano queja napura'acó napura'acó chu. Napura'acó nate'eré ehuá que caja napura'acó i'imacá.
27167	ACT 5:39	E'iyonaja Tupana ja'apiyá que nala'acá nacaje, uncá meño'ojó icá apichátalaje ricá chapú nala'acana aú. ¡Pamá! Ila'ajica pu'uhuaré. Nacaje Tupana huacára'acare la'acana ca'ajná ihuata apichátacana —que Gamaliel quemacá najló.
27241	ACT 7:56	E rimá najló: —¡Amá! me'etáqueja nomaca je'echú. Ricá i'imacá ina'uquéjloje penaje, nomá tára'aco Tupana ahua'á ca'añá chojó pumitá —que Esteban quemacá najló.
27265	ACT 8:20	Eyá Pedro quemari rijló: —Palani Tupana capichátacajla piliñérute pijhua'atoja. ¡Meque pipechu nacú ca'ajná ricá! “Iná huarúhua'ajla liñeru aú nacaje Tupana a'acare majopeja”. ¿Que chi pipechu rinacu?
27295	ACT 9:10	Eyá ricá caja pajimila e, Damasco e, apú i'imari. Jesucristo ja'apiyá jema'ajeri ri'imacá. Rií i'imari Ananías. Apalá pají chu ri'imacá. Rejé Jesús ya'ataró ritapú que rijló rihuacajé. Rihuá'a rijló: —¡Ananías! E ra'ajipá rijló: —Nuhuacára'ajeri, maare nucá —que rimacá.
27306	ACT 9:21	Piyuque ripuráca'alo jema'ajeño pechu i'imá: “¿Méquechi ricá?” Napura'ó pajhua'atéchaca rinacu, nemá rinacu: —Ricá capichátaqueri Jesucristo ja'apiyá jema'ajeño Jerusalén e i'imajica. Ñaqué penaje ri'ijná majó, rijña'acáloje necá tejmuji, ra'acáloje necá sacerdótena huacára'ajeñojlo penaje. ¡Eta chuhua, meque ca'ajná ripechu! —que nemacá rinacu.
27421	ACT 12:15	—¡Meque pehuíji'ichaco quele! —Uncá nohuíji'ichaco calé, quehuaca numacá. —¿Ricá huani chi ricá pamíchaca? Je'echú chiyaje, rihua'aphé, ca'ajná pamicha tára'aco —que nemacá rojló raú.
27443	ACT 13:12	Marí que ne'emacana amaca aú ripechu i'imá: “¡Meque palani huani Tupana puráca'alo!” Ejéchami rila'acá quehuaca Tupana puráca'alo. Rihuata Tupana ja'apiyá jema'acana, ri'imacáloje Ri'imatájeri penaje.