23416	MAT 8:2	E caja pajluhuaja ina'uqué i'ijnari Jesús ahua'ajé. Ritami ri'imacá, rinapona naquiyana patáca'ataro i'imacá. Caja riphá Jesús nacú. Re ritára'o ri'irúpachi aú rijimaje; rimá rijló: —Hue'emacana, pihuátajica ee, pa'apata nuliyá nuyaripune.
23420	MAT 8:6	Rimá rijló: —Hue'emacana, ritami huani nujhua'até sápajeri. Quehuini huani rinapona piyuque. Uncá meño'ojó ricahuitala; iqui'i huani ramaca quehuini yajhué. Nuñacaré chu ritami to'oró.
23422	MAT 8:8	Raú surárana huacára'ajeri quemari rijló: —Hue'emacana, uncá nuhuátala pimujlúca'aca nuñacaré chojé. Nopáña'aco huani no'opihuá pijló, nuchaje huani pi'imacale. Maáreyaja pihuacára'a ritejmo'otaco. Raú ja ritejmo'otájico.
23433	MAT 8:19	E apú i'ijnari rahua'ajé rijló quemaje. Tupana puráca'alo nacú jehuíña'atajeri ri'imacá. Rimá rijló: —Huehuíña'atajeri, nuhuata pijhua'até i'ijnacana pi'ijnajica ehuá.
23435	MAT 8:21	E apú ra'apiyateje quemari rijló: —Huahuacára'ajeri, piyurí nupa'acó nuñacaré ejo pamineco. Nuhuata nora'apá tami sa'acana ritaca'ajica ejomi —que rimacá Jesusjlo.
23476	MAT 9:28	E caja Jesús mujlúca'ari pají chojé; necá rápumi chu. E Jesús quemari najló. —¿E chi ipechu caphí nochojé, no'opátacaloje iliyá mejlucaji penaje? —A'a, Hue'emacana —que nemacá rijló.
23553	MAT 11:25	Marí que Jesús pura'acó Tupana hua'até i'imacá: —Nora'apá, eja'ahuá, je'echú, caje Mináricana picá. Palá pila'acá nucá, pila'acale ina'uqué naquiyana palá. Yuhuaná pechu, queja péchuruna necá. Pila'acale napechu palá, nahue'epí quehuácaje puráca'aloji numacare nacojé. Eyá cajrú jehuíña'acañojlo, capéchurunajlo me'echuje jo'ó ricá.
23715	MAT 15:13	Rimá najló: —Nora'apá, je'echú chu i'imacare, capichátajeri piyuque ina'uqué uncá i'imalaño rile'ejena.
23724	MAT 15:22	Re pajluhuájaru i'imayo. Canaan te'eré eyájeru ru'umacá. Ru'ujná Jesús amaje, iphayo rahua'ajé. Jahuíyo'oqueja rumacá rijló: —Hue'emacana, Tupana huacára'acare majó ina'uqué i'imatájeri penaje picá. Pihue'epí numu'ují. Jiñá pechu nutu e'iyá. Chapú caje yajhué romaca raú —que rumacá rijló.
23727	MAT 15:25	E'iyonaja ru'ujná rijimaje. Rutára'o rijimaje ru'urúpachi aú. Rumá rijló: —Hue'emacana, pa'á nuñaté.
23773	MAT 17:4	Raú Pedro quemari Jesusjlo: —Hue'emacana, ¡meque palá huani huecá maare! Pihuátajica ee, huala'ajé hueji quele ca'apejé maare. Pajluhuala huala'ajé pijló, apalá Moisesjlo, apalá Elíasjlo.
23776	MAT 17:7	E Jesús i'ijnari nahua'ajé. Ritujla'á necá huejápaja riyáte'ela aú. —Jácho'o, iquero'oniyo —que rimacá najló.
23794	MAT 17:25	—A'a, ra'á ricá —que Pedro quemacá. E rimujlúca'a pají chojé. E Jesús quemari rijló: —Pedro, ¿Meque pipechu marí nacú? ¿Na liyá chi nahuacára'ajeño, marí eja'ahuá chu i'imacaño, huacára'año liñeru ña'acana? ¿E nahuacára'aca rijña'acana najhua'atéjena liyá ca'ajná, ajopana te'eré eruna liyá ca'ajná?
23817	MAT 18:21	E Pedro i'ijnari Jesús ahua'ajé. Rimá rijló: —Huehuíña'atajeri, apú la'acachu iná chapú metú que huani. ¿Meque pe iná amaco richaje? ¿Iyamá cuhuá'ata que pe ejé chi palani?
23858	MAT 19:27	E Pedro quemari rijló: —Huahuacára'ajeri, huecá yuriño piyuqueja huanane, hue'ejnacáloje pijhua'até penaje. ¿Meque ri'imajica huajló, marí que huala'acale?
23883	MAT 20:22	Jesús quemari rojló ruyánijlo hua'até: —Uncá ihue'epila naca iquejá'aca nuliyá. Chapú huani nala'ajica nucá. ¿E ijña'acajla panacu ricá, ñaqué caja nala'aquela icá chapú? Nemá rijló: —A'a, huajña'acárejla ricá panacu.
23891	MAT 20:30	A'ajnare que iñe'epú ahua'á iyamá mejluruna huani yá'año. Ajopana quemaño najló: —Jesús ja'apácare chuhuá marí iñe'epú. Eja nahuíyo'o. Nemá rijló: —Huahuacára'ajeri, ina'uqué i'imatájeri penaje picá. Pihue'epí huamu'ují.
23892	MAT 20:31	Ajopana aca'añó necá; nemá najló: —Imanúma'o ta. E'iyonaja richaje huani nahuíyo'oca raú. Nemá rijló: —Huahuacára'ajeri, ina'uqué i'imatájeri penaje picá, pihue'epí huamu'ují.
23894	MAT 20:33	Nemá rijló: —Huahuacára'ajeri, pa'apata hualiyá mejlucaji, huamachi.
23911	MAT 21:16	E nemá Jesusjlo: —¿E pema'acá méqueca nemacá? —A'a, noma'acare —que Jesús quemacá—. Tupana puráca'alo lana'aquéjami quemari marí que: Yuhuaná, capajáreruna nayani, quele pura'ajeño palá huani Tupana nacú. Tupana puráca'alo lana'aquéjami amácare i'imacá, quemari marí que nanacu i'imacá. ¿Uncá chi ihue'epila ricá? —que Jesús quemacá najló.
23957	MAT 22:16	Nanaquiyana puráca'alo aú, Herodes hua'atéjena naquiyana puráca'alo aú caja ne'ejná Jesús chaje. E nemá rijló: —Huehuíña'atajeri, huahue'epí quehuácaje pipuráca'alo. Nacaje Tupana huátacare iná la'acá nacú pehuíña'ata ina'uqué. Quehuaca nacaje pehuíña'atacare nacú. Re huahuacára'ajeño naquiyana, uncá paala najló pipuráca'alo. E'iyonaja uncá pa'alá pinacojó necá. Pajimato pehuíña'ata ina'uqué Tupana huátaca que la'acana nacú.
23965	MAT 22:24	—Huehuíña'atajeri, marí que Moisesmi chu puráca'alomi quemacá: “Apú ca'ajná taca'añari riyajalo mayaniqueru. Palani re'ehuemi ra'apiyajé huá'acacojla riyajálomi hua'até. Re'ehuemi chu yanimínami yurícoloje rapumí chojé raú penaje”, que ripuráca'alomi lana'aquéjami quemacá.
23977	MAT 22:36	—Huehuíña'atajeri, Tupana puráca'alo lana'aquéjami huacára'ari iná la'acá nacaje. ¿Na rihuata huala'acá apú rimacare nacú chaje íqui'ica?
24114	MAT 25:37	E palá nupechu i'imacárena nacú quemájeño nojló marí que: —Huahuacára'ajeri, ¿Mérohuacaje hua'acá pijló a'ajnejí, quehuí me'epejí i'imaqué pijló huacajé, pimá nacú? ¿Mérohuacaje hua'acá pijló i'iracaje, pinúru'upi chu macára'ataco huacajé?
24148	MAT 26:25	Aú Judas, ripinánajlo a'ajeri, quemari Jesusjlo: —Huehuíña'atejeri, ¿Nucá chi quele pimá nacú? —A'a, picá —que Jesús quemacá rijló.
24162	MAT 26:39	E Jesús ja'apáñari necá a'ajná ño'ojó pani. Re rito'ó pajima'aló te'erí e'iyá. Ripura'ó Tupana hua'até, rimá rijló: —Nora'apá, pihuátajica ee, pa'apata nuliyá chapú caje yajhué nomájicare ñaanó pani. Pila'aniya nuhuátaca que. Pihuátaca que pila'acá —que rimacá Tupánajlo.
24165	MAT 26:42	E ri'ijná piño Tupana hua'até pura'ajó. Rimá piño rijló: —Nora'apá, pihuátajica ee pa'apata nuliyá chapú caje yajhué nomájicare ñaanó pani. Pila'á pihuátaca que nucá.
24173	MAT 26:50	Jesús quemari rijló: —Nujhuáque'ehue, ¿naje pi'ijichá? Eja netá Jesús cha; patañó ricá.
24187	MAT 26:64	Jesús quemari rijló: —A'a, ilé que pimíchaca nunacu queja nucá. Ina'uquéjloje penaje i'imacá nucá. Icá amájeño nucá Tupana ahua'á. Piyuque la'acá Tupana. Rijhua'até nuhuacára'aje ina'uqué. Icá amájeño nupa'acó piño majó je'echú chiyá juni suhuáca'ala e'iyohuá —que rimacá rijló.
24209	MAT 27:11	E caja nahuá'a Jesús nate'eré eyá huacára'ajeri ejo. E rimá Jesusjlo: —¿Judíona i'imacana chi picá? Jesús quemari rijló: —A'a, nucá nucá, pimacá queja.
24309	MRK 1:25	—Pimanúma'o, pácho'o ilé ina'uqué e'iyayá —que Jesús quemacá rijló.
24328	MRK 1:44	Rimá rijló: —Pema'á, pi'imaniya nuyucuna ajopánajlo. Pi'ijná sacerdote chaje, ramíchachi picá. Quéchami pa'ajica Tupánajlo nacaje, pinapona pali'ichaco aú. Moisesmi chu huacára'aca i'imacá que pa'ajica Tupánajlo nacaje. Marí caje aú ina'uqué hue'epéjeño caja palani chuhuaca pinapona, pi'imacáloje piño najhua'até penaje —que Jesús quemacá rijló.
24389	MRK 3:32	Cajrú ina'uqué yá'año Jesús hua'até pachu. E nemá rijló: —Piyacá'o, paló iphíchayo pají cópeje pijmerénami hua'até. Nahuata pijhua'até pura'acano.
24427	MRK 4:35	E caja najúhua'a. Raú rimá ra'apiyatéjenajlo: —I'ijná, huacuhuá'achi caesa pa'anajo pitá. —Je —que nemacá.
24507	MRK 6:31	Cajrú huani ina'uqué i'ijnajica nachaje palanaquíyacaca que. Nanacojé uncá meño'ojó najñala na'ajnehuá. E Jesús quemari ra'apiyatéjenajlo: —I'ijná, hue'ejnachi a'ajná ño'ojó, hue'emacáloje huecámica que re penaje, ihuatána'acaloje mequetánaja rejo penaje —que rimacá najló.
24612	MRK 9:5	E Pedro quemari Jesúsjlo: —Huehuíña'atajeri, ¡meque palá huani huecá maare! Huala'ajé hueji quele ca'apejé maare. Pajluhuala huala'ajé pijló, apalá Moisesjlo, apalá Elíasjlo —que rimacá rijló.
24624	MRK 9:17	Uncá chiyó na'ajipá rijló apú quemari rijló: —Huehuíña'atajeri, majó pichaje nuhuá'icha nu'urí. Re jiñá pechu re'iyá. Nacojé uncá meño'ojó ripura'aló.
24645	MRK 9:38	E caja Juan quemari Jesusjlo: —Huehuíña'atajeri, huamá apú ca'acá jiñana pechu ajopana ina'uqué e'iyayá. Pipuráca'alo aú rica'á necá ne'iyayá. Uncá huanaquiyana calé ricá. Aú calé huemá rijló: “Pila'aniya ilé que”.
24674	MRK 10:17	E caja Jesús queño'orí ja'apácaje ají que a'ajná ño'ojó. Hua'ató que apú iphaca jecho'oquelo rinacu. Ritára'o ri'irúpachi aú rijimaje. Rimá rijló: —Huehuíña'atajeri, palani picá. ¿Meque nula'acajla, nu'umacáloje matajnaco je'echú chu raú penaje?
24677	MRK 10:20	Rimá rijló: —Huehuíña'atajeri, caja nujyuhuaco noma'á ra'apiyá i'imacá maáreje cha.
24681	MRK 10:24	Raú cajrú ra'apiyatéjena i'ijnataca napéchuhua rimacare nacú. Jesús quemari piño najló: —Nujhuáque'ena, caphí ne'iyajena pechu nale'ejé le'ejepelaji chojé. Puhuichani najló nachó yurícana Tupánajlo, ri'imacáloje Nahuacára'ajeri penaje.
24685	MRK 10:28	E Pedro quemari Jesusjlo: —Huahuacára'ajeri, huecá yuriño piyuqueja huanane, hue'ejnacáloje pijhua'até penaje.
24690	MRK 10:33	Rimá najló: —Jema'á, ina'uquéjloje penaje i'imacá nucá. Chuhua hue'ejichaca yenojo Jerusalén ejo. Re sacerdótena huacára'ajeño; re caja Tupana puráca'alo nacú jehuíña'atajeño. Najló ajopana a'ajeño nucá. Nemaje nunacu, nenócaloje nucá penaje. Ejomi na'ajé nucá ajopánajlo. Uncá judíona calé necá.
24692	MRK 10:35	Ra'apiyatéjena naquiyana i'imaño Santiago, Juan, quele. Nara'apá ií i'imari Zebedeo. E ne'ejná Jesús ahua'ajé, nemá rijló: —Huehuíña'atajeri, huahuata pila'acá huajló nacaje.
24696	MRK 10:39	Nemá rijló: —A'a, huajña'acárejla panacu ricá. Jesús quemari najló: —Quehuaca jo'ó. Nala'ajé icá chapú, nala'ajica nucá que caja. Ijña'ajica chapú caje yajhué panacu, nujña'ajica ricá panacu que caja.
24708	MRK 10:51	E Jesús quemari rijló: —¿Meque pihuátaca nula'acá picá? —Huehuíña'atajeri, pa'apata nuliyá mejlucaji, nomachi —que rimacá rijló.
24730	MRK 11:21	Ricá ahua'ayá na'apá. Ejéchami riphaca Pedro pechu nacojé lalemi que Jesús yerúca'aca richaje. Aú rimá Jesusjlo: —Huehuíña'atajeri, pamá higuera paca'acare. Caja rila'ó cuhuichila.
24756	MRK 12:14	Fariséona nanaquiyana, Herodes hua'atéjena naquiyana, quele puráca'alo aú ne'ejná Jesús chaje. E nemá rijló: —Huehuíña'atajeri, huahue'epí quehuácaje pipuráca'alo. Nacaje Tupana huátacare iná la'acá caje nacú pehuíña'ata ina'uqué. Quehuácaje nacaje pehuíña'atacare nacú. Re huahuacára'ajeño naquiyana, uncá paala najló pipuráca'alo. E'iyonaja uncá pa'alá necá pinacojó. Pajimato pehuíña'ataca ina'uqué Tupana huátaca que la'acana nacú. Chuhua pimá huajló méqueca pipechu marí nacú: Naquejá'a hualiyá liñeru, na'acáloje ricá hue'emacana Césarjlo penaje. Romano naquiyana ricá. ¿E palani hua'acajla najló liñeru ca'ajná, uncá ca'ajná? —que nemacá rijló.
24761	MRK 12:19	—Huehuíña'atajeri, marí que Moisesmi chu puráca'alomi lana'aquéjami quemacá: “Apú ca'ajná taca'añari riyajalo mayaniqueru. Palani re'ehuemi ra'apiyajé huá'acacojla riyajálomi hua'até, re'ehuemi chu yanimínami yurícoloje rapumí chojé raú penaje”, que ripuráca'alomi lana'aquéjami quemacá.
24774	MRK 12:32	Tupana puráca'alo nacú jehuíña'atajeri quemari Jesusjlo: —Huehuíña'atajeri, quehuaca jo'ó ilé pimíchaca. Palá pimíchaca huajló. Ricaja calé, Tupana, Iná Huacára'ajeri, Iná Chi'ináricana caja ricá.
24787	MRK 13:1	Jesús jácho'oro Tupana ñacaré chiyá. Aú pajluhuaja ra'apiyatéjeri quemari rijló: —Huehuíña'atajeri, pamala marí Tupana ñacaré. Jipa naquiyá la'acanami ricá. ¡Meque palani huani ricá!
24859	MRK 14:36	Rimá rijló marí que: —Pa'ayú, picá hue'epiri piyuque huani nacaje la'acana. Pihuátajica ee pa'apata nuliyá chapú caje yajhué nomájicare ñaano pani. Pila'aniya nuhuátaca que; pihuátaca que pila'acá —que rimacá Tupánajlo.
24885	MRK 14:62	Jesús quemari rijló: —A'a, ilé pimíchaca nunacu queja nucá. Ina'uquéjloje penaje i'imacá nucá. Icá amájeño nucá Tupana ahua'á. Piyuque la'acá Tupana. Rijhua'até nu'umajé ina'uqué huacára'ajeri. Icá amájeño nupa'acó piño majó je'echú chiyá juni suhuáca'ala e'iyohuá —que rimacá rijló.
24897	MRK 15:2	E Pilato quemari Jesusjlo: —¿Judíona i'imacana chi picá? —A'a, nucá nucá pimacá nunacu queja —que Jesús quemacá rijló.
24940	MRK 15:45	Surárana huacára'ajeri quemari rijló: —A'a, caja ritaqui'ichá. Aú Pilato yuriri Josejlo Jesús tami, rijña'acáloje ricá penaje.
25090	LUK 2:48	E richi'iná amaño ricá najhua'até. Raú nejlú jeño'oró richaje. E raló ajalaca ricá, rumá rijló: —Nu'urí, ¿naje pila'á huecá ilé que? Caja huahuó qui'icharo para'apá hua'até piculácana nacú —que rumacá rijló.
25106	LUK 3:12	E caja liñeru ña'ajeño ne'emacánajlo i'ijnaño caja Juan ejo. Ne'ejná rejo, rila'acáloje bautizar necá penaje. Nephaca rinacu ee nemá rijló: —Huehuíña'atajeri, ¿Meque huala'ajica, hue'emacáloje lamá'ataqueja que Tupánajlo penaje?
25167	LUK 4:35	—Pimanúma'o, pácho'o ilé ina'uqué e'iyayá —que Jesús quemacá rijló. Ejéchami jiñá pechu ca'acá ilé ina'uqué cahuacá te'erí e'iyajé najimaje. Hua'ató rácho'o re'iyayá. Uncá rila'alá ina'uqué chapú re'iyayá jácho'ocano aú.
25181	LUK 5:5	Aú Pedro quemari rijló: —Huehuíña'atajeri, caja huajme'echiya huahuenare ca'acana nacú. Uncá huani ta huajña'alacha. Pihuacári'ichacale rica'acana, nuca'ajica piño ricá junápeje —que rimacá Jesusjlo.
25186	LUK 5:10	Santiago, Juan, quele quero'oñó caja rijhua'até ñaqué caja. Simón Pedro huáque'ena ne'emacá, Zebedeo yaní. Nara'apá ií i'imari Zebedeo. Pedro quero'ocó aú Jesús quemari rijló: —Piquero'oniyo, marí eyá a'ajná ño'ojó ñaqué pihuá'ajica nojló ina'uqué, ne'emacáloje nujhua'atéjena penaje —que rimacá rijló.
25188	LUK 5:12	Jesús i'imacá pajimila e huacajé apú iphari rinacu. Ritami ri'imacá, napona patáca'ataro ri'imacá. Ramaca aú Jesús, ritára'o ri'irúpachi aú rijimaje. Racúhua'ata rihuíla'aru ají que te'erí jimaje. E rimá rijló: —Hue'emacana, pihuátajica ee, pa'apata nuliyá nuyaripune.
25338	LUK 8:24	Yehuíchami na'acó junápeje napótaca Jesús, nemá rijló: —Huehuíña'atajeri, chuhuaca huejaca. Raú Jesús jácho'oro. Raca'á carená, juni hua'até. Raú carená mata'aró, juni piya hua'até. Uncá huani riyoco'oló rejomi.
25359	LUK 8:45	E Jesús quemari najló: —¿Na sápichari nunacu? —Uncá nucá calé —queja nemacá piyuqueja. Eyá Pedro quemari rijló: —Huehuíña'atajeri, cajrú ina'uqué ichíyaca pichá. Eta pimá: “¿Na sápichari nunacu?” que.
25408	LUK 9:38	E pajluhuaja nanaquiyana quemari caphí Jesusjlo marí que: —Huehuíña'atajeri, pila'á nojló nacaje. Pamicha caji nu'urí. Pajluhuaja ñani ricá.
25419	LUK 9:49	E Juan quemari rijló: —Huehuíña'atajeri, a'ajná ño'ojó huamá apú ca'acá jiñana pechu ajopana ina'uqué e'iyayá. Pipuráca'alo aú rica'á ne'iyayá jiñana pechu. Uncá huanaquiyana calé ricá. Aú huahuíyo'o rijló richá.
25424	LUK 9:54	E napa'ó. Ne'emá najló riyucuna. Aú Santiago, Juan, quele, ra'apiyatéjena ne'emacá, quemaño Jesusjlo: —Huahuacára'ajeri, ¿e pihuátaca huacapichátaca necá quera'atani je'echú chiyaje aú? Júpimi Elíasmi chu huacára'ari quera'atani ja'acó je'echú chiyá ajopana cha. ¿Ñaqué caja chi pihuátaca huacapichátaca necá?
25427	LUK 9:57	Na'apá ají que iñe'epú chuhuá ajopana hua'até. E apú quemari Jesusjlo: —Huahuacára'ajeri, nuhuata pijhua'até i'ijnacana meño'ojoca pi'ijnajica ejo. Jesús quemari rijló:
25449	LUK 10:17	Jesús huacára'ari setenta ina'uqué apú eyá, apú eyá que i'imacá. Necá penájenami pa'añó piño napumí chuhuá. Pu'ují napechu i'imacá. E nemá Jesusjlo: —Hue'emacana, pipuráca'alo aú jiñana pechu jema'añó hua'apiyá, huaca'acáloje necá ajopana ina'uqué e'iyayá penaje —que nemacá rijló.
25453	LUK 10:21	Ejéchami Tupana Pechu la'acá Jesús pechu pu'ují. Aú rimá Tupánajlo: —Nora'apá, Huahuacára'ajeri huani picá. Eja'ahuá, je'echú, caje minaricana caja picá. Palá pila'acá nucá, pila'acale ina'uqué naquiyana palá. Yuhuaná pechu queja napechu, uncale nala'alá necó hue'epiño que necá. Pila'acale napechu palá, nahue'epí nacaje numacare nacojé. Eyá cajrú jehuíña'acañojlo, capéchurunajlo me'echuje jo'ó ricá. Caja queja pihuátaca najló ri'imacá —que rimacá Tupánajlo.
25457	LUK 10:25	E caja pajluhuaja Tupana puráca'alo nacú jehuíña'atajeri iphari Jesús nacú. Rihuata nacaje yucuna quejá'acana riliyá, ramácaloje méqueca rimájica rijló penaje. Aú rimá rijló: —Huehuíña'atajeri, ¿meque nula'acajla, nu'umacáloje matajnaco je'echú chu raú penaje?
25472	LUK 10:40	Eyá Marta cahuíla'ayo rusápaca'ala nacojé. Aú ru'ujná Jesús ahua'ajé; rumá rijló: —Huehuíña'atajeri, ¿Meque pijló quelerú? Uncá ro'olá nuñaté. Nuchaja ruyurí huasápaca'ala aú. Pihuacára'a ro'ocá nuñaté —que rumacá Jesusjlo.
25475	LUK 11:1	Apú huacajé Jesús pura'aró piño Tupana hua'até. Riyurí caja rijhua'até pura'acano ee pajluhuaja ra'apiyatéjeri quemari rijló: —Huahuacára'ajeri, pehuíña'ata huecá Tupana hua'até pura'acano nacú. Juanmi chu jehuíña'atajica ra'apiyatéjenami que caja pehuíña'ataca huecá.
25519	LUK 11:45	Eyá apú Tupana puráca'alo nacú jehuíña'atajeri quemari Jesusjlo: —Huehuíña'atajeri, ilé que pimíchaca aú pimicha huanacu: “Pu'uhuaré la'ajeño necá” que.
25541	LUK 12:13	Cajrú ina'uqué i'imaño re. E apú quemari Jesusjlo: —Huehuíña'atajeri, pimicha no'ohuejlo, ra'achí nojló nule'ejé penaje i'imacajla, huara'apami chu yurícare huajló i'imacá.
25734	LUK 17:14	Jesús amaca aú necá rimá najló: —I'ijná, iya'achíyachi icó sacerdótenajlo —que rimacá najló. E caja ne'ejná ají que a'ajná ño'ojó. Na'apaca nacuja caja natejmo'otó.
25739	LUK 17:19	E Jesús quemari ritejmo'ótacarejlo: —Pácho'o, pi'ijná. Peyajhueni picá chuhua, caphí pipechu i'imichaca aú nochojé pitejmo'ochiyo —que rimacá rijló.
25785	LUK 18:28	E Pedro quemari rijló: —Huahuacára'ajeri, huecá yuriño piyuqueja huanane, hue'ejnacáloje pijhua'até penaje.
25798	LUK 18:41	—¿Meque pihuátaca nula'acá picá? Mejlurú quemari rijló: —Huahuacára'ajeri, pa'apata nuliyá mejlucaji, nomachi.
25808	LUK 19:8	E caja mequetánaja ne'emacá riñacaré chu. E Zaqueo tára'aro, rimá Jesusjlo: —Pema'á, pe'iyojé nunane naquiyana no'ojé camu'ují la'acáñojlo. Júpimi nupajlaque ajopana ina'uqué hua'até, nujña'acáloje nujluhua naliñérute naquiyana penaje. Chuhua nupa'atájica piño najló naliñérute. Pajluhuata papera nujña'acárena liyajlo nupa'ataje pa'u queta richaje rapumí chojé. Ñaqué huánija nupa'atájica najló liñeru rapumí chojé —que rimacá Jesusjlo.
25839	LUK 19:39	Re caja najhua'até fariséona naquiyana i'imacá. Nema'acá aú nahuíyo'oca marí que, nemá Jesusjlo: —Huehuíña'atajeri, pihuacára'a pijhua'atéjena nahuíyo'oca piyá.
25869	LUK 20:21	E caja riquejíla'ajeño iphaño rinacu. Nemá rijló: —Huehuíña'atajeri, huahue'epí quehuácaje pipuráca'alo. Quehuaca nacaje pehuíña'atacare nacú. Picá hue'epiri méqueca ina'uqué pechu i'imacá. Re huahuacára'ajeño naquiyana, uncá paala najló pipuráca'alo. E'iyonaja uncá pa'alá necá pinacojó. Pajimato pehuíña'ataca ina'uqué Tupana huátaca que la'acana nacú.
25876	LUK 20:28	—Huehuíña'atajeri, marí que Moisesmi chu puráca'alomi lana'aquéjami quemacá: “Apú ca'ajná taca'añari riyajalo mayaniqueru. Palani re'ehuemi ra'apiyajé huá'acacojla riyajálomi hua'até, re'ehuemi chu yanimínami yurícoloje rapumí chojé raú penaje”, que ripuráca'alomi lana'aquéjami quemacá.
25902	LUK 21:7	Nemá Jesúsjlo: —Huehuíña'atajeri, ¿méquechamica ri'imajica quele pimíchaje nacú huajló? ¿Na aú chi ina'uqué hue'epeje méquechamica riphájica rená chojé? —que nemacá rijló.
25966	LUK 22:33	Pedro quemari rijló: —Huahuacára'ajeri, apala naca'ajé nucá ina'uqué huajáquelana chojé pijhua'até, apala nenoje ca'ajná nucá pijhua'até. Uncá huani ta nuyurílaje picá raú.
25971	LUK 22:38	E nemá rijló: —Huahuacára'ajeri, re maare iyamata sajalu. Rimá najló: —Reja ri'imare ñaqueja.
25975	LUK 22:42	Rimá rijló: —Pa'ayú, pihuátajica ee pi'imatá nucá chapú caje yajhué nomájicare chiyá ñaano pani. Pila'aniya nuhuátaca que, pila'á pihuátaca que —que rimacá Tupánajlo.
25982	LUK 22:49	Eyá ajopana, Jesús hua'até i'imacaño, amaño nephaca cajrú. Aú nemá Jesúsjlo: —Huahuacára'ajeri, ¿Hua'apata chi nanacu sajalu aú?
26003	LUK 22:70	Nemá piño rijló: —¿Picá chi Tupana I'irí? Jesús quemari najló: —A'a, imacá que nucá Tupana I'irí.
26007	LUK 23:3	E Pilato quemari Jesúsjlo: —¿Judíona i'imacana chi picá? Jesús quemari rijló: —A'a, nucá nucá pimacá queja.
26038	LUK 23:34	Jesús nacúhua'ataca ee, rimá Tupánajlo marí que: —Nora'apá, chuhua pamó nachaje, uncale nahue'epila na penájeca nala'acá nucá chapú marí que. Nacúhua'ataca ricá ejomi surárana cátaño nacaje nacú, namácaloje méqueca natamáca'atajica najluhua Jesús a'arumacami penaje.
26050	LUK 23:46	E caja Jesús jahuíyo'ori, rimá Tupánajlo: —Nora'apá, pijló nuyurí nupechu. Marí que rimacá aú caja ritaca'á i'imacá.
26149	JHN 1:36	E ramá Jesús ja'apaca a'ajnare que. Aú rimá rijhua'atéjenajlo: —Iyacá'o, amá ilé ja'apaca. Ohueja i'irí huenono Tupánajlo pu'uhuaré huala'acare chaya. Ricá huani penaje ilé. Tupana a'ajeri ina'uquejlo ricá ina'uqué chaya, nenócaloje ricá pu'uhuaré ina'uqué la'acare chaya penaje.
26151	JHN 1:38	E Jesús yacá'aro riyámajo; amari na'apaca rápumi chu. Aú rimá najló: —¿Na iculá? Nemá rijló: —Huehuíña'atajeri, ¿mere que chi picá?
26162	JHN 1:49	Raú Natanael quemari rijló: —Huehuíña'atajeri, picá Tupana I'irí. Israelmi chu laquénami huacára'ajeri penaje caja picá.
26191	JHN 3:2	E caja Nicodemo i'ijnari Jesús chaje lapí. Riphá rinacu. E rimá Jesusjlo: —Huehuíña'atajeri, huahue'epí Tupana huacára'aca picá majó huehuíña'atajeri penaje. Cajrú huani nacaje pila'acá uncá meño'ojó iná la'alare. Uncá meque la'ajé iná la'alá pila'acá que. Tupana a'acale piñaté, pila'á piyuque huani nacaje. Nacaje palani huani pila'acare aú huahue'epí Tupana huacára'aca picá majó —que rimacá rijló.
26215	JHN 3:26	Marí caje aú ne'ejná riyucuna i'imajé Juanjlo. Nephá rinacu. E nemá rijló: —Huehuíña'atajeri, Jordan pa'ajnajo pumitá hue'emacá huacajé, pajluhuaja ina'uqué iphari pinacu. Pimá huajló i'imacá na ina'uqueca ri'imacá. Chuhua ricá penájemi huacára'ari ra'apiyatéjena, nala'acáloje bautizar ina'uqué penaje. Chuhua piyuqueja ina'uqué i'ijnaño richaje, ra'apiyatéjena la'acáloje bautizar necá penaje —que nemacá rijló.
26256	JHN 4:31	Re'iyohuá que Jesús ja'apiyatéjena quemacá rijló: —Huehuíña'atajeri, chuhua pajñá pa'ajnehuá.
26346	JHN 6:20	Rimá najló: —Iquero'oniyo, Jesús nucá.
26351	JHN 6:25	E caja nephá caesa pa'anajo pitá. Re nephata Jesús. E nemá rijló: —Huehuíña'atajeri, ¿Méquechami piphíchaca majó?
26360	JHN 6:34	Aú nemá rijló: —Hue'emacana, pa'á huajló hue'echú ca'alá queja ilé a'ajnejí pimacare nacú.