249	GEN 10:14	Patrusdaniib Kasludaniib Kaftordaniib. Kasludan yena andokbe yika dobereniib Filistiadan keriwen.
314	GEN 12:15	Kwane Idyip yi king Fero ye korok korok yena wedmendekoriwa, king yaa yedmeniiwa yembed yi yaa yedmendoone, wene Serai kuu nende king yambiwoom winiwen.
536	GEN 21:22	Kuyaron kuu Abimelek yoom ye ana nangmidan yi korok yaningko Faikol yoom weneniiwa Abraham yaa Abimelekbed yedmenoon “Godbed eb yaa komo kamaneeb kuu dore awabdimameen.
546	GEN 21:32	Amob ongme dowan kerekoriwa, Abimelek yoom Faikol yoom kuu angkon ika Filistia ambibkin yaa winiwen.
548	GEN 21:34	Abraham kuu Filistia ambibkin aom aron doboob doboroon.|U
694	GEN 26:1	Kurin Abraham doboroon yaambed am kaine animaniibban keroona dobiriwen kwane kuu Aisekbed doreen yambibkin aom kuu ika am kaine animaniibban keroon. Kowe, Aisekbed Filistiadan yi king Abimelek ye oonimbon aom kambong Gerar yaa wonoon.
701	GEN 26:8	Aisek kuu aron doboob kuyaom doboroon ye yondem kuu, aron maa Filistia yi king Abimelekbed kerekni ambongko angkambed wedmoone Aisek kuu Rebeka yoom karub ye wonong yoom areb awinene awinene doriib.
707	GEN 26:14	Ye kuu demedan yemooniib dingkan karakiib kowe Filistiadanbed ye yaa wungkaneniwen
708	GEN 26:15	kowe, Abraham kuu doboroon yaron yaambed ye deme karubbed okdobon nidkiwen kuu Filistiadanbed okadbed kebengkiwen.
711	GEN 26:18	Kurin Abraham doboroon kuu okdobon nidkanaboon kumban ye bobnoone Filistiadanbed okdobon kuu kebengkiwen kowe, Aisekbed angkon ika nidkanabekore, ye ambembed aningko yeengkanandoon kuu kwane ika yengkanandoon.
719	GEN 26:26	Nidkiiwa, Abimelek kuu Gerar yaambed Aisek wedmenande monoon. Ye yoom ongkanimameen karub yaningko Ahusat yoom ana nangmi ye korok yaningko Faikol yoom kwane miniwen.
1120	GEN 37:36	Kuu yaron kuu Midiandan kuu ari Yosef kandeniiwa Idyip ambibkin aom aomnekoriwa, karub maa yaningko Potifambed Yosef moonoon. Potifa kuu Idyip ye king Fero ye ana nangmidan yi korok mamaa.
1151	GEN 39:1	Kwane Yosef kuu Idyip yiri nenwiniwen. Nenwiniiwe, Idyipman yaningko Potifambed moonoon. Ye kuu Idyipdan yi king Fero ye deme karub. Ye kuu ana nangmidanbed king oonimaib yi korok. Yembed Ismaeldanbed Idyip yiri Yosef nenwiniwen kuu moonoon
1174	GEN 40:1	Aron maa amaan ari, Idyipdan yi king yaa ye wain ok koni ye karub yoom Idyipdan yi king ye flawa ongmidan yi korok yoom, yi ayoobbed Idyipdan yi king Fero yaa ambarakmiwen
1175	GEN 40:2	kowe, Fero kuu karub ayoob yi yaa norin wandekore,
1176	GEN 40:3	yedmoonkob yi ayoob awingke benwene Fero yaa oonidan yi korok yambiwoom kiribekorib, wii ambib Yosefiib doreen aom nongkobiwen.
1177	GEN 40:4	Fero yaa oonidan yi korokbed wii karub ayoob kuu be Yosef yaa domondoon, yembed oonoko dobirime anded. Kwamune wii aom doriib ye niindem aom aron doboob keroon.
1184	GEN 40:11	Ne king Fero ye kabus kuu nembed awinaan kowe, nembed nong yob awine ondoobkaana ok kuu Fero ye kabus aom meneboona, nembed kabus nanwene Fero yaa konaan.” andoon.
1186	GEN 40:13	Aron ayoobmim ari kuu Ferombed wii aombed eb nenangkane kowekore, eb korok nenkone ika eb deme yaa nenkowaneena, angkon Fero ye wain ok konimamaneeb, kurin kwanewen areb kii.
1187	GEN 40:14	Kumban kuu dakmaan kwamune amunmo eb yaa ambangkoka ne nonondandaab. Meenewe mimyowiib kewe ne yaa ne kangkon Fero yaa daanebko ne wii aom kee nende ambun angka kowoko deedara.
1190	GEN 40:17	Kabed animari angkeen kuyaom kuu flawa yeka maa maa ningkanabiwen kumaom dangoon. Yi kuu Fero yeman, kumban ayari onbed benaniinmo kamiib kii.” andoon.
1192	GEN 40:19	Aron ayoobmim ari kuu Ferombed wii aombed eb nenangkane kowekore, eb korok nenkone wandekore, eb id kuu kan at yitkang arimbed kaaraneena ayari onbed ananiib.” andoon.
1193	GEN 40:20	Aron ayoobmim ari kuu king Fero ye wooneen ye aron kowe, ye orok ongmekore ye korok korok baandoona menebe aniwen. Anekoriwa, orokbon arimbed king yaa ye wain ok koni ye karub yoom king ye flawa ongmidan yi korok yoom kuu wii aombed benangkane nongkobekore ye korok korok yi arinambo arimbed yi ayoob yi korok benkonoon.
1194	GEN 40:21	King yaa ye wain ok koni ye karub kuu Ferombed ika ye deme yaa kowoona, wain ok kabus aom onduknekore Fero yaa konimameen.
1195	GEN 40:22	Kumban king ye flawa ongmidan yi korok kuu Ferombed ye korok wandekore, ye id kuu kan at yitkang arimbed kaaroon. Kwamune yi ayoob yaa Yosefbed komo dakmoon arebmo kamoon.
1197	GEN 41:1	Weeb ayoob dowan kereen ye yondem, Idyip yi king Fero kiyuum wedmoone, ye kuu ok Nail kebed yaa doreen.
1200	GEN 41:4	Kwane, buromakau konokonomo kumbed buromakau darewoob bingbingmo kuu aniwen. Kwane, Fero kuu yaro demboon.
1203	GEN 41:7	yakom id darewoob darewoob amun amun kuu been yoobkoon. Kwane Fero yeederene wedmoonka kiyuum waan.
1205	GEN 41:9	King yaa ye wain ok koni ye karubbed Fero yaa yedmoon “Ne kibik ika meenmaan kuu ne anuk kuu ambarakmaan.
1210	GEN 41:14	Kwane, Ferombed weng kowoone, wii ambiwoombed Yosef nenminiiwe, bomi de ebkad yeweb debe kwanoone, kirodmo Feroyiib yaa nenminiwen.
1211	GEN 41:15	Kwane, Ferombed Yosef yaa yedmoon “Ne kiyuum wedmaan kumban, karub kanembed ma kedmengkandindo. Kumban ne wengambaraanka eb kuu kiyuum wengambere id kedmengkandimameeb.” andoone,
1212	GEN 41:16	Yosefbed Fero yaa inande yedmoon “Ne kuu yiminban, kumban eb dowaken kuu kwamune kowe, Godbed eb kiyuum weng id kuu kedmengkabdaneen.” andoon.
1213	GEN 41:17	Kwane, Ferombed Yosef yaa yedmoon “Ne kiyuum angka wedmaane, ne kuu ok Nail kebed angka doriin.
1221	GEN 41:25	Kwane, Yosefbed Fero yaa yedmenoon “Godbed komo awinandameen kuu eb yaa korokbebdoon. Kiyuum ayoob kuu ye weng id kuu ibmo.
1229	GEN 41:33	Eb kuu Fero kowe, inamen bangbangiib kedmengkandi yemoon ye karub wedmekore, Idyip ye okad yi korok nenkowe.
1233	GEN 41:37	Kwane, Fero yoom ye korok korok yoom weng kandekorib, weng amun ande meeniwen
1234	GEN 41:38	kowe, Ferombed yi yaa yedmoon “Karub mim kwamune kee ma wedmaubban, God ye kingkiniib kee.” andekore
1235	GEN 41:39	Ferombed Yosef yaa yedmoon “Korem kee Godbed korokbebdoon kowe, eb kuu inamen bangbangiib kedmengkandi yemooniib kuu karub ma kwaneyiibban kowe,
1238	GEN 41:42	Ferombed ye dingki kanding ye kuruyiib biande Yosef ye dingki birid ari derenekore, ebkad doboob amuniib derenekore, gold itoob ye kongkono yaa niinenoon
1239	GEN 41:43	kowe, Fero yaa wengongke ye dabderem aom dobiri ye karub keroon. Kwane, Ferombed yedmoonkob ye hos mamaayiib ye hos yoman ari dobiriwed kirod yarebi yeman aningko seriot mamaayiib nekwiiwe, Yosef kuu nenkowoone, karub yena yidin wene ika ika baandiib “Angkane karub keyaa bumangkime.” andiiwe, Yosef kuu Fero yaa wengongke ye dabderem aom dobiri ye karub keroon kuu Ferombed Idyipdan yaa korokbendoon.
1240	GEN 41:44	Kwane, Ferombed Yosef yaa yedmoon “Ne kuu Fero, kumban karub kanembed eb yimin andiyiibban kuu yoon o dingki ma kankoonaanban, Idyip korem aom.” andekore,
1241	GEN 41:45	Ferombed Yosef yaa Idyip wengbed aningko maa Sefenat Fanea konoon. Kwane, taun aningko On yi karub dore yi god dore wedyiri dobiri ye karub Potifera ye dana mungkan Asenat konoona awanoon. Yosef kuu weeb 30yiib yaambed Idyipdan yi king Fero ye yumbon aombed wene Fero ye deme andowe Idyip korem aom yeka awine deweneboon.
1251	GEN 41:55	Idyipdan animaniibban keroona wedmekoriwa, mene Fero yaa animan dowad ameng kamiwen kowe, Ferombed Idyipdan yaa yedmendoon “Yosefiib yaa winibko, yembed komo yedmendoka kwanime.” andoon.
1268	GEN 42:15	kowe, Idyipdan yi king Fero yaningko yaambed amob yedme kowaan yiib yaa kuu kombon wedmi yeman kuu yiib kwangkon keyaom dobaraniiwe yiib daman yeenbon kuu keyaom mananeen kumbed.
1269	GEN 42:16	Kowe, yiib kuyaom karub mamaa yedmibko wene yiib daman yeenbon kuu nenmonok yena yiib kuu wii aom awunime. Kwananiib kumbed yiib weng dakmiwen kuu anam dee kombon wedmi yeman. Anam, Fero yaningko yaambed amob yedme kowaan kuu kwanokban keraniib kuu nekaadkeri yeman, yiib kuu darobidan kii.” andoon.
1343	GEN 44:18	Kwanandoona, Yudambed yaro dore ye dia wenene ye yaa yedmoon “Ne yariman ee! Nub kuu eb deme karub kedi! Ne yaa kongewaab. Wengamberebko, ne weng yedma. Eb yoom Fero yoom kuu ibmo.
1361	GEN 45:2	Kwanekore, naawonmo ameng kamoone Idyipdan kuu wengambereniwen, angkon Idyipdan yi king Fero ye deme karub ambiwoom doriibdan kwangkon karub mamaambed daandoone wengambiriwen.
1367	GEN 45:8	Kwani kowe, keyaa manaan kuu yiibbed nenkondindo, Godbed nenmonoon. Yembed ne kuu awawoone Idyipdan yi king Fero ye wengongki ye karub kereni, yambiwoom doriibdan yi korok kereni, Idyip okad korem kuu nembed korok keraan
1375	GEN 45:16	Fero kuu wengamboroone Yosef ye aagoroka miniwen kii andiiwe, ye yoom ye korok korok yoom kuu kubekoriwa,
1376	GEN 45:17	Ferombed Yosef yaa yedmoon “Eb aagoroka kuu yedmendebko, yiribman kuu nekwane yi dingkan ari nongkobekorib, Keenan ambibkin yaa ika winime.
1380	GEN 45:21	Andoone, Israel ye karub dana kuu kwaniwen. Yosefbed kuyaom dibiriwed benmini yeman yumboniib aningko waigon kuyiib waigon yi hosiib animan wedya wene ananiib yemaniib kwane bangkandoon. Ferombed yedmoon areb kuu kwanoon.
1392	GEN 46:5	Kwanoona, ware amkimo keroone, Yekob ye karub danambed kuyaom dibiriwed benmini yeman yumboniib aningko waigon kuyiib waigon yi hosiib Ferombed araben bangkandoon kuyaom kumbed yi yiribman korem Keenan aombed biweniib yi ambeyiib yi nimadanayiib, yi korem bennongkobekorib, yi dingkan kab korem Keenan aombed biweniib kuu Idyip yiri winiwen. Yekob ye dana yoom ye awoya yoom yi korem kuu winiwen.
1418	GEN 46:31	Kwane, Yosefbed ye aagoroka yoom yawodki aweneya yoom yaa daandoon “Ne kuu kari wene king Fero yaa daananiin ‘Ne aagoroka yoom nambe awene yoom Keenan ambibkin aom dobiriwen kuu ne yaa miniwen.
1420	GEN 46:33	Ferombed baandaneene ye yumbon aom aomnaniiwe kaamondaneen ‘Yiib deme komo awingkimaib?’ andoka,
1422	GEN 47:1	Andekore, Yosefbed ye aagoroka angkoyiib be, king Fero yaa wenekore yedmoon “Nambe yoom ne aagoroka yoombed yi dingkan kawiib yi yiribman koremiib Keenan ambibkin aombed Gosen yaa be winiwen.” andekore,
1423	GEN 47:2	ye aagoroka angkoyiib kuu Fero yaa korokbenoon.
1424	GEN 47:3	Kwane, Ferombed ye aagoroka yaa kaamondoon “Yiib deme kuu komo awingkimaib?” andoone, man yedmiwen “Nub kuu eb deme karub. Nub kuu dingkan kab oonidan, nub awoya yi deme areb kwane awingkimaub.
1426	GEN 47:5	Andiiwe, Ferombed Yosef yaa yedmoon “Eb ambe yoom eb aagoroka yoom eb yaa miniwen kowe,
1428	GEN 47:7	Kwane, Yosefbed yambe nenwene Fero yaa korokbenoon. Yekobbed Fero yaa amun kerunoone,
1429	GEN 47:8	Ferombed kaamonenoon “Eb kuu weeb komoyiib?” andoone,
1431	GEN 47:10	Fero yaa amun kerunekore, Fero ye yumbon aombed wonoon.
1432	GEN 47:11	Kwane, Yosefbed yambe yoom ye aagoroka yoom be Idyip aom okad amun yeman Gosen yaa be wenekore, Gosen okad maa kondoone, ambib yenbe dobiriwen, Fero ye weng dakmoon kwamune areb keriwen. (Kibikee okad kee dobiriwen kuu Ramesis andimaib.)
1435	GEN 47:14	Nimakarub Yosef yaa wene yob animan (nati areb) berengkanabimaiwa yi od korem kuu Yosefbed bekore, king Fero yambib amun yeman aom nongkobimaan.
1440	GEN 47:19	Anam kii! Anaubban kuu eb arinambo arimbed nub yoom nub okad yoom duknanuub kii! Nub yoom nub okad yoom berengkekoreb, animan nub yaa bangkande! Kwananeeb kuu king Fero ye dabderem yiri dobere no deme awinembiridan keranuub. Nub okad kwangkon Fero yeman keraneen. Yob bungki yeman nub yaa bangkande. Kwananeeb kuu wad dobaranuub, duknaubban. Angkon kwananeeb kuu nub okad kuu ingkudmo keraunban.” andiwen.
1441	GEN 47:20	Kwanekoriwa, Yosefbed Fero ye dowad okad korem kuu berengkoon, Idyip yimin yimin aom. Idyipdan korem yaambed berengkoon, amborom kuu mungi miin darewoob keroon kowe. Kwanikob, okad korem kuu king Fero yeman keroon.
1442	GEN 47:21	Angkon Idyipdan korem kuu king Fero ye deme kakmaniibban ye karub keriwen.
1443	GEN 47:22	Okad yena berengkindo kuu Idyipdan dore yi god dore wedyiri dobiri ye karub yi okad, amborom kuu king Ferombed yi deme ye kakman bangkandimaan kuu animan bangkandimaan. Kowe, yi okad berengkindo.
1444	GEN 47:23	Kwane, Yosefbed nimakarub yaa yedmendoon “Kibikee, nembed Fero ye dowad yiib yoom yiib okad yoom berengkaan kowe, yob bungki yeman yiib yaa bangkanda. Kwane, yiib yongbon yaa bungkenabime.
1445	GEN 47:24	Id wi yaron kuu id andokbe wenore angkoyiib nongkobekorib anded mimo Fero yaa konimamime. Id angkara kuu yiib awene yiib ani yemaniib kab bungki yemaniib kui.” andoon.
1446	GEN 47:25	Kwane, yimbed yedmeniwen “Eb kuu nub yaa awandewena, nub duknindo kii. Nub yaa amunmo kamewen kowe, nub king Fero ye dabderem yiri dobere no deme awinembiridan keruub kii.” andiwen.
1447	GEN 47:26	Kwane, Yosefbed amob ongme kowoon kuu okad yaambed korem andokbe wenore angkoyiib nongkobekorib anded mimo Fero yaa konimamime, ye man kowe ande kowoon. Amob kee doboroon mene kibikee. Okad Ferombed bindo kuu Idyipdan dore yi god dore wedyiri dobiri ye karub yi okad, kumbedmo.
1511	GEN 50:4	Kwane, mimyob keeni yaron dowan keruune, Yosefbed wene king Fero ye korok korok yaa yedmoon “Yiib kuu ne yaa dowakeniib keribka, Fero yaa ne dowad yedmime
1513	GEN 50:6	Kwane, yedmiiwe Ferombed man yedmoon “Eb ambembed yedmoonkob, amob ongmewen kowe, kwane kan kwari wene eb ambe kuu mangke.” andoon.
1514	GEN 50:7	Kwanandoone, Yosefbed yambe mangkok wonoon kuu ye yoom Fero ye korok korokdan yoom
14861	PSA 60:10	Moab kuu ne dingki oki yeman ye kobukmo yabad. Idom ari kuu ne yonkad koraraan. Filistia ari kuu nembed burudande doraan kumbed komkaan.” andoon.
15309	PSA 83:8	Gebaldaniib Amondaniib Amelekdaniib Filistiadaniib Taiyadaniib kui.
15368	PSA 87:4	“Idyipdan yoom Babilondan yoom kuu ne yaa anam andaniib kowe, ne karuwa nimaya andaniin. Filistiadaniib Taiyadaniib Kusdaniib kangkon ‘Yi kambong anam kuu Saiyon.’ ande yedmaniin.” ande yedmoon.
15748	PSA 106:30	Kumban Finehasbed yaro dorene ambarakmoonman kuu kan wengyundene ukum kerunoona, kuyaambed bob anikad arewa kee Godbed kondoon kuu kebenoon.
15749	PSA 106:31	Kwane Godbed Finehas yaa karub yorokmo ande yedmoon, kwane kuye weng kuu nimakarub yaro dobere dobere yaro wananiib korem aom kwane angkimbaraneen.
15819	PSA 108:10	Moab kuu ne dingki oki yeman ye kobukmo yabad. Idom ari kuu ne yonkad kiraraan. Filistia ari kuu nembed burudande doraan kumbed komkaan.” andoon.
16279	PSA 136:15	Kumban yembed Feroyiib ye ana nangmidaniib karamok Dodmo yiri benkiradmoon kui. Amborom kuu ye womoniyiibban ye mimyob dowaken kuu aron korem kwane angkimbaraneen.
23268	MAT 3:7	Aron kwane kamiib aombed wedmoona, Yuudan yi Farisidaniib Sedyusidaniib kwane Yoon yaa miniwen. Miniiwe wedmekore, yedmendoon, “Yiib kuu nemengkandidan, arud niin areb kii! Kanembed daandeenkob, God ye norina dabawa yiib ari menebandameen yaa kuu kombere wanandiwed? Komarewa kee?
23323	MAT 5:20	Kwane, yiib yaa ke yedmendaan kei, yiibka yiib yorokmo dobiri kuu yiibbed Farisidan yoom Yuudan yi amob kedmengkandidan yoom yi inamen burudande darewoob keraniib kumbedmo Godbed korok kere oonimbon aom awunaniib.” andoon.
23459	MAT 9:11	Kwane, Farisidan kuu wedmendekoriwa, ye kedmengkandeendan yaa kaamondiwen, “Komande yiib kedmengkandi korok kuu tak od bidan yoom ambarakmidan yena yoom animan ibmo aniib?” andiwen.
23462	MAT 9:14	Kwane, Yoon ye kedmengkandeendanbed mene Yesu yaa kaamoniwen, “Komarewakob, nuwiib Farisidaniib kuu animan koronde God yaa meenimo kamimaub, kumban ma eb kedmengkandeebdan kuu kwanimokban?” andiwen.
23482	MAT 9:34	Kumban Farisidanbed yedmiwen, “Kukuu awad arewa yi korok darewoob yaromkono kandekore, awad arewa kuu yenbudmeenkob yaro wenebiib.” ande kamiwen.
23489	MAT 10:3	Filip yoom Baatolomyu yoom Tomas yoom, Matyu tak od bi karub yoom, Yems Alfeyus ye mingki yoom, Tedeus yoom,
23560	MAT 12:2	Kwane, Farisidan wedmekorib, Yesu yaa yedmiwen, “Wedmeewoo? Eb kedmengkandeebdan kuu Sabat aron arimbed deme awinaib ye amob domokbiwen.” andiwen.
23572	MAT 12:14	Kumban Farisidan kuu kuro bunangka angkanenib Yesu aye kowi ye wengiib dakmiwen.
23582	MAT 12:24	Kumban Farisidan kuu wengamberekorib yedmiwen, “Yii! Kukuu no awad arewa yi korok yaningko yaambed awad arewa kuu yedmaankob angkanimaib kude!” andiwen.