23214	MAT 1:1	Ewana Yesu Kerisonu sirorari sina. Dana Deiwidinu sisia amara. Dana Eibaramunu sisia amara.
23229	MAT 1:16	Jeikofu dana Jousefanu damama. Josefa dana Merinu awera. Merima Yesu muni. Yesunu mui ifuna Keriso waita.
23231	MAT 1:18	I Yesu Keriso Danu danuama Dawa muni sinana eno, Yesunu danua Merina bodere datu mata. Josefama mubie datu mataro aweta awera mune matanawa utawa me inarebe dia muni. Godinu Imumu Kotofuma Merinu neno ubarero itariro iba dia munite ibi.
23233	MAT 1:20	Eno imutebina Godinu aneru tuberoma farite wei, Deiwidinu amara Jousefa, Meriba iya da uyate dawa anu aweta mua wei. I diaro kuitana Godinu Imumu Kotofuma masinu amara wei.
23239	MAT 2:1	Merima Yesu Judia orofa Betiremu suro muni. I kowarona dera yawoeta amara Erodima i orofa yawotebi. I muni kowaro moana muinanu ubi iwata derawere uwarama i kowa amueta orofa yafawereroma Jerusaremu suro are fatate weita, i Ju uwaranu reka muninu yawoeta amara aboro? Kowa amueta afu Danu muina esiba iba Dawa guriguri ufene farisia weita.
23242	MAT 2:4	Erodima weiro i dera fuyo ode sina weta uwaraini tarawatu tisa uwaraini dawabai fata. Fataro wei, i we bou ueta uwarama Keriso aboro mubie weita wei? I kuita, Ju uwaranu kini, aboro muninu wei?
23246	MAT 2:8	Weite wei, Betiremu suro aniawete i kuita doberegou uawe wei. Kuita doberebe atafoitana nabai are wiawero ma dari Dawabai animate guriguri umau wei.
23277	MAT 3:16	Jonima Yesu babataito ue me sinina Yesuma ogoroma duero amuteda erina ure eba uiro Godinu Imumu Kotofuma ubani ari tararite Danu deiro yauriro eri.
23279	MAT 4:1	Godinu Imumu Kotofuma Yesu munite woure eme ibawa orofaro ani. Woure aniro seitanima Yesu ue efie Dawabai fari.
23291	MAT 4:13	Nasareta suroma ane Sebiuronini Nafatarai orofa Kafenamu suro fari. Kafenamu su enea gigirari ibiro iro Godinu we bou ueta amara Isaiyama weiba iba iro fari.
23323	MAT 5:20	Yaba wemaro nauawe wei. Weite wei, i Ferosi waita uwaraini tarawatu tisa uwarama aneane kobererau utaitate nono moana ueta uegou utawa utaita. Nono yana Godina torowa Kobererau uegou uforo yanu kobere ueta sinetama i Ferosi uwaraini tarawatu tisa uwaranu ueta sineta serigari ufisuna i ure yawoeta orofaro ane ibifoita wei.
23385	MAT 6:34	Ibago waidumu ane ufisu eno da imuforo wei. Waidumu i ueta sineta ido fafisuna ido imufoita. Kowa demurainu ueta sineta i kowaro torowa imuegou ufoita, Yesuma eno wei.
23403	MAT 7:18	Kobere ana siosa tai uwanawa utasu. Siosa ana kobere tai uwanawa utasu.
23419	MAT 8:5	Yesuma Kafenamu suro farina mui Romani gaemani ami kafitenima Yesubai farite nui wei, Dera Waria Amara, nanu gaukara amarana age sanawa buri inarawa me aineda ofe derawere wourinute me ainasu wei.
23488	MAT 10:2	I uwara tueronu (12) ifuna ewado, botaina Saimoni danu mui ifuna Fita. Dawaini danu dabue Enuduruini Jebedinu amara Jeimisini danu dabue Joni. Emaini Firifini Batoromiuini Tomasini i takesi muneta amara Matiu. Emaini Arofiasinu amara Jeimisini Tediasini Keinani amara Saimonini Yesu do mai amara Judasi Isikarioti. Emanu ifu ifu ido.
23506	MAT 10:20	I kowaro yanu sina da weboro yanu Godinu Imumu Kotofuma yanu bebeturoma sina webisu wei.
23530	MAT 11:2	Jonima diburaro ibina Yesunu sina weitaro nauite danu iwata ueta uwara Yesu Kerisobai siaia uiro anitate weita, Ana yanu yawotaisi Amara aba mui amarama fafiro efeisi weita?
23544	MAT 11:16	Weite Yesuma nono wei, ewa ibinita uwara abo uwara ari? Ewa uwara ane ari wemau? Ewa uwarana koiniboro ari watane. Koiniboroma su abanaro yauraitate emanu domayamutuba waita, buma uraisiro ya yaura urawa utaita. Ya neno arama sorara utaisiro nono ya sorara utawa utaita.
23549	MAT 11:21	Enoba Yesuma dua sina emaba wei, ya Korasini su uwaraini Besaida su uwaraini eforo! Godinu buna ueta faiyawere ya erebitaba i Taira su uwaraini Saidoni su uwaraini ina efitarona aramawere wadia barufitate konua kofiri deiro odeda emanu ba me ueta ekodifitae wei.
23550	MAT 11:22	Godinu koto kowa fafiro Godima i Taira su uwaraini Saidoni su uwaraini fanisi kikiratu mafite ya Korasini su uwaraini ya Besaida su uwaraini fanisi derawere mafisu wei.
23551	MAT 11:23	Yesuma nono wei, ya Kafenamu su uwara, urero manibene waita? Iro da manibote uitawa inaro aniboita wei. Godinu buna ueta faiyawere erebitaba i Sodomu su uwarama ina efitarona emanu su awona ibifie wei.
23576	MAT 12:18	Nanu we mune odine gaukara amara eawe. Dawa Nanu Amara ubiba Nanu neno Dawabai ibinu. Nanu Imumu Kotofuma Dawabai odimaro Dawa i Ju me aika uwaranu ueta sineta ma rorowarau ufisu.
23586	MAT 12:28	Nono Godinu Imumu Kotofunu bunaroma seitaninu siosa imumu we beratanena Godinu yawoeta yabai ma boroyarasu wei.
23589	MAT 12:31	Godima uwaranu neno neno uetaini siosa sina weta nesia mubite imutawa ufisu. Anama Godinu Imumu Kotofuba siosa sina webisuna Godima i siosa da mubite imutawa ufiro danu siosa ueta i amarabai daido ibeibisu.
23590	MAT 12:32	Anama i Ba Eme Sini Amaraba siosa sina webisuna ina mubite imutawa ufisu. Anama Godinu Imumu Kotofuba siosa sina webisuna ina da mubite imutawa ufiro i siosana dawabai ibene ibene ibeibisu wei.
23591	MAT 12:33	Kobere ana warafisuna kobere tai uwafisu. Siosa ana warafisuna siosa tai uwafisu. Mui ana kobere tai uwafisuna ina kobere ana webitaita. Mui ana siosa tai uwafisuna ina siosa ana webitaita. Ane uwafisu enanari webitaita wei.
23724	MAT 15:22	Iro ane fariro mui Keinani su awetama Dawabai farite derawere wei, Dera Waria Amara, naba neno arama ua. Mui seitaninu siosa imumuma nanu arumanu neno ubarero rewoe ibeda siosa utasuba Deiwidinu amara na durua ua wei.
23760	MAT 16:19	Aba i ure yawotasu orofa na widu ari mamaro ananu ueta ane ane uwane tarifaro dawabai ibifisu enanari urero uwane tarifiro dawabai ibifisu. Ananu ueta ane ane uregari ufate mune aika odifasu enanari urero uregari ufite mune aika odifisu wei. Yesuma eno weite nono bunawere wei, Nana Keriso i Mesaia, moana uwarabai eno da wiawe wei.
23770	MAT 17:1	Kowa sikisi (6) me siniro Yesuma Fitaini Jeimisini danu dabue Jonini emanu aika munite dera maidaniro mani.
23793	MAT 17:24	Yesuini Danu uwara Kafenamu suro fata. Fataro i Ju uwaranu dubu su takesi muneta amarama Fitabai farite wei, anu tisa amarama i dubu su takesi oi sanasu aba me wei?
23806	MAT 18:10	Koiniboroba ewa amakanu ari emaba me sara nenoma ibo da uforo! Yaba ba wemaro nauawe. Emanu yawoeta aneruna urero Nanu Bababai ibinitaba iba emaba ibo da uforo wei.
23820	MAT 18:24	Eno utebina mui gaukara amarama dawabai fari. I amarama dera kinibai oi derawere teni mirioni kina (K10,000,00) munite nono moko matawa ui.
23824	MAT 18:28	I gaukara amarama ane mui gaukara amara atani. Aubokona dubu atani gaukara amarama i botai gaukara amarabai oi tu tausani kina (K2000) we munite nono moko matawa ui. Enoba i botai gaukara amarama i mui amara atanite danu nodoro mamite wei, nanu oi moko mai wei.
23866	MAT 20:5	Kowa otoro mane inarite nono kowa osugari ue otoroma ane abanaro sinina nono anite enanari ui.
23869	MAT 20:8	Kowa me siniro dumu sibie uiba waiya ubi amarama danu oi yawotebi amaraba wei, i gaukara uwara wiaro abai fafitaro i duburo waiyaro anita uwara emanu oi mafate nono i abanaro anita uwaraba mafate nono i botai anita uwaraba emanu oi duburo mafasu wei.
23982	MAT 22:41	I Ferosi uwara guruguru utaro Yesuma emaba wenauereda eno wei, Godinu Kerisoba ane waita? Dawa ananu amara wei? Weiro Dawaba weita, Dawa Deiwidinu sisia amara weita.
23984	MAT 22:43	Weitaro Yesuma emaba wei, Godinu Imumu Kotofuma Deiwidiba bunawere imueta maiba aneba Deiwidima Keriso nanu Dera Waria Amara wei?
23986	MAT 22:45	Deiwidima i sina bodere aneba eno wei? Deiwidima Kerisoba nanu Dera Waria Amara weina Yesude anene danu sisia amara sini wei?
23992	MAT 23:5	Ane ane uteda emema efitae iba eno utaita. Godinu sina obari ue ageini befororo uwane taritebaitaro ibaita. Kikiratu obarina me, deranono obari ue uwanaita. Nono emanu wadia yafawere barue sanaitaro fa tanasu. Emema ina nesia efitae iba eno barue inaraita.
23997	MAT 23:10	Nono mui amaraba dera amara da wiawe. Yabai Dera Amara demurai ibinua Dana Keriso.
24024	MAT 23:37	Yesuma nono wei, O Jerusaremu su uwara, yana Godinu we bou ueta uwara ma uitaitate Godinu siaia utasu uwara gebiroma uraitade. Kokora awetama danu nanatu fakinama obari utasu enanari Nanu ununa ya Jerusaremu su uwara yawomane watane nono ya unutawa Nanu yawoeta wei.
24031	MAT 24:5	Uwara faiyawere Nanu ifuro fafitate nana Keriso webitate eme faiyawere irufitaita.
24049	MAT 24:23	I kowaro mui amarama Keriso ewado aba Keriso iro ea webisuna danu sina da nauforo wei.
24092	MAT 25:15	Mui amaraba fai tausani kina (K5,000) maite mui amaraba tu tausani kina (K2,000) maite mui amaraba wani tausani kina (K1,000) mai. I uwaranu buna aika maikaba iba oi aika maika mai. I oi mae me sinite iroma mui orofaro ani.
24126	MAT 26:3	I dera fuyo ode sina weta uwaraini Ju uwaranu baeta uwaraini i botai dera fuyo ode sina weta amaranu suro guruguru uta. I botai dera amaranu ifuna Kaiyafasi. Danu suro anitate Yesu kiwuma budari ufitate ma uifitae we turebita.
24157	MAT 26:34	Weiro Yesuma wei, Nanu ba sina wemaro naua wei. Kokora awona dumuro webiro a ko Nanu ifu rarogonu we ma feareda meo webasu wei.
24178	MAT 26:55	Eno weite i fata uwaraba wei, aneba Na waira ueta amara ari kaiyaini gorema muboe faraita? Kowa ainewaure dera dubu suro yaubeda yaba we mawetu utebitararo Na budari utawa uta.
24180	MAT 26:57	I tarawatu tisa uwaraini Ju uwaranu baeta uwaraini Kaiyafasi dawa i botai fuyo ode sina weta amara, i uwara dawabai fare yaubitaba i Yesu muta uwarama Yesu Kaiyafasibai woure ane fata.
24181	MAT 26:58	Fitama etararowere i uwaranu buribi ani. Ane Kaiyafasinu su teteuro farite i forisimani uwarabai Yesuba ane ufitaro efie yaubi.
24186	MAT 26:63	Weiro Yesuma sina mui wiawa uiro wei, i amara sadei aneba A wawei waita wei? Eno weite i botai dera fuyo ode sina weta amarama Yesuba nono wei, Godinu ifuro ba sina wiaro naufe. Ana Keriso Godinu Amara aba me? Wiaro naufe wei.
24190	MAT 26:67	Weitate Yesunu ibo nawataro witua utate Danu diti wadiama garari utate agema ureda weita, anama A urinu? Ana Kerisoba we bou uaro naufe weita.
24198	MAT 26:75	Kokora ido weiro Fitama nauite Yesunu bodere wei sina, kokora webiro a ko Nanu ifu rarogonu we ma feafate meo webasu wei. I sina imuteda wawaro anite i derawere wei.
24215	MAT 27:17	I uwara nesia guruguru utaro Faeratima emaba wei, abo amara ma uregari umau? Barabasi aba Yesu i Keriso waita amara ma uregari umau? Wiawero nauma wei.
24220	MAT 27:22	Weitaro Faeratima wei, Yesu i Keriso waita amaraba anene umau wei? Weina korosiro ure odia weita.
24243	MAT 27:45	Kowa otoro inarite kowa ario utawa dumu sini ibi. Nono kowa osugari uite ane abanaro farina kowa nono ario ui.
24244	MAT 27:46	Kowa ane abanaro siniro Yesuma derawere wei, Irai, Irai, rama sabatani, i sinanu ubina Nanu Godi, aneba Na ekodinu? Yesuma eno wei.
24283	MAT 28:19	Idoba i orofa atata uwara nesiabai aniawete Godinu sina wiawero naufitate Nanu iwata ueta uwara sibitaro ema babataito uawe. Baba Godinu ifuro Danu Amaranu ifuro Danu Imumu Kotofunu ifuro ema babataito uawete Nanu yaba bunawere we sina emaba enanari we mawetu uawero naufita wei. Yabai ibimaro ureini nasini me sibiro yabai daido ibimau. Ina imue eawe Yesuma eno wei.
24285	MRK 1:1	Yesu Keriso Godinu Amara Danu kotofu sina ewado owawa ue odatane eawe wei.
24292	MRK 1:8	Ogoma babataito utataneba Dana Godinu Imumu Kotofuma ya babataito ufisu wei.
24294	MRK 1:10	Babataito uiro Yesu ogoroma duero ido amuteda erina ure eba uiro Godinu Imumu Kotofuma ubani ari Dawabai tarariro ureroma sina tararite wei, A Nanu Amara ubiba Nanu neno Abai ibinuro yaru utatane wei.
24305	MRK 1:21	Kafenamu suro fata. Fatate ibebe sabate kowa wai uriro Ju uwaranu dubu su ubarero amuite we mawetu uiro Danu we mawetu uetaba neno kirifu uta. Danu we mawetu uetana buna derawere. I tarawatu tisa uwara emanu we mawetu uetana buna me.
24316	MRK 1:32	Kowa itariro seitaninu moana siosa imumuma rewoe ibita uwaraini ofe woureta uwaraini nesia Yesubai woure fata.
24330	MRK 2:1	Moana kowa me siniro Yesu owerite Kafenamu suro fari. Fariro nautate ane Danu su ubarero guruguru utate uwarama itare amue ueta su bebeto daba garari uta. Yesuma Godinu sina weina amara mui sadei eno mui sadei eno fata. Age sanawa inarawa amara wia warafaro woutate Dawabai anibitae fata.
24375	MRK 3:18	Enuduruini Firifini Batoromiuini Matiuini Tomasini Jeimisini dawa Arofiasinu amara Tediasini Keinani amara Saimonini Judasi Isikarioti, i amara Judasi Yesuba do mai amara. I uwara nesiaba Yesuma yua weiro fata.
24386	MRK 3:29	Nono anama Godinu Imumu Kotofuba sara siosa sina webisuna Godima ewa siosa ueta da mubite imutawa ufiro danu sara siosa ueta dawabai ibene ibene ibeibisu wei.
24535	MRK 7:3	Ferosini Ju uwaraini emanu sirorari baeta edono utebaita. Ieta itebaitana age uroegou utaita, o sitowaroma suro faraitana ieta itawa botai age uroegou utaita. Mui baeta deina! Kafusini okiaini naberoini enoma enoma uroegou utebaita.
24576	MRK 8:7	Kiki erio egi dawa meratu enanari uite maite ewa mawe weiro mataro ita.
24598	MRK 8:29	Weitaro Yesuma wei, nono yade Naba anaiya waita wei? Weiro Fitama wei, A i Kerisode wei.
24609	MRK 9:2	Kowa sikisi (6) me siniro Yesuma Fitaini Jeimisini Jonini wouriro dera maidaniro manitaro Danu ofe ubu aika siniro Danu wadia arioini inakeorau ui. Mui wadia uroeta amarama eno urotawa utebasu.
24640	MRK 9:33	Yesuini Danu uwara inarebe Kafenamu suro are fataro Yesu mui suro amuite Danu uwaraba wei, dabaro inareda sina anene waita wei?
24648	MRK 9:41	Eno weite wei, yana Kerisonu buribi inaraitaba Nanu ifuro mui amarama yaba ogo ifoe mafiro Godima i ueta da imutawa ufite moko daido mafisu. Iba yaba wegou utatane wei.
24777	MRK 12:35	Yesuma dera dubu su ubarero we mawetu uteda wei, i tarawatu tisa uwarama Keriso Dawa Deiwidinu sisia amara aneba eno waita wei?
24778	MRK 12:36	Imumu Kotofuma Deiwidiba mawetu uiba Deiwidima wei, Godima Nanu Dera Waria Amaraba wei, Nanu banibira age afu yauaro Aini wasai utaita uwaraba buna umate Anu buri wowonaro odimau wei, Deiwidima eno weiya wei.
24779	MRK 12:37	Deiwidima Dawaba Waria Amara weide anene Keriso Dawa Deiwidinu sisia amara sini wei?
24792	MRK 13:6	Uwara faiyawere irufitae Nanu ifuro fafitate webitaita nana Keriso, nana Keriso, enoma enoma iruteda webitaro uwara faiyawere naufitaita wei.
24797	MRK 13:11	I uwarama awe uyareta fafisu kowaro are ya mubitate woure anibitaro ya sina ane weboita da imuforo wei. Godima imueta yaba mafiro sina weboita wei. Ya i sina da weboro Godinu Imumu Kotofuma yanu bebeturoma webisu wei.
24828	MRK 14:5	Etei munowere ogo oiya ue mafite toti kina (K30) mubite ibaiabai me uwaraba mafisu ina ido weita. Weitate i awetaba ibo utaro Yesuma wei, kodiawete i awetaba dua sina da wiawe wei. Naba kobererau usinu.
24846	MRK 14:23	Kafusi munite Godiba we kobererau uteda guriguri uite mairo i uwara nesia itebitaro wei, ewana Nanu reka unuro ue matanetanu onono eme faiyawereba itafisu wei.
24884	MRK 14:61	Weiba Yesu sina wiawa uiro dera fuyo ode sina weta amarama nono wei, Ana Godinu Amara Keriso aba me wei?
24892	MRK 14:69	Kokora webiro i arumama nono erite guruguru ubita uwaraba wei, ewa amara Yesunu amara weina Fitama na me wei. Duburo i guruguru ubita uwarama Fitaba weita, ana i uwara tuero (12) emanu domaya. Ana Gareri amarade weita.
24920	MRK 15:25	Kowa mare abanaro fariro korosiro oita.
24927	MRK 15:32	Keriso, Isaraero kini korosiroma itafiro efete imufe weita. Weitaro i korosiro ibisi amara sadei enanari sara siosa sina edono weisi.
24928	MRK 15:33	Kowa otoro i orofa atata nesiaro kowa ario utawa dumu sini ibiro kowa osugari uite ane abanaro farina kowa nono ario ui.
24929	MRK 15:34	Kowa ane abanaro siniro Yesuma derawere wei, irai, irai, rama sabatani, i sinanu ubina Nanu Godi, Nanu Godi, aneba Na ekodinu?
24946	MRK 16:4	Kowa fariro uri oeta eraboro fare etana i gebiro ifegari ue ibiba ubarero itata. Itatana inakeo wadia bobo ayada amara i erabo banibira afu yaubiba kirifu derawere uta.
24963	LUK 1:1	Naiye, Tiafarasi, nanu sina ewado ea. Yesu Kerisoma buna ueta faiyawere yabai utebi. Moana uwarama Danu buna ueta erebitate Danu sina yaba webitate owawa odebe yabai matebita.
24976	LUK 1:14	Kuita mubiro neno kobererau uteda yaru ufawaro uwara faiyawere ema enanari yaru ufitaita wei.
24977	LUK 1:15	I amakanu daisibite Godinu dera amara sibiro Godima efisu wei. Idoba anu amarama wainini siosa ogoini da ifisu. Danu danua dawa mubiro Godinu Imumu Kotofuma danu neno ubarero itafisu.
24997	LUK 1:35	Aneruma dawaba wei, Godinu Imumu Kotofuma abai tarafiro i urero Dera Godinu buna derawerema abai mafiro tare a obari ufisuba iba amara mubaro Godinu kakara amara webitaita wei.
25002	LUK 1:40	Merima Sakaraiyanu suro mane farite Erisabeti ario weina Erisabetinu kuita desini ubarero wawana ui. Eno uiro Godinu Imumu Kotofuma Erisabetinu neno ubarero itariba Erisabetima derawere wei, Godima a i aweta nesiabairoma ma kobererau utasute anu mubasu kuita ma kobererau utasu weita wei, nanu Dera Waria Amaranu danuama aneba nabai farinu wei?
25021	LUK 1:59	Kowa eita (8) me siniro i Ju uwaranu baeta kuitanu ofe tureta kowa fariba i uwara nesia fatate guruguru uteda weita, danu damamanu ifu, Sakaraiya mamia weitaro Erisabeti nauite wei, me, danu ifuna Joni wei.
25029	LUK 1:67	Godinu Imumu Kotofuma Joninu damama Sakaraiyanu neno ubarero itariba Sakaraiyama sina eno we bou uite wei, ya Isaraero uwaranu Dera Godima ya uwarabai tararasute ya ma wirotasuba Dawa we ma kobererau utaisi.
25044	LUK 2:2	Kuiriniasima Siria orofa yawotebina ifu ifu yawieta tarawatu reka fari.
25053	LUK 2:11	Weite nono wei, i ma wiroe mune aneta amara, Dawa i Mesaia, Godinu Keriso, Danu danuama awona muninu wei.
25063	LUK 2:21	Kowa eita (8) me siniro Danu ofe tutate Danu ifu Yesu mamita. I ifuna aneruma bodere Meri dia munawa kowaro we bou ui enanari mamita.
25067	LUK 2:25	I kowaro mui amara, danu ifuna Simioni, dawa Jerusaremu suro ibebi. I amarama iro ibeda Godi imuteda gaukara rorowarau utebi. Dana ya Isaraero uwaranu ma wiroeta efie uteda ibebi. Godinu Imumu Kotofuma auboko dawaba wei, ana da uifate Godinu we bou ue odi Keriso efate duburo uifasu wei.