13944	PSA 1:1	Amɨn kɨnda yokwi pakpak amɨn da yabet aŋakwa uŋun yolek dɨma agɨsak, ae amɨn yokwi gat kɨsi dɨma akgaŋ, ae Piŋkop do manji gen yoŋ amɨn gat kaloŋɨ dɨma yɨkgaŋ, uŋun amɨn kɨsɨk kɨsɨk tagɨ asak.
13946	PSA 1:3	Uŋun amɨn kɨndap kɨnda pakbi ɨleŋon kwaokbi yombem. Bamɨ toktok bɨsapmon bamɨ uŋudon taŋtaŋ asak, ae tamɨ dɨma kɨbɨdosok. Yo morap asak uŋun aban bamɨ tagɨsi gɨn noman toŋ.
13949	PSA 1:6	Nido Yawe da amɨn kɨlegɨ kɨlani asak, mani yoki pakpak uŋun tasɨk tokdaŋ.
13952	PSA 2:3	Gen yaŋ yoŋ, “Uŋun bamot dakon amɨn wamwam nap teban paŋdagono. Ain nap kandapninon paŋteban agɨmal uŋun wɨtdalno.”
13955	PSA 2:6	Uŋun da yaŋ yoyɨsak, “Nak da on amɨn kɨla amɨn madepno egɨpjak do kɨlɨ yɨpgum da telagɨ ɨleŋno Saion uŋudon yɨkdak.”
13956	PSA 2:7	Kɨla amɨn madep da yaŋ yosok, “Yawe da yo madep kɨnda nayɨgɨt uŋun yaŋ teŋteŋokdɨsat. Yaŋ nayɨgɨt, ‘Gak Monjino. Abɨsok nak gak dakon Datgo dagosot.
13959	PSA 2:10	Yaŋdo, kɨla amɨn madep ji nandaŋ kokwin tagɨsi aŋek egɨpni. Mɨktɨmon kɨla amɨn, mama geno nandani.
13961	PSA 2:12	Ji monjɨ dakon pɨŋbini egek gawak ɨmni. Butjap tepmɨ nandɨsak, do japmɨ nandaŋ daban dɨ kɨmakbam. Amɨn morap paŋkutnosak do Piŋkopmon kwaŋ uŋun kɨsɨk kɨsɨk tagɨ ani.
13963	PSA 3:2	Yawe, uwalno morapmɨsi! Amɨn morapmɨ da yokwisi aŋ namaŋ.
13964	PSA 3:3	Uŋun da yaŋ yoŋ, “Piŋkop da arɨpmɨ dɨma aŋpulugokdɨsak.”
13967	PSA 3:6	Dɨpmɨn potpot tamokon pagek obɨsi pak ɨŋtosot. Ae don pɨdaŋek tagɨsi egɨsat, nido Yawe da kɨlano tagɨsi asak.
13968	PSA 3:7	Uwalno 10 tausen da terɨ terɨ da abɨŋ aŋdagat ayɨŋ, mani uŋun do dɨma pasolgeŋ.
13972	PSA 4:2	Piŋkopno kɨlegɨsi, gak do yaŋ tɨdokeŋ bɨsapmon nandaŋ nabi. But yokwino wɨrɨrɨkbɨ pasɨlgɨt. Bupmɨ nandaŋ namɨŋek bɨsitno nandaki.
13973	PSA 4:3	Amɨn ji, bɨsap niaŋ da man madepno abɨŋ yɨp do pi ani? Bɨsap niaŋ da yo ɨsalɨ mibɨlɨ mibɨlɨ do but dasi galak taŋ yomɨŋ kɨmotni? Bɨsap niaŋ da top aŋpak yolni?
13974	PSA 4:4	Ji gen on do pakyaŋsi nandani. Amɨn morap Yawe dakon pɨŋbinisi ekwaŋ, uŋun iyɨ do manjɨgɨt. Nak uŋun do yaŋ tɨdoko bɨsitno nandɨsak.
13977	PSA 4:7	Amɨn morapmɨ da yaŋ yoŋ, “Namɨn da nin paŋpulugaŋban tagɨsi egɨpneŋ?” Yawe, butgo ninon yɨpmaŋek yo tagɨsi aŋ nibi.
13979	PSA 4:9	Yawe gak dagɨn kɨlano aŋaki tagɨsi egɨsat, do yo kɨnda do dɨma pasalek tamokon pokdot bɨsapmon tepmɨsi pak ɨŋtosot.
13982	PSA 5:3	Kɨla Amɨn Madepno ae Piŋkopno, aŋpulugoki do bɨsit asat, do yaŋ ɨlɨtno nandaŋ nabi.
13983	PSA 5:4	Yawe, wɨsa dagokdo morap gak do bɨsit asat. Wɨsa dagokdo gak do bɨsit tebaisi asat. Bɨsitno dakon kobogɨ nabi do jomjom asat.
13984	PSA 5:5	Piŋkop, gak aŋpak yokwi do kɨsɨk kɨsɨk dɨma asal. Yokwi aŋ amɨn gak da kapmatjok tagɨ dɨma egɨpmɨ.
13986	PSA 5:7	Yawe, gak da top gen yogok amɨn morap paŋupbal asal. Amɨn dapba kɨmokgoŋ amɨn gat, ae amɨn paŋkewalgaŋ amɨn gat dɨmasi galak taŋ yomɨsal.
13987	PSA 5:8	Mani gak da nak but dasi galak taŋ namɨsal, do gak da yutnon tagɨ wɨgɨkeŋ. Telagɨ yutgokon uŋudon ŋwakbeŋ aŋek gawak gabeŋ.
13988	PSA 5:9	Yawe, uwal da nak aŋupbal akdaŋ, do kosit yɨpmaŋ namɨŋaki aŋpakgo kɨlegɨ uŋun yolbeŋ. Kosit agɨpbeŋ do nandɨsal uŋun nolɨki.
13990	PSA 5:11	Piŋkop, gen yaŋ yomɨŋek yo yokwisi aŋ yobi. Nandak nandak yokwini paŋupbal abi. Yo akdo nandaŋ kokwin aŋ iyɨ uŋudon yokwalni. Uŋun kwen wɨgɨk aŋ gamɨŋek yokwi morapmɨ aŋ, do yolbɨ gak da ɨŋam da dubagɨkon kɨŋ mudoni.
13992	PSA 5:13	Gak da amɨn kɨlegɨ do yo tagɨsi aŋ yomɨsal. Emat dakon pasɨk da yaŋ taŋek paŋyoŋgam asal, ae kɨlani tagɨsi aŋaki tagɨsi ekwaŋ.
13994	PSA 6:2	Yawe, butjap nandaŋek gen tebai dɨma nayɨki. Butjap madepsi nandaŋek nak aŋmɨlɨp ak do tepmɨ pi dɨma nabi.
13995	PSA 6:3	Yawe, tapmɨmno mɨni, do bupmɨ nandaŋ nabi. Yawe, gɨptɨmno tep namaŋ, do aŋmɨlɨp abi.
13996	PSA 6:4	Butno wagɨlsi jɨk tosok. Yawe, bɨsap niaŋ da jɨgɨ paŋegɨpbeŋ?
13997	PSA 6:5	Yawe, tobɨl obɨŋek yokwikon baŋ abɨdoki. Bɨsapmɨ bɨsapmɨ amɨn do but dasi galak taŋ yomɨsal, do aŋpulugaŋbɨ dɨma kɨmokgeŋ.
14000	PSA 6:8	Uwalno morapmɨsi, do kunam gɨn tak egapbo dabɨlno pɨrɨropmaŋ. Aŋakwa yo kɨnda dɨma kosot.
14001	PSA 6:9	Kunam tak egapbo Yawe da kɨlɨ nandaŋ namgut, do aŋpak yokwi aŋ amɨn ji kɨsisi nepmaŋdek kɨt.
14005	PSA 7:2	Yawe Piŋkopno, gak da nak aŋkutnoki do obɨsat. Aŋpulugaŋaki nak aŋsopmaŋgaŋ amɨn da dɨma nɨkba kɨmokgeŋ. Yokwikon naŋ abɨdaŋaki dɨma tasɨk tokeŋ.
14006	PSA 7:3	Laion da amɨn dakon gɨpni paŋdagoŋ, uŋun da tɨlak dɨ aŋupbal abam. Ɨlɨk aŋaŋ tɨmɨ kɨndakon aŋkɨŋakwa amɨn da nak yokwikon naŋ arɨpmɨ dɨma dɨ abɨdaŋbam.
14007	PSA 7:4	Yawe Piŋkopno, yokwi agɨm dakon gulusuŋno taŋ namɨsak, bo amɨn dɨwarɨ do yokwi aŋ yomgum,
14008	PSA 7:5	bo notno ɨsal dogɨn yokwi aŋ ɨmgum, bo uwalno dakon yo ɨsal dogɨn kabo tɨmɨkgɨm kaŋ,
14010	PSA 7:7	Yawe, pɨdoki! Uwalno da nagon emat tebaisi aŋ. Uŋun butjap nandaŋ yomɨŋek yo yokwisi aŋ yobi. Piŋkopno, aŋpak kɨlegɨ dogɨn galak tosol, do abɨŋek aŋpulugoki.
14012	PSA 7:9	Yawe, mɨŋat amɨn morap dakon aŋpakni kokwin asal, do aŋpulugaŋaki gen pikon teban tokeŋ. Nido, aŋpak kɨlegɨ gat ae aŋpak tagɨsi gat baŋgɨn asat.
14016	PSA 7:13	Yokwi aŋ amɨn but tobɨl dɨma ani kaŋ, Piŋkop da emat agak sɨbani geni toŋsi asak do ɨlɨtdɨsak, ae obipni paŋɨlɨtdɨsak.
14018	PSA 7:15	Amɨn yokwi uŋun yokwi ak do nandaban teban toŋ. Yokwi mibɨlɨ mibɨlɨ ak do tagap tok asak, ae bɨsapmɨ bɨsapmɨ top yosok.
14019	PSA 7:16	Amɨn kɨnda abɨdok do gapma dubagɨ kɨnda wayɨkdak, mani iyɨ uŋun gapma wayɨkdakgwan mosok.
14020	PSA 7:17	Gulusuŋ iyɨ asak uŋun da iyɨnaŋ wɨtjɨŋ ɨmɨsak. Ae butjap ematyo amɨn dɨwarɨ do aŋ yom do nandak nandak asak, uŋun da tobɨlek iyɨ naŋ aŋupbal asak.
14021	PSA 7:18	Yawe uŋun amɨn kɨlegɨsi, do ya yaŋ iyɨsat. Piŋkop Wukwisi do mani aŋkɨsik do kap yokeŋ.
14023	PSA 8:2	Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi. Tɨlɨmgo wukwisi, kundu si yapmaŋdak.
14029	PSA 8:8	Sipsip bulmakau, ae joŋ bɨt kɨlapyo gat,
14030	PSA 8:9	mɨnam kwen akwaŋ gat, ae tap kɨlap ae yo morap tap kagagwan akwaŋ uŋun kɨsi nin dakon pɨŋbi ekwaŋ.
14031	PSA 8:10	Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi.
14033	PSA 9:2	Yawe, butnokon da ya yaŋsi gayɨkeŋ. Pi tagɨsi morap agɨl uŋun do mɨŋat amɨnyo yoyɨkeŋ.
14034	PSA 9:3	Gak do nandaŋek kɨsɨk kɨsɨk abeŋ. Piŋkop Wukwisi, mango awɨgɨk do kap yokeŋ.
14037	PSA 9:6	Mɨktɨmɨ mɨktɨmɨ dɨma nandaŋ gamaŋ amɨn gen tebai yoyɨgɨl. Amɨn yokwi kɨlɨ paŋupbal agɨl, ae dagok dagogɨ mɨni amɨn da ɨŋtaŋ yomdaŋ.
14038	PSA 9:7	Uwal wagɨlsi tasɨk tawit. Piŋkop gak da kokup papni kɨlɨ paŋupbal agɨl, ae amɨn da ɨŋtaŋ yomdaŋ.
14042	PSA 9:11	Yawe, mɨŋat amɨnyo gak wɨsɨŋ gandak do pi aŋ amɨn manji dɨma yomɨsal. Yaŋ asal, do mango nandaŋ amɨn egɨp egɨpni gagon tosok yaŋsi nandaŋ.
14044	PSA 9:13	Yawe da jɨgɨ paŋ amɨn nandaŋ yomɨsak, ae kunam takba mɨrakni dɨma sopmaŋdak. Yokwi aŋ yomaŋ amɨn do kobogɨ yokwisi yomɨsak.
14045	PSA 9:14	Yawe, bupmɨ nandaŋ nabi. Uwal da jɨgɨ tepmɨyo namaŋ pɨndakgi. Palɨ kɨmot do asat, do yokwikon naŋ abɨdaŋaki tagɨsi egɨpbeŋ.
14047	PSA 9:16	Mɨktɨmɨ mɨktɨmɨ dɨma nandaŋ gamaŋ amɨn da nin tɨmɨt do gapma wayaŋ, mani iyɨ uŋungwan moŋ. Nin tɨmɨt do pat yopmaŋ, mani iyɨ uŋun paron yokwalaŋ.
14048	PSA 9:17	Yawe dakon gen kokwin pi agakni uŋun kɨlegɨsi yaŋ uŋun amɨn da nandaŋ ɨmaŋ. Amɨn yokwi amɨn dɨwarɨ paŋupbal ak do yo awit, mani uŋun yo yokwi da tobɨlek iyɨ baŋ paŋupbal awit.
14050	PSA 9:19	Bɨsapmɨ bɨsapmɨ Piŋkop da yoni mɨni amɨn dɨma ɨŋtaŋ yomɨsak. Jɨgɨni madepsi toŋ amɨn, uŋun Piŋkop da paŋpulugosak do nandaŋ gadat aŋek jomjom aŋ. Uŋun yum pɨndagakwan ɨsal dogɨn jomjom dɨma aŋ.
14051	PSA 9:20	Yawe, apbi. Yum pɨndagaki mɨktɨm amɨn da teban taŋek dɨma abɨŋ gepni. Mɨktɨmɨ mɨktɨmɨ amɨn dɨma nandaŋ gamaŋ uŋun gaga da ɨŋamon yopmaŋek gen kokwin aŋ yobi.
14052	PSA 9:21	Yawe, paŋpasol aŋaki madepsi pasolni, ae iyɨ do nin mɨktɨm amɨn gɨn yaŋsi nandani.
14053	PSA 10:1	Yawe, gak nido nak da dubagɨkon egɨsal? Bɨsap yokwikon gak nido pasɨl namɨsal?
14054	PSA 10:2	Amɨn yokwi iyɨ do nandaba wɨgakwa yoni mɨni amɨn paŋupbal ak do yolgaŋ. Amɨn dɨwarɨ yokwi aŋyom do nandak nandak aŋ, uŋun yo yokwi iyɨ tɨmɨkgaŋ.
14055	PSA 10:3	Amɨn yokwi galaktok yokwini do nandaŋek pɨbɨt tɨdok asak. Yo morapmɨ tɨmɨt do nandaŋ amɨn paŋkɨsisak, ae Yawe ɨbɨpmaŋdak.
14057	PSA 10:5	Yo morap aban tagɨsi noman toŋ. Yawe, gak dakon nandak nandak kɨndasok dɨmasi nandɨsak. Uŋun da uwalni do manji gen yaŋ yomɨsak.
14058	PSA 10:6	Yaŋ nandɨsak, “Nak arɨpmɨ dɨma mokeŋ. Bɨsapmɨ bɨsapmɨ yo dɨ da nak arɨpmɨ dɨma abɨŋ nepni.”
14059	PSA 10:7	Bɨsap morap amɨn jobɨt yomɨsak, ae top gen yosok, ae amɨn dap do yosok. Yokwi ak do ae jɨgɨ paŋalon ak do gen tepmɨsi yosok.
14063	PSA 10:11	Amɨn yokwi da yaŋ nandɨsak, “Piŋkop da nak ɨŋtaŋ namgut. Iyɨ dakon dabɨl kɨlɨ sopgut, do dɨma nandɨsak.”
14064	PSA 10:12	Yawe, abɨŋ yokwi pakpak amɨn kobogɨ yokwi aŋyobi. Piŋkop, amɨn jɨgɨni toŋ uŋun dɨma ɨŋtaŋ yobi.
14069	PSA 10:17	Yawe, gak jɨgɨni toŋ amɨn dakon bɨsit nandaŋek burɨ paŋteban akdɨsal.
14071	PSA 11:1	Nak aŋkutnosak do Yawekon kɨsat. Do gak nido yaŋ nayɨsal, “Amɨn yokwi obipni paŋɨlɨkgaŋ! Pɨlɨn tukgwan amɨn kɨlegɨ yam do dɨkdɨkni bɨsapmon sambaŋ! Do mɨnam kɨnda da yaŋ pasalek kabapgwan wɨgɨ!
14073	PSA 11:3	Aŋpak kɨlegɨ dakon teban tokni kɨsi tuwɨl kɨ mudoni kaŋ, amɨn kɨlegɨ niaŋ ani?”
14079	PSA 12:2	Yawe, gak gawak gamaŋ amɨn pasɨl mudaŋ. Gak golgaŋ amɨn kɨnda dɨma kokdɨsal, do abɨŋ nak aŋpuluga.
14081	PSA 12:4	Yawe, gak da gen galagɨ yoŋ amɨn dakon gen kagani sopbi. Ae pɨbɨt tɨdok aŋ amɨn dakon gen kagani sopbi dosi nandɨsat.
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14083	PSA 12:6	Mani Yawe da yaŋ yosok, “Amɨn yokwi da tapmɨmni mɨni amɨn pabɨŋ yopmaŋgaŋ, ae yoni mɨni amɨn iyoŋ iyoŋ yaŋek ekwaŋ. Do nak da abɨŋ paŋpulugokeŋ. Uŋun nak da paŋkutnokeŋ do yoŋ, do yaŋsi akdɨsat.”
14084	PSA 12:7	Yawe dakon yaŋ teban tok gen uŋun bamɨsi. Uŋun silwa kɨndapmon kosirɨ 7 yaŋ soŋba jɨmjɨmɨ mɨnisi aŋ, uŋun yombem wagɨl tagɨsi.
14085	PSA 12:8	Yawe, amɨn yokwi uŋun dukwan dukwan kɨsi agek aŋpak ɨŋani uŋun do yo tagɨsi yaŋ nandaŋ. Do bɨsapmɨ bɨsapmɨ kɨlanin tagɨsi aŋaki amɨn yokwi da nin dɨma paŋupbal ani.
14088	PSA 13:2	Yawe, ni bɨsapmon aego nandaŋ nabi? Nak do dagok dagogɨ mɨni ɨŋtaŋ namɨŋ wɨgɨkdɨsal bo? Gak bɨsap niaŋ da pasɨl namɨŋaki dɨma gandakeŋ?
14090	PSA 13:4	Yawe Piŋkopno, nandaŋ namɨŋek bɨsitno nandaki. Dɨma aŋteban aki kaŋ, nak kɨmokgeŋ.
14092	PSA 13:6	Mani bɨsapmɨ bɨsapmɨ but dasi galak taŋ namɨsal yaŋsi nandako dagosok. Ae jɨgɨkon baŋ aŋpulugosol, do gak do kɨsɨk kɨsɨk abeŋ. Yawe da nak do yo tagɨsi agɨt, do mani awɨgek kap yokeŋ.
14093	PSA 14:1	Nandaŋ kokwini tagɨ dɨma amɨn burɨkon da yaŋ yoŋ, “Piŋkop kɨnda dɨma egɨsak.” Uŋun amɨn yokwisi. Yo wagɨl yokwisi baŋ gɨn aŋ. Kɨnda da aŋpak tagɨ kɨnda dɨma asak.
14095	PSA 14:3	Mani dɨma. Kɨsi morap kosit kɨlegɨ kɨlɨ yɨpmaŋ dekgwit. Uŋun amɨn wagɨl amɨn yokwisi, kɨsi morap arɨp gɨn. Kɨndasok da aŋpak tagɨsi kɨnda dɨmasi asak.
14096	PSA 14:4	Piŋkop da yaŋ yosok, “Yokwi aŋ amɨn nandak nandak tagɨ dɨ dɨmasi tɨmɨtdaŋ. Bret naŋba mudoŋ, uŋun da tɨlak mɨŋat amɨno naŋ mudoŋ. Ae nak da paŋpulugokeŋ do bɨsit dɨma aŋ namaŋ.”
14097	PSA 14:5	Mani Piŋkop mɨŋat amɨnyo geni guramɨkgaŋ amɨn gat egɨsak, do amɨn yokwi uŋun madepsi pasoldaŋ.
14099	PSA 14:7	Nak Piŋkop da Saion amɨn kɨnda yabekban abɨŋ Israel amɨn yokwikon baŋ tɨmɨtjak do nandɨsat. Yawe da mɨŋat amɨni paŋpulugaŋban aeni tagɨsi egɨpni bɨsapmon, Israel amɨn kɨsɨk kɨsɨk akdaŋ. Asi, but galaksi egɨpdaŋ.
14100	PSA 15:1	Yawe, namɨn da gak da telagɨ yutgwan tagɨ wɨgɨsak? Telagɨ kabapgokon namɨn da tagɨ egɨpjak?
14101	PSA 15:2	Amɨn kɨnda suŋ kɨnda aban amɨn da yaŋba yokwi tok dɨma aŋ ɨmgwit, ae aŋpakni kɨlegɨsi, ae burɨkon da nandaŋek gen bamɨ gɨn yosok, uŋun amɨn da tagɨ egɨpjak.
14102	PSA 15:3	Amɨn do yaŋba yokwi tok dɨma asak, ae notni do aŋpak yokwi dɨma aŋyomɨsak, ae notni do top dɨma yaŋ yomɨsak.
14105	PSA 16:1	Piŋkop, aŋkutnoki do gagon obɨsat, do kɨlano aki.
14106	PSA 16:2	Nak Yawe yaŋ iyɨgɨm, “Gak Amɨn Tagɨno. Yo tagɨsi morap tɨmɨkdat uŋun gak da kɨsiron dagɨn abaŋ.”
14108	PSA 16:4	Amɨn tɨmtɨm yaŋek piŋkop ŋwakŋwarɨkon kwaŋ uŋun jɨgɨ morapmɨ pakdaŋ. Nak paret ak do bɨt kɨlapyo dakon yawi tagal do uŋun gat dɨma muwutneŋ, ae piŋkopni dakon man dɨma yokeŋ.
14109	PSA 16:5	Yawe, gak kaloŋ gɨn nak dakon yo morapno. Yo morapno gak da kɨsiron gɨn toŋ. Yo morapno paŋkutnaŋ namɨsal.
14110	PSA 16:6	Mɨktɨmno gat ae yo tagɨsi morap gat gagon gɨn tɨmɨkdat. Asisi, yo morap namɨsal uŋun wagɨl tagɨsi.
14112	PSA 16:8	Bɨsapmɨ bɨsapmɨ Yawe nak da kapmatjok ekwan nandɨsat. Kapmatjok egek tapmɨm namɨsak, do yo kɨnda da arɨpmɨ dɨma aŋkwakwalɨtjak.
14113	PSA 16:9	Yum nandaŋaki nak kɨmakbi kokupmon arɨpmɨ dɨma paŋkɨ egɨpbeŋ. Aŋek gak dakon Telagɨ Amɨn yum kaŋaki kɨmakbi tamokon taŋ dɨma mɨktosak. Yaŋdo, butno tagɨsi aŋakwan mango yaŋ aŋkɨsisat. Pasol pasolɨ mɨni tagɨsi egɨsat.
14115	PSA 16:11	Gak da egɨp egɨp dakon kosit nolɨsal. Gak nak da kapmatjok egɨsal, do kɨsɨk kɨsɨk madepsi asat. Ae aŋpulugaŋaki butno kɨsɨk kɨsɨk taŋakwan dagok dagogɨ mɨni yaŋgɨn taŋ aŋaŋ kɨkdɨsak.
14116	PSA 17:1	Yawe, nak amɨn kɨlegɨ, do aŋpulugaŋek nandaŋ nabi do yaŋ tɨdosot. Nak top amɨn dɨma, do bɨsitno nandaki do nandɨsat.
14117	PSA 17:2	Ni aŋpak da kɨlegɨ uŋun gak da nandɨsal, do aŋpulugaŋaki gen pikon teban tokeŋ dosi nandɨsat.
14121	PSA 17:6	Piŋkop, gak da bɨsitno dakon kobogɨ namɨsal. Uŋun do aŋek gak do bɨsit asat. Mɨrak yopmaŋek bɨsitno nandaki.
14122	PSA 17:7	Nin do but dasi galak taŋ nimɨsal, uŋun dakon bamɨ nolɨŋek yo tagɨsi aŋnibi. Tapmɨm madepgokon da nin paŋpulugosol. Nin gak da kapmatjok egek uwalnin da dɨma nindani do pasɨlgamaŋ.
14126	PSA 17:11	Nak abɨŋ nepdosi nandaŋ teban taŋ, do kandap tamono yolek aŋdɨgat ayɨŋ da ekwaŋ.
14127	PSA 17:12	Uŋun laion da kɨlap dap do aŋ uŋun da tɨlak, ae laion bulagɨ da pasɨlek yubɨŋ ekwaŋ uŋun da tɨlak.