13946	PSA 1:3	Uŋun amɨn kɨndap kɨnda pakbi ɨleŋon kwaokbi yombem. Bamɨ toktok bɨsapmon bamɨ uŋudon taŋtaŋ asak, ae tamɨ dɨma kɨbɨdosok. Yo morap asak uŋun aban bamɨ tagɨsi gɨn noman toŋ.
13954	PSA 2:5	Butjapsi nandaŋ yomɨŋek gen tebai yoyɨŋban pasal kɨmokgoŋ.
13957	PSA 2:8	Bɨsit nayɨŋbɨ mɨŋat amɨn morap mɨktɨmɨ mɨktɨmɨ ekwaŋ uŋun gak do gabo mɨktɨm kɨsisi kɨla abi.
13961	PSA 2:12	Ji monjɨ dakon pɨŋbini egek gawak ɨmni. Butjap tepmɨ nandɨsak, do japmɨ nandaŋ daban dɨ kɨmakbam. Amɨn morap paŋkutnosak do Piŋkopmon kwaŋ uŋun kɨsɨk kɨsɨk tagɨ ani.
13972	PSA 4:2	Piŋkopno kɨlegɨsi, gak do yaŋ tɨdokeŋ bɨsapmon nandaŋ nabi. But yokwino wɨrɨrɨkbɨ pasɨlgɨt. Bupmɨ nandaŋ namɨŋek bɨsitno nandaki.
13973	PSA 4:3	Amɨn ji, bɨsap niaŋ da man madepno abɨŋ yɨp do pi ani? Bɨsap niaŋ da yo ɨsalɨ mibɨlɨ mibɨlɨ do but dasi galak taŋ yomɨŋ kɨmotni? Bɨsap niaŋ da top aŋpak yolni?
13983	PSA 5:4	Yawe, wɨsa dagokdo morap gak do bɨsit asat. Wɨsa dagokdo gak do bɨsit tebaisi asat. Bɨsitno dakon kobogɨ nabi do jomjom asat.
13994	PSA 6:2	Yawe, butjap nandaŋek gen tebai dɨma nayɨki. Butjap madepsi nandaŋek nak aŋmɨlɨp ak do tepmɨ pi dɨma nabi.
13996	PSA 6:4	Butno wagɨlsi jɨk tosok. Yawe, bɨsap niaŋ da jɨgɨ paŋegɨpbeŋ?
13997	PSA 6:5	Yawe, tobɨl obɨŋek yokwikon baŋ abɨdoki. Bɨsapmɨ bɨsapmɨ amɨn do but dasi galak taŋ yomɨsal, do aŋpulugaŋbɨ dɨma kɨmokgeŋ.
14014	PSA 7:11	Piŋkop uŋun pasɨkno. Butni kɨlegɨsi amɨn yokwikon baŋ tɨmɨkdak.
14050	PSA 9:19	Bɨsapmɨ bɨsapmɨ Piŋkop da yoni mɨni amɨn dɨma ɨŋtaŋ yomɨsak. Jɨgɨni madepsi toŋ amɨn, uŋun Piŋkop da paŋpulugosak do nandaŋ gadat aŋek jomjom aŋ. Uŋun yum pɨndagakwan ɨsal dogɨn jomjom dɨma aŋ.
14053	PSA 10:1	Yawe, gak nido nak da dubagɨkon egɨsal? Bɨsap yokwikon gak nido pasɨl namɨsal?
14058	PSA 10:6	Yaŋ nandɨsak, “Nak arɨpmɨ dɨma mokeŋ. Bɨsapmɨ bɨsapmɨ yo dɨ da nak arɨpmɨ dɨma abɨŋ nepni.”
14059	PSA 10:7	Bɨsap morap amɨn jobɨt yomɨsak, ae top gen yosok, ae amɨn dap do yosok. Yokwi ak do ae jɨgɨ paŋalon ak do gen tepmɨsi yosok.
14089	PSA 13:3	Bɨsap niaŋ da butnokon da tepmɨ pasat uŋun sigɨn pakeŋ? Gɨldat niaŋ da but yokwino sigɨn tosak? Bɨsap niaŋ da uwalno da sigɨn abɨŋ nepni?
14096	PSA 14:4	Piŋkop da yaŋ yosok, “Yokwi aŋ amɨn nandak nandak tagɨ dɨ dɨmasi tɨmɨtdaŋ. Bret naŋba mudoŋ, uŋun da tɨlak mɨŋat amɨno naŋ mudoŋ. Ae nak da paŋpulugokeŋ do bɨsit dɨma aŋ namaŋ.”
14112	PSA 16:8	Bɨsapmɨ bɨsapmɨ Yawe nak da kapmatjok ekwan nandɨsat. Kapmatjok egek tapmɨm namɨsak, do yo kɨnda da arɨpmɨ dɨma aŋkwakwalɨtjak.
14120	PSA 17:5	Bɨsapmɨ bɨsapmɨ gak dakon kosit naŋ agek kandapno suŋ dɨma pɨlɨk bamosot.
14137	PSA 18:7	Butno madepsi yokwi tagɨt, mani Yawe do madepsi yaŋ tɨdagɨm. Piŋkop da aŋpulugosak do yaŋ tɨdoko Telagɨ Yutnikon egek yaŋ ɨlɨtno nandagɨt. Aŋek bɨsitno do mɨrak yopgut.
14138	PSA 18:8	Bɨsitno nandaŋek uwalno do butjap madepsi nandaŋ yomgut. Aŋek mɨktɨm aban wudɨp madepsi agɨt. Aŋakwan ɨleŋ dakon mibɨlɨ madepsi kwakwalɨkgwit.
14149	PSA 18:19	Bɨsap yokwi kɨnda noman taŋ namɨŋakwan uwalno abɨŋ nagon emat awit. Mani Yawe da kɨlano agɨt.
14153	PSA 18:23	Bɨsapmɨ bɨsapmɨ gen tebani do nandaŋek geni tagɨsi uŋun dɨma abɨŋ yɨpgum.
14181	PSA 18:51	Yawe da kɨla amɨn madepni nak Dewit aŋ pulugaŋakwan uwal madepsi pabɨŋ yopmaŋdat. Bɨsapmɨ bɨsapmɨ iyɨ do tɨlak agɨt amɨn nak but dasi galak taŋ namɨsak. Ae dagok dagogɨ mɨni dɨwatno don altoni uŋun but dasi galak taŋ yomdɨsak.
14210	PSA 21:4	But galagon da abɨdaŋek yo tagɨsi ɨmgul. Aŋek kɨla amɨn madep dakon pelɨt gol baŋ wasaŋbi busuŋɨkon yɨpgul.
14233	PSA 22:13	Uwalno uŋun bulmakau wɨli da yaŋ aŋgwasaŋ. Uŋun tapmɨmni madepsi, Basan mɨktɨm dakon bulmakau wɨli yombem.
14235	PSA 22:15	Pakbi ɨsal dogɨn tagal kɨ mudoŋ, uŋun da tɨlak tapmɨmno mɨnisi aŋ. Kɨdatno dakon saŋbekni kɨsi kalkalaŋ mudoŋ. Bɨt nelak da pakbi dagoŋ uŋun da tɨlak butno wagɨlsi tapmɨmɨ mɨni pakbi ɨdap asak.
14247	PSA 22:27	Bupmɨ amɨn jap arɨpmɨsi naŋ tugokdaŋ. Ae Yawe wɨsɨŋ kokdo pi aŋ amɨn uŋun da mani aŋkɨsikdaŋ. Piŋkop da paŋpulugaŋban dagok dagogɨ mɨni butni tagɨsi taŋ aŋaŋ wɨgɨkdɨsak.
14285	PSA 25:17	Butjɨk morapno uŋun si pap tosok, do wɨrɨrɨk namɨŋaki yaworɨ egɨpbeŋ. Aŋpulugaŋaki jɨgɨ da dɨma abɨŋ nepni.
14286	PSA 25:18	Butjɨk morapno gat ae jɨgɨno gat do nandaŋek yokwi morapno yopmaŋ nabi.
14301	PSA 26:11	Mani nak aŋpak kɨlegɨ gɨn asat. Bupmɨ nandaŋ namɨŋek yokwikon baŋ pulugaŋ nepbi.
14318	PSA 28:2	Bupmɨ nandaŋ namɨŋek aŋpulugoki do yaŋ tɨdokeŋ bɨsapmon nandaŋ nabi. Bɨsit aŋek kɨsitno paŋenokgo telagɨ yutgo da tet do wɨgɨsak.
14322	PSA 28:6	Bupmɨ nandaŋ namjak do bɨsit abo bɨsitno kɨlɨ nandagɨt, do Yawe dakon man awɨgɨkeŋ.
14342	PSA 30:6	Bɨsap pɨsɨpmɨsok butjap nandɨsak. Mani mɨktɨmon ekwamaŋ bɨsap morap nin do tagɨsi nandaŋek yo tagɨsi aŋnimɨsak. Dabɨl pakbigo kalbi tagɨ moni, mani wɨsa dagokdo kɨsɨk kɨsɨk aego akdɨsal.
14345	PSA 30:9	Yawe nak gak do yaŋ tɨdagɨm. Bupmɨ nandɨsak do Amɨn Tagɨ bɨsit tebaisi aŋek yaŋ iyɨgɨm,
14359	PSA 31:10	Yawe, jɨgɨno madepsi, do bupmɨ nandaŋ nabi. Kunam morapmɨ tagek dabɨlno pɨrɨropmaŋ. But yokwi nandaŋek gɨptɨmno wagɨlsi alek taŋ.
14360	PSA 31:11	Butnokon da jɨgɨ nandaŋ egɨsat. Uŋun da egɨp egɨpno aŋpɨsɨp asak. Kunam morapmɨ takdat do bɨsap dubagɨ dɨma egɨpbeŋ. Nak jɨgɨno madepsi do tapmɨmno mɨnisi aŋakwan kɨdatno wagɨlsi yokwi toŋ.
14366	PSA 31:17	Butgo oman amɨngo nagon yɨpmaŋek yo tagɨsi aŋ nabi. Butdasi galak taŋ namɨsal, do uwal da kɨsiron baŋ pulugaŋ nepbi.
14384	PSA 32:10	But yokwi morapmɨ yokwi pakpak amɨnon noman toŋ. Mani Yawe si nandaŋ gadaŋ ɨmaŋ amɨn uŋun dagok dagogɨ mɨni but dasi galak taŋ yomɨsak.
14385	PSA 32:11	Amɨn kɨlegɨ ji butji tagɨsi taŋakwan Yawesi aŋkɨsini. Butji gwaljɨgɨ mɨni amɨn, ji kɨsɨk kɨsɨk nandaŋek yaŋ tɨdoni.
14409	PSA 34:2	Nak Yawe aŋkɨsikeŋ. Bɨsapmɨ bɨsapmɨ mani aŋkɨsikeŋ.
14440	PSA 35:10	Butnokon da yaŋ iyɨkeŋ, “Yawe, gak yombem kɨnda mɨni. Gak da tapmɨmni mɨni amɨn uŋun tagɨsi paŋpulugaŋaki amɨn tapmɨmni toŋ da dɨma paŋupbal aŋ. Gak da bupmɨ amɨn wadak wadak aŋ uŋun paŋpulugaŋaki kabo noknok da yoni dɨma tɨmɨkgaŋ.”
14444	PSA 35:14	Uŋun notno bo ae padɨgɨno yombem kɨnda do bupmɨ nandagɨm. Nak amɨn kɨnda da meŋi kɨmagakwan bupmɨ ae kunamyokon da agɨsak uŋun yombem. But yokwi nandaŋek kunam ae bupmɨyo aŋek egɨpgum.
14457	PSA 35:27	Mani nak do amɨn kɨlegɨ yaŋ nayɨki do nandaŋ amɨn, uŋun kɨsɨk kɨsɨk dakon yaŋ tɨdok aŋek burɨ tagɨsi toni dosi nandɨsat. Bɨsapmɨ bɨsapmɨ yaŋ yoni, “Yawe uŋun mani wukwisi! Oman amɨni tagɨsi egɨpjak do but galaksi nandɨsak.”
14462	PSA 36:4	Bɨsapmɨ bɨsapmɨ uŋun amɨn gen yokwi gat ae top gen yosok. Aŋpak kɨlegɨ asak dakon nandaŋ kokwin tagɨsi dɨsok dɨma taŋ ɨmaŋ.
14469	PSA 36:11	Bɨsapmɨ bɨsapmɨ amɨn si nandaŋ gamaŋ uŋun amɨn but dasi galak taŋ yobi. Burɨ tagɨsi amɨn paŋpulugaŋaki tagɨsi egɨpni.
14481	PSA 37:10	Bɨsap dubak dɨma amɨn yokwi wagɨl tasɨk taŋ mudokdaŋ. Uŋun wusɨŋ pɨndat do pi abi, mani dɨma pɨndatdɨsal.
14490	PSA 37:19	Bɨsap yokwikon jɨgɨ dɨma pakdaŋ. Ae amɨn dɨwarɨ jap do ani bɨsapmon amɨn kɨlegɨ japni morapmɨ taŋ yomdaŋ.
14497	PSA 37:26	Bɨsapmɨ bɨsapmɨ amɨn kɨlegɨ da amɨn dɨwarɨ do yo morapmɨ yomaŋ. Ae monjɨ gwayoni da meŋ datni kɨsɨk kɨsɨk yomaŋ.
14513	PSA 38:2	Yawe, butjap nandɨsal mani gen tebai dɨma nayɨki. Butjap madepsi nandɨsal mani nak aŋmɨlɨp ak do tepmɨ pi dɨma nabi.
14518	PSA 38:7	Butnokon jɨgɨ madepsi taŋakwan tasɨk tosot. Gɨldat kɨnda kaloŋ bupmɨ nandaŋek kunam gɨn tak egɨsat.
14520	PSA 38:9	Yo kɨnda da tebaisi bamaŋ namɨsak uŋun da tɨlak nak obɨsi tasɨk taŋek yokwisi egɨsat. Butnokon da yokwisi nandaŋek tepmɨ madepsi nandɨsat do iyoŋ iyoŋ yosot.
14521	PSA 38:10	Amɨn Tagɨ, gak da nak dakon galaktok teban nandɨsal. Butno da kunam yokwisi takdak, uŋun gak da dabɨlon pasɨlɨ dɨma.
14524	PSA 38:13	Nɨkba kɨmokgeŋ do nandaŋ amɨn uŋun nak abɨdok do pat yɨpmaŋ. Amɨn nak aŋtasɨk ak do nandaŋ amɨn yo yokwi aŋ nam do gen yoŋ. Bɨsapmɨ bɨsapmɨ yokwi aŋ nam do gen yaŋ paŋteban aŋ.
14539	PSA 39:5	Yawe bɨsit yaŋ iyɨgɨm, “Egɨp egɨpno dakon wasɨp nayɨŋbɨ nandako. Bɨsap niaŋ da egɨpbeŋ uŋun nayɨŋbɨ nandakeŋ. Egɨpbeŋ dakon bɨsap uŋun pɨsɨpmɨsok uŋun do nayɨki.
14561	PSA 40:13	Nido jɨgɨ morapmɨ noman taŋ namaŋ, uŋun manjɨrɨ mɨni. Yokwino morapmɨ da wɨtjɨŋ namɨk da tagɨ dɨma sɨŋtosot. Aŋpakno yokwi morapmɨ da busuŋ daŋgwano dakon tɨlak yapmaŋdak. Butno tagɨ dɨma taŋakwan tapmɨmno mɨnisi asak.
14585	PSA 42:5	Bɨsap tagɨsi kalɨpmɨ do nandaŋek butno obɨsi yokwi tosok. Kalɨp nak amɨn morapmɨ Piŋkop da yutnon mibɨltaŋ yomɨŋek paŋkɨgɨm. Nin kɨŋek kɨsɨk kɨsɨk do yaŋ tɨdagɨmaŋ. Aŋek ya yaŋ yagɨmaŋ. Uŋudon gak gawak gam do muwuk mamno kɨgɨt.
14587	PSA 42:7	Butno madepsi jɨk tosok, do nak gak do nandɨsat. Nak Jodan Pakbi tet do ae Ɨleŋ Emon ae Ɨleŋ Misa uŋudon egek aeno nandaŋ gamɨsat.
14601	PSA 44:4	Babɨknin emat agak sɨbakon da mɨktɨm uŋun dɨma abɨdawit. Iyɨ dakon tapmɨmon da emaron dɨma teban tawit. Gak da but dasi galak taŋ yomgul do uŋun gat egek teŋteŋɨ yomgul. Gak da tapmɨmon gɨn emaron teban tawit.
14606	PSA 44:9	Piŋkop, nin gɨldat kɨnda kaloŋ gak do man madep gamamaŋ. Bɨsap dagok dagogɨ mɨni mango aŋkɨsineŋ.
14624	PSA 44:27	Piŋkop, pɨdaŋ abɨŋ nin paŋpuluga. Butdasi galak taŋ yomyom aŋpakgo do nandaŋek nin yokwikon baŋ tɨmɨgaki kɨmot dɨma aneŋ.
14714	PSA 50:14	Ji nak do ya yaŋ nayɨni kaŋ, uŋun da mukwa sogok tagɨsi asak. But galak do yo morap Piŋkop Wɨkwisi nak do nam do yaŋ teban tok awit uŋun namni.
14726	PSA 51:3	Piŋkop, gak bɨsapmɨ bɨsapmɨ amɨn do but dasi galak taŋ yomɨsal, do nandaŋ yawok nabi. Bupmɨgo madepsi do nak dakon dɨwarɨno yɨpmaŋ nabi.
14733	PSA 51:10	Butno aŋtagap abɨ aeno kɨsɨk kɨsɨgɨ toŋ egɨpbeŋ. Asi, wagɨlsi abɨŋ nepgul, mani aeno kɨsɨk kɨsɨk abeŋ do nandɨsat.
14735	PSA 51:12	Piŋkop, butno aŋkaluk abɨ kɨlegɨsi asak. Butno aŋkaluk abɨ gak naŋgɨn golbeŋ.
14739	PSA 51:16	Piŋkop, Yokwikon Baŋ Tɨmɨt Tɨmɨt Amɨno, nak yokwi aŋapbo amɨn kɨnda kɨmakgɨt. Mani dɨwarɨno yɨpmaŋ nabi. Yaŋ aŋaki aŋpakgo kɨlegɨ do nandaŋek kɨsɨk kɨsɨk kap yokeŋ.
14747	PSA 52:3	Amɨn tebai, gak nido Piŋkop dakon mɨŋat amɨnyo do aŋpak yokwi aŋ yomgul uŋun do pɨbɨt tɨdok asal? Bɨsapmɨ bɨsapmɨ Piŋkop da nandaŋ yawot aŋ yomɨsak.
14769	PSA 54:7	Yo yokwi aŋnamaŋ uŋun iyɨkon noman toni. Bɨsapmɨ bɨsapmɨ dɨma nepmaŋ dekdal, do uwalno dapbɨ pasɨl mudoni.
14774	PSA 55:3	Bɨsitno pakyaŋsi tagɨsi nandaŋek gen kobogɨ nayɨki. Jɨgɨ uŋun da nak aŋupbal akdɨsak.
14778	PSA 55:7	Do yaŋ yosot, “Bupmɨsi, nak kɨnarɨm da yaŋ pɨtno toŋ ak do nandɨsat. Aŋek pɨrɨropmaŋ kɨŋ yɨk yawot tamo kɨnda wusɨŋ kaŋ uŋudon yɨkgeŋ.
14867	PSA 61:2	Piŋkop, mɨrakgo yopmaŋek aŋpulugoki do yaŋ tɨdosot uŋun nandaki. Bɨsitno nandaki.
14868	PSA 61:3	Nak mɨktɨm dubagɨsikon da gak do yaŋ tɨdosot. Butnokon da paŋpulugogɨ mɨni egɨsat yaŋ nandaŋek yaŋ tɨdosot. Aŋkɨ nepbɨ tɨp madep da yoŋgamon pasɨlɨ egɨpbeŋ,
14878	PSA 62:4	Bɨsap niaŋ da nak nɨkba kɨmokgeŋ do emat akdaŋ? Ji nak dam garaŋɨ yombem kɨnda da yaŋ wagɨlsi tuwɨl kɨkeŋ do nandaŋ.
14886	PSA 62:12	Bɨsap morapmɨ Piŋkop da yaŋ yaŋban nandagɨm, “Nak naga Piŋkop, tapmɨmno madepsi.
14939	PSA 66:15	Gak do bɨt kɨlapyo madepsi baŋ altakon soŋek gak do paret abeŋ. Sipsip wɨli madepsi baŋ soŋapbo uŋun dakon kɨbaŋɨ tagɨsi uŋun nandabi. Bulmakau wɨli ae meme wɨli kɨsi gak do paret abeŋ.
14942	PSA 66:18	Butnokon dɨwarɨno tawit uŋun yaŋkwok dɨma agɨm tam, Amɨn Tagɨ bɨsitno dɨma nandaban.
14946	PSA 67:2	Piŋkop nin do nandaŋ yawok nimɨŋek ninon yo tagɨsi abi. Butgo ninon yɨpmaŋek yo tagɨsi aŋ nibi dosi nandamaŋ.
14968	PSA 68:16	Basan dakon kabap uŋun madepsi. Ɨleŋ monɨŋ monɨŋni morapmɨsi.
14969	PSA 68:17	Kabap madep Basan, gak nido Piŋkop da Jerusalem dakon kabap Saion uŋudon iyɨ yɨt do tɨlak agɨt uŋun do nandabɨ yokwi tok asal? Yawe iyɨ toktogɨ uŋun kabapmon egɨpdɨsak.
14975	PSA 68:23	Amɨn Tagɨ da yaŋ yosok, “Nak da uwalji Basan ekwaŋ uŋun aeno tɨmɨk paŋapdɨsat. Tap ɨdap da kadagɨkonsi baŋ tɨmɨk pawɨkeŋ.
14980	PSA 68:28	Benjamin dakon mɨŋat amɨnyo kaloŋɨsok da mibɨltok kwaŋ. Ae Juda amɨn dakon kɨla amɨn gat ae mɨŋat amɨnyo gat Benjamin dakon amɨn kabɨ baŋ yolgaŋ. Aŋakwa Sebulan gat Naptali gat dakon kɨla amɨn buŋon yolgaŋ.
14992	PSA 69:4	Piŋkop gak da aŋpulugoki do toktogɨsi yaŋ tɨdaŋ egek tapmɨmno mɨnisi asak. Bɨsap dubagɨ gak do jomjom aŋek egɨt, do tekno bap taŋakwan dabɨlno tep namaŋ.
14993	PSA 69:5	Ɨsal dogɨn nandaba yokwi tok aŋ namaŋ amɨn morapmɨ ekwaŋ. Busuŋ daŋgwano dakon tɨlak yapmaŋdak. Uwalno mibɨlɨ mɨni nak aŋtasɨk ak do aŋ. Nak kabo dɨma naŋ yomɨŋapbo top yaŋ namaŋ, do naga dakon yo kabɨno dɨwarɨ yomɨsat.
15005	PSA 69:17	Yawe, gak bɨsapmɨ bɨsapmɨ but dasi galak taŋ namɨŋek yo tagɨsi aŋ namɨsal. Yaŋdo, bɨsitno dakon bamɨ nabi. Bupmɨgo uŋun madepsi, do abɨŋ aŋpulugoki.
15013	PSA 69:25	Butjap sigɨn nandaŋ yomɨŋek yo yokwisi aŋ yobi. Aŋek butjapgo da aban pasɨl mudoni.
15020	PSA 69:32	Aŋapbo Yawe da aŋpak uŋun abeŋ do but dasi galak taŋ kɨmotjak. Bulmakau baŋ paret abeŋ uŋun do madepsi dɨma galak tosok.
15033	PSA 71:2	Gak wagɨl kɨlegɨsi, do nak aŋpulugaŋek uwalno da kɨsiron naŋ kukwaŋ nepbi. Bɨsitno nandaŋek pulugaŋ nepbi.
15115	PSA 74:12	Mani Piŋkop, kalɨpsigwan gak kɨla amɨn madepnin egɨpgul, ae abɨsok kɨsi kɨla amɨn madepnin egɨ nimɨsal. Bɨsap morapmɨ gak da nin paŋpulugaŋbɨ emaron dɨma tasɨk tagɨmaŋ.
15152	PSA 77:2	Nak Piŋkop da aŋpulugosak do yaŋ tɨdosot. Bɨsitno nandɨsak do nandɨsat.
15155	PSA 77:5	Butno jɨgɨsi, do gen arɨpmɨ dɨma yokeŋ. Piŋkop gak da yum nandaŋaki dɨpmɨn dɨma pokdot.
15156	PSA 77:6	Nak kalɨp tagɨ egɨpgum uŋun do nandɨsat. Bɨlak uŋun kɨlɨ kɨŋ mudawit, uŋun do nandɨsat.
15160	PSA 77:10	Piŋkop da kɨlɨ ɨŋtaŋ nimgut da bupmɨ nandaŋ nim do dɨma bo nandɨsak? Butjapni da bupmɨni sopmaŋdak bo?”
15179	PSA 78:8	Aŋek babɨkni yombem dɨma egɨpni. Babɨkni kwen wɨgɨk aŋek Piŋkop dakon gen pabɨŋ yopmaŋek tebai dɨma nandaŋ gadaŋ ɨmgwit. Aŋek wupmon da toktogɨsi dɨma yolgwit.
15183	PSA 78:12	Babɨkni da dabɨlon Isip mɨktɨm uŋudon Soan mɨktɨm tɨmon Piŋkop da wasok tapmɨmɨ toŋ agɨt.
15209	PSA 78:38	Mani bupmɨ nandaŋ yomɨŋek dɨwarɨni wɨrɨrɨk yomɨŋek dɨma paŋupbal agɨt. Bɨsap morapmɨ butjapni yɨpmaŋek dɨma japtaŋ yomgut.
15211	PSA 78:40	Bɨsap morapmɨ mɨktɨm kɨbɨrɨ tɨmon kwen wɨgɨk aŋakwa bupmɨsi nandagɨt.