13956	PSA 2:7	Kɨla amɨn madep da yaŋ yosok, “Yawe da yo madep kɨnda nayɨgɨt uŋun yaŋ teŋteŋokdɨsat. Yaŋ nayɨgɨt, ‘Gak Monjino. Abɨsok nak gak dakon Datgo dagosot.
13967	PSA 3:6	Dɨpmɨn potpot tamokon pagek obɨsi pak ɨŋtosot. Ae don pɨdaŋek tagɨsi egɨsat, nido Yawe da kɨlano tagɨsi asak.
14017	PSA 7:14	Amɨn uŋun dapban kɨmotni do dɨkdɨkni kɨlɨ paŋnoman agɨt. Dɨkdɨk mɨleŋ asɨpmɨ toŋ paŋnoman asak.
14071	PSA 11:1	Nak aŋkutnosak do Yawekon kɨsat. Do gak nido yaŋ nayɨsal, “Amɨn yokwi obipni paŋɨlɨkgaŋ! Pɨlɨn tukgwan amɨn kɨlegɨ yam do dɨkdɨkni bɨsapmon sambaŋ! Do mɨnam kɨnda da yaŋ pasalek kabapgwan wɨgɨ!
14083	PSA 12:6	Mani Yawe da yaŋ yosok, “Amɨn yokwi da tapmɨmni mɨni amɨn pabɨŋ yopmaŋgaŋ, ae yoni mɨni amɨn iyoŋ iyoŋ yaŋek ekwaŋ. Do nak da abɨŋ paŋpulugokeŋ. Uŋun nak da paŋkutnokeŋ do yoŋ, do yaŋsi akdɨsat.”
14085	PSA 12:8	Yawe, amɨn yokwi uŋun dukwan dukwan kɨsi agek aŋpak ɨŋani uŋun do yo tagɨsi yaŋ nandaŋ. Do bɨsapmɨ bɨsapmɨ kɨlanin tagɨsi aŋaki amɨn yokwi da nin dɨma paŋupbal ani.
14090	PSA 13:4	Yawe Piŋkopno, nandaŋ namɨŋek bɨsitno nandaki. Dɨma aŋteban aki kaŋ, nak kɨmokgeŋ.
14155	PSA 18:25	Dabɨlnikon gwaljɨgɨ mɨnisi egɨpgum, do Yawe da aŋpakno kɨlegɨ uŋun do nandaŋek kobogɨ do aŋpak tagɨsi aŋ namgut.
14181	PSA 18:51	Yawe da kɨla amɨn madepni nak Dewit aŋ pulugaŋakwan uwal madepsi pabɨŋ yopmaŋdat. Bɨsapmɨ bɨsapmɨ iyɨ do tɨlak agɨt amɨn nak but dasi galak taŋ namɨsak. Ae dagok dagogɨ mɨni dɨwatno don altoni uŋun but dasi galak taŋ yomdɨsak.
14219	PSA 21:13	Dɨkdɨkgo baŋ yamaŋ yobɨ tobɨlek pasal si kɨkdaŋ.
14251	PSA 22:31	Don altaŋ altaŋ ani amɨn da omani aŋɨmdaŋ. Amɨn da Amɨn Tagɨ do yaŋ teŋteŋok aŋakwa don altoni amɨn da nandaŋ aŋaŋ kɨkdaŋ.
14311	PSA 27:9	Dɨma gandakeŋ yaŋ do dɨma pasɨlgi. Nak oman amɨngo, do butjap nandaŋek dɨma akwayɨkgi. Piŋkop, gak paŋpulugokno. Gak da nak yokwikon naŋ abɨdosol. Dɨma nepmaŋ dekgi.
14317	PSA 28:1	Yawe, gak tɨp madepno, bɨsitno nandaŋek aŋpuluga. Dɨma aŋpulugoki kaŋ, nak amɨn kɨmakbi da tɨlak egɨpbeŋ.
14342	PSA 30:6	Bɨsap pɨsɨpmɨsok butjap nandɨsak. Mani mɨktɨmon ekwamaŋ bɨsap morap nin do tagɨsi nandaŋek yo tagɨsi aŋnimɨsak. Dabɨl pakbigo kalbi tagɨ moni, mani wɨsa dagokdo kɨsɨk kɨsɨk aego akdɨsal.
14377	PSA 32:3	Dɨwarɨno dɨma yaŋ teŋteŋagɨm bɨsapmon gɨldat kalba ae kalbi but yokwi nandaŋek iyoŋ iyoŋ yaŋek egɨpgum. Aŋek tapmɨmno wagɨlsi alek tawit.
14379	PSA 32:5	Don dɨwarɨno gagon yaŋ teŋteŋagɨm. Aŋpakno yokwi kɨnda dɨma aŋkɨsɨbɨgɨm. “Yawekon dɨwarɨno kɨsi yaŋ kwokeŋ” yaŋ yagɨm. Yaŋkwok abo dɨwarɨno kɨsisi wɨrɨrɨk namgul.
14380	PSA 32:6	Do amɨn gak golgaŋ jɨgɨ bɨsapmon gak do bɨsit yoni. Aŋakwa jɨgɨ pakbi ɨkdak uŋun da tɨlak abɨŋek arɨpmɨ dɨma pabɨŋ depni.
14390	PSA 33:5	Yawe uŋun aŋpak kɨlegɨ ae gen kokwin kɨlegɨsi uŋun do but dasi galak tosok. Dagok dagogɨ mɨni mɨktɨmɨ mɨktɨmɨ amɨn do but dasi galak taŋ yomɨsak.
14403	PSA 33:18	Mani amɨn morap Yawe do pasolgoŋ uŋun iyɨ kɨlani asak. Dagok dagogɨ mɨni amɨn do but dasi galak taŋ yomɨsak uŋun do nandaŋek jomjom aŋ amɨn uŋun kɨlani tagɨsi asak.
14407	PSA 33:22	Yawe, gak nin paŋpulugoki do jomjom amaŋ. Dagok dagogɨ mɨni but dasi galak taŋ nibi dosi nandamaŋ.
14433	PSA 35:3	Dɨkdɨk gat ae gwawiya gat tɨmɨgek nak aŋ sopmaŋgaŋ amɨnon emat abi. “Nak yokwikon baŋ tɨmɨt tɨmɨt amɨngo!” yaŋ nayɨki.
14442	PSA 35:12	Nak aŋpak tagɨ baŋ aŋ yomɨŋapbo, uŋun da kobogɨ do aŋpak yokwi baŋ aŋ namaŋ. Do but yokwi nandɨsat.
14446	PSA 35:16	Uŋun da yaŋsul sigɨn yaŋ namɨŋek gen yokwisi nayaŋ. Dɨma galak taŋ namɨŋek mam noŋ.
14449	PSA 35:19	Amɨn dɨwarɨ ɨsal dogɨn uwal aŋ namaŋ. Yum pɨndakbɨ nak abɨŋ nepmaŋek kɨsɨk kɨsɨk dɨ abam. Uŋun ɨsal dogɨn nandaba yokwi tok aŋ namaŋ. Do yum pɨndagaki nak dakon jɨgɨ do kɨsɨk kɨsɨk dɨma ani.
14454	PSA 35:24	Yawe Piŋkopno, gak aŋpak kɨlegɨ asal. Do nak aŋpulugaŋbɨ uwalno da nak aŋpak kɨlegɨ asat yaŋsi nandani. Yum pɨndagaki nak da yokwi toko nandaŋek kɨsɨk kɨsɨk dɨma ani.
14463	PSA 36:5	Dɨpmɨn tamokon pokdok bɨsapmon yokwi asak dakon kosit dakon nandak nandak asak. Kosit yokwisi baŋgɨn agek aŋpak yokwi manji dɨma yomɨsak. Piŋkop dakon aŋpak tagɨsi
14479	PSA 37:8	Amɨn yokwi wagɨl tasɨk taŋ mudokdaŋ. Mani mɨŋat amɨnyo nandaŋ gadat aŋek Yawe da paŋpulugosak do jomjom aŋ, uŋun mɨktɨmnikon tagɨsi egɨpdaŋ. Do gak butjap yɨpbisi. Ae nandaba kɨk yo kɨsi dɨma abi. Yaŋ abi kaŋ, uŋun da gak ɨlɨk aŋkwan yokwi akdɨsal.
14499	PSA 37:28	Nido Yawe gen kokwin kɨlegɨsi aŋ amɨn do but dasi galak taŋ yomɨsak. Mɨŋat amɨn kabɨni geni guramɨkgaŋ uŋun manji dɨma yomdɨsak. Dagok dagogɨ mɨni Yawe da kosit kɨlegɨ akwaŋ amɨn kɨlani asak, mani amɨn yokwi dakon gwakni uŋun tasɨk tokdaŋ.
14522	PSA 38:11	Wamno gami pi tebaisi aŋakwan tapmɨmno mɨnisi asak. Dabɨlno pɨlɨn taŋakwan tagɨ dɨma sɨŋtosot.
14556	PSA 40:8	Do yaŋ yosot, “Nak gagon kɨlɨ abɨsat. Kalɨp nak do gen kɨlɨ mandabi uŋun yaŋ,
14566	PSA 40:18	Nak wadak wadak amɨn. Mani Amɨn Tagɨ da nak do nandak nandak asak. Piŋkop, gak dagɨn paŋpulugok amɨno, ae nak yokwikon naŋ abɨdosol. Do jomjom dɨma abi. Tepmɨsi nak aŋpulugoki.
14613	PSA 44:16	Uwal da jɨgɨlak gen yaŋ namɨŋek gen gɨreŋ nayaŋ. Aŋek kobogɨ do aŋpak yokwisi aŋ namaŋ. Do bɨsapmɨ bɨsapmɨ yokwisi nandaŋek mayaktok obɨsi pasat.
14627	PSA 45:3	Gak amɨn tagɨsi. Amɨn gak yombem mɨni. Gengo uŋun tagɨsi gɨn. Do toktogɨsi Piŋkop da gak do yo tagɨsi aŋ gamdɨsak.
14720	PSA 50:20	Aŋek notji gen yaŋ yomaŋ. Dɨsi dakon meŋji dakon monjini yaŋba yokwi tok aŋ yomaŋ.
14721	PSA 50:21	Ji yaŋ aŋakwa nak gen kɨnda dɨma yagɨm. Do nak dɨsi yombem yaŋ nandaŋ namaŋ, mani dɨmasi. Abɨsok nak tebai dayɨŋek nomansi gen pikon depdɨsat.
14727	PSA 51:4	Sugaŋ aŋmɨlɨp aŋaki aŋpak yokwino mudoni. Dɨwarɨno wɨrɨrɨk namɨŋaki kɨlek tokeŋ.
14731	PSA 51:8	Asi, nin butninon da topmɨ mɨni egɨpneŋ do nandɨsal. Do gak da nandaŋ kokwingo tagɨsi butnokon nayɨŋ dekgi do nandɨsat.
14734	PSA 51:11	Dɨwarɨno aego dɨma pɨndakgi. Yokwino kɨsi wɨrɨrɨk mudoki.
14771	PSA 54:9	Aŋpulugaŋaki jɨgɨ morapno da dɨma abɨŋ nepgwit. Dabɨl da pɨndagapbo gak da uwalno pabɨŋ yopgul.
14778	PSA 55:7	Do yaŋ yosot, “Bupmɨsi, nak kɨnarɨm da yaŋ pɨtno toŋ ak do nandɨsat. Aŋek pɨrɨropmaŋ kɨŋ yɨk yawot tamo kɨnda wusɨŋ kaŋ uŋudon yɨkgeŋ.
14809	PSA 56:14	nido gak da kɨmoron naŋ pulugaŋaki dɨma kɨmakgɨm. Aŋpulugaŋaki sagalek dɨma nɨkgwit. Do Piŋkop da dabɨlon toktogɨsi teŋteŋɨnikon agɨpbeŋ.
14817	PSA 57:8	Piŋkop, butnokon da gak do tebaisi nandaŋ gadasat. Do gak dakon man awɨgɨk do kap yokdɨsat.
14818	PSA 57:9	Dɨpmɨn yɨpmaŋek pɨdokeŋsi. Gita ae kuleleyo tɨdokeŋsi. Wɨsa dɨma dagaŋakwan nak da kalɨp pɨdaŋek kap yokeŋ.
14824	PSA 58:3	Dɨmasi. Nandak nandakji yokwi ak dogɨn nandaŋ. Ji gen kokwin kɨlegɨsi dɨma aŋek dukwan dukwan mɨŋat amɨnyo madepsi paŋupbal aŋ.
14847	PSA 59:14	Do gak da butjap nandaŋ yomɨŋek dapbɨ kɨmotni kaŋ tagɨsi. Amɨn yokwi uŋun dapbɨ pasɨlni. Yaŋ aŋaki mɨŋat amɨnyo da gak do Piŋkop, ae Israel amɨn dakon kɨla amɨn madep, ae dukwan dukwan kɨsi dakon kɨla amɨn madep egɨsal yaŋ nandaŋ gamni.
14857	PSA 60:6	Mani gak da tɨlak kɨnda aŋenakgɨl. Do amɨn gak do pasolgoŋ uŋun tɨlagon kɨŋ altaŋek tagɨsi egakwa uwal da arɨpmɨ dɨma dapni.
14859	PSA 60:8	Piŋkop iyɨ da yutnon egek yaŋ yagɨt, “Nak emaron kɨlɨ teban tat. Do nak kɨsɨk kɨsɨk aŋek Sekem dakon mɨktɨm gat ae Sukot dakon galegɨ oba uŋun gat mɨŋat amɨno do kokwinɨk yomdɨsat.
14891	PSA 63:4	Mɨktɨmon egɨp egɨp uŋun tagɨsi, mani uŋun yapmaŋek gak da nin do but dasi galak taŋ nimɨsal uŋun da wukwisi asak. Do nak mango yaŋ aŋkɨsisat.
14893	PSA 63:6	Amɨn da jap galagɨsi nelagɨ toŋ naŋek arɨpmɨ aŋ uŋudeŋ wupno galagɨsi nandɨsak. Do nak kɨsɨk kɨsɨk kap yaŋek mango yaŋ aŋkɨsisat.
14914	PSA 65:4	Dɨwarɨnin da wɨtjɨŋba wagɨl yokwisi egɨpgumaŋ, mani gak da dɨwarɨnin wɨrɨrɨk nimgul.
14931	PSA 66:7	Uŋun tapmɨmni madepsi, ae kɨla amɨn madep dagok dagogɨ mɨni egɨ wugɨsak teban. Egek amɨn da yo morap aŋ uŋun pakyaŋsi pɨndakdak. Do kwen wugɨk dɨma aŋ ɨmneŋ.
14994	PSA 69:6	Piŋkop, nak nandaŋ kokwini tagɨ dɨma amɨn kɨnda gak da nandaŋ namɨsal. Dɨwarɨno arɨpmɨ dɨma paŋkɨsɨbɨkeŋ.
15012	PSA 69:24	Dabɨlni abɨ pɨlɨn tuk ani, aŋek yo saŋbeŋek dɨma pɨndatni. Manji paŋupbal abɨ tebai dɨma atni dosi nandɨsat.
15075	PSA 72:20	(Dewit, Jesi dakon monji, uŋun dakon bɨsit obɨŋ ɨdon dagosok.)
15081	PSA 73:6	Do iyɨ do nandaba wɨgakwa kɨsɨk kɨsɨk aŋ, ae nomansi amɨn dɨwarɨ dapmaŋek paŋupbal aŋ.
15085	PSA 73:10	Do Piŋkop dakon mɨŋat amɨnyo dɨwarɨ kwen wɨgɨk amɨn dakon gen do galak taŋek geni uŋun nandaŋ gadaŋ.
15132	PSA 75:6	Dɨsi dakon tapmɨm do kɨsɨk kɨsɨk dɨma ani, ae madepsi yaŋ tɨdaŋek manji gen dɨma yaŋ namni.’ ”
15204	PSA 78:33	Do mɨrɨm da gen kagakon noman taŋek tepmɨsi pasɨlgaŋ uŋun da tɨlak tepmɨsi paŋpasɨl agɨt. Uŋun paŋupbal aban pasol pasol madepsi aŋek kɨmakgwit.
15241	PSA 78:70	Piŋkop da oman amɨni Dewit manjɨŋek sipsip kɨla agɨron naŋ abɨdagɨt.
15243	PSA 78:72	Dewit but dasi nandaŋek kɨlani tagɨsi agɨt. Aŋek tagɨsi tɨmɨk paŋkɨgɨt.
15254	PSA 79:11	Dam tebanon ekwaŋ amɨn dakon kunamni nandaki. Aŋek tapmɨm madepgokon da uwal da amɨn dapba kɨmotni dosi kɨlɨ yawit, uŋun yokwikon baŋ tɨmɨkgi dosi nandɨsat.
15289	PSA 81:13	Do yum pɨndagapbo kwen wɨgɨk aŋpakni yolek galak toknikon yo awit.
15394	PSA 89:4	Gak da yaŋ yagɨl, “Naga dakon amɨno manjɨŋek uŋun gat saŋbek saŋbek kɨlɨ agɨm. Oman monjɨno Dewit uŋun do yaŋ teban tok kɨlɨ agɨm.
15411	PSA 89:21	Nak da oman amɨno Dewit kɨlɨ manjɨgɨm, aŋek yɨpbo ji dakon kɨla amɨn madep dagagɨt.
15417	PSA 89:27	Aŋek Dewit da yaŋ nayɨkdɨsak, ‘Gak Datno ae Piŋkopno. Gak da tɨp tebano egek toktogɨsi aŋpulugosol.’
15424	PSA 89:34	Mani uŋun bɨsapmon kɨsi nak Dewit but dasi galak taŋ ɨmdɨsat. Aŋek dɨma yɨpmaŋ dekgeŋ, ae uŋun do yaŋ teban tok agɨm uŋun dɨma aŋsuŋ abeŋ.
15426	PSA 89:36	Nak Dewit do yaŋ teban tok agɨm. Nak telagɨsi, do top dɨmasi yosot.
15440	PSA 89:50	Amɨn Tagɨ abɨsok nin dɨma galak taŋ nimɨsal, ma? Dewit gat yaŋ teban tok aŋek nin but dasi galak taŋ nim do yagɨl uŋun niaŋɨ?
15442	PSA 89:52	Yawe, gak da nak kɨla amɨn madep manjɨgɨl, mani uwal da yaŋsul aŋ namaŋ. Dukwan dukwan morap kɨsat yaŋsul aŋ namaŋ gɨn.
15468	PSA 91:8	Dabɨlgo da si pɨndagaki Piŋkop da amɨn yokwi kobogɨ yokwi yomdɨsak.
15488	PSA 92:12	Dabɨlno da pɨndagapbo uwalno tasɨk taŋ mudawit. Mɨrakno yopmaŋek uwalno yokwisi dakon kunam wɨwɨk nandagɨm.
15498	PSA 94:1	Yawe, gak Piŋkop, gak da yokwi pakpak amɨn yokwi aŋ dakon kobogɨ yomɨsal. Do abɨsok butjapgo yolɨŋaki tɨlɨmgo koni.
15579	PSA 100:5	Nido Yawe uŋun tagɨsi. Dagok dagogɨ mɨni amɨn do but dasi galak taŋ yomɨsak. Babɨkon da babɨkon geni aŋteban aŋek amɨn kabɨni paŋpulugaŋ aŋaŋ kɨkdɨsak teban.
15592	PSA 102:5	Amɨn da joŋ kɨbɨdaŋbi bamoŋ uŋudeŋ nak yokwisi egɨsat. Do jap nok do dɨma galak tosot.
15612	PSA 102:25	Do nak yaŋ iyɨgɨm, “Piŋkopno, toktok teban egɨsal. Nak amɨn pelaŋ dɨma at, do egɨp egɨpno abɨsok dɨma gwayeki.
15626	PSA 103:10	Dɨwarɨnin dakon kobogɨ yokwisi tɨmɨrɨ mani dɨma nimɨsak. Nin yokwi morapmɨsi amaŋ uŋun dakon kobogɨ do yo jɨgɨsi tɨmɨrɨ mani dɨma nimɨsak.
15629	PSA 103:13	Dat da mɨŋat monjɨyoni do bupmɨ nandaŋ yomaŋ uŋun da tɨlak Yawe da amɨn iyɨ do pasal ɨmaŋ amɨn do yaŋsi nandaŋ yomɨsak.
15672	PSA 104:34	Nak Yawe do kɨsɨk kɨsɨk asat. Do uŋun da nandak nandakno do galak tosak dosi nandɨsat.
15681	PSA 105:8	Yawe da saŋbek saŋbekni nin gat toktogɨsi agɨt. Dagok dagogɨ mɨni saŋbek saŋbekni do nandaŋ egɨsak.
15696	PSA 105:23	Don Jekop paŋkɨ Isip egɨpgut.
15716	PSA 105:43	Do aŋek mɨŋat amɨni tɨmɨk paŋkɨgɨt. Aŋakwan mɨŋat amɨn kabɨ iyɨ do kɨlɨ manjɨgɨt uŋun kap yaŋek kɨsɨk kɨsɨk aŋek kɨwit.
15719	PSA 106:1	Yawe dakon man awɨgɨni. Yawe aŋpakni uŋun tagɨsisi, do ya yaŋ iyɨneŋsi. Dagok dagogɨ mɨni nin do but dasi galak taŋ nimɨsak.
15735	PSA 106:17	Aŋakwa mɨktɨmon gapma madep kɨnda pɨsaŋ pɨgakwan Datan gat ae Abiram gat amɨn kabɨni gat kɨsi uŋun gapmagwan pɨgakwa mɨktɨm da abɨŋ sopmaŋakwan pasɨlgwit.
15746	PSA 106:28	Don Peor mɨktɨmon kokup kɨdat Bal gawak ɨmɨŋek kokup kɨdat egɨp egɨpmɨ mɨni uŋun do paret abi uŋun nawit.
15767	PSA 107:1	Yawe aŋpakni uŋun tagɨsisi, do ya yaŋ iyɨnisi. Dagok dagogɨ mɨni nin do but dasi galak taŋ nimɨsak.
15770	PSA 107:4	Dɨwarɨ mɨktɨm kɨbɨrɨ tɨmon agɨpgwit. Kokup pap kɨnda aŋalon aŋek uŋudon paŋkɨ egɨpni dakon kosit kɨnda dɨma kawit.
15776	PSA 107:10	Dɨwarɨ dam teban yutnon pɨlɨn tukgwan egɨpgwit. Amɨn da nap teban baŋ paŋteban aŋek jɨgɨ yomgwit.
15783	PSA 107:17	Dɨwarɨ kwen wɨgɨk aŋek nandaŋ kokwini tagɨ dɨma amɨn dagawit. Gulusuŋ morapmɨ awit, do jɨgɨ tepmɨyo madepsi pawit.
15789	PSA 107:23	Dɨwarɨ tap binap tap wakgakon pi awit. Tap madepmon agek moneŋ ɨlɨt pi awit.
15871	PSA 111:10	Amɨn kɨnda nandaŋ kokwini tagɨsi amɨn kɨnda dagok do nandɨsak kaŋ, Yawe do pasal ɨmjak. Amɨn geni guramɨkgaŋ uŋun nandak nandak tagɨsi yomɨsak. Dagok dagogɨ mɨni mani aŋkɨsiŋ aŋaŋ kɨneŋ!
15883	PSA 113:2	Dagok dagogɨ mɨni Yawe dakon man aŋkɨsini.
15903	PSA 115:5	Kokup kɨdat dakon wup uŋun gen kagani toŋ, mani gen arɨpmɨ dɨma yoni. Dabɨlni toŋ mani arɨpmɨ dɨma sɨŋtoni.
15938	PSA 118:1	Yawe aŋpakni uŋun tagɨsi, do ya yaŋ iyɨni. Dagok dagogɨ mɨni nin do but dasi galak taŋ nimɨsak.
15939	PSA 118:2	Israel amɨn ji yaŋ yoni, “Dagok dagogɨ mɨni nin do but dasi galak taŋ nimɨsak.”
15940	PSA 118:3	Piŋkop dakon mukwa sogok amɨn kabɨni yaŋ yoni, “Dagok dagogɨ mɨni nin do but dasi galak taŋ nimɨsak.”
15941	PSA 118:4	Mɨŋat amɨnyo morap Yawe do pasal ɨmaŋ amɨn yaŋ yoni, “Dagok dagogɨ mɨni nin do but dasi galak taŋ nimɨsak.”
15966	PSA 118:29	Yawe aŋpakni uŋun tagɨsi, do ya yaŋ iyɨni. Dagok dagogɨ mɨni nin do but dasi galak taŋ nimɨsak.
15985	PSA 119:19	Nak on mɨktɨmon mɨktɨm ŋwakŋwarɨkon amɨn kɨnda da egɨsat. Do gen tebango dɨma aŋkɨsɨbɨŋ nabi.
16008	PSA 119:42	Nawa gengo do nandaŋ dagosot. Do aŋpulugaŋaki nabɨpmaŋgaŋ amɨn do gen kobogɨ arɨpmɨ tagɨ paŋtobɨl yobeŋ.