13985	PSA 5:6	Iyɨ do nandaba wɨkwaŋ amɨn gak da dabɨlon tagɨ dɨma atni. Aŋpak yokwi aŋ amɨn morap dɨmasi galak taŋ yomɨsal.
13999	PSA 6:7	Iyoŋ iyoŋ yaŋ egapbo tapmɨmno wagɨlsi maŋ mudoŋ. Kalbi morap kunam pakbino da tamono wagɨlsi aŋgɨk asak. Kunam tagapbo busuŋ kɨdɨŋno madepsi gɨk tosok.
14063	PSA 10:11	Amɨn yokwi da yaŋ nandɨsak, “Piŋkop da nak ɨŋtaŋ namgut. Iyɨ dakon dabɨl kɨlɨ sopgut, do dɨma nandɨsak.”
14099	PSA 14:7	Nak Piŋkop da Saion amɨn kɨnda yabekban abɨŋ Israel amɨn yokwikon baŋ tɨmɨtjak do nandɨsat. Yawe da mɨŋat amɨni paŋpulugaŋban aeni tagɨsi egɨpni bɨsapmon, Israel amɨn kɨsɨk kɨsɨk akdaŋ. Asi, but galaksi egɨpdaŋ.
14203	PSA 20:7	Abɨsok nak nandɨsat. Yawe da kɨla amɨn madepni iyɨ manjɨgɨt aŋpulugosok. Uŋun Kwen Kokup kokupni tagɨsikon egek bɨsitni nandɨsak. Iyɨ da tapmɨmon aŋpulugaŋek uwalni da kɨsiron naŋ abɨdosok.
14222	PSA 22:2	Piŋkopno, Piŋkopno, nido nipmaŋ dekgɨl? Iyoŋ iyoŋ yaŋapbo nido dubagɨkon egek jɨgɨkon naŋ dɨma aŋpulugosol?
14224	PSA 22:4	Mani gak telagɨ egɨsal. Gak kɨla amɨn madep yɨgaki Israel amɨn da mango aŋkɨsaŋ.
14244	PSA 22:24	Yawe do pasal ɨmaŋ amɨn kabɨ, Yawe aŋkɨsini. Jekop dakon dɨwatni kabɨ, Yawe man madep ɨmni. Israel dakon dɨwatni kabɨ, Yawe gawak ɨmni.
14290	PSA 25:22	Piŋkop, amɨn kabɨgo Israel yumaŋ naŋaki jɨgɨni mibɨlɨ mibɨlɨ toŋ uŋun da dɨma pabɨŋ yopni.
14580	PSA 41:14	Yawe, Israel amɨn dakon Piŋkop toktogɨsi aŋkɨsiŋ aŋaŋ wɨgɨneŋ teban. Uŋun asi.
14601	PSA 44:4	Babɨknin emat agak sɨbakon da mɨktɨm uŋun dɨma abɨdawit. Iyɨ dakon tapmɨmon da emaron dɨma teban tawit. Gak da but dasi galak taŋ yomgul do uŋun gat egek teŋteŋɨ yomgul. Gak da tapmɨmon gɨn emaron teban tawit.
14659	PSA 47:5	Piŋkop da Jekop dakon dɨwatni nin do but dasi galak taŋ nimgut. Iyɨ mɨktɨm kɨnda manjɨŋek nin do kɨlɨ nimgut. Uŋun mɨktɨm do nandano yo madepsi asak.
14707	PSA 50:7	Piŋkop da yaŋ yosok, “Mɨŋat amɨn kabɨno mɨrak pani. Nak gen kɨnda dayɨkdɨsat. Israel amɨn nak da gen pikon depdɨsat. Nak Piŋkop egɨsat. Nak ji dakon Piŋkop.
14762	PSA 53:7	Nak Piŋkop da amɨn kɨnda Saion naŋ yabekban abɨŋ Israel amɨn yokwikon baŋ tɨmɨtjak dosi nandɨsat. Piŋkop da mɨŋat amɨni paŋpulugaŋban aeni tagɨsi egɨpni bɨsapmon Israel amɨn kɨsɨk kɨsɨk akdaŋ. Asi, but galaksi nandakdaŋ.
14816	PSA 57:7	Uwal da nak abɨdok do pat yɨpmaŋ, do jɨgɨ madepsi da nak obɨsi abɨŋ nepmaŋdak. Nak da mokeŋ do kosiron gapma wayɨk yɨpmaŋ. Mani dɨma magɨm. Iyɨ uŋun gapmagwan mawit.
14839	PSA 59:6	Piŋkop Yawe, Tapmɨm Ami, tepmɨsi abɨŋek nak aŋpulugoki. Gak Israel amɨn dakon Piŋkop, tepmɨsi abɨŋ amɨn kabɨ morap egɨ aŋaŋ kwaŋ tepmɨ pi yobi. Uŋun jamba but amɨnsi, do bupmɨ dɨma nandaŋ yobi.
14846	PSA 59:13	Toktogɨsi yokwi ak dogɨn yoŋ. Iyɨ do nandaba wɨkwaŋ do yum pɨndagaki iyɨ da paron yokwalni. Jobɨt tɨmɨtdo dakon gen ae top gen gat kɨsi yoŋ.
14847	PSA 59:14	Do gak da butjap nandaŋ yomɨŋek dapbɨ kɨmotni kaŋ tagɨsi. Amɨn yokwi uŋun dapbɨ pasɨlni. Yaŋ aŋaki mɨŋat amɨnyo da gak do Piŋkop, ae Israel amɨn dakon kɨla amɨn madep, ae dukwan dukwan kɨsi dakon kɨla amɨn madep egɨsal yaŋ nandaŋ gamni.
14861	PSA 60:10	Mani Moap mɨktɨm uŋun nak dakon pakbi sogok ɨdap. Ae Idom mɨktɨm uŋun nak dakon kandap gwɨl yopyop tamo. Aŋek nak emaron Pilistia amɨn pabɨŋ yopmaŋek kɨsɨk kɨsɨk aŋek yaŋ tɨdokdɨsat.”
14862	PSA 60:11	Piŋkop, namɨn da nak aŋaŋ kokup pap dam tebani toŋon aŋkɨsak? Ae namɨn da nak Idom mɨktɨmon emat ak do aŋkɨsak?
14865	PSA 60:14	Piŋkop da nin paŋpulugaŋakwan emaron teban toneŋ. Iyɨ uwalnin pabɨŋ yopdɨsak.
14905	PSA 64:6	Iyɨ paŋteban ak do aŋpak yokwi uŋun aŋ. Amɨn dɨwarɨ yokwalni do pat yopmaŋek gen yaŋ yoŋ, “Amɨn kɨnda da nin arɨpmɨ dɨma nindakdɨsak.”
14961	PSA 68:9	Uŋun bɨsapmon Sinai dakon Piŋkop abɨŋakwan mɨktɨm wudɨp agɨt. Asi, Israel dakon Piŋkop abɨŋakwan sɨkak madepsi magɨt.
14979	PSA 68:27	Uŋun kap yaŋ yoŋ, “Nin Piŋkop dakon mɨŋat amɨnyo, nin muwugek Piŋkop dakon man awɨgɨno. Israel amɨn, nin Yawe dakon man awɨgɨno.”
14983	PSA 68:31	Piŋkop, Isip uŋun joŋ kɨlap yokwi yombem, uŋun tebaisi iyɨki. Gak da uwalnin morap kwen wɨgɨk aŋ uŋun tebaisi yoyɨki. Tebai yoyɨŋaki wɨgɨ ŋwakbeŋ aŋek silwa gamni dakon bɨsapmon wugɨsak. Emat ak do nandaŋ amɨn yolbɨ dukwan dukwan kɨni.
14984	PSA 68:32	Isip amɨn da but galak dakon yo tɨmɨgek Jerusalem opdaŋ. Aŋakwa Itopia amɨn da Piŋkop do kɨsitni paŋenagek gawat gawat akdaŋ.
14987	PSA 68:35	Mɨŋat amɨnyo morap, ji Piŋkop dakon tapmɨm madepni do yaŋ teŋteŋoni. Uŋun Israel amɨn dakon kɨla amɨn madepni. Kundukon tapmɨm madepni nomansi komaŋ.
14988	PSA 68:36	Piŋkop iyɨ da telagɨ yutnon tapmɨmɨ toŋsi yɨkdak, do pasal ɨmɨŋ kɨmotneŋ. Israel amɨn dakon Piŋkop mɨŋat amɨni do tapmɨm madepni yomɨsak. Piŋkop aŋkɨsino!
14995	PSA 69:7	Amɨn Tagɨ Yawe Tapmɨm Ami, yum nandaŋaki yokwi dɨ abo gak da paŋpulugosak do nandaŋ gadat aŋek jomjom aŋ amɨn da mayaktok dɨ pabam. Israel amɨn nin dakon Piŋkopnin yum nandaŋaki yokwi dɨ abo gak wɨsɨŋ gandak do pi aŋ amɨn da mayaktok dɨ pabam.
15053	PSA 71:22	Piŋkopno, gak dɨmasi nepmaŋ dekdal, do mango awɨgɨk do gita tɨdokeŋ. Israel amɨn dakon Piŋkop telagɨ, mango awɨgɨk do gita tɨdaŋek kap yokeŋ.
15073	PSA 72:18	Piŋkop, Israel amɨn dakon Yawe aŋkɨsino. Yo masɨ masɨmɨsi uŋun kaloŋ dagɨn asak.
15076	PSA 73:1	Piŋkop da Israel amɨn do yo tagɨsi aŋ yomɨsak. Piŋkop da butnigwan yoni mɨnisi amɨn do yo tagɨsi yomɨsak.
15139	PSA 76:2	Juda mɨktɨmon amɨn da Piŋkop pakyaŋsi nandaŋ ɨmaŋ. Israel mɨktɨmon mani wukwisi tosok.
15176	PSA 78:5	Piŋkop da Jekop do geni yomgut. Israel dakon babɨni da guramɨtni do yomgut. Kalɨpsigwan babɨknin yaŋ yoyɨgɨt, “Ji monjɨ gwayosi nak dakon gen teban morapno pakyaŋsi yoyɨŋdetni.”
15183	PSA 78:12	Babɨkni da dabɨlon Isip mɨktɨm uŋudon Soan mɨktɨm tɨmon Piŋkop da wasok tapmɨmɨ toŋ agɨt.
15184	PSA 78:13	Uŋun da tap ɨdap pudaŋban tap ɨdap terɨ terɨ agakwan Israel amɨn binapmon da paŋkɨgɨt.
15192	PSA 78:21	Yawe da geni uŋun nandaŋek Jekop do butjap nandaŋ yomgut. Israel dakon amɨn kabɨ do kɨndap yɨpban pɨŋakwan japmɨsi nandaŋ yomgut.
15202	PSA 78:31	Piŋkop da butjap nandaŋek Israel amɨn dakon monjɨ tebaisi ae tagɨsi uŋun dapban kɨmakgwit.
15212	PSA 78:41	Israel amɨn dakon Piŋkop Telagɨsi bɨsap morapmɨ aŋkewalakwa nandaban yokwi tok aŋyomgut.
15214	PSA 78:43	Uŋun tɨlak tapmɨmɨ toŋ Isip mɨktɨmon Soan mɨktɨm tɨmon agɨt uŋun do dɨma nandawit.
15222	PSA 78:51	Isip amɨn morap kɨsi dakon monjɨ mibɨltogɨ dapban kɨmakgwit.
15226	PSA 78:55	Mɨŋat amɨni apgwit bɨsapmon amɨn ŋwakŋwarɨ yolban kɨwit. Kɨŋakwa mɨktɨm uŋun Israel amɨn kabɨ do kokwinɨk yomgut. Aŋek yopban yutnikon yɨkgwit.
15227	PSA 78:56	Mani Israel amɨn da Piŋkop Wukwisi aŋkewalek kwen wɨgɨk aŋ ɨmɨŋek gen tebani dɨma guramɨkgwit.
15230	PSA 78:59	Piŋkop da aŋpakni pɨndagek butjap nandaŋ yomgut, do Israel amɨn do manji wagɨlsi yomgut.
15242	PSA 78:71	Sipsip kɨla agɨron naŋ abɨdaŋek yɨpban amɨn kabɨni Jekop dakon kɨla amɨni dagagɨt. Piŋkop iyɨ dakon amɨn kabɨni Israel kɨla agɨt.
15258	PSA 80:2	Israel dakon Sipsip Kɨla Amɨn, gak Josep dakon amɨn kabɨ sipsip baŋ yaŋ kosit yolɨsal. Bɨsitnin nandaŋ nibi. Aŋelo madep serabim bamot da binapmon kɨla amɨn madep yɨgek tɨlɨmgo mɨŋat amɨn kabɨgo do yolɨŋbɨ pɨndatni.
15265	PSA 80:9	Kalɨpsigwan gak wain nap kɨnda Isip mɨktɨmon naŋ aŋapgul. Aŋek on mɨktɨmon amɨn kabɨ yolbɨ kɨŋakwa wain nap uŋun kwaokgɨl.
15281	PSA 81:5	Yaŋ aneŋ do Jekop dakon Piŋkop da Israel amɨn nin do gen teban uŋun nimgut.
15282	PSA 81:6	Kalɨpsi Isip amɨn pabɨŋ yopgut bɨsapmon, Piŋkop da gen teban uŋun Israel amɨn nin do nimgut.
15285	PSA 81:9	“Nak dakon amɨn kabɨno, nawa dayɨko nandabɨt. Israel amɨn, nak dakon gen nandaŋek guramɨtni do madepsi nandɨsat.
15287	PSA 81:11	Nak kaloŋgɨn ji dakon Yawe ae Piŋkopji egɨsat. Nak naga Isip mɨktɨmon baŋ ji tɨmɨk paŋopgum. Gen kagasi aŋtaŋ kɨŋakwa upmokgeŋ.
15288	PSA 81:12	“Mani babɨkji da nak dakon gen nandak do dɨma galak tawit. Asisi, Israel amɨn nak dakon gen guramɨt do dɨma galak tawit.
15290	PSA 81:14	“Nak mɨŋat amɨno da geno guramɨk kɨmotni dosi nandɨsat. Ae Israel amɨn nak dakon galaktok yol kɨmotni do nandɨsat.
15306	PSA 83:5	Uŋun da yaŋ yoŋ, “Kɨlɨ kɨno! Israel amɨn dapno pasɨl mudaŋakwa, amɨn da saŋbeŋek dɨma nandaŋ yomni.”
15308	PSA 83:7	Idom amɨn, ae Ismael amɨn, ae Moap amɨn, ae Akri amɨn,
15366	PSA 87:2	Yawe da Israel mɨktɨm dakon kokup morap do galak tosok, mani Jerusalem do madepsi but dasi galak tosok.
15368	PSA 87:4	Piŋkop da yaŋ yosok, “Namɨn amɨn da nak dakon gen guramɨkdak, uŋun manjɨkeŋ bɨsapmon, Isip ae Babilon kɨsi manjɨkeŋ. Aŋek Pilistia, Tair ae Itopia do yaŋ yokdɨsat, ‘Uŋun yo kɨsi Jerusalem amɨn gɨn.’
15395	PSA 89:5	Aŋek yaŋ iyɨgɨm, ‘Israel dakon kɨla amɨn madep noman taŋ noman taŋ ani uŋun gak da kabɨkon dagɨn noman tokdaŋ. Babɨkon da babɨkon gak da kabɨkon nani kɨnda da kɨla amɨn madep yɨyɨt tamokon yɨtdɨsak.’ ”
15401	PSA 89:11	Gak da Isip dakon tapmɨm madepni tuwɨlek obɨsi aŋupbal agɨl. Aŋek tapmɨm madepgokon da uwalgo pabɨŋ yopgul.
15409	PSA 89:19	Asisi, Yawe uŋun pasɨknin egɨ nimɨsak. Gak Israel amɨn nin dakon Piŋkop Telagɨsi nin da kɨla amɨn madepnin nimgul.
15420	PSA 89:30	Toktogɨsi uŋun da kabɨkon kɨnda da kɨla amɨn madep egɨ egɨ akdɨsak. Kundu da toktogɨsi tosok uŋun da tɨlak, uŋun da kabɨkon kɨla amɨn madep kɨnda da toktogɨsi Israel amɨn kɨla akdɨsak.
15504	PSA 94:7	Aŋek yaŋ yoŋ, “Yawe da nin dɨma nindasak. Israel amɨn dakon Piŋkop yo nin da amaŋ uŋun do nandaba kɨk dɨma asak.”
15554	PSA 97:10	Ji Yawe but dasi galak taŋ ɨmaŋ amɨn, ji aŋpak yokwi do nandaba ɨŋanisi asak. Iyɨ dakon telagɨ amɨn kabɨni, yokwi aŋ amɨn da kɨsiron baŋ tɨmɨgek kɨlani asak.
15559	PSA 98:3	Israel amɨn do but dasi galak taŋek dɨma yopmaŋ det do yaŋ teban tok agɨt uŋun do sigɨn nandɨsak. Piŋkopnin da emaron teban taŋek nin yokwikon baŋ pulugaŋ nipgut, uŋun mɨktɨmɨ mɨktɨmɨ amɨn ekwaŋ uŋun da kɨlɨ kawit.
15569	PSA 99:4	Kɨla amɨn madep tapmɨmɨ toŋ gak aŋpak kɨlegɨsi uŋun do galagɨsi nandɨsal. Gak da Israel amɨn nin do aŋpak tagɨsi gat ae aŋpak kɨlegɨ gat nibɨ yolgamaŋ. Gak da Israel mɨktɨmon gen kokwin kɨlegɨ gat ae aŋpak kɨlegɨ gat asal.
15584	PSA 101:5	Nak da amɨn do yaŋba yokwi tok aŋ amɨn obɨsi paŋupbal akdɨsat. Iyɨ do nandaba wɨgɨsak amɨn gat dɨma egɨpneŋ.
15623	PSA 103:7	Kalɨpsigwan yo morap ak do nandagɨt uŋun Moses naŋ iyɨgɨt. Ae pi tapmɨmɨ toŋ agɨt uŋun Israel amɨn do yolɨŋban pɨndakgwit.
15683	PSA 105:10	Ae Jekop, Israel amɨn dakon babi, saŋbek saŋbek uŋun toktogɨsi tosak do Yawe da iyɨgɨt.
15685	PSA 105:12	Kalɨp Israel amɨn kaloŋɨsok, ae apbi amɨn yombem da egɨpgwit. Asi, Kenan mɨktɨmon egɨpgwit, mani iyɨ dakon mɨktɨm uŋun mɨni.
15690	PSA 105:17	Mani Josep yabekban uŋun da mibɨl taŋek uŋun da kalɨp paŋkɨ Isip mɨktɨmon egɨpgut. Peni padɨk padɨkyo da moneŋ tɨmɨt do nandaŋek amɨn dakon oman monjɨni egɨpjak do amɨn do yomgwit.
15693	PSA 105:20	Kɨlɨ Isip amɨn dakon kɨla amɨn madep da amɨn kɨnda yabekban kɨŋ Josep dam tebanon naŋ pulugagɨt. Amɨn Ŋwakŋwarɨ Kabɨ dakon kɨla amɨn uŋun da Josep pulugaŋ yɨpban kɨgɨt.
15696	PSA 105:23	Don Jekop paŋkɨ Isip egɨpgut.
15698	PSA 105:25	Yawe da Isip amɨn dakon butni paŋtobɨlban mɨŋat amɨn kabɨni do uwal aŋ yomgwit. Aŋek Yawe dakon oman amɨni do yokwi aŋ yom do kosit wusɨk awit.
15699	PSA 105:26	Mani don, Yawe da oman amɨni Moses gat Aron gat manjɨŋek yabekban Isip kɨgɨmal.
15700	PSA 105:27	Kɨŋ altaŋek Yawe dakon wasok tapmɨmɨ toŋ Isip mɨktɨmon agɨmal.
15701	PSA 105:28	Yawe da pɨlɨn tuk yɨpban pɨlɨn tuk da mɨktɨm wutjɨgɨt, mani Isip da geni abɨŋ yɨpgwit.
15704	PSA 105:31	Yawe da yaŋakwan bɨgal gat ae gugɨm gugɨm kɨsi morapmɨsi ɨreŋ taŋek Isip mɨktɨm kɨsi tugawit.
15708	PSA 105:35	Pɨlak pɨlak da yo tamɨ toŋ morap nawit. Aŋek Isip amɨn da jap kwaokgwit dakon bamɨ kɨsi nawit.
15709	PSA 105:36	Ae Isip amɨn morapmon amɨn yurɨ kɨndakon monjɨ mibɨltogɨ Piŋkop da dapban kɨmak kɨmak awit.
15710	PSA 105:37	Mani don, Israel amɨn tɨmɨk paŋkɨŋakwan Isip yɨpmaŋ dekgwit. Silva ae gol kɨsi tɨmɨgek kɨwit. Israel amɨn morap kɨsi tagɨsi egɨpgwit, kɨnda sot dɨma agɨt.
15711	PSA 105:38	Isip amɨn Israel do madepsi pasalgwit, do kɨŋ mudaŋakwa but galak nandawit.
15718	PSA 105:45	Israel amɨn da gen morapni gat ae gen teban morapni guramɨk kɨmotni do yaŋ agɨt. Yawe dakon man awɨgɨni!
15725	PSA 106:7	Isip mɨktɨmon babɨknin gak da wasok tapmɨmɨ toŋ agɨl uŋun do pakyaŋsi dɨma nandawit. Gak da bɨsap morapmɨ aŋpak tagɨsi aŋ yomgul, mani uŋun do si ɨŋtawit. Aŋek Tap Gamikon kɨŋ altawit bɨsapmon gak kwen wɨgɨk aŋ gamgwit.
15731	PSA 106:13	Mani Yawe da yo agɨt uŋun do tepmɨsi ɨŋtawit. Aŋek mibɨltok Piŋkop da si yoyɨŋakwan yo ak do dɨma nandawit. Iyɨ da nandak nandagon da yo awit.
15739	PSA 106:21	Piŋkop da Isip mɨktɨmon pi tapmɨmɨ toŋsi aŋek Isip da kɨsiron baŋ tɨmɨkgɨt, mani Israel amɨn da si ɨŋtaŋ ɨmgwit.
15740	PSA 106:22	Piŋkop da wasok tapmɨmɨ toŋ Isip mɨktɨmon agɨt, ae yo ŋwakŋwarɨsi Tap Gamikon aban mɨŋat amɨnyo madepsi wɨrɨpdakgwit.
15741	PSA 106:23	Piŋkop da mɨŋat amɨni dapban kɨmotni do yagɨt. Mani pi amɨni uŋun manjɨgɨt uŋun Moses, uŋun da Piŋkop da dabɨlon agek Israel amɨn paŋpulugaŋek Piŋkop dakon butjap dakon kosit sopmaŋakwan Piŋkop da dɨma paŋupbal agɨt.
15750	PSA 106:32	Israel amɨn Meriba pakbikon yokwi aba Piŋkop butjap nandaŋ yomgut, do uŋun aŋpakni do aŋek Moses jɨgɨ madep pagɨt.
15753	PSA 106:35	Israel amɨn Piŋkop dɨma nandaŋ ɨmaŋ kabɨkon mɨŋat eyo aŋek uŋun dakon aŋpak yokwini yolek awit.
15756	PSA 106:38	Iyɨ dakon monjɨ gwayoni baŋ dapgwit. Monjɨ gwayoni gulusuŋ dɨma awit, mani dapmaŋ paretni do Kenan amɨn dakon kokup kɨdat do ɨmgwit. Aŋakwa yawini da mɨktɨm aŋupbal aban Piŋkop da dabɨlon ɨŋani agɨt.
15764	PSA 106:46	Aŋek uwal Israel amɨn dam tebanon yopgwit amɨn dakon burɨ paŋtobɨlban Israel amɨn do bupmɨ nandawit.
15766	PSA 106:48	Yawe aŋkɨsineŋ. Uŋun Israel amɨn nin dakon Piŋkop abɨsok ae don egɨ aŋaŋ kɨneŋ kɨsi dakon. Amɨn morap kɨsi da yoni, “Uŋun asi!” Yawe aŋkɨsini!
15786	PSA 107:20	Iyɨ yaŋek gɨptɨmni paŋmɨlɨp aban kɨmakbi tamogwan dɨma pɨgɨwit.