13953	PSA 2:4	Kwen Kokup kɨla amɨn madep yɨtyɨt tamonikon yɨkdak amɨn jɨkgo yanjaŋ yomɨsak. Amɨn Tagɨ da jɨgɨlagon da pabɨŋ yopmaŋdak.
13956	PSA 2:7	Kɨla amɨn madep da yaŋ yosok, “Yawe da yo madep kɨnda nayɨgɨt uŋun yaŋ teŋteŋokdɨsat. Yaŋ nayɨgɨt, ‘Gak Monjino. Abɨsok nak gak dakon Datgo dagosot.
13960	PSA 2:11	Ji Yawe do pasal ɨmɨŋek omani ani. Kɨsɨk kɨsɨk aŋɨmɨŋek pasal nɨmnɨmɨk ɨmni.
13982	PSA 5:3	Kɨla Amɨn Madepno ae Piŋkopno, aŋpulugoki do bɨsit asat, do yaŋ ɨlɨtno nandaŋ nabi.
13988	PSA 5:9	Yawe, uwal da nak aŋupbal akdaŋ, do kosit yɨpmaŋ namɨŋaki aŋpakgo kɨlegɨ uŋun yolbeŋ. Kosit agɨpbeŋ do nandɨsal uŋun nolɨki.
13998	PSA 6:6	Amɨn kɨmakbi dɨma nandaŋ gamaŋ. Kɨmakbi tamogwan da gak dɨma aŋkɨsaŋ.
13999	PSA 6:7	Iyoŋ iyoŋ yaŋ egapbo tapmɨmno wagɨlsi maŋ mudoŋ. Kalbi morap kunam pakbino da tamono wagɨlsi aŋgɨk asak. Kunam tagapbo busuŋ kɨdɨŋno madepsi gɨk tosok.
14001	PSA 6:9	Kunam tak egapbo Yawe da kɨlɨ nandaŋ namgut, do aŋpak yokwi aŋ amɨn ji kɨsisi nepmaŋdek kɨt.
14025	PSA 8:4	Kundukon gɨk kanekyo kɨsitgo da wasaŋ kwen yopgul da toŋ uŋun pɨndagek yaŋ nandɨsat.
14036	PSA 9:5	Kɨla amɨn madep yɨtyɨt tamogokon yɨgek gen kokwin kɨlegɨsi asal. Aŋpakno kokwin aŋaki gen pikon teban tosot.
14043	PSA 9:12	Yawe Saion kokup papmon uŋudon kɨla amɨn madep egɨsak. Kap yaŋek mani aŋkɨsini. Amɨn morap kɨsikon pi morap agɨt uŋun do yaŋ teŋteŋok ani.
14074	PSA 11:4	Mani Yawe telagɨ yutnikon egɨsak. Kwen Kokup kɨla amɨn madep egek dabɨlɨ da amɨn morap kɨsi pɨndakdak. Yo morap aŋ uŋun kɨsisi nandaŋ mudosok.
14093	PSA 14:1	Nandaŋ kokwini tagɨ dɨma amɨn burɨkon da yaŋ yoŋ, “Piŋkop kɨnda dɨma egɨsak.” Uŋun amɨn yokwisi. Yo wagɨl yokwisi baŋ gɨn aŋ. Kɨnda da aŋpak tagɨ kɨnda dɨma asak.
14094	PSA 14:2	Yawe uŋun Kwen Kokup da sɨŋtaŋban pɨŋakwan mɨŋat amɨn morapyo pɨndakdak. Uŋun da amɨn kɨnda nandak nandakni tagɨsi kɨnda Piŋkop wɨsɨŋ kok do pi asak bo dɨma yaŋ do wɨsɨsak.
14095	PSA 14:3	Mani dɨma. Kɨsi morap kosit kɨlegɨ kɨlɨ yɨpmaŋ dekgwit. Uŋun amɨn wagɨl amɨn yokwisi, kɨsi morap arɨp gɨn. Kɨndasok da aŋpak tagɨsi kɨnda dɨmasi asak.
14112	PSA 16:8	Bɨsapmɨ bɨsapmɨ Yawe nak da kapmatjok ekwan nandɨsat. Kapmatjok egek tapmɨm namɨsak, do yo kɨnda da arɨpmɨ dɨma aŋkwakwalɨtjak.
14118	PSA 17:3	Gak da nak dakon but nandaŋ mudosol. Kalbi abɨŋ aŋkɨlɨk nandaŋek nagon nandak nandak yokwi kɨnda dɨma taŋban kal. Gen yokwi kɨnda dɨma yokeŋ dosi nandɨsat.
14144	PSA 18:14	Yawe Kwen Kokup egek kɨrɨrɨŋ da yaŋ madepsi yaŋ tɨdagɨt. Piŋkop Wukwisi da madepsi yaŋ tɨdagɨt.
14154	PSA 18:24	Uŋun da nandɨsak, nak gulusuŋno mɨni. Kosit agɨpgum uŋun kɨla tebai aŋek yokwi kɨnda dɨma agɨm.
14166	PSA 18:36	Yawe, gak da nak uwal da kɨsiron baŋ abɨdagɨl. Pasɨkgo nabɨ uŋun da manjigwan pasɨldat. Kɨsitnokon abɨdaŋaki tebai akdat. Aŋpulugosol, do mɨŋat amɨnyo da dabɨlon man madepno toŋ.
14167	PSA 18:37	Kosit ɨlalogɨ naŋ yul namgul, do sagalek dɨma nɨkgɨt.
14169	PSA 18:39	Nak da yabo maŋ pakgwit. Kandap mibɨlnogwan pakgwit, do arɨpmɨ dɨma pɨdokdaŋ.
14174	PSA 18:44	Mɨŋat amɨnyo da uwal aŋ namgwit bɨsapmon, aŋpulugaŋaki dɨma aŋupbal awit. Aŋek Amɨn Ŋwakŋwarɨ Kabɨ dakon mibɨltok amɨni egɨpbeŋ do nak manjɨgɨl. Mɨŋat amɨnyo dɨma nandaŋ yomgum, abɨsok nak da yoŋgamgwan ekwaŋ.
14180	PSA 18:50	Uŋun do aŋek Amɨn Ŋwakŋwarɨ Kabɨ da binapmon mango awɨgɨkeŋ. Yawe, mango awɨgɨk do kap yokeŋ.
14183	PSA 19:2	Kundu da Piŋkop dakon tɨlɨmni nolɨsak. Kwen yo morap da Piŋkop uŋun napbɨsap amɨnsi yaŋ nolɨsak.
14186	PSA 19:5	Mani uŋun da mɨktɨm amɨn morap kɨsi yoyɨŋ dekgamal. Geni kɨŋ mɨktɨm morap kɨsi arɨpmɨ asak. Kundukon Piŋkop da gɨldat do ɨmal yut kɨnda wɨtjɨgɨt.
14195	PSA 19:14	Ae uŋun gɨn dɨma, aŋpak yokwi yaŋ dɨno nandaŋek dɨma abeŋ do oman monjɨgo kɨlano aki. Kwen wɨgɨk aŋpak da nak dɨma abɨŋ nepjak do nandɨsat. Nak kɨlegɨsi egek yokwi madep dɨma abeŋ do nandɨsat.
14203	PSA 20:7	Abɨsok nak nandɨsat. Yawe da kɨla amɨn madepni iyɨ manjɨgɨt aŋpulugosok. Uŋun Kwen Kokup kokupni tagɨsikon egek bɨsitni nandɨsak. Iyɨ da tapmɨmon aŋpulugaŋek uwalni da kɨsiron naŋ abɨdosok.
14212	PSA 21:6	Aŋpulugaŋaki man madepni madepsi tosok. Kɨla amɨn madep dakon tɨlɨmni wagɨl tagɨsisi gak da ɨmgul.
14214	PSA 21:8	Kɨla amɨn madep da egɨp egɨpni Yawekon tosok yaŋsi nandɨsak. Piŋkop Wukwisi, uŋun da kɨla amɨn madep do bɨsapmɨ bɨsapmɨ but dasi galak taŋ ɨmɨsak, do tebaisi atdɨsak.
14215	PSA 21:9	Kɨla amɨn madep da uwal morapni tebaisi tɨmɨtdɨsak. Amɨn dɨma galak taŋ ɨmaŋ amɨn kɨsirɨ amɨn tet da tebaisi tɨmɨtdɨsak.
14216	PSA 21:10	Kɨndap madep da yo sosoŋ, uŋun da tɨlak noman altosak bɨsapmon uwalni dapban pasɨldaŋ. Yawe da butjap nandaŋ yomɨŋek pabɨŋ yopmaŋakwan kɨndap da soŋ yomɨŋ mudokdaŋ.
14217	PSA 21:11	Kɨla amɨn madep da uwalni dakon monjɨ gwayoni kɨsi morap dapban kɨmak mudokdaŋ. Aŋakwan monjɨ gwayoni mɨktɨmon saŋbeŋek dɨma egɨpdaŋ.
14223	PSA 22:3	Piŋkopno, gɨldarɨ gɨldarɨ gak do yaŋ tɨdosot, mani kobogɨ dɨma nayɨsal. Kalbiyo kɨsi gak do yaŋ tɨdosot, mani yaworɨ kɨnda dɨma abɨdosot.
14225	PSA 22:5	Kalɨp babɨknin da egɨp egɨpni gagon tosok yaŋsi nandaŋ gamgwit. Aŋakwa gak da uwalni da kɨsiron baŋ pulugagɨl.
14235	PSA 22:15	Pakbi ɨsal dogɨn tagal kɨ mudoŋ, uŋun da tɨlak tapmɨmno mɨnisi aŋ. Kɨdatno dakon saŋbekni kɨsi kalkalaŋ mudoŋ. Bɨt nelak da pakbi dagoŋ uŋun da tɨlak butno wagɨlsi tapmɨmɨ mɨni pakbi ɨdap asak.
14238	PSA 22:18	Kɨdatno kɨsi noman taŋakwa tagɨ manjɨkeŋ. Uŋun da nak da yokwi tat uŋun kaŋek kɨsɨk kɨsɨk aŋ.
14265	PSA 24:7	Wigat, ji wɨtdal kɨni. Yoma kalɨpmɨ, ji madepsi pɨsoni. Aŋakwa Kɨla Amɨn Madep tɨlɨmɨ toŋsi da wɨgɨsak.
14266	PSA 24:8	Kɨla Amɨn Madep tɨlɨmni toŋsi uŋun namɨn? Uŋun Yawe kaloŋ gɨn. Tapmɨmni madepsi, emaron teban tosok.
14267	PSA 24:9	Wigat, ji wɨtdal kɨni. Yoma kalɨpmɨ, ji madepsi pɨsoni. Aŋakwa Kɨla Amɨn Madep tɨlɨmɨ toŋsi da wɨgɨsak.
14268	PSA 24:10	Kɨla Amɨn Madep tɨlɨmɨ toŋsi uŋun namɨn? Uŋun Yawe tapmɨmni pɨdaŋbisi. Uŋun kaloŋ dagɨn Kɨla Amɨn Madep tɨlɨmɨ toŋsi da egɨsak.
14272	PSA 25:4	Yawe, niaŋ egɨpbeŋ do nandɨsal uŋun nolɨki. Kositgo nolɨki.
14274	PSA 25:6	Yawe, gak amɨn do bupmɨ nandaŋek but dasi galak taŋ yomɨsal uŋun do nandaki. Kalɨpsigwan da aŋpak uŋun agɨl da aŋaŋ obɨsal.
14324	PSA 28:8	Yawe da mɨŋat amɨn kabɨni tapmɨm yomɨsak. Kɨla amɨn madepni pini asak do manjɨgɨt uŋun aŋpulugok do tagap taŋek dam tebani arɨpmɨ dɨma tuwɨlɨ da yaŋ egɨsak.
14325	PSA 28:9	Mɨŋat amɨn kabɨgo yokwikon baŋ pulugaŋ yopbi. Gaga do manjɨgɨl amɨn kabɨ yo tagɨsi aŋ yobi. Kɨla amɨni egek dagok dagogɨ mɨni kɨlani abi.
14331	PSA 29:6	Uŋun da wasok aban Lebanon Kabap da bulmakau monjɨ da wɨgɨ mok aŋ uŋudeŋ aŋ. Ae Ɨleŋ Emon da bulmakau wɨli bɨlagɨ da yaŋ wɨgɨ mok asak.
14333	PSA 29:8	Uŋun da wasok aban Kedes dakon mɨktɨm kɨbɨrɨ uŋun wudɨp madepsi asak.
14340	PSA 30:4	Yawe, kɨmot do aŋapbo abɨ pɨdagɨm. Kɨmakbi tamogwan pɨgɨk do aŋapbo egɨp egɨpno aego namgul.
14343	PSA 30:7	Kalɨp nak tagɨsi egek yaŋ yagɨm, “Yo kɨnda da arɨpmɨ dɨma aban yokwi tokeŋ.”
14359	PSA 31:10	Yawe, jɨgɨno madepsi, do bupmɨ nandaŋ nabi. Kunam morapmɨ tagek dabɨlno pɨrɨropmaŋ. But yokwi nandaŋek gɨptɨmno wagɨlsi alek taŋ.
14360	PSA 31:11	Butnokon da jɨgɨ nandaŋ egɨsat. Uŋun da egɨp egɨpno aŋpɨsɨp asak. Kunam morapmɨ takdat do bɨsap dubagɨ dɨma egɨpbeŋ. Nak jɨgɨno madepsi do tapmɨmno mɨnisi aŋakwan kɨdatno wagɨlsi yokwi toŋ.
14361	PSA 31:12	Uwal da jɨgɨlak yaŋ namaŋ. Kokup ɨsalno da nak do nandaba yokwitok aŋ namaŋ. Aŋakwa notnoni da nak do pasol pasol madepsi aŋ. Kosiron agapbo nak nandaŋ amɨn uŋun pasal si kwaŋ.
14371	PSA 31:22	Yawe aŋkɨsino. Nak do but dasi galak taŋ namɨsak. Kokup papmon egapbo uwal da aŋgwasɨŋek nɨt do awit bɨsapmon tagɨsi aŋpulugagɨt.
14388	PSA 33:3	Kap kalugɨ yaŋek gita si nandaŋ kɨmagek tɨdoni. Yaŋ aŋek kɨsɨk kɨsɨk aŋek yaŋ tɨdoni.
14398	PSA 33:13	Yawe uŋun Kwen Kokup da sɨŋtaŋban pɨŋakwan amɨn kɨsisi pɨndakdak.
14401	PSA 33:16	Kɨla amɨn madep kɨnda uŋun emat amɨni morapmɨ da uwalni arɨpmɨ dɨma pabɨŋ yopni. Ae emat amɨn kɨnda uŋun iyɨ da tapmɨmon da uwalni da kɨsiron da arɨpmɨ dɨma pasal kɨsak.
14424	PSA 34:17	Mani yokwi aŋ amɨn dɨma galak taŋ yomɨsak. Kɨmagakwa amɨn da ɨŋtaŋ yomdaŋ.
14455	PSA 35:25	Yum pɨndagaki iyɨ do “Nin yo ak do nandagɨmaŋ uŋun abɨsok tagɨsisi kɨlɨ uŋun amaŋ” yaŋ dɨma yoni. Yum pɨndagaki “Kɨlɨ aŋupbal amaŋ” yaŋ dɨma yoni.
14463	PSA 36:5	Dɨpmɨn tamokon pokdok bɨsapmon yokwi asak dakon kosit dakon nandak nandak asak. Kosit yokwisi baŋgɨn agek aŋpak yokwi manji dɨma yomɨsak. Piŋkop dakon aŋpak tagɨsi
14496	PSA 37:25	Kalɨp nak monjɨ bulagɨ, ae abɨsok nak amɨn pelaŋ kɨlɨ at. Mani Piŋkop da amɨn kɨlegɨ kɨnda manji dɨma ɨban kagɨm. Ae amɨn kɨlegɨ dakon monjɨ gwayoni jap do wadak wadak aŋek amɨn da paŋpulugoni do dɨma yaŋ tɨdaŋba pɨndakgɨm.
14556	PSA 40:8	Do yaŋ yosot, “Nak gagon kɨlɨ abɨsat. Kalɨp nak do gen kɨlɨ mandabi uŋun yaŋ,
14569	PSA 41:3	Yawe da uŋun amɨn aŋkutnaŋakwan kɨmot dɨma asak. Kɨlani aŋakwan mɨktɨmnikon gɨsamɨ toŋ egakwan uwalni da dɨma abɨŋ yɨpdaŋ.
14573	PSA 41:7	Kɨnda da abɨŋ nandaŋek top yaŋ namɨsak. Aŋek sotno dakon mibɨlɨ nandaŋek kɨŋ amɨn yoyɨŋek aŋupbal ak do yosok.
14585	PSA 42:5	Bɨsap tagɨsi kalɨpmɨ do nandaŋek butno obɨsi yokwi tosok. Kalɨp nak amɨn morapmɨ Piŋkop da yutnon mibɨltaŋ yomɨŋek paŋkɨgɨm. Nin kɨŋek kɨsɨk kɨsɨk do yaŋ tɨdagɨmaŋ. Aŋek ya yaŋ yagɨmaŋ. Uŋudon gak gawak gam do muwuk mamno kɨgɨt.
14589	PSA 42:9	Yawe da gɨldaron but dasi galak taŋ namɨsak. Kalbi ya yaŋ iyɨk do kap yosot. Piŋkop egɨp egɨp namɨsak uŋun bɨsit iyɨsat.
14600	PSA 44:3	Gaga da tapmɨmon da amɨn ŋwakŋwarɨ mɨktɨmnikon egɨpgwit uŋun yolbɨ kɨwit. Aŋek uŋun mɨktɨm babɨknin do yomɨŋaki uŋudon tebai egɨpgwit. Gak da Amɨn Ŋwakŋwarɨ Kabɨ paŋupbal agɨl, mani babɨknin paŋpulugaŋaki tagɨsi egek madepsi ɨreŋ tawit.
14602	PSA 44:5	Gak Kɨla Amɨn Madepno ae Piŋkopno. Gak da yaŋaki Jekop dakon amɨn kabɨ da emaron teban toŋ.
14609	PSA 44:12	Gak da yum nindaŋaki nin sipsip si dapba kɨmorɨ yombem da ekwamaŋ. Aŋek gak da mɨktɨmninon baŋ nolbɨ dukwan dukwan kɨŋ Amɨn Ŋwakŋwarɨ Kabɨ da binapmon ekwamaŋ.
14610	PSA 44:13	Gak da yum pɨndagaki mɨŋat amɨn kabɨgo Amɨn Ŋwakŋwarɨ Kabɨ dakon oman monjɨ dagawit. Yumaŋ naŋek tomni pɨŋbisi gamgwit, moneŋni madepsi dɨma tɨmɨkgɨl.
14630	PSA 45:6	Gobɨŋgo uŋun kɨsɨgɨsi do uwalgo wamɨ gamikon obɨsi sugaŋ yomɨsak. Amɨn Ŋwakŋwarɨ Kabɨ pabɨŋ yopmaŋaki gak da kandap mibɨlgogwan ekwaŋ.
14633	PSA 45:9	Ɨmal dubakgo mea ae aloe ae kasia dakon pakbi kɨbaŋɨ tagɨsi uŋun baŋ dapbi. Kɨla amɨn madep dakon yut uŋun elepan dakon jomɨ baŋ paŋtɨlɨm abi. Aŋek gak da kɨsɨk kɨsɨk abi do gita tɨdoŋ.
14634	PSA 45:10	Kɨla amɨn madep dakon gwani gat mɨŋat man madepni toŋ dɨwarɨ gat uŋun gak da yutnon ekwaŋ. Kwin amɨn tetgo do akdak. Uŋun tɨlɨmni Opir mɨktɨm dakon gol baŋ wasaŋbi.
14638	PSA 45:14	Kɨla amɨn madep dakon mɨŋatni iyɨ dakon yutgwan egɨsak. Uŋun mɨŋat tagɨsi. Ɨmal pak uŋun malɨ gol baŋ wasaŋbi uŋun baŋ paŋtɨlɨm abi.
14640	PSA 45:16	Kɨsɨk kɨsɨk aŋek but galak nandaŋek kɨla amɨn madep da yut madepgwan wukwaŋ.
14641	PSA 45:17	Kɨla amɨn madep gak monjɨgo morapmɨsi altokdaŋ. Uŋun da datgoni dakon tamo tɨmɨgek man madep paŋek mɨktɨm morapmon mɨŋat amɨnyo kɨla akdaŋ.
14657	PSA 47:3	Yawe Wukwisi Madep uŋun ŋwakŋwarɨsi. Uŋun mɨktɨmon mɨŋat amɨn morap dakon Kɨla Amɨn Madep Wukwisi egɨ yomɨsak.
14660	PSA 47:6	Piŋkop Kwen Kokup wɨgɨgɨt. Wɨgakwan amɨn kɨsɨk kɨsɨk aŋek madepsi yaŋ tɨdaŋek kweŋyo kɨsi pɨsowit.
14661	PSA 47:7	Kɨlɨ Piŋkop aŋkɨsik do kap yono. Aŋek Kɨla Amɨn Madepnin kɨsɨk kɨsɨk kap yaŋ ɨmno.
14662	PSA 47:8	Piŋkop uŋun Kɨla Amɨn Madep yɨgek mɨktɨm morap kɨsi kɨla asak. Nin mani aŋkɨsik do kɨsɨk kɨsɨk kap yoneŋ.
14663	PSA 47:9	Piŋkop uŋun Kɨla Amɨn Madep yɨgek mɨŋat amɨn morap kɨsi kɨla asak. Kɨla Amɨn Madep yɨtyɨt tamoni telagɨ uŋudon yɨkdak.
14667	PSA 48:3	Piŋkop dakon kabap uŋun wagɨl tagɨsi ae dubagɨsi. Mɨktɨmɨ mɨktɨmɨ amɨn da Saion Kabap do but galaksi nandaŋ. Kɨla Amɨn Madep Wukwisi dakon kokup pap uŋun kabapmon tosok.
14673	PSA 48:9	Kalɨp Piŋkop da kokupni aŋkutnaŋek yo agɨt uŋun dakon geni nandagɨmaŋ. Abɨsok aeni yaŋ gɨn aŋakwan komaŋ. Nin Piŋkopnin Yawe Tapmɨm Ami da kokup papmon ekwamaŋ. Piŋkop da kokupni aŋteban aŋakwan bɨsap mudok mudogɨ mɨni tebai taŋ aŋaŋ wɨgɨkdɨsak.
14676	PSA 48:12	Gak gen kokwin pi kɨlegɨsi asal, do Saion Kabapmon amɨn da kɨsɨk kɨsɨk aŋakwa Juda mɨktɨm dakon kokup monɨŋ monɨŋ amɨn da but galak nandaŋ.
14690	PSA 49:11	Pɨndakgamaŋ, nandaŋ kokwini tagɨsi amɨn gat, ae nandaŋ kokwini tagɨ dɨma amɨn gat, ae burɨ mɨni amɨn uŋun kɨsi kɨmotdaŋ. Kɨmagakwa yo morapni amɨn ŋwakŋwarɨ da tɨmɨtdaŋ.
14702	PSA 50:2	Piŋkop uŋun Saion kokup papmon egɨsak. Kokup uŋun gwaljɨgɨ mɨni wagɨl tagɨsisi. Piŋkop dakon tɨlɨmni uŋudon da teŋteŋaŋ kɨsak.
14704	PSA 50:4	Mɨŋat amɨn kabɨyoni dakon aŋpak kokwin aŋakwan pɨndatjil do Kwen Kokup gat ae mɨktɨm gat yaŋ yoban abamal.