13944	PSA 1:1	Amɨn kɨnda yokwi pakpak amɨn da yabet aŋakwa uŋun yolek dɨma agɨsak, ae amɨn yokwi gat kɨsi dɨma akgaŋ, ae Piŋkop do manji gen yoŋ amɨn gat kaloŋɨ dɨma yɨkgaŋ, uŋun amɨn kɨsɨk kɨsɨk tagɨ asak.
13948	PSA 1:5	Yaŋ do aŋek gen kokwin bɨsap madepmon Piŋkop da amɨn yokwi gen pikon yopban geni arɨpmɨ dɨma abɨŋ yɨpdaŋ. Yokwi pakpak amɨn kɨlegɨ da kabɨkon dɨma egɨpdaŋ.
13961	PSA 2:12	Ji monjɨ dakon pɨŋbini egek gawak ɨmni. Butjap tepmɨ nandɨsak, do japmɨ nandaŋ daban dɨ kɨmakbam. Amɨn morap paŋkutnosak do Piŋkopmon kwaŋ uŋun kɨsɨk kɨsɨk tagɨ ani.
13964	PSA 3:3	Uŋun da yaŋ yoŋ, “Piŋkop da arɨpmɨ dɨma aŋpulugokdɨsak.”
13969	PSA 3:8	Yawe gak apbi! Piŋkopno abɨŋ aŋpulugoki! Uwalno mogɨm kulbak dapbi. Amɨn yokwi uŋun dakon geni dapmaŋ bɨrɨpmɨkgi.
13972	PSA 4:2	Piŋkopno kɨlegɨsi, gak do yaŋ tɨdokeŋ bɨsapmon nandaŋ nabi. But yokwino wɨrɨrɨkbɨ pasɨlgɨt. Bupmɨ nandaŋ namɨŋek bɨsitno nandaki.
13975	PSA 4:5	Ji Piŋkop do si pasalek aŋpak yokwi morap yopmaŋ mudoni. Si potni bɨsapmon gen on do pakyaŋsi nandaŋek gen kagasi sopni.
13976	PSA 4:6	Paret Yawe da galak tosok uŋun baŋ aŋek egɨp egɨpji Yawekon tosok yaŋsi nandani.
13982	PSA 5:3	Kɨla Amɨn Madepno ae Piŋkopno, aŋpulugoki do bɨsit asat, do yaŋ ɨlɨtno nandaŋ nabi.
13984	PSA 5:5	Piŋkop, gak aŋpak yokwi do kɨsɨk kɨsɨk dɨma asal. Yokwi aŋ amɨn gak da kapmatjok tagɨ dɨma egɨpmɨ.
13990	PSA 5:11	Piŋkop, gen yaŋ yomɨŋek yo yokwisi aŋ yobi. Nandak nandak yokwini paŋupbal abi. Yo akdo nandaŋ kokwin aŋ iyɨ uŋudon yokwalni. Uŋun kwen wɨgɨk aŋ gamɨŋek yokwi morapmɨ aŋ, do yolbɨ gak da ɨŋam da dubagɨkon kɨŋ mudoni.
13991	PSA 5:12	Mani amɨn morap paŋkutnoki do gagon kwaŋ uŋun kɨsɨk kɨsɨk tagɨ ani. Uŋun but galak nandaŋek kɨsɨk kɨsɨk dakon kap dagok dagogɨ mɨni tagɨ yoni. Paŋkutnaŋaki but dasi galak taŋ gamaŋ amɨn kɨsɨk kɨsɨk sigɨn aŋek mango awɨgɨni.
14005	PSA 7:2	Yawe Piŋkopno, gak da nak aŋkutnoki do obɨsat. Aŋpulugaŋaki nak aŋsopmaŋgaŋ amɨn da dɨma nɨkba kɨmokgeŋ. Yokwikon naŋ abɨdaŋaki dɨma tasɨk tokeŋ.
14007	PSA 7:4	Yawe Piŋkopno, yokwi agɨm dakon gulusuŋno taŋ namɨsak, bo amɨn dɨwarɨ do yokwi aŋ yomgum,
14010	PSA 7:7	Yawe, pɨdoki! Uwalno da nagon emat tebaisi aŋ. Uŋun butjap nandaŋ yomɨŋek yo yokwisi aŋ yobi. Piŋkopno, aŋpak kɨlegɨ dogɨn galak tosol, do abɨŋek aŋpulugoki.
14013	PSA 7:10	Piŋkop gak wagɨl kɨlegɨsi. Amɨn morap dakon nandak nandak butyo pakyaŋsi pɨndak nandaŋyo asal. Amɨn yokwi aŋpak yokwi saŋbeŋek dɨma ani do kɨrɨŋɨk yobi. Mani amɨn kɨlegɨ paŋpulugaŋaki tebai atni.
14014	PSA 7:11	Piŋkop uŋun pasɨkno. Butni kɨlegɨsi amɨn yokwikon baŋ tɨmɨkdak.
14015	PSA 7:12	Piŋkop uŋun gen kokwin kɨla amɨn kɨlegɨsi. Gɨldarɨ gɨldarɨ yokwi pakpak do japmɨ nandaŋek pabɨŋ yopmaŋdak.
14016	PSA 7:13	Yokwi aŋ amɨn but tobɨl dɨma ani kaŋ, Piŋkop da emat agak sɨbani geni toŋsi asak do ɨlɨtdɨsak, ae obipni paŋɨlɨtdɨsak.
14021	PSA 7:18	Yawe uŋun amɨn kɨlegɨsi, do ya yaŋ iyɨsat. Piŋkop Wukwisi do mani aŋkɨsik do kap yokeŋ.
14027	PSA 8:6	Piŋkop gak da nin gaga da mibɨlgwanjok nipgul. Gak da nin wasaŋek tɨlɨm gat ae man madep gat nimgul.
14033	PSA 9:2	Yawe, butnokon da ya yaŋsi gayɨkeŋ. Pi tagɨsi morap agɨl uŋun do mɨŋat amɨnyo yoyɨkeŋ.
14034	PSA 9:3	Gak do nandaŋek kɨsɨk kɨsɨk abeŋ. Piŋkop Wukwisi, mango awɨgɨk do kap yokeŋ.
14038	PSA 9:7	Uwal wagɨlsi tasɨk tawit. Piŋkop gak da kokup papni kɨlɨ paŋupbal agɨl, ae amɨn da ɨŋtaŋ yomdaŋ.
14045	PSA 9:14	Yawe, bupmɨ nandaŋ nabi. Uwal da jɨgɨ tepmɨyo namaŋ pɨndakgi. Palɨ kɨmot do asat, do yokwikon naŋ abɨdaŋaki tagɨsi egɨpbeŋ.
14049	PSA 9:18	Piŋkop manji ɨmɨŋek yokwi aŋ amɨn morap uŋun kɨmakbi kokupmon paŋkɨ egɨpdaŋ.
14050	PSA 9:19	Bɨsapmɨ bɨsapmɨ Piŋkop da yoni mɨni amɨn dɨma ɨŋtaŋ yomɨsak. Jɨgɨni madepsi toŋ amɨn, uŋun Piŋkop da paŋpulugosak do nandaŋ gadat aŋek jomjom aŋ. Uŋun yum pɨndagakwan ɨsal dogɨn jomjom dɨma aŋ.
14056	PSA 10:4	Amɨn yokwi iyɨ do nandaban wɨgakwan Piŋkop wɨsɨŋ kok do pi dɨma asak. Piŋkop do nandaban yo ɨsalɨ asak.
14063	PSA 10:11	Amɨn yokwi da yaŋ nandɨsak, “Piŋkop da nak ɨŋtaŋ namgut. Iyɨ dakon dabɨl kɨlɨ sopgut, do dɨma nandɨsak.”
14064	PSA 10:12	Yawe, abɨŋ yokwi pakpak amɨn kobogɨ yokwi aŋyobi. Piŋkop, amɨn jɨgɨni toŋ uŋun dɨma ɨŋtaŋ yobi.
14065	PSA 10:13	Yokwi pakpak amɨn da nido Piŋkop do yaŋba yokwi tok aŋ? Ae nido “Piŋkop da kobogɨ yokwi dɨma nimdɨsak” yaŋ nandaŋ?
14068	PSA 10:16	Yawe dagok dagogɨ mɨni kɨla amɨn madep egɨ wɨgɨkdɨsak. Piŋkop ŋwakŋwarɨ gawak yomaŋ amɨn mɨktɨmnikon baŋ yolban tasɨk tokdaŋ.
14070	PSA 10:18	Meŋ datyoni kɨmakgwit amɨn gat ae uwalon jɨgɨ tɨmɨkgaŋ amɨn gat dakon bɨsitni nandaŋ yomdɨsal. Paŋpulugaŋaki gen pikon atni bɨsapmon teban tokdaŋ. Ae mɨktɨmon mɨŋat amɨnyo da saŋbeŋek yo yokwi dɨma aŋyomdaŋ.
14071	PSA 11:1	Nak aŋkutnosak do Yawekon kɨsat. Do gak nido yaŋ nayɨsal, “Amɨn yokwi obipni paŋɨlɨkgaŋ! Pɨlɨn tukgwan amɨn kɨlegɨ yam do dɨkdɨkni bɨsapmon sambaŋ! Do mɨnam kɨnda da yaŋ pasalek kabapgwan wɨgɨ!
14080	PSA 12:3	Amɨn morap kɨsi amɨn dɨwarɨkon top yoŋ. Paŋkewal do gen galagɨ yoyaŋ.
14090	PSA 13:4	Yawe Piŋkopno, nandaŋ namɨŋek bɨsitno nandaki. Dɨma aŋteban aki kaŋ, nak kɨmokgeŋ.
14093	PSA 14:1	Nandaŋ kokwini tagɨ dɨma amɨn burɨkon da yaŋ yoŋ, “Piŋkop kɨnda dɨma egɨsak.” Uŋun amɨn yokwisi. Yo wagɨl yokwisi baŋ gɨn aŋ. Kɨnda da aŋpak tagɨ kɨnda dɨma asak.
14094	PSA 14:2	Yawe uŋun Kwen Kokup da sɨŋtaŋban pɨŋakwan mɨŋat amɨn morapyo pɨndakdak. Uŋun da amɨn kɨnda nandak nandakni tagɨsi kɨnda Piŋkop wɨsɨŋ kok do pi asak bo dɨma yaŋ do wɨsɨsak.
14096	PSA 14:4	Piŋkop da yaŋ yosok, “Yokwi aŋ amɨn nandak nandak tagɨ dɨ dɨmasi tɨmɨtdaŋ. Bret naŋba mudoŋ, uŋun da tɨlak mɨŋat amɨno naŋ mudoŋ. Ae nak da paŋpulugokeŋ do bɨsit dɨma aŋ namaŋ.”
14097	PSA 14:5	Mani Piŋkop mɨŋat amɨnyo geni guramɨkgaŋ amɨn gat egɨsak, do amɨn yokwi uŋun madepsi pasoldaŋ.
14099	PSA 14:7	Nak Piŋkop da Saion amɨn kɨnda yabekban abɨŋ Israel amɨn yokwikon baŋ tɨmɨtjak do nandɨsat. Yawe da mɨŋat amɨni paŋpulugaŋban aeni tagɨsi egɨpni bɨsapmon, Israel amɨn kɨsɨk kɨsɨk akdaŋ. Asi, but galaksi egɨpdaŋ.
14105	PSA 16:1	Piŋkop, aŋkutnoki do gagon obɨsat, do kɨlano aki.
14107	PSA 16:3	Piŋkop dakon amɨn uŋun tagɨsi. Nak uŋun gat egɨp do tagɨsi nandɨsat.
14113	PSA 16:9	Yum nandaŋaki nak kɨmakbi kokupmon arɨpmɨ dɨma paŋkɨ egɨpbeŋ. Aŋek gak dakon Telagɨ Amɨn yum kaŋaki kɨmakbi tamokon taŋ dɨma mɨktosak. Yaŋdo, butno tagɨsi aŋakwan mango yaŋ aŋkɨsisat. Pasol pasolɨ mɨni tagɨsi egɨsat.
14121	PSA 17:6	Piŋkop, gak da bɨsitno dakon kobogɨ namɨsal. Uŋun do aŋek gak do bɨsit asat. Mɨrak yopmaŋek bɨsitno nandaki.
14123	PSA 17:8	Gaga dakon dabɨlgo kɨla asal uŋudeŋ kɨlano aki. Pup meŋi da pudɨgɨ pɨrɨgwan wutjɨsak uŋun da tɨlak nak wutjɨki.
14130	PSA 17:15	Mani nak amɨn kɨlegɨ, do don gandakdɨsat. Pokdot da pɨdosot bɨsapmon gak nak gat egɨsal yaŋ nandaŋek but galaksi nandakeŋ.
14133	PSA 18:3	Yawe uŋun tɨp madepno, uŋun da nak aŋkɨsɨbɨsak. Uŋun dam tebano arɨpmɨ dɨma tuwɨlɨ egɨsak. Aŋek uwal da kɨsiron naŋ abɨdosok. Piŋkopno uŋun tɨp madepsi yombem, do uwalno da dɨma nandani yaŋ do uŋudon kɨŋ pasɨldat. Yawe uŋun pasɨkno, ae yokwikon naŋ abɨdaŋek kɨlano asak dakon tapmɨm taŋ ɨmɨsak. Uŋun dam tebano.
14136	PSA 18:6	Paron yokwalek arɨpmɨ dɨma pulugaŋ kɨgɨ, uŋun da tɨlak kɨmot da nak abɨdaŋban kɨmakbi tamokon palɨsi kɨgɨm.
14137	PSA 18:7	Butno madepsi yokwi tagɨt, mani Yawe do madepsi yaŋ tɨdagɨm. Piŋkop da aŋpulugosak do yaŋ tɨdoko Telagɨ Yutnikon egek yaŋ ɨlɨtno nandagɨt. Aŋek bɨsitno do mɨrak yopgut.
14141	PSA 18:11	Uŋun aŋelo madep serabim kɨnda da kwenon yɨkban pɨrɨropmaŋ abɨgɨt. Ae mɨrɨm mɨnam da yaŋ pɨrɨ toŋ da Piŋkop abɨdaŋ tepmɨsi abɨgɨt.
14144	PSA 18:14	Yawe Kwen Kokup egek kɨrɨrɨŋ da yaŋ madepsi yaŋ tɨdagɨt. Piŋkop Wukwisi da madepsi yaŋ tɨdagɨt.
14151	PSA 18:21	Nak aŋpak kɨlegɨsi agɨm, do Yawe da kobogɨ do yo tagɨsi morapmɨ namgut. Suŋ kɨnda dɨma agɨm do aŋek Piŋkop da yo tagɨsi aŋ namgut.
14152	PSA 18:22	Yawe dakon gen teban tagɨsi yol kɨmakgɨm. Piŋkopno manji ɨmɨŋek yokwi dɨma agɨm.
14159	PSA 18:29	Yawe Piŋkop, gak da lamno yɨpbɨ teŋteŋosok, aŋek nagon pɨlɨn tuk yoldal.
14160	PSA 18:30	Piŋkop, aŋpulugaŋaki uwal kabɨ madep uŋun arɨpmɨ tagɨ pabɨŋ yopbeŋ. Ae aŋteban aŋaki kokup pap dakon dam madep arɨpmɨ tagɨ ɨrakgeŋ.
14161	PSA 18:31	Piŋkop dakon aŋpak uŋun wagɨl kɨlegɨsi. Yo kɨnda ak do yaŋ teban tok asak kaŋ, geni uŋun bamɨ noman tokdaŋ. Yawe uŋun pasɨk yombem, do amɨn morap uwal da dɨma pɨndatni yaŋ do uŋudon kɨŋ pasɨlakwa tagɨsi paŋkutnosok.
14162	PSA 18:32	Yawe kaloŋgɨn Piŋkop bamɨsi. Uŋun kaloŋ dagɨn tɨp madep da yaŋ dam aŋnimɨsak.
14163	PSA 18:33	Piŋkop dagɨn nak aŋteban aŋakwan tebai akdat. Ae kosit agɨsat bɨsapmon kɨlano tagɨsi asak.
14166	PSA 18:36	Yawe, gak da nak uwal da kɨsiron baŋ abɨdagɨl. Pasɨkgo nabɨ uŋun da manjigwan pasɨldat. Kɨsitnokon abɨdaŋaki tebai akdat. Aŋpulugosol, do mɨŋat amɨnyo da dabɨlon man madepno toŋ.
14177	PSA 18:47	Yawe uŋun toktogɨsi egɨsak. Uŋun tɨp madep da yaŋ nak dam asak, do mani aŋkɨsineŋ. Piŋkop da nak yokwikon naŋ abɨdagɨt, do nin man madepni awɨgɨneŋsi.
14178	PSA 18:48	Piŋkop da uwalno yokwini dakon kobogɨ do yokwi aŋ yomɨsak. Aŋek amɨn kabɨ mɨktɨmɨ mɨktɨmɨ ekwaŋ uŋun yopban nak da yoŋgamgwan ekwaŋ.
14183	PSA 19:2	Kundu da Piŋkop dakon tɨlɨmni nolɨsak. Kwen yo morap da Piŋkop uŋun napbɨsap amɨnsi yaŋ nolɨsak.
14186	PSA 19:5	Mani uŋun da mɨktɨm amɨn morap kɨsi yoyɨŋ dekgamal. Geni kɨŋ mɨktɨm morap kɨsi arɨpmɨ asak. Kundukon Piŋkop da gɨldat do ɨmal yut kɨnda wɨtjɨgɨt.
14188	PSA 19:7	Gɨldat dabɨl uŋun kundu dakon dɨwarɨkon da altaŋ wɨŋek terɨ kɨnda kɨsak. Tedepnikon yo kɨnda arɨpmɨ dɨma pasɨljak. Piŋkop dakon geni uŋun wagɨl tagɨsi
14198	PSA 20:2	Jɨgɨ noman taŋ gamni bɨsapmon Yawe da gak aŋpulugosak dosi nandɨsat. Jekop dakon Piŋkop da gak aŋkutnosak dosi nandɨsat.
14201	PSA 20:5	Piŋkop da yo morap galak tosol uŋun gamjak, ae pi morap ak do nandɨsal uŋun da aŋpulugaŋakwan arɨpmɨ tagɨ abi dosi nandɨsat.
14202	PSA 20:6	Emaron teban toki bɨsapmon kɨsɨk kɨsɨk aneŋ, ae Piŋkopnin dakon man awɨgɨneŋ. Yawe da bɨsit morapgo nandɨsak dosi nandɨsat.
14204	PSA 20:8	Amɨn dɨwarɨ emat bɨsapmon os da amɨn ɨlɨk pawɨlgaŋ tamoni uŋun do pɨbɨt tɨdok aŋ. Ae amɨn dɨwarɨ osni do pɨbɨt tɨdok aŋ. Mani nin Yawe Piŋkopnin dakon tapmɨm do yo madepsi yaŋ nandamaŋ.
14214	PSA 21:8	Kɨla amɨn madep da egɨp egɨpni Yawekon tosok yaŋsi nandɨsak. Piŋkop Wukwisi, uŋun da kɨla amɨn madep do bɨsapmɨ bɨsapmɨ but dasi galak taŋ ɨmɨsak, do tebaisi atdɨsak.
14222	PSA 22:2	Piŋkopno, Piŋkopno, nido nipmaŋ dekgɨl? Iyoŋ iyoŋ yaŋapbo nido dubagɨkon egek jɨgɨkon naŋ dɨma aŋpulugosol?
14223	PSA 22:3	Piŋkopno, gɨldarɨ gɨldarɨ gak do yaŋ tɨdosot, mani kobogɨ dɨma nayɨsal. Kalbiyo kɨsi gak do yaŋ tɨdosot, mani yaworɨ kɨnda dɨma abɨdosot.
14230	PSA 22:10	Piŋkop gak dasi kɨlano aŋaki meŋ da buron da tagɨsi altagɨm. Mum nagɨm bɨsapmon aŋpulugaŋbɨ egɨp egɨpno gagon tosok yaŋsi nandaŋ gamgum.
14231	PSA 22:11	Meŋno da aŋalagɨron da wasaŋek gak da kɨsiron egɨpgum da egɨsat. Si altagɨmon da wasaŋek gak Piŋkopno egɨpgul da egɨsal.
14235	PSA 22:15	Pakbi ɨsal dogɨn tagal kɨ mudoŋ, uŋun da tɨlak tapmɨmno mɨnisi aŋ. Kɨdatno dakon saŋbekni kɨsi kalkalaŋ mudoŋ. Bɨt nelak da pakbi dagoŋ uŋun da tɨlak butno wagɨlsi tapmɨmɨ mɨni pakbi ɨdap asak.
14240	PSA 22:20	Yawe, nak nepmaŋek dubagɨkon dɨma egɨpbi. Paŋpulugokno, tepmɨ abɨŋ aŋpuluga.
14245	PSA 22:25	Nido jɨgɨ madepsi paŋ amɨn manji dɨma yomɨsak. Tepmɨ jɨgɨyo paŋ amɨn uŋun do nandaban yo ɨsalɨ dɨma asak. Uŋun manji dɨma yomɨsak. Paŋpulugosak do yaŋ tɨdaŋba bɨsitni nandaŋ yomɨsak.
14246	PSA 22:26	Amɨn madepsi Piŋkop gawak ɨm do muwutni bɨsapmon gak aŋkɨsikeŋ. Mɨŋat amɨnyo gak do pasolgoŋ uŋun da dabɨlon kalɨp gak do paret ak do yaŋ teban tagɨm uŋun akdɨsat.
14247	PSA 22:27	Bupmɨ amɨn jap arɨpmɨsi naŋ tugokdaŋ. Ae Yawe wɨsɨŋ kokdo pi aŋ amɨn uŋun da mani aŋkɨsikdaŋ. Piŋkop da paŋpulugaŋban dagok dagogɨ mɨni butni tagɨsi taŋ aŋaŋ wɨgɨkdɨsak.
14250	PSA 22:30	Mɨktɨmɨ mɨktɨmɨ kwen wɨgɨk amɨn morap da ŋwakbeŋ aŋ ɨmdaŋ. Mɨktɨm amɨn morap kɨmagek mɨktɨm dagokdaŋ uŋun kɨsi morap da abɨŋek Piŋkop gawak ɨmdaŋ.
14252	PSA 22:32	Piŋkop da aŋpakni kɨlegɨkon da iyɨ mɨŋat amɨn kabɨni yokwikon baŋ tɨmɨkgɨt, uŋun dakon geni don altoni amɨn baŋ yoyɨkdaŋ.
14256	PSA 23:4	Piŋkop, gak nak gat egɨsal, do gɨlo ae pɨlɨn tukyogwan agɨpbeŋ kaŋ, yo yokwi do dɨma pasolgeŋ. Gandako sipsip kɨla amɨn dakon kɨndap kɨrɨŋ abɨdosol, do uŋun da butno aŋteban asak.
14260	PSA 24:2	Pakbi ɨlarɨsi da binapmon mɨktɨm wasagɨt. Mɨktɨm dakon mibɨlɨ tap binap yɨpgut.
14261	PSA 24:3	Namɨn da Piŋkop da kabap madepmon tagɨ wɨgɨsak? Ae namɨn da iyɨ da telagɨ tamokon tagɨ atjak?
14263	PSA 24:5	Uŋuden amɨn Piŋkop da gɨsamɨtjak. Yokwikon baŋ tɨmɨgek amɨn kɨlegɨ yaŋ iyɨsak.
14264	PSA 24:6	Uŋuden amɨn da Piŋkop wɨsɨŋek Jekop dakon Piŋkop da kapmatjok kɨsak.
14270	PSA 25:2	Piŋkopno, egɨp egɨpno gagon tosok yaŋsi nandɨsat. Aŋpulugaŋaki mayagɨ dɨma pakeŋ, ae uwalno da abɨŋ nepmaŋek kɨsɨk kɨsɨk dɨma ani.
14273	PSA 25:5	Piŋkopno, yokwikon baŋ aŋpulugosol do nayɨŋ dekbɨ gengo bamɨ yol aŋaŋ kɨkeŋ. Gɨldat kɨnda kaloŋ aŋpulugoki do jomjom aŋegɨsat.
14275	PSA 25:7	Piŋkop nak monjɨ bɨlagɨ egek aŋpak yokwi agɨm uŋun do dɨma nandaki. Gak amɨn do bupmɨ nandaŋ yomɨsal, do but dasi galak taŋ nabi.
14290	PSA 25:22	Piŋkop, amɨn kabɨgo Israel yumaŋ naŋaki jɨgɨni mibɨlɨ mibɨlɨ toŋ uŋun da dɨma pabɨŋ yopni.
14311	PSA 27:9	Dɨma gandakeŋ yaŋ do dɨma pasɨlgi. Nak oman amɨngo, do butjap nandaŋek dɨma akwayɨkgi. Piŋkop, gak paŋpulugokno. Gak da nak yokwikon naŋ abɨdosol. Dɨma nepmaŋ dekgi.
14328	PSA 29:3	Yawe da gen yaŋakwan tap kwenon kɨŋakwan nandaŋ. Piŋkop tɨlɨmni madep kɨrɨrɨŋ da yaŋ madepsi yosok. Gen madepsi yaŋban sulɨgɨ tap madep kwenon kɨŋakwan nandaŋ.
14334	PSA 29:9	Yawe da gen yaŋakwan kɨndap teban da kwasɨgɨlgaŋ, aŋakwa koron kɨndap tam morap kɨsisi bɨrɨpmɨgɨ moŋ. Yaŋ aŋakwan Telagɨ Yut Madepnikon amɨn kɨsisi da yaŋ tɨdaŋek yaŋ yoŋ, “Piŋkop uŋun tɨlɨmni toŋ!”
14335	PSA 29:10	Pakbi ɨgakwa Yawe dagok dagogɨ mɨni kɨla amɨn madep egɨsak.
14339	PSA 30:3	Yawe Piŋkopno, aŋpulugoki do bɨsit gayɨko aŋpulugaŋbɨ kɨlek tagɨm.
14349	PSA 30:13	Yaŋ agɨl, do gen mapmɨt arɨpmɨ dɨma abeŋ. Mango aŋkɨsikeŋ. Yawe Piŋkopno, dagok dagogɨ mɨni ya yaŋ gayɨkeŋ.
14355	PSA 31:6	Wupno gak da kɨsiron yɨpmaŋdat. Yawe, gen bamɨ dakon Piŋkop, yokwikon baŋ pulugaŋ nepbi.
14364	PSA 31:15	Mani Yawe egɨp egɨpno gagon tosok yaŋsi nandɨsat. Nak yaŋ yosot, “Gak Piŋkopno.”
14375	PSA 32:1	Amɨn kɨnda gulusuŋ agɨt dakon yokwini Piŋkop da wɨrɨrɨk ɨmɨsak, uŋun amɨn kɨsɨk kɨsɨk tagɨ asak.
14376	PSA 32:2	Amɨn kɨnda Piŋkop da dɨwarɨni wɨrɨrɨk ɨmɨsak, ae topni mɨni egɨsak amɨn uŋun kɨsɨk kɨsɨk tagɨ asak.