13953	PSA 2:4	Kwen Kokup kɨla amɨn madep yɨtyɨt tamonikon yɨkdak amɨn jɨkgo yanjaŋ yomɨsak. Amɨn Tagɨ da jɨgɨlagon da pabɨŋ yopmaŋdak.
13987	PSA 5:8	Mani gak da nak but dasi galak taŋ namɨsal, do gak da yutnon tagɨ wɨgɨkeŋ. Telagɨ yutgokon uŋudon ŋwakbeŋ aŋek gawak gabeŋ.
14003	PSA 6:11	Uwalno kɨsisi mayaktok ae but yokwiyo pakdaŋ. Tepmɨsi tobɨl kɨŋek mayaktok pakdaŋ.
14023	PSA 8:2	Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi. Tɨlɨmgo wukwisi, kundu si yapmaŋdak.
14031	PSA 8:10	Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi.
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14100	PSA 15:1	Yawe, namɨn da gak da telagɨ yutgwan tagɨ wɨgɨsak? Telagɨ kabapgokon namɨn da tagɨ egɨpjak?
14106	PSA 16:2	Nak Yawe yaŋ iyɨgɨm, “Gak Amɨn Tagɨno. Yo tagɨsi morap tɨmɨkdat uŋun gak da kɨsiron dagɨn abaŋ.”
14113	PSA 16:9	Yum nandaŋaki nak kɨmakbi kokupmon arɨpmɨ dɨma paŋkɨ egɨpbeŋ. Aŋek gak dakon Telagɨ Amɨn yum kaŋaki kɨmakbi tamokon taŋ dɨma mɨktosak. Yaŋdo, butno tagɨsi aŋakwan mango yaŋ aŋkɨsisat. Pasol pasolɨ mɨni tagɨsi egɨsat.
14122	PSA 17:7	Nin do but dasi galak taŋ nimɨsal, uŋun dakon bamɨ nolɨŋek yo tagɨsi aŋnibi. Tapmɨm madepgokon da nin paŋpulugosol. Nin gak da kapmatjok egek uwalnin da dɨma nindani do pasɨlgamaŋ.
14137	PSA 18:7	Butno madepsi yokwi tagɨt, mani Yawe do madepsi yaŋ tɨdagɨm. Piŋkop da aŋpulugosak do yaŋ tɨdoko Telagɨ Yutnikon egek yaŋ ɨlɨtno nandagɨt. Aŋek bɨsitno do mɨrak yopgut.
14147	PSA 18:17	Yawe kwen egɨsak uŋun kɨsirɨ yɨpban pɨŋakwan nak yokwikon baŋ abɨdagɨt. Tap madep da nak wɨtjɨgɨt, mani ɨlɨkban wɨgɨm.
14150	PSA 18:20	Uŋun da aŋ pulugaŋakwan tagɨsi egɨpgum. Tagɨsi nandaŋ namgut do aŋek nak yokwikon naŋ abɨdagɨt.
14176	PSA 18:46	Tapmɨm pawit uŋun kɨlɨ yɨpba magɨt, ae kokup papni tapmɨmɨ toŋ uŋun yɨpmaŋ degek si nɨmnɨmɨk nɨmnɨmɨk nagon obaŋ.
14185	PSA 19:4	Teŋteŋɨ gat pɨlɨn tuk gat gen kagani mɨni, do gen arɨpmɨ dɨma yonjil. Nin da uŋun bamot dakon tekni dɨma nandamaŋ.
14188	PSA 19:7	Gɨldat dabɨl uŋun kundu dakon dɨwarɨkon da altaŋ wɨŋek terɨ kɨnda kɨsak. Tedepnikon yo kɨnda arɨpmɨ dɨma pasɨljak. Piŋkop dakon geni uŋun wagɨl tagɨsi
14236	PSA 22:16	Tapmɨmno mɨni aŋakwan melno tɨptaŋ gen kaganogwan tegosok. Gak da nepbɨ kɨmot da tamokon pokdot.
14245	PSA 22:25	Nido jɨgɨ madepsi paŋ amɨn manji dɨma yomɨsak. Tepmɨ jɨgɨyo paŋ amɨn uŋun do nandaban yo ɨsalɨ dɨma asak. Uŋun manji dɨma yomɨsak. Paŋpulugosak do yaŋ tɨdaŋba bɨsitni nandaŋ yomɨsak.
14251	PSA 22:31	Don altaŋ altaŋ ani amɨn da omani aŋɨmdaŋ. Amɨn da Amɨn Tagɨ do yaŋ teŋteŋok aŋakwa don altoni amɨn da nandaŋ aŋaŋ kɨkdaŋ.
14255	PSA 23:3	Tapmɨm kalugɨ namɨŋek man bini tagɨsi tosak do kosit kɨlegɨkon nayɨŋ awɨldak.
14266	PSA 24:8	Kɨla Amɨn Madep tɨlɨmni toŋsi uŋun namɨn? Uŋun Yawe kaloŋ gɨn. Tapmɨmni madepsi, emaron teban tosok.
14306	PSA 27:4	Yawe do yo kaloŋɨ kɨnda do bɨsit asat. Uŋun da nandaŋ naban mɨktɨmon egɨpbeŋ bɨsapmon gɨldarɨ gɨldarɨ iyɨ da yutnon egɨpbeŋ do nandɨsat. Aŋek Yawe uŋun wagɨl tagɨsisi do dabɨlno uŋudongɨn yɨpmaŋek kɨsɨk kɨsɨk aŋek egɨpbeŋ. Aŋek Telagɨ Yut Madepnikon Yawe dogɨn nandaŋek egɨpbeŋ.
14307	PSA 27:5	Nido yo yokwi da nagon noman toni bɨsapmon uŋun da iyɨ da yutnon aŋkɨsɨbɨŋ nepban egɨpbeŋ. Yoma sopmaŋek tagɨsi aŋkɨsɨbɨŋ nepjak. Tɨp madep kɨnda da kwenon nepban tagɨsi egɨpbeŋ.
14316	PSA 27:14	Yawe aŋpulugosak do jomjom aki. Tebaisi agek nandaŋ gadaŋ ɨmɨŋek but pasol dɨma abi. Yawe do jomjom aki.
14326	PSA 29:1	Ji aŋelo tapmɨmɨ toŋ, ji Yawe aŋkɨsini. Tɨlɨmni gat ae tapmɨmni gat do nandaŋek aŋkɨsini.
14334	PSA 29:9	Yawe da gen yaŋakwan kɨndap teban da kwasɨgɨlgaŋ, aŋakwa koron kɨndap tam morap kɨsisi bɨrɨpmɨgɨ moŋ. Yaŋ aŋakwan Telagɨ Yut Madepnikon amɨn kɨsisi da yaŋ tɨdaŋek yaŋ yoŋ, “Piŋkop uŋun tɨlɨmni toŋ!”
14345	PSA 30:9	Yawe nak gak do yaŋ tɨdagɨm. Bupmɨ nandɨsak do Amɨn Tagɨ bɨsit tebaisi aŋek yaŋ iyɨgɨm,
14373	PSA 31:24	Telagɨ mɨŋat amɨn kabɨni, ji Yawe but dasi galak taŋ ɨmni. Geni guramɨkgaŋ amɨn kɨlani tagɨsi asak, mani iyɨ do nandaba wɨgɨsak amɨn uŋun kobogɨ yokwisi yomɨsak.
14441	PSA 35:11	Top amɨn da aŋpak yokwi dɨ dɨma agɨmon gen yaŋ namaŋ.
14447	PSA 35:17	Amɨn Tagɨ, bɨsap niaŋ da sigɨn yum pɨndagek nak dɨma aŋpulugoki? Aŋpulugaŋaki nak dɨma aŋupbal ani. Uŋun laion yombem da nak nɨtdaŋ, do uŋun da kɨsiron baŋ pulugoki.
14452	PSA 35:22	Yawe, gak da uŋun amɨn kɨlɨ pɨndak mudal. Gen mapmɨt dɨma aki. Amɨn Tagɨ, gak nak da dubagɨkon dɨma egɨpbi.
14453	PSA 35:23	Gak Piŋkopno ae Amɨn Tagɨno. Pɨdaŋ abɨŋ nak aŋpulugaŋek gen kokwin kɨlegɨsi aŋ nabi. Pɨdaŋek nak dakon gen aŋteban ak do yaŋ teŋteŋok abi.
14464	PSA 36:6	Yawe, gak amɨn do but dasi galak taŋ yomɨsal. Uŋun dakon tɨlakni kundu gat arɨp, madepsi. Ae gengo aŋteban aŋek nin tagɨsi paŋpulugosol. Tɨlakni uŋun kwen ason gɨkwem da arɨp.
14478	PSA 37:7	Gak Yawe da kapmatjok tayaŋgok yɨkgi. Tayaŋgok egek butgo yaworɨ taŋakwan aŋpulugosak do jomjom abi. Amɨn da aŋpak yokwi mibɨlɨ mibɨlɨ aŋek yo tagɨsi morapmɨ tɨmɨkgaŋ uŋun do nandaba kɨk dɨma abi.
14484	PSA 37:13	Mani Amɨn Tagɨ da nandɨsak, bɨsap kɨnda noman tokdɨsak, uŋun bɨsapmon amɨn yokwi pasɨl mudokdaŋ, do Yawe da jɨkgo yanjaŋ yomɨsak.
14521	PSA 38:10	Amɨn Tagɨ, gak da nak dakon galaktok teban nandɨsal. Butno da kunam yokwisi takdak, uŋun gak da dabɨlon pasɨlɨ dɨma.
14527	PSA 38:16	Mani Yawe, nak gak do jomjom asat. Amɨn Tagɨ, gak Piŋkopno, do gaga geno dakon kobogɨ aŋtobɨlbi.
14534	PSA 38:23	Amɨn Tagɨ, gak yokwikon baŋ tɨmɨt tɨmɨt amɨno. Nak tepmɨsi aŋpulugoki.
14542	PSA 39:8	Mani Amɨn Tagɨ, abɨsok nak nido jomjom asat? Nak gak do nandaŋ gadaŋek gak dagɨn aŋpulugoki do jomjom asat.
14566	PSA 40:18	Nak wadak wadak amɨn. Mani Amɨn Tagɨ da nak do nandak nandak asak. Piŋkop, gak dagɨn paŋpulugok amɨno, ae nak yokwikon naŋ abɨdosol. Do jomjom dɨma abi. Tepmɨsi nak aŋpulugoki.
14588	PSA 42:8	Tap da tagaŋ wɨŋek ɨleŋon mɨktɨm wɨtjisak ae pakbi tek maŋakwa wɨwɨk madep asak, uŋudeŋ gɨn jɨgɨ morapmɨ da wɨtjɨŋ namɨŋakwa yokwisi nandɨsat.
14591	PSA 42:11	Toktogɨsi uwalno da sɨtnok aŋ namɨŋek yaŋ yoŋ, “Piŋkopgo dukon egɨsak?” Gen uŋun da gobɨŋ da yaŋ yamaŋ namɨŋakwan kɨmot do nandɨsat.
14595	PSA 43:3	Teŋteŋɨgo gat ae gengo bamɨ gat yopbɨ nagon obɨŋek kosit nolɨnjil. Nolɨŋbal kaŋek nomansi telagɨ ɨleŋgokon gaga egɨsalon wɨgɨkeŋ.
14621	PSA 44:24	Amɨn Tagɨ, gak pɨda! Gak nido pokdol? Pɨda! Nin do toktogɨsi manji dɨma nibi.
14637	PSA 45:13	Tair kokup pap dakon mɨŋat amɨnyo da but galak do yo paŋabɨŋ gamdaŋ. Ae yoni morapmɨ amɨn da gak dakon tagɨ tɨm abɨdok do but galak do yo paŋabɨŋ gamdaŋ.
14646	PSA 46:4	Tap madepsi tamalɨgakwan tarak madepsi aŋek ɨleŋ oba paŋkwakwalɨtjak kaŋ, nin uŋun do dɨma pasolneŋ.
14650	PSA 46:8	Yawe Tapmɨm Ami nin gat egɨsak. Jekop dakon Piŋkop uŋun dam tebanin arɨpmɨ dɨmasi tuwɨlɨ egɨsak.
14654	PSA 46:12	Yawe Tapmɨm Ami nin gat egɨsak. Jekop dakon Piŋkop uŋun dam tebanin arɨpmɨ dɨma tuwɨlɨ egɨsak.
14672	PSA 48:8	Yaŋ nandaŋakwa gak da dapbɨ kɨmakgwit. Uŋun gɨldat wɨsak tet da mɨrɨm madep da Tarsis amɨn dakon tap wakga paŋupbal asak, uŋun da tɨlak gak da uŋun amɨn paŋupbal agɨl.
14673	PSA 48:9	Kalɨp Piŋkop da kokupni aŋkutnaŋek yo agɨt uŋun dakon geni nandagɨmaŋ. Abɨsok aeni yaŋ gɨn aŋakwan komaŋ. Nin Piŋkopnin Yawe Tapmɨm Ami da kokup papmon ekwamaŋ. Piŋkop da kokupni aŋteban aŋakwan bɨsap mudok mudogɨ mɨni tebai taŋ aŋaŋ wɨgɨkdɨsak.
14701	PSA 50:1	Piŋkop Tapmɨm Ami uŋun Yawe. Uŋun da amɨn kɨsisi mɨktɨmon ekwaŋ uŋun yaŋ ɨlɨkdak. Gɨldat wɨsak tetgɨn da wasaŋek kɨŋ si pɨgɨsak tetgɨn amɨn ekwaŋ kɨsisi yaŋ ɨlɨkdak.
14736	PSA 51:13	Nolbɨ gak da dubagɨkon dɨma egɨpbeŋ. Telagɨ Wupgo nagon egɨsak uŋun dɨmasi gwayeki.
14739	PSA 51:16	Piŋkop, Yokwikon Baŋ Tɨmɨt Tɨmɨt Amɨno, nak yokwi aŋapbo amɨn kɨnda kɨmakgɨt. Mani dɨwarɨno yɨpmaŋ nabi. Yaŋ aŋaki aŋpakgo kɨlegɨ do nandaŋek kɨsɨk kɨsɨk kap yokeŋ.
14740	PSA 51:17	Amɨn Tagɨ, gen dulumno aŋtagap abɨ mango aŋkɨsikeŋ.
14749	PSA 52:5	Gak aŋpak kɨlegɨ do dɨma galak tosol. Aŋpak yokwi dogɨn galak tosol. Gak gen bamɨ yogok do dɨma galak tosol. Top yogok dogɨn galak tosol.
14765	PSA 54:3	Piŋkop mango wukwisi, do amɨn yokwi da kɨsiron baŋ pulugaŋ nepbi. Tapmɨmgo madepsi do aŋpulugaŋbɨ tagɨsi egɨpbeŋ.
14768	PSA 54:6	Mani Piŋkop uŋun paŋpulugokno. Amɨn Tagɨ da tapmɨm namɨŋakwan sigɨn egɨsat.
14780	PSA 55:9	Tepmɨsi kɨŋek yoŋgamno kɨnda aŋalon aŋek mɨrɨm ae sɨkakyo madepsi da dubagɨkon tagɨ egɨpbeŋ.”
14781	PSA 55:10	Nak pɨndakgo kokup papgwan pɨdok aŋek emat aŋ, do Amɨn Tagɨ, gak da geni paŋɨŋtok abi.
14801	PSA 56:6	Yo morap akdɨsat uŋun uwal da paŋupbal ak do pi aŋ. Toktogɨsi nak aŋupbal ak do kosit wusɨk aŋ.
14815	PSA 57:6	Piŋkop, mɨŋat amɨnyo da gak dakon man kundu yapmaŋek kwensi awɨgɨni do nandɨsat. Tapmɨmgo yɨpbi mɨktɨm morap kɨsikon nomansi teŋteŋosak. Yaŋ aŋaki mɨŋat amɨn morap kɨsi da man madepgo do nandani.
14819	PSA 57:10	Amɨn Tagɨ, Amɨn Ŋwakŋwarɨ Kabɨ da binapmon ya yaŋ gayɨkeŋ. Mɨŋat amɨn morap kɨsikon agek mango awɨgɨkeŋ.
14820	PSA 57:11	Nin do but dasi madepsi galak taŋ nimɨsal. Uŋun dakon tɨlak yɨpneŋ kaŋ, wɨgɨ kundu da arɨp akdɨsak. Toktogɨsi gengo tagɨsi uŋun yol kɨmagek ninon yo tagɨ asal uŋun arɨpmɨ tagɨ manjɨneŋ kaŋ, tɨlakni uŋun wɨgɨ gɨkwem kagagwan da arɨp.
14821	PSA 57:12	Piŋkop, mɨŋat amɨnyo da gak dakon man madepsi awɨgɨni do nandɨsat. Tapmɨmgo yɨpbɨ mɨktɨm morap kɨsikon nomansi teŋteŋosak. Yaŋ aŋaki mɨŋat amɨn morap kɨsi da man madepgo do nandani.
14839	PSA 59:6	Piŋkop Yawe, Tapmɨm Ami, tepmɨsi abɨŋek nak aŋpulugoki. Gak Israel amɨn dakon Piŋkop, tepmɨsi abɨŋ amɨn kabɨ morap egɨ aŋaŋ kwaŋ tepmɨ pi yobi. Uŋun jamba but amɨnsi, do bupmɨ dɨma nandaŋ yobi.
14845	PSA 59:12	Amɨn Tagɨ, dɨma dapbɨ kɨmotni. Mɨŋat amɨno da tapmɨmgo madep do dɨ ɨŋtaŋbam. Gak pasɨknin tebaisi, gaga da tapmɨmon uwal yolbɨ kɨŋakwa paŋupbal aki.
14846	PSA 59:13	Toktogɨsi yokwi ak dogɨn yoŋ. Iyɨ do nandaba wɨkwaŋ do yum pɨndagaki iyɨ da paron yokwalni. Jobɨt tɨmɨtdo dakon gen ae top gen gat kɨsi yoŋ.
14873	PSA 61:8	Piŋkop, aŋteban aŋaki bɨsap dagok dagogɨ mɨni gak da dabɨlon kɨla amɨn madep egɨpjak. Toktogɨsi but dasi galak taŋ ɨmɨŋek kɨlani aŋek aŋkutnoki dosi nandɨsat.
14887	PSA 62:13	Nak bɨsapmɨ bɨsapmɨ amɨn do but dasi galak taŋ yomɨsat.” Amɨn Tagɨ, aŋpak amaŋ uŋun da arɨpmon gak da amɨn kaloŋ kaloŋ do kobogɨ nimɨŋ nimɨŋ asal.
14890	PSA 63:3	Telagɨ yutnon gandagɨm. Tapmɨmgo madep gat ae tɨlɨmgo gat pɨndakgɨm.
14915	PSA 65:5	Amɨn gak da yutnon opni do manjɨsal uŋun kɨsɨk kɨsɨk ekwaŋ. Gak da Telagɨ Yut Madepmon yo tagɨsi toŋ uŋun baŋ tugok tugogɨsi paŋek ekwamaŋ.
14927	PSA 66:3	Piŋkop yaŋsi iyɨni, “Yo morap asal uŋun wagɨl tagɨsisi. Tapmɨmgo uŋun madepsi, do uwalgo da madepsi pasolgoŋ.
14930	PSA 66:6	Uŋun da Tap Gami aban kɨbɨdaŋ mɨktɨm kɨbɨrɨ yombem aŋakwan uŋudon da terɨ kɨnda wugɨwit. Ji abɨŋek mani yaŋ aŋkɨsino.
14942	PSA 66:18	Butnokon dɨwarɨno tawit uŋun yaŋkwok dɨma agɨm tam, Amɨn Tagɨ bɨsitno dɨma nandaban.
14964	PSA 68:12	Amɨn Tagɨ da mɨŋat amɨni do gen yomgut, aban mɨŋat morapmɨ da kɨŋ gen uŋun yaŋ teŋteŋawit.
14967	PSA 68:15	Piŋkop Tapmɨm Ami da Salmon Kabapmon kɨla amɨn madep yolban kɨwit, aŋek uŋun kabapmon ais yopban mawit.
14970	PSA 68:18	Amɨn Tagɨ emat amɨni gat os da emat amɨn ɨlɨk pawɨlgaŋ tamo tausen morapmɨ kon da apgut. Sinai Kabap yɨpmaŋek pɨgɨt da iyɨ da telagɨ yutnon egɨsak.
14972	PSA 68:20	Amɨn Tagɨ dakon man awɨgɨno. Gɨldarɨ gɨldarɨ nin dakon jɨgɨ ɨmekdak. Piŋkop kaloŋ dagɨn nin yokwikon baŋ tɨmɨkdak.
14973	PSA 68:21	Piŋkopnin da nin paŋpulugaŋakwan tagɨsi ekwamaŋ. Amɨn Tagɨ Yawenin da nin paŋpulugaŋakwan dɨma kɨmokgomaŋ.
14975	PSA 68:23	Amɨn Tagɨ da yaŋ yosok, “Nak da uwalji Basan ekwaŋ uŋun aeno tɨmɨk paŋapdɨsat. Tap ɨdap da kadagɨkonsi baŋ tɨmɨk pawɨkeŋ.
14983	PSA 68:31	Piŋkop, Isip uŋun joŋ kɨlap yokwi yombem, uŋun tebaisi iyɨki. Gak da uwalnin morap kwen wɨgɨk aŋ uŋun tebaisi yoyɨki. Tebai yoyɨŋaki wɨgɨ ŋwakbeŋ aŋek silwa gamni dakon bɨsapmon wugɨsak. Emat ak do nandaŋ amɨn yolbɨ dukwan dukwan kɨni.
14985	PSA 68:33	Amɨn Ŋwakŋwarɨ Kabɨ, ji Piŋkop do kap yaŋek Amɨn Tagɨ dakon man awɨgɨk do kap yoni.
14995	PSA 69:7	Amɨn Tagɨ Yawe Tapmɨm Ami, yum nandaŋaki yokwi dɨ abo gak da paŋpulugosak do nandaŋ gadat aŋek jomjom aŋ amɨn da mayaktok dɨ pabam. Israel amɨn nin dakon Piŋkopnin yum nandaŋaki yokwi dɨ abo gak wɨsɨŋ gandak do pi aŋ amɨn da mayaktok dɨ pabam.
15010	PSA 69:22	Jap do agɨm bɨsapmon marasin yokwi baŋ namgwit. Tekno kɨbɨdaŋban wain ɨsɨpmɨ baŋgɨn nokeŋ do namgwit.
15036	PSA 71:5	Amɨn Tagɨ Yawe, gak dasi pulugaŋ nepdɨsal yaŋ nandaŋek egɨsat. Nak monɨŋɨsogon da nandaŋ gadaŋ gamɨŋ aŋaŋ wɨgɨm.
15047	PSA 71:16	Amɨn Tagɨ Yawe, gak dakon tapmɨm do nandaŋek gak aŋkɨsikeŋ. “Yawe kaloŋ gɨn uŋun amɨn kɨlegɨsi” yaŋ yoyɨŋ teŋteŋokeŋ.
15095	PSA 73:20	Amɨn Tagɨ, uŋun amɨn da dɨpmɨn pɨndakgaŋ da wɨsa dagaŋakwan pasɨlgaŋ uŋun yombem. Gak da abɨŋaki amɨn yokwi pasɨl mudoni.
15103	PSA 73:28	Mani nak gak da kapmatjok egɨsat, uŋun da tagɨsi. Amɨn Tagɨ Yawe, gak da nak tagɨsi aŋkutnosol. Nak yo morap agɨl do yaŋ teŋteŋok abeŋ.
15113	PSA 74:10	Piŋkop, bɨsap niaŋ da uwal da yaŋsul yokwisi aŋ gamni? Toktogɨsi gak dakon man do yaŋba yokwi tok aŋegɨpni?
15114	PSA 74:11	Gak nido nin dɨma paŋpulugok do nandɨsal? Tapmɨm madepgokon da uwalnin dapbɨ tasɨk toni.
15153	PSA 77:3	Jɨgɨ bɨsapmon nak Amɨn Tagɨ do bɨsit asat. Kalbi bɨsit aŋ ɨmɨsat, mani but yawot dɨma abɨdosot.
15158	PSA 77:8	“Amɨn Tagɨ da toktogɨ manji namjak bo? Nak do saŋbeŋek dɨma galak tosak bo?
15167	PSA 77:17	Piŋkop, Tap Gami da gak gandagɨt bɨsapmon si pasalek kwakwalɨkgɨt.
15187	PSA 78:16	Tɨpmon pakbi aban noman tagɨt uŋun koron pakbi madep da yaŋ pak kɨgɨt.
15212	PSA 78:41	Israel amɨn dakon Piŋkop Telagɨsi bɨsap morapmɨ aŋkewalakwa nandaban yokwi tok aŋyomgut.