13945	PSA 1:2	Uŋun amɨn da Yawe dakon nawa gen do tagɨsi nandɨsak. Gɨldat kalba ae kalbiyo kɨsi uŋun do nandaŋ egɨsak.
13946	PSA 1:3	Uŋun amɨn kɨndap kɨnda pakbi ɨleŋon kwaokbi yombem. Bamɨ toktok bɨsapmon bamɨ uŋudon taŋtaŋ asak, ae tamɨ dɨma kɨbɨdosok. Yo morap asak uŋun aban bamɨ tagɨsi gɨn noman toŋ.
13947	PSA 1:4	Amɨn yokwi uŋun yaŋ dɨmasi. Uŋun wit dakon gɨpmɨ mɨrɨm da wɨrɨrɨk paŋgwaŋ uŋun yombem.
13951	PSA 2:2	Mɨktɨm morap dakon kɨla amɨn madepni emat ak do tagap toŋ. Uŋun muwugek Yawe gat ae amɨn uŋun mɨŋat amɨn kabɨni kɨla asak do bɨt nelak tagal ɨbi amɨn gat pabɨŋ yop do gen yaŋ paŋteban aŋ.
13952	PSA 2:3	Gen yaŋ yoŋ, “Uŋun bamot dakon amɨn wamwam nap teban paŋdagono. Ain nap kandapninon paŋteban agɨmal uŋun wɨtdalno.”
13955	PSA 2:6	Uŋun da yaŋ yoyɨsak, “Nak da on amɨn kɨla amɨn madepno egɨpjak do kɨlɨ yɨpgum da telagɨ ɨleŋno Saion uŋudon yɨkdak.”
13964	PSA 3:3	Uŋun da yaŋ yoŋ, “Piŋkop da arɨpmɨ dɨma aŋpulugokdɨsak.”
13966	PSA 3:5	Yawe da aŋpulugosak do yaŋ tɨdosot. Uŋun telagɨ kabapnikon egek yaŋ ɨlɨtno dakon kobogɨ namɨsak.
13968	PSA 3:7	Uwalno 10 tausen da terɨ terɨ da abɨŋ aŋdagat ayɨŋ, mani uŋun do dɨma pasolgeŋ.
13969	PSA 3:8	Yawe gak apbi! Piŋkopno abɨŋ aŋpulugoki! Uwalno mogɨm kulbak dapbi. Amɨn yokwi uŋun dakon geni dapmaŋ bɨrɨpmɨkgi.
13989	PSA 5:10	Uwalno gen bamɨsok kɨnda dɨmasi yoŋ. Amɨn dɨwarɨ paŋupbal ak dogɨn nandaŋ. Gen kagani uŋun kɨmakbi tamo da yaŋ pɨsoŋ. Amɨn paŋgalak ak do gen morapmɨ yoŋ.
13990	PSA 5:11	Piŋkop, gen yaŋ yomɨŋek yo yokwisi aŋ yobi. Nandak nandak yokwini paŋupbal abi. Yo akdo nandaŋ kokwin aŋ iyɨ uŋudon yokwalni. Uŋun kwen wɨgɨk aŋ gamɨŋek yokwi morapmɨ aŋ, do yolbɨ gak da ɨŋam da dubagɨkon kɨŋ mudoni.
13991	PSA 5:12	Mani amɨn morap paŋkutnoki do gagon kwaŋ uŋun kɨsɨk kɨsɨk tagɨ ani. Uŋun but galak nandaŋek kɨsɨk kɨsɨk dakon kap dagok dagogɨ mɨni tagɨ yoni. Paŋkutnaŋaki but dasi galak taŋ gamaŋ amɨn kɨsɨk kɨsɨk sigɨn aŋek mango awɨgɨni.
14000	PSA 6:8	Uwalno morapmɨsi, do kunam gɨn tak egapbo dabɨlno pɨrɨropmaŋ. Aŋakwa yo kɨnda dɨma kosot.
14003	PSA 6:11	Uwalno kɨsisi mayaktok ae but yokwiyo pakdaŋ. Tepmɨsi tobɨl kɨŋek mayaktok pakdaŋ.
14010	PSA 7:7	Yawe, pɨdoki! Uwalno da nagon emat tebaisi aŋ. Uŋun butjap nandaŋ yomɨŋek yo yokwisi aŋ yobi. Piŋkopno, aŋpak kɨlegɨ dogɨn galak tosol, do abɨŋek aŋpulugoki.
14028	PSA 8:7	Yo morap wasagɨl uŋun nin da kɨlani aneŋ do yaŋ mudagɨl. Uŋun yo morap nin dakon pɨŋbi ekwaŋ.
14035	PSA 9:4	Uwalno da gandaŋek pasal kwaŋ. Maŋ pagek kɨmak mudoŋ.
14038	PSA 9:7	Uwal wagɨlsi tasɨk tawit. Piŋkop gak da kokup papni kɨlɨ paŋupbal agɨl, ae amɨn da ɨŋtaŋ yomdaŋ.
14039	PSA 9:8	Mani Yawe uŋun kɨla amɨn madep dagok dagogɨ mɨni egɨ wɨgɨsak. Uŋun kɨla amɨn madep yɨtyɨt tamonikon yɨgek gen kokwin pi ak do kɨlɨ tagap tagɨt.
14040	PSA 9:9	Uŋun aŋpak kɨlegɨkon da mɨŋat amɨn kabɨ morap dakon aŋpakni kokwin akdɨsak. Ae aŋpak tagɨsikon da mɨŋat amɨn kabɨ morap kɨsi kɨla akdɨsak.
14041	PSA 9:10	Uwalon jɨgɨ paŋ amɨn Yawe da tagɨsi paŋkutnosok. Jɨgɨ bɨsapmon uŋudon kɨŋek pasɨlgaŋ.
14045	PSA 9:14	Yawe, bupmɨ nandaŋ nabi. Uwal da jɨgɨ tepmɨyo namaŋ pɨndakgi. Palɨ kɨmot do asat, do yokwikon naŋ abɨdaŋaki tagɨsi egɨpbeŋ.
14050	PSA 9:19	Bɨsapmɨ bɨsapmɨ Piŋkop da yoni mɨni amɨn dɨma ɨŋtaŋ yomɨsak. Jɨgɨni madepsi toŋ amɨn, uŋun Piŋkop da paŋpulugosak do nandaŋ gadat aŋek jomjom aŋ. Uŋun yum pɨndagakwan ɨsal dogɨn jomjom dɨma aŋ.
14057	PSA 10:5	Yo morap aban tagɨsi noman toŋ. Yawe, gak dakon nandak nandak kɨndasok dɨmasi nandɨsak. Uŋun da uwalni do manji gen yaŋ yomɨsak.
14060	PSA 10:8	Uŋun kokupmon pasɨlɨ egek amɨn gulusuŋni mɨni amɨn apba dapban kɨmotni do jomjom asak. Uŋun si pasɨlek amɨn tapmɨmni mɨni paŋupbal ak do yubɨŋ egɨsak.
14061	PSA 10:9	Laion da yaŋ pasɨlɨkon yɨgek kɨla tebai asak. Uŋun pasɨl yɨgek tapmɨmni mɨni amɨn paron yokwalban ɨlɨk paŋkɨsak.
14076	PSA 11:6	Amɨn yokwi do kɨndap tepmɨsi sosok uŋun tagal yomɨsak. Aŋek gɨptɨmni obɨsi soŋ yomni do mɨrɨm tepmɨsi sosok uŋun yɨpban abɨsak. Uŋun yokwi awit dakon kobogɨni.
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14083	PSA 12:6	Mani Yawe da yaŋ yosok, “Amɨn yokwi da tapmɨmni mɨni amɨn pabɨŋ yopmaŋgaŋ, ae yoni mɨni amɨn iyoŋ iyoŋ yaŋek ekwaŋ. Do nak da abɨŋ paŋpulugokeŋ. Uŋun nak da paŋkutnokeŋ do yoŋ, do yaŋsi akdɨsat.”
14084	PSA 12:7	Yawe dakon yaŋ teban tok gen uŋun bamɨsi. Uŋun silwa kɨndapmon kosirɨ 7 yaŋ soŋba jɨmjɨmɨ mɨnisi aŋ, uŋun yombem wagɨl tagɨsi.
14093	PSA 14:1	Nandaŋ kokwini tagɨ dɨma amɨn burɨkon da yaŋ yoŋ, “Piŋkop kɨnda dɨma egɨsak.” Uŋun amɨn yokwisi. Yo wagɨl yokwisi baŋ gɨn aŋ. Kɨnda da aŋpak tagɨ kɨnda dɨma asak.
14094	PSA 14:2	Yawe uŋun Kwen Kokup da sɨŋtaŋban pɨŋakwan mɨŋat amɨn morapyo pɨndakdak. Uŋun da amɨn kɨnda nandak nandakni tagɨsi kɨnda Piŋkop wɨsɨŋ kok do pi asak bo dɨma yaŋ do wɨsɨsak.
14095	PSA 14:3	Mani dɨma. Kɨsi morap kosit kɨlegɨ kɨlɨ yɨpmaŋ dekgwit. Uŋun amɨn wagɨl amɨn yokwisi, kɨsi morap arɨp gɨn. Kɨndasok da aŋpak tagɨsi kɨnda dɨmasi asak.
14104	PSA 15:5	Amɨn da goman aŋ ɨba dɨ gat saŋbeŋek ɨmni do dɨma yosok. Ae amɨn da topni paŋteban aŋek si yumaŋ naŋakwa amɨn kɨlegɨ gen pikon yop do aba geni dɨma nandaŋ yomɨsak. Uŋun aŋpak kɨlegɨ morap yolgaŋ amɨn uŋun dagok dagogɨ mɨni arɨpmɨ dɨma mokdaŋ.
14111	PSA 16:7	Yawe aŋkɨsikeŋ. Uŋun da tagɨsi egɨpbeŋ do nayɨŋ nolɨsak. Ae kalbi butno da nayɨŋ dekdak.
14121	PSA 17:6	Piŋkop, gak da bɨsitno dakon kobogɨ namɨsal. Uŋun do aŋek gak do bɨsit asat. Mɨrak yopmaŋek bɨsitno nandaki.
14127	PSA 17:12	Uŋun laion da kɨlap dap do aŋ uŋun da tɨlak, ae laion bulagɨ da pasɨlek yubɨŋ ekwaŋ uŋun da tɨlak.
14129	PSA 17:14	Yawe, tapmɨm madepgokon da aŋpulugaŋaki uwalno da dɨma nɨkba kɨmokgeŋ. Uŋun mɨktɨm dakon yo baŋgɨn paŋmuwut do nandaŋ. Aŋpak yokwini dakon kobogɨ yo yokwisi aŋ yobi. Ae monjɨni gat ae babɨkni don altoni uŋun yo yokwisi aŋyobi.
14133	PSA 18:3	Yawe uŋun tɨp madepno, uŋun da nak aŋkɨsɨbɨsak. Uŋun dam tebano arɨpmɨ dɨma tuwɨlɨ egɨsak. Aŋek uwal da kɨsiron naŋ abɨdosok. Piŋkopno uŋun tɨp madepsi yombem, do uwalno da dɨma nandani yaŋ do uŋudon kɨŋ pasɨldat. Yawe uŋun pasɨkno, ae yokwikon naŋ abɨdaŋek kɨlano asak dakon tapmɨm taŋ ɨmɨsak. Uŋun dam tebano.
14140	PSA 18:10	Uŋun kundu wɨtdalek pɨgɨt. Aŋakwan gɨkwem pɨlisi da kandapni da mibɨlgwan tawit.
14141	PSA 18:11	Uŋun aŋelo madep serabim kɨnda da kwenon yɨkban pɨrɨropmaŋ abɨgɨt. Ae mɨrɨm mɨnam da yaŋ pɨrɨ toŋ da Piŋkop abɨdaŋ tepmɨsi abɨgɨt.
14142	PSA 18:12	Uŋun da pɨlɨn tuk yɨpban kubɨkgɨt. Gɨkwem pɨlisi sɨkak mok do aŋakwan wamaŋdak uŋun da wɨtjɨgɨt.
14143	PSA 18:13	Uŋun da gɨkwem aban teŋteŋɨsi aŋakwa ais sɨkak gat kɨndap patdet gat uŋun gɨkwemgwan da mawit.
14145	PSA 18:15	Uŋun da aban mal da dɨkdɨkni da yaŋ uwalni yaban pasal kɨwit.
14148	PSA 18:18	Uwalno da madepsi teban taŋakwa nak da arɨpmɨ dɨmasi pabɨŋ yopmɨ, mani Yawe da nak uŋun da kɨsiron baŋ abɨdagɨt.
14150	PSA 18:20	Uŋun da aŋ pulugaŋakwan tagɨsi egɨpgum. Tagɨsi nandaŋ namgut do aŋek nak yokwikon naŋ abɨdagɨt.
14154	PSA 18:24	Uŋun da nandɨsak, nak gulusuŋno mɨni. Kosit agɨpgum uŋun kɨla tebai aŋek yokwi kɨnda dɨma agɨm.
14162	PSA 18:32	Yawe kaloŋgɨn Piŋkop bamɨsi. Uŋun kaloŋ dagɨn tɨp madep da yaŋ dam aŋnimɨsak.
14165	PSA 18:35	Uŋun da emat agak do nayɨŋ degek kɨsitno aŋteban asak, do obip tebai ain kɨnda mani bras uŋun baŋ wasaŋbi uŋun tagɨ paŋɨlɨkgeŋ.
14173	PSA 18:43	Mɨrɨm da mɨlɨp mɨlɨp pɨsoŋba dukwan dukwan kwaŋ, uŋun da tɨlak obɨsi paŋupbal agɨm. Uwal mabo kɨŋek neŋak da yaŋ kosiron tawit.
14175	PSA 18:45	Uŋun da mibɨlno nandaŋek uŋudon gɨn geno guramɨkgaŋ. Mɨktɨm dubagɨkon amɨn da nak do pasalek abɨŋ ŋwakbeŋ aŋ namaŋ.
14177	PSA 18:47	Yawe uŋun toktogɨsi egɨsak. Uŋun tɨp madep da yaŋ nak dam asak, do mani aŋkɨsineŋ. Piŋkop da nak yokwikon naŋ abɨdagɨt, do nin man madepni awɨgɨneŋsi.
14180	PSA 18:50	Uŋun do aŋek Amɨn Ŋwakŋwarɨ Kabɨ da binapmon mango awɨgɨkeŋ. Yawe, mango awɨgɨk do kap yokeŋ.
14189	PSA 19:8	Yawe dakon nawa gen uŋun gwaljɨgɨ mɨni wagɨl tagɨsisi. Uŋun da egɨp egɨpnin paŋkaluk asak. Yawe dakon gen uŋun bamɨ taŋ taŋ akdaŋ gɨn, dɨma suŋ tokdaŋ. Uŋun da nandak nandakni mɨni amɨn paŋtagap aban nandaŋ kokwini tagɨsi amɨn dagoŋ.
14190	PSA 19:9	Yawe dakon geni tagɨsi uŋun abɨdaŋek but galaksi nandamaŋ. Yawe dakon gen tebani uŋun gwaljɨgɨ mɨnisi. Uŋun da nandak nandak tagɨsi nimɨsak.
14199	PSA 20:3	Uŋun telagɨ yutnikon Saion kokup papmon egɨsak. Uŋun da gak aŋpulugaŋek aŋteban asak dosi nandɨsat.
14200	PSA 20:4	Uŋun da paret morap asal uŋun do tagɨ nandɨsak dosi nandɨsat. Ae paret morapgo kɨndapmon sosol uŋun do galak tosak dosi nandɨsat.
14203	PSA 20:7	Abɨsok nak nandɨsat. Yawe da kɨla amɨn madepni iyɨ manjɨgɨt aŋpulugosok. Uŋun Kwen Kokup kokupni tagɨsikon egek bɨsitni nandɨsak. Iyɨ da tapmɨmon aŋpulugaŋek uwalni da kɨsiron naŋ abɨdosok.
14205	PSA 20:9	Uŋun amɨn maŋ mudokdaŋ. Mani nin pɨdaŋek tebai atdamaŋ.
14218	PSA 21:12	Uwal da nandak nandak aŋek kɨla amɨn madep yokwi aŋ ɨm do gen yaŋ paŋteban aŋ, mani arɨpmɨ dɨma abɨŋ yɨpni.
14233	PSA 22:13	Uwalno uŋun bulmakau wɨli da yaŋ aŋgwasaŋ. Uŋun tapmɨmni madepsi, Basan mɨktɨm dakon bulmakau wɨli yombem.
14238	PSA 22:18	Kɨdatno kɨsi noman taŋakwa tagɨ manjɨkeŋ. Uŋun da nak da yokwi tat uŋun kaŋek kɨsɨk kɨsɨk aŋ.
14241	PSA 22:21	Aŋpulugaŋbɨ emat agak sɨba baŋ dɨma nɨkba kɨmokgeŋ. Uŋun amɨn pɨŋan yombem da kɨsiron baŋ pulugaŋbɨ dɨma nɨkba kɨmokgeŋ.
14245	PSA 22:25	Nido jɨgɨ madepsi paŋ amɨn manji dɨma yomɨsak. Tepmɨ jɨgɨyo paŋ amɨn uŋun do nandaban yo ɨsalɨ dɨma asak. Uŋun manji dɨma yomɨsak. Paŋpulugosak do yaŋ tɨdaŋba bɨsitni nandaŋ yomɨsak.
14263	PSA 24:5	Uŋuden amɨn Piŋkop da gɨsamɨtjak. Yokwikon baŋ tɨmɨgek amɨn kɨlegɨ yaŋ iyɨsak.
14264	PSA 24:6	Uŋuden amɨn da Piŋkop wɨsɨŋek Jekop dakon Piŋkop da kapmatjok kɨsak.
14266	PSA 24:8	Kɨla Amɨn Madep tɨlɨmni toŋsi uŋun namɨn? Uŋun Yawe kaloŋ gɨn. Tapmɨmni madepsi, emaron teban tosok.
14268	PSA 24:10	Kɨla Amɨn Madep tɨlɨmɨ toŋsi uŋun namɨn? Uŋun Yawe tapmɨmni pɨdaŋbisi. Uŋun kaloŋ dagɨn Kɨla Amɨn Madep tɨlɨmɨ toŋsi da egɨsak.
14281	PSA 25:13	Uŋuden amɨn tagɨsi egɨpdaŋ, ae monjɨ gwayoni uŋun da mɨktɨmni abɨdokdaŋ.
14287	PSA 25:19	Uwalno morapmɨsi uŋun do pɨndat. Uŋun nak do japmɨsi nandaŋek ukwayɨt aŋ.
14300	PSA 26:10	Uŋun amɨn yo yokwi ak do gen paŋkosit aŋ. Ae amɨn da notni yo yokwi aŋyomni do amɨn do tomni yomaŋ.
14305	PSA 27:3	Emat amɨn morapmɨsi da abɨŋ aŋgwasɨni kaŋ, dɨma pasolgeŋ. Uwal da nɨt do apni kaŋ, but morap dɨma abeŋ.
14306	PSA 27:4	Yawe do yo kaloŋɨ kɨnda do bɨsit asat. Uŋun da nandaŋ naban mɨktɨmon egɨpbeŋ bɨsapmon gɨldarɨ gɨldarɨ iyɨ da yutnon egɨpbeŋ do nandɨsat. Aŋek Yawe uŋun wagɨl tagɨsisi do dabɨlno uŋudongɨn yɨpmaŋek kɨsɨk kɨsɨk aŋek egɨpbeŋ. Aŋek Telagɨ Yut Madepnikon Yawe dogɨn nandaŋek egɨpbeŋ.
14313	PSA 27:11	Yawe, gaga dakon aŋpak do nayɨŋ dekgi. Uwalno morapmɨ, do kosit kɨlegɨ naŋ nayɨŋ aŋaŋ kɨki.
14314	PSA 27:12	Yum nandaŋaki uwalno da nak dɨma abɨdoni. Uŋun topmon da gen yaŋ namɨŋek nak aŋupbal akdo aŋ.
14319	PSA 28:3	Yokwi pakpak amɨn gat kɨsi nak dɨma ɨlɨk paŋkɨ mabɨ kɨneŋ. Uŋun amɨn kwen da notni do gen galagɨ galagɨ yoŋ. Mani burɨgwan nandak nandakni yokwi morapmɨ toŋ.
14331	PSA 29:6	Uŋun da wasok aban Lebanon Kabap da bulmakau monjɨ da wɨgɨ mok aŋ uŋudeŋ aŋ. Ae Ɨleŋ Emon da bulmakau wɨli bɨlagɨ da yaŋ wɨgɨ mok asak.
14333	PSA 29:8	Uŋun da wasok aban Kedes dakon mɨktɨm kɨbɨrɨ uŋun wudɨp madepsi asak.
14354	PSA 31:5	Uwalno da nak abɨdok do pat yɨpmaŋ. Mani gak pasɨlɨ tamono, do abɨŋ aŋkutnaŋaki paron dɨma yokwalgeŋ.
14360	PSA 31:11	Butnokon da jɨgɨ nandaŋ egɨsat. Uŋun da egɨp egɨpno aŋpɨsɨp asak. Kunam morapmɨ takdat do bɨsap dubagɨ dɨma egɨpbeŋ. Nak jɨgɨno madepsi do tapmɨmno mɨnisi aŋakwan kɨdatno wagɨlsi yokwi toŋ.
14361	PSA 31:12	Uwal da jɨgɨlak yaŋ namaŋ. Kokup ɨsalno da nak do nandaba yokwitok aŋ namaŋ. Aŋakwa notnoni da nak do pasol pasol madepsi aŋ. Kosiron agapbo nak nandaŋ amɨn uŋun pasal si kwaŋ.
14365	PSA 31:16	Nak don egɨ aŋaŋ kɨkdɨsat uŋun gak da kɨsiron tosok. Uwalno nak aŋsopmaŋgaŋ uŋun da kɨsiron baŋ pulugaŋ nepbi.
14368	PSA 31:19	Uŋun amɨn kwen wɨgɨk aŋek amɨn kɨlegɨ do yaŋba yokwi tok aŋyomaŋ, do uŋun top yogok amɨn paŋtasɨk abɨ gen dɨma yoni.
14372	PSA 31:23	Uŋun bɨsapmon wurɨpdagek yaŋ yagɨm, “Gak da nak nolbɨ gak da dubagɨkon egɨsat.” Mani bupmɨ nandaŋek aŋpulugoki do yaŋ tɨdoko nandaŋ namgul.
14383	PSA 32:9	Gak os bo donki da yaŋ kadɨm dɨma dagoki. Uŋun amɨn da gen kaganikon ain tɨm toŋ uŋudon nap teban paŋteban aŋek ɨlɨkba geni guramɨkgaŋ.”
14386	PSA 33:1	Amɨn kɨlegɨ ji kɨsɨk kɨsɨk nandaŋek Yawe aŋkɨsini. Uŋun aŋpak uŋun ji da agagɨsi.
14397	PSA 33:12	Mɨŋat amɨn kabɨyo Yawe yɨpba uŋun da Piŋkopni egɨsak uŋun amɨn kɨsɨk kɨsɨk tagɨ ani. Uŋun mɨŋat amɨn kabɨyo iyɨ do kɨlɨ manjɨgɨt.
14399	PSA 33:14	Uŋun kɨla amɨn madep yɨtyɨt tamonikon yɨgek sɨŋtaŋban pɨŋakwan mɨktɨmon amɨn morap pɨndakdak.
14400	PSA 33:15	Uŋun da amɨn dakon but nandak nandakni wasagɨt, do yo morap aŋ uŋun pɨndak nandaŋyo asak.
14404	PSA 33:19	Uŋun amɨn kabɨ paŋpulugaŋakwan dɨma kɨmokgoŋ, ae jap da mɨni aŋ bɨsapmon jap yomaŋakwan dɨma kɨmokgoŋ.
14405	PSA 33:20	Yawe uŋun dagɨn nin tagɨ paŋpulugosak, do uŋun do jomjom amaŋ. Uŋun da pasɨknin egakwan uŋun da yoŋgamgwan tagɨsi ekwamaŋ.
14434	PSA 35:4	Uŋun amɨn da nɨkba kɨmokgeŋ do nolgaŋ. Pabɨŋ yopmaŋaki mayaktok pani. Uŋun da nak aŋupbal ak do gen yaŋ paŋteban aŋ. Yopbɨ tobɨl kɨŋakwa paŋɨŋtok abi dosi nandɨsat.
14444	PSA 35:14	Uŋun notno bo ae padɨgɨno yombem kɨnda do bupmɨ nandagɨm. Nak amɨn kɨnda da meŋi kɨmagakwan bupmɨ ae kunamyokon da agɨsak uŋun yombem. But yokwi nandaŋek kunam ae bupmɨyo aŋek egɨpgum.
14446	PSA 35:16	Uŋun da yaŋsul sigɨn yaŋ namɨŋek gen yokwisi nayaŋ. Dɨma galak taŋ namɨŋek mam noŋ.
14447	PSA 35:17	Amɨn Tagɨ, bɨsap niaŋ da sigɨn yum pɨndagek nak dɨma aŋpulugoki? Aŋpulugaŋaki nak dɨma aŋupbal ani. Uŋun laion yombem da nak nɨtdaŋ, do uŋun da kɨsiron baŋ pulugoki.
14449	PSA 35:19	Amɨn dɨwarɨ ɨsal dogɨn uwal aŋ namaŋ. Yum pɨndakbɨ nak abɨŋ nepmaŋek kɨsɨk kɨsɨk dɨ abam. Uŋun ɨsal dogɨn nandaba yokwi tok aŋ namaŋ. Do yum pɨndagaki nak dakon jɨgɨ do kɨsɨk kɨsɨk dɨma ani.