23284	MAT 4:6	Naije Anakakai Akoe po raura nanto Yesus ai pare, “Ranivara Winyamo Arikainyo Amisye pi Winy, weamo nsopa da ntemasyo no mine waraya. Indati nanasine mamo inta ranepate ramu, weye Ayao Amisye mo ratoe mare, ‘Amisye po apa naite matutir wo naman; wo naijaro maneme rai inda vemo najoe rantukamo orame rai jinya.’ ”
23391	MAT 7:6	Vemo wapo ayao Amisye raura tutir nanto vatano wonayo raije mai jinya. Wenawamo maurata makeowe; arono wo ayao Amisye ranaun usarirae akare, wo wasatao. Muno maurata ugeowe, wo ayao Amisye so ratakadoyadi.”
23555	MAT 11:27	Umba Yesus po raura vatano wanuije umaso mai pare, “Sya Injaya po anakotaro rui vayave raunande Rinai to. Sya Injaya obo pi po apa Kavo rinaen kobe, yara vatan inta wo rinaene ramu. Muno vatan inta wo Sya Injaya aene ramu, yara Apa Kavo ribui syirati Syo aen kobe; muno vatano ibeker syare Syo Injaya arorono maije obo nawirati wo aen tavon.
23621	MAT 13:13	Wemi mbewar Syo ananeneae raura vatane mai weye mamije mo Sya ana idave raen, weramu unanta raije ramu; muno wo Sya ana idaura raraniv, weramu unanta raije ramu.
23643	MAT 13:35	Ana umaso mamo mamaisyo ayao Amisy anawae wusyine inta po raura we rai pare: “Indati Syo ananeneae rave vatane mansanyao; anakotaro ngkokaibe arono mine so ranari kobeyoe omamo Syo raura kakavimbe mai.”
24404	MRK 4:12	Maisyare omaisy indamu mamaisyo Ayao Amisye so rai: ‘Vatane so mamije mo Sya ana idave raen, weramu unanta raije ramu; muno wo Sya ana idaura raraniv, weramu unanta raije ramu. Wemi mbewar usakinav wakare Rinai jewen, weti awa ayao kakaije mamo Syo rapaya mansaije ramu.’ ”
24775	MRK 12:33	Muno Amisye beker pare wamuiny irati Ai rave, wansanuga ntenami rai muno wama ana wandatantona ntenami rai muno wama vambunine rai tenambe; muno wamuiny irati wama arakove mansai mamaisyo taune wamuinyo taune wansai ramaisy. Ananyao umaso nayamo ibe mobe, yo ananyao anakotaro rameseo Amisye aije rakivan.”
25142	LUK 4:10	Weye Ayao Amisye mo ratoe mare: ‘Amisye po apa naite matutir wo naman;
25316	LUK 8:2	Wanya inta utavondi tavon, onawamo arono wusyinoe Yesus po saumane raunande manakea njajorame rai to muno inta nawamo Po anawayo kakaijo siso maije rawatambe maora to. Wanya umaso awa tame mi som: Maria Magdalena, omamo Yesus po anawayo kakaije kaururum mawatambe raora to;
25317	LUK 8:3	muno Yohana, Kusa apa anamu, opamo panapatambe Akarijo Titi Herodes ai; muno Susana; muno wanya wanui kaijinta tavon. Wanya umaso wo taune awa ananuge, awa doije inta raunande indamu wo Yesusa pe mansaeranande.
25324	LUK 8:10	Umba Yesus po raura nande mai pare, “Amisye apa be akarive Apa kawasae mai no mine so omamo ayao ngkokaibe arono wusyinoe weti vatane unanta rai jewen, yara weapirati Amisye po rarorono wasai. Weti Syo raura kakavimbe wasai, weramu vatano kaijinta nawamo Syo ananeneae bo raura mansai indamu mamaisyo Ayao Amisye so rai mare: ‘Vatane so mansami mo Sya ana idave raen, weramu unanta raije ramu; muno wo Sya ana idaura raraniv, weramu unanta raije ramu.’ ”
25454	LUK 10:22	Umba Yesus po raura vatano wanuije umaso mai pare, “Sya Injaya po anakotaro rui vayave raunande Rinai to. Sya Injaya obo pi po apa Kavo rinaen kobe, yara vatan inta wo rinaene ramu. Muno vatan inta wo Sya Injaya aene ramu, yara Apa Kavo ribui syirati syo aen kobe; muno vatano ibeker syare Syo Injaya arorono maije obo nawirati wo aen tavon.”
26249	JHN 4:24	Amisye pamo anawayoe pa; anasine meweno Ai. Maisyare omai ti, vatane ware ubeaje Amisye ai inda mamaisy, weamo Anawayo Vambunine mo vambunine raugaje rati muno ubeaje Aijo tugaive manuga ntenami rautan.”
26738	JHN 14:1	Yesus po raura pare, “Wabemo wasanuga mamaun inya. Wapanave tawano Amisye ai; syare wapanave tawano Rinai tavon.
26739	JHN 14:2	Sya Injaya apa yavare mamo ama tanoano ta na rai manui rave. Risyoroto indamu Syo Injaya apa yavare ratayao wasanyut. Sya ayao syo raura so no rai tugae; syangkarive ramu.
26743	JHN 14:6	Yesus po raura kakavimbe pare, “Risyirati unanui nto no Injayo Amisye nui; muno Risyirati sya ayao mamai tugae; muno Risyirati syo kovo nuge nuganuije raunande vatane mai. Ribui syirati unanuijo vatane uta no Injayo Amisye ai.
26929	JHN 19:35	Risyi Yohanes syo ayaowe so ratoe, syo ana nande Yesus ai umaso raeno taune inamije rai to, weti syo ratoe so indamu vatano wanui wapanave. Sya ayao syo raura kakavimbe so ana tugae; syo raen omamo tugae ma.
27012	ACT 1:20	Petrus po raura iridi pare, “Ayao kovo Mazmur mo Kopa Mavu umaso raurairive taiso: ‘Apa mino namije rapaya ntami vayave kai; vemo vatane inta una rai jinya.’ Muno ayao inta mo ratoe akato mare, ‘Apa teto raije wemamo vatano kaijinta po ranigwan kai.’
27175	ACT 6:5	Awa ana wo raura umaso mamo vatano wanunugambe umaso manayanambe rai. Weti wo vatane kaururum matayao, awa tame mi som: Stepanus, wepamo vatano panave mbambunin muno Anawayo Vambunine ama vambunine manakoe no ai; muno Pilipus muno Perkores muno Nikanor muno Timon muno Permenas muno Nikolaus, vatano Antiokia pije, opamo manasyinoeyamo vatano Yahudi jewene pa, weramu umba po ananyao Yahudi raija to.
27217	ACT 7:32	‘Risyamo nya anene awa Amisye pi Risy; nya aneno Abraham muno Isak muno Yakob awa Amisye pi Risy.’ Musa po ranaun jani dave weti tutar, ponae po ranyanyut akatowi.
27698	ACT 20:4	Vatano nanawirati ware utavondi aije awa tame mi som: Sopater opamo vatano Berea apa aja pirati Pirus; muno Aristarkus muno Sekundus vatano Tesalonika nanaije; muno Gayus vatano Derbe pije; muno Timotius; muno Tikikus muno Tropimus vatano Asia nanaije.
28012	ROM 1:14	Amisye po inatutiro syo Ayao Kove ravovo vatano Yahudi jewene mansai tenambe—vatano una no kota rai muno vatano una no unate rai; vatano ube sekorave muno vatano ube sekorave jewen.
28031	ROM 2:1	Wamo raen Amisye apa mangke mamo mamai dave, wemi Po rapatimugo vatano wo anakotaro ngkakai rave maisyare ratodi umawe rai. Inya, vatane weap! Win dako, are bayave inta nyare nyo vatane inta apa kakai muno apa kove rakani ai indamu nyo mangke rapatimugo ai, weamo winyamo nya nteto rai mangkiki! Weye nyo mangke rapatimu nya vatane inta ai, weamo taune winyo mangke rapatimu taune nai to ije. Weye winyo vatane wato amai tavon; anakotaro ngkakainoanive po rave mamo winyamo vatan nyo rave tavon.
28174	ROM 7:15	Syantatukambe animaisye mi mbewaro rinai ti ribeare so: Ribeker ribeto ana ngkove rai, weramu syo rave ramu; yara ana syo raura tantunawi wemirati syo rave kobe.
28177	ROM 7:18	Weye syo raen ana ngkove inta no no rinai ramu; no no inanuga ngkakainoanive so rai ramu. Ribeker syo ana ngkove rave, weramu rimamaisye ramu.
28286	ROM 11:9	Muno Daud po raura tavon pare: “Amisyo winy, syare Nyo mangke raugaje irati vatano ukakainoanive mansai! Syare awa mangke nande mai papabe arono mananibe awa romane muno awa anaisyo kove rautan. Indati awa mangke raurata irati aviri ntende mo makep; muno raurata irati syeane nsawa mai.
28886	2CO 1:18	Weramu risyamo syo raura tai wemaisye ramu; syare “Yombe” umba “jewena,” omamo syo raura ramu. Weye Amisye po vatane wansaponae ramu, weti risya syo wasaponae tavone ramu.
28891	2CO 1:23	Soamo waparijo rinai, wapare, “Veanimaibe irati Paulus pakare po reansapan akato jewen?” Weti syare syo raura kakavimbe wasai: Arono nandijawe syakaore ramu weye ayao kakaije no wasaija nene muno syonae syo wasanyao soowabei. Amisye po raen sya ayao syo raura so no rai tugae; syangkarive ramu.
29003	2CO 8:3	Syo ana umaso raen ti syo raura kakavimbe: Arakove so wo doije raunande mamaisyo awa vambunine rarijati, muno wo raunande manakoeve ti mo awa vambunine rakivan tavon. Muno wo raunande mawebe; vatane inta po mantitidi jewen.
29416	EPH 6:12	Weye wama marova onawamo vatano kaije nawa jewena. Yara wama marova onawamo anawayo kakai vambunin muno awa akari ukakainoanive; muno akari mamun wamo aeno wansamije rai jewen, nanawirati ube akarive vatano mine so una no kaumure ama uga raije mansai; muno anawayo kakai manui rave wo naumo warae raijanande.
29466	PHP 2:8	Po taune anuga raveti mpaaje rave muno beto Amisye apa bekere rai ti Po anasine raunande kakai; beto Amisye ai tutir ava nto Apa kakaije no inyo kapite rai.
29548	COL 1:16	weye Wepirati Amisye po atutir indamu Po anakotare ranari tenambe: anakotaro mine so muno anakotaro munijo ntiti vintabo. Ana wamo raeno wansamije rai, Kristus po ranari; muno ana wamo raene jewen, Po ranari tavon: maisyare akarijo mine so muno akarijo naumo warae, muno naito Amisye muno vambunino akoe kotaro rui vayave. Anakotar tenambe mamo Kristus wepi po ranari, muno Po ranari taune Amarom.
29550	COL 1:18	Opamo be akarive Apa kawasae anugano Amisye mansai; onawamo Kristus anasine mije. Wepirati be anuive anugano Amisye mansai, muno Opi manasyin dave kovakato no wene ama uga rai, indamu Opamo titi anakotar tenambe rakivan.
29595	COL 3:11	Amisye apa kawasae wamamo inta mansamuinyo inta mansai ramu: Weti vatano Yahudi nanawirati wanave mato siso Amisye apa kawasae mansai, muno vatano Yahudi jewen nanawirati wanave mato siso tavon. Muno vatano sunative muno sunative jewen; vatano ube sekorave muno ube sekorave jewen; vatano aro muno vatano arove jewen. Inta sasye jewen, yara wansisa tenambe. Weye Kristus obo pirati titi, muno Opamo tuna no vatano wanave Aije manuga rai tutudi.
29772	1TI 1:9	Wandaen tavon Ananyao Musa mamo raugaje irati vatano awa ana udave mamai no Amisye amune rai maije ramu. Yara Ananyao Musa mamo raugaje irati vatano maisyare so mansai: vatano nanawirati wo ananyao rakanyoandi muno wonayo rai; vatano ubeta Amisye aije jewen muno wo ayao kakaije rave; vatano usambayambe jewen, yara utavondi ayao mine so bo rai; vatano wo awa ajae awa akoe maubaisy, muno vatano wo vatano kaijinta maubai tavon;
29773	1TI 1:10	vatano anaerere ugavo mansai; anya utitarive anya taune mansai; vatano wo vatano kaijinta maijaro arove wo mansamavun; vatano aarurijate ntapekano mai muno wo vatane maponae; muno vatano wo ayao kakai kaijo rui vayave rave ti mo ananyao nsarokire ramaisye jewen.
29814	1TI 3:16	Amisye apa ananyao tugae mamo ngko dave, wemirati ngkokaibe no wusyinoe weramu soamo Po raroron to no taiso: Yesus Kristus paje no mine so rai be vatanbe; Anawayo Vambunine mo aroron mare Opamo mamai dave; Naito Amisye wo aen to; Apa Ayao Kove mamo ravov no munije raita tenambe; Vatano wanui wanave Ai to; Amisye po aijaseo no munijo ntiti rai jakato.
29840	1TI 5:10	Syare ama ana ndave ngko dave, ti vatan tenambe wo raura titive. Weti ama ana ndave ngkove maisyare so: Mo arikainye maeranande ngko dave; mo vatane maugave usisa no ama yavar; manapatambe irati vatano wanave Yesus aije mai; mbekobe irati vatano mansanimaumbe mai; muno mo anakere kotaro kove rave tutir.
30052	HEB 2:8	Muno Nyo vambunine raugaje mai indamu ube akarive anakotare rai tenambe.” Ayao umaso murairive mare Amisye po vatano mine so maijasea ube akarive anakotare rai tenambe; weti inta ntuna akirive mansai ramu, yara wo raijanande tenambe. Weramu naisoamo wamo ana umaso raen dainya nene; vatane ube akarive anakotare rai tenambe rainy.
30112	HEB 6:1	Weti sya arakove, ibeker indamu wapa anave Kristus aije ntubai miridi nseo. Kristus apa ananyao raugaje wasai manasyimbe mamo wapo raen to, weti vemo watantuna ananyao ama ruke so bo raive tutir nora, yara soamo syare wapo ananyao ama miridi nseo ranyao tutir indamu wapa anave ntindimu. Kristus apa ananyao ama ruke mi so: ananyao wansakinavo wama ana wandave ti ngkakai rai; muno ananyao wamanave Amisye obo ai;
30113	HEB 6:2	muno ananyao vatane maugasya kuvuni mana rai; muno ananyao aneme raijasea ntamijo vatane mai; muno ananyao vatane ukovakato no wene rai; muno ananyao Amisye apa mangke no tawan. Ananyao tenambe umaso mamo wama anave ama ruke mije.
30176	HEB 9:4	Tanoano namije mamo tewa oramo emasije veano ranari ntuna rai, indamu syene wo kemenyano mbovove ramero rai. Muno Kasyamo Urairi Amisye ntuna no naije tavon, omamo emasije veano ratavan tenambe. Kasyame umaso ama uga mamo anakotare so randi rai: anomano emasije, wemirati anaisyo manna raugasya ntuna ama uga rai; muno Harun apa isyo ama isyume ntipu rai; muno orame vasye jirum, namirati Amisye apa ananyao abusyin ratoe rai ntuna rai.
30182	HEB 9:10	Ananyao wusyine mo koano anaisye raugaje, muno koano mana, muno koano manakea rarondom indamu usambayambe; weti koane so no vatane manakea vone obo rai. Vatane utavondi ananyao wusyine umaso rai java Amisye po apa ananyao wanyine veano ranigwan.
30272	HEB 11:33	Weti wama anene awa anave mbewar ti: wo akarijo titi munijo marane mapinde; wo ana mamaisye rave no munijo ube akarive raije rai; wo anakotaro Amisye po raurairive mai raija to; wo makeo singa ansopi ti po matao ramu.
30273	HEB 11:34	Wo tanamo mbadurure rapamo ti mo mansanene ramu; unajiv ti awa marova wo maubaisyo awa anaiyu rai ramu. Manasine mayondi, weramu Amisye po vambunine raugaje mai. Usisa marova rai, Amisye apa vambunine rautan, ti wo awa marova marane mapinde.
30276	HEB 11:37	Inta nawirati orame rave maepara ugwenen; inta nawirati gergaji rave maotara ugwenen; inta nawamo maubaisyo omake rai. Inta wanya awa ansuno domba muno kambine ama kea rautan, awa ananuge meweno mai, muno vatane wo mansave tatugadi muno wo mansewabe.
30313	HEB 13:5	Vemo wasanuga nto doije rai nora, yara syare wasanayanambe vayave, wapare, “Ana rui mamaisyo rinai, namije nto.” Weye Amisye apa ana po raura to mi so, pare: “Risyamo inakirive nai ramu; Muno inaneme mpaya nai vayave ramu.”
30511	1PE 3:20	Onawamo ubeta Amisye ai jewen arono aneno Noaka noowe. Amisye apa bekere mamo indamu usakinavo awa ayao kakaije rai, weti atawandi Po manyut ava Noaka po apa nyomane ranarija mewen. Weramu vatano usea nyomane umaso rai obo nawirati mapaya irati mangkeo manayam akoe ama kakai mo raugave rai; vatane umaso mansano kaumandei bayave.
30524	1PE 4:11	Ranivara Amisye po kovo vambunine raugaje nai indamu nyayao papirabe, weamo winyirati nyo Amisye apa ayao raura anugano Amisye mansai. Ranivara nya kovo vambunine mamo nyo vatane maeranande, weamo nyo maeranande mamaisyo Amisye apa vambunino po raugaje nai rai. Indamu nde anakotaro rui vayave wapo raijar, wapo Amisye aura titive irati Apa Kavo Yesus Kristus apa tame rai; Apa kovo ntiti muno Apa vambunine rararimbea nuge nuganui! Amin.
30993	REV 13:16	Muno ana mamun tipu sen no mine rai umawe wepi bewar tiva pake raunanto vatan tenambe mansai—vatano mamaun muno vatano akokoe; vatano awa ananuge manui muno vatano awa ananuge meweno maije nao; vatano aro muno vatano aro jewene nao. Vatan tenambe umaso nanawamo ana mamun umawe po mantitidi indamu pake raunanto mansai. Vatan inta nawamo pake raunanto no manem ngkove rai muno kaijinta nawamo pake raunanto mande rai.
31075	REV 18:13	Wo anakotaro ranavan mbovove ramavun tavon, maisyare inyo ama kea manavan, bumbu, kemenyane, murije, muno manino mbovov kaijinta ama mangke nseo rave. Muno anaisye tavon, maisyare anggurije, manine, tepune muno gandume. Muno sapije, domba, kuda, muno kuda ama kereta ntavon. Wo vatano wanapatambe mansamavun tavon; tugae, wo vatane mansamavunta! Weramu ananugo ama mangke nseo rave tenambe umawe mamo wo ramavun akatoe ramu weye munijo Babel randami to.