23214	MAT 1:1	Ruré zéed lá de bniety gulal ni zá lo xfamily Jesucrist, laany ni zány lo xfamily rey David ne lo xfamily Abraham:
23215	MAT 1:2	Abraham bdialá xtad Isaac, chiy Isaac guc xtad Jacob. Ax xtad Judá cunru de betsbɨ guc Jacob.
23216	MAT 1:3	Chiy Judá bichnaab Tamar, chiy ax lliindeb bdialá Fares cun Zara. Fares ax guc xtad Esrom, Esrom guc xtad Aram,
23217	MAT 1:4	Aram guc xtad Aminadab, Aminadab guc xtad Naasón, Naasón guc xtad Salmón.
23220	MAT 1:7	Chiy Salomón guc xtad Roboam, Roboam ax guc xtad Abías, Abías guc xtad Asa.
23221	MAT 1:8	Asa guc xtad Josafat, Josafatqui guc xtad Joram, Joram guc xtad Uzías.
23222	MAT 1:9	Uzías guc xtad Jotam, Jotam guc xtad Acaz. Acaz ax guc xtad Ezequías,
23223	MAT 1:10	Ezequías guc xtad Manasés, Manasés guc xtad Amón, Amón guc xtad Josías,
23226	MAT 1:13	Zorobabel guc xtad Abiud, Abiud guc xtad Eliaquim, Eliaquim guc xtad Azor,
23227	MAT 1:14	Azor guc xtad Sadoc, Sadoc guc xtad Aquim, Aquim guc xtad Eliud,
23230	MAT 1:17	Ziy guc desde tiamp xte Abraham axtquɨ tiamp xte rey David guu tsɨdá generación, chiy tsɨdáza generación guu desdɨ tiamp xte rey David axtquɨ tiamp ni guu de bniety Israel pres nez Babilonia. Ne tsɨdáza generación guu desde tiamp ni güe de bniety Israel pres nez Babilonia axtquɨ chi bdzɨny dxi ni gul Jesucrist lo guɨchliu.
23246	MAT 2:8	Ax bxiaaldbɨ laadeb Belén, raipbɨ laadeb: —Gulchia ruy, chiy gulgacbezaac irate pur bdooqui. Ne chi abdxialtɨby, gultixtee luaa te par chalee chatozacaby.
23249	MAT 2:11	Ne chi biiudeb laniuuqui, gunádeb bdooqui cun xnanby María. Ax guzullibdeb ne btodeb bdooqui. Chiyru bxaldeb ruu de caj ni zénedeb ax bzalaazdeb or, guxaal ne mirra par bdooqui.
23260	MAT 2:22	Per chi gucbee Gusé dec Arquelao llingaan Herodes ná ni canabee nez Judea, ax bdxibbɨ niadeb nezqui. Per chiguld lo bcaald gucdixtee lob dec quɨt chiatideb nez Judea, chiyru zédeb nez Galilea.
23266	MAT 3:5	Ax de bniety Jerusalén cun irate de bniety Judea ne irate de bniety ni rbez gax nez Jordán bdiiadeb güecuadiagdeb ni rnii Juany.
23270	MAT 3:9	ne quɨt izubyaatit laat iniit, “Dunnɨ ziopnɨ lo xfamily to Abraham”, te pur nare rniia laat axt de guiaré zelee gún Dios de xfamily to Abraham.
23281	MAT 4:3	Ax güegaany bɨndxab prueb laany, raipiy laany: —Belati guldípacu noo Lliin Dios, gunabee gac de guiaré guechtily.
23294	MAT 4:16	iratedeb gubánydeb zecpacza de ni nabány rut nacay. Anre abdiacá tuby bieeny par laadeb ne bieenqui bzieeny xquelrieny de ni quɨt xi speranzti gúp par cun Dios.
23296	MAT 4:18	Deni zezá Jesús ruxchu nis xte Galilea, chiy gunány Simóny ni láza Bed cun betsbɨ Andrés. Laadeb cacuaadeb tarray lo nis par canaazdeb beld.
23316	MAT 5:13	’Laat nát zec zed lo guɨchliuré. Per belati ibicá ni nallini, ¿xólesa ibíi gacllini stuby? Aquɨtru xi illiútini, irɨɨchtislani ax chaapy bniety quiani.
23364	MAT 6:13	Quɨt cuelaaztibiu dunnɨ par idxannɨ duld sino que gucnébiu dunnɨ lo irate de mal. Te pur laabiu rnabeebiu, laabiu napbiu guelrnabee, guelrnabee ni quɨt chúuti dxi ldull. Amén.
23373	MAT 6:22	’De bslon ná zec tuby bieeny par xcuerpɨn. Ax belati cayunu ni ná güen, iduibte xcuerpu nap bieenqui.
23405	MAT 7:20	Anre ziyzaquɨy laat, zacbeectɨ tú laadeb pur ni rundeb.
23410	MAT 7:25	Ax masquɨ riab nisguia, chiy reed nisroo ni rla tɨɨx yuuqui ne rbíiga bi, per quɨt rbebaanti yuuqui pur ni ná cimient xtenni lo guia.
23416	MAT 8:2	Ax güebinuu tuby bniety laany, laab racbɨ guelguidx ni lá lepra, chiy guzullibbɨ lo Jesús raipbɨ laany: —Dad, belati sigueldbiu, laabiu zelee isiacbiu nare.
23425	MAT 8:11	Ne nare rniia laat zienguilliú bniety iranezte yáld yiuné to Abraham, to Isaac, ne to Jacob rut canabee Dios.
23427	MAT 8:13	Chiyru raipy Jesús capitánqui: —Quebiabiu lizbiu, ne su chagac zec ni agüeldilaazbiu. Ax hóracqui biac xmos capitánqui.
23434	MAT 8:20	Ax raipy Jesús laab: —De begu nuu xcuevdem, ne de maniin nuu xpitiaazdem. Per nare Bniety ni bxiaald Dios quɨt naptia niclɨ rut quixquiaa.
23439	MAT 8:25	Chiy güecuaany de xpɨnny laany, raipdebny: —¡Dad, gucnébiu dunnɨ! ¡A dunnɨ acayaaiznɨ láani nis!
23450	MAT 9:2	Ruy güené de bniety tuby bniety nguiu ni aguty tɨɨxni, nágaab lo daa xtenbɨ. Chi guná Jesús dec laadeb reldilaazdeb laany ax raipny bniety racxúqui: —Guzaclaazu llingaana. Abaania perdón de xtuldu.
23453	MAT 9:5	¿Cún ni nagánru par gac? ¿Ta gapiab: “Abaania perdón de xtuldu”, o gapiab: “Güeste, queguza”?
23455	MAT 9:7	As güeste bnietqui ax zíab lizbɨ.
23461	MAT 9:13	Gulchia ne gulseed xi zelo xtiidx Dios rut rnii: “Ni mazru rcaaza ná ilaslaaztɨ saa bniettɨ xlat ni xi gúnguntɨ par nare.” Anre, nare quɨt zeldtia par de ni ná güen sino que nare zelda par de bɨnduld te par yialaazdeb pur de xtulddeb.
23466	MAT 9:18	Lalzi ni canii Jesús ziy, bdzɨny tuby bniety ni rnabee laniudoo xte de bniety Israel, ax guzullibbɨ lo Jesús, raipbɨ laany: —A llindxaapa téstepac guty. Per belati laabiu gueedbiu izubnaabiu quiaby ax sbíi ibányby stuby.
23470	MAT 9:22	Per Jesús gubiecquiny, ax gunány gunaaqui chiy raipny laab: —Guzaclaazu llindxaapa. Abiacu pur ni güeldilaazu nare. Parzi hóracqui biacbɨ.
23488	MAT 10:2	De bnietré ná ni rac tsɨbtiop de apóstol xtenny: Simóny ni gulelány Bed, cun betsbɨ Andrés, ne Jacob cun Juany de llingaan Zebedeo.
23489	MAT 10:3	Chiy Liby, Bartol, Mally cun Madeu ni guc cobrador xte impuest, ne Jacob llingaan Alfeo cun Lebeo ni láza Tadeo
23491	MAT 10:5	Anste ni ixiaald Jesús irate tsɨbtiop xpɨnny, laany raipny laadeb: —Quɨt chiatit nez rut rbez de ni quɨt ná bniety Israel, niclɨza de guɨdx Samaria
23499	MAT 10:13	Ax belati riálddeb bendicionqui ziianni ruy, per belati quɨt náni par laadeb ax ziecquini cun laat.
23511	MAT 10:25	Ni caseed ná par yáanbɨ cunformɨ chi anánbɨ zecti ni nán xmaistrɨb ne tuby mos ná par yáanbɨ cunformɨ chi anáb zec xlámbɨ. Anre nare ni rnabiia laat, agulelá de bɨny nare Beelzebú ax, ¿tuguanquɨza xi iniideb pur laat ni nát de xpɨnnia?
23530	MAT 11:2	Chiy Juany Bautist chi nuub láani lizguiib, gúpbɨ rson irate ni cayun Jesús. Ax bxiaaldbɨ tuby tiop de xpɨnbɨ
23546	MAT 11:18	Anre ziyguiy nát te pur beed Juany Bautist ne laab quɨt rquiintib niclɨza quɨt réetib vin, ax rniit dec laab nuu bɨndxab láani lazdoob.
23547	MAT 11:19	Anre ax beed Bniety ni bxiaald Dios rquiinbɨ ne réeb vin ax rniit dec laab naláb, ne riulaazbɨ réeb, ne rdxasaab cun de bɨnduld ne cun de cobrador xte impuest. Per de ni abguaad Dios guelnán xtenny, laadeb anándeb dec güenquɨ ná irate ni run Dios.
23571	MAT 12:13	Chiyru raipy Jesús bniety ni ná naani ziy: —Bldí noo. Ax bldí bnietqui naani ne hóracqui guczaac naab, biianni zecac stuby ladni.
23576	MAT 12:18	Gulguiaa, bnietré ná ni abcuabiia par gúnbɨ sirvɨ luaa, laab ni quesentiand rcaaza ne ni quesentiandza rzaclaaznía. Ax sdeedab Spíritu Sant xtena par quixteeb lo bniety guɨchliu xa ná guelrnabee xtena.
23579	MAT 12:21	Ax bniety iranezte zapdeb speranz pur laab.
23590	MAT 12:32	Axt par de ni inii mal diidx pur nare Bniety ni bxiaald Dios nuu perdón, per par de ni inii de mal diidx pur Spíritu Sant quɨtti perdón par laadeb niclɨ lo guɨchliuré niclɨza llayabaa.
23605	MAT 12:47	ax guu ni gudixtee lony: —A xnanbiu cun de betsbiu zuguaa detsquɨ, rcaazdeb ininédeb laabiu.
23611	MAT 13:3	Ax zienzi ni guzulo bseedny laadeb per cun púrzi de cuend, raipny laadeb: —Tuby bniety bdiiab güecuaab biny lo lliab.
23626	MAT 13:18	’Anre gulcuadiag xi zelo cuend xte bniety ni güecuaa binqui.
23636	MAT 13:28	Chiy cuaby bniety ni rac xlámdebqui: “Tuby ni rdxichnédxa nare bedganiy.” Ax gunabdiidx de mosqui laab: “Anre, ¿xi rniibiu? ¿Ta zoxiiaxnɨ de cuandxabqui?”
23646	MAT 13:38	chiy lo lliaa ná iduibte guɨchliu. Ax de triguzaacqui ná de bniety ni ná par lo guelrnabee xte Dios. Chiy de cuandxab ná de bniety ni ná par bɨndxab
23650	MAT 13:42	Ax icuaadeb laadeb lo bal rut guundeb ne golaideb.
23658	MAT 13:50	Ax izáalddeb de bɨny malqui lo bal rut guundeb ne golaideb.
23662	MAT 13:54	Chi bdzɨnny ladxny Nazaret, ruy guzulo caseedny de bniety laniudoo. Ax quesentiand rdxalo de bnietqui, rniideb: —¿Calídxa bseedbɨ irate ni nánbɨ? ¿Xo relee runbɨ de milagrɨ?
23666	MAT 13:58	Ax quɨt baantiny zieny milagrɨ ruy pur ni quɨt reldilaazti de bnietqui laany.
23668	MAT 14:2	Ax raipbɨ de xpɨnbɨ: —Juany Bautistiy agubány stuby. Ninguila napbɨ guelrnabee runbɨ de milagrɨ.
23681	MAT 14:15	Chiguld guc gudxi, ax güebinuu de xpɨnny laany, raipdebny: —Agudxini ne quɨt tu rbezti nezquɨ. Gutsbiu de bnietquɨ aguld chiadeb, te par chiadeb de guɨdxiin rut chasiideb ni iquiindeb.
23685	MAT 14:19	Chiyru gunabeeny guri irate de bnietqui lo guillaa. Ax cuáany gaay guechtilqui laznaany cun iropte beldqui. Chiy bguiaany nez llayabaa bdeedny gracy Dios ax bllullny de guechtilqui bdeedny de xpɨnny par gudiizdebni lo irate de bnietqui.
23692	MAT 14:26	Parzi chi guná de xpɨnny laany zéedny rzany lo nisqui, quesentiand bdxibdeb chiy gurɨxtiadeb: —¡A tuby fantasmɨ!
23695	MAT 14:29	Chiyru raipy Jesús laab: —Quedaa. Ax bdiia Bed láani barcuqui, rzab lo nisqui zenáb Jesús.
23699	MAT 14:33	Ax de ni nuu láani barcuqui guzullibdeb lo Jesús, raipdeb laany: —Didxldícpacquɨy laabiuy Lliin Dios.
23708	MAT 15:6	Rniit dec ni inii ziy, aquɨt chaleeti gacnéb xtadbɨ o xnanbɨ. Ax ziy xquel rbelaaztɨ xtiidx Dios par zenuut de xcostumbrɨt.
23725	MAT 15:23	Chiy Jesús quɨt xi cuaibtiny. Ax gubii de xpɨnny rut zuguaany, raipdeb laany: —Baanbiu cuend gunaac ax gutsbiub chiab, te rbɨxtiatib zanaldbɨ dunnɨ.
23730	MAT 15:28	Chiyru raipy Jesús laab: —¡Gunaa, liúsizacu guldípacu reldilaazu nare! Su gac zec ni rcaazu. Ax hóracqui biac llindxaapbɨ.
23733	MAT 15:31	Parzi quesentiand rdxalo de bniety chi gunádeb arelee ruee de gúp diidx, ne de mancu abiacdeb, chiy de coj arelee rzadeb, ne de ciagu arianlodeb. Ax guzulo rniideb de diidx zaac par Dios xte Israel.
23738	MAT 15:36	Ax cuáany gadz guechtilqui cun de beldqui, bdeedny gracy Dios. Chiyru bllullny de guechtilqui ne de beldqui bdeedny de xpɨnny par gudiizdebni lo irate de bnietqui.
23741	MAT 15:39	Chiyru raipy Jesús laadeb: “Azaa.” Ax biiuny láani barcu zény nez rut lá Magdala.
23744	MAT 16:3	Chiy de sidoo chi rniát xnia llayabaa ne rizá, ax rniit dec rnia gac andxiré. ¡Bɨndixúdeni! Anre belati nántɨ xi zelo de seny xte llayabaa, ¿xínii quɨt racbeet xi zelo de seny ni caniát anre?
23758	MAT 16:17	Ax raipy Jesús laab: —Dichos liú Simóny, llingaan Jonás, te pur gati bɨnguɨchliuti gunii liú xa iniiu sino que Xtada ni rbez llayabaa.
23772	MAT 17:3	Ax horqui gunádeb Moisés cun Elías cayuenédeb Jesús diidx.
23778	MAT 17:9	Ax lalzi cayiatdeb quia danyqui, raipy Jesús laadeb: —Quɨt tu chagüenétit diidx ni agunát, axtisy chi agubíi gubány Bniety ni bxiaald Dios.
23781	MAT 17:12	Per nare rniia laat dec Elías abeedbɨ, ax quɨt niumbeetideb laab zec ni ná par niumbeedeb laab, bannédeb laab zectisy ni bcaazdeb. Anre ziytiziac guelzii iteeddeb nare Bniety ni bxiaald Dios.
23810	MAT 18:14	Anre ziyzaquɨy Xtadtɨ ni rbez llayabaa quɨt rcaaztiny niti nic tuby de ni reldilaaz laany.
23831	MAT 18:35	Chi gulull gunii Jesús ziy ax guniiny: —Anre ziyzaquɨy gunné Xtada ni rbez llayabaa laat belati quɨt guldípactɨ gúntɨ perdón de saat.
23834	MAT 19:3	Ax duudx de fariseu güebinuudeb Jesús, ne par gúndeb prueb laany ax gunabdiidxdebny: —¿Ta zelee ldáa bniety chialni pur xitill cos?
23836	MAT 19:5	Ax: “Pur ningui nguiu rsáanbɨ xtadbɨ cun xnanbɨ par ibanynéb chialbɨ, chiy iroptedeb anádeb zec tubyzi bniety.”
23849	MAT 19:18	Chiy gunii bnietqui: —¿Xi de mandamient? Ax raipy Jesús laab: —Quɨt quinxútiu bniety. Quɨt náti par gapu stuby gunaa. Quɨt gactiu gubaan. Quɨt güeetiu dixú pur de bniety.
23851	MAT 19:20	Chiy raipy bnietqui Jesús: —Irate de cosquɨ cayuna desdɨ chi naa bichiin. Anre, ¿xiru rieedx gúna?
23867	MAT 20:6	Chiguld zecti rca gaay gudxi, gubíi bdiiab stuby. Güeb nez lo guee, chiy bdxialbɨ stuudx de bniety ni quɨt cayunti dzɨɨny. Ax gunabdiidxbɨ laadeb: “¿Xínii agudeddxi zuguaat ruc quɨt cayuntit dzɨɨny?”
23870	MAT 20:9	Ax bdzɨny de ni biiu lo dzɨɨny rca gaay gudxi, iratecdeb cuáadeb zectic ni rac gan tuby dxi.
23882	MAT 20:21	Ax raipy Jesús laab: —¿Xi rcaazu? Laab cuaibbɨ: —Nare rcaaza dec chi acanabeebiu chiy isiáldbiu tuby lliinia cue lad naldí xtenbiu, chiy stuby lliinia cue lad rbes xtenbiu.
23911	MAT 21:16	ax raipdeb Jesús: —¿Ta rindiagbiu ni canii de bniiny? Jesús cuaibny: —Rindiagla. Per ¿ta gady guuldtɨ lo xquiits Dios rut rnii?: Agunabeebiu dec de bniniin ne de bdoo ná ni guuld de cant ni izubyaa laabiu.
23914	MAT 21:19	Ax gunány zub tuby yag hig cuee nez ax güebinuuniy, per púrzi bldag cá loqui. Chiy raipny yagqui: —¡Aquɨtru chúuti dxi ica hig loo! Ax hóracqui gubiz yagqui.
23922	MAT 21:27	Chiyru raipdeb Jesús: —Quɨt gántin. Ax cuaby Jesús lodeb: —Ziyza nare quɨt iniitia laat tú xtidxbee runa de cosquɨ.
23924	MAT 21:29	Ax cuaby lliinbɨ: “¡Quɨt cháatia!” Per chiguld ax bchu lliinbɨqui xgab, ax güeb.
23926	MAT 21:31	Anre gulnii nare: ¿Tú de lo iropdeb baany ni rcaaz xtaddeb gúndeb? Chiy cuaibdeb lo Jesús: —Lliinbɨ ni raipbɨ gulote. Chiyru raipy Jesús laadeb: —Nare rguixtiia lot dec de ni run cobrɨ impuest par Roma, ne de gunaa ni nabánydxab, nidooldeb yiiudeb lo guelrnabee xte Dios que laat.
23928	MAT 21:33	’Anre gulcuadiag stuby cuend ni iniia laat —raipy Jesús laadeb—. Guu tuby bniety nguiu bzub de yag uv lo lliab, chiy baaniacbɨ gurraly iduibrdontec. Chiyru banchuuzacbɨ láani rut illii quia de uvqui, ne bzuubzacbɨ tuby yuu yaa par yaap iduibte lo lliabqui. ’Chiyru gulediinbɨni lo de bniety ni nán run dzɨɨny xte uv ax zégacbɨ, zit nez rut güeldezbɨ.
23935	MAT 21:40	Jesús gunabdiidxny de bniety ni caninény: —Anre chi gueed ni ná xtenni guɨchliuqui, ¿xi rlilot gunnéb de bɨnqui?
23944	MAT 22:3	Ax bxiaaldbɨ de xmosbɨ par güetɨdxdeb de bioos, per de bioosqui quɨt nizigueldtideb niadeb.
23950	MAT 22:9	Anre gulchia láani guɨdx ne tutix bniety ni idxialtɨ lo nez gulgatsdeb gueeddeb saa.”
23951	MAT 22:10	Ax bdiia de mosqui güedeb láani guɨdx, chiy bchasaadeb irate bniety ni bdxialdeb zeclɨ de ni ná mal ne de ni ná güen. Ziy xquel gudxatec liz reyqui.