23229	MAT 1:16	Jacob guc xtad Gusé chial María. Chiy María guc xnan Jesús ni láza Crist.
23231	MAT 1:18	Squé xquel guc ni gul Jesucrist: María, xnanny, a ná par guchnaab cun Gusé. Per anste cueznésaadeb, María guudbɨ bdoo pur guelrnabee xte Spíritu Sant.
23232	MAT 1:19	Ne cun Gusé zaacbɨ ax quɨt rcaaztib nizaaibbɨ diidx xa xquel rbez María, güenru baanbɨ xgab nibelaazbɨ María sin quɨt tu niacbeeti.
23233	MAT 1:20	Per lalzi cayunbɨ xgabqui, ax güeliulo tuby ánglɨ xte Dios lob lo bcaald, raipy ánglɨqui laab: —Gusé, liú ni zéedu lo xfamily David, quɨt idxibtiu guchnoo María te pur bdoo ni icáab pur Spíritu Sant zéedby.
23237	MAT 1:24	Chi brɨɨch xcaald Gusé, ax baanbɨ zec ni gunabee ánglɨ xte Dios laab, bichnaab María,
23238	MAT 1:25	per quɨt bguaaldtib laab axtquɨ chi bdzɨny dxi bdzɨny lliin María guɨchliu. Chiy gulelá Gusé bdooqui JESÚS.
23246	MAT 2:8	Ax bxiaaldbɨ laadeb Belén, raipbɨ laadeb: —Gulchia ruy, chiy gulgacbezaac irate pur bdooqui. Ne chi abdxialtɨby, gultixtee luaa te par chalee chatozacaby.
23251	MAT 2:13	Chi gudeed ni zía de magosqui ladxdeb, chiy güeliulo tuby ánglɨ xte Dios lo Gusé lo bcaald, raipy ánglɨqui laab: —Quegüeste, cuáa bdooc cun xnanby. Gulchia nez Egipto, ruy guldez axt chi iniia laat. Te pur sguíily Herodes bdooc par quinxúb laaby.
23252	MAT 2:14	Chiyru güeste Gusé ax cuáab bdooqui cun xnanby ax guxiniacqui bdiiadeb par zédeb nez Egipto.
23253	MAT 2:15	Ruy gulezdeb axtisy guty rey Herodesqui. Ziy xquel guc par guzub xtiidx Dios zec ni gunii tuby profet chi guniib: “Gurɨdxa llingaana nez Egipto.”
23257	MAT 2:19	Per chi guty Herodes, chiy güeliulo tuby ánglɨ xte Dios lo Gusé rut rbezdeb nez Egipto, ax raipny laab:
23258	MAT 2:20	—Quegüeste, cuáa bdooc cun xnanby. Gulyaicqui nez Israel te pur aguty de ni rcaaz niguinxú laaby.
23259	MAT 2:21	Chiyru güeste Gusé cuáab bdooqui cun xnanby biecquideb nez Israel.
23260	MAT 2:22	Per chi gucbee Gusé dec Arquelao llingaan Herodes ná ni canabee nez Judea, ax bdxibbɨ niadeb nezqui. Per chiguld lo bcaald gucdixtee lob dec quɨt chiatideb nez Judea, chiyru zédeb nez Galilea.
23263	MAT 3:2	ax guniib: —Gulyialaaz pur de xtuldtɨ te pur abdzɨngax guelrnabee xte Dios.
23264	MAT 3:3	Pur Juanréniy bcuaa profet Isaías chi guniib: Ríeny rsee tuby ni rbɨxtia nez lo yiubiz rut quɨt tu rbezti ax rniib: “Gulganzaac nez xte Xtadnɨ Dios. Gulxal tuby nezldí.”
23269	MAT 3:8	Gulbány zacru par yíany dec guldípactɨ rialaaztɨ pur de xtuldtɨ,
23274	MAT 3:13	Jesús bdiiany nez Galilea par güeny ruu gueeu Jordán rut zuguaa Juany par itiubnisbɨ laany.
23282	MAT 4:4	Per Jesús cuaibny: —Lo xquiits Dios rnii: “Gati púrzi pur guechtilti ibány bniety sino que néza pur irate de diidx ni rnii Dios.”
23290	MAT 4:12	Chi gucbee Jesús dec aniagu Juany Bautist, ax zégacny nez Galilea.
23291	MAT 4:13	Per quɨt guleztiny guɨdx Nazaret, sino que güeldezny guɨdx Capernaum, tuby guɨdx ni ná ruxchu nis Galilea nez Zabulón cun Neftalí.
23293	MAT 4:15	De bniety Zabulón cun de bniety Neftalí, ne de ni rbez gax ruu nisdoo cun de ni rbez dets gueeu Jordán ne cun irateru de ni rbez nez Galilea rut rbez de bniety ni quɨt ná bniety Israel,
23295	MAT 4:17	Desde chiy guzulo bliuu Jesús xtiidx Dios de bniety, raipny laadeb: —Gulchu zec ni nabánytɨ te pur abdzɨngax guelrnabee xte Dios.
23296	MAT 4:18	Deni zezá Jesús ruxchu nis xte Galilea, chiy gunány Simóny ni láza Bed cun betsbɨ Andrés. Laadeb cacuaadeb tarray lo nis par canaazdeb beld.
23297	MAT 4:19	Chiy raipy Jesús laadeb: —Gulsanald nare, te iseeda laat xa xquel gúntɨ par itoptɨ bniety xlat ni inaaztɨ beld.
23301	MAT 4:23	Jesús güeny iduibte nez Galilea, ne cad tuby de guɨdx biiuny laniudoo par bseedny de bniety. Bseedny laadeb xtiidx Dios, raipny laadeb xa ná guelrnabee xte Dios ne bsiacny de bniety ni rac calí rac ne de ni gúp iralote guelguidx.
23303	MAT 4:25	Quesentiand zieny bniety guzanald laany, zeclɨ de bniety Galilea, de bniety ni zá Decápolis, de bniety Jerusalén, de bniety ni zá nez Judea ne de bniety ni zá stuby lad dets gueeu Jordán.
23315	MAT 5:12	Gulchuzaclaaz ne gulsaclaaz, te pur quesentiand nasaa ná ni iguaad Dios laat llayabaa ne laat nántɨ dec ziytiziac baandeb contrɨ de profet gulal ni beed lo guɨchliu anste que laat.
23340	MAT 5:37	Güenru cun gulnii “Ɨɨ́” o “Quɨty”, te pur iraizru ni iniit ax pur bɨndxab azéediy.
23347	MAT 5:44	Per nare rniia laat: Gulcaaz ni rdxichné laat, gulganldee quia de ni rgudé laat. Gulgac güen cun de ni rdxichné laat, gulnaab lo Dios pur de ni runné xi runné laat ne pur de ni rzunald laat par mal.
23352	MAT 6:1	’Gulcualo quɨt icandzat gúntɨ de ni ná güen nez lo de bniety parzí idxalodeb laat. Te pur belati gúntɨ ziy, Xtadtɨ Dios ni rbez llayabaa aquɨt xi iguaadtiny laat.
23376	MAT 6:25	’Nare rniia laat: Quɨt chúut guelrsaa pur ni iquiintɨ ne pur ni guéet, niclɨ pur de lady ni gacutɨ. Guelnabány mazru sac que ni iquiiny bniety, ne xcuerpɨ bniety mazru sac que lady.
23377	MAT 6:26	Gulguiaa de maniin ni candza llayabaa. Niclɨ quɨt rundem dzɨɨny lo guiix niclɨ quɨt rteedem de guelnazaac, niclɨ quɨtti lizdem rut chuchuu guelnazaac, per Xtadnɨ Dios ni rbez llayabaa rguaad ni godem. ¡Latixcu laat mazru sactɨ que de maniin!
23379	MAT 6:28	’¿Xínii ruut guelrsaa pur lady? Gulguiaa xa xquel reroo de guiaa lo guiix. Xíteete dzɨɨny quɨt runtideni ne quɨtza rguibtideni,
23392	MAT 7:7	’Nare rniia laat: Gulnaab lo Dios ne laany sguaadquɨny ni rcaaztɨ. Gultíilny ne sdxialquɨtny. Gultɨdx gulnaab lony, ne zunquɨny cuend laat.
23397	MAT 7:12	’Gulgaany cun iraru de bniety zec ni rcaaztɨ gúndeb cun laat. Te pur ziy rnabee xley Dios cun iraru de ni bcuaa de xprofetny gún bniety.
23398	MAT 7:13	’Gulgaany pur yiiut ruu puert ni ná dee. Te pur ruu puertroo ne nezroo, niy ná ni zéne bniety nez mal ne ziendeb zé nezqui.
23408	MAT 7:23	Per chiy nare icabia lodeb: “Quɨt guuti dxi niumbiia laat. Gulbicá nez luaa, de bɨnduld.”
23442	MAT 8:28	Chi bdzɨny Jesús stuby lad nisqui, lo liu xte de bɨny Gadara, chiy tiop bniety nguiu ni nuu bɨndxab láanni bdiiadeb glay de baa ax güebinuudeb Jesús. Laadeb quesentiand cuendroo racdeb, nialaazdeb, parzi ruteete quɨt tu releeti teed nezqui.
23446	MAT 8:32	Chiy gunii Jesús: —Gulchia. Chiyru bdiia de bɨndxabqui láani de bnietqui ax biiudengui láani de cuchqui. Chiy irate de cuchqui guzulo rlluuindem ax güeyabdem ruu tuby barranc axtquɨ lo nis rut guaapy nis quiadem ax gutydem.
23450	MAT 9:2	Ruy güené de bniety tuby bniety nguiu ni aguty tɨɨxni, nágaab lo daa xtenbɨ. Chi guná Jesús dec laadeb reldilaazdeb laany ax raipny bniety racxúqui: —Guzaclaazu llingaana. Abaania perdón de xtuldu.
23453	MAT 9:5	¿Cún ni nagánru par gac? ¿Ta gapiab: “Abaania perdón de xtuldu”, o gapiab: “Güeste, queguza”?
23457	MAT 9:9	Chi bdiia Jesús ruy, deni zény ax gunány tuby bniety nguiu ni lá Madeu. Laab zubbɨ rut runbɨ cobrɨ xte de impuest, ax raipny laab: —Guzanald nare. Chiyru güesú Madeu zenaldbɨ Jesús.
23461	MAT 9:13	Gulchia ne gulseed xi zelo xtiidx Dios rut rnii: “Ni mazru rcaaza ná ilaslaaztɨ saa bniettɨ xlat ni xi gúnguntɨ par nare.” Anre, nare quɨt zeldtia par de ni ná güen sino que nare zelda par de bɨnduld te par yialaazdeb pur de xtulddeb.
23470	MAT 9:22	Per Jesús gubiecquiny, ax gunány gunaaqui chiy raipny laab: —Guzaclaazu llindxaapa. Abiacu pur ni güeldilaazu nare. Parzi hóracqui biacbɨ.
23472	MAT 9:24	Chiy raipy Jesús laadeb: —Guldiia láanquɨ. Dxapeenquɨ quɨtllɨ gutytiby, raaissiby. Parzi blliznédeb laany.
23481	MAT 9:33	Ne cuantpac gulée Jesús bɨndxabqui láani gúpqui, ax guzulo rniib. Parzi quesentiand bdxalo de bniety ne guniizadeb: —Gady chúuti dxi inián saa milagrɨc nez Israelré.
23493	MAT 10:7	Gultixtee lodeb dec azeddzɨngax guelrnabee xte Dios.
23501	MAT 10:15	Te pur nare rguixtiia lot dec dxi ni ideed bniety cuend Dios, mazru castiguroo yálddeb que de bniety Sodoma ne Gomorra.
23502	MAT 10:16	Ziyza raipy Jesús de xpɨnny: —¡Gulguiaa! Nare rxiaalda laat zec chi re de llíily glay de begu. Pur ningui gulgaany viv zecpacza tuby béeld, per nadolaaz zecpacza de palom.
23503	MAT 10:17	Gulcualo laat te pur zun de bniety entriagu laat lo de gurtisy, staazdeb laat láani de yudoo.
23532	MAT 11:4	Chiy raipy Jesús laadeb: —Gulchia chiy gultixtee lo Juany ni caguiaat ne ni caguindiagtɨ.
23533	MAT 11:5	Gulgüenéb diidx dec arianlo de ciagu, de bniety ni ná coj arelee rzadeb ne ziyza abiac de bniety ni rac guelguidx ni lá lepra, de cuaat arindiagdeb ne de bɨnguty gubíi gubánydeb, chiy de prob ax cayacdixtee lodeb xa xquel gacdeb perdón lo Dios.
23557	MAT 11:29	Gulsigueld icuadiagtɨ xtiidxa, ne gulseed gactɨ güen ne nadolaaz zec nare te par ibánytɨ naldiu nez lo Dios.
23576	MAT 12:18	Gulguiaa, bnietré ná ni abcuabiia par gúnbɨ sirvɨ luaa, laab ni quesentiand rcaaza ne ni quesentiandza rzaclaaznía. Ax sdeedab Spíritu Sant xtena par quixteeb lo bniety guɨchliu xa ná guelrnabee xtena.
23609	MAT 13:1	Chiy dxiacqui bdiia Jesús yuu rut zuguaany ax güecueny ruu nis xte Galilea.
23632	MAT 13:24	Jesús benény laadeb stuby cuend, raipny laadeb: —Guelrnabee xte Dios ná zec tuby bniety ni bcuaa nallzipac triguzaac lo lliani.
23637	MAT 13:29	Chiy raipbɨ laadeb: “Güenru quɨt chaxiiaxtitdey te quɨt gun chi ixiiaxtɨdey, ax néru trigu ixiiaxtɨ.
23638	MAT 13:30	Güenru isaannɨ su zeronédengui trigu axtquɨ chi agucni. Chiyru ixiaalda de ni chatop triguqui, per nidootellga itopdeb de cuandxabqui, ildiibdebɨy gúndebɨy ters par chaaicquiy. Chiyru itopdeb triguqui, cuchuudebni rut ná par chuchuuni.”
23639	MAT 13:31	Jesús benény laadeb stuby cuend, raipny laadeb: —Guelrnabee xte Dios ná zec tuby biny xte cuaan ni lá mostaza ni rbaaicqui bniety lo lliani.
23641	MAT 13:33	Ziyza bené Jesús laadeb cuendré, raipny laadeb: —Guelrnabee xte Dios ná zec levadur ni rguuch tuby bniety gunaa cun chon medid harin te pur masquɨ duudxzi levadurqui, per rzagui irate cubqui.
23644	MAT 13:36	Chi gulull guniné Jesús de bniety, ax biiuny laniuu cun de xpɨnny. Chiy raipdeb laany: —Guniibiu dunnɨ xi zelo cuend xte de cuandxab cun trigu.
23652	MAT 13:44	’Guelrnabee xte Dios ná zec tuby tesor ni nuu xgaats lo tuby liu. Chiy tuby bniety rdxialbɨ tesorqui ax rbíi rcuaatsbɨni rut guléebni. Chiy quesentiand rzaclaazbɨ azetóob irate ni napbɨ par siib liuqui.
23653	MAT 13:45	’Ziyza rniia laat: Guelrnabee xte Dios ná zec tuby bniety ni caguíily sii de perlɨzaac.
23663	MAT 13:55	¿Ta gati laabɨy llingaan carpinter ax xnanbɨy María, chiy de betsbɨ rac Jacob, Gusé, Simóny ne Judas?
23667	MAT 14:1	Tiampqui Herodes ni canabee nez Galilea, bindiagbɨ ni cayun Jesús.
23676	MAT 14:10	Gunabeeb güetiiudeb quia Juany Bautist láani lizguiib,
23681	MAT 14:15	Chiguld guc gudxi, ax güebinuu de xpɨnny laany, raipdebny: —Agudxini ne quɨt tu rbezti nezquɨ. Gutsbiu de bnietquɨ aguld chiadeb, te par chiadeb de guɨdxiin rut chasiideb ni iquiindeb.
23684	MAT 14:18	Chiy raipy Jesús laadeb: —Gultanéni ré.
23693	MAT 14:27	Per Jesús guninény laadeb, raipny laadeb: —¡Gulcáa valor! ¡Nareniy, quɨt rdxibtɨ!
23696	MAT 14:30	Per chi gunáb dec quesentiand birooy cabíi ax bdxibbɨ, ne cun guzulo rieezbɨ láani nisqui parzi gurɨxtiab: —¡Gucnébiu nare, Dad!
23700	MAT 14:34	Chiyru gudeeddeb lo nisqui ax bdzɨndeb nez Genesaret.
23706	MAT 15:4	Dios guniiny: “Gúp didxdoo xtadu cun xnanu”, ne “Elquɨ ni inii de mal diidx pur xtadni o pur xnanni laab riáld gatybɨ.”
23712	MAT 15:10	Chiyru gurɨdx Jesús de bniety ax raipny laadeb: —Gulcuadiag ne gulgacbee ni iniia laat.
23713	MAT 15:11	Gati ni rquiinti bniety ná ni run ná bniety bɨnduld sino que ni rdiia ruu bniety ná ni run ná bniety bɨnduld.
23729	MAT 15:27	Bnietqui cuaibbɨ: —Guldícbiu, Dad, per de beecu ropacdem de biu ni riab niguét xmɨlly ni rac xicuni laadem.
23730	MAT 15:28	Chiyru raipy Jesús laab: —¡Gunaa, liúsizacu guldípacu reldilaazu nare! Su gac zec ni rcaazu. Ax hóracqui biac llindxaapbɨ.
23731	MAT 15:29	Jesús bdiiany ruy ax bdzɨnny de nez ruu nis xte Galilea, chiy bieepny quia tuby dany ax guriny ruy.
23732	MAT 15:30	Quesentiand zieny bniety bdxasaa rut zuguaany. Güenédeb de bniety ni ná coj, de bniety ni ná ciagu, de ni ná mancu, de ni ná gúp ne zienziru de bniety racxú bdzɨɨdeb lo Jesús, ax bsiacny laadeb.
23736	MAT 15:34	Jesús gunabdiidxny laadeb: —¿Béld guechtily caat? Laadeb cuaibdeb: —Gadz guechtily cun stuudx beld.
23747	MAT 16:6	Parzi chi raipy Jesús laadeb: —Gulcualo cun levadur xte de fariseu ne xte de saduceu.
23774	MAT 17:5	Lalzi ni canii Bed ziy, biat tuby zá rcuabcháa ni bcuaa blda quiadeb, chiy láani záqui bíeny rsee tuby ni gunii: —Bnietré rac llingaana ni lá rcaaza, ne ni quesentiand rzaclaaznía. Gulcuadiag xtiidxbɨ.
23776	MAT 17:7	Chiyru gubii Jesús rut zuguaadeb ax bguaaldny laadeb, raipny laadeb: —Gulchasú, quɨt rdxibtɨ.
23786	MAT 17:17	Chiyru cuaby Jesús: —¿Xípalza laat de bɨnduld niy quɨt reldilaaztɨ nare? ¡Xátidxaza rquiiny suguanía laat ne xátidxa güelaaznía laat! Gultané bniinquɨ rurén.
23791	MAT 17:22	Lalzi ni candzadeb de nez Galilea cun Jesús, laany raipny laadeb: —Nare Bniety ni bxiaald Dios, zaca entriagu laznaa de bɨny
23813	MAT 18:17	Chiy belati niclɨ laadeb quɨt icuadiagtib xtiidxdeb, chiyru gudixtee lo irate de sanizenuut xnez Dios. Ne belati niclɨ xtiidx ira de saat quɨt icuadiagbɨ, chiy aquɨt náti par gaptɨb zec tuby saat. Gulgápbɨ zec tuby bɨny ni quɨt reldilaazti Dios, o zec tuby bɨny ni run cobrɨ impuest par Roma.
23818	MAT 18:22	Jesús cuaibny: —Gati gadz güeltsiti, axt pur gayuaa güelt ná par gúnu perdón tuby de soo.
23819	MAT 18:23	’Guelrnabee xte Dios ná zec tuby rey ni baany xgab dec aguld quilly de xpɨnbɨ ni nazaaiby lob.
23824	MAT 18:28	’Per chi bdiiab ruy, chiy bchalob tuby bniety ni runnéb dzɨɨny liz reyqui ne bnietqui nazaaibbɨ duudx mɨly lob. Chiy gunaazbɨ laab guzulo rxiib guɨnybɨ, raipbɨ laab: “¡Gudilly ni nazaaibiu luaa!”
23825	MAT 18:29	Chiy bnietqui guzullibbɨ lob, banlasbɨ lob, raipbɨ laab: “Gúp paciency nare, sguillyca irate ni nazaaibia loo.”
23832	MAT 19:1	Chi gulull gunii Jesús ziy, chiy bdiiany nez Galilea ax bdzɨnny nez Judea ni ná stuby lad dets gueeu Jordán.
23842	MAT 19:11	Jesús cuaibny: —Gati irati bniety zelee gacbee ni caniia, sino que de ni aguudzi guelrieny par gacbeeni.
23845	MAT 19:14	Chiyru raipy Jesús laadeb: —Gulsaan guedná de bniniin nare, quɨtru rcuat. Te pur guelrnabee xte Dios ná par de bniety ni ná zec laadeby.
23847	MAT 19:16	Tuby bniety güeb rut zuguaa Jesús, chiy gunabdiidxbɨ laany: —Güen Maistrɨ, ¿xi de cos güen riáld gúna par gapa guelnabány par chazy?