23214	MAT 1:1	Ruré zéed lá de bniety gulal ni zá lo xfamily Jesucrist, laany ni zány lo xfamily rey David ne lo xfamily Abraham:
23218	MAT 1:5	Salmón guc xtad Booz, chiy xnanbɨ bdialá Rahab. Booz ax bichnaab Rut, chiy lliindeb bdialá Obed. Obed guc xtad Isaí,
23220	MAT 1:7	Chiy Salomón guc xtad Roboam, Roboam ax guc xtad Abías, Abías guc xtad Asa.
23253	MAT 2:15	Ruy gulezdeb axtisy guty rey Herodesqui. Ziy xquel guc par guzub xtiidx Dios zec ni gunii tuby profet chi guniib: “Gurɨdxa llingaana nez Egipto.”
23256	MAT 2:18	Bíeny rsee tuby ni bíeny láani guɨdx Ramá rac guelruun ne guelrbɨxtia. Ne laabɨy Raquel ni cayúun pur de lliinni sin quɨt tu chaleeti cuzaclaaz laab pur ni guty de lliinbɨ.
23264	MAT 3:3	Pur Juanréniy bcuaa profet Isaías chi guniib: Ríeny rsee tuby ni rbɨxtia nez lo yiubiz rut quɨt tu rbezti ax rniib: “Gulganzaac nez xte Xtadnɨ Dios. Gulxal tuby nezldí.”
23272	MAT 3:11	Rguixtiia lot nare rtiubnisa laat cun nis zec tuby seny dec abialaaztɨ pur de xtuldtɨ. Per ni gueed después de nare, laany itiubnisny laat cun Spíritu Sant ne cun bal. Ne laany mazru napny guelrnabee que nare, ax niclɨ lo xcurachny quɨt riáldtia ixaicquia pur ni mazru sacny que naa.
23280	MAT 4:2	Ruy guzuguaany cuarent dxi ne guxin sin quɨt xi niquiintiny, chiyru bldiaanny.
23286	MAT 4:8	Chiy güenéza bɨndxab laany quia tuby dany ni quesentiand yaa. Ruy bliuungui laany irate de naciony xte lo guɨchliu ne cun guelnazaac ni nuuza lo guɨchliu,
23321	MAT 5:18	Rguixtiia lot nidooldxa yabaa ne guɨchliu nitlo que ibicá tuby punt o tuby letrɨza xte ley sino que axtisy gac irate ni ná par gac.
23338	MAT 5:35	niclɨza pur lo guɨchliu, te pur lo guɨchliu ná rut rzu de niiny. Quɨt gúntit jurar pur Jerusalén te pur ruy ná ladx Rey ni mazru rnabee.
23375	MAT 6:24	’Ruteete quɨt tu chaleeti gún sirvɨ lo tiop lám, te pur sdxichnéb tubybɨ chiy ax scaazbɨ stubybɨ, o zaczacbɨ güen cun tubybɨ ax zunbɨ despresy stubybɨ. Pur ningui quɨt xo gúntit sirvɨ lo Dios ne lo mɨly.
23417	MAT 8:3	Chiy bldí Jesús naany bguaaldny laab, guniigany: —Rcaazla. Quebiac. Chi gunii Jesús ziy, hóracqui gubicá guelguidxqui ax bía tɨɨxbɨ.
23424	MAT 8:10	Chi bindiag Jesús ziy, quesentiand bdxalony pur de xtiidx capitánqui ax raipny de bniety ni zanald laany: —Rguixtiia lot, per niclɨ Israel gady idxialtia tuby bniety ni quesentiand reldilaaz Dios zec ni reldilaaz bnietquɨ Dios.
23450	MAT 9:2	Ruy güené de bniety tuby bniety nguiu ni aguty tɨɨxni, nágaab lo daa xtenbɨ. Chi guná Jesús dec laadeb reldilaazdeb laany ax raipny bniety racxúqui: —Guzaclaazu llingaana. Abaania perdón de xtuldu.
23463	MAT 9:15	Jesús cuaibny lodeb: —Rut rac tuby saa, ¿tatix ruu de bioos nalas chi zuguané bíiny laadeb? Per teru idzɨny dxi ni ibicá bíiny, chiyru icuuandeb.
23464	MAT 9:16	’Ruteete quɨt tu rcuaati rmiand tuby ladiiuxy cun tuby ldaa lady cuby pur ni rlliuun lady cubyqui, ax mazru rguillaangui ladiiuxqui.
23476	MAT 9:28	Chi biiu Jesús yuu rut zuguaany, de bnietqui gubinuudebny, chiy gunabdiidxny laadeb: —¿Ta reldilaaztɨ dec nare zelee isiaca laat? Laadeb cuaibdeb: —Roldilaazlan, Dad.
23538	MAT 11:10	Juany Bautist laabɨy rzeet lo xquiits Dios rut rnii: Rxiaalda tuby bniety ni sanɨɨdy loo par gunzaacbɨ nez xtenu.
23555	MAT 11:27	’Xtada abnɨɨdxny nare irate de cos par inabiiadengui. Ruteete quɨt gánti túy Jesucrist Lliin Dios sino que soltisy Dios, ne ziyza soltisy Jesucrist cun de bniety ni reldilaaz laany, laadebɨy ná ni rumbeezadeb Dios.
23585	MAT 12:27	Laat rniit dec nare rbiia bɨndxab láani lazdoo de bniety pur guelrnabee xte Beelzebú, per belati ziy, laat, ¿tú rdeed guelrnabee de xpɨntɨ par cuéedeb bɨndxab? Rguixtiia lot dec lagac laadeb rniideb dec laat rzacantɨ.
23659	MAT 13:51	Chiyru gunabdiidx Jesús de xpɨnnyqui: —¿Ta racbeet irate ni caniia laat? Laadeb cuaibdeb: —Racbeecnɨ, Dad.
23708	MAT 15:6	Rniit dec ni inii ziy, aquɨt chaleeti gacnéb xtadbɨ o xnanbɨ. Ax ziy xquel rbelaaztɨ xtiidx Dios par zenuut de xcostumbrɨt.
23709	MAT 15:7	¡Runzit dec nabánytɨ xnezni! Didxldíquɨy ni gunii profet Isaías pur laat chi guniib:
23734	MAT 15:32	Jesús gurɨdxny de xpɨnny, ax raipny laadeb: —Rgáczaca de bnietquɨ, te pur aguc chon dxi zuguanédeb nare ne quɨt caatideb xi iquiindeb. Quɨt rcaaztia ixiaaldadeb lizdeb sin quɨt iquiindeb te quɨt gun yabxcaydeb lo nez.
23762	MAT 16:21	Desdɨ chiy guzulo gudixteeny lo de xpɨnny dec ná par chiany Jerusalén, ne de gurtisy xte Israel cun de bxoz ni rnabee de bxoz ne de maistrɨ ni nán ley, laadeb ná ni quesentiand guelzii iteeddeb laany. Raipny de xpɨnny dec de bnietqui quinxú laany, per ni rion dxi sbíi ibánny stuby.
23769	MAT 16:28	Rguixtiia lot dec nuu de ni zuguaa ruc quɨt gatytideb sin quɨt iniádeb nare Bniety ni bxiaald Dios, zelda cun guelrnabee xtena par inabiia.
23785	MAT 17:16	Ruré bedníaby lo de xpɨnbiu, per quɨt chaleeti isiacdeb laaby.
23789	MAT 17:20	Chiy raipy Jesús laadeb: —Te pur laat gullieezy reldilaaztɨ nare. Rguixtiia lot belrulati guldípactɨ reldilaaztɨ ax masquɨ zeczipac tuby biny xte mostaza ná guelreldilaaz xtentɨ, zelee gaiptɨ danyré: “Quegubicá ruc, güesub stuby lat”, ne danyquɨ scuadiagni xtiidxtɨ. Quɨt xi niacti nagán par laat.
23794	MAT 17:25	Bed cuaibbɨ: —Rguillylab impuest. Chiy chi biiu Bed laniuu rut zuguaa Jesús, nidoote laany guninény laab, raipny laab: —¿Xi rniiu Simóny? ¿Tú de rguilly impuest lo de rey xte lo guɨchliuré? ¿Ta de bɨnladxacdeb o de bɨnzít?
23799	MAT 18:3	ax guniiny: —Rguixtiia lot belati laat quɨt yialaaztɨ pur de xtuldtɨ ne belati quɨt gactɨ zecpacza tuby bniniin, quɨt xo yiiutit lo guelrnabee xte Dios.
23803	MAT 18:7	¡Rniaczaquɨng par bniety guɨchliu nuu zienzi ni run, run bniety duld! Nuupac de malquɨ lo guɨchliu, ¡per probllɨza ná bniety ni cugueeu stuby bniety par gún duld!
23813	MAT 18:17	Chiy belati niclɨ laadeb quɨt icuadiagtib xtiidxdeb, chiyru gudixtee lo irate de sanizenuut xnez Dios. Ne belati niclɨ xtiidx ira de saat quɨt icuadiagbɨ, chiy aquɨt náti par gaptɨb zec tuby saat. Gulgápbɨ zec tuby bɨny ni quɨt reldilaazti Dios, o zec tuby bɨny ni run cobrɨ impuest par Roma.
23854	MAT 19:23	Chiyru raipy Jesús de xpɨnny: —Rguixtiia lot dec quesentiand nagán par yiiu tuby ricu lo guelrnabee xte Dios.
23873	MAT 20:12	Raipdeb laab: “De ni biiu lúltmɨ, tuby horzi baandeb dzɨɨny ne zectiziac ni caguillybiu dunnɨ gudillybiudeb, ne dunnɨ dibydxite bdxuelaaznɨ bdxannɨ dzɨɨny lo guelnaldaa.”
23879	MAT 20:18	—Laat nántɨ dec azoon Jerusalén. Ruy nare Bniety ni bxiaald Dios zaca entriagu lo de bxoz ni rnabee de bxoz ne lo de maistrɨ ni nán ley, chiy laadeb inabeedeb gatia.
23897	MAT 21:2	Jesús raipny tiop de xpɨnny: —Gulchia guɨdx ni ná delantquɨ. Ruy idxialtɨ tuby burr cá yag, chiy cueem cá lliinmɨ. Gulxaicquidem ax gultanédem.
23911	MAT 21:16	ax raipdeb Jesús: —¿Ta rindiagbiu ni canii de bniiny? Jesús cuaibny: —Rindiagla. Per ¿ta gady guuldtɨ lo xquiits Dios rut rnii?: Agunabeebiu dec de bniniin ne de bdoo ná ni guuld de cant ni izubyaa laabiu.
23916	MAT 21:21	Chiyru cuaby Jesús lodeb: —Rguixtiia lot, belati laat reldilaaztɨ Dios sin quɨt guntioplaaztit, gati ni baanzitia cun yagquɨ zelee gúntɨ sino que zelee gaiptɨ danyre: “Gubicá ruc, biab lo nisdoo”, ne zac ziy.
23926	MAT 21:31	Anre gulnii nare: ¿Tú de lo iropdeb baany ni rcaaz xtaddeb gúndeb? Chiy cuaibdeb lo Jesús: —Lliinbɨ ni raipbɨ gulote. Chiyru raipy Jesús laadeb: —Nare rguixtiia lot dec de ni run cobrɨ impuest par Roma, ne de gunaa ni nabánydxab, nidooldeb yiiudeb lo guelrnabee xte Dios que laat.
23987	MAT 22:46	Ruteete quɨt tu nialeeti nicaby lo Jesús, per niclɨ tuby diidx. Ne desde dxiqui aquɨtru xi ninabdiidxtideb laany.
23992	MAT 23:5	Irate ni rundeb, rundeb ziy parzí idxalo bniety laadeb. Rdxalaazdeb dec zeclɨ locuadeb ne naadeb rliiby tuby cint ni cá xtiidx Dios lonii, ne rdxalaazzacdeb racudeb de lady zaac xtendeb.
23993	MAT 23:6	Rdxalaazdeb subdeb rut riáld sub de ni mazru sac zec chi redeb tuby comid, ziytiziac rundeb laniudoo.
24011	MAT 23:24	Rcaaztɨ iliuut bniety ne niclɨ laat quɨt gántɨ, ax rcualot quɨt gúntɨ de cos ni quɨt cuenzi náti duld, per quɨt runtit xgab pur de duldroo ni runtɨ. Na xtiidx bniety: ¡Xípalza rcualot quɨt gaibtɨ begueg, ne rabiactɨ camey!
24016	MAT 23:29	’¡Probzactɨ de maistrɨ ni nán ley ne de fariseu, te pur quɨt runtit zec ni rniit! Runzaactɨ ruu baa xte de profet ne rsuchuuzactɨ ruu baa xte de bniety ni gubány zec ni rcaaz Dios,
24023	MAT 23:36	Rguixtiia lot dec quia irate de bɨny ni nuu anre yab castiguqui.
24028	MAT 24:2	Ax raipy Jesús laadeb: —Rguixtiia lot dec irate ni caguiaatquɨ, teru chúu dxi niclɨ tuby guia quɨt yáanti quia stubyni, irateni ibily.
24029	MAT 24:3	Chiyru güedeb quia dany ni lá Olivos. Chiy deni guri Jesús ruy, ax güebinuu de xpɨnny laany par gunabdiidxdebny: —Rcaaznɨ iniibiu dunnɨ gúc gac ziy. Ne, ¿xa ná ni gac seny dec agueedbiu stuby, ne dec amerza ldull guɨchliu?
24111	MAT 25:34	Chiy laany ni nány Rey gaipny de ni zuguaa lad naldí xtenny: “Gultaa laat ni abiacldeet pur Xtada. Gulyiiu lo guelrnabee ni nuchuu par laat desde chi gurixti guɨchliu.
24117	MAT 25:40	Chiy icaibny lodeb, laany ni nány Rey: “Rguixtiia lot, irate ni baantɨ par gucnét tuby de xpɨnnia, masquɨ más senciy náb, per narenacay gucnét.”
24122	MAT 25:45	Ax laany icaibny lodeb: “Rguixtiia lot, irate ni quɨt baantɨ par niacnét de xpɨnnia, masquɨ más senciy náb, per narenacay quɨt niacnét.”
24127	MAT 26:4	Ruy guniideb xa xquel gúndeb engany Jesús par inaazdebny, ax quinxúdebny.
24136	MAT 26:13	Rguixtiia lot dec iduibte lo guɨchliu nez ruttisy irɨɨch de didxzaac xte Dios, zuee bniety cún loc ni baany gunaac cun nare par chanelaazdeb laab.
24144	MAT 26:21	Chiy lalzi caquiindeb, laany guniiny: —Rguixtiia lot dec lagac tubytɨ gún entriagu naa.
24202	MAT 27:4	raipbɨ laadeb: —Abaania duld pur ni baania entriagu tuby bniety ni quɨt xi duldti nap. Chiy cuaibdeb lob: —Ruy quɨt xi riáldtin, ¡niy aríianiy pur liú!
24206	MAT 27:8	Pur ningui, axtanré lá guɨchliuqui, Liu xte Rɨny.
24227	MAT 27:29	Ne banchuudeb tuby curon guɨ́ch guluudeb quiany, chiy bguaasdeb tuby var laznaany lad naldí. Chiyru guzullibdeb nez lony, rundeb burlɨny, raipdebny: —¡Su ibány Rey xte Israel!
24235	MAT 27:37	Ne quia cruzy xtenny bcuaadeb tuby letrer ni rguixtee xínii bcuaadebny lo cruzy. Letrequi rnii: BNIETRÉ NÁ JESÚS, REY XTE DE BNIETY ISRAEL.
24240	MAT 27:42	—Güelee gucnéb stuby de bniety, per quɨt xo íldatib lagac laab. Belati laabɨy Rey xte Israel, su yiatbɨ lo cruzy te choldilaaznɨb.
24271	MAT 28:7	Anre gueeldzi gulchia, chiy gulgats de xpɨnny dec laany agubíi gubánny stuby ne dec nidoo laany azégany Galilea chiyru chiat. Ruy iniátny. Ninguizi ná ni ná par quixtiia lot.
24287	MRK 1:3	Ríeny rsee tuby bniety nez lo yiubiz rut quɨt tu rbezti ax rniib: “Gulganzaac nez xte Xtadnɨ Dios. Gulxal tuby nezldí.”
24325	MRK 1:41	Jesús bgány laab ax bguaaldny tɨɨxbɨ guniigany: —Rcaazla. Quebiac.
24350	MRK 2:21	’Ruteete quɨt tu rcuaati rmiand tuby ladiiuxy cun tuby ldaa lady cuby pur ni rlliuun lady cubyqui, ax mazru rguillaangui ladiiuxqui.
24406	MRK 4:14	Rguixtiia lot dec bniety ni bcuaa binqui, laab náb zec tuby bniety ni rtɨɨch xtiidx Dios.
24408	MRK 4:16	Nuuzadeb nádeb zec biny ni biab láani de guia. Rindiagdeb xtiidx Dios ne rzaclaazdeb rindiagdebni.
24410	MRK 4:18	Chiy stuudxdeb ná zec de biny ni biab láani yaguɨ́ch. Rindiagdeb xtiidx Dios,
24423	MRK 4:31	Rguixtiia lot dec guelrnabee xte Dios ná zec tuby biny xte cuaan ni lá mostaza. Binqui chi rbeni lo niaa, laani náni mazru bichiin lo irate de biny ni nuu lo guɨchliu.
24425	MRK 4:33	Ziy xquel bliuu Jesús xtiidx Dios. Rniiny zienzi de cuend zec de ni aguniiny, axt rut güelee gucbeedeb.
24440	MRK 5:7	Ne quesentiand diip gurɨxtiab: —¿Xínii riutétibiu cun nare, Jesús Lliin Dios ni rbez llayabaa? Rguiin rnaaba lobiu quɨt isacsitibiu nare.
24501	MRK 6:25	As biiu dxaapqui stuby axt rut zub rey ax guniib: —Rcaaza dec angare inɨɨdxbiu nare quia Juany Bautist lo tuby plad.
24538	MRK 7:6	Chiy raipy Jesús laadeb: —Runzit dec nabánytɨ xnezni. Didxldíquɨy ni gunii profet Isaías pur laat chi bcuaab: De bnietré de diidxzi rtodeb nare, per niclɨ dudxiin quɨt rtotideb nare dibyquia dibylaazdeb.
24564	MRK 7:32	Ruy güené de bniety tuby bniety nguiu ni ná cuaat ne quɨtza ruezaactib diidx, chiy gunaabdeb lony izubnaany quiab.
24571	MRK 8:2	—Rgáczaca de bnietquɨ te pur aguc chon dxi zuguanédeb nare ne quɨt caatideb xi iquiindeb.
24593	MRK 8:24	Ciaguqui guzulo rianlob ax guniib: —Rianluaa caza de bniety, per lazu de yag rianluaadeb.
24594	MRK 8:25	Chiyru bzubnaa Jesús de ruu bslob stuby. Raipny laab íguiab tubyzi lat ax guzulo rianlozaacbɨ, nieeny, nieeny guzulo rianlob.
24608	MRK 9:1	Ziyza raipy Jesús laadeb: —Rguixtiia lot dec nuu de ni zuguaa ruc, quɨt gatytideb sin quɨt iniádeb idzɨny guelrnabee xte Dios.
24620	MRK 9:13	Rguixtiia lot dec Elías abeedbɨ ax bannédeb laab zectisy ni bcaazdeb, zec ni rnii lo xquiits Dios ná par teedbɨ.
24631	MRK 9:24	Chiyru gurɨxtia xtad bniinqui: —¡Reldilaazla laabiu, gucnébiu nare chaldilaazrupaca laabiu!
24658	MRK 10:1	Jesús bdiiany Capernaum ax güeny nez Judea cun nez stuby lad dets gueeu Jordán. Ruy gubíi bdxasaa de bniety rut zuguaany. Chiy guzulo bseedny laadeb zec ni guc xcostumbrɨny.
24672	MRK 10:15	Rguixtiia lot dec elquɨ ni quɨt reldilaaz guelrnabee xte Dios zec tuby bniniin, quɨt xo yiiutib lo guelrnabee xte Dios.
24686	MRK 10:29	Jesús cuaibny: —Rguixtiia lot dec tutix bniety ni rbelaaz lizni, de betsni, de bzaanni, xtadni, xnanni, chialni, de lliinni, o de liuza xtenni pur nare ne pur de didxzaac xte Dios,
24690	MRK 10:33	Raipny laadeb: —Laat nántɨ dec azoon Jerusalén, ruy nare Bniety ni bxiaald Dios zaca entriagu lo de bxoz ni rnabee lo de bxoz ne lo de maistrɨ ni nán ley. Chiy laadeb inabeedeb gatia, zundeb entriagu nare lo de ni quɨt ná bniety Israel.
24694	MRK 10:37	Laadeb guniideb: —Rcaaznɨ dec chi acanabeebiu, chiy izubnɨ cueebiu, tuby ni cue lad naldí stuby ni cue lad rbes.
24751	MRK 12:9	Jesús gunabdiidxny de bniety ni caninény: —Anre, ¿xi rlilot gún bniety ni ná xtenni guɨchliuqui? Rguixtiia lot dec laab zeedbɨ par quinxúb de bɨnqui ax sdeedbɨ guɨchliuqui stuby de bniety.
24832	MRK 14:9	Rguixtiia lot dec iduibte lo guɨchliu nez ruttisy irɨɨch de didxzaac xte Dios, zuee bniety diidx cún loc ni baany gunaac cun nare par chanelaazdeb laab.
24836	MRK 14:13	Chiyru gunabee Jesús tiop de xpɨnny, raipny laadeb: —Gulchia láani guɨdx Jerusalén. Ruy idxáat tuby bniety nguiu ni zéne tuby rii nis ax gulsanaldbɨ.
24838	MRK 14:15	Chiy laab iliuub laat tuby yuu ni rrop pis ni anazaacllga láanni. Ruy gulganchuu ni iquiinnɨ.
24841	MRK 14:18	Chiy chi zubdeb lo mɨlly caquiindeb, raipy Jesús laadeb: —Rguixtiia lot dec tubytɨ ni caquinné nare ná ni gún entriagu naa.
24897	MRK 15:2	Ax gunabdiidx Pilat Jesús: —¿Ta liúy Rey xte de bniety Israel? Jesús cuaibny: —Narelay.
24904	MRK 15:9	ax raipy Pilat laadeb: —¿Ta rcaaztɨ ildaa Rey xte Israel?
24907	MRK 15:12	Ax gunabdiidx Pilat laadeb: —Chiy, ¿xi rcaaztɨ gunnía ni raiptɨ Rey xte Israel?
24913	MRK 15:18	Chiyru guzulo rbɨxtiadeb: —¡Su ibány Rey xte Israel!
24916	MRK 15:21	Chi zénedeb Jesús chiy bchalodeb tuby bniety Cirene, laab bdialáb Simóny, xtad Lijandrɨ cun Rufo, zíaadbɨ güeb lo guiix ax baany de suldadqui juers laab biaab cruzy xte Jesús.
24918	MRK 15:23	Ruy bdeeddebny vin ni nuuch tuby nis ni lá mirra, per quɨt bquiintiny vinqui.
24920	MRK 15:25	Rca gaa sidoo bcuaadeb Jesús lo cruzy.