23216	MAT 1:3	Chiy Judá bichnaab Tamar, chiy ax lliindeb bdialá Fares cun Zara. Fares ax guc xtad Esrom, Esrom guc xtad Aram,
23225	MAT 1:12	Deni biecquideb xte ni guudeb pres nez Babilonia, Jeconías gúpbɨ tuby lliinbɨ ni bdialá Salatiel. Chiy Salatiel guc xtad Zorobabel.
23226	MAT 1:13	Zorobabel guc xtad Abiud, Abiud guc xtad Eliaquim, Eliaquim guc xtad Azor,
23230	MAT 1:17	Ziy guc desde tiamp xte Abraham axtquɨ tiamp xte rey David guu tsɨdá generación, chiy tsɨdáza generación guu desdɨ tiamp xte rey David axtquɨ tiamp ni guu de bniety Israel pres nez Babilonia. Ne tsɨdáza generación guu desde tiamp ni güe de bniety Israel pres nez Babilonia axtquɨ chi bdzɨny dxi ni gul Jesucrist lo guɨchliu.
23253	MAT 2:15	Ruy gulezdeb axtisy guty rey Herodesqui. Ziy xquel guc par guzub xtiidx Dios zec ni gunii tuby profet chi guniib: “Gurɨdxa llingaana nez Egipto.”
23255	MAT 2:17	Ziy guc cumplir ni bcuaa profet Jeremías chi guniib:
23261	MAT 2:23	Chi bdzɨndeb ruy, ax güeldezdeb guɨdx ni lá Nazaret. Ziy xquel guc par guzub zec ni gunii de profet dec Jesús idialány bniety Nazaret.
23285	MAT 4:7	Jesús cuaibny: —Ziyza rnii lo xquiits Dios: “Quɨt gúntiu prueb Xtadu Dios.”
23291	MAT 4:13	Per quɨt guleztiny guɨdx Nazaret, sino que güeldezny guɨdx Capernaum, tuby guɨdx ni ná ruxchu nis Galilea nez Zabulón cun Neftalí.
23292	MAT 4:14	Ziy guc par guc cumplir ni bcuaa profet Isaías chi guniib:
23293	MAT 4:15	De bniety Zabulón cun de bniety Neftalí, ne de ni rbez gax ruu nisdoo cun de ni rbez dets gueeu Jordán ne cun irateru de ni rbez nez Galilea rut rbez de bniety ni quɨt ná bniety Israel,
23299	MAT 4:21	Mazru delantqui ax gunány stiop de bniety, Jacob cun betsbɨ Juany, de llingaan Zebedeo. Nuudeb láani tuby barcu cun xtaddeb cayunzaacdeb de xtarraydeb. Chiy gurɨdx Jesús laadeb,
23319	MAT 5:16	Ziyzaquɨy laat, gulgaany pur ibánytɨ zacru nez lo de bniety te par chi iniádeb de cos güen ni cayuntɨ, ax iniideb de diidx zaac pur Xtadtɨ Dios ni rbez llayabaa.
23334	MAT 5:31	’Ziyza abindiagtɨ: “Tutix ni ldáa chialni, ná par iniáb gacchuu guiits dec aguláadeb.”
23336	MAT 5:33	’Ziyza gucdixtee lo de to xpɨngul gulaltɨ: “Ná par gúnu cumplir zec chi xi abaaniu jurar ideedu o gúnzacu par Dios.”
23346	MAT 5:43	’Ziyza guu chi abindiagtɨ: “Bcaaz ni rcaaz liú, chiy bdxichné ni rdxichné liú.”
23400	MAT 7:15	’Ziyza gulcualo cun de bɨndixú ni rnii dec pur Dios zéeddeb. Te pur laadeb lazu quesentiand nadolaazdeb, per runzideb parzí gúndeb engany bniety.
23431	MAT 8:17	Ziy xquel guc, par guc cumplir ni gunii profet Isaías chi guniib: “Laany bdzɨcány de guelguidx xtennɨ, ne laany zéneny de guelzii xtennɨ.”
23488	MAT 10:2	De bnietré ná ni rac tsɨbtiop de apóstol xtenny: Simóny ni gulelány Bed, cun betsbɨ Andrés, ne Jacob cun Juany de llingaan Zebedeo.
23494	MAT 10:8	Chiy gulsiac de bniety racxú, gulsbány de bniety ni aguty, gulsiac de bniety ni nap guelguidx ni lá lepra, ne guldée bɨndxab láani de bniety. Zec ni bguaada laat guelrnabeec, ziyza chi isiactɨ bniety quɨt xi gúntit cobrɨ.
23502	MAT 10:16	Ziyza raipy Jesús de xpɨnny: —¡Gulguiaa! Nare rxiaalda laat zec chi re de llíily glay de begu. Pur ningui gulgaany viv zecpacza tuby béeld, per nadolaaz zecpacza de palom.
23523	MAT 10:37	’Elquɨ ni mazrupac rcaaz xtadni, o xnanni que nare, quɨt xo gactib xpɨnnia. Ziyza ni mazrupac rcaaz llingaanni o llindxaapni que nare, quɨtza xo gactib xpɨnnia.
23526	MAT 10:40	’Ziyza elquɨ ni gún cuend laat, laab cayunbɨ cuend nare. Ne ni run cuend nare, laab cayunbɨ cuend ni bxiaald naa.
23527	MAT 10:41	Elquɨ ni gún cuend tuby profet pur ni zéedbɨ pur Dios, ax bniety ni gún cuend profetqui, scáab ni riáldtiziac tuby profet lo Dios. Ziyza ni gún cuend tuby bniety zaac ni nabány zec ni rcaaz Dios, bniety ni gún cuend laab, scáab ni riáldtiziac tuby bniety zaac lo Dios.
23551	MAT 11:23	Ziyza laat de bɨny Capernaum, quɨt ililot dec ziáldtɨ llayabaa, laat ariáldtɨ axt xti infiernɨ. Te pur belati láani guɨdx Sodoma niac de milagrɨ ni guc ladxtɨ, ax axt hórandxidxare zeczi nuu guɨdxqui.
23563	MAT 12:5	Ziyza, ¿ta gady guuldtɨ lo ley xte Moisés dec quɨt xi duldtiy run de bxoz laniudoo masquɨ quɨt rzilaazdeb dxi ni rzilaaz bniety?
23575	MAT 12:17	Ziy xquel guc par guzub zec ni gunii profet Isaías, chi guniib:
23578	MAT 12:20	Ziyza quɨt xi gunnétib de bniety ni ná zecpacza tuby guixguia ni digaizy gaachy pur ni quɨt gándeb xa riáld ibánydeb. Niclɨza quɨt xi gunnétib de ni ná zecpacza tuby bieeny ni guuxtisy rac quiani pur ni quɨt relee gacbeedeb xa riáld ibánydeb, zapbɨ paciency laadeb axtisy dxi ni abaanbɨ gan idzɨny dxi ni gac guelgurtisy zec ni riáld.
23584	MAT 12:26	Ziygaczaquɨy belati Satanás gúniy contrɨ lagac niy ax, ¿xólesa güelaaz guelrnabee xteniy?
23587	MAT 12:29	’Te pur, ¿xólesa yiiu ni yiiu liz tuby bniety ni quesentiand daan par cúaandeb xixtenbɨ belati quɨt ildiibxgadeb laab? Ziytisy par chalee cúaandeb xixtenbɨ.
23600	MAT 12:42	Ziyza reina ni zá guɨdx ni lá Sabá sbányzacbɨ dxi ni ldull guɨchliu chi ideed de bniety cuend Dios, chiy laab sniib dec de bniety ni nabány anre riáld castigu xte Dios. Te pur laab quesentiand zit záb par bedcuadiagbɨ ni nán rey Salomón. Ne nare Jesús ni zuguané laat, mazru saca que Salomón.
23603	MAT 12:45	Chiy ax azecáangui dzɨ gadz bɨndxab ni ná mazru mal que niy. Chiy iratedengui yiiudengui láani lazdoo bnietqui. Pur lúltmɨ, bnietqui mazru rnia ibánybɨ que gulo. Ziytiziac teed de bɨny mal ni ri lo guɨchliu anre.
23604	MAT 12:46	Zeczi caniné Jesús de bniety chi bdzɨny xnan Jesús cun de betsny, rcaazdeb ininédeb laany. Per quɨt nialeeti níiudeb axt rut zuguaany
23622	MAT 13:14	Ziy xquel cazub zec ni gunii profet Isaías chi guniib: Masquɨ rindiagdeb, per quɨt xi gacbeetideb. Ne masquɨ rianlodeb, per lazu quɨt rianlodeb.
23641	MAT 13:33	Ziyza bené Jesús laadeb cuendré, raipny laadeb: —Guelrnabee xte Dios ná zec levadur ni rguuch tuby bniety gunaa cun chon medid harin te pur masquɨ duudxzi levadurqui, per rzagui irate cubqui.
23643	MAT 13:35	Ziy guc par guzub zec ni gunii tuby profet xte Dios chi guniib: Cun púrzi de cuend xquel ininía de bniety chi quixtiia lodeb pur de cos ni gady gacbeedeb desde chi banchuu Dios guɨchliu.
23648	MAT 13:40	Zec ni rdxasaa de cuandxab par chaaicquini, ziytiziac gac chi ldull guɨchliu.
23653	MAT 13:45	’Ziyza rniia laat: Guelrnabee xte Dios ná zec tuby bniety ni caguíily sii de perlɨzaac.
23657	MAT 13:49	Ziyzaquɨy gac dxi ni ldull guɨchliu: Zeed de ánglɨ guedldédeb de bɨny mal lo de bɨnzaac.
23784	MAT 17:15	—Dad, blaslaazbiu llingaana purzi quesentiand guelzii cadeedby racby guelguidx ratiia. Zienzi güelt riabby lo bal o lo nisza.
23805	MAT 18:9	Ziyza belati lagac bsloo run runu duld, guléeni bzáaldni zit. Te pur mazru güen chuu llayabaa cun tuby ladzini, que no chuu cun iropladni lo bal xte infiernɨ.
23808	MAT 18:12	’Zecquɨ belati tuby bniety napbɨ tuby gayuaa llíily ne chiy itiiunbɨ tubymɨ ax, ¿tatix quɨt isáanbɨ dzɨ noventa y nuevmɨ lo guiix par chatíilybɨ llíily ni gunityqui?
23833	MAT 19:2	Zieny bniety guzanald laany, chiy ruy bsiacny de bniety racxú.
23837	MAT 19:6	Ziy xquel aquɨt nátideb tiop sino que tubyzi. Pur ningui, bniety guɨchliu quɨt náti par ildasaab ni abchasaa Dios.
23852	MAT 19:21	Jesús cuaibny: —Belati rcaazu ibániu zec ni riáld nez lo Dios, quegüetóo irate ni napu chiy bdeed mɨlyqui de prob. Ziy xquel gapu guelnazaac llayabaa. Chiyru quedanald nare.
23862	MAT 20:1	Ziyza raipy Jesús laadeb: —Guelrnabee xte Dios ná zec tuby bniety ni nap sroo guɨchliu. Chiy sidoote bdiiab zetíilybɨ mos par gún dzɨɨny lo lliab,
23866	MAT 20:5	Zecti laidxi gubíi bdiiab stuby ne bdiiazacbɨ zecti rca chon gudxi, chiy ziytiziac raipbɨ de bniety ni zuguaa lo guee sin dzɨɨny.
23877	MAT 20:16	Ziy xquel de ni ná lúltmɨ anre, gac primer, chiy de ni ná primer gac lúltmɨ.
23880	MAT 20:19	Zundeb entriagu nare lo de bɨnzít par gúndeb burlɨ naa ne par itaazdeb naa. Chiy icuaadeb naa lo cruzy, per ni rion dxi sbíi ibánia stuby.
23881	MAT 20:20	Chial Zebedeo gubinéb iropte lliinbɨ rut zuguaa Jesús, chiy guzullibbɨ lony par inaabbɨ ni rcaazbɨ.
23883	MAT 20:22	Per Jesús raipy laadeb: —Laat quɨt gántit xing rnaabtɨ. ¿Tatix zelee teedtɨ guelzii zec ni ná par teda? Laadeb guniideb: —Zeleela.
23889	MAT 20:28	Zecquɨ nare Bniety ni bxiaald Dios quɨt zeldtia lo guɨchliu par gún bniety sirvɨ luaa, sino que par gúna sirvɨ lodeb, ne cun guelguty xtena quilla pur de xtuld zieny bniety guɨchliu.
23899	MAT 21:4	Ziy guc par guc cumplir ni gunii tuby profet desde gulal chi guniib:
23904	MAT 21:9	Zeclɨ de bniety ni zanɨɨdy ne zeclɨza de ni zanald rbɨxtiadeb: —¡De diidx zaac ná par Lliin rey David! ¡Dichos ni zéed pur Dios! ¡Xtiosten Xtadnɨ Dios, laany ni rbezny llayabaa!
23919	MAT 21:24	Chiy cuaby Jesús lodeb: —Ziyza nare inabdiidxa laat tuby cos. Belati icaibtɨ chiyru iniia laat tú xtidxbee runa de cosquɨ.
23922	MAT 21:27	Chiyru raipdeb Jesús: —Quɨt gántin. Ax cuaby Jesús lodeb: —Ziyza nare quɨt iniitia laat tú xtidxbee runa de cosquɨ.
23932	MAT 21:37	’Chiyru bxiaaldbɨ llingaanbɨ, te pur baanbɨ xgab, guniib: “Zappacdeb didxdoo lliinia.”
23934	MAT 21:39	Ziy xquel guc, gunaazdeb laab ax guléedeb laab lo liuqui chiy gudinxúdeb laab.
23951	MAT 22:10	Ax bdiia de mosqui güedeb láani guɨdx, chiy bchasaadeb irate bniety ni bdxialdeb zeclɨ de ni ná mal ne de ni ná güen. Ziy xquel gudxatec liz reyqui.
23979	MAT 22:38	Ziy ná primer mandamient ni mazru sac.
24005	MAT 23:18	Ziyza rniit dec quɨt xi gúnti belati quɨt gún bniety zec ni aguniib masquɨ abaanbɨ jurar pur lo bcuu xte laniudooqui. Per belati gún bniety jurar pur de ni zuub lo bcuuqui, ax chiyru nápac par gún bniety zec ni aguniib.
24009	MAT 23:22	Ziyza ni run jurar pur yabaa, laab cayunbɨ jurar pur Dios ne pur yallily rut rbezny.
24015	MAT 23:28	Ziy nát laat, te pur nez lo de bniety quesentiand güen ríentɨ, per láantɨ dxaate dixú ne de mal.
24018	MAT 23:31	Ziy xquel lagacquɨ laat racbeet dec lo xfamily de ni gudinxú de profetqui zát.
24022	MAT 23:35	Pur ningui quiat chia irate rɨny ni abllíi, rɨny xte de bniety ni guc güen nez lo Dios, desde rɨny xte Abel ni gubány zec ni rcaaz Dios axtquɨ rɨny xte Zacarías lliin Berequías, Zacarías ni gudinxúdeb lo ldedoo.
24024	MAT 23:37	Ziyza gunii Jesús: —¡De bɨny Jerusalén, de bɨny Jerusalén, laat rguinxút de profet ne rcuaat guia de bniety ni zéed pur Dios! ¡Zienzi güelt bcaaza nichasaa laat zec ni rchasaa bɨdy de lliinmɨ láani xiilmɨ, per quɨt ni nátit!
24033	MAT 24:7	Te pur teru tildy naciony cun stuby naciony ne de ni nap guelrnabee sdilddeb cun stuby de ni nap guelrnabee. Ziyza zac llu ne zuu gubiny iranezzi lo guɨchliu.
24037	MAT 24:11	Ziyza sdiacá zieny de profet ni güee dixú, ax zienzi bniety gúndeb engany.
24059	MAT 24:33	Ziyzaquɨy chi iniát acayac de cosré ax zacbeet dec azeddzɨny dxi ni gac zec ni aguniia laat.
24063	MAT 24:37	’Zec ni guc gulalqui chi gubány Noé, ziygacza gac dxi ni guelda stuby nare Bniety ni bxiaald Dios.
24065	MAT 24:39	Chal lodeb guzulo nisguiarooqui ax zéne nis iratecdeb. Ziytiziacza gac dxi ni guelda stuby nare Bniety ni bxiaald Dios.
24070	MAT 24:44	Ziyzaquɨy laat, gulsuguasin, te pur nic xgab gúntɨ chi guelda stuby nare Bniety ni bxiaald Dios.
24078	MAT 25:1	Ziyza raipy Jesús laadeb: —Par yiiu bniety rut canabee Dios ziendeb teed zecpacza tuby cuend xte tsɨ de dxaap, caadeb lámpara xtendeb par güecanuudeb bíiny hor ni challiib dxaap.
24091	MAT 25:14	Ziyza raipy Jesús laadeb: —Guelrnabee xte Dios ná zec tuby bniety ni aidiia chia zit, per anste ni chiab gurɨdxbɨ de xmosbɨ par bsannéb laadeb xmɨlbɨ.
24141	MAT 26:18	Jesús cuaibny: —Gulchia láani guɨdx Jerusalén liz tal bnietqui, chiy gulgatsbɨ: Ziyla na Maistrɨ dec azeddzɨny hor xtenny ax rcaazny iteedny pascu lizbiu cun de xpɨnny.
24160	MAT 26:37	Chiyru zéneny Bed cun iropte de llingaan Zebedeo, ax guzulo rziienny nalas ne aquɨtru xi guíllyti nuuny.
24170	MAT 26:47	Zeczi caniné Jesús laadeb chi bdzɨny Judas ni racza tuby de xpɨnny. Bdzɨnnéb zienguilliú bɨny, caadeb spad ne yag. Zenaazdeb Jesús pur xtiidx de bxoz ni rnabee de bxoz ne pur xtiidxza de gurtisy xte de bniety Israel.
24172	MAT 26:49	Parzi chi bdzɨny Judas, ax güebinuub Jesús chiy raipbɨ laany: —¡Zacguxinbiu, Maistrɨ! As gudob ruuny.
24207	MAT 27:9	Ziy xquel guc cumplir ni gunii profet Jeremías, chi guniib: “Cuáadeb treint mɨly de plat, precy ni gunii de bniety Israel sacny.
24228	MAT 27:30	Ziyza btiuxɨ́ndeb lony, chiy lagac var ni caany redeb quiany.
24239	MAT 27:41	Ziytiziac de bxoz ni rnabee de bxoz cun de maistrɨ ni nán ley ne de gurtisy xte de bniety Israel, baandeb burlɨ Jesús, laadeb guniideb:
24254	MAT 27:56	Lo de gunaaqui nuuch María Magdalena, María xnan Jacob cun Gusé, ne xnan de llingaan Zebedeo.
24288	MRK 1:4	Ziy xquel beed Juany ni btiubnis de bniety. Laab gulezbɨ nez lo yiubiz rut quɨt tu rbezti. Chiy raipbɨ de bniety dec ná par yialaazdeb pur de xtulddeb ne yaicquideb cun Dios te gacdeb perdón ax irubnisdeb.
24303	MRK 1:19	Ne Jesús güelaaru zény, ax delantqui gunány de llingaan Zebedeo, Jacob cun Juany. Nuudeb láani barcu cayunzaacdeb de xtarraydeb
24304	MRK 1:20	ax gurɨdxny laadeb. Chiy bsáanacdeb xtaddeb Zebedeo láani barcuqui cun de mos. Ax iroptedeb zenaldacdeb Jesús.
24344	MRK 2:15	Chiguld deni caquiiny Jesús liz Leví cun iraru de ni run cobrɨ xte impuest, ne cun de bɨny ni quɨt nabány zec ni rnabee ley ni zenuu de bniety Israel, iratedeb zubnédeb Jesús lo mɨlly cun de xpɨnny. Zieny bniety guzanald laany.
24356	MRK 2:27	Ziyza raipy Jesús laadeb: —Dios guluuny dxi ni rzilaaz bniety, per gati par teedti bniety guelzii dxiqui.
24374	MRK 3:17	Jacob cun Juany de llingaan Zebedeo de ni gulelány Boanerges zelo diidxqui de lliin guziuu.
24381	MRK 3:24	Zecquɨ belati tuby naciony gac gubiernɨ tiop cuaa, ax sdildpacdeb ne quɨt xo güelaazti guelrnabee xtendeb.
24382	MRK 3:25	Ziyza belati tuby family tilddeb cun lagac saadeb, ax ziub ldasaadeb ziy.
24384	MRK 3:27	’Ne ruteete quɨt tu chaleeti yiiu liz tuby ni quesentiand daan par cúaandeb xixtenbɨ belati quɨt ildiibxgadeb laab. Ziytisy par chalee cúaandeb xixtenbɨ.
24401	MRK 4:9	Ziyza raipy Jesús laadeb: —Tutix ni rcaaz icuadiag, gulcuadiag.
24414	MRK 4:22	Ziytiziaczaquɨy xíteete ni nuuti xgaats quɨt yáanti sin quɨt yíany, ne xíteeteza ni náti xgaats quɨt yáanti sin quɨt gacbee irate bniety.
24416	MRK 4:24	Ziyza raipy Jesús laadeb: —Gulgaany xgab pur de diidx ni rindiagtɨ. Te pur belati laat runtɨ cuend xtiidx Dios, ziyza mazru gún Dios cuend laat.
24418	MRK 4:26	Ziyza raipy Jesús laadeb: —Guelrnabee xte Dios ná zec ni rdeed tuby bniety chi recuaab biny lo niaa.
24422	MRK 4:30	Ziyza gunii Jesús: —¿Xádxaza xquel iniia laat ná guelrnabee xte Dios, o xiza güeniaa laat par gacbezaactɨ xa ná guelrnabee xtenny?
24425	MRK 4:33	Ziy xquel bliuu Jesús xtiidx Dios. Rniiny zienzi de cuend zec de ni aguniiny, axt rut güelee gucbeedeb.