23240	MAT 2:2	ax gunabdiidxdeb: —¿Cún rey xte de bniety Israel ni agul? Te pur dunnɨ desdɨ ladxnɨ agunán bldieny balgui xtenny. Pur ningui zioptonny.
23268	MAT 3:7	Per chi guná Juany dec zieny de fariseu cun de saduceu bdzɨndeb par itiubnisbɨ laadeb, ax raipbɨ laadeb: —¡Xípalza zecpacza de béeld vivtɨ! ¿Tú gudixtee lot par ldát lo castiguroo ni abdzɨngax?
23316	MAT 5:13	’Laat nát zec zed lo guɨchliuré. Per belati ibicá ni nallini, ¿xólesa ibíi gacllini stuby? Aquɨtru xi illiútini, irɨɨchtislani ax chaapy bniety quiani.
23349	MAT 5:46	Te pur belati rcaaztɨ púrzi de ni rcaaz laat, ¿xílesa icáat lo Dios ziy? Te pur axt de ni run cobrɨ xte impuest run ziy.
23378	MAT 6:27	Ne ziyza, ¿tatix pur cuenzipac chúu bniety guelrsaa ax agac bniety mazru ziuul?
23379	MAT 6:28	’¿Xínii ruut guelrsaa pur lady? Gulguiaa xa xquel reroo de guiaa lo guiix. Xíteete dzɨɨny quɨt runtideni ne quɨtza rguibtideni,
23394	MAT 7:9	’Belati laat ni nát dad, ¿tatix sdeedtɨ tuby guia lliintɨ chi inaabby guechtily?
23395	MAT 7:10	O, ¿tatix sdeedtɨ tuby béeld chi inaabby beld?
23440	MAT 8:26	Laany cuaibny lodeb: —¿Xínii cuenzi rdxibtɨ? ¡Xípalza gulliaaza reldilaaztɨ nare! Chiyru güesteny ax cun xtiidxny bcuezny bi ne nisqui. Hóracqui irate guridxí.
23441	MAT 8:27	Chiy de xpɨnny bdxalodeb ne gunabdidxsaadeb: —¿Túdxaza bnietquɨ, ningui axt bi ne nis rcuadiag xtiidxny?
23443	MAT 8:29	Chi gunádeb Jesús ax gurɨxtiadeb: —¿Xínii riutébiu cun dunnɨ, Jesús, Lliin Dios? ¿Ta zéedbiu rurén par iteedbiu dunnɨ guelzii anste ni idzɨny dxi?
23452	MAT 9:4	Ne cun Jesús gucbeegacny xi xgab cayundeb, ax raipny laadeb: —¿Xínii runtɨ mal xgab?
23453	MAT 9:5	¿Cún ni nagánru par gac? ¿Ta gapiab: “Abaania perdón de xtuldu”, o gapiab: “Güeste, queguza”?
23459	MAT 9:11	Chiy chi guná de fariseu ziy, ax gunabdiidxdeb de xpɨny Jesús: —¿Xínii caquinné xmaistrɨt de cobrador xte impuest ne de bɨnduld?
23462	MAT 9:14	De xpɨny Juany Bautist güebinuudeb Jesús, ax gunabdiidxdeb laany: —¿Xínii dunnɨ cun de fariseu quesentiand rcuuannɨ, ne de xpɨnbiu quɨt rcuuanti?
23463	MAT 9:15	Jesús cuaibny lodeb: —Rut rac tuby saa, ¿tatix ruu de bioos nalas chi zuguané bíiny laadeb? Per teru idzɨny dxi ni ibicá bíiny, chiyru icuuandeb.
23476	MAT 9:28	Chi biiu Jesús yuu rut zuguaany, de bnietqui gubinuudebny, chiy gunabdiidxny laadeb: —¿Ta reldilaaztɨ dec nare zelee isiaca laat? Laadeb cuaibdeb: —Roldilaazlan, Dad.
23511	MAT 10:25	Ni caseed ná par yáanbɨ cunformɨ chi anánbɨ zecti ni nán xmaistrɨb ne tuby mos ná par yáanbɨ cunformɨ chi anáb zec xlámbɨ. Anre nare ni rnabiia laat, agulelá de bɨny nare Beelzebú ax, ¿tuguanquɨza xi iniideb pur laat ni nát de xpɨnnia?
23535	MAT 11:7	Chi gulull zé de bniety ni bxiaald Juany, chiyru guzulo cayuené Jesús de bniety diidx pur Juany, raipny laadeb: —¿Tú rlilot ná bniety ni güeguiaat nez lo yiubiz rut quɨt tu rbezti? ¿Ta rlilot dec laab náb zec tuby yaxtily ni ruaa bi?
23536	MAT 11:8	O ¿xa ná bniety ni güeguiaat? ¿Ta tuby bniety ni nacu de lady zaac? Laat nántɨ dec de bɨny ni racu lady zaac láani de palacy rbezdeb gati lo guiix rut nabiz.
23537	MAT 11:9	Pur ningui, ¿tú güeguiaat? ¿Ta tuby profet? Per nare rniia laat, laat güeguiaat tuby bniety ni ná mazru que tuby profet.
23544	MAT 11:16	’¿Xádxaza iniia laat ná de bniety ni rbez lo guɨchliu anre? Nare rniia, laadeb nádeb zec de bniiny ni rguit nez lo guee ax rbɨxtiadeby saadeby:
23561	MAT 12:3	Chiy cuaby Jesús: —¿Ta gady guuldtɨ lo xquiits Dios ni baany David tuby güelt chi bldiaanbɨ cun de xcumpnierbɨ?
23563	MAT 12:5	Ziyza, ¿ta gady guuldtɨ lo ley xte Moisés dec quɨt xi duldtiy run de bxoz laniudoo masquɨ quɨt rzilaazdeb dxi ni rzilaaz bniety?
23568	MAT 12:10	Chiy laniudooqui zuguaa tuby bniety nguiu ni gubiz tuby lad naani. Ne cun de fariseu caguíilydeb nez xi icuaquiadeb Jesús ax gunabdiidxdeb laany: —¿Ta zelee isiac bniety tuby bniety racxú dxi ni rzilaaz bniety?
23569	MAT 12:11	Chiy cuaby Jesús lodeb: —Belati laat naptɨ tuby llíily ne chiy yabmɨ láani bzia dxi ni rzilaaz bniety ax, ¿tatix quɨt cuéetmɨ dxiqui?
23570	MAT 12:12	Ne anre, ¿ta gati sacru tuby bniety que tuby llíily? Pur ningui xíteete náti gún bniety ni ná güen dxi ni rzilaaz bniety.
23581	MAT 12:23	Parzi irate de bniety quesentiand bdxalodeb ax guniideb: —¿Ladxa laabɨy bniety ni ná par gueed lo xfamily to David?
23584	MAT 12:26	Ziygaczaquɨy belati Satanás gúniy contrɨ lagac niy ax, ¿xólesa güelaaz guelrnabee xteniy?
23585	MAT 12:27	Laat rniit dec nare rbiia bɨndxab láani lazdoo de bniety pur guelrnabee xte Beelzebú, per belati ziy, laat, ¿tú rdeed guelrnabee de xpɨntɨ par cuéedeb bɨndxab? Rguixtiia lot dec lagac laadeb rniideb dec laat rzacantɨ.
23587	MAT 12:29	’Te pur, ¿xólesa yiiu ni yiiu liz tuby bniety ni quesentiand daan par cúaandeb xixtenbɨ belati quɨt ildiibxgadeb laab? Ziytisy par chalee cúaandeb xixtenbɨ.
23592	MAT 12:34	¡Per laat zecpacza de béeld vivtɨ! ¿Xólesa iniit ni ná güen ne quesentiand mal nát? Te pur desdɨ láani lazdoo bniety rdiia ni rdiia ruu bniety.
23606	MAT 12:48	Per Jesús cuaibny lo bniety ni gudixtee lony: —¿Tú rac xnana ne tú rac de betsa?
23636	MAT 13:28	Chiy cuaby bniety ni rac xlámdebqui: “Tuby ni rdxichnédxa nare bedganiy.” Ax gunabdiidx de mosqui laab: “Anre, ¿xi rniibiu? ¿Ta zoxiiaxnɨ de cuandxabqui?”
23659	MAT 13:51	Chiyru gunabdiidx Jesús de xpɨnnyqui: —¿Ta racbeet irate ni caniia laat? Laadeb cuaibdeb: —Racbeecnɨ, Dad.
23662	MAT 13:54	Chi bdzɨnny ladxny Nazaret, ruy guzulo caseedny de bniety laniudoo. Ax quesentiand rdxalo de bnietqui, rniideb: —¿Calídxa bseedbɨ irate ni nánbɨ? ¿Xo relee runbɨ de milagrɨ?
23663	MAT 13:55	¿Ta gati laabɨy llingaan carpinter ax xnanbɨy María, chiy de betsbɨ rac Jacob, Gusé, Simóny ne Judas?
23664	MAT 13:56	Ne, ¿ta gati lo guɨdxré rbez de bzaanbɨ? ¿Calídxaza bseedbɨ irate ni nánbɨ?
23697	MAT 14:31	Chiyru gunaaz Jesús laab, raipny laab: —¡Xípalza gulliaa reldilaazu! ¿Xínii runtioplaazu?
23704	MAT 15:2	—¿Xínii quɨt zenuu de xpɨnbiu costumbrɨ ni bsáan de to xpɨngul gulalnɨ? ¿Xínii quɨt zenuudeb costumbrɨ zec ni riáld quibynaadeb anste iquiindeb?
23705	MAT 15:3	Chiy raipy Jesús laadeb: —Laat, ¿xínii rsáantɨ xtiidx Dios tuby lad par zenuut de xcostumbrɨt?
23714	MAT 15:12	Chiy de xpɨny Jesús güebinuudeb laany, raipdebny: —¿Ta gucbeecbiu dec bdxiich de fariseu chi bindiagdeb ni guniibiu?
23717	MAT 15:15	Chiy raipy Bed Jesús: —¿Xi zelo ni guniibiu?
23718	MAT 15:16	Jesús cuaibny: —¿Ta niclɨ laat quɨt racbeet ni caniia?
23719	MAT 15:17	¿Ta quɨt racbeet dec irate ni rquiiny bniety láanbɨy riabni chiyru rdiiani?
23735	MAT 15:33	Chiy raipy de xpɨnny laany: —Per, ¿calí idxialnɨ ni iquiiny bniety guilliúc ne nezquɨ ruteete rbezti nezquɨ?
23736	MAT 15:34	Jesús gunabdiidxny laadeb: —¿Béld guechtily caat? Laadeb cuaibdeb: —Gadz guechtily cun stuudx beld.
23744	MAT 16:3	Chiy de sidoo chi rniát xnia llayabaa ne rizá, ax rniit dec rnia gac andxiré. ¡Bɨndixúdeni! Anre belati nántɨ xi zelo de seny xte llayabaa, ¿xínii quɨt racbeet xi zelo de seny ni caniát anre?
23749	MAT 16:8	Jesús gucbeeny xi caniideb ax raipny laadeb: —¿Xínii rniit dec quɨt caat guechtily? ¡Xípalza gulliaaza reldilaaztɨ!
23750	MAT 16:9	¿Ta axtan quɨt racbeet? ¿Ta quɨt renelaaztɨ chi gudiizia gaay guechtily lo gaay mily bniety, chiy sbéld dxumyllɨ ni biianqui bteet?
23751	MAT 16:10	Ne ziyza, ¿ta quɨt renelaaztɨ chi gudiizia gadz guechtily lo tap mily bniety, dzɨ béld dxumyllɨni btoptɨ?
23752	MAT 16:11	¿Xínii quɨt racbeet dec nare quɨt caniitia laat pur guechtily? Nare caniia laat gulcualo cun levadur xte de fariseu ne xte de saduceu.
23754	MAT 16:13	Chi bdzɨny Jesús nez Cesarea de Filipo, laany gunabdiidxny de xpɨnny: —¿Xi rnii de bniety, tú nare?
23756	MAT 16:15	Chiyru raipny laadeb: —Laat, ¿xi rniit, tú nare?
23779	MAT 17:10	Chiy gunabdiidx de xpɨnnyqui laany: —¿Xínii rnii de maistrɨ ni nán ley dec nidoote Elías ná par gueed?
23786	MAT 17:17	Chiyru cuaby Jesús: —¿Xípalza laat de bɨnduld niy quɨt reldilaaztɨ nare? ¡Xátidxaza rquiiny suguanía laat ne xátidxa güelaaznía laat! Gultané bniinquɨ rurén.
23788	MAT 17:19	Chi bra de bnietqui brɨɨch, chiyru gunabdiidx de xpɨny Jesús laany: —¿Xínii quɨt güeleeti nibéen bɨndxabqui láani bniinqui?
23793	MAT 17:24	Chi bdzɨny Jesús cun de xpɨnny guɨdx Capernaum, de ni run cobrɨ impuest xte yudoo güedeb rut zuguaa Bed chiy gunabdiidxdeb laab: —¿Ta rguilly xmaistru impuest xte yudoo?
23794	MAT 17:25	Bed cuaibbɨ: —Rguillylab impuest. Chiy chi biiu Bed laniuu rut zuguaa Jesús, nidoote laany guninény laab, raipny laab: —¿Xi rniiu Simóny? ¿Tú de rguilly impuest lo de rey xte lo guɨchliuré? ¿Ta de bɨnladxacdeb o de bɨnzít?
23797	MAT 18:1	Láani de dxiacqui de xpɨny Jesús güebinuudeb laany, chiy gunabdiidxdebny: —¿Tú ná ni mazru sac lo guelrnabee xte Dios?
23808	MAT 18:12	’Zecquɨ belati tuby bniety napbɨ tuby gayuaa llíily ne chiy itiiunbɨ tubymɨ ax, ¿tatix quɨt isáanbɨ dzɨ noventa y nuevmɨ lo guiix par chatíilybɨ llíily ni gunityqui?
23817	MAT 18:21	Chiy gubii Bed gunabdiidxbɨ Jesús: —Dad, ¿béld güelt ná par gúna perdón tuby de sáa ni runné xi runné nare? ¿Ta axt gadz güelt?
23834	MAT 19:3	Ax duudx de fariseu güebinuudeb Jesús, ne par gúndeb prueb laany ax gunabdiidxdebny: —¿Ta zelee ldáa bniety chialni pur xitill cos?
23838	MAT 19:7	Chiy de fariseu raipdeb Jesús: —¿Xizani gunii Moisés dec zelee ldáa bniety chialni, cuntisy gacchuu guiits dec aguláadeb?
23847	MAT 19:16	Tuby bniety güeb rut zuguaa Jesús, chiy gunabdiidxbɨ laany: —Güen Maistrɨ, ¿xi de cos güen riáld gúna par gapa guelnabány par chazy?
23848	MAT 19:17	Chiy raipy Jesús laab: —¿Xínii rniiu dec güen naa? Quɨtru tu náti güen, quesoltisy Dios ná güen. Per belati rcaazu gapu guelnabány par chazy, baany zec ni rnii de mandamient.
23849	MAT 19:18	Chiy gunii bnietqui: —¿Xi de mandamient? Ax raipy Jesús laab: —Quɨt quinxútiu bniety. Quɨt náti par gapu stuby gunaa. Quɨt gactiu gubaan. Quɨt güeetiu dixú pur de bniety.
23851	MAT 19:20	Chiy raipy bnietqui Jesús: —Irate de cosquɨ cayuna desdɨ chi naa bichiin. Anre, ¿xiru rieedx gúna?
23856	MAT 19:25	Chi bindiag de xpɨny Jesús ziy, quesentiand rdxalodeb, ax guniideb: —¿Túlesa chalee gac perdón lo Dios pur de xtuldni?
23858	MAT 19:27	Chiy raipy Bed Jesús: —Dunnɨ absáannɨ irate de ni rdxapnɨ par izanaldnɨ laabiu. ¿Xidxa idxáldnɨ?
23882	MAT 20:21	Ax raipy Jesús laab: —¿Xi rcaazu? Laab cuaibbɨ: —Nare rcaaza dec chi acanabeebiu chiy isiáldbiu tuby lliinia cue lad naldí xtenbiu, chiy stuby lliinia cue lad rbes xtenbiu.
23883	MAT 20:22	Per Jesús raipy laadeb: —Laat quɨt gántit xing rnaabtɨ. ¿Tatix zelee teedtɨ guelzii zec ni ná par teda? Laadeb guniideb: —Zeleela.
23893	MAT 20:32	Chiyru guzudxí Jesús, gurɨdxny de bniety ciaguqui ax gunabdiidxny laadeb: —¿Xi rcaaztɨ gúna par laat?
23905	MAT 21:10	Chi biiu Jesús láani guɨdx Jerusalén, irate de bɨnguɨdxqui quesentiand bdxalodeb ne gunabdidxsaazadeb: —¿Tú bnietquɨ?
23911	MAT 21:16	ax raipdeb Jesús: —¿Ta rindiagbiu ni canii de bniiny? Jesús cuaibny: —Rindiagla. Per ¿ta gady guuldtɨ lo xquiits Dios rut rnii?: Agunabeebiu dec de bniniin ne de bdoo ná ni guuld de cant ni izubyaa laabiu.
23915	MAT 21:20	Chi guná de xpɨnny ziy, quesentiand rdxalodeb ne gunabdiidxdeb Jesús: —¿Xaguc niy gubiztegac yag higquɨ?
23918	MAT 21:23	Chiguld chi biiu Jesús laniudoroo xte Jerusalén, de bxoz ni rnabee de bxoz cun de gurtisy xte de bniety Israel, güebinuudeb laany ax gunabdiidxdebny: —¿Tú xtidxbee runu de cosquɨ? ¿Tú bnɨɨdx liú guelrnabee?
23920	MAT 21:25	¿Tú bxiaald Juany Bautist par itiubnisbɨ? ¿Ta Dios bxiaald laab o bniety guɨchliu? Chiy guzulo cayueegacdeb diidx cun saadeb, ax guniideb: —Belati iniin Dios bxiaald Juany Bautist, laab sniib dunnɨ: “¿Xínii quɨt güeldilaaztɨb, pɨs?”
23923	MAT 21:28	Ne raipzacny laadeb: —¿Xi rniit pur ni iniia laat? Tuby bniety guu tiop llingaanbɨ, chiy raipbɨ tuby de lliinbɨqui: “Lliinia, andxiré güegaany dzɨɨny lo rut nuu uv.”
23926	MAT 21:31	Anre gulnii nare: ¿Tú de lo iropdeb baany ni rcaaz xtaddeb gúndeb? Chiy cuaibdeb lo Jesús: —Lliinbɨ ni raipbɨ gulote. Chiyru raipy Jesús laadeb: —Nare rguixtiia lot dec de ni run cobrɨ impuest par Roma, ne de gunaa ni nabánydxab, nidooldeb yiiudeb lo guelrnabee xte Dios que laat.
23935	MAT 21:40	Jesús gunabdiidxny de bniety ni caninény: —Anre chi gueed ni ná xtenni guɨchliuqui, ¿xi rlilot gunnéb de bɨnqui?
23937	MAT 21:42	Chiyru raipza Jesús laadeb: —¿Ta gady chúu chi guuldtɨ lo xquiits Dios? rut rnii: Guia ni aldi guleguun de ni rzuub yuu, guiaqui ná ni mazru blliú par guzub yuuqui. Niy ná ni baany Dios ax quesentiand rdxalon.
23958	MAT 22:17	Anre guniibiu dunnɨ: ¿Ta ná güen idillynɨ xte impuest lo rey César, o quɨt náti güen?
23959	MAT 22:18	Per Jesús gucbeegacny de mal xgab xtendeb, ax raipny laadeb: —Bɨndixúdeni, ¿xínii runtɨ prueb nare?
23961	MAT 22:20	ax gunabdiidx Jesús laadeb: —¿Tú lon cá loc, ne tú láng cá loc?
23969	MAT 22:28	Anre chi ibány de bɨnguty stuby, de lo ira gadz betsdeb, ¿tú rac chialni gunaaqui te pur iratecdeb bichnaa laab?
23977	MAT 22:36	—Maistrɨ, ¿cún mandamient ni mazru sac lo irate de mandamient ni zéed lo ley?
23983	MAT 22:42	Jesús gunabdiidxny laadeb: —¿Xi rniit pur Crist? ¿Tú lo xfamily zány? Laadeb cuaibdeb: —Lo xfamily David.
23984	MAT 22:43	Chiy raipy Jesús laadeb: —Per, ¿xizani pur Spíritu Sant ax raipy David laany, Dad? Te pur David guniib:
23986	MAT 22:45	Pur ningui, belati Crist rac lliin David, ¿xínii raipy David laany, Dad?
24004	MAT 23:17	¡Per xípalza tont nát, dxíidxaza lot! ¿Ta quɨt racbeet dec pur yudooqui ningui biacldee orqui?
24006	MAT 23:19	¡Ciagudenii! ¿Ta quɨt racbeet dec pur bcuuqui ningui biacldee de ni zuub loni?
24020	MAT 23:33	’¡Bɨny maldenii, zecpacza de béeld vivtɨ! ¿Xólesa ldát lo castigu xte infiernɨ?
24029	MAT 24:3	Chiyru güedeb quia dany ni lá Olivos. Chiy deni guri Jesús ruy, ax güebinuu de xpɨnny laany par gunabdiidxdebny: —Rcaaznɨ iniibiu dunnɨ gúc gac ziy. Ne, ¿xa ná ni gac seny dec agueedbiu stuby, ne dec amerza ldull guɨchliu?
24114	MAT 25:37	Chiyru inii de ni zub lad naldí xtenny: “Dad, ¿gúc gunán laabiu rldiaanbiu, ax bnɨɨdxnɨ ni bquiinbiu? ¿O gúcza gunán laabiu rdxábiu nis, ax bnɨɨdxnɨ ni güéebiu?
24115	MAT 25:38	¿O gúcza gunán laabiu candzabiu zec tuby bɨnzít, ax bnɨɨdxnɨ rut yáanbiu, gúc banlieedxbiu ni gacubiu, ax bnɨɨdxnɨ lady?
24138	MAT 26:15	raipbɨ laadeb: —¿Belac inɨɨdxtɨ nare par gúna entriagu Jesús lot? Ax bdeeddeb treint mɨly de plat laab.
24140	MAT 26:17	Ne dxi ni guzulo laní ni rquiiny de bniety Israel guechtily sin levadur, de xpɨny Jesús güebinuudeb laany, raipdebny: —¿Calí rcaazbiu chodxanchuun ni iquiinnɨ guxin xte pascu?
24145	MAT 26:22	Parzi quesentiand nalas guzacdeb, ax guzulo rnabdiidx tubyga pur tubygadeb laany: —¿Ta nareniy, Dad?
24148	MAT 26:25	Chiyru Judas ni ná par gún entriagu laany, gunabdiidxbɨny: —Maistrɨ, ¿ta nareniy? Chiy cuaby Jesús: —Liúluu.