23268	MAT 3:7	Per chi guná Juany dec zieny de fariseu cun de saduceu bdzɨndeb par itiubnisbɨ laadeb, ax raipbɨ laadeb: —¡Xípalza zecpacza de béeld vivtɨ! ¿Tú gudixtee lot par ldát lo castiguroo ni abdzɨngax?
23549	MAT 11:21	—¡Probeenzactɨ de bɨny Corazín! Ne, ¡probeenzactɨ de bɨny Betsaida! Te pur belati láani guɨdx Tiro ne láani guɨdx Sidón niac de milagrɨ ni guc ladxtɨ, gulal biecquideb cun Dios, ne zacuzadeb lady ngas chiy sdaaibza dé quiadeb zec tuby seny dec rialaazdeb pur de xtulddeb.
23692	MAT 14:26	Parzi chi guná de xpɨnny laany zéedny rzany lo nisqui, quesentiand bdxibdeb chiy gurɨxtiadeb: —¡A tuby fantasmɨ!
23693	MAT 14:27	Per Jesús guninény laadeb, raipny laadeb: —¡Gulcáa valor! ¡Nareniy, quɨt rdxibtɨ!
23696	MAT 14:30	Per chi gunáb dec quesentiand birooy cabíi ax bdxibbɨ, ne cun guzulo rieezbɨ láani nisqui parzi gurɨxtiab: —¡Gucnébiu nare, Dad!
23697	MAT 14:31	Chiyru gunaaz Jesús laab, raipny laab: —¡Xípalza gulliaa reldilaazu! ¿Xínii runtioplaazu?
23763	MAT 16:22	Chiy güené Bed laany tuby lad, ax raipbɨ laany: —¡Dios quɨt cuelaazny laabiu, Dad! ¡Laany quɨt cuelaazny laabiu teedbiu ziy!
23764	MAT 16:23	Per Jesús gubiecquiny, ax raipny Bed: —¡Bsaan nare, bɨndxab!, quɨt runu storbɨ nare. Te pur gati pur Diosti zéed de xgab ni runuc sino que xgabzigac bɨnguɨchliung runu.
23904	MAT 21:9	Zeclɨ de bniety ni zanɨɨdy ne zeclɨza de ni zanald rbɨxtiadeb: —¡De diidx zaac ná par Lliin rey David! ¡Dichos ni zéed pur Dios! ¡Xtiosten Xtadnɨ Dios, laany ni rbezny llayabaa!
23914	MAT 21:19	Ax gunány zub tuby yag hig cuee nez ax güebinuuniy, per púrzi bldag cá loqui. Chiy raipny yagqui: —¡Aquɨtru chúuti dxi ica hig loo! Ax hóracqui gubiz yagqui.
24024	MAT 23:37	Ziyza gunii Jesús: —¡De bɨny Jerusalén, de bɨny Jerusalén, laat rguinxút de profet ne rcuaat guia de bniety ni zéed pur Dios! ¡Zienzi güelt bcaaza nichasaa laat zec ni rchasaa bɨdy de lliinmɨ láani xiilmɨ, per quɨt ni nátit!
24220	MAT 27:22	Ax raipy Pilat laadeb: —Chiy, ¿xi gunnía Jesús ni raipdeb Crist? Iratedeb cuaibdeb: —¡Bcuaabiub lo cruzy!
24221	MAT 27:23	Ax raipy Pilat laadeb: —Per, ¿xill mal abaanbɨ? Per laadeb gubíi gurɨxtiadeb: —¡Bcuaabiub lo cruzy!
24223	MAT 27:25	Chiy cuaby iratedeb: —¡Quian ne quia de lliinnɨ chia ni gatybɨ!
24227	MAT 27:29	Ne banchuudeb tuby curon guɨ́ch guluudeb quiany, chiy bguaasdeb tuby var laznaany lad naldí. Chiyru guzullibdeb nez lony, rundeb burlɨny, raipdebny: —¡Su ibány Rey xte Israel!
24368	MRK 3:11	Chiy de bniety ni nuu bɨndxab láanni chi rniádeb Jesús, rzullibdeb lony. Ax rbɨxtiadeb: —¡Laabiu nábiu Lliin Dios!
24526	MRK 6:50	iratedeb gunádeb laany ax bdxibdeb. Per as guninény laadeb, raipny laadeb: —¡Gulcáa valor! ¡Nareniy, quɨt rdxibtɨ!
24602	MRK 8:33	Per Jesús bguiaany lo de xpɨnny ax gudildnény Bed, raipny laab: —¡Quegubicá nez luaa, bɨndxab! Te pur gati pur Diosti zéed de xgab ni runuc sino que xgabzigac bɨnguɨchliung runu.
24626	MRK 9:19	Chiyru cuaby Jesús: —¡Xípalza laat niy quɨt reldilaaztɨ! ¿Xátidxaza rquiiny suguanía laat? ne, ¿xátidxa güelaaznía laat? Gultané bniinquɨ rurén.
24631	MRK 9:24	Chiyru gurɨxtia xtad bniinqui: —¡Reldilaazla laabiu, gucnébiu nare chaldilaazrupaca laabiu!
24680	MRK 10:23	Chiyru bguiaa Jesús lo iratedeb ne raipny de xpɨnny: —¡Xípalza nagán par yiiu de ricu lo guelrnabee xte Dios!
24705	MRK 10:48	Zieny de bniety rdildné laab par iganybɨ, per laab mazrul rbɨxtiab: —¡Llingaan David, blaslaazbiu nare!
24718	MRK 11:9	Chiy zeclɨ de bniety ni zanɨɨdy ne zeclɨza de bniety ni zanald rbɨxtiadeb: —¡Xtiosten Dios! ¡Dichos ni zéed pur laany!
24888	MRK 14:65	Ax guu de ni btiuxɨ́ny lony ne bchiideb lony chiy btaazdebny, raipgadeb laany: —¡Guniyáa túy btaaz liú! Chiy de policía gudapzadeb lony.
24908	MRK 15:13	Laadeb cuaibdeb rbɨxtiadeb: —¡Bcuaabiub lo cruzy!
24909	MRK 15:14	Chiy raipy Pilat laadeb: —Per, ¿xínii? ¿Xill mal abaanbɨ? Laadeb gubíi gurɨxtiadeb mazru diip: —¡Bcuaabiub lo cruzy!
24913	MRK 15:18	Chiyru guzulo rbɨxtiadeb: —¡Su ibány Rey xte Israel!
25101	LUK 3:7	Chi bdiia de bniety par itiubnis Juany laadeb, laab raipbɨ laadeb: —¡Xípalza zecpacza de béeld vivtɨ! ¿Tú gudixtee lot par ldát lo castiguroo ni abdzɨngax?
25411	LUK 9:41	Jesús cuaibny: —¡Xípalza laat de bɨnduld niy quɨt reldilaaztɨ nare! ¿Xátidxaza rquiiny suguanía laat ne xátidxa güelaaznía laat? Dané lliiniu rurén.
25501	LUK 11:27	Lalzi Jesús caniiny de diidxré, gurɨxtia tuby bniety gunaa ni nuu lo de bnietqui: —¡Xíclabaa bniety gunaa ni btsɨny laabiu lo guɨchliu ne btiiob laabiu!
25502	LUK 11:28	Per Jesús cuaibny: —¡Mazru xíclabaa de ni rcuadiag ni rnii Dios ne rundeb zec ni rniiny!
25520	LUK 11:46	Per Jesús raipy laab: —¡Ziyza laat, de maistrɨ ni nán ley, probeenzactɨ! Te pur rnabeet de bniety gúndeb de cos ni quɨt tu chaleeti gún, ne niclɨ quɨt rcaaztɨ gacnétdeb par gúndeb zec ni rcaaztɨ.
25781	LUK 18:24	Chi guná Jesús dec laab nalas nuub, ax guniiny: —¡Quesentiandquɨza nagán par yiiu de ricu lo guelrnabee xte Dios!
25796	LUK 18:39	De bniety ni zanɨɨdy rdildnédeb laab par quɨtru cuxtiab, per laab mazru gurɨxtiab: —¡Llingaan David, blaslaazbiu nare!
25799	LUK 18:42	Jesús raipny laab: —¡Azelee yianloo! Abiacu te güeldilaazu nare.
25838	LUK 19:38	Laadeb guniideb: —¡Dichos rey ni zéed pur Xtadnɨ Dios! ¡Anuu guelrzaclaaz llayabaa! ¡Xtiosten Dios ni rbez llayabaa!
25842	LUK 19:42	ax guniiny: —¡De bɨny Jerusalén, ójla masiu andxiré niacbeet tú chalee iguaad laat guelnaldiulaaz! Per anre xgaats nángui par laat, quɨt xo gacbeetit.
25864	LUK 20:16	Rguixtiia lot dec laab zeedbɨ par quinxúb laadeb ne sdeedbɨ guɨchliuqui stuby de bniety. Chi bindiagdeb ziy ax guniideb: —¡Quɨt cuelaaz Dios gac ziy!
25948	LUK 22:15	Chiy raipy Jesús laadeb: —¡Quesentiand rcaaza iquinnía laat anguxin xte pascu anste ni teda guelzii!
26022	LUK 23:18	Per iratedeb guzulo rbɨxtiadeb: —¡Gudinxúbiu bɨnquɨ! ¡Bldábiu Barrabás!
26025	LUK 23:21	per laadeb güelaaru gurɨxtiadeb: —¡Bcuaabiub lo cruzy! ¡Bcuaabiub lo cruzy!
26085	LUK 24:25	Chiy raipy Jesús laadeb: —¡Xípalza gulliaaza racbeet ne racldaaza par chaldilaaztɨ irate ni gunii de profet desde gulal!
26092	LUK 24:32	ax raipy tubybɨ stubybɨ: —¡Niycazaquɨy quesentiandquɨza zacru xquel bziiennɨ chi ziopnénny nez, chi caniiny dunnɨ xi zelo ni rnii lo xquiits Dios!
26180	JHN 2:16	Chiy raipny de ni catóo palom: —¡Guldée deng ruc! ¡Quɨt runnét liz Xtada zec lo guee!
26199	JHN 3:10	Jesús cuaibny: —¡Maistrɨlesa noo lo de bniety Israel, ne quɨt gannu de cosquɨ!
26443	JHN 7:46	Chiy cuaby de ni rcualo ruu yudooqui: —¡Gady chúuti dxi güee tuby bniety diidx zec ni rueeb diidx!
26539	JHN 9:30	Chiy raipy bnietqui laadeb: —¡Axiza zacru! Laat quɨt gántit calí záb, per pur laab arianluaa.
26662	JHN 12:13	chiy btiuudeb de lliiz ziny par güechalodebny, rbɨxtiadeb: —¡Dios cayacnény dunnɨ! ¡Dichos bniety ni zéed pur Xtadnɨ Dios ni ná Rey xte Israel!
26894	JHN 18:40	Chiy gurɨxtia irate de bniety Israelqui: —¡Laab quɨt ildátibiu! ¡Güenru bldábiu Barrabás! Ne Barrabásqui tuby gubaaniy.
26897	JHN 19:3	Chiy gubigaxdeb nez lony rniigadeb: —¡Su ibány Rey xte Israel! Ax régadeb lony.
26899	JHN 19:5	Chiyru bdiia Jesús cun curon guɨ́chqui quiany ne cun lady murad ni bguacudebny. Ax gunii Pilat: —¡Ab rén!
26900	JHN 19:6	Chiy de bxoz ni rnabee de bxoz cun de ni rcualo yudoroo xte Jerusalén, chi gunádebny guzulo rbɨxtiadeb: —¡Bcuaabiub lo cruzy! ¡Bcuaabiub lo cruzy! Chiy raipy Pilat laadeb: —Laat gulchanéb dxa ne gulcuaab lo cruzy, te nare quɨt xi xfaltib rdxiala.
26906	JHN 19:12	Parzi desde horqui guzulo rguíily Pilat nez par íldab Jesús. Per de bniety Israelqui gurɨxtiadeb: —¡Belati ildábiub gati xmiguti rey César laabiu! ¡Te pur tutix ni rnii ná Rey, contrɨ rey Césariy runbɨ!
26908	JHN 19:14	Ne dxiqui ná visprɨ laní pascu, ax anste laidxi raipy Pilat de bniety Israelqui: —¡A Rey xtentɨ rén!
26909	JHN 19:15	Per laadeb gurɨxtiadeb: —¡Su gatybɨ! ¡Su gatybɨ! ¡Bcuaabiub lo cruzy! Chiy raipy Pilat laadeb: —Per, ¿ta icuáa rey xtentɨ lo cruzy? De bxoz ni rnabee cuaibdeb: —Quɨtllɨru tu Reyti rdxambeen. Tubyzi rey César rdxapnɨ.
26964	JHN 20:28	Chiyru raipy Mally laany: —¡Laabiuy Xtada ne Dios xtena!
26974	JHN 21:7	Chiy xpɨny Jesús ni quesentiand rcaazny, raipbɨ Bed: —¡Dad Jesúsiy! Cuantpac bindiag Simóny Bed ziy, as gudacubɨ xabloyaab ni guléeb par canaazbɨ beld, ax desde láani barcuqui btesbɨ axtquɨ lo nis.
26986	JHN 21:19	Deni gunii Jesús de diidxré, ziy xquel caguixteeny xa xquel gaty Bed par izubyaab Dios pur guelguty xtenbɨ. Chiyru raipny laab: —¡Quedanald nare!
27394	ACT 11:18	Chi bindiag de bniety Jerusalén de diidxré, chiyru aquɨtru xi nieptideb Bed, ax guniideb de diidx zaac lo Dios, laadeb guniideb: —¡Anru agucbeen dec néza de bniety ni quɨt ná bniety Israel abxal Dios nez par yialaazdeb pur de xtulddeb ax gapdeb guelnabány par chazy cun Dios!
27421	ACT 12:15	Chiy raipdeb laab: —¡Rac quiu xi! Per dxaapqui guzutipbɨ dec guldípacbɨ. Ax raipdeb laab: —Gati laatibɨy, ánglɨdxa ni racné laabɨy.
27428	ACT 12:22	Chiy guzulo rbɨxtia de bniety: —¡Tuby dios ná ni canii gati tuby bnietti!
27441	ACT 13:10	raipbɨ laab: —¡Lliin bɨndxab, púrpac dixú rguíiliu ne púrzi ni ná mal runu, xíteete ni náti güen quɨt rdxalaaztiu! ¿Gúcti isaanu chanuu bniety nezldí xte Dios?
27494	ACT 14:11	Chi guná de bniety xa baany Pablɨ, guzulo rbɨxtiadeb cun diidx Licaonia: —¡De dios ni ná zec bniety abiat rut zuguaan!
27498	ACT 14:15	—¡Gulcuadiag guibtɨ! ¿Xínii runguibtɨ zeec, ne saa bnietiacnɨ rac? Ninguipaclay ziopnɨ par ziopniin laat dec isaantɨ de ni runtɨc, te pur quɨt xi zelotideng. Güenru gulchanuu xnez Dios ni rbeznabány ni banchuu yabaa, guɨchliu ne nisdoo cun irate de ni nuu lodeny.
27682	ACT 19:28	Chi bindiagdeb ziy, bdxiichdeb, ax gurɨxtiadeb: —¡Quesentiand guroo ná Diana, dios xte de efesios!
27688	ACT 19:34	Per chi gucbeedeb dec bniety Israel laab, zecti tiop hor tubylote gurɨxtiadeb, guniideb: —¡Quesentiand guroo ná Diana, dios xte de efesios!
27760	ACT 21:28	rbɨxtiadeb: —¡De bniety Israel, gulgacné! Bnietreniy candza iranezte caniyáb de bniety Israel cun yudoo xtennɨ, ne raipbɨ de bniety quɨt gúndeb zec ni rnabee ley xtennɨ. Ne gati zíyziti, aguluuzacbɨ de bniety griego laniudoo sant xtennɨ, abannébny zec tuby rut quɨt illiú.
27794	ACT 22:22	De ruytisy bcuadiagdeb ni gunii Pablɨ, chiyru guzulo rbɨxtiadeb: —¡Bɨnquɨ quɨt riáldti ibánybɨ! ¡Gultinxúb!
27805	ACT 23:3	Per Pablɨ cuaibbɨ lo bxozqui: —¡Ziyza cap Dios ruu, bɨndixú! ¿Ta gati zubu ruc par gúnu guelgurtisy zec ni rnabee ley? Ne, ¿xínii runu zec ni quɨt ná ley, rnabiiu capdeb ruua?
27915	ACT 26:24	Deni canii Pablɨ ziy, chiy gurɨxtia Festo: —¡Rac quiu, Pablɨ! De tant ni rseedu arac quiu.
31076	REV 18:14	Ax zaipdeb ciudaqui: —¡Aquɨtru naptiu de guelnazaac ni quesentiand bdxalaazu, par chazy abnittecu zec ni gubániu cun irate de ni nazaac ni gúppu!
31089	REV 19:3	Chiy gubíi bindiaga guniideb stuby: —¡Xtiosten Dios! Quɨt chúuti dxi yiuu guux ni cayaaicqui guɨdxqui.
31090	REV 19:4	Ax irate galdbitap de bɨngul cun idapte de many ni nabányqui guzullibdeb nez lo yallily xte Dios rut zubny canabeeny par btodebny, guniideb: —¡Xtiosten Dios! ¡De diidx zaac ná par laany!