23218	MAT 1:5	Ne Salmón ne Rahab gupa ca Booz, ne Booz ne Rut gupa ca Obed, ne Obed gupa Isaí.
23224	MAT 1:11	Ne de Josías ma zeeda Jeconías ne ca bi'chi', ne bibani cabe ca dxi yené ca binni Babilonia laacabe xquidxi ca'.
23225	MAT 1:12	Ne dxi ma nuu cabe Babilonia la? gupa Jeconías Salatiel, ne Salatiel gupa Zorobabel.
23230	MAT 1:17	Rarí ridu'ya nu modo za Cristu de Abraham. Gupa Abraham xiiñi', de xiiñi Abraham la? gupa xiiñi', de xiiñi xiiñi be gupa xiiñi ne zacá zeeda ni. De dxi bibani Abraham para dxi sti rey David la? ma bizaa catorce familia. Ne dede dxi sti David para dxi yené ca binni Babilonia ca binni Judá xquidxi ca la? nga sti catorce familia. Ne dede dxi que para dxi sti Cristu, laca sti catorce.
23239	MAT 2:1	Gule Jesús ndaani guidxi Belén de Judea dxi zuba rey Herodes. Ne ca dxi que bedandá caadxi hombre nuu xpiaani ne riene de luceru, ndaani guidxi Jerusalén, beeda ca de neza rindani gubidxa.
23243	MAT 2:5	Para na ca rabi ca laabe: ―Ndaani guidxi Belén de Judea, purti sicarí bicaa ti profeta sti Dios chiqué:
23244	MAT 2:6	Lii Belén, neca jma nahuiini lu lade ca guidxi de Judá, peru nabé risaca lu' purti de lii zaree tobi ni guni mandar ne gapa ca xpinne ni za de Israel. Nga nga ni uní' profeta que.
23246	MAT 2:8	Ne gudxi be laaca che ca Belén, ne raqué inaba diidxa ca', ne ora ma bidxela ca badu huiini que la? gueda tidxi ca laabe, para che be chi usisaca be laa.
23251	MAT 2:13	Biree si ca hombre ni riene de luceru que ze', uní' né ti ángel sti Dios José lu bacaanda', na rabi laabe: ―Biasa gucuaa badu huiini ca ne jñaa, laché Egipto ne laguiaana raqué, ne naa gabe laatu padxí ma zanda iree tu de raqué, purti zuyubi Herodes badu huiini ca para guuti.
23253	MAT 2:15	Biaana cabe raqué dede dxi guti Herodes ti iree ni modo pe uní' Dios de ruaa dxa profeta que ra na Dios: “De ndaani guidxi Egipto bisenda caa Xiiñe'.”
23254	MAT 2:16	Biiya si Herodes gudxite ca hombre ni riene de luceru que laa la? gudó dí laa ne bisenda guuti irá ba'du ni chi usaa ru chupa iza, irá ni nabeza ndaani guidxi Belén ne idubi neza que, purti ulee be cuenta mayaca izaa chupa iza dede dxi bi'ya ca hombre nuu xpiaani que luceru que.
23256	MAT 2:18	Bina diaga cabe ucuá ti ridxi ndaani guidxi Ramá, Cayuuna caadxi gunaa de Judá, cani za de Raquel. Bizulú biina ca dede uyuu yuuba ladxidó' ca', ne qué na ca igani ca purti ma guti xiiñi ca'.
23258	MAT 2:20	―Biasa gucuaa badu huiini ca ne jñaa ne laibigueta xquidxi tu, purti ma guti cani gucala'dxi ñuuti badu huiini ca.
23262	MAT 3:1	Ca dxi que beeda Juan Bautista, canayuí' stiidxa Dios ndaani gui'xhi Judea.
23265	MAT 3:4	Ne irá ni uní' profeta que la? guca ni dxi beeda Juan Bautista. Riaana be ndaani gui'xhi', ne de guicha ladi camellu xhaba be, ne xi' ti cinturón de guidi ndaani be, ne endaró stibe nga usú ne dxiña yaga.
23268	MAT 3:7	Peru ora bi'ya be cayeeda stale fariseu ne saduceu ra nuu be para chu' nisa ca la? na be rabi be laaca': ―Binni nexhená ca', ma runebia'ya laatu, zeeda tu ra nuaa purti zácaxa tu tisi chu' nisa tu, ma qué zusaba ná Dios laatu.
23288	MAT 4:10	Oraque na be rabi be laa: ―Biree de ra nuaa binidxaba', purti cá lu Xqui'chi Dios, Dios si nga naquiiñe usisaca cabe ne guni cabe ni na.
23290	MAT 4:12	Dxi gunna be ma yeguyoo Juan Bautista la? bigueta be neza Galilea,
23294	MAT 4:16	Bibani ca binni que ndaani guelacahui, peru yanna ma biiya ca ti biaani ro'. Chiqué uyuu ca lu ná enda guti, peru yanna ma biiya ca ximodo zanda iree ca de laani, casi ñaca para laaca ma birá gueela ne ma nuu biaani guidxilayú.
23302	MAT 4:24	Ne zaqué bireeche stiidxa be de yendá ni irá guidxi sti Siria, ne bedané ca binni que irá binni lidxi ca ni huará, cani napa yuuba', ne cani caguite binidxaba ique, ne cani rudii ataque laa, ne cani ma guti galaa. Bisianda be de irá ca'.
23304	MAT 5:1	Biiya si Jesús ma rí binni laa, gudxi'ba lu ti dani ne gurí raqué. Oraque bidxiña irá cani jma riuu nú laabe para iziidi ca'.
23319	MAT 5:16	Yanna laatu, lagaca casi biaani que ti gu'ya binni pabiá' jneza runi tu ne usisaca ca Bixhoze tu ni nuu ibá'.
23348	MAT 5:45	Laguni zacá ti chi ndee tu Bixhoze tu ni nuu ibá', purti laa rudii lugar guzaani gubidxa sti ra nuu cani nacha'hui ne ra nuu cani nadxaba', ne rusaba nisa guie ra nuu cani runi ni na, ne ra nuu cani qué runi ni na.
23351	MAT 5:48	Nga runi lagaca nacha'hui ne irá binni, cásica nacha'hui Bixhoze tu ni nuu ibá'.
23352	MAT 6:1	Laguuya gá qué chi guni tu ni nacha'hui nezalú si binni para si gudxiiba ca laatu. Purti pa guni tu ni para si gu'ya binni la? qué zacaa tu gasti de Bixhoze tu ni nuu ibá'.
23355	MAT 6:4	ne zacá qué zanna iruti pa cudii tu guna sínuque Bixhoze si tu ni ruuya ni runi binni ra naga'chi', ne laa nga quixe ni bi'ni tu que.
23357	MAT 6:6	Peru laatu, ora chi iní' né tu Dios la? lachuu ndaani lidxi tu, lauseegu ra puerta ne lainí' né Bixhoze tu ni qué rihuinni, ti laa ruuya ni runi binni ra naga'chi', ne zaguixe laatu.
23359	MAT 6:8	Nga runi cayabe laatu, cadi gaca tu casi laacabe, purti maca nanna Bixhoze tu xii nga caquiiñe tu ante inaba tu ni laa.
23360	MAT 6:9	Peru laatu la? sicarí nga lainí' né Dios: Bixhoze du ni nuu ibá', rinaba du gusisaca irá binni lii. Ne idxiña dxi guni mandar lu'
23363	MAT 6:12	Bisiaanda ni ruché' né du lii, casi rusia'nda du ni ruchee né cabe laadu.
23365	MAT 6:14	Pa guni perdonar tu ni guni binni laatu la? laca zuni perdonar Bixhoze tu ni nuu ibá' laatu.
23366	MAT 6:15	Peru pa qué guni perdonar tu ni guni binni laatu la? laca qué zuni perdonar Bixhoze tu ni nuu ibá' laatu.
23369	MAT 6:18	ti qué ganna iruti pa biaana tu sin ño to sínuque Bixhoze si tu ni qué rihuinni, ti laa nga nanna ne ruuya ni runi binni ra naga'chi ne laa nga quixe ni laatu nezalú binni.
23377	MAT 6:26	Laguuya ca mani huiini ni ripapa. Qué riguu ca biní ne qué ribee ca guela, ne qué ruchá ca troja, peru rudii Bixhoze tu ni nuu ibá' ni go ca'. Ñee cadi jma risaca tu que laacame la?
23383	MAT 6:32	Purti nga nga ni ruyubi ca binni ni qué runibiá' Dios, peru ma nanna Bixhoze tu ni nuu ibá' xi irá cayaadxa laatu.
23396	MAT 7:11	Pa laatu cadi nacha'hui tu casi Dios ne nanna tu gudii tu ni galán xiiñi tu la? lágaxa Bixhoze tu ni nuu ibá' qué gudii ni galán cani inaba laa.
23410	MAT 7:25	Biaba nisa guie bidxá guiigu', biete bi yooxho', ne irá nga bidxela saa yoo que, peru qué ñaba ni purti zuba ni lu guie.
23412	MAT 7:27	Biaba nisa guie, bidxá guiigu', biete bi yooxho' bidxela saa yoo que, ne dede uxidxi ra bixá ni.
23416	MAT 8:2	Lade ca binni que zeeda ti hombre huará, napa lepra. Bidxiña be bizuxibi be xañee Jesús ne na be rabi be laa: ―Señor, nanna zanda gusianda lu naa, pa na lu'.
23418	MAT 8:4	Para na Jesús rabi laabe: ―Biiya gá qué chi tidxu ni iruti', sínuque uyé ra nuu sacerdote ne bidii ti ofrenda casi bicaa Moisés guni binni ora ma bianda, para uluí' lu binni ma bianda lu'.
23434	MAT 8:20	Para rabi be laa: ―Ca mistu gui'xhi napa ca ra guiaana ca', ne ca mani huiini laca napa ca lidxi ca', peru naa nga Hombre Biseenda Dios ne qué gapa nin ra quixhe ique'.
23436	MAT 8:22	Peru na be rabi be laa: ―Dananda naa. Bisaana nga guni cani qué na gueda nanda naa.
23437	MAT 8:23	Biuu be ndaani canuá que ne laca biuu ca discípulu stibe.
23450	MAT 9:2	Raqué nuu be bedané cabe ti hombre nexhe lu ti luuna', ma guti galaa. Ora bi'ya be pabiá' napa cani bedané binni huará que fe la? na be rabi be laa: ―Bieche, xiiñe', purti ma bine perdonar xpecadu lu'.
23454	MAT 9:6	Naa nga Hombre Biseenda Dios ne para ganna tu zanda gune perdonar pecadu ndaani guidxilayú ri la? laguuya ni chi gune ri'. Oraque na be rabi be ni huará que: ―Biasa, undisa jluuna lu' ne uyé rali'dxu'.
23462	MAT 9:14	Oraque beeda ca discípulu sti Juan Bautista ra nuu be, ne na ca rabi ca laabe: ―Xiñee laadu ne ca fariseu, stale tiru riaana du sin idó' do, peru ca discípulu stiu' qué runi ca zacá.
23470	MAT 9:22	Ne ora guda'na gunaa que xhaba be la? bidxigueta lú be, biiya dxí be laa ne na be: ―Cadi idxibi lu, xiiñe'. Bianda lu purti bini cre lu'. Ne oraqueca bianda gunaa que.
23473	MAT 9:25	Biree si ca binni que fuera biuu be ndaani yoo, ne gunaaze be ná dxapa huiini que para biasa.
23489	MAT 10:3	Raqué ma nanda Felipe, ne Bartolomé, ne Tomás ne Mateu ni biquixe impuestu chiqué, ne Jacobo xiiñi Alfeu, ne Lebeu ni rabi cabe Tadeu,
23491	MAT 10:5	Biseenda be idubi doce que, peru ora ma chi iree ca', na be rabi be laaca': ―Cadi che tu ra nuu cani cadi judíu, ne cadi guiuu tu xquidxi ca samaritanu.
23506	MAT 10:20	purti cadi laadi tu chi iní' tu sínuque Espíritu sti Bixhoze tu ni nuu ibá' nga che de ruaa tu.
23509	MAT 10:23	Pa iladxi cabe laatu ndaani ti guidxi la? laché sti guidxi purti gabe ca' laatu neca guni tu zacá, ca'ru iluxe tidi tu irá guidxi sti Israel dxi ibigueta Hombre Biseenda Dios.
23518	MAT 10:32	Tutiica iní' xpinne laa nezalú binni la? laca zanié xpinne laa nezalú Bixhoze ni nuu ibá'.
23519	MAT 10:33	Peru ni qué ná iní' pa xpinne laa nezalú binni la? laca qué zanié pa xpinne laa nezalú Bixhoze ni nuu ibá'.
23530	MAT 11:2	De ra yeguyoo Juan Bautista gunna de irá ni cayuni Cristu, para biseenda chupa discípulu sti ra nuu be.
23535	MAT 11:7	Biree si cani biseenda Juan que, bizulú Jesús bizeete laabe lú ca binni que, ne na rabi laacabe: ―Tuu nga yeguuya tu ndaani gui'xhi chiqué. Ñee yeguuya tu tobi ni ruluí' ti gueere lase ni runiibi bi laa ladu na la?
23539	MAT 11:11	De lade irá binni, qué huaree tobi jma nandxó' que Juan Bautista, peru nuu tu jma nandxó' que laabe ne nga nga tutiica guiuu lade ca xpinni Dios, neca huaxié' laa.
23545	MAT 11:17	“Bixhidxi du saa peru qué niná tu nuyaa tu, ne bixhidxi du son gue'tu ne laca qué niná tu ñuuna tu.”
23547	MAT 11:19	Yanna ma benda lade cabe. Naa nga Hombre Biseenda Dios, ne ruuya cabe rahua ne ree', ne ma na cabe nalaya ne binigüé' naa, ne ridxaaga ca malu ni ruquixe impuestu ne cani qué rulabi ley. Peru casi na dichu que: “Pur ni runi binni rihuinni tu laa.”
23549	MAT 11:21	Na be rabi be laaca': ―Laguuya gá laatu, binni Corazín ne binni Betsaida, purti nabé huahuinni enda nandxó' sti Dios lade tu, peru naguidxi ru ladxidó' to. Pa ñaca nizaya ñune milagru ndaani guidxi Tiro ne ndaani guidxi Sidón bia' ma bine ndaani xquidxi tu ca la? biaa padxí ma ninaba ca perdón ne ñuu ca triste pur irá ni huachee ca'.
23553	MAT 11:25	Oraque uní' né Jesús Dios, na: ―Bixhoze', lii nga runi mandar lu ibá' ne guidxilayú. Rudiee diuxquixe lii purti cucaachi lu ni cayuni lu ri' para cadi guiene cani nuu xpiaani ne cani na riene, peru culuí' lu ni cani zeda gaca casi ba'du'.
23555	MAT 11:27	Oraque rabi be ca binni que: ―Ma gudixhe Bixhoze irá xixé cosa ladxi naya'. Naa nga Xiiñi be ne iruti runibiá' naa jma que laabe, ne zaqueca iruti runibiá' laabe jma que naa ne cani racaladxe gunibiá' laabe.
23560	MAT 12:2	Ora bi'ya caadxi fariseu ni cayuni ca discípulu que la? na ca rabi ca Jesús: ―Biaa ca xpinni lu', cayuni ca ni cadi jneza guni binni dxi enda riziila'dxi'.
23562	MAT 12:4	Biuu be ndaani yu'du sti Dios ne gudó be ca pan ni ma uyuu ndaaya' ni nexhe cadi go cabe, nin laabe nin cani nuu né laabe que, sínuque ca sacerdote si.
23566	MAT 12:8	Naa nga Hombre Biseenda Dios ne zanda gabe binni xii nga jneza guni dxi enda riziila'dxi'.
23567	MAT 12:9	Biree Jesús de raqué biuu ndaani yu'du stícabe.
23571	MAT 12:13	Para rabi be hombre ni nabidxi ti chu ná que: ―Bisigaa nou'. Ne ora bisigaa ná hombre que la? bianda ni ne guca ni casi sti chu que.
23581	MAT 12:23	Bidxagayaa irá binni ni nuu raqué, ne na ca': ―Nagana pa cadi ndi nga ni na cabe gueeda de lade familia sti rey David que.
23582	MAT 12:24	Peru ora bina diaga ca fariseu ni caní' cabe la? na ca': ―Randa ribee be binidxaba purti nuu né be Beelzebú, xaíque sti ca binidxaba'.
23585	MAT 12:27	Pa naa ribee ca binidxaba purti nuaa nia Beelzebú casi na tu ca la? laga ca xiiñi tu ya', tu pur ribee ca ca binidxaba'. Lagabi laacabe iní' cabe ximodo nga laani.
23590	MAT 12:32	Naa nga Hombre Biseenda Dios ne zuni perdonar be cani gucaa lú naa, peru cani gucaa lú Espíritu Santu la? qué zuni perdonar be laaca', nin ora nabani ca nin ora ma guti ca'.
23593	MAT 12:35	Binni nayá ladxidó' la? zaní' ni jneza purti dxandí nayá ladxidó'. Peru binni cadi nayá ladxidó' la? zaní' ni cadi jneza purti zacá laa de ndaani ladxidó'.
23598	MAT 12:40	Purti cásica uyuu Jonás ndaani benda ro' que chonna gubidxa ne chonna gueela la? zaqueca ziaana Hombre Biseenda Dios ndaani yu chonna gubidxa ne chonna gueela'.
23600	MAT 12:42	Chiqué beeda ti reina de neza guete' de ti guidxi lá Sabá. Beeda be ra nuu Salomón purti bina diaga be pabiá' riene ne nuu né Dios laa. Ne dxi cuidxi Dios cuenta binni la? zuseegu be ruaa ca binni nuu yanna ri' purti laabe beeda be de zitu, beda guna diaga be Salomón, ne naa jma risaca que Salomón ne nuaa ca' lade tu ne qué na tu icaa tu stiidxa'.
23608	MAT 12:50	Purti irá tu guni ni na Bixhoze ni nuu ibá', ca ngue nga biche ne bizana ne jñaa'.
23618	MAT 13:10	Biree si ca binni que ze', bidxiña ca discípulu que ra nuu be ne na ca rabi ca laabe: ―Xiñee puru si ejemplu caguixhe lu para laacabe pue.
23632	MAT 13:24	Bigueta bisiidi be ca binni que, gudixhe be xcaadxi ejemplu, na be: ―Modo runi mandar Dios zeda gaca casi ti hombre bisaba semiá ndaani ñaa sti',
23643	MAT 13:35	Bi'ni be zacá ti iree ni modo pe uní' Dios de ruaa ti profeta chiqué, ra na: Zaguixhe stale ejemplu ra güe nia laacabe diidxa'. Zabe laacabe ni ga'chi dede dxi bizá' Dios guidxilayú.
23644	MAT 13:36	Biluxe si bisiidi be ca binni que, biuu be ndaani yoo, ne bidxiña ca discípulu stibe ra nuu be, gunaba ca laabe gusiene be laaca xi riní' ejemplu sti baladxi biaba rañaa que.
23645	MAT 13:37	Para rabi be laaca': ―Ni bisaba semiá pe que la? nga Hombre Biseenda Dios.
23649	MAT 13:41	Naa nga Hombre Biseenda Dios ne zuseenda ca ángel stinne para gueda ndee irá ni cuchiiña ca xpinne' ne irá cani qué runi jneza.
23652	MAT 13:44	Ne laca rabi be laaca': ―Enda runi mandar sti Dios zeda gaca casi ti tesoro ni bidxela tobi hombre ga'chi ndaani yu. Biiya be ni ne bicaachi be ni sti tiru, ne ziyeche be yeutoo be irá ni napa be para sí be layú que ne icaa be tesoro que.
23659	MAT 13:51	Oraque unaba diidxa be ca discípulu stibe pa biene ca ni gudxi be laaca que. Para na ca': ―Biene du, Señor.
23661	MAT 13:53	Biluxe si byui' né Jesús laacabe irá nga, biree de raqué,
23667	MAT 14:1	Bireeche stiidxa Jesús ca dxi que, ne ora gunna Herodes, gobernador de Galilea, irá ni la?
23668	MAT 14:2	na rabi ca xpinni: ―Laguuya irá ni cayuni hombre ca. Nanna pa cadi laabe nga Juan Bautista ma bibani, ne nga runi cayanda cayuni be irá nga.
23669	MAT 14:3	Uní' Herodes zacá purti nanna xi ma bi'ni Juan Bautista. Gunaaze be laa ne bindiibi be laa ne biseguyoo be laa, runi Herodías xheela Felipe bi'chi be.
23670	MAT 14:4	Bidxiichi be purti gudxi Juan laabe cadi jneza chu' né be xheela bi'chi be.
23674	MAT 14:8	Oraque gudxi jñaa badu dxaapa que laa xi inaba'. Para uyé ra nuu be ne rabi laabe: Racaladxe udiiu naa ique Juan Bautista ndaani ti bladu'.
23681	MAT 14:15	Ne biaana ca binni que raqué dede ma huadxí. Biiya si ca discípulu stibe ma huadxí ngue la? bidxiña ca ra nuu be, ne na ca': ―Ndaani gui'xhi ndi nuu nu, ne ma caxhinni, xiñee qué ga'bu ca binni ca che ca yanna, ti ganda che ca ndaani ca guidxi huiini ca, chi sí ca ni go xhi ca'.
23696	MAT 14:30	Peru biiya si Pedru pabiá' reciu nuu bi que la? bidxibi ne bizulú biaazi', ne bicaa ti ridxi: ―Bilá naa, Señor.
23715	MAT 15:13	Para na be rabi be laaca': ―Irá yaga ni cadi Bixhoze bizuhuaa la? ziaaxha dede xcu.
23717	MAT 15:15	Para na Pedru rabi laabe: ―Bisiidi laadu ni uníu' numbá que.
23724	MAT 15:22	Raqué nuu be beda nanda ti gunaa de Canaán laabe, zeda yuni ridxi: ―Biá naa, Señor, xiiñi David, purti naaze binidxaba xiñe dxaapa ne cayuuti laabe.
23726	MAT 15:24	Para na be rabi be laaca': ―Ra nuu si cani za de Israel biseenda Bixhoze naa, purti cananiti ca casi dendxu'.
23731	MAT 15:29	Biree Jesús de raqué, uzá uriá nisa Galilea que, ne de raqué udxi'ba lu ti dani ne gurí.