23229	MAT 1:16	Ne de Jacob ma zeeda José xheela María ne de María gule Jesús ni rabi cabe Cristu.
23230	MAT 1:17	Rarí ridu'ya nu modo za Cristu de Abraham. Gupa Abraham xiiñi', de xiiñi Abraham la? gupa xiiñi', de xiiñi xiiñi be gupa xiiñi ne zacá zeeda ni. De dxi bibani Abraham para dxi sti rey David la? ma bizaa catorce familia. Ne dede dxi sti David para dxi yené ca binni Babilonia ca binni Judá xquidxi ca la? nga sti catorce familia. Ne dede dxi que para dxi sti Cristu, laca sti catorce.
23242	MAT 2:4	Para bisenda caa be ca judíu, cani jma riene de ni cá lu Xqui'chi Dios ne ca xaíque sti ca sacerdote, ne gunaba diidxa be laaca paraa nexhe gale ni rabi cabe Cristu.
23256	MAT 2:18	Bina diaga cabe ucuá ti ridxi ndaani guidxi Ramá, Cayuuna caadxi gunaa de Judá, cani za de Raquel. Bizulú biina ca dede uyuu yuuba ladxidó' ca', ne qué na ca igani ca purti ma guti xiiñi ca'.
23262	MAT 3:1	Ca dxi que beeda Juan Bautista, canayuí' stiidxa Dios ndaani gui'xhi Judea.
23274	MAT 3:13	Ca dxi que biree Jesús de Galilea, beeda ra nuu Juan ra guiigu Jordán para cu' nisa Juan laa.
23291	MAT 4:13	peru qué ñaana be Nazaret xquidxi be sínuque yendeza be sti guidxi lá Capernaum ni nuu uriá ti nisa ro' lá Galilea lade ca layú sti Zabulón ne Neftalí.
23294	MAT 4:16	Bibani ca binni que ndaani guelacahui, peru yanna ma biiya ca ti biaani ro'. Chiqué uyuu ca lu ná enda guti, peru yanna ma biiya ca ximodo zanda iree ca de laani, casi ñaca para laaca ma birá gueela ne ma nuu biaani guidxilayú.
23320	MAT 5:17	Cadi zácaxa tu zeda uchiaya ley ni bidii Dios Moisés, ne ni bicaa ca profeta lu Xqui'chi Dios, purti cadi nga zeda gune' sínuque zeda gune' cumplir irá xixé ni bicaa cabe que.
23349	MAT 5:46	Purti pa ganaxhii tu cani nadxii si laatu la? ñee na tu zacaa tu xiixa de Dios pur nga la? Cadi xa laca nga ca runi cani ruquixe impuestu, ne napa tu laaca de malu.
23350	MAT 5:47	Ne pa gulabi tu cani ridxaaga si laatu la? xi caguu tu lú ni ya'. Cadi xa laca nga ca runi cani qué runibiá' Dios.
23361	MAT 6:10	ne gaca ni na lu'. Cásica raca ni ibá', zaqueca gaca ni ndaani guidxilayú.
23370	MAT 6:19	Cadi guyubi tu gapa tu stale ni risaca ndaani guidxilayú ri', purti zanda go bandaa ni ne icá tini ni ne chu' gubaana cuana ni.
23386	MAT 7:1	Cadi gudxiiba lu donda ique stobi, ti qué quiba donda ique lu'.
23390	MAT 7:5	Cadi quite lu binni, gulee ca bandadi nuu lú lu ca, ti ganda gu'ya chaahui lu para cueeu guixi ni nuu lú stobi.
23391	MAT 7:6	Cadi gudii tu xiixa ni zeeda de Dios cani qué iquiiñe para laani, casi ñaca nudii tu ni bi'cu'. Zanda ca guni cabe casi runi bi'cu', ucaa lú cabe laatu ne guxuuxe cabe laatu. Risaca stiidxa Dios casi ti perla, ne qué ñuu dxi nundoou perla lu bihui para guxhaata ñee si ni.
23406	MAT 7:21	Cadi irá ni gabi naa, Señor, Señor, ziuu ra runi mandar Dios, sínuque cani guni si ni na be.
23419	MAT 8:5	Ne ora ziyuu Jesús ndaani guidxi Capernaum, bidxiña ti capitán ne na rabi laa:
23434	MAT 8:20	Para rabi be laa: ―Ca mistu gui'xhi napa ca ra guiaana ca', ne ca mani huiini laca napa ca lidxi ca', peru naa nga Hombre Biseenda Dios ne qué gapa nin ra quixhe ique'.
23451	MAT 9:3	Nuu caadxi maistru de ley raqué ne caní' ca ndaani ladxidó' ca', na ca': “Cayuni ndi laa Dios.”
23460	MAT 9:12	Ngue bina diaga Jesús, para na rabi laacabe: ―Cadi caquiiñe cani nazaaca doctor sínuque cani huará.
23466	MAT 9:18	Caní' ru Jesús ora biuu ti hombre naca xaíque sti yu'du', bizuxibi xañee be ne na: ―Nagasi du' guti xiiñe', peru pa che lu quixhe ná lu luguiá be la? zabani be.
23470	MAT 9:22	Ne ora guda'na gunaa que xhaba be la? bidxigueta lú be, biiya dxí be laa ne na be: ―Cadi idxibi lu, xiiñe'. Bianda lu purti bini cre lu'. Ne oraqueca bianda gunaa que.
23491	MAT 10:5	Biseenda be idubi doce que, peru ora ma chi iree ca', na be rabi be laaca': ―Cadi che tu ra nuu cani cadi judíu, ne cadi guiuu tu xquidxi ca samaritanu.
23495	MAT 10:9	Cadi chiné tu oro, nin plata, nin cobre,
23502	MAT 10:16	Cuseenda laatu casi ñaca nuseenda dendxu lade gueu'. Nga runi lagataná casi nexhená beenda'. Peru laca lagaca nadó' casi nadó' paloma.
23520	MAT 10:34	Cadi zácaxa tu zeda gune binni guidxilayú tobi si, purti cadi nga zeda gune sínuque casi ñaca zedaniá ti espada.
23530	MAT 11:2	De ra yeguyoo Juan Bautista gunna de irá ni cayuni Cristu, para biseenda chupa discípulu sti ra nuu be.
23536	MAT 11:8	Pa cadi nga la? tuu nga yeguuya tu. Ñee yeguuya tu ti hombre zuchaahui la? Co' nja', purti ni zuchaahui zadxela tu laa ndaani lidxi rey.
23549	MAT 11:21	Na be rabi be laaca': ―Laguuya gá laatu, binni Corazín ne binni Betsaida, purti nabé huahuinni enda nandxó' sti Dios lade tu, peru naguidxi ru ladxidó' to. Pa ñaca nizaya ñune milagru ndaani guidxi Tiro ne ndaani guidxi Sidón bia' ma bine ndaani xquidxi tu ca la? biaa padxí ma ninaba ca perdón ne ñuu ca triste pur irá ni huachee ca'.
23551	MAT 11:23	Ne laatu, binni Capernaum ca', laatu cabeza tu usisaca Dios laatu, peru jma pe nagueenda guseenda be laatu ra nuu binidxaba'. Purti pa ñaca ñuuya binni Sodoma ca milagru ni ma biiya tu ca la? ma nusaana ca de nuchee ca' ne ma qué nunitilú Dios laaca'.
23600	MAT 12:42	Chiqué beeda ti reina de neza guete' de ti guidxi lá Sabá. Beeda be ra nuu Salomón purti bina diaga be pabiá' riene ne nuu né Dios laa. Ne dxi cuidxi Dios cuenta binni la? zuseegu be ruaa ca binni nuu yanna ri' purti laabe beeda be de zitu, beda guna diaga be Salomón, ne naa jma risaca que Salomón ne nuaa ca' lade tu ne qué na tu icaa tu stiidxa'.
23604	MAT 12:46	Cayuí' né ru be ca binni que diidxa', bedandá jñaa be ne ca bi'chi be, bizuhuaa ca ra puerta', ne racala'dxi ca iní' né ca laabe.
23607	MAT 12:49	Oraque biluí' ná be ca discípulu stibe, ne na be: ―Ca ndi nga jñaa ne biche'.
23637	MAT 13:29	Para na be: “Co', zaa nuu cani, pacaa ra cayaxha tu cani, zanda ca gaxha tu ne semiá.
23651	MAT 13:43	Ne dxi ca nga guzaani cani nacha'hui ra runi mandar Dios, casi ruzaani gubidxa. Cani racala'dxi guiene la? gucaa diaga.
23679	MAT 14:13	Casi gunna Jesús ni, bixele ca de raqué, uyuu ndaani ti canuá, uyé ndaani ti gui'xhi ra iruti guinni. Peru casi gunna binni paraa ze be la? biree ca de ndaani guidxi que, zizá ca dede yendá ca ra nuu be.
23682	MAT 14:16	Para na be rabi be laaca': ―Cadi naquiiñe che cabe. Laudii ni go cabe laatu.
23693	MAT 14:27	Peru óraque na be rabi be laaca': ―Lachuu dxí. Cadi idxibi tu, naa ndi'.
23710	MAT 15:8	Ca binni ri', nanaxhi ruaa ca ne naa, peru ladxidó' ca nuu zitu de naa.
23713	MAT 15:11	Cadi pur ni chu' ndaani ruaa binni nga guni pur uchee né Dios, sínuque pur ni riree de ndaani ruaa cabe nga runi pur uchee né cabe Dios.
23724	MAT 15:22	Raqué nuu be beda nanda ti gunaa de Canaán laabe, zeda yuni ridxi: ―Biá naa, Señor, xiiñi David, purti naaze binidxaba xiñe dxaapa ne cayuuti laabe.
23728	MAT 15:26	Para na be rabi be laa: ―Cadi jneza gaxha cabe pan xiiñi cabe para gudii cabe bi'cu'.
23733	MAT 15:31	Nabé bidxagayaa ca binni que ora bi'ya ca ma bianda irá ni bedané ca que. Cani qué ñanda niní' ma riní', ne cani qué ñanda nusigaa ná', ma rusigaa ná'. Cani qué ñanda nizá ma rizá, cani qué ñanda niná ma riná, ne irá xixé ca cusisaca ca Dios sti Israel.
23734	MAT 15:32	Oraque guridxi be ca discípulu stibe ne rabi be laaca': Caya'ya ca binni ri purti ma chonna gubidxa nuu né cabe naa ne qué gapa cabe ni go cabe. Qué na'ya guseenda laacabe sin go cabe, paxa ora gueda guiaba cabe neza.
23748	MAT 16:7	Oraque na ca': ―Cayabi be ndi laanu tisi qué ñedané nu pan.
23754	MAT 16:13	Dxi ma bedandá Jesús neza Cesarea de Filipo, na rabi ca discípulu sti': ―Tu na binni naa.
23757	MAT 16:16	Oraque na Simón Pedru rabi laabe: ―Lii nga Cristu, Xiiñi Dios ni nabani.
23761	MAT 16:20	Ne óraque gudxi be ca discípulu stibe cadi gabi ca iruti pa laabe nga Cristu.
23774	MAT 17:5	Caní' ru Pedru, mala biseegu ti za laacabe. Nabé ruzaani za que, ne ucuá ti ridxi lade ni: ―Ndi nga Xiiñe ni nadxiee ne ni rusieche naa. Laucaa diaga laabe.
23775	MAT 17:6	Casi bina diaga ca discípulu ridxi que, biaba rilú ca layú ne nabé bidxibi ca'.
23787	MAT 17:18	Casi bidxiña hombre huiini que, udinde né Jesús binidxaba ni napa be que, para biree de laabe, ne oraqueca bianda be.
23793	MAT 17:24	Ora yendá cabe ndaani guidxi Capernaum, beeda caadxi hombre ni ruquixe impuestu sti yu'du ro' ra nuu Pedru, ne unaba diidxa ca laabe pa riguixe xpixuaana cabe impuestu.
23797	MAT 18:1	Ca dxi queca bidxiña ca discípulu sti Jesús ra nuu, ne unaba diidxa ca laabe: ―Tuu nga jma risaca lade ca xpinni Dios.
23818	MAT 18:22	Para rabi be laa: ―Cadi gadxe si, sínuque setenta de gadxe.
23842	MAT 19:11	Oraque na be rabi be laaca': ―Cadi irá zanda guiaana sin ichaganá', sínuque cani ma nexhe ni para laa.
23843	MAT 19:12	Purti nuu hombre riale maca para cadi ichaganá', ne nuu xcaadxi ni nuu pe tu runi ni laa para cadi ichaganá'. Peru laca nuu ni riale ni de laa si guiaana sin ichaganá', purti jma cá ique guni xhiiña Dios ni nuu ibá'. Cani zanda guiaana sin ichaganá la? cadi ichaganá'.
23845	MAT 19:14	Peru óraque na Jesús rabi laaca': ―Cadi ucueeza tu ca ba'du ca, zaa gueeda cabe ra nuaa', purti stícabe irá ni napa Dios ladxi ná', laacabe ne irá casi laacabe ca.
23849	MAT 19:18	Oraque na be: ―Uná mandamientu. Para na Jesús rabi laabe: ―Cadi guuti lu binni, cadi chu' neu ni cadi xheelu', cadi cuana lu', cadi cueeu falsu luguiá stobi.
23859	MAT 19:28	Para na be rabi be laaca': ―Chi tidxe ca' ndi laatu: dxi guzulú guidxilayú cubi ne guseenda Dios naa cue casi rey la? dxi que laca zudiee laatu ra cui tu para guni mandar tu cani za de idubi doce xiiñi Israel, purti uzá né tu naa.
23873	MAT 20:12	Ne na ca': “Ca ndi ti hora si bi'ni ca dxiiña ne gudixe lu laaca bia' ca gudixe lu laadu, laa nda du bidxuí du idubi dxi.”
23911	MAT 21:16	Ne na ca rabi ca laabe: ―Ñee cadi cayuna diaga lu ni caní' ca ba'du ca la? Para na be: ―Cayuna dia'ga pue. Qué xa huayuunda tu lu Xqui'chi Dios ra cá: Gudixhe lu usihuinni ca xcuidi huiini ne ca badu huiini enda nandxó' stiu'.
23932	MAT 21:37	Ultimu na be: “Chi guseenda xiiñe', zanda ca gapa xpia' cabe ne laa.”
23958	MAT 22:17	Gudxi laadu xi na lu de ndi': Ñee jneza quixe nu ca impuestu sti César la? o co'.
23962	MAT 22:21	Para na ca': ―César. Oraque na be: ―Laudii César sti César, ne laudii Dios sti Dios.
23970	MAT 22:29	Oraque na Jesús rabi laacabe: ―Cuchee tu purti qué ganna tu xi na Xqui'chi Dios nin pabiá' nandxó' be.
23983	MAT 22:42	rabi be laaca': ―Yanna xi na tu de Cristu, tu dé za be. Para na ca': ―Lade ca xiiñi David.
23995	MAT 23:8	Peru laatu cadi chu'la'dxi tu gabi cabe laatu maistru, purti tobi si maistru nga nuu, ne laa nga Cristu. Laatu la? bi'chi irá tu.
23997	MAT 23:10	Zaqueca cadi chu'la'dxi tu guni cabe laatu xaíque purti tobi si nga xaíque stitu, ne laa nga Cristu.
24010	MAT 23:23	Lagapa gá si laatu, maistru de ley ne fariseu, binni rusiguii ca', purti dede ca guixi rindá' naxhi casi menta ne anís ne cominu runi tu cani chii ndaa, ne rudii tu tindaa Dios, peru qué rulabi tu ni jma naquiiñe guni tu ni zeeda lu ley. Ruchee né tu binni ne qué riá tu laaca', ne qué runi cre tu Dios. Ca nga nga ni jma naquiiñe guni tu, peru laca cadi gusaana tu de guni tu ca xcaadxi ca.
24031	MAT 24:5	Purti zeeda stale ni usiguii, zaná ca laaca nga Cristu, ne zabee chu ca stale binni.
24042	MAT 24:16	Cani nuu Judea, che lade dani.
24049	MAT 24:23	Pa chu' tu gabi laatu ca dxi que: “Laguuya', rarí nuu Cristu” o “Rarica nuu be” la? cadi guni cre tu laaca',
24050	MAT 24:24	purti ziasa stale iní' Cristu laa o profeta laa ne zuluí' ca laatu seña nandxó' ne milagru, pa ñanda si nusiguii ca nécaca cani ma ulí Dios.
24051	MAT 24:25	Cayabe ca' ni laatu de ca yanna.
24052	MAT 24:26	Nga runi pa gabi cabe laatu nuu Cristu ndaani gui'xhi la? cadi chi guuya tu. O pa na cabe nuu be ndaani yoo la? cadi guni cre tu.
24055	MAT 24:29	Casi pe tidi enda naná ni gaca ca dxi que la? zacahui lu gubidxa ne ma qué zuzaani beeu, ne ziaba ca luceru de ibá', ne zaniibi dxacha irá ni nuu ibá'.
24092	MAT 25:15	Tobi bidii be laa bia' gaayu mil moneda, ne stobi bidii be laa chupa mil, ne stobi bidii be laa ti mil si. Cada tobi ucuaa bia' laa. Oraque biree be ze be.
24126	MAT 26:3	Ne zaqué guca ni, bidxiña ca xaíque sti ca sacerdote ne ca maistru de ley ne ca xaíque sti ca judíu ndaani patiu ralidxi sacerdote gola Caifás.
24129	MAT 26:6	Ca dxi que uyé Jesús Betania, ralidxi Simón ni gupa lepra que.
24134	MAT 26:11	Ca pobre la? qué ziaadxa ca lade tu, peru naa zadxiña dxi guiaadxa lade tu.
24143	MAT 26:20	Casi bixhinni, gurí né be idubi doce discípulu stibe ruaa mexa que.
24170	MAT 26:47	Caní' ru be, mala zeeda Judas, tobi de lade doce discípulu stibe que. Zedané stale binni ni biseenda ca xaíque sti ca sacerdote ne ca xaíque sti ca judíu, ne naaze ca espada ne palu.
24178	MAT 26:55	Oraque na Jesús rabi ca binni que: ―Casi rie cabe luguiá gubaana zeeda tu luguia'ya', né tu espada ne palu. Inqué ti dxi gurié ndaani yu'du ro', bisiide' ne qué ninaaze tu naa.
24180	MAT 26:57	Yené ca binni que laabe ra nuu sacerdote gola Caifás ne ma nuu ca maistru de ley ne ca xaíque sti guidxi raqué.
24186	MAT 26:63	Peru qué niní' be gasti'. Para na sacerdote gola que rabi laabe: ―Pur Dios ni nabani nga cayabe lii ga'bu laadu pa lii nga Cristu Xiiñi Dios.
24191	MAT 26:68	Ne na cabe rabi cabe laabe: ―Pa nou' lii nga Cristu la? gudxi laadu tu cagapa lii ti idu'ya du pa nannu'.
24199	MAT 27:1	Casi birá gueela', uní' stiidxa ca xaíque sti ca sacerdote ne ca xaíque sti guidxi que guuti ca Jesús.
24208	MAT 27:10	Ca xiiñi Israel gudixhe idoo be treinta moneda de plata, ne dxi bigueta moneda que lu ná cabe, ucuaa cabe ni, uzí' né cabe ni ti layú lu ni ruzá' guisu. Zacá nga gudxi Dios naa.
24209	MAT 27:11	Ne ora zuhuaa Jesús nezalú gobernador, na gobernador que rabi laabe: ―Ñee lii nga rey sti ca judíu la? Para na be: ―Casi na lu ca, nga laani.
24211	MAT 27:13	Para na Pilatu, rabi laabe: ―Cadi cayuna diaga lu irá ni cugaani cabe luguiá lu ri la?
24213	MAT 27:15	Chiqué, cada iza ra cayaca saa, rundaa gobernador que ti presu para ca binni que, tutiisi gapa ca gana.
24215	MAT 27:17	Ngue runi, ora bidxiña cabe, na Pilatu rabi laacabe: ―Tu racala'dxi tu undaa para laatu ya', Barrabás la? o Jesús ni rabi cabe Cristu.
24217	MAT 27:19	Ma zuba Pilatu ra juzgadu sti', bisenda tidxi xheela laa, na xheela rabi laa: ―Cadi gu'nu hombre cha'hui ca gasti', purti pur laabe nabé bine sufrir lu bacaanda nuchi'.
24220	MAT 27:22	Oraque na Pilatu rabi laacabe: ―Yanna xi gune nia Jesús ni rabi cabe Cristu ri ya'. Para bicabi irá cabe: ―¡Icá be lu cruz!
24222	MAT 27:24	Biiya si Pilatu pur gana si caní' ne mayaca uzulú ti bulla la? gucuaa nisa ne gudiibi ná nezalú ca binni que, para na rabi laacabe: ―Cadi luguia'ya dia' nuu donda purti chi ixii rini sti hombre cha'hui ri'. Laatu laguuya xi iree xa ni laatu.
24230	MAT 27:32	Ra ze cabe que bidxaaga cabe ti hombre de Cirene lá Simón ne bicaa cabe laa gua cruz sti Jesús
24231	MAT 27:33	dede yendá cabe ti lugar lá Gólgota. Ni riní' diidxa Gólgota ca la? Lugar sti Calavera.
24245	MAT 27:47	Ne ora bina diaga cani zuhuaa raqué ni uní' be que la? na ca': ―Cucaa ridxi be Elías.
24269	MAT 28:5	Peru na ángel que rabi ca gunaa que: ―Cadi idxibi tu. Nanna cuyubi tu Jesús ni ucuá lu cruz.