23352	MAT 6:1	Tolo mblu' Jesús loo mèn. Mbez Jesús: ―Nabe'ste fque tee ban ndac gu' loo Diox. Ne'gàcte gu' arid mèn nate's par hui' chol mèn co' ndxàc hues xtàa gu' loo con' ndli gu'. Tac chele' gu' li tataa, sya, tataa mod ndye's gu'. Le' sya, xud gu' co' nzo loo bé' ne'lide par gàp gu' cón che'n gu' loo xud gu' Diox.
23491	MAT 10:5	Jesús mtel' ryete si' fchop myen'a. Mnibe' Jesús loo myen'a. Ndxab Jesús: ―Ne'yade gu' làaz mèn co' inacte mèn nación Israel. Ne' ne' yòo gu' co'te' nac làaz mèn nación Samari.
23693	MAT 14:27	Per Jesús gunii loo myen'. Ndxab Jesús loo myen': ―Ne'zyebte gu', ey. Blo gu' valor loo gu'. Daa na.
23734	MAT 15:32	Sya, ngurez Jesús myen' xin' mté'th Jesús. Ndxab Jesús loo myen': ―Anze'f ndlyat' lezon ñèen prob mèn ba'. Tac ndxàcle' son huiz nzo mèn ba' trè' con daa. No yende cón nde no mèn par hua mèn. Indlyasten tel'en mèn par bii mèn liz mèn no làaz mèn tac daa nanee le' mèn ba' nzi lan'. No nzo ryes guu's mèn no lyàa fuerz mèn ned bii mèn.
23758	MAT 16:17	Jesús mcàb loo Pedr. Ndxab Jesús: ―Anze'f huen ndal, Mon, xgan' Jonás. Tac nec thìb mèn che'n izlyo' ndxè' tarte lu' cón che'n con' co' ngolo guneel loon ba' lool. Ndxe'leque', yub xuden Diox mbli par non lùui par guneela loon.
23763	MAT 16:22	Sya, xexte mblo' Pedr Jesús. Mbe' Pedr Jesús thìb lad loo myen' co' ndxàc xtàa Pedr. Ale mtlo Pedr, mco'x Pedr Jesús. Ndxab Pedr loo Jesús: ―Ne'ñeede Diox conax, Tad, par ale tataa gàca loo U'. Thidtene ne'ta'de U' lugar li mèn con'a loo U'.
23789	MAT 17:20	Jesús ndxab loo myen': ―Ne'ngácte gu' ngo' gu' xpiia loo mbyòoa tac gu' pente ndxela's loon. Lìcpe' ba'i, na nii loo gu': Chele' gu' ndxela's ndxepte loon xalte nac thìb biz mostaz, gu' gác gab gu' loo yii co' ndub go': Biiche trè', yii. Huàa tub tedib lugar ba'. Yiia biiche. Yende chó con' ne'gácte gu' li gu' co' gàc cón chenen chele' gu', lìcque', yila'spe' loon no yila'spe' gu' loo con' lin.
23795	MAT 17:26	Pedr mcàb loo Jesús. Ndxab Pedr: ―Mèna ña'b ayud loo mèn tith. Sya, ndxab Jesús loo Pedr: ―Chele'i tataa nac, le' sya, mèn gulàaz che'n mèn co' ñibe' inquinte quix tmi che'n contribución sya, xàa.
23841	MAT 19:10	Sya, myen' xin' mté'th Jesús ndxab loo Jesús: ―Chele'i tataa ndxàc loo mènbi' con xa'got co' nac sa'l mènbi', indxàalte selya' mèn sya xàa, ndyac nu'.
23849	MAT 19:18	Mbyòo mcàb. Ndxab mbyòo loo Jesús: ―¿Chópe' yalñibe' nac co' más ñibe' ley co' mxo'f Moisés loo mèn par lina, à', Tad? Jesús ndxab loo mbyòo: ―Yalñibe'a nac di's ndxè': Ne'guthtel mèn; ne'que tee lidel yalburrid; ne'li huan'tel; ne'toxcua'del yalgutyè' cón che'n nec thìb mèn.
23856	MAT 19:25	Co'se' mbìn myen' xin' mté'th Jesús di's co' ndxab Jesús loo myen', ante mbui' myen' no ante gunaa myen' loo xtàa myen'. Mnibdi's myen' loo xtàa myen'. Ndxab myen': ―Chele'i tataa nac, ¿chó mèn gác lyá' loo con' ryes, sya?
23922	MAT 21:27	Con'a, mcàb mèna loo Jesús. Ndxab mèna: ―Ne'neede nu' chó mtel' Juàn. Sya, ndxab Jesús loo mèna: ―Ne' daa ne'niide loo gu' chó mnibe' loon mblin con' mblin ná'a, no con' ndlin loo mèn, no chol con' ndlu'en loo mèn.
23978	MAT 22:37	Jesús ndxab loo mbi' co' ngòc maistra: ―Di'sa nac di's co' mbez: Fque' lezo' gu' Tad Diox gu' dib nzo yéc gu', no dib nzo lezo' gu', no dib nzo xtùuz gu'.
24269	MAT 28:5	Sya, ndxab angl loo mèngota: ―Ne'zyebte gu', ey. Na nanee no ndaquen cuent le' gu' nde cua'n Jesús co' mque' mèn loo cruz.
24274	MAT 28:10	Sya, ndxab Jesús loo mèngota: ―Ne'zyebte gu', ey. Huàa ta' gu' cuent ndxè' loo myen' huesen. Guuz gu' loo myen' ya bed myen' daa le'n thìb yèez che'n làaz mèn galile. Tya, hui' myen' loon.
24369	MRK 3:12	Per Jesús mnibe' yèe loo xpii ye'rsin' co' ngo loo mèna. Ndxab Jesús loo xpii ye'rsin'a: ―Ñibe'en loo gu' yende chó loo gabte gu' chó nac daa.
24469	MRK 5:36	Per Jesús ne'nglide cas di's co' ndxab mèn guliz mbi'a loo mbi'. Ndxab Jesús loo mbi': ―Ne'zyebtel por rsapl, ndee. Gola's loon no maste.
24492	MRK 6:16	Co'se' mbìn Herod tataa mbez mèn, Herod ndxab loo mèn: ―Mbi'a nac Juàn Bautist co' mnibe'en ngua cho' solndad yéc, ndyaquen. No nalle' ngro xban Juàn làth mèn nguth, ngobe'en.
24500	MRK 6:24	Sya, yende izlyo', ngro' mza' loo rye mèna. Ngua mza' loo xna' mza'. Ndxab mza': ―May, ¿cón ndlya's U' ña'ben loo Herod, à'? Xna' mza' ndxab loo mza': ―Bna'b yéc Juàn Bautist loo Herod càal.
24526	MRK 6:50	tac ryete myen' gunèe nde tee Jesús loo nít loo lagun. Per ale ne'ñeede myen' cóna. Cona, mzyeb myen'. Per Jesús gunii loo myen'. Ndxab Jesús loo myen': ―Ne'zyebte gu', ey. Blo gu' valor loo gu'. Daa na. Susque' naze'f gu', yey.
24559	MRK 7:27	Per Jesús asembli, mtetac Jesús thìb di's loo xa'got. Ndxab Jesús loo xa'got: ―La'a hua myen' ner. Tac ihuente naca teche mèn pan loo myen' par ta' mèn pana hua mbac.
24571	MRK 8:2	―Anze'f ndlyat lezon ñèen prob mèn co' nziri' ba', cara. Más de cona, ndxàcle' son huiz nziri' mèn ba' con daa no yende cón ngue no mèn par hua mèn.
24595	MRK 8:26	No ndxab Jesús loo mbi': ―Ne'yòodel le'n yèez Betsaid luega. Ne' ne' gabl loo mèn yèez con' mbli nonl. Sya, mtel' Jesús mbi'. Ndyàa mbi' par liz mbi'.
24683	MRK 10:26	Co'se' mbìn myen' xin' mté'th Jesús tataa ndxab Jesús, ante mbui' myen' no ante gunaa myen'. No mnibdi's myen' loo xtàa myen'. Ndxab myen': ―Chele'i tatua' nac, ¿chó mèn gác lyá' loo con' ryes, sya?
24684	MRK 10:27	Jesús xèe mbui' loo myen' xin' mté'th Jesús. Ndxab Jesús loo myen': ―Ne'gácte chol mèn li chol mèn par lyá' mèn co' ndxàp xtol loo con' ryes. Per Diox ndxácque'. Tac ryethe con' co' ndlya's Diox li Diox, ndxácque' Diox li Diox con'a.
24719	MRK 11:10	Anze'f con' ndac gàc loo mèn co' yòo loo cón che'n Diox par ñibe'pe' Diox loo mèna, tac Diox ñibe'pe' loo mèn por cón che'n thìb mbi' co' nac bin David co' ngòc rey póla. Por cona, mbez na': ―Anze'f Diox roo Diox xèn nac Diox, ne.
24731	MRK 11:22	Jesús mcàb. Ndxab Jesús loo myen': ―Gola's gu' loo Diox. No gòp gu' yalxla's loo Diox.
24742	MRK 11:33	No por mzyeb mèna, mcàb mèna loo Jesús. Ndxab mèna: ―Ne'ñeede nu' chó mtel' Juàn, cara. Sya, ndxab Jesús loo mèna: ―Ne' daa ne'niide loo gu' con chó yalñibe' mblin con' co' mblin ná'a.
24825	MRK 14:2	No mbez mèna loo xtàa mèna: ―Ne'lide na' con' ndlya's na' con Jesús le'n huiz lni par ne'xide lezo' mèn no par ne'yátbèede mèn co' yi'th lni contra na'.
24855	MRK 14:32	Sya, nda no Jesús myen' xin' mté'th Jesús thìb lugar co' lèe Getsemaní. Tya, ndxab Jesús loo myen' xin' mté'th Jesús: ―Trè'te gure tub gu' láth nda bezen Diox tachu'thte más ba'le'.
24891	MRK 14:68	Per Pedr ale mcà' di's Jesús. Ndxab Pedr: ―Ne'libeden chó mbi' nac mbi' ba'. No axta ne' ne' indxònen cón ndyoodi'sl. Sya, xexte ngro' Pedr par ned ro puert. Láth nda ro' Pedr, chàa, ngrozèe thìb nguiidtee mblé' nguiidtee yál'.
24894	MRK 14:71	Sya, leque Pedr mtlo gunii ngòc nguàal di's. No mde'th Pedr Diox. Ndxab Pedr loo mèna: ―Ne'libeden mbi' co' ñibdi's gu' loon, cara.
24948	MRK 16:6	Per mbyòo ndxab loo xa'gota: ―Ne'zyebte gu', ey. Na neeque' le' gu' nde cua'n Jesús che'n yèez Nazaret co' mque' mèn loo cruz. Jesús ngro xbanle'. Yende Jesús trè'. Huen huen hui' gu' co'te' mdi'xsua' mèn Jesús.
25026	LUK 1:64	Leque hora, mbere Zacari, mdoodi's Zacari tedib vez. Ndxab Zacari: ―Anze'f Diox roo no Diox xèn nac Diox. No anze'f ndac tín' nac Diox.
25052	LUK 2:10	Sya, ndxab angl loo mèna: ―Ne'zyebte gu', ey. Daa ndal no di's co' nac di's ndac co' tan cuent loo gu'. Di's ndac ndxè' càb le' rye mèn xyo'f nde' xyo'f ndla' lezo'.
25107	LUK 3:13	Juàn ndxab loo mèna: ―Ne'lide gu' cobrar masre' loo mèn cón che'n contribución loo co' ñibe' ley loo gu'.
25108	LUK 3:14	Mnibdi's plá solndad loo Juàn, ne. Ndxab solndad: ―¿Nu', a'? ¿Cón ndxàal li nu'? Juàn mcàb. Ndxab Juàn loo solndada: ―Ne'techede gu' nec thìb con' loo nec thìb mèn. Ne' ne' quexù' que' fals gu' mèn loo con' co' tarte li mèn. Blec lezo' gu' loo tmi co' ndli gu' gan thìb huiz zin'.
25452	LUK 10:20	Ndxab Jesús loo mèna, ne: ―Ne'tyacte lezo' gu' arid por ndxòn xpii ye'rsin' ro gu'. Ndxe'leque', ftac lezo' gu' le' lèe gu' ndub loo libr co' ngue no Diox loo bé'.
25459	LUK 10:27	Mbi' co' nac maistra mcàb loo Jesús. Ndxab mbi': ―Di's co' ndub loo ley co' mxo'f Moisés loo mèn mbez: Fque' lezo' gu' Tad Diox gu' dib nzo yéc gu' no dib nzo lezo' gu'. No fque' lezo' gu' gunèe gu' hues xtàa gu' xalque' ngue lezo' gu' ñèe gu' gu'.
25460	LUK 10:28	Sya, ndxab Jesús loo mbi' co' nac maistra: ―Anze'f huen mcàbl, ndee. Yende cón niin lool. Chele' lùu, lìcque', ndli con'a, yòo ban no lùu Diox thidtene.
25704	LUK 16:15	Jesús ndxab loo mèna: ―Anze'f thìb con' ndli gu' par ndxàc gu' mèn ndac loo mèn. Per Diox non no nanee Diox xá nac con' co' ndli gu' xtùuz le'n lezo' gu'. Tac ryete con' co' ndli mèn cuent nac más con' roo con' xèn loo mèna, Diox ndxòo xyàn lezo' ñèe Diox mèn co'se' ndli mèn con'a.
25781	LUK 18:24	Per co'se' ñèe Jesús nalyat nde'f ro mbi', Jesús ndxab loo taamas mèn co' nziri' loo Jesús: ―Anze'f nagàn naca par yòo thìb mèn ric loo cón che'n Diox par ñibe'pe' Diox loo mèn ric.
25783	LUK 18:26	Co'se' mbìn mèn co' nziri' di'sa, ndxab mèna loo xtàa mèna: ―Chele'i tataa nac, ¿chó mèn gác lyá' loo con' ryes, sya?
25838	LUK 19:38	Mbez mèna, ne: ―Anze'f ndyac lezo' rey no huen nzo lezo' rey, rey co' nde por lèe Tad Diox, rey co' mtel' Tad Diox loo na'. Por cón che'n rey ba' mbyu' mbyàlle' lezo' Tad Diox no ngo nagàlle' lezo' Tad Diox gunèe Tad Diox mèn. Por cona, ndxàc con' roo no con' xèn loo Diox co' nac thidte Diox por cón che'n rey ndxè'.
25855	LUK 20:7	Sya, mèna mcàb loo Jesús. Ndxab mèna: ―Ne'ñeede nu' chó mnibe' loo Juàn par mbli Juàn bautizar mèn.
25950	LUK 22:17	Sya, mxen Jesús thìb vas nít uv. Ndxab Jesús: Diox quix U', Diox, loo Diox. Ngoloa, ndxab Jesús loo myen' xin' mté'th Jesús: ―Fteri'th gu' vas ndxè' loo thìb thìb xtàa gu' par gu gu' thìb ro chu'th nít uv ndxè'.
26246	JHN 4:21	Jesús mcàb. Ndxab Jesús loo xa'gota: ―Gola's loon, ngot, nde zin' gaxle' tiemp no nde zin' gaxle' huiz co'se' ne' loo yii ndxè' no ne' ne' le'n ciuda Jerusalén gàc co'te' cuez gu' Diox.
26276	JHN 4:51	Co'se' yamerle' zin mbi' liz mbi', mtel' mèn guliz mbi' moz par ngua càa ned moz mbi'. Sya, ndxab moz loo mbi': ―Ne'tyóode U'. Mbyòo U' mbyacle'. No nabanque' mbyòo.
26277	JHN 4:52	Sya, mnibdi's mbi' loo moz. Ndxab mbi': ―¿Coyor mtlo mbyath ndac mbyòo, à'? Moz ndxab loo mbi': ―Ná'a com hor mquée guthìb bzyè ngro xlé' mbyòo.
26346	JHN 6:20	Jesús ndxab loo myen': ―Ne'zyebte gu', ey. Daa na.
26386	JHN 6:60	Co'se' mbìn mèn di's co' ngue lu' Jesús loo mèn, huax mèn co' mdoo nque xís Jesús ndxab loo xtàa mèn: ―Anze'f nagàn naca par ta' na' cuent cón nee di's no par yaa'd di's le'n lezo' na' par li na' xal mbez mbi'. ¿Chó mèn gác gòn di's co' mbez mbi', cara? Yende chó mèn gác, ¿lé'?
26409	JHN 7:12	No làth rye mèn co' ngua lnia, anze'f thìb mèn mdoodi's cón che'n Jesús. Ndxep mèn mbez: ―Mbi'a nac mbi' ndac. Per taandxep mèn mbez: ―Pà gàc mbi'a mbi' ndac. Ndxe'leque', nquedìi mbi'a mèn.
26533	JHN 9:24	Sya, ale mbere mèn co' ñibe', no co' ndyoo ner, no co' ndyoo naa loo mèn nación Israel, ngurez mèna mbi' co' ngòc sieu tedib vez. Ndxab mèna loo mbi' co' ngòc sieu: ―Fte'th Diox loo nu', ¿ché', lìcque', mbi' co' lèe Jesús mbli par mdyub xnìi ngudlool, cà'? Nu' indxela'sta. Tac nu' nanee le' mbi' co' lèe Jesús nac thìb mbi' co' ndxàp xtol.
26583	JHN 10:33	Sya, mcàb mèn co' ñibe', no co' ndyoo ner, no co' ndyoo naa loo mèn nación Israel loo Jesús. Ndxab mèna: ―Ne'gath quèede nu' lùu por cón che'n huax con' ndac co' ndlil. Ndxe'leque', nu' gath quèe lùu tac nazab nac co' ndlil. Ale ñii yèel ñii tìil cón che'n Diox. Nu' ngüi' nacl thìb mbi' xalque' nu'. No ale, ndxàcl xal Diox loo nu'.
26615	JHN 11:23	Ndxab Jesús loo Mart: ―Fta'nl ryo xban, ey.
26662	JHN 12:13	Sya, mtlo mèna, mcho' mèn yin. No ngro' mèn par ya càa ned mèn Jesús. No mbez yèe mèn cabii xal co'se' ndxol ro mèn thìb himn. Mbez mèna: ―Anze'f Diox roo Diox xèn nac Diox. No mbi' ndac nac mbi' co' nde por cón che'n Tad Diox. Mbi' nacque' rey che'n mèn nación Israel.
26679	JHN 12:30	Sya, ndxab Jesús loo mèna: ―Ne'mbyènte di's co' mbìn gu' ba' por cón chenen. Ndxe'leque', mbyèn di's ba' por cón che'n gu' par yila's gu' loon no loo cón chenen.
26918	JHN 19:24	Ndxab solndada loo xtàa solndad: ―Ne'li rolte na' cap ndxè'. Más huen quith no na' dad loo cap ndxè' par ñee na' ñeene' chó na' gàc che'na. No tataa ngòca par mdyaa di's co' ndub loo libr co' nac xti's Diox co' mbez: Mcàa mèn thìb ned xaben par ngòc xaben che'n mèn. No loo xaben co' ngòc cap daa mdi'th no mèn dad par ñee mèna ñeene' chó gàc che'na. No tataaque' mbli solndad con'a.
26955	JHN 20:19	No co'se' mzyèle' izlyo' leque huiz co' ngòc ner huiz smana no ngulàale' yál' izlyo' huiza, leque hora thidte mqueltàa myen' xin' mté'th Jesús xhuina liz thìb mèn. No quej nau' puert nzo gòo myen' le'n nyòo tac nzyeb myen' ñèe myen' mèn co' ñibe', no co' ndyoo ner, no co' ndyoo naa loo mèn nación Israel. Látha, chàa, ngro' too Jesús loo myen'. Mblu' loo Jesús Jesús loo myen'. Gunii Jesús Diox loo myen'. Ndxab Jesús loo myen': ―Nabe'ste blo gu' lezo' gu' con xtàa gu' no blo nagàl lezo' gu' loo Diox.
26957	JHN 20:21	Mbere Jesús, ndxab Jesús loo myen' tedib vez: ―Nabe'ste blo gu' lezo' gu' con xtàa gu'. No blo nagàl lezo' gu' loo Diox. Texal mtel' xuden Diox daa par mbalen loo izlyo' ndxè', tataaque' tel'en gu' ya gu' loo mèn loo izlyo' ndxè'.
26962	JHN 20:26	Ngoloo xon huiz ryete myen' xin' mté'th Jesús mqueltàa tedib vez le'n nyòo liz thìb mèn. No le'pe' ngo no Max myen' sya. Lomisque', quej nau' ro puert. Per Jesús, chàa, ngro' too loo myen'. No mblu' loo Jesús Jesús tedib vez. Gunii Jesús Diox loo myen'. No ndxab Jesús loo myen': ―Nabe'ste blo gu' lezo' gu' con xtàa gu', ndee gu'. No blo nagàl lezo' gu' loo Diox.
27172	ACT 6:2	Sya, ryete si' fchop myen' xin' mté'th Jesús co' ndxe' di's che'n Jesús mbli par thidte mqueltàa ryete mèn co' ngola's loo Jesús co' nac Crist. Ndxab myen' loo mèna: ―Ilé'de naca loo nu' par ne'code nu' yalbàn cón che'n di's ndac che'n Diox par tyoo naa nu' no li nu' sirv loo mes co'se' ndxuhua mèn.
27544	ACT 15:33	Per co'se' ngolo nguri'th plá huiz ngo Jud no Sil no taamas mèn ciuda Antioqui, mbii Jud con taamas mèn co'te' nqueltàa mèn co' ngòo loo cón che'n Diox. Gunii mèna Diox loo Jud no loo taamas mèn co' mbii no Jud. Ndxab mèna loo Jud no loo taamas mèn: ―Ndlya's nu' yo nagàl lezo' gu' axta zin gu' loo mèn hues na' co' mtel' gu', ndee gu'.
27589	ACT 16:37	Per Pab ndxab loo polesi co' nac myen' nac zin': ―Ne'biide nu'. Nu' nac mèn che'n ciuda Rom che'n nación Ital. No ná'a mnibe' juez loo mèn mtin mèn nu' loo xnaa axta mbyan' gust lezo' mèn. Ngoloa, sangmbli juez mandad mque' mèn nu' lezi'f. Ne' ne' tar tub rez juez cón che'n nu'. No tataa mnibe' juez mbli no mèn nu'. No ¿nalle' ndlya's juez xexte bii nu', cà'? Yende xàa. ¡Pà bii nu' xexte! Nalle' guuz gu' loo juez yi'th lo' yub juez nu' lezi'f.
27704	ACT 20:10	Per co'se' gunee Pab ngulàa mbyòo loo yòo, mbilàa Pab, ne. Sya, mdub xib Pab cuat mbyòo co'te' nax mbyòo. No thidte ngua Pab, mblo Pab ya' Pab yen mbyòo. Mde's Pab mbyòo. Ndxab Pab loo rye mèn hues co' mqueltàaa: ―Ne'zyebte gu', ey. Mbyòo ngro xban.
27874	ACT 25:10	Pab mcàb. Ndxab Pab loo Fest: ―Chele'i tatua' nac, más huen gan loo gobiern co' ndub ñibe' ciuda Rom. Tya, más huen ndxàal tyub rez cón chenen com le' lùu nda'que' cuent no nonque'l tarte lin nec thìb con' ye'rsin' loo mèn co' nac mèn nación Israel ne' ne' tar guthen nec thìb mèn.
27893	ACT 26:2	―Anze'f huen nzo lezon no axta gust nda' lezon por mda' U' lugar loon toodizen loo U', rey Agrip, par tuben razon cón chenen cón che'n ryethe con' co' mquexù' mque' fals mèn nación Israel daa le'n tiemp co' nde teele' ndri'th.
30852	REV 5:5	Sya, thìb mèngool co' nzo làtha gunee loon: ―Ne'tolode gón'l, Juàn. Mbi' co' ne' tedib lèe xal lèe Mbee's, mbi' co' nac bin che'n thìb mbi' co' ngro' lèe Judá co' mbloj msi' bin co' nac thìb ned mèn co' nac che'n mèn nación Israel, mbi'a nac bin che'n thìb mbi' co' ngro' lèe David co' ngòc rey póla. No nac mbi' thìb mbi' roo no thìb mbi' xèn. Mbi'a mblile' gan par mbli Diox ndxàp mbi' con' la's nii mbi' no la's ya' mbi' par gác mbi' cho' mbi' gaz le' cint co' lèe flej co' natedó' ye's co' nadùuz ba'. No yiloa xal' mbi' loo ye's ba' par tlo li mbi' gàc yaltìi loo mèn loo izlyo'.
30881	REV 7:3	―Ne'lide gu' yalquìi loo izlyo', ne' loo níttó', ne' loo chol yaa nayèe co'se' tarte que' nu' sell lechuz mèn co' nxo'f zin' zin' cón che'n Diox na'.
31095	REV 19:9	Sya, gunee angl loon: ―Juàn, taandxè' fque' di's loo ye's xal niina lool nalle': Huen nda mèn co' ngòc convid par ya mèn loo yalhua co' gàc che'n Mbacxil' co' nac leque yub Jesucrist. Gunee angl loon, ne: ―Di's co' ngue niin lool ndxè' nac di's co' nac lìcpe' che'n Diox co' gunee Diox loon par niina lool.
31096	REV 19:10	Láth ndyoodi's angl loon, mdub xiben loo angl no mcòo'en yéquen loo angl. Per ale ndxe'leque, gunee angl loon: ―Ne'lidel tatua' loon, ey. Tac daa nxo'f zin' cón che'n Diox xalque' nxo'f zin'l cón che'n Diox no xalque' nxo'f zin' mèn co' ndxàc hues lùu por cón che'n Jesucrist, mèn co' altant ndyoo par ngo mèn yalbàn cón che'n Tad Jesús. Más huen ftub xibl no fcòo' yécl loo Diox. Rye mèn co' nde'th di's co' ndxab Diox, mèna nac mèn co' ngo xo'f no co' nda' cuent cón che'n Jesús.
31155	REV 22:6	Tolo gunee angla loon: ―Di's co' ngue niin lool ndxè' nac lìcpe', Juàn. Nzoque' mod gàp mèn yalxla's xal nac di's co' ngue niin ndxe' no yila's mèn di's ndxè'. Yub Tad co' nac Tad Diox ndli par non mèn co' nde'th di's co' ndxab Diox cón che'n co' ndxab Diox. Diox mtel' angl che'n Diox loo mèna par mblu' angl loo mèn co' mde'th di's co' ndxab Diox no par mda' angl cuent loo mèn cón che'n Diox par ta' mèna cuent loo mèn cón che'n co' li Diox gàc loo mèn yiloa.
31158	REV 22:9	Per le'le' gunee angl loon: ―Ne'lidel tatua' loon, Juàn. Daa, ne, nac mèn co' nxo'f zin' co' nac zin' cón che'n Diox xalque' nxo'f zin' lùu cón che'n Diox con mèn co' ndxàc huesl por cón che'n Jesucrist, gu' co' nac mèn co' nde'th con' co' ndxab Diox, no gu' co' nac ryete mèn co' ndub nza no co' ndli cas di's co' ndub loo libr ndxè'. Más huen ftub xib loo Diox no fcòo' yécl loo Diox, ndee.
31160	REV 22:11	Gunee angla loon, ne: ―La'a tolo li mèn ye'rsin' con' co' nac con' ye'rsin' co' más ndxòo lezo' mèn ye'rsin' li mèn ye'rsin'. No la'a tolo li mèn zab con' co' nac con' zab co' más ndxòo lezo' mèn zab li mèn zab. Le' por part cón che'n mèn ndac na, la'a tolo li mèn ndac con' co' nac más con' ndac. Lomisque' ne, mèn co' ngro xà' loo cón che'n xab izlyo' par li mèna con' ndac loo Diox, la'a tolo li mèna con' ndac loo Diox no tyoo mèna más altant loo cón che'n Diox.