23695	MAT 14:29	Sya, ndxab Jesús loo Pedr: ―Neeca. Que de, tá. Sya, ngulàa Pedr loo yòoyaa. Mtlo Pedr, mdee nii Pedr loo nít par ya Pedr co'te' ndoo Jesús.
23911	MAT 21:16	Ndxab mèna loo Jesús: ―¿Ché' ndxònl con' mbez myen' bix ba', à'? Jesús mcàb loo mèna. Ndxab Jesús: ―Aa. Ndxònquena. ¿Ché' tarte lab gu' loo libr co' nac xti's Diox co' nda' cuent xal nac di's co' mbez myen' ba', cà? Loo libr ndub di's co' mbez taandxè': Lùu mbli le' myen' bix no rye mbeto' co' be' ndxàaz ndxol' ro labans co' nac di's roo di's xèn co' ngue te'th myen' cón chenen.
23926	MAT 21:31	Látha, chàa, ndxab Jesús loo mèna: ―Gunee gu' loon. De loo ryop hues mbyòo, ¿chó mbyòo, lìcque', mbli con' mblya's xud mbyòo, à'? Mèna mcàb loo Jesús: ―Mbyòo nera mbli con' mblya's xud mbyòo. Sya, ndxab Jesús loo mèna: ―Aa. Lìcque' nac con' co' nee gu' ba'. Yende cón niin loo gu'. No, lìcpe' ba'i, na nii loo gu': Le' mèn co' ndli cobrar cón che'n contribución, no mèngot co' mbli yalburrid, mèna, ndxe'leque', yòo loo cón che'n Diox par ñibe'pe' Diox loo mèna ndoore' tyal gu' no ta' gu' lugar par ñibe'pe' Diox loo gu' loo cón che'n Diox.
23962	MAT 22:21	Mèna mcàb loo Jesús. Ndxab mèna: ―Gunab ba' no lèe ba' nac che'n gobiern co' ñibe' yèe loo na'. Jesús ndxab loo mèna: ―Aa. Pues, fta' gu' con' co' nac che'npe' gobiern co' ñibe' loo gu' par càa gobiern che'n gobiern. No fta' gu' con' co' nac che'npe' Diox par càa Diox.
24148	MAT 26:25	Sya, Jud co' mda'xù' Jesús loo mèna ndxab loo Jesús: ―Maistr, ne'stolque' ngue lil cuent daa taxù' lùu loo mèn, cà'? Jesús mcàb loo Jud. Ndxab Jesús: ―Aa. Lùui, pues.
24187	MAT 26:64	Jesús ndxab loo jef: ―Aa. Nacque' daa xgan'pe' Diox, pues, xalque' ngue bezl ba'. No thidte vez ngue niin loo ryete gu' le' gu' hui' loon, daa co' mbal yáal loo izlyo' ndxè' xalque' ndxáal chol mèn loo izlyo', co'se' tuben cuat Diox, Diox co' ndxàppe' ryethe con' la's ya' Diox no la's nii Diox. No hui' gu' loon co'se' gàc huiz co' ro'en loo bé' par galen le'n xcuau loo izlyo' ndxè' tedib vez.
24209	MAT 27:11	Ngoloa, mbe' mèna Jesús loo gobernador co' ngro' lèe Pilat. Sya, mnibdi's gobernador loo Jesús. Ndxab gobernador loo Jesús: ―¿Ché', lìcque', lùu nac rey che'n mèn nación Israel, cà'? Jesús ndxab loo gobernador: ―Aa. Nac daa rey che'n mèn nación Israel, pues, xalque' ngue bezla ba'.
24538	MRK 7:6	Jesús mcàb loo mèna. Ndxab Jesús: ―Aa. Yende con' niin loo gu'. Bien lal ro Sayi co'se' ndxab Sayi no ngro' di's ro Sayi co' mde'th di's co' ndxab Diox le' gu' anze'f ndxác ntembìi gu' ro gu' no ntembìi gu' xti's gu' loo Diox co'se' mque' Sayi ye's cón che'n gu' loo libr co' nac xti's Diox co' mbez taandxè': Mèn ba' mbez di's guryath no di's guryèn loon con di's co' ndryo' ro mèn. Per con' co' nzo le'n lezo' mèn no con' co' ndli mèn xtùuz ndlu' loon pà li mèn con' guryath no con' guryèn loon. No pà li mèn cas loo cón chenen.
24593	MRK 8:24	Mbi' co' ngòc sieua mbui' ndxè' no mbui' ba'. Ndxab mbi' loo Jesús: ―Aa. Daa ngue hui' loo mèn co' nziri' go'. Per ngüi'en mèn xal yaa xcàl. No ngüi'en ndyee mèn.
24885	MRK 14:62	Jesús ndxab loo jef che'n nguley'a: ―Aa. Nacque' daa Crist, pues. Na nii lool nalle' le' gu' hui' loon, daa co' mbal yáal loo izlyo' xalque' ndxáal chol mèn loo izlyo', co'se' tuben cuat Diox co' ndxàp rye loothe con' roo no con' xèn la's nii Diox no la's ya' Diox. No hui' gu' loon co'se' gàc huiz co'se' galen loo izlyo' ndxè' tedib vez le'n xcuau.
24897	MRK 15:2	Sya, mnibdi's Pilat loo Jesús. Ndxab Pilat: ―¿Ché' nac lùu rey che'n mèn nación Israel, cà'? Jesús mcàb. Ndxab Jesús loo Pilat: ―Aa. Nac daa rey, pues, xalque' ngolo guneela ba'.
25450	LUK 10:18	Jesús ndxab loo mèna: ―Aa. Huenque' gunèe gu' ngòc huax con' ned ngua gu'. Per daa masre' con' gunèen. Tac daa gunèe co'se' ngro' Mebizya loo bé', ngulàa Mebizya loo izlyo'. Ngulàa Mebizya loo izlyo' xal thìb bèel gundi.
25469	LUK 10:37	Sya, mcàb maistra. Ndxab maistr loo Jesús: ―Ndyaquen mbi' co' más mblyat lezo' gunèe prob mbi' co' mbuí'a ngòc hues no xtàa mbi'a. Sya, ndxab Jesús loo mbi' co' nac maistr: ―Byàa. No huàa li loo mèn huesl no xtàal xal mbli mbi' samaritana loo mbi' co' mbuí'a, ndee.
25618	LUK 13:31	Ngolo ndxab Jesús di'sa loo mèn, leque le'n huiza mzin ndxep mèn xley' farise loo Jesús. Ndxab mèna loo Jesús: ―Byàa. Gro' trè'. Tac Herod co' nac rey ndlya's guth lùu.
25873	LUK 20:25	Jesús ndxab loo mèna: ―Aa. Pues, fta' gu' con' co' nac che'npe' Ces co' nac gobiern loo Ces. No fta' gu' con' co' nac che'npe' Diox loo Diox.
26007	LUK 23:3	Sya, mnibdi's Pilat loo Jesús. Ndxab Pilat: ―¿Ché', lìcque', lùu nac rey co' ñibe' loo mèn nación Israel, cà'? Jesús mcàb. Ndxab Jesús loo Pilat: ―Aa. Lùu yub ngue beza loon nalle'.
26101	LUK 24:41	Per co'se' ñèe Jesús le' myen' xin' mté'th Jesús no mèna tarte yila's di's co' ngue bez Jesús loo myen' no loo mèna tant ndyac lezo' myen', no tant ndyac lezo' mèna, no tant ngüi' no ñaa myen' no mèna cón che'n Jesús, Jesús ndxab loo myen' xin' mté'th Jesús no loo mèna: ―¿Ché' nzo chó con' ngue no gu' co' mbyan' xo'f par huana trè', ey? ―Aa. Nzoca, ndxab myen' xin' mté'th Jesús loo Jesús.
26184	JHN 2:20	Sya, chàa, ngro' di's ro rye mèngoola. Ndxab mèna loo Jesús: ―Jaaa. Le'n cho' fxop lín' mblyen' mèn par mxít te'f mèn templ ndxè'. ¿No lùu mbez: Le'n son huiz no maste xít te'fl templ, cà'? Aa, mbi'. ¿Máa yob yéc lùu, na?
26242	JHN 4:17	Xa'gota mcàb. Ndxab xa'gota loo Jesús: ―Ingue noden sa'len. Sya, ndxab Jesús loo xa'gota: ―Aa. Lìcque' nac co' guneel ba': Ingue nodel sa'l. Yende con' niin lool.
26356	JHN 6:30	Le' sya, ndxab mèna loo Jesús: ―Neeca. Ndxònque' nu' di's co' mbezl ba'. Per nu' ndlya's ñèe chó yalguzye' lil loo nu' par ñèe nu' lil yalguzye' no yila's nu' lool. ¿Chó con' lil loo nu' co' gàc xal thìb señ par ñèe nu'i, à'?
26396	JHN 6:70	Mcàb Jesús loo Pedr. Ndxab Jesús: ―Aa. Huenque' nac co' ngue neel ba', Pedr. Yende cón niin lool. Per hui' nexa. Yub daa mcui si' fchop gu'. No thìb gu' co' nzo làth gu' nac xal Mebizya.
26417	JHN 7:20	Sya, mcàb mèna loo Jesús. Ndxab mèna: ―Aa. Nquée mbii yécl, ndee. ¿Chó mèn ncua'n mod guthxù' mèn lùu, à'?
26425	JHN 7:28	Per co'se' mbìn Jesús tataa nzi nii mèna làth ngue lu' Jesús mèn le'n templ, cabii ndxab Jesús loo mèna: ―Aa. Lìcque', ndlibe' gu' daa. No ndyac gu' naneeque' gu' pá mèn daa. Daa ne'ngalte xal nee lezon. Ndxe'leque', daa ndal loo izlyo' ndxè' xalque' mtel' thìb xa' daa, xa' co' naban thidtene co' nac yub Diox. Per ¡pà libe' gu' xa'a!
26518	JHN 9:9	Sya, mbez ndxep mèn loo xtàa mèn: ―Aa. Mbi' ba'i. Per taandxep mèn mbez: ―Tyè'. Inacte mbi' ba' mbi'a, yey. ¿Ché' indyacte gu' te' ñaa mbi'a ñaa mbi' ba', ¿lé'? Per yub mbi' sieu mbez loo mèna: ―Daaai. ¿Ché' ngue li gu' cuent inacte daa mbi'a, cà'?
26891	JHN 18:37	Sya, ndxab Pilat loo Jesús: ―¿Lìcque' nacl rey, sya, cà'? Mcàb Jesús. Ndxab Jesús loo Pilat: ―Aa. Lìcque' nac daa rey, pues, xalque' ngolo guneela ba'. Daa ngóol loo izlyo' ndxè' no mbalen loo izlyo' ndxè' par mdan cuent no mdoodizen cón chenen co' nac lìcpe'. Ryete mèn co' ndub nza no co' ndyubdi's loo cón chenen co' nac lìcpe', mèna ndxòn no nque' nza mèna di's co' ndyoodizen.
26972	JHN 21:5	Sya, ndxab Jesús loo myen': ―Myen', ¿ché' tarte yigaa nec thìb mbèel loo gu' nalle', cà'? Myen' mcàb loo Jesús. Ndxab myen': ―Aa. Tarte yigaa nec thìb má', cara.
27136	ACT 5:8	Pedr mnibdi's loo sa'l Anani. Ndxab Pedr: ―Gunee loon. ¿Ché' tmi co' mcàayan nac ryete tmi co' mtho' gu' xyòn gu', cà'? Sa'l Anani ndxab: ―Aa. Ryete tmia nac tmi co' ngòc tmi co' mtho' nu' xyòn nu', pues.
27295	ACT 9:10	Le'xque' tiempa ngo ban thìb mbi' co' ngola's le'n ciuda Damasc. Mbi'a ngro' lèe Anani. Loo mbi'a ngro' too Tad Jesús. Mxyo'f loo Tad Jesús loo mbi'a. No ndxab Tad Jesús loo mbi': ―Anani. Mbi' mcàb. Ndxab mbi' loo Jesús: ―¿Cóna, Tad? Daa ndxè'.
27331	ACT 10:3	Thìb vez ngòc thìb con' loo Cornel. Com hor nquée guyon bzyè, clarleque' mxyo'f loo thìb con' loo Cornel. Mxac Cornel le' thìb angl che'n Diox ngòo co'te' nzo Cornel. Ndxab angl loo Cornel: ―Cornel.
27799	ACT 22:27	Sya, ngua comandant co'te' nzo Pab. Mnibdi's comandant loo Pab. Ndxab comandant: ―¿Ché', lìcque', nac lùu mbi' gulàaz mèn ciuda Rom, cà'? Pab mcàb. Ndxab Pab loo comandant: ―Aa. Nac daa mèn gulàaz mèn ciuda Rom, pues.
27886	ACT 25:22	Sya, ndxab rey Agrip loo Fest: ―Daa, ne, ndlyaz gòn cón che'n mbi', cara, ñeene' xal nac cuent co' ta' mbi' loon. Sya, mcàb Fest. Ndxab Fest loo rey Agrip: ―Neeca. Chele' lùu ndlya's gòn cón che'n mbi', lueg yé' lin mandad ryo' mbi' cuartel. No gaben loo mbi' ta' mbi' cuent lool. ―Neeca, ndxab rey Agrip.
30861	REV 5:14	Le' dyap má' co' naban co' nziri'a mbez taandxè', ne: ―Aa. Tataaque' gàca. Lomisque' ne, ryete gal fthap mèngool mdub xib loo Diox co' ndub loo asient. No mcòo' mèngoola yéc mèngoola loo Diox, Diox co' naban thidtene.
31161	REV 22:12	Látha, ndyaquen mbìnen gunee Tad Jesús loon: ―Aa. Ne'lyen'te daa, Juàn. Chàa, galen. No lin par gàc con' loo mèn xalque' nac con' co' mbli thìb thìb mèn.