23675 | MAT 14:9 | Co'se' mbìn Herod tataa ndxab mza' loo Herod, anze'f mxi lezo' Herod por con' li Herod. Per com le' Herod mde'th lèe Diox, ¿lé'?, no ngro'le' di's ro Herod loo ryete mèn co' nziri' con Herod, mèn co' mbli Herod convid, le' Herod li con' ndlya's mza', ¿lé'?, mnibe' Herod ya xi solndad yéc Juàn Bautist loo thìb plat par càa mza'. |
23821 | MAT 18:25 | Per com le' moz ndyac ingue node moz tmi par quix moz tmi co' ndeb moz loo reya, ¿lé'?, rey mnibe' loo taamas moz rey ya tho' moz mbi'a nazal' rye mèn famil mbi' con rye co' ndxàp mbi' liz mbi' par tataa mod yax mase ndxep yalgute'f co' ndeb mbi' loo rey. |
24191 | MAT 26:68 | No mbez mèna loo Jesús: ―Com le' lùu mbez lùu nac Crist, ¿lé'?, bli divin ¿chó nu' mda' che'nl? |
24502 | MRK 6:26 | Per co'se' mbìn Herod tataa ndxab mza' loo Herod, anze'f mxi lezo' Herod. Per máa le' Herod mde'thle' Diox loo mza', ¿lé'?, no mbìn rye mèn co' nziri' no Herod di's co' ndxab Herod loo mza', ¿lé'?, que nzo ne' ñee lezo' Herod, mbli Herod co' mblya's mza', xàa. |
24645 | MRK 9:38 | Sya, ndoole' Juàn, ndxab Juàn loo Jesús: ―Maistr, nu' gunèe thìb mbi'. Ante mde'th mbi' lèe U', mblo' mbi' mbii che'n xpii ye'rsin' loo mèn. Per com le' mbi' inqueltàa node na', ¿lé'?, nu' ne'nda'de lugar loo mbi' tolo li mbi' con'a. |
24754 | MRK 12:12 | Co'se' mbìn mèna tataa ndxab Jesús, capas mèna, ale ndyac mèna mxenle' mèna Jesús xal ndyen mèn thìb pres tac mèna mda' cuent no mden' mèna di's co' ndxab Jesús tac por cón che'n mèna mtetac Jesús di'sa. Per com le' mèna mzyeb ñèe mèn co' nziri' loo Jesús, ¿lé'?, xexte mblá' mèna Jesús. Ndyàa mèna. |
24910 | MRK 15:15 | Per com le' Pilat mblya's yan' bien Pilat con mèn co' nziri'a, ¿lé'?, mnibe' Pilat ngua lo' mèn Barrabás lezi'f. Le' Jesús na, ngolo mbli Pilat mandad mda' mèn che'n Jesús, mda' Pilat Jesús loo mèna par ya que' mèna Jesús loo cruz. |
25777 | LUK 18:20 | Lùu ndxác di's co' ndlu' loo mèn cón ndxàal li mèn, ¿lé'?, di's co' ndxab: Ne'lide gu' yalburrid; ne'guthte gu' xtàa gu'; ne'li huan'te gu'; ne'tyè'de gu' loo nec thìb mèn; gòp gu' mod loo xud gu' no loo xna' gu'. |
26231 | JHN 4:6 | Loo xyòn Coba ndub thìb tó' co' mbez mèn nac tó' che'n Cob. Per com le' Jesús ndoo ned, ¿lé'?, mdub Jesús ro tó'a tac ngo zan Jesús. Hora casque' ngòc rol huiz. |
26296 | JHN 5:17 | Per com le' Jesús nonque' xal nac xtùuz mèna, ¿lé'?, co'se' ngòc nayi' mèna loo Jesús, sya, mcàb Jesús loo mèna. Ndxab Jesús: ―Axta nare' ngue li xuden Diox thìb zin'. Daa, ne, ngue li zin'. |
26550 | JHN 9:41 | Sya, mcàb Jesús loo mèna. Ndxab Jesús: ―Chele' gu' ngàc xal mèn sieu loo cón che'n Diox, ne'ngàpte gu' xtol gu' loo Diox. Per com le' gu' mbez huen huen nda' gu' cuent cón che'n Diox, ¿lé'?, cona, ngue bezen loo gu', por derech, ndxàp gu' xtol gu' loo Diox. |
26787 | JHN 15:19 | Chele' gu' be' nac mèn co' nzi tee ban loo cón che'n xab izlyo', le' sya, mèn co' nzi tee ban loo cón che'n xab izlyo', que' lezo' ñèe mèna gu' xalque' nque' lezo' mèna ñèe mèna xtàa mèna. Per com le' daa mcui gu' làth mèn co' nzi tee ban loo cón che'n xab izlyo', ¿lé'?, cona, mèn co' alithe nzi tee ban loo cón che'n xab izlyo' ndxòo xyàn lezo' mèna ñèe mèna gu' tac gu' ya inzi tee bante loo cón che'n xab izlyo' xal mèna. |
26844 | JHN 17:16 | Com le' daa inacte mèn che'npe' izlyo' ndxè', ¿lé'?, ne' mèn co' mbli U' ngòo loo cón chenen inacte mèn che'npe' izlyo' ndxè'. |
26858 | JHN 18:4 | Per com le' Jesús nonque' no naneeque' Jesús ryethe con' tyactìi Jesús, ¿lé'?, ngro' Jesús par ngua sál' Jesús mèna. Ndxab Jesús loo mèna: ―¿Chó nde cua'n gu', à'? |
27323 | ACT 9:38 | Ciuda Jop nziri' gax con yèez Lid co'te' mque tee Pedr. Per com le' mèn Jop co' ndxela's non le' Pedr ngue tee le'n yèez Lid, ¿lé'?, mtel' mèna chop xa'bi' co' ngua nee loo Pedr li Pedr favor lueg tyee Pedr par ya Pedr ciuda Jop. |
27543 | ACT 15:32 | No com le' Jud no Sil nac mèn co' nde'th di's co' ndxab Diox, ¿lé'?, mbli Jud ryop Sil par mtegán Jud ryop Sil lezo' mèna. No mbli Jud ryop Sil par ndye'th lezo' mèna con di's co' mdoodi's Jud ryop Sil loo mèna. |
27701 | ACT 20:7 | Co'se' ngòc ner huiz che'n sman, ryete nu' co' ndxela's loo cón che'n Diox co' nqueltàa le'n ciuda Tro, thidte mqueltàa nu' par hua nu' pan co' nac Cena Santa. Látha, mblo Pab yalbàn no mblu' Pab loo mèn co' mqueltàa cón che'n di's ndac. No com le' Pab mquin bii tedib huiz co' nde nquea, ¿lé'?, tolo mblo Pab yalbàn loo mèna axta gulal yál'. |
27703 | ACT 20:9 | Làth mèna nzo thìb mbyòo co' lèe Eutic. Mbyòo mdub ro thìb ventan che'n cuarta. Per com le' Pab tolo mdoodi's axta ngulal yál'a, ¿lé'?, látha mxen mcal'guth mbyòoa ro ventan co'te' mdub mbyòo. Ne'nden'te mbyòo xal ngoxud mbyòo loo cuart co' nac son pis axta loo yòo. Tya ngua xít che mèn mbyòo. Nguthle' mbyòo. |
27735 | ACT 21:3 | Láth nda riid nu' loo níttó', gunèe nu' nziri' tedib yòo biiz le'n níttó' co' lèe Chipr. Thìb lì nguri'th nu'. Le' Chipr co' nac yòo biiza na, mbyan' lad rebes. Sangtolo ndoo nu' loo níttó' par zin nu' axta làaz mèn sir. Per com le' yòoyaa nquin ya lá' yó' puert Tir, ¿lé'?, ngro' nu' loo yòoyaa puerta par ngua nu' le'n ciuda Tir. |
27746 | ACT 21:14 | Per como le' nu' ne'nglide gan ngòn Pab ro nu' par nglàa yéc Pab no nglàa lezo' Pab más huen ne'ngade Pab, ¿lé'?, mblá' nu' tolo gunee Pab cón li Pab. Ante ndxab nu' loo Pab: ―Ante gàca lool, Pab, xal nee lezo' Tad. No ya yende cón tolo ngab nu' lool, Pab. |
27783 | ACT 22:11 | Per com le' xnìi co' mbya'x loona mbli par mbyan' sieu daa, ¿lé'?, mèn co' nda nona mxen yan par mbe' mèn daa axta mzin daa ciuda Damasc. |
27829 | ACT 23:27 | Mèn nación Israel co' nzo ban ciuda Jerusalén ndxè' mxen mbi' co' ngue tel'en loo U' ndxè' xal thìb pres. No mblya's mèna nguth mèna mbi'. Per com le' daa mbìn no mdan cuent le' mbi' nac thìb mbi' gulàaz che'n làaz mèn ciuda Rom, ¿lé'?, ngua non solndad daa par mblàan mbi' ndxè' la's ya' mèna. |
27864 | ACT 24:27 | Chop lín' ngòca tataa loo Pab. Co'se' ngolo chop lín'a, ngro' Fels, mtelo Fels lín' co' ngòc Fels gobernador. Sya, ngòo tedib mbi' co' lèe Pors Fest co' mcàaya' gobernador lugar che'n Fels. Per com le' Fels mblya's ngyan' bien Fels con mèn nación Israel, ¿lé'?, mtan' Fels Pab xal thìb pres loo Pors Fest co' ngòc gobernador cub lugar che'n Fels. |
27873 | ACT 25:9 | Per com le' Fest mblya's ngyan' bien con mèn nación Israel, ¿lé'?, mnibdi's Fest loo Pab. Ndxab Fest: ―Pab, ¿ché' ndlya'sl ya na' ciuda Jerusalén par tub rezen cón che'nl tya, cà'? |
27884 | ACT 25:20 | Per com le' daa ne'neede cón lin con mbi' co' nac cón che'n mbi' co' lèe Pab, ¿lé'?, mnibdizen loo mbi' ché' ndlya's mbi' ya mbi' ciuda Jerusalén par tyub rez cón che'n co' ndxàc loo mbi' ciuda Jerusalén. |
27930 | ACT 27:7 | Huax huiz sau' sau' mxyo'f nu' loo níttó'. No añenti mzin nu' ro níttó' co'te' nziri' thìb puert co' lèe Gnid. No com le' mbii be' mtau' loo nu' no be' mdin mbii yòoyaa nu', ¿lé'?, sangnguri'th nu' par ned sur co'te' nziri' tedib puert ro níttó' co' lèe Salmón. Tya mcho' nu' nít par mblo nu' vuelt loo níttó'. Angnzo ro yòo biiz co' nziri' le'n níttó' par ned sur co' lèe Cret. |
27935 | ACT 27:12 | No com le' puerta ne'ñeede par yan' mèn no riid mèn tiemp xìl' tya, ¿lé'?, ryete mèna mbli xtùuz más huen sangriid mèna par ñee mèna ñeene' ché' tli mèna gan zin mèna tedib puert co' nziri' ro níttó' co' lèe Fenis co' nac tedib puert che'n leque yòo biiz co' lèe Cret. Puerta nziri' gax cuat yíi co' ntau' loo mbii. Yíia ntau' loo mbii no loo ol che'n níttó'. Ndxan' puerta par ned sur. No ro puert níttó'a ndxòo mèn con yòoyaa loo nít che'n puerta par ned sur no par ned ndlyen huiz. Puerta nziri' le'n nít co' nac yòo biiz par ned nort con ned ndlyen huiz. |
27944 | ACT 27:21 | No com le' nu' ne'nghuade dib lal ndxàc con' ryesa loo nu' loo níttó' loo yòoyaa, ¿lé'?, ngo too Pab loo mèna. Ndxab Pab: ―Amiu, más huen ngàca loo na' chele' gu' ngòn ron ne'nga riidte na' ned nziri' yòo biiz Cret par ne'ngàcte yalquìi ndxè' no yaltìi ndxè' loo na', ndyaquen. |
28020 | ROM 1:22 | Mastale' mbez mèn loo xtàa mèn: Anze'f ndxác na', ¿lé'?, per ale ndxe'leque', ngòc tont mèn. |
28026 | ROM 1:28 | Texalque' ne'ngòode lezo' mèna par tolo li mèna cas loo Diox par tolo libe' mèna Diox, ¿lé'?, Diox mblá'ya' mèna par mbli mèna thìb xtùuz xin no thìb xtùuz cap par li mèna con' co' indxàalte li mèna. |
28083 | ROM 3:24 | Per com le' Diox nac Diox ndac, ¿lé'?, angmbli Diox par mdyal Diox ngòo mèn loo cón che'n Diox por mtelá' Diox mèn loo con' ryes por cón che'n Crist Jesus. |
28148 | ROM 6:12 | Ngue niin loo gu', ne: Por nac gu' che'n Crist, ¿lé'?, ya ne'ta'de gu' lugar ñibe' xtùuz gu' no lezo' gu' loo gu' par ndryo' ndlyen' lezo' gu' li gu' co' tyub yo'f lezo' gu' par cua'n gu' xquin gu' par ten' gu' nquin li yèe gu' con' co' ndyub yo'f lezo' gu' par li gu'i. |
28207 | ROM 8:23 | Iante ndxàca ndyactìi rye loothe con' co' mxèn' Diox xal ndxàc loo thìb xa'got co' ndub tan xin'. Ndxe'leque', nden' na' ndxàca tataa loo na', ne, ¿lé'?, mastale' nzo Xpii Natú' loo na'. Mastale' nac Xpii Natú' nerleque' thìb con' co' làa Diox loo na', yiloa tolo ta' Diox más con' ndac loo na' por cón che'n Xpii Natú'. Per nalle', nden' na' thìb yalnè axta le'n lezo' na' cón che'n yaltìi co' ndxàc loo na'. Per mastale' ndxàc con'a loo na', nzi quee lezo' na' axta co'se' gàc hor hui' ñaa mèn loo na', lìcque', nac na' xin'pe' Diox. Axta syare', gàc tiemp co'se' zye' loo loo bél'yòo ladpe' na' par ya ne'tolode tyactìi na' no ya ne'tolode gàc yalnè loo na' no ya ne'tolode gàc yalquìi loo na'. |
28224 | ROM 9:1 | Com le' daa ndxela'sque' loo Crist, ¿lé'?, ngue tan cuent co' nac lìcpe' loo gu'. Ingue quedìiden gu'. Tac Xpii Natú' co' nzo loon no co' nzo le'n lezon, Xpii Natú' ndli par nden'en le'n lezon lìcque' nac di's co' ngue toodizen loo gu' nalle'. |
28388 | ROM 15:17 | Per com le' daa nac thìb mbi' co' ndxela's loo Crist Jesús, ¿lé'?, ndyaquen huenque' ndxàca loon ndyac lezon por ngue tee xo'f zin'en thìb zin' co' nac cón che'n Diox. |
28632 | 1CO 9:24 | Nonque' gu', ¿lé'?, le' co'te' nac thìb loo lue' co'te' nque' mèn carre, mèn nque' thìb señ loo lue' par ñee mèn chó mèn ner zin loo señ co'se' nque' thap ga'y mèn carre, tya nque' huax mèn carre no ndli mèn puest. Per co'se' ndxelo nque' rye mèn co' nque' carre carre, thidte mbi' no maste mbli gan. Le' sya, mbi' co' mbli gana, angta'la's mèn thìb con' càa mbi' por mque' mbi' carre. Cona, ngue niin loo gu': Gòc gu' xal mèn co' nque' carrea par gác gu' li gu' gan ryethe con' ndac co' angta' Crist loo gu' yiloa por mbli gu' fuerz ndlu' ndac gu' loo mèn cón che'n Crist. |
28813 | 1CO 15:27 | Diox mbli par gàc nado' rye loothe con' loo Tad Crist. Per co'se' mbez di's co' ndub loo libr co' nac xti's Diox co' ndxab: Rye loothe con' mblile' Diox par ngòc nado' con'a loo Tad Crist, clarleque' nda' di's ndxè' cuent loo na'. Per part cón che'n Diox, ¿lé'?, yende mod li Diox par tyubdi's Diox loo mèn tac yub Diox mbli par ngòc nado' rye loothe con' loo Tad Crist. |
28931 | 2CO 4:4 | Per com le' mèna indxela'ste loo Crist, ¿lé'?, Mebizya co' nac xal thìb diox che'n mèn loo izlyo' ndxè' le'n ndxep tiemp co' nzi ban mèn loo izlyo' ndxè', Mebizya mtau' loo no mtau' yéc no mtau' Mebizya lezo' mèn co' ne'ndalte ngala's. Tataa mod mbli Mebizya par ne'tyubte xnìi yéc mèn no par ne'tyubte xnìi lezo' mèn loo cón che'n Diox par ne'gònte mèna no ne'ta'de mèna cuent cón che'n di's ndac co' nac xal xnìi co' ntenìi yéc mèn no co' ntenìi lezo' mèn loo cón che'n Diox par non mèn no ta' mèn cuent cón che'n con' roo con' xèn che'n Crist co' nac xalque' nac Diox, Diox co' indxú'de loo mèn. |
28956 | 2CO 5:11 | Pues, com le' na' naneele' no nonque' na' xá mod ndxàal zyeb ryete na' loo Diox, ¿lé'?, tac Diox tub rez cón che'n na', por cona, ngue lin con' co' nzote mod lin par yila's taamas mèn co' ndxela's loo Diox le' di's co' ndethen loo gu' nac lìcpe'. Diox non no naneeque' Diox cón chenen le' daa, lìcque', ngue que tee ban lìque' loo Diox. No ndlyazen le' gu', ne, ten' le'n lezo' gu' no mbeden le' gu' ta' cuent le' daa, lìcque', nque tee ban lìque' loo Diox. |
29076 | 2CO 11:19 | Tac texal ndli gu' cuent anze'f ndxác gu', ¿lé'?, tataaque' fxec gu' con mèn co' nquée mbii yéc, dib nzo yéc gu' no dib nzo lezo' gu'. |
29132 | GAL 1:8 | Per chele' chó mèn xà'guè' ngo yalbàn cón che'n di's ndac co' ndlu' xá mod lyá' mèn loo con' ryes xal ngo nu' yalbàn, no xal mda'le' nu' cuent loo gu'a, ¿lé'?, thidteneque' mèndèe mèna loo Diox too ze too yál'. No yende chó mport nzo lezo' Diox chó nac mèna, que naca yub daa, que naca thìb angl co' yi'th co' lyàa loo bé' co' co yalbàn no co' te'th cón che'n di's ndac co' inacte leque di's ndac che'npe' Diox xalque' ngue niin loo gu' ndxè', thidteneque' mèndèe mèna loo Diox too ze too yál'. |
29163 | GAL 2:15 | Hui' nexa, Pedr. Na' nac mèn nacionpe' Israel tac ngóol na' le'n nación Israel, ¿lé'? No ndli mèn nación Israel cuent más ncua'n mèn co' inacte mèn nación Israel xtol mèn leque na', ¿lé'? Per ilìcta, ¿lé'?, Pedr. |
29207 | GAL 4:9 | Per com le' gu' más nda'le' cuent cón che'n Diox nalle', ¿lé'?, no ndlibe' gu' Diox, o más huen niin loo gu' le' Diox ngole' cuent nac gu' mèn co' nzole' loo cón che'n Diox, ¿xá mod ndlya's gu' ale bere gu', li gu' xalque' ngòc mod co' yende cón ntac no co' yende cón li gu' gan? Ale, mbere gu', ngue li gu' con'a. No ale ndxàc gu' xal moz loo con'a. |
29853 | 1TI 5:23 | Más de cona, com le' lùu ndyac yíiz lezo', ¿lé'?, ne'gudel ante nít dòp co' nac nít yèe. Yende cón lii gul chu'th vin làtha par yac yíiz co' nden' lezo'l. |
30050 | HEB 2:6 | Póla ngo thìb mbi' co' mde'th di's co' ndxab Diox. Ndxab mbi'a: ¿Cón ntac mèn izlyo' par nte' lezo' U' cón che'n mèn izlyo', à', Tad? Yende cón ntac mèn loo U', ¿lé'?, Tad. No ndxab mbi'a: ¿Cón ntac mèn izlyo' le' U' yi'th too naa mèna, à', Tad? Yende cón ntac mèn izlyo', Tad. |
30183 | HEB 9:11 | Per com le' Crist mbi'thle', ¿lé'?, nalle' nac Crist nguley' roo nguley' xèn loo co' nac ryethe con' ndac co' ndxàc loo na' nalle'. No le'n templ co'te' ngue xo'f zin' Crist yalnguley' nalle' nac lugar más ndac. No naca lugar más nambìi no lugar más nalì. Ne'ndoxcua'de templa xal ntoxcua' mèn chol templ loo izlyo' ndxè'. |
30446 | 1PE 1:5 | No com le' gu' ndxela'sque' loo Diox, ¿lé'?, Diox nquenap gu' por cón che'n con' roo no con' xèn co' ndxàp Diox la's nii Diox no la's ya' Diox axta co'se' gàc huiz yòo gu' loo bé' par ban no gu' Diox thidtene tya. No lu' Diox con' co' yan' no gu' no co' gàc che'npe' gu' le'n huiz co' gàc lult tiemp loo izlyo' ndxè'. |
30606 | 2PE 3:17 | Por cona, ngue niin loo gu', mèn huesen por cón che'n Tad Jesucrist, gu' co' nque' lezon ñèen: Com le' gu' nonle' con' ndxè' nalle'que', ¿lé'?, leque gu' fquenap gu' par ne'cuee càde mèn gu' par quedìi mèn gu', mèn co' nac mèn ye'rsin', no tataa mod tyoo xà' lezo' gu' loo cón che'n Diox co' mbli nèe gu' gu'. |
31019 | REV 15:4 | ¿Chó mèn nac mèn co' nziri' loo izlyo' co' ne'zyebte ñèe U'? No ¿chó mèn nac mèn co' nziri' loo izlyo' co' ne'gabte loo xtàa le' U' nac Diox roo no Diox xèn, Tad? Ryete mèn nzyeb ñèe mèna U', ¿lé'? No ryete mèn gab le' U' nac Diox roo no Diox xèn, ne, ¿lé'?, Tad. Tataa gàca. Tad, angoluxte U' nac Diox natú'. Ndxe'leque', rye mèn co' nac mèn rye nación còo' yéc loo U' no tyub xib mèn loo U'. Tac mèn mbui'que' no gunaaque' mèn ryethe con' mbli U' ngòc con' nalì no con' nambìi. |
31080 | REV 18:18 | No co'se' ñèe mèna ndxetoo zen ndxol ciudaa, ngrozèe yii no ngrozèe den mèna. Mbez mèna loo mbii: ―¿Chó mèn ciuda lalque' gàc xal ngòc mèn ciuda roo ciuda xèn ba', yey? Yende chó mèn ciuda co' lalque' gàc xal ngòc mèn ciuda ba', ¿lé'?, cara. |