23240	MAT 2:2	Mnibdi's mèna loo mèn ciuda Jerusalén. Ndxab mèna: ―¿Máa mbeto' co' ngóolle'a, à', mbed co' gàc rey loo mèn nación Israel? Nu' gunèele' mbèelhui' co' mblu' le' mbed ngóolle'. Mbèelhui'a mbyú' loo loo nu' par ned ndlyen huiz. Cona, nde nu' axta trè' par tyub xib nu' loo mbed no par còo' nu' yéc nu' loo mbed co' gàc reya.
23441	MAT 8:27	Sya, ryete mèn co' ngua no Jesús, ante mbui' no ante gunaa mèna loo con' ngòc. Ndxab mèna: ―¿Chó mbi' nac mbi' ba'? ¿Chonon tua'te ndxab mbi'? No ale xèegà nguled nxyo'f mbii. No xèegà nguled ndxetoo nít loo lagun.
23443	MAT 8:29	Cabii ngure bez ryop xa'bi'a loo Jesús. Ndxab xa'bi'a loo Jesús: ―¿Chonon nde U' co'te' nzo nu', à', Jesús, xgan'pe' Diox? ¿Ché' nde U' par tetìi U' nu' ndoore' gàc tiemp co'se' tetìi Diox nu', cà'?
23452	MAT 9:4	Per Jesús nonque' no naneeque' Jesús con' co' nzi li mèna xtùuz le'n lezo' mèna. Ndxab Jesús loo mèna: ―¿Chonon susque' nazab ngue li gu' xtùuz, à'?
23459	MAT 9:11	Co'se' ñèe mèn co' nac mèn xley' farise con'a, ndxab mèna loo myen' xin' mté'th Jesús: ―¿Chonon nzi yuhua no maistr gu' mèn co' ndli cobrar cón che'n contribución no mèn co' ncua'n xquin no co' ndxàp xtol ba', à'?
23462	MAT 9:14	Látha, note myen' xin' mté'th Juàn Bautist, ngro' nxon', mbi'th myen' loo Jesús. Ndxab myen' loo Jesús: ―¿Chonon nu', no mèn xley' farise, mbe xlat huax vez per myen' xin' mté'th U' ba' imbe xlatte, à', Tad?
23597	MAT 12:39	Jesús mcàb loo mèna. Ndxab Jesús: ―¿Mèn co' ngolo ngolux ñibe' loon par lin thìb con' co' nac yalguzye', cà'? Yende xàa. Ya yende chó más yalguzye' gàc loo mèn ba'. Ndxe'leque', thìb señ co' hui' mèn ba' gàc loo mèn xal señ co' ngòc loo Jonás co' mde'th di's co' ndxab Diox póla.
23662	MAT 13:54	Co'se' mzin Jesús làaz Jesús, tya mtlo Jesús, mblu' Jesús mèn co'te' ndub sinagog che'n mèn gulàaz Jesús. Le' rye mèn co' mqueltàa le'n sinagoga na, ante ngüi' mèna no ante ñaa mèna loo Jesús. No mbez mèna loo xtàa mèna: ―¿Pá ngua té'th mbi' ba' rye con' co' ndxác mbi' no xá mod susque' ndxác mbi' ba' ndli mbi' yalguzye' co' ndli mbi' ba', ne?
23704	MAT 15:2	―¿Chonon indubdi'ste myen' xin' mté'th lùu ba' cón che'n costumbr che'n xudgool na', à'? Ale ndxe'leque', intechte myen' ya' myen' ndoore' tyub myen' par hua myen' xalque' nac costumbr co' ngue no na' no co' mbed no na'.
23736	MAT 15:34	Sya, mnibdi's Jesús loo myen': ―¿Plá pan ngue no gu', à'? Myen' mcàb. Ndxab myen': ―Pente ngue no nu' gaz pan no ndxepte mbèel bix no maste.
23749	MAT 16:8	Jesús mden' lezo' no mda' Jesús cuent con' co' mbli myen' xtùuz. Ndxab Jesús loo myen': ―¿Chonon mbez gu' loo xtàa gu': Tatua' mbez Tad loo na' tac ingue node na' pan? Susque' pente ndxàp gu' yalxla's loon, yey.
23754	MAT 16:13	Co'se' mzin Jesús le'n yèezya' che'n làaz mèn ciuda Cesar co' mblec thìb mbi' co' lèe Lip Tetrarc, Jesús mnibdi's loo myen' xin' mté'th Jesús. Ndxab Jesús: ―¿Chó mèn mbez mèn nac daa, daa co' mbal yáal loo izlyo' xalque' ndxáal chol mèn loo izlyo' ndxè', à'?
23794	MAT 17:25	Pedr mcàb loo mèna. Ndxab Pedr loo mèna: ―Peser ta' maistra. Le' sya, texal ngòo Pedr le'n nyòo co'te' nzo Jesús, ale ner Jesús gunii loo Pedr. Ndxab Jesús loo Pedr: ―¿Xá neel, Mon? ¿Chó loo mèn ndli mèn co' ñibe' loo izlyo' ndxè' cuent ña'b mèna tmi par ta' mèn ayud che'n contribución, à'? ¿Ché' ndli mèna cuent ngue na'b mèna ayuda loo mèn gulàazpe' mèn o ché' ndli mèna cuent ña'b mèn ayud loo mèn tith co' nde làazpe' mèn co' nac trè', cà'?
23838	MAT 19:7	Sya, asembli mèn xley' farise. Mnibdi's mèn xley' farise loo Jesús. Ndxab mèna: ―¿Chonon mnibe' Moisés ta' thìb mènbi', co' nac sa'l thìb xa'got, ye's co' lèe act loo mèngot, sya ndli mènbi' par tataa mod lá' mènbi' xa'got co' nac sa'l mènbi', sya?
23848	MAT 19:17	Jesús mcàb loo mbyòo. Ndxab Jesús loo mbyòo: ―¿Chonon mbez lùu loon le' daa nac thìb maistr ndac, à'? Yende chó mèn co', lìcque', nac mèn ndac. Angoluxte Diox nac xa' ndac. Chele' lùu indlide cuent no inden'te lezo'l nac daa Diox, axta ne' ne' ñeel loon nac daa maistr ndac. Per chele' lùu, lìcque', lya's yòo ban nol Diox thidtene, ftubdi's xal nac di's co' ñibe' ley co' mxo'f Moisés loo mèn.
23882	MAT 20:21	Jesús mnibdi's loo xna' myen'. Ndxab Jesús: ―¿Cón ndlya'sl li na, ey? Xna' myen' ndxab loo Jesús: ―Co'se' ñibe'pe' U' loo nu' loo izlyo' ndxè', ta' U' lugar gàc thìb xgan' daa síndico no gàc tedib xgan' daa juez co' lyath no U' hora. Con'ate no más ndlyazen, Tad.
23893	MAT 20:32	Sya, nguled Jesús ned. Ngurez Jesús ryop xa'bi' sieua. Mnibdi's Jesús loo xa'. Ndxab Jesús: ―¿Cón ndlya's gu' li non gu', à', ey?
23905	MAT 21:10	Co'se' ngòo no Jesús rye mèn co' nda no Jesús ro ciuda Jerusalén, rye mèn ciuda Jerusalén ngro' che liz mèn. No mbyàa mbye'th lezo' mèn. Mbez mèn loo xtàa mèn: ―¿Chó mbi' nac mbi' co' nde go', yoo?
23918	MAT 21:23	Sya, ngòo Jesús le'n templ. Láth ngue lu' Jesús mèn co' nac cón che'n xti's Jesús no co' nac cón che'n xley' Jesús, ngua gax mèn co' ngòc jef co' más ñibe' loo rye nguley', no mèngool co' ñibe', no co' ndyoo ner, no co' ndyoo naa, loo mèn nación Israel loo Jesús. Mnibdi's mèna loo Jesús. Ndxab mèna: ―¿Chó mnibe' lool mblil con' mblil ná'a no pá ngua té'thl par ngóc mblil con'a, ne, à'?
23961	MAT 22:20	Co'se' gunèe Jesús pesa, mnibdi's Jesús loo mèna. Ndxab Jesús: ―¿Chó che'n gunab co' ngue loo pes ndxè' no chó che'n lèe co' ngue loo pes ndxè', à'?
23983	MAT 22:42	Jesús mnibdi's loo mèna. Ndxab Jesús: ―¿Xá nee gu'? ¿Cón ndli gu' xtùuz cón che'n Crist? ¿Chó xin nac Crist, à'? Mèna mcàb. Ndxab mèna loo Jesús: ―Crist nac xgan' David co' ngòc rey póla.
24131	MAT 26:8	Per co'se' ñèe myen' xin' mté'th Jesús ngue li xa'gota con'a loo Jesús, ale ngocloo myen'. No mtlo myen'. Mbez myen' loo xtàa myen': ―¿Chonon ale ngue teza'xù' xa'gota aceit ba', yoo?
24133	MAT 26:10	Jesús mbìn di's co' mdoodi's myen'a. Sya, ndxab Jesús loo myen': ―¿Chonon ngue li xol gu' xa'got ndxè' no ngue tethon gu' xa', à'? Con' co' ngue li xa'got ndxè' loon nac thìb con' ndac.
24138	MAT 26:15	Ndxab Jud loo mèn co' ngòc jef che'n rye nguley': ―¿Plál quix gu' càan chele' daa lu' Jesús loo gu' no cuanen mod taxù'en Jesús loo gu', à'? Sya, mèna mdix gal psi' pes plat loo Jud par li Jud con' ye'rsin'a.
24240	MAT 27:42	―¿Xá ngóc mbi' ba' mtelá' mbi' chol mèn loo chol yaltìi no nalle' ale ne'ngácte mbi' li mbi' par lyàa mbi' loo cruz co'te' ngue mbi' ba'? Chele' mbi' nacque' rey che'n mèn nación Israel, leque mbi' li par lyàa mbi' loo cruz co'te' ngue mbi' ba' par yila's na' no li la's na' lìcque' nac con' co' mbez mbi' nac mbi'.
24308	MRK 1:24	―¿Chonon ndxòo U' làth nu', à', Jesús, U' co' nac mèn yèez Nazaret? ¿Ché' nde U' trè' par telux U' nu', cà? Na ndlibeque' U' le' U' nac mbi' natú' che'n Diox. U' ngro' loo Diox. No mtel' Diox U' nde U' loo izlyo'.
24311	MRK 1:27	Le' sya, ryete mèn co' ñèe ndxàc con'a loo mbi', anze'f mzyeb mèn no mnibdi's mèn loo xtàa mèn. Ndxab mèn: ―¿Chó con' co' ndxàc ba', yoo? ¿Chó di's cub no cón nac co' ndlu' mbi' ba'? Mbi' ba' ndxàp con' roo no con' xèn la's nii mbi' no la's ya' mbi', cona, axta xpii ye'rsin' ndxòn ro mbi' no nden' xpii ye'rsin' di's co' mbez mbi' loo xpii ye'rsin'.
24337	MRK 2:8	Per yub Jesús non no nanee Jesús cón ngue li mèna xtùuz. Ndxab Jesús loo mèna: ―¿Chonon tatua' nzi li gu' xtùuz, à'?
24345	MRK 2:16	Co'se' ñèe mèn co' nac maistr co' ndlu' cón che'n ley co' mxo'f Moisés loo mèn no mèn che'n xley' farise le' Jesús thidte ndub yuhua no rye mèna loo mes, ndxab mèna loo myen' xin' mté'th Jesús: ―¿Xá mod ale thidte ngue yuhua maistr gu' no ale thidte ngue yu no maistr gu' mèn co' ndli cobrar cón che'n contribución no con mèn ye'rsin' co' anze'f thìb xtol ndxàp ba', à'?
24347	MRK 2:18	Thìb vez ngòc thìb con'. Co'se' ngure xlat myen' xin' mté'th Juàn Bautist no myen' xin' mté'th mèn xley' farise, mbi'th plá mèn loo Jesús. Mnibdi's mèna loo Jesús: ―¿Chonon mbe xlat myen' xin' mté'th Juàn Bautist no myen' xin' mté'th mèn xley' farise per myen' xin' mté'th lùu imbe xlatte, à'?
24361	MRK 3:4	Sya, ndxab Jesús loo mèn co' xèe nzi la's loo Jesús: ―¿Xá nee gu'? ¿Ché' nda' ley co' mxo'f Moisés loo mèn lugar li mèn con' ndac o li mèn con' ye'rsin' le'n huiz co' nac huiz descans co' nac huiz sabd no ché' nda' ley lugar loo mèn telá' mèn thìb mèn loo con' ryes o ché' nda' ley lugar guth mèn thìb mèn le'n huiz descans co' nac huiz sabd, cà'? Fcàb gu' loon, ey. Per ndxe'leque', mèna ne'ngácte ncàb loo Jesús. Ale mbyau' ro rye mèna.
24380	MRK 3:23	Sya, ngurez Jesús mèn co' ndlu' cón che'n ley co' mxo'f Moisés loo mèn. Mtetac Jesús thìb di's loo mèna. Ndxab Jesús: ―¿Xá mod leque Mebizya co'pe' Mebizya loo mèn, à'? ¡Máa yob yéc gu', na!
24432	MRK 4:40	Ngoloa, ndxab Jesús loo myen' xin' mté'th Jesús: ―¿Chonon susque' anze'f nzyeb gu', à', ey? ¿Xá mod susque' indxàpte gu' yalxla's con daa, yey?
24433	MRK 4:41	Per myen' xin' mté'th Jesús sate más mzyeb. No mbez myen' loo xtàa myen': ―¿Chó mbi' nac mbi' ba', cara? ¿Xá mod ale axta mbii no nít ndxòn ro mbi' ba' no ndubdi's mbii no nít ro mbi' ba'?
24442	MRK 5:9	Sya, mnibdi's Jesús loo mbi'. Ndxab Jesús loo mbi': ―¿Chó lèel, à'? Le' sya, xpii ye'rsin' co' nzo loo mbi'a mbli ndxab mbi': ―Nu' lèe Legión tac anze'f huax nac nu'.
24463	MRK 5:30	Lomisque', mden' Jesús le'n lezo' Jesús le' Diox mteyac thìb mèn yíiz por cón che'n con' roo con' xèn co' ndxàp Jesús la's nii Jesús no la's ya' Jesús. Sya, chàa, mbere Jesús, mbui' Jesús par ned xís Jesús. No mnibdi's Jesús loo mèna. Ndxab Jesús loo mèna: ―¿Chó gu' mbuàal xaben par ned xísen, à'?
24478	MRK 6:2	Co'se' ngòc huiz sabd co' ngòc huiz descans tiempa, Jesús mtlo mblu' mèn le'n sinagog mèn. Le' mèn co' mbìn di's co' mblu' Jesús na, ante ngüi' mèna no ante ñaa mèna loo Jesús. No mbez mèna loo xtàa mèna: ―¿Pá ngua té'th mbi' ba' rye di's co' ndyoodi's mbi'? No ¿pá ned ngro' co' ndxác mbi' ba' no yalguzye' co' ndli mbi', cara?
24514	MRK 6:38	Jesús ndxab loo myen': ―¿Plá pan ngue no gu', à'? Huaa tee hui' gu', ñeene'. Co'se' ngua tee hui' myen', ndye'th myen'. Ndxab myen' loo Jesús: ―Pente nzo ga'y pan no chop mbèel no maste.
24537	MRK 7:5	Sya, mèn co' nac mèn xley' farise no mèn co' nac maistr co' ndlu' cón che'n ley co' mxo'f Moisés loo mèn, mnibdi's mèna loo Jesús. Ndxab mèna loo Jesús: ―¿Chonon indlide myen' xin' mté'th lùu cas costumbr co' mtan' mèngool loo na', à'? Ale tua'te ya' myen' ndxuhua myen' xít myen' no lua' myen'. Intechte myen' ya' myen'.
24573	MRK 8:4	Myen' xin' mté'th Jesús mcàb. Ndxab myen' loo Jesús: ―¿Per xá mod ndlya's U' gàc hua mèn trè' co'te' yende chó mèn nac par ti' mèn con' hua mèn, Tad?
24574	MRK 8:5	Jesús mnibdi's loo myen'. Ndxab Jesús: ―¿Plá pan ngue no gu', à'? Myen' mcàb. Ndxab myen': ―Gaz pan no maste ngue no nu'.
24581	MRK 8:12	Sya, axta le'n lezo' Jesús mdi' lezo' Jesús. Ndxab Jesús loo mèn co' nziri' loo Jesús: ―¿Chonon ña'b mèn xley' farise co' nziri' go' loon par lin gàc thìb con' xal thìb señ loo bé' co' nac thìb yalguzye' loo mèn ba', yey? Lìcpe' ba'i, na nii loo gu': Nec thìb señ ne'gàcte loo mèn ba' thidtene.
24586	MRK 8:17	Per Jesús mda' cuent no mden' lezo' Jesús cón che'n di's co' gunii myen'. Ndxab Jesús loo myen': ―¿Chonon mbez gu' le' gu' ingue node pan, à'? ¿Ché' axta nalle' tarte ta' gu' cuent co' mbezen loo gu' co' huenleque', cà'? ¿Chonon susque' naad gu' no nguud gu', yoo?
24596	MRK 8:27	Ngoloa, ngua Jesús con myen' xin' mté'th Jesús le'n rye yèezya' che'n làaz mèn ciuda Cesar co' mnibe' thìb mbi' co' lèe Lip. Co'se' ndoo Jesús ned nda Jesús con myen' xin' mté'th Jesús, mnibdi's Jesús loo myen' xin' mté'th Jesús. Ndxab Jesús: ―¿Xá nee gu'? ¿Chó mbez mèn nac daa, à'?
24617	MRK 9:10	Por cona, xexte ngòc myen'. Le'n lezo'te myen' non myen' cón gunèe myen'a. Per mnibdi'sque' myen' loo xtàa myen'. Ndxab myèn: ―¿Cón nee di's di's co' ngolo gunee Jesús loo na' le' Jesús ryo xban làth mèn nguth, à', cara?
24623	MRK 9:16	Sya, mnibdi's Jesús loo myen' xin' mté'th Jesús. Ndxab Jesús loo myen': ―¿Cón nzi toodi's gu' con mèn ba', ey? Susque' nen ngure toodi's gu'. No susque' noo noo ndyoodi's gu'.
24628	MRK 9:21	Sya, mnibdi's Jesús loo xud mbyòo. Ndxab Jesús: ―¿Pól mtlo ndxàc mxen mbii mbyòo, à'? Xud mbyòo ndxab loo Jesús: ―Anon ndoo xèn mbyòo ngulen yíiz ba' loo mbyòo, Tad.
24640	MRK 9:33	Ngoloa, nda Jesús con myen' xin' mté'th Jesús par yèez Capernaum. Co'se' mzin Jesús tya, ngòo Jesús liz thìb mbi'. Tya, mnibdi's Jesús loo myen' xin' mté'th Jesús. Ndxab Jesús: ―¿Chó cón che'n con' ngue toodi's gu' ned nde na', à'? Susque' noo noo ndyoodi's gu' con xtàa gu', ne.
24660	MRK 10:3	Jesús mcàb loo mèna. Ndxab Jesús: ―¿Cón mnibe' Moisés loo gu' co' nac ley co' mxo'f Moisés loo gu', à'?
24675	MRK 10:18	Jesús mcàb loo mbi'. Ndxab Jesús: ―¿Chonon mbezl loon anze'f maistr ndac nac daa, à'? Yende chó mèn co', lìcque', nac xa' ndac. Angoluxte yub Diox nac xa' ndac. Chele' lùu indlide cuent no inden'te lezo'l nac daa Diox, axta ne' ne' ñeel loon nac daa maistr ndac.
24693	MRK 10:36	Jesús mnibdi's loo myen'. Ndxab Jesús: ―¿Chó favor ndlya's gu' lin loo gu', à', ey?
24708	MRK 10:51	Sya, mnibdi's Jesús loo mbi'. Ndxab Jesús: ―¿Cón ndlya'sl li nonl, à', ey? Mbi' sieu mcàb. Ndxab mbi': ―Maistr, daa ndlyaz tub U' xnìi ngudloon par ndxe'sleque' hui'en.
24714	MRK 11:5	Sya, ndxab ndxep mèn co' ngure co'te' ndoo quedó' burra loo myen': ―¿Cón ngue li no gu' burr ba', ngue xac gu' burr ba', à'?
24751	MRK 12:9	Sya, mnibdi's Jesús loo mèna. Ndxab Jesús loo mèna: ―¿Xá nee gu'? ¿Cón li mbi' co' nac xuan' xyòn lus uva con mèna, à'? Na nii loo gu' cón li mbi'. Mbi' yi'th. No guth mbi' mèna. No ta' mbi' xyòn mbi' co'te' nzo'f lus uva loo tedib cua' mèn co' ndli leque zin'a, ¿lé'?
24757	MRK 12:15	Per Jesús mda'que' cuent no nonque' Jesús xá nac mod co' ndxàp mèna co'se' ntembìi ro mèna no ntembìi xti's mèna loo Jesús. Sya, ndxab Jesús loo mèna: ―¿Chonon ncua'n gu' mod asendli gu' par yigaa daa loo gu' xal co'se' ndxegaa mèn loo tramp, à'? Huàa xi gu' thìb pes gu' par hui'en ñeene' xá ñaai.
24758	MRK 12:16	Sya, ngua xi mèna thìb pes pchò. Co'se' gunèe Jesús pesa, mnibdi's Jesús loo mèna. Ndxab Jesús: ―¿Chó che'n gunab co' ngue loo pes ndxè'? no ¿chó che'n lèe co' ngue loo pes ndxè', ne, à'? Sya, ncàb mèna loo Jesús. Ndxab mèna: ―Gunab ba' no lèe ba' nac che'n gobiern co' ndub ciuda Rom.
24777	MRK 12:35	Jesús ngue lu' mèn le'n templ thìb vez. No mbez Jesús loo mèn: ―¿Xá nee gu'? ¿Xá mod chonon mbez mèn co' nac maistr co' ndlu' cón che'n ley co' mxo'f Moisés loo mèn le' Crist nac xgan' David co' ngòc rey póla, à'?
24827	MRK 14:4	Per ndxep mèn co' ngo tya, mèna ale ngocloo gunèe xa'gota. Ndxab mèna loo xtàa mèna: ―¿Chonon ale ngue teza'xù' xa'got ba' aceit co' anze'f nazi' ndlya', yoo?
24886	MRK 14:63	Co'se' mbìn mbi' co' ngòc jef che'n nguley' co' más ñibe' tataa ndxab Jesús, ale mched yèe mbi' xab mbi' tac mden' mbi' le' Jesús gunii yèe gunii tìi cón che'n Diox. Sya, ndxab mbi' loo mèn co' nziri' no mbi'a: ―¿Cón li no na' más mèn co' ta' cuent cón che'n mbi' ba'? Con di's co' ngolo gunee mbi' ba' ngogaale' mbi' loo yalgutyè' mbi'.
24904	MRK 15:9	Pilat mcàb loo mèna. Ndxab Pilat: ―¿Chó ndlya's gu' telá'en, à'? ¿Ché' ndlya's gu' telá'en mbi' co' mbez nac rey che'n mèn nación Israel, cà'?
24907	MRK 15:12	Sya, mnibdi's Pilat loo rye mèna. Ndxab Pilat: ―¿Cón ndlya's gu' li non mbi' co' mbez mèn nac rey che'n mèn nación Israel, à'?
24980	LUK 1:18	Zacari mnibdi's loo angl. Ndxab Zacari loo angl: ―¿Xá mod gác yilazen ché', lìcque', gàc con' co' ngue nee U' loon ba', à'? Hui' U' nexa. Daa ngoxle' no xa'got daa ngoxle', ne.
24996	LUK 1:34	Sya, mnibdi's Mari loo angl. Ndxab Mari loo angl: ―¿Xá mod gàc con' ndxè' loon, yey? Daa tarte que no sa'len. Más de cona, tarte neen cón mènbi'.
25005	LUK 1:43	Tolo mdoodi's Elisabet. Ndxab Elisabet loo Mari: ―¿Chó nac daa par yi'th too naa xna' Tad daa daa, yoo? Yende cón ntac daa, ndyaquen.
25023	LUK 1:61	Mèna ndxab loo xna' mbed: ―¿Chonon indlya'stel ryo' lèe mbed Zacari, à'? Yende chó mèn gulizl nzo co' lèe Juàn, ¿lé'?
25028	LUK 1:66	Co'se' mbìn rye mèn par neda con' co' ngòc loo Elisabeta, mbli mèna xtùuz no mnibdi's thìb thìb mèna loo thìb xtàa mèna no loo tedib xtàa mèna: ―¿Cón li mbeda? No ¿cón gác mbeda? Tac, lìcpe' ba'i, anze'f thìb con' ndac angmbli Tad Diox loo mbeda.
25091	LUK 2:49	Sya, mcàb Jesús loo Chè no loo Mari. Ndxab Jesús: ―¿Chonon ngue tee cua'n gu' daa, à'? ¿Ché' inonte gu' le' daa naquinque' xo'f zin' zin' loo con' co' nac cón che'n xudpe'en, cà'?
25104	LUK 3:10	Sya, mnibdi's mèna loo Juàn. Ndxab mèna: ―¿Cón ndxàal li nu' loo cón che'n Diox nalle', sya?
25154	LUK 4:22	Látha, rye mèna huenque' mdoodi's cón che'n Jesús. No ante ngüi' mèna no ante ñaa mèna cón che'n di's co' nabe's ndyoodi's Jesús loo mèna. No ale mnibdi's mèna loo xtàa mèna. Mbez mèna: ―¿Xá nee gu'? ¿Ché' inacte mbi' ba' xgan' Chè, cà'?
25198	LUK 5:22	Per Jesús nonque' con' co' ngue li mèna xtùuz. Ndxab Jesús loo mèna: ―¿Chonon tatua' ndli gu' xtùuz le'n lezo' gu', à'? ¿Xá nee gu'?
25206	LUK 5:30	Mèn co' ngòc mèn xley' farise no mèn co' ngòc maistr co' mblu' cón che'n ley co' mxo'f Moisés loo mèn, mèna nziri' loo lue' no ro ryo' liz Leví. Nzi la's mèna xal ngue yuhua no Jesús Leví no taamas mèn co' mqueltàaa. Sya, mtlo mèna, xexte ngue bez mèna loo myen' xin' mté'th Jesús. Ndxab mèna: ―¿Chonon nzi yuhua no gu' mèn co' ndli cobrar cón che'n contribución no con mèn co' ndxàp xtol, à'?
25209	LUK 5:33	Sya, mnibdi's mèn farise no mèn co' ngòc maistr co' ndlu' cón che'n ley co' mxo'f Moisés loo mèn loo Jesús. Ndxab mèna: ―¿Chonon mèn co' ngòc xin' mté'th Juàn no mèn co' ngòc xin' mté'th mèn xley' farise anze'f ngure xlat no ngòc mèna mèn co' anze'f ngurez Diox. Per ndxe'leque', myen' xin' mté'th lùu ba' ale ndxuhuaque' no ndxuque', à'?
25217	LUK 6:2	Sya, ndxab ndxep mèn xley' farise co' nziri' tya loo myen' xin' mté'th Jesús: ―¿Chonon indyubdi'ste gu' xal mnibe' Moisés loo na' loo ley co' mxo'f Moisés loo na' par ne'lide gu' zin' huiz descans co' nac huiz sabd, à'?
25226	LUK 6:11	Syase, por derech, ngòc loc mèn xley' farise no mèn co' ngòc maistr che'n ley co' mxo'f Moisés loo mèn, tant ngro' nayi' mèna gunèe mèna Jesús. Mtlo mèna, mbez mèna loo thìb xtàa mèn no loo tedib xtàa mèn: ―¿Cón li no na' mbi' ba' par guth na' mbi' ba' thidtene, cara?
25295	LUK 7:31	Tad Jesús ndxab loo mèna: ―¿Xá nee gu'? ¿Chó con' tetaquen mèn co' nziri' tiemp ndxè', à'? ¿Chó con' nac lalque' xal mèn ndxè', à'?
25313	LUK 7:49	Le' mèn co' ndxab Mon ya thuhua mèn sa lua' liz Mon na, mèna nzi ndub no Jesús loo mes, ne. Mtlo mèna, mbez mèna loo xtàa mèna: ―¿Xá nee gu'? ¿Chó mbi' ndli mbi' ba' cuent nac mbi' tac ale mbez mbi' axta xtol mèn no xquin mèn nton' mbi'?
25323	LUK 8:9	Myen' xin' mté'th Jesús mnibdi's loo Jesús. Ndxab myen': ―¿Cón nee di's di's co' mtetac U' loo mèna, à', Tad?
25339	LUK 8:25	Sya, ndxab Jesús loo myen' xin' mté'th Jesús: ―¿Máa yalxla's co' ndxàp gu' loo Diox no loon, à', ey? Per myen', ale ndxe'leque', mzyeb tín'. No ale ante mbui' myen' no ante gunaa myen' loo Jesús. No mnibdi's myen' loo thìb xtàa myen' no loo tedib xtàa myen'. Mbez myen': ―¿Chó mbi' nac mbi' ba', yey? Ale ante mnibe' mbi' loo mbii no loo nít, xèe ngure mbii no xèe ngure nít co' ndxetoo ba'.
25342	LUK 8:28	Co'se' gunèe mbi' Jesús, xpii meexù'a mbli mdub xib mbi' loo Jesús. No mbli xpii meexù' ngrozèe yii no ngrozèe den mbi'. Ndxab mbi' loo Jesús: ―¿Chonon ngue go U' xí U' loo cuent cón chenen, Jesús, xgan' Diox, co' ñibe' loo ryethe con', à'? Ña'ben loo U', ne'tetìide U' arid daa, Tad.
25344	LUK 8:30	Jesús mnibdi's loo mbi'. Ndxab Jesús: ―¿Chó lèel, à'? Per xpii meexù' co' nzo loo mbi' mbli par ndxab mbi': ―Daa lèe Legión. Tataa mod ndxab mbi' loo Jesús tac thìb baan ngòc xpii meexù' co' ngòo loo mbi'a.
25359	LUK 8:45	Sya, mnibdi's Jesús loo mèn co' nda no Jesús loo ned. Ndxab Jesús: ―¿Chó gu' mbuàal daa, à', ey? Ryete mèna mcàb. Ndxab mèna: ―Nec thìb nu' ne'ngàalte U'. Pedr mcàb. Ndxab Pedr con myen' xtàa Pedr loo Jesús: ―Maistr, ¿ché' iñeede U' mèn nzi chep U' rye lad no ndí' mèn U' rye lad? No mbez U': ¿Chó gu' mbuàal daa, à', ey?
25458	LUK 10:26	Jesús mcàb. Ndxab Jesús loo mbi'a: ―¿Cón mbez di's co' ndub loo ley co' mxo'f Moisés loo mèn póla, à'? ¿Cón nee di's di'sa co'se' ndlabl di'sa, à'?
25468	LUK 10:36	Ngoloa, ndxab Jesús loo mbi' co' nac maistr: ―¿Xá neel, maistr? Loo yon mèna, ¿chó mèn ndyacl ngòc hues no xtàa che'n prob mbi' co' mbli huan' huan'a, à'?
25570	LUK 12:42	Ndxab Tad Jesús loo Pedr: ―¿Chó moz ñibe' patrón gàc moz mandador liz patrón, no loo taamas moz liz patrón par ñibe' moza loo taamas moz, no ta' moz con' hua xtàa moz co'se' gáal hor hua moz, à'? Niin loo gu' chó gàc moza. Gàc moz mandador, moz co' altant ndoo loo zin' patrón no co' ndyubdi's ndac loo patrón. Huen nda moza co'se' ndye'th patrón moz, ngua patrón moz viaj,
25607	LUK 13:20	Ndxab Jesús loo mèn, ne: ―¿Xá nee gu'? ¿Chó con' tetaquen mod co' ndxàc co'se' tlo ñibe'pe' Diox loo mèn nalle'?
25625	LUK 14:3	Sya, mnibdi's Jesús loo mèn co' ngòc maistr che'n ley co' mxo'f Moisés loo mèn no loo mèn xley' farise. Ndxab Jesús: ―¿Xá nee gu'? ¿Ché' ndxàal teyaquen thìb mbíiz huiz co' nac huiz descans o ché' indxàalte lina, cà'?
25740	LUK 17:20	Leque sya, mèn xley' farise mnibdi's loo Jesús. Ndxab mèna loo Jesús: ―¿Pólxe gàc tiemp co'se' tlo ñibe'pe' Diox loo mèn, à'? Jesús mcàb loo mèna. Ndxab Jesús: ―Co'se' tlo ñibe'pe' Diox loo mèn, ne'yú'da loo mèn xal co'se' ñibe'pe' chol rey loo mèn loo izlyo' ndxè'.
25757	LUK 17:37	Co'se' mbìn mèna tataa ndxab Jesús, mnibdi's mèna loo Jesús. Ndxab mèna: ―¿Pá gàc con'a, Tad? Jesús mcàb. Mtetac Jesús thìb di's loo mèna. Ndxab Jesús: ―Pues, gu' nda' cuent co'te' nax nde'f thìb má' ya's, anze'f thìb ngool ndlyàa loo má' ya's tya, ¿lé'?
25776	LUK 18:19	Jesús ndxab loo mbi': ―¿Chonon mbezl Maistr Ndac nac daa, à'? Yende chó mèn nac xa' ndac. Ante thìb xa' co' nac Diox nac xa' ndac. Chele' lùu indlide cuent no inden'te lùu le'n lezo lùu nac daa Diox, ne' ne' ñeel loon Maistr Ndac.
25793	LUK 18:36	Co'se' ndub yòn prob mbi' sieua ndoo riid mèn ned, mnibdi's mbi' loo mèn. Ndxab mbi': ―¿Cón ndxàc? ¡Susque' thìb mèn ndoo riid!
25798	LUK 18:41	―¿Cón ndlya'sl li nonl, à', ey? Mbi' sieua ndxab loo Jesús: ―Tad, ndlyazen ftub U' xnìi ngudloon par hui'en, yey.
25833	LUK 19:33	Sya, ngua xac myen' burr. Per co'se' gunèe mbi' co' ngòc xuan' burra ngue xac myen' burr, mbi'th nibdi's mbi' loo myen'. Ndxab mbi' loo myen': ―¿Chonon ngue xac gu' burr daa ba', à'?
25853	LUK 20:5	Lugar de càb mèna loo Jesús, ale mtlo mèna, mdoodi's mèna con xtàa mèna. Ndxab mèna: ―¿Xá nee gu'? ¿Cón gab na' loo mbi' ba'? Chele na' gab: Diox mnibe' loo Juàn, sya, ñee mbi' loo na': ¿Chonon ne'ngala'ste gu' con' mbli Juàn, sya?
25863	LUK 20:15	Sya, mxen mèna mbyòo. Mblo' mèna mbyòo thìb lad ro yòo lus uva. Mbeth mèna mbyòo. Sya, mnibdi's Jesús loo mèn co' nzi yòn di'sa: ―¿Xá nee gu'? ¿Cón li mbi' co' nac che'n yòo lus uva loo mèn ye'rsin'a, à'?
25865	LUK 20:17	Per Jesús xèe mbui' loo rye mèna. Sya, ndxab Jesús loo mèna: ―¿Cón nee di's di's co' ndub loo libr co' nac xti's Diox, à'? Di'sa nac di's ndxè': Quèe co' mblobii mèn co' nac albañil, co' mbli mèn albañil cuent yende chó juis quèea, leque quèea ngòc quèe scaudr co' más ntac. Quèea ngòc quèe co' ndub squin yòo.
25871	LUK 20:23	Per Jesús nonque' no naneeque' Jesús xá nac xtùuz ye'rsin' co' ngue li mèna xtùuz. Jesùs ndxab loo mèna: ―¿Chonon ngue gàal di's gu' daa par tyenxù' gu' daa por di's co' càben loo gu', à'?
25872	LUK 20:24	Blu' gu' thìb pes plat loon par hui'en ñeene' ¿chó che'n gunab co' ngue loo pes ndxè' no chó lèe mbi' co' nac che'n gunab co' ndub loo pes ndxè', à'? Sya, mblu' mèna thìb pes plat loo Jesús. Jesús ndxab loo mèna: ―¿Chó che'n gunab ngue loo pes ndxè', à'? Mèna ndxab: ―Gunab che'n Ces co' nac gobiern na.
25889	LUK 20:41	Jesús ndxab loo mèna: ―¿Xá mod mbez mèn le' Crist nac xgan' David co' ngòc rey póla, sya?
25956	LUK 22:23	Sya, mtlo myen' xin' mté'th Jesús, mnibdi's myen' loo xtàa myen'. Mbez myen: ―¿Chó nac na' co' ta'xù' Jesús loo mèna, cara?
25957	LUK 22:24	Leque xhuina mque di's myen' làth xtàa myen'. Mbez myen': ―¿Chó na' gàc co' más ñibe' loo xtàa na' yiloa, à'?