23242	MAT 2:4	Sya, mbli Herod mandad. Ndye'th ryete mèn co' ngòc jef co' más mnibe' loo nguley' no mèn co' ngòc maistr co' ndlu' cón che'n ley co' mxo'f Moisés loo mèn nación Israel tiempa. Mnibdi's Herod loo mèna. Ndxab Herod: ―¿Ché' non gu' pá gàc co'te' gáal Crist, à'?
23476	MAT 9:28	Co'se' ngòo Jesús liz mèn co'te' nguled Jesús yèez Capernaum, ryop xa'bi' sieua mbii gax loo Jesús. Jesús mnibdi's loo ryop xa'bi' sieua: ―¿Ché' ndxela's gu' le' daa gác li par hui' gu', cà'? Ryop xa'bi' sieu mcàb: ―Aa, Tad. Ndxela'sque' nu'i.
23531	MAT 11:3	par ya nibdi's myen' loo Jesús. Ndxab myen' loo Jesús: ―¿Ché' U' nac Crist co' ndxath yi'tha o ché' más huen cued nu' yi'th tedib xa' co' nacpe' Crist, cà'?
23569	MAT 12:11	Mcàb Jesús loo mèna. Ndxab Jesús: ―¿Ché' nzo chó thìb gu' co' nzo làth gu' ndxè', angab na'i, chele' gu' ngue no thìb mbacxil' no ngob che mbacxil'a le'n thìb tó' le'xque' huiz sabd co' nac huiz descans, ché' ne'co'de gu' mbacxil'a le'n tó', sya, cà'?
23581	MAT 12:23	Co'se' ñèe mèn co' nziri' loo Jesús le' Jesús mbli con'a, ante mbui' mèna no ante gunaa mèna. Mbez mèna: ―¿Ché' mbi' ba' co' mbez mèn nac xgan' David co' ngòc rey póla, cà'?
23606	MAT 12:48	Per ndxe'leque', Jesús mcàb loo xa' co' mbli avis loo Jesús. Ndxab Jesús: ―¿Ché' ndlya'sl niin lool chó mèn, lìcque', nac xal xnan no chó mèn, lìcque', nac xal huesen, cà'? Na nii lool chó nac xal xnan no chó nac xal huesen.
23636	MAT 13:28	Patrón mcàb loo moz. Ndxab patrón: ―Nzo chó mbi' co' ndxecloo ñèe daa ngua li con'a loo xyònen. Sya, mnibdi's moz loo patrón. Ndxab moz: ―¿Ché' ndlya's U' ya quib nu' huan co' ñaa xal ñaa ña', cà'?
23659	MAT 13:51	Sya, mnibdi's Jesús loo myen' xin' mté'th Jesús. Ndxab Jesús loo myen': ―¿Ché' ndxaa'd ryethe di's ndxè' le'n quèe yéc gu' no le'n lezo' gu', à'? Myen' xin' mté'th Jesús ndxab: ―Aa, Tad. Ndxaa'dque' di's ba' le'n quèe yéc nu' no le'n lezo' nu'.
23718	MAT 15:16	Jesús ndxab loo myen' xin' mté'th Jesús: ―¿Ché' no gu' inda'de cuent cón che'n di's co' mtetaquen loo mèna, cà'?
23745	MAT 16:4	Tolo ndxab Jesús loo mèna: ―¿Gu' co' nac mèn ye'rsin', gu' ñibe' loon par lin thìb yalguzye' co' ndlya's gu' hui' gu', cà'? Yende xàa. Ya yende chó más yalguzye' lin loo gu' par hui' gu'. Ndxe'leque', con' ndxè' no maste niin loo gu': Con' co' ngòc loo Jonás póla nac co' ta' cuent loo gu' cón che'n con' co' gàc loon yiloa. Ngolo mdoodi's Jesús di'sa, taate mbyan' mèna tya. Ne'ncàbte mèna loo Jesús. Le' Jesús na, mxen ned. Ndyàa Jesús.
23834	MAT 19:3	Sya, ngua plá mèn xley' farise loo Jesús par ñee mèna ñeene' ché' tli mèna gan gàal di's mèna Jesús par tataa mod quexù' que' fals mèna Jesús yiloa. Asembli mèna, mnibdi's mèna loo Jesús. Ndxab mèna: ―¿Ché' nzo mod lá' thìb mbi' thìb xa'got co' nac sa'lpe' mbi' por chol con' bix co' mbli xa'gota no maste, à'?
23835	MAT 19:4	Jesús mcàb loo mèna. Ndxab Jesús: ―¿Ché' tarte lab gu' di's co' ndub loo libr co' nac xti's Diox, cà'? No ¿ché' tarte ta' gu' cuent cón nee di's di'sa? Co'se' mblec Diox no mtoxcua' Diox izlyo', Diox mbli thìb con'. Mblec Diox mènbi' no mèngot loo izlyo'.
23849	MAT 19:18	Mbyòo mcàb. Ndxab mbyòo loo Jesús: ―¿Chópe' yalñibe' nac co' más ñibe' ley co' mxo'f Moisés loo mèn par lina, à', Tad? Jesús ndxab loo mbyòo: ―Yalñibe'a nac di's ndxè': Ne'guthtel mèn; ne'que tee lidel yalburrid; ne'li huan'tel; ne'toxcua'del yalgutyè' cón che'n nec thìb mèn.
23911	MAT 21:16	Ndxab mèna loo Jesús: ―¿Ché' ndxònl con' mbez myen' bix ba', à'? Jesús mcàb loo mèna. Ndxab Jesús: ―Aa. Ndxònquena. ¿Ché' tarte lab gu' loo libr co' nac xti's Diox co' nda' cuent xal nac di's co' mbez myen' ba', cà? Loo libr ndub di's co' mbez taandxè': Lùu mbli le' myen' bix no rye mbeto' co' be' ndxàaz ndxol' ro labans co' nac di's roo di's xèn co' ngue te'th myen' cón chenen.
23937	MAT 21:42	Jesús mcàb loo mèna. Ndxab Jesús: ―¿Ché' thidtene tarte lab gu' di's co' ndub loo libr co' nac xti's Diox cà? Hui' gu' nexa. Di's mbez taandxè': Quèe co' mblobii albañil thìb lad, leque quèea mbli sirv par ngòc quèea quèe scuadr co' mdub squin yòo. Yub Tad Diox mbli con'a. No por cona, ante ngüi' na' no ante ñaa na' xal mbez di's ndxè' loo con' co' ngòca.
24028	MAT 24:2	Per ale le'le' mcàb Jesús. Ndxab Jesús loo myen': ―¿Ché' nzi tee yot gu', ngüi' gu' loo templ ndxè' no ndli gu' xtùuz cón che'n templ ndxè', ne, cà'? Per hui' gu' nexa. Lìcque' nac di's co' nde niin loo gu' ndxè': Desde nalle' par delant, nde zin' gaxle' le' mèn sil templ ndxè'. No ya ne'hui'de gu' nec thìb quèe loo ftoo ndxè'. Thidtene telux mèn templ ndxè'.
24185	MAT 26:62	Sya, ngo too nde'f mbi' co' nac jef co' más ñibe' loo rye nguley'. Ndxab mbi' loo Jesús: ―¿Ché' yende mod càbl loo ryop mbi' ba', cà'? ¿Xá mod chonon tatua' nac rye di's co' mbez ryop mbi' cón che'nl, à'? ¡Fcàb!
24211	MAT 27:13	Sya, ndxab Pilat loo Jesús: ―¿Ché' indxònte lùu no ché' inden'te lùu rye di's co' mbez mèn ba' cón che'n lùu, cà'?
24348	MRK 2:19	Jesús mcàb loo mèna. Ndxab Jesús: ―¿Ché' ngue li gu' xtùuz nzo mod cue xlat mèn co' ngòc convid par ya thuhua mèn co'te' mselya' thìb ned myen' co' mselya' láth nzi mèna liz myen' con myen' co' mselya'a, cà'? Yende xàa. Chele' myen' co' mselya'a nziri' con mèn co' ngòc convida, yende mod cue xlat mèna, ey.
24390	MRK 3:33	Per Jesús ndxab loo mèna: ―¿Ché' ndlya's gu' niin loo gu' chó mèn, lìcque', nac xal xnan no myen' huesen?
24405	MRK 4:13	Tolo ndxab Jesús loo mèna no loo myen' xin' mté'th Jesús: ―¿Ché' no gu' ne'nda'de cuent cón che'n di's co' mtetaquen loo gu', cà'? Chele' gu' ne'nda'de cuent cón nee di's co' ngolo guniin loo gu'a, ¿xá mod ta' gu' cuent no ten' gu' cón che'n taamas di's co' tolo tetaquen loo mèn, sya?
24413	MRK 4:21	Ndxab Jesús loo mèn, ne: ―¿Ché' nzo mod tub mèn thìb lampr co' nzo xnìi le'n thìb cajón o tub mèn lampr xàn' thìb lun', cà'? Yende xàa. Ndxe'leque', mèn quetal lampr gáp par tenìi lampr loo mèn.
24550	MRK 7:18	Jesús ndxab loo myen': ―¿Ché' no gu' inda'de cuent cón nee di's co' mtetaquen loo mèna, cà'? ¿Ché' iñeede gu' no ché' inda'de gu' cuent le' ryete con' co' nac xít mèn no lua' mèn co' ndxuhua mèn ndxòo le'n xti' mèn? No indlide con'a con' ye'rsin' loo mèn par li mèn con' ye'rsin' loo Diox.
24585	MRK 8:16	Le' myen' xin' mté'th Jesús na, mtlo myen', ndxab myen' loo thìb xtàa myen' no loo tedib xtàa myen': ―¿Ché' por ne'nte'de lezo' na' ndi' na' pan, cona tataa gunee Jesús loo na', cà'? Thìb descuid conai, ¿lé'?
24589	MRK 8:20	Tolo ndxab Jesús loo myen', ne: ―¿Ché' ne'tyede lezo' gu', ne, co'se' mchì'xen gaz pan par nduhua thap mil mèn, plá cardor le' pan co' be' mbyan' xo'f loo gaz pan co' mblin mbyar' mthop gu', à'? Myen' mcàb loo Jesús tedib vez. Ndxab myen': ―Lìca, Tad, mthop nu' gaz cardora tiempa, ne.
24598	MRK 8:29	Sya, mnibdi's Jesús loo myen' xin' mté'th Jesús. Ndxab Jesús loo myen': ―¿Gu' à'? ¿Chó mèn mbez gu' nac daa? Sya, chàa, ngro' nxon' Pedr loo Jesús. Ndxab Pedr: U' nac yub Cristpe', Tad.
24864	MRK 14:41	Ngolo mbyon vez ndye'th Jesús co'te' mbyan' Pedr, no Cob, no Juàn par ñèe Jesús máa myen'. Ndxab Jesús loo myen': ―¿Ché' ngue li gu' cuent gàt gu' nal xhuin, cà'? Pà gàt gu'. Mzinle' hor co'se' ta'xù' thìb mbi' daa, daa co' mbal yáal loo izlyo' ndxè' xalque' ndxáal chol mèn loo izlyo', loo mèn ye'rsin' co' ndxàp xquin no co' ndxàp xtol.
24883	MRK 14:60	Sya, ngoo too nde'f mbi' co' nac jef che'n nguley' co' más ñibe' loo rye nguley' làth rye mèna. Mnibdi's mbi' loo Jesús. Ndxab mbi': ―¿Ché' yende chó di's ndlya'sl ñeel loon, cà'? ¿Xá mod chonon tatua' mbez mèn ba' cón che'nl, cara?
24897	MRK 15:2	Sya, mnibdi's Pilat loo Jesús. Ndxab Pilat: ―¿Ché' nac lùu rey che'n mèn nación Israel, cà'? Jesús mcàb. Ndxab Jesús loo Pilat: ―Aa. Nac daa rey, pues, xalque' ngolo guneela ba'.
24899	MRK 15:4	Le' sya, mbere Pilat, mnibdi's Pilat loo Jesús. Ndxab Pilat: ―¿Ché' yende chó di's lya'sl càbl loo mèn ba', cà'? Hui' no maste napló con' ngue quexù' ngue que' fals mèn ba' lùu.
25218	LUK 6:3	Per ale le'le' yub Jesús mcàb loo mèna. Ndxab Jesús: ―¿Ché' tarte lab gu' di's co' ndub loo libr co' nac xti's Diox co' nda' cuent no co' ndlu' cón che'n con' co' mbli David co' ngòc rey póla thìb vez co'se' mblyan' David no mblyan' mèn co' mque tee no Davida, cà'?
25308	LUK 7:44	Látha, xèe ngüi' Jesús loo xa'gota. Ndxab Jesús loo Mon: ―¿Ché' ngue hui'l con' ngue li no xa'got ndxè' daa, à'? Anon ngòon lizl, ne'nda'del nít loon par ntechen niin. Per ndxe'leque', xa'got ndxè' mtech niin con nít loo xa' co' ndxón' xa'. No mtecui's xa'got ndxè' niin con yis yéc xa'.
25388	LUK 9:18	Thìb vez co'se' ngue bez Jesús Diox thìb lad, no thidte ngure no myen' xin' mté'th Jesús con Jesús tya, ngolo ngurez Jesús Diox, mnibdi's Jesús loo myen' xin' mté'th Jesús. Ndxab Jesús: ―¿Ché' nzo cón ndxòn gu' chó mbez mèn nac daa, à'?
25485	LUK 11:11	Ngoloa, mnibdi's Jesús thìb di's loo mèn. Ndxab Jesús: ―¿Ché' nzo chó gu' co' nac gundan loo xin' gu' co' nzo trè', angab na'i, chele' xin' gu'a ña'b sa pan hua xin' gu', ché' tli gu' ryes ta' gu' thìb quèe hua xin' gu'a co'se' ña'b xin' gu' pan, cà'? o ¿ché' tli gu' ryes ta' gu' thìb mbel' hua xin' gu' co'se' ndlya's xin' gu' hua xin' gu' thìb le' mbèel, cà'?
25589	LUK 13:2	Jesús ndxab loo mèna: ―¿Ché' ndli gu' xtùuz no ché' ndli gu' cuent le' con' co' ngòc loo mèn par ned le'n yèezya' che'n làaz mèn galile ngòc loo mèna por ngòc mèna mèn co' ngòp más xquin no xtol leque taamas mèn co' ngòc mèn gulàaz mèna, cà'?
25610	LUK 13:23	Ned nguri'th Jesús ngo thìb mbi' co' mnibdi's thìb con' loo Jesús. Ndxab mbi' loo Jesús: ―¿Ché' ndyac U' ndxepte mèn nzo co' lyá' loo ryethe con' ryes, lé'? Jesús mcàb loo mbi'. Ndxab Jesús loo mbi':
25737	LUK 17:17	Sya, ndxab Jesús loo mèn co' nziri' loo Jesús: ―¿Ché' iryede si' mèna mbyac, cà'? ¿Máa taayè' mèna?
26003	LUK 22:70	Co'se' mbìn mèna tataa ndxab Jesús, mnibdi's mèna loo Jesús. Ndxab mèna: ―¿Ché' nacque' lùu xgan'pe' Diox, sya, cà'? Jesús mcàb loo mèna. Ndxab Jesús: ―Nacque' daa xgan'pe' Diox, pues. Yub gu' ngolo guneei loon. ¿Cón más ndlya's gu' niin loo gu'?
26010	LUK 23:6	Co'se' mbìn Pilat di'sa, mnibdi's Pilat loo mèna: ―¿Ché' nac mbi' ba' mèn che'n làaz mèn galile, cà'?
26092	LUK 24:32	Sya, ndxab thìb myen' loo xtàa myen': ―¿Ché' ndyacl ne'ngda'de gust lezo' na' no ne'ngye'thte lezo' na' co'se' mbìn na' mda' mbi' cuent loo na' no ngue go xo'f mbi' cón che'n di's co' ndub loo libr co' nac xti's Diox loo na' co'se' mdoodi's no mbi' na' ned ndye'th na', cà'? Lìcque', axta gust mbyan' lezo' na' co'se' mbìn na' di'sa, ¿lé'?
26101	LUK 24:41	Per co'se' ñèe Jesús le' myen' xin' mté'th Jesús no mèna tarte yila's di's co' ngue bez Jesús loo myen' no loo mèna tant ndyac lezo' myen', no tant ndyac lezo' mèna, no tant ngüi' no ñaa myen' no mèna cón che'n Jesús, Jesús ndxab loo myen' xin' mté'th Jesús no loo mèna: ―¿Ché' nzo chó con' ngue no gu' co' mbyan' xo'f par huana trè', ey? ―Aa. Nzoca, ndxab myen' xin' mté'th Jesús loo Jesús.
26159	JHN 1:46	Sya, ndxab Natanael loo Lip: ―¿Ché' tác li mèn yèez Nazaret ndxep con' ndac, sya, cà', Lip? Lip mcàb. Ndxab Lip: ―Ya' nda tee hui' na', nexa. Sya, ñeela no yila'sla.
26163	JHN 1:50	Sya, mcàb Jesús loo Natanael. Ndxab Jesús: ―¿Ché' tac guniilen lool gunèenl xàn' yaa ngudyuuga ndxela'sl, cà', Natanael? Lùu ñèe gàc más con' roo con' xèn loon leque con' ndxè' yiloa, ey.
26199	JHN 3:10	Jesús mcàb loo Nicodem. Ndxab Jesús: ―¿Ché' ndyaquen lùu nac ner maistr che'n mèn nación Israel no inontel cón che'n con' ndxè', cà'?
26285	JHN 5:6	Co'se' gunèe Jesús nax mbi'a no non Jesús ndxàcle' lín' ndyac len mbi'a, ndxab Jesús loo mbi': ―¿Ché' ndlya'sl yacl, cà', ey?
26368	JHN 6:42	Tolo mdoodi's mèna. Ndxab mèna: ―¿Ché' inacte Jesús ba' xgan' Chè, cà'? Na' ndlibe'que' xud Jesús no xna' Jesús. ¿Xá mod ale mbez Jesús le' Jesús ngro'le' loo bé' no nde Jesús loo izlyo' ndxè', sya?
26387	JHN 6:61	Sya, mden' lezo' Jesús le' mèna xexte nzi toodi's cón che'n di's co' mblu' Jesús loo mèn. Ndxab Jesús loo mèna: ―¿Ché' nazab ngulàa di's co' ngue niin loo gu' ndxè' le'n lezo' gu', cà'? ¿Ché' nden' gu' ngue niin ngòc nguàal di's loo gu', ne, cà'? Yende xàa.
26393	JHN 6:67	Sya, mnibdi's Jesús loo rye si' fchop myen' xin' mté'th Jesús: ―¿Ché' no gu' ndlya's lá' gu' daa no ya ne'tolode que tee no gu' daa, cà'?
26422	JHN 7:25	Látha ngo ndxep mèn co'te' ngo Jesús, mèn co' ngo ban le'n ciuda Jerusalén. Mtlo mèna, mnibdi's mèna loo xtàa mèn: ―¿Ché' inacte mbi' ba' mbi' co' ngue tee cua'n mèn par guth mèn mbi', cà'?
26444	JHN 7:47	Sya, mcàb mèn co' ngòc mèn xley' farise loo myen' nac zin'a: ―¿Ché' no gu' mbla' mquedìi mbi'a gu', ne, cà'?
26449	JHN 7:52	Sya, mcàb mèna loo Nicodem. Ndxab mèna: ―¿Ché' no luu nac mèn yèezya' che'n làaz mèn galile, ne, cà'? Bral no bla's co' huen huen loo libr co' nac xti's Diox. Sya, ñeel no ta'l cuent le' le'n yèezya' co' nac ned làaz mèn galile, yende pá mbez loo libr ryo' tee ryo' yáal thìb mbi' co' nde'th di's co' ndxab Diox.
26472	JHN 8:22	Sya, ndxab mèn co' ñibe', no co' ndyoo ner, no co' ndyoo naa loo mèn nación Israel loo xtàa mèn: ―¿Ché' leque mbi' ba' guth mbi', cona mbez mbi': Co'te' biin, gu' ne'gácte yòo tya, cà'?
26475	JHN 8:25	Sya, mnibdi's mèn co' ñibe', no co' ndyoo ner, no co' ndyoo naa loo mèn nación Israel loo Jesús. Ndxab mèna loo Jesús: ―¿Chóxe' nac lùu, à'? Sya, ndxab Jesús loo mèna: ―Daa ya guniile' loo gu' chó nac daa axta co'se' mtlon, mblon yalbàn cón che'n Diox loo gu'.
26517	JHN 9:8	Sya, rye mèn co' nzi'f liz gax co'te' ndub liz xud mbi' no rye mèn co' gunèe mbi' ndoore' xyal' ngudloo mbi', mèna ndxab loo xtàa mèn: ―¿Ché' inacte mbi' ba' mbi' sieu co' ndyub ña'b gòn, cà'?
26544	JHN 9:35	Co'se' mbìn Jesús le' mèn co' ñibe', no co' ndyoo ner, no co' ndyoo naa loo mèn nación Israel mblo' mèna mbi' no mzii mchep mèna mbi' le'n sinagog, ngua cua'n Jesús mbi'. Co'se' mzyál' Jesús mbi', ndxab Jesús loo mbi': ―¿Ché' ndxela's lùu loo mbi' co' nac xgan' Diox, à'?
26632	JHN 11:40	Jesús ndxab loo Mart: ―¿Ché' ne'ngniiden lool gozea chele' lùu yila's loon no loo con' lin, ñèel con' roo no con' xèn che'n Diox co' lin loo Lars, cà'?
26648	JHN 11:56	Làth xtau'a, mtlo chol mèn, mcua'n mèn Jesús. No láth nzo mèn le'n templ, mnibdi's mèn loo xtàa mèn: ―¿Ché' ndyac gu' chop di's yi'th Jesús lni, lé'?
26711	JHN 13:12	Ngolo mtech Jesús nii rye myen', mdoc Jesús xab Jesús tedib vez. Mbere Jesús, mdub Jesús loo mes. Ndxab Jesús loo myen': ―¿Ché' inda'de gu' cuent cón ndli mtechen nii gu', à', ey? Indxòn ndacte gu'i, ¿lé'?
26826	JHN 16:31	Jesús mcàb loo myen'. Ndxab Jesús: ―¿Ché' nare', por derech, ngola's gu' loon, cà'?
26871	JHN 18:17	Sya, mnibdi's mozgota loo Pedr. Ndxab mozgota: ―¿Ché' inode lùu nac thìb myen' xin' mté'th mbi' ba', ne, cà'? Pedr mcàb. Ndxab Pedr: ―Yende xàa. Inacte daa xin' mté'th mbi' ba'.
26876	JHN 18:22	Co'se' ngolo tataa ndxab Jesús di'sa, thìb mbi' co' ngòc myen' nac zin' co' nquenap templ co' ngo tya, thidte ngua mbi' mdi's mbi' rloo Jesús. No ndxab mbi' loo Jesús: ―¿Ché' tatua' mod ncàbl loo jefpe' che'n rye nguley', cà'?
26879	JHN 18:25	Látha, Pedr ndoo biizque' ro rdii làth mèna. Sya, ndxab mèna loo Pedr: ―¿Ché' inode lùu nac thìb myen' xin' mté'th mbi' ba', cà'? Sya, mcà di's Pedr. Ndxab Pedr: ―Inacte daa xin' mté'th mbi' ba', cara.
26888	JHN 18:34	Jesús mcàb loo Pilat. Ndxab Jesús: ―¿Ché' ngue ñibdi'sl cón chenen ante por iñeedel cón chenen o ché' alithe ngue ñibdi'sl cón chenen tac mda'le' tedib mèn cuent cón chenen lool, cà'?
26891	JHN 18:37	Sya, ndxab Pilat loo Jesús: ―¿Lìcque' nacl rey, sya, cà'? Mcàb Jesús. Ndxab Jesús loo Pilat: ―Aa. Lìcque' nac daa rey, pues, xalque' ngolo guneela ba'. Daa ngóol loo izlyo' ndxè' no mbalen loo izlyo' ndxè' par mdan cuent no mdoodizen cón chenen co' nac lìcpe'. Ryete mèn co' ndub nza no co' ndyubdi's loo cón chenen co' nac lìcpe', mèna ndxòn no nque' nza mèna di's co' ndyoodizen.
26903	JHN 19:9	Mbere Pilat, ngòo Pilat le'n palas con Jesús tedib vez. Mnibdi's Pilat loo Jesús. Ndxab Pilat: ―¿Páxe' mèn lùu, à'? Per Jesús yende cón mcàb loo Pilat.
27025	ACT 2:7	Ante ngüi' no ante ñaa mènléy' co' mqueltàaa. Mbez thìb mèna no tedib mèna loo xtàa mèna. Ndxab mèna: ―¿Ché' inacte mèn ba' mèn gulàaz che'n làaz mèn galile co' ndyoodi's xalque' ndyoodi's na' nalle', cà'? Lìcque', nac mèn ba' mèn gulàaz che'n làaz mèn galile, cara.
27275	ACT 8:30	Co'se' mbii gax Lip loo carret mbi', mbìn Lip le' mbi' ngue lab libr co' mque' Sayi ye's co' ngòc di's co' mde'th Sayi co' ndxab Diox. Sya, mnibdi's Lip loo mbi'. Ndxab Lip: ―¿Ché' nda'l cuent cón che'n di's co' ngue labl ba', mbi'?
27306	ACT 9:21	Ryete mèn co' ndxòn xal ndyoodi's Saul loo mèna, ante ngüi' mèna no ante ñaa mèna. No mbez mèna loo xtàa mèna: ―¿Ché' inacte mbi' ba' mbi' co' ngue tee ndub ngu's mèn, mèn co' mbez Diox por cón che'n lèe Tad Jesús, mèn co' naban le'n ciuda Jerusalén, cà'? No ¿ché' inacte mbi' ba' leque mbi' co' nde trè' par hue' mbi' mèn co' ndxela's loo Diox por cón che'n Jesús xal pres par ta' mbi' mèna loo jef co' más ñibe' loo rye nguley', ne, cà'? Leque mbi'i, ¿lè'?
27345	ACT 10:17	Per láth ngue li Pedr xtùuz cóthe li Pedr cón che'n con' co' mxyo'f loo loo Pedr no cón nee di's con' co' mxyo'f loo loo Pedr, no mbli Pedr xtùuz cón nee di's di's co' gunii Tad loo Pedr, mzin gax moz con solndad co' mtel' Cornel ro puert liz Mon. Gunii moz loo mèn guliz mbi' co' lèe Mon. Ndxab moz: ―¿Ché' trè' nac liz Mon co' ntecuu's yid má', cà'?
27346	ACT 10:18	Texal mzin moz liz Mon, gáple'que' mnibdi's moz loo mèn guliz Mon. Ndxab moz: ―¿Ché' nzo thìb mbi' co' lèe Mon co' ne' tedib lèe Pedr co' nzo ban trè' nalle', à'?
27656	ACT 19:2	Mnibdi's Pab loo mèna. Ndxab Pab: ―¿Ché' ngulàa Xpii Natú' loo gu' no ngòo Xpii Natú' loo gu' par tlo ñibe' Xpii Natú' loo gu' co'se' ngola's gu' loo Crist no loo cón che'n Crist, à'? Mèna mcàb. Ndxab mèna loo Pab: ―Axta ne' ne' ñee nu' ché' nzo Xpii co' mbez U' nac Xpii Natú', Tad.
27769	ACT 21:37	Co'se' nda lo solndad Pab le'n cuartel, Pab ndxab loo comandant co' ñibe' thìb ayo solndad: ―Tad comandant, ¿ché' ta' U' lugar loon tyoodiz non U' ndxep? Comandant mcàb loo Pab. Ndxab comandant: ―¿Ché' ndxácl ndoodi'sl di'stèe grieg, cà'? Pab mcàb: ―Ndxác daa, pues.
27770	ACT 21:38	Sya, ndxab comandant loo Pab: ―¿Ché' inacte lùu mbi' nación Egipt co' mbli thìb huelg ndxàcle' ndxep tiemp no mbe' mbi'a thap mil mènguth mèn par mqueltàa mèna con mbi' co'te' nagán, sya, cà'?
27797	ACT 22:25	Per co'se' ngolole' mtedó' solndad Pab par ta' solndad che'n Pab no tin solndad Pab, Pab ndxab loo mbi' co' nac capitán co' ñibe' loo solndad hora: ―¿Ché' ndxàp gu' derech tin gu' daa, daa co' nac thìb mbi' che'n làaz mèn ciuda Rom? No más de cona, ne' ne' tar tub rez gu' cón chenen no ¿ale sangzi'f ndlya's gu' tin gu' daa, cà'?
27806	ACT 23:4	Per mèn co' nziri' tya ndxab loo Pab: ―¿Ché' tatua' mod nazab ñii yèel no ñii tìil jef co' más ñibe' loo nguley' co' nxo'f zin' cón che'n Diox, cà'?
27918	ACT 26:27	Sya, mbere Pab. Mnibdi's Pab loo rey Agrip. Ndxab Pab: ―¿Ché' ndxela's U', Tad rey Agrip, di's co' mde'th mèn, mèn co' mde'th di's co' ndxab Diox, à'? Aa. Neequen le' U' ndxela'sque' xal ndxab mèna.
27971	ACT 28:4	Co'se' gunèe mèn yòo biiz Malt ngue tal huid ya' Pab, ndxab mèna loo thìb xtàa mèn no loo tedib xtàa mèn: ―¿Ché' ndyac gu' le' mbi' ba' nac thìb mbi'guth mèn, lé'? Mastale' mblyá' mbi' loo níttó', per Diox ne'la'de tolo ban mbi' con'a mquele huid mbi'. Nase gath mbi', como quer.