23231	MAT 1:18	Tenzhee ngok leettsa ngol Jesús: Leettsa lee Mari xnaa Jesús naka diiz tseya kon Che, per bee ter yo rop zha, ne lee Mari ngoo zhiinn por yalney chaan Mbi Nayon chaan Diox.
23235	MAT 1:22	Ne lee le Jesús nak: Lee Zha Nabee ntelaa. Reta koree mriid tsa ngok kuu nzhab Zha Nabee, por roo profet kuu ngoo ndala, or nzhab profet:
23236	MAT 1:23	Lee thib nzaa kuu ter gak rop thib mbyi, yo zhiinn ne gap thib mbet; ne tob le zha mbet Emanuel, (diiz ree nak: “Diox ndo kon lee”). [Is. 7:14]
23239	MAT 2:1	Leettsa ngol Jesús yez Belén chaan yezlyu Judea, re wiz kuu mban rey Herodes, tsya lee chop tson zha kuu nteed kwent chaan re mbel kuu nzib lobee, mroo lad ta nlen wiz, ne mzin re zha Jerusalén.
23247	MAT 2:9	Leettsa ngwalo mbin re zha kuu nzhab rey, tsa ngoo re zha net nda zha, ne lee mbel kuu mwii zha ner, mroo mndener lo re zha, ne mlet mbel asta ta nax mbet.
23251	MAT 2:13	Leettsa lee re zha kuu nteed kwent chaan mbel mroo ndya, lee thib mandad chaan Diox ngwani lo Che lo mkaal ne nzhab lo Che: ―Gwache, ne teno mbet kon xnaa mbet, tyee goo par yezlyu Egipto, ne kwet goo tya asta or nin lo goo roo goo tya, tak lee rey Herodes nkwaan mbet par kuth mbet.
23264	MAT 3:3	Ne Juan ree mteth profet Isaí, leettsa nzhab profet: Lee thib zha kuu ndo yubiz, dib gan zha kwez zha: “Thib nali bloo goo leettsoo goo, par kayaa goo Zha Nabee, ne nali gok goo lo re kuu ntsow goo”. [Is. 40:3]
23273	MAT 3:12	Lee zha nak taxal thib zha kuu lista ndo nzo ya yaa, par koo paj lo nzob xtil, ne kotsow zha nzob xtil leen loo, lee paj teyy zha lo ki kuu thitanax nyuyyt.
23275	MAT 3:14	Ner mzhyalt Juan, tsa nzhab Juan lo Jesús: ―Lu ndoblo tsowleyyʼn. ¿Chebee leel lu ndyaad gakleyy lon?
23276	MAT 3:15	Lee Jesús mkab, ne nzhab: ―Bloo kona yeka nal, tak ropaa ndoblo tsow kuu nlaaz Diox. Tsaraa mzhyal Juan mtsowleyy Juan Jesús.
23282	MAT 4:4	Per lee Jesús mkab, ne nzhab: ―Lo xkeets Diox nzhab: “Nabant men kon beeta pan, sinke lee men naban por re diiz kuu ndroo roo Diox”. [Dt. 8:3]
23284	MAT 4:6	ne nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, brethin par yath, yent kwan taka, tak lee lo libr chaan Salm nzhab: “Lee Diox taal mandad chaan Diox, tsa ten mandad lu kon yaa mandad, tsa gabta lo ke”. [Sal. 91:11-12]
23290	MAT 4:12	Leettsa mbin Jesús lee Juan nzo tsib, tsa ngwa Jesús yezlyu Galilea, ne leettsa ndo Jesús yezlyu Galilea, tsa ngwa Jesús yez Nazaret.
23294	MAT 4:16	Lee re zha yeza mndaa falt, kona nabil nzo leettsoo zha, nak zha taxal thib yez kuu nzi lo yalkow, ne mndelo re zha yeza myen xkiiz Diox, kona nak taxal mwii zha thib xni thoz, ne lee re zha kuu nzi thib ta nathoz ta nzo ryez gath zha, mndelo zha myen zha xkiiz Diox, ne nake taxal mla thib xni lo re zha. [Is. 9:1-2]
23316	MAT 5:13	’Goo nak taxal ted lo yezlyu ree, per os lee ted natsigt ted, ¿xomod gak natsig ted tedib welt? Lortsint raay, sinke kobi zhay, tsa lo re men ditse.
23317	MAT 5:14	’Goo nak taxal xni lo yezlyu. Leeka tata, gagt gaats thib yez kuu nzi yek yii.
23334	MAT 5:31	’Ne noga nzhab Moisés: “Loka cho mbyi kuu laa tsaal, ndoblo taa zha thib yeets kuu mroo yuulow, kuu nzhab lee zha mtso rop tsaal”.
23336	MAT 5:33	’Noga mbin goo nzhab Moisés lo re teyaa zha ndala: “Lortsinta le Diox par tseloʼa, sinke btsow kuu nzhaba tsowa lo Zha Nabee”.
23389	MAT 7:4	Ne os leeʼa nyeenta nzo ya ngutloʼa, ¿xomod nye leettsooʼa mbeza lo tedib zha: “Laa gon paj kuu nzo ngutloʼa”?
23413	MAT 7:28	Leettsa ngwalo nzhab Jesús re koree, kwathoz mzegey leettsoo re men re kuu mloo Jesús lo re men;
23415	MAT 8:1	Leettsa mretab Jesús ngwa Jesús yek yii, kwathoz men mndeke dits Jesús.
23427	MAT 8:13	Tsa nzhab Jesús lo mbyi kuu nabee lo thib gayoo soldad: ―Tyee liza, tak ngwalaaza lee Diox tak tegwe, kona mgwe mosa. Leeka ora lee mos soldad mgwe.
23430	MAT 8:16	Leettsa mkow yezlyu lee re men kuu nzo yezlyuʼa, myaadno kwathoz re zha lo Jesús, re zha kuu nzo mbi fyer leettsoo ne re zha kuu ndak choraa yiz, ne kon thibka lan diiz mloo Jesús re mbi fyer, ne noga mtegwe Jesús reta mbyiz.
23431	MAT 8:17	Koree ngok, tsa mrolo kuu mkee profet Isaí zha ndala, leettsa nzhab profet: “Lee zha mbe reta yiz chaanaa ne re yalne chaanaa”. [Is. 53:4]
23434	MAT 8:20	Ora mkab Jesús lo maestr, ne nzhab Jesús: ―Lee re mbeet nap maa kelyoo ta nyoo maa, ne lee re min nap maa lyaat maa; per lee na Kuu Mzin Ngok Men, neeka ta xoobʼn yekʼn roxkwan na naptʼn.
23442	MAT 8:28	Leettsa mzin Jesús kon re zha kuu ngeteed lo Jesús tedib lad roo nitdoo, yezlyu chaan re zha Gadara, ne tya lee chop zha kuu nzo mbi fyer leettsoo, mroo leen re kelyoo ta nkaats zha re zha nguth, tya mtsow zha liz zha rop zha, ne mbig rop zha lo Jesús, ne kwathoz nakap nzhak zha, kona yent cho tak rid neta.
23453	MAT 9:5	¿Kwan ntsow goo xgab? ¿Kwan mas nagant gap na lo mbyiz ree: “Lee re falta myuyya”, per nagan tegwe men zha ne gab men lo zha, “Gwache ne bte”?
23456	MAT 9:8	Leettsa mwii re men kona, kwathoz mzeb re men ne mbil men lo Diox, tak lee Diox mndaa yalnabee lo thib men, tsa tegwe men tedib men.
23457	MAT 9:9	Leettsa mroo Jesús tya mwii Jesús na kuu le Mateo, ndobʼn ngetsowʼn kobral temi chaan yezlyu kuu nzhax lo zha Roma, tsa ne Jesús lon: ―Bteke ditsʼn. Tsa ngwatelin ne mndekeen dits Jesús.
23460	MAT 9:12	Jesús mbin kona, tsa nzhab Jesús lo re zha: ―Lee re zha kuu net ndak, ndechet zha doctor, per lee re mbyiz, zhaʼa ndeche doctor.
23466	MAT 9:18	Leettsa bee ngenika Jesús lee thib mbyi mzin lo Jesús, mbyiʼa nak thib zha kuu nabee ta nkaltaa re zha Israel nteed xkiiz Diox, ne mtobxub zha lo Jesús ne nzhab zha: ―Ngulota nguth rtsaapʼn; per os leeʼa yaada ne xooba yaaʼa yek nzaa teroban nzaa.
23475	MAT 9:27	Leettsa mroo Jesús tya, lee chop zha syeg mndeke dits Jesús, dib gan zha mrez zha ne nzhab zha lo Jesús: ―¡Lu kuu nak thib zha raz rey David, blat leettsooʼa neʼa nee!
23480	MAT 9:32	Leeka or kuu mroo rop zha kuu ngok syeg, lee tedib net zha ndyaadno thib zha mud kuu nzo mbi fyer leettsoo lo Jesús, tsa tegwe Jesús zha.
23488	MAT 10:2	Tenzhee le re tsiibchop nee kuu mteed lo Jesús kuu noga le apóstl: Simún (kuu noga le Pey), Ndres (wets Pey), Santiag, Juan (wets Santiag, rop zha ree nak xgann Zebedeo), Lip, Bartolomé, Mach, Mateo (kuu nak na, kuu mthop temi kuu nzhax lo zha Roma), Santiag (xgann Alfeo), Lebeo (kuu noga ni zha lo Tadeo), Simún (kuu ngoo xid partid zha Canaán) ne Judas Iscariote (kuu mndaa Jesús lo re zha par mbeth zha Jesús).
23497	MAT 10:11	’Leettsa tsin goo thib yez o thib ranch, kwaan goo liz thib zha kuu ndoblo zha kwet goo liz zha, ne tya kwet goo asta or kuu roo goo yeza.
23507	MAT 10:21	’Ne leeka wets zha kuu nyelaazt Diox, taa zha lo re zha nak tsiin tsa kuth zha zha, ne tataka tsow xut zha kon xgann zha. Lee re zhiinn zha yii ne xut ne xnaa, ne taa zhiinn zha zha lo re zha kuu nlaaz kuth zha.
23522	MAT 10:36	Leeka re zha liz zha yii ne zha.
23527	MAT 10:41	Loka zha kuu nkayaa thib profet, tak ne zha nak zha zha Diox, zhaʼa kayaa lo Diox leeka kuu kayaa profet lo Diox; ne loka zha kuu kayaa thib zha kuu nali nak, tak ne zha nali nak zha, zhaʼa kayaa lo Diox leeka kuu kayaa zha kuu nali naka lo Diox.
23529	MAT 11:1	Leettsa ngwalo mteni Jesús re tsiibchop zha kuu ngeteed lo Jesús, tsa mroo Jesús tya ne nda Jesús nda loo Jesús ne mndaa Jesús kwent xkiiz Diox lo tedib net re zha kuu nzo re yez kuu nzi yezlyuʼa.
23533	MAT 11:5	Guz goo lo Juan: “Lee ngutlo re zha syeg nyeni, lee re zha mthans ndiy, lee re zha kuu ndeye kwerp ngwe, lee re zha kuu nakwee mzhaal nza; lee re zha nguth ndroban; ne lee re zha kuu nyeen ndeche zha Diox nzhon zha Diiz Chul chaan Diox.
23535	MAT 11:7	Leettsa ndya re zha kuu mtaal Juan, lee Jesús mndelo mndaa kwent chaan Juan lo re men, ne nzhab Jesús: ―¿Kwan ngwatwii goo ngwa goo yubiz? ¿Chu lo thib nith kuu nkwin mbi ngwatwii goo?
23542	MAT 11:14	Ne os lee goo nlaaz goo yelaaz goo koree, Juan nap xbi profet Lí, ne Juan nak Lí kuu nzhab re profet yaad.
23544	MAT 11:16	’Ne nal nin lo goo naa xa nzhak re men tyemp ree. Lee re men nzhak taxal re ndyeen bzhizh, kuu nzi nke byith lo xbi, kuu mbez lo altaa:
23597	MAT 12:39	Jesús mkab ne nzhab: ―Lee re men tyemp ree kuu thitanax went nak ne mlaa Diox, nlaaz zha thib seny thoz, per neeka thib seny loot lo re zha, beeta seny chaan profet Jonás zha ndala loo lo re zha.
23599	MAT 12:41	Leettsa naab Diox kwent lo re men wiz bluz, tsya teti Diox re goo, tak mlaat goo re kuu went kuu ntsow goo, ne telaa Diox re zha kuu ngoo yez Nínive, tak mbin re zhaʼa diiz xkiiz Jonás ne mlaa zha re kuu went kuu mtsow zha. Ne ndoblo ne goo, nzhee ndon ne na nak thib zha kuu mas nataak nake Jonás.
23601	MAT 12:43	’Leettsa lee thib mbi fyer ndroo leettsoo thib zha, tsa nda mbi ndiy mbi thib ta yubiz, nkwaan mbi thib ta roxkwan mbi, ne mzalt ta roxkwan mbi, tsa ntsow mbi xgab:
23603	MAT 12:45	Tsa nda mbiʼa ndaxii tedib gaz mbi kuu masraa went nake mbiʼa, ne ndretab mbi ta ngoo mbi ner. Tsa lee zhaʼa masraa nakap nzhak nake taxal ngok zha ner. Leeka tata gak kon re zha tyemp ree, zha kuu kwathoz nakap nak.
23604	MAT 12:46	Leettsa bee ngenika Jesús lo re men, lee xnaa Jesús ne re wets Jesús mzin tya, tak nlaaz re zha tediz zha kon Jesús. Ne mlet re zha lee.
23605	MAT 12:47	Tsa lee thib zha nzhab lo Jesús: ―Lee xnaaʼa kon re wetsa nzi lee, ne nlaaz zha tediz zha loʼa.
23622	MAT 13:14	Lo re zhaʼa mrolo kuu nzhab profet Isaí zha ndala, leettsa nzhab profet lo re zha ndala: Tegal gon gooy ne yent gooy, tegal wii gooy ne yent goo kuu ngwii goo.
23627	MAT 13:19	Lee re zha kuu nzhon re diiz, kuu ndaa kwent naa xomod nlaaz Diox nabee Diox leettsoo re men, ne nyent zhay, zhaʼa nak taxal bin kuu mla roo net. Nyaad Maxuuy nkib xkiiz Diox leettsoo zha.
23630	MAT 13:22	Lee bin kuu mla xid yits, bina nak taxal re zha kuu nzhon xkiiz Diox, per kwathoz ntsow zha xgab re kuu yezlyu ree, ne ndablaaz zha keno zha naroob temi. Re kona ntsow nyaant xkiiz Diox leettsoo zha, ne ndaate diiz taa zha xle.
23632	MAT 13:24	Jesús mndaa tedib kwent nanzee lo re zha, ne nzhab Jesús: ―Lee nal tan tedib kwent nanzee lo goo. Tsa ne goo xomod nak leettsa nabee Diox leettsoo re men. Leey nak taxal thib zha kuu nzhann nzob xtil wen lo yu.
23638	MAT 13:30	Mas wen blaa goo thibka zhene, asta leettsa dop yalgonn. Leettsa taalʼn re zha kuu thop yalgonn, tsa ner re yizh goob thop zha ne liib zhay par yeeke thitanax. Ne lee nzob xtil thop zha ne kotsow zha leen loo ta nzotsow xoobʼn.”
23639	MAT 13:31	Jesús mndaa tedib kwent nanzee lo re zha, ne nzhab Jesús: ―Leettsa lee Diox nabee leettsoo re men, leey nak taxal thib mbiz mostaz kuu mloo thib mbyi lo yu.
23640	MAT 13:32	Leey nak thib mbiz kuu mas lut lo reta mbiz, per leettsa nlene masraa nzhene nake re ya kuu nzhann zha leen wert. Ne nzhake thib ya naro ne lee re min ndyaad ndexkwaa lyaat lo re zhite.
23641	MAT 13:33	Noga nzhab Jesús: ―Leettsa lee Diox nabee leettsoo thib men, leey nak taxal lebadur kuu mloo thib ngot xid tson medid arin tsa yezhoobe.
23644	MAT 13:36	Leettsa ngwalo mchaats Jesús re men, tsa mndaab Jesús leen yuu, ne lee re zha kuu ngeteed lo Jesús mbig ne nzhab lo Jesús: ―¿Xomod nak kwent nanzee chaan nzob xtil kon yizh goob?
23645	MAT 13:37	Jesús mkab ne nzhab: ―Lee zha kuu nzhann nzob xtil wen, nak na Kuu Mzin Ngok Men.
23647	MAT 13:39	Lee zha kuu nayii nen mloo yizh goob, zhaʼa nak Maxuuy. Wiz bluz leettsa naabʼn kwent lo reta men, leey nak taxal wiz kuu thop zha yalgonn, ne lee re mandad chaan Diox, nak taxal re zha kuu thop yalgonn.
23648	MAT 13:40	Leeka taxal nthop re mos yizh goob ne nteyy zhay lo ki, leeka tata gak wiz bluz leettsa naabʼn kwent lo re men.
23649	MAT 13:41	Lee na Kuu Mzin Ngok Men, taalʼn re mandad da thop re zha kuu ntsow, ntsow re zha da kuu went, ne reta zha kuu ntsow kuu went.
23652	MAT 13:44	’Leettsa nabee Diox leettsoo men, leey nak taxal kwathoz or kuu nzogaats lo thib lo yu. Ne lee thib zha mzal ora, tsa mkaatska zhay tya. Ne kwathoz laz zha ndya zha ne mtho zha reta kuu nap zha, ne mzhii zha yuʼa, par gak ora chaan zha.
23653	MAT 13:45	’Leettsa nabee Diox leettsoo re men, leey nak taxal thib zha kuu ndiy nkwaan tyen ke kuu le perla kuu kwathoz nap.
23655	MAT 13:47	’Leeka tata, leettsa nabee Diox lo re men, leey nak taxal yex kuu ngobi zha leen nitdoo, tsa niit zha relota mbel.
23656	MAT 13:48	Leettsa ngwalo mze yex zha, tsa ngoo zhay asta roo nitdoo, ne ndob re zha roo nitdoo mbi zha re mbel. Ne ngo zha re mbel wen leen chekwit ne lee re mbel kuu nzhowt men ngobi zha.
23657	MAT 13:49	Leeka tata kozhaa re mandad chaan Diox re zha went xid re zha kuu nali nak.
23659	MAT 13:51	Tsa mnaabdiz Jesús lo re zha, ne nzhab Jesús: ―¿Chu myen goo re kwent nanzee ree? Lee re zha mkab ne nzhab: ―Myen neey.
23660	MAT 13:52	Tsa nzhab Jesús kwent nanzee ree lo re zha ne nzhab Jesús: ―Leettsa lee thib maestr, kuu nloo xkiiz Diox, wlipaa nyen xomod nak leettsa nabee Diox leettsoo men, nzhak zha taxal thib mndan yuu, kuu nzhaak ngoo re kuu kub ne re kuu gox xid re kuu nap zha.
23663	MAT 13:55	¡Lee zha ree nak thib zha tbaata, ne nak zha xgann Che kuu nak karpinter ne xnaa zha nak Mari, ne re wets zha nak: Santiag, Che, Simún ne Judas!
23669	MAT 14:3	Tata nzhab Herodes, tak lee Herodes mnabee mzhen zha Juan ne mloo zha Juan tsib, kwent chaan Herodías tsaal Lip kuu nak wets Herodes.
23679	MAT 14:13	Leettsa mbin Jesús lee Juan nguth, tsa ngoo Jesús leen thib kano ne mroo Jesús tya, nda Jesús thib ta yubiz. Ne mbin re men lee Jesús nda, tsa mroo re men yez ne nda nii re men, mndeke re men dits Jesús.
23698	MAT 14:32	Leeka or kuu mke rop zha leen kano, lee mbi mlet.
23706	MAT 15:4	Tak lee Diox nzhab: “Bke leettsooʼa xuta ne xnaaʼa”. [Ex. 20:12] “Ne loka zha kuu ngode xut ne xnaa, ndoblo gath zha”. [Lv. 20:9]
23716	MAT 15:14	Laa goo zha baa, tak syeg zha. Ne os lee thib syeg teno tedib syeg, leen thibka yeeryu la ropta zha.
23743	MAT 16:2	Per lee Jesús mkab lo re zha ne nzhab: ―Leettsa nane na xkow lobee or ndetsi yezlyu; tsa mbez goo: “Wen la bee”.
23746	MAT 16:5	Leettsa ngwalo mriid Jesús kon re zha kuu ngeteed lo Jesús tedib lad roo nitdoo, tsa mtelaaz re zha kuu ngeteed lo Jesús mbet zha pan.
23747	MAT 16:6	Tsa nzhab Jesús lo re zha: ―List gok goo, kayaat goo lebadur chaan re fariseo ne lebadur chaan re saduceo.
23754	MAT 16:13	Leettsa mzin Jesús yezlyu ta nak Cesarea-Filipo, tsa mnaabdiz Jesús lo re zha kuu ngeteed lo Jesús, ne nzhab Jesús: ―¿Cho nak na Kuu Mzin Ngok Men, ni re men?
23755	MAT 16:14	Tsa lee re zha nzhab: ―Thib net zha mbez leeʼa nak Juan kuu mtsowleyy, lee tedib net zha mbez leeʼa nak profet Lí, lee tedib net zha mbez leeʼa nak profet Jeremí, ne lee tedib net zha mbez leeʼa nak tedib re profet.
23757	MAT 16:16	Tsa lee Simún Pey mkab, ne nzhab: ―Lu nak Xgann Diox kuu naban, Kuu Mtaal Diox Nabee.
23764	MAT 16:23	Per lee Jesús mtsere lo, ne nzhab lo Pey: ―¡Btow rooʼa Maxuuy! Lu ngetow lon. Tak ntsowta xgab kuu ntsow Diox xgab; sinke leeʼa ntsow xgab taxal ntsow re men xgab.
23772	MAT 17:3	Ne tya mloo Moisés ne Lí ngetediz kon Jesús.
23773	MAT 17:4	Tsa nzhab Pey lo Jesús: ―Zha Nabee, ¡wen thoz nzi nee nzhee nal! Os leeʼa nlaaza, taa nee tson ramad, thibe gak chaana, tedibe gak chaan Moisés ne lee tedibe gak chaan Lí.
23779	MAT 17:10	Tsa lee re zha kuu ngeteed lo Jesús mnaabdiz lo Jesús, ne nzhab: ―Os leey tata nake, ¿chebee lee re maestr kuu nloo xkiiz Diox nzhab, ner Lí yaad?
23780	MAT 17:11	Tsa lee Jesús mkab ne nzhab: ―Wli ner Lí yaad, tsa texnet Lí reta kwaa.
23781	MAT 17:12	Per leen ni lo goo, myaada Lí per mkayaat re men Lí, sinke mtsowno re men Lí kuu nlaaz men. Ne leeka tata lee na Kuu Mzin Ngok Men, kwathoz ridʼn yalti lo re mena.
23783	MAT 17:14	Leettsa lee Jesús kon re yon zha kuu ngeteed lo Jesús mretab ngwa yek yii, tsa mzin re zha ta nzi re men. Tsa mbig thib zha ne mtobxub zha lo Jesús, ne nzhab zha:
23791	MAT 17:22	Thib wiz leettsa nzi re zha yezlyu Galilea, tsa lee Jesús nzhab lo re zha kuu ngeteed lo Jesús: ―Lee na Kuu Mzin Ngok Men, taa zha na lo re men,
23792	MAT 17:23	ne kuth zha na, per leettsa tsaal tson wiz lee na roban. Leettsa mbin re zha koree, kwathoz nabil ngoo leettsoo re zha.
23793	MAT 17:24	Leettsa mzin Jesús kon re zha kuu ngeteed lo Jesús yez Capernaúm, tsa lee re zha kuu ntsow kobral temi chaan gwodoo, ngwa mnaabdiz lo Pey ne nzhab: ―¿At ngixt maestr goo temi kuu nzhax lo gwodoo?
23794	MAT 17:25	Lee Pey mkab ne nzhab: ―Ngix zhay. Ne leettsa lee Pey mndaab leen yuu, lee Jesús mni lo Pey ne nzhab: ―¿Simún, kwan ntsowa xgab? ¿Cho lo ntsow re zha kuu nabee lo yezlyu ree kobral temi chaan yezlyu? ¿Chu lo re tawlaz zhay o chu lo re zha tedib yeze?
23795	MAT 17:26	Pey mkab ne nzhab: ―Lo zha tedib yeze. Tsa lee Jesús nzhab: ―Kona lee re tawlaz zha ndoblot kix neeka thib rehal.
23801	MAT 18:5	Loka zha kuu nkayaa thib re ndyeen bzhizh, tak nyelaaz zha na, leey nak taxal na nkayaa zhaʼa.
23802	MAT 18:6	’Loka cho kuu tsow lee thib re ndyeen bzhizh kuu nyelaaz na, tsow kuu went; mas wen kee zha thib ke naro yen zhaʼa, ne kobi zha zhaʼa leen nitdoo.
23810	MAT 18:14	Leeka tata lee Xutaa kuu ndob yibaa, nlaazt zha roo neeka thib re ndyeen bzhizh ree xid re zha kuu nyelaaz na.
23819	MAT 18:23	’Ne tak tabaa nake, kona nin kwent nanzee ree lo goo. Leettsa nabee Diox, leey nak taxal thib rey, kuu ngwalaaz gatsow kwent naa plo ndab re mos rey lo rey.