23217	MAT 1:4	Aram ngok xut Aminadab, Aminadab ngok xut Naasón, ne Naasón ngok xut Salmón.
23218	MAT 1:5	Salmón ngok xut Booz ne Rahab ngok xnaa Booz, Booz ngok xut Obed ne Rut ngok xnaa Obed, ne Obed ngok xut Isaí.
23219	MAT 1:6	Isaí ngok xut rey David, ne lee rey David ngok xut Salomón, ne lee xnaa Salomón ngok ngot kuu ngok tsaal Urías.
23220	MAT 1:7	Salomón ngok xut Roboam, Roboam ngok xut Abías, ne Abías ngok xut Asa.
23225	MAT 1:12	Ne leettsa mtelaa re zha Babilonia re zha Israel; lee Jeconías ngok xut Salatiel, ne lee Salatiel ngok xut Zorobabel.
23227	MAT 1:14	Azor ngok xut Sadoc, Sadoc ngok xut Aquim, ne Aquim ngok xut Eliud.
23284	MAT 4:6	ne nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, brethin par yath, yent kwan taka, tak lee lo libr chaan Salm nzhab: “Lee Diox taal mandad chaan Diox, tsa ten mandad lu kon yaa mandad, tsa gabta lo ke”. [Sal. 91:11-12]
23296	MAT 4:18	Ne leettsa ndiy Jesús roo nitdoo chaan Galilea, tsa mwii Jesús Simún kuu noga le Pey ne wets Pey kuu le Ndres, rop zha ree ngeniit mbel leen nitdoo, tak zha niit mbel nak zha.
23299	MAT 4:21	Ne ndaka Jesús, tsa mwii Jesús Santiag ne Juan, rop zha ree nak xgann Zebedeo, lee re xut zha nzo leen thib kano ngeyib zha yex zha, tsa mrez Jesús rop zha.
23302	MAT 4:24	Ne dita yezlyu Siria myath re kuu ntsow Jesús; ne lee re mena ndyaadno re zha kuu ne ndak, re zha kuu ndak tedib net re yiz, re zha kuu nzo mbi fyer leettsoo, re zha kuu ndak yizguthye ne re zha mthans, tsa mtegwe Jesús re zha.
23340	MAT 5:37	Sinke nali ndoblo tediz goo gab goo “wliy” o “wlite”. Tak os lee goo tsowt goo tabaa, went kuu ntsow goo.
23369	MAT 6:18	tsa net re men lee goo ngetsow ayun. Sinke beeta Xutaa kuu ne re kuu xgaats ndoblo ney, ne lee Xutaa taa lo goo, kuu tsow goo gan.
23380	MAT 6:29	Per lee na ni neeka rey Salomón, kon dita yalrik chaan Salomón mdogt xab Salomón taxal thib re yee kuu ndab wan.
23418	MAT 8:4	Tsa nzhab Jesús lo zha: ―Wii, yent cho lo gaba koree. Sinke gwa lo ngwleyy ne btaa gona taxal nabee ley chaan Moisés, gon kuu ndaa re zha kuu mgwe lo yiz kuu mzhaaka, tsa ne ngwleyy leeʼa mgweʼa ne gab ngwleyye lo re men.
23488	MAT 10:2	Tenzhee le re tsiibchop nee kuu mteed lo Jesús kuu noga le apóstl: Simún (kuu noga le Pey), Ndres (wets Pey), Santiag, Juan (wets Santiag, rop zha ree nak xgann Zebedeo), Lip, Bartolomé, Mach, Mateo (kuu nak na, kuu mthop temi kuu nzhax lo zha Roma), Santiag (xgann Alfeo), Lebeo (kuu noga ni zha lo Tadeo), Simún (kuu ngoo xid partid zha Canaán) ne Judas Iscariote (kuu mndaa Jesús lo re zha par mbeth zha Jesús).
23491	MAT 10:5	Tsa mtaal Jesús re tsiibchop nee ne tenzhee ne Jesús lo re nee: ―Yat goo laz re zha kuu nagt tawlazaa, neeka re yez chaan re zha Samaria.
23501	MAT 10:15	Wlipaa na nin lo goo, leettsa naab Diox kwent lo re men, lee yalti kuu rid re zha yeza, gak masraa nati nake yalti kuu rid re men rop yez kuu ngoo ndala kuu le Sodoma ne Gomorra, rop yez kuu mluux Diox kon ki.
23549	MAT 11:21	―¡Aka nati rid re goo zha yez Corazín! ¡Aka nati rid re goo zha yez Betsaida! Os lo re men rop yez kuu nak Tiro ne Sidón gagak re kuu thoz kuu ngok lo re goo, chu nal galaa zha re kuu went kuu mtsow zha ne gayelaaz zha Diox, gagok zha lar kuu nambaat ne gatob zha lo di, tsa galoo zha kwathoz nalatt nzo leettsoo zha por re falt zha.
23550	MAT 11:22	Kona nin, lee wiz kuu naab Diox kwent lo re men, lee yalti kuu rid re goo gak masraa nati nake yalti kuu rid re zha rop yez kuu nak Tiro ne Sidón.
23551	MAT 11:23	Ne lee re goo zha yez Capernaúm, ¿chu ntsow goo xgab lee Diox teno goo yibaa? Nagte tata, lee goo ya asta ta mas naats. Tak os lo re zha yez Sodoma gagak re kuu thoz kuu ngok lo re goo, bee nzika yeza asta nal.
23552	MAT 11:24	Per wlipaa na nin, lee wiz kuu naab Diox kwent lo re men, lee yalti kuu rid goo gak masraa nati nake yalti kuu rid re zha yez Sodoma.
23600	MAT 12:42	Ne lee wiz kuu naab Diox kwent lo re men, tsya teti Diox re goo, tak mlaat goo re kuu went kuu ntsow goo, ne telaa Diox ngot kuu mnabee re yez kuu nzi lad Sur, tak kwathoz tith mroo zha ne ngwa zha lo Salomón, tak nlaaz zha gon zha yalnzhaak chaan Salomón. Ne noga ndoblo ne goo nzhee ndon ne na nak thib zha kuu masraa nataak nake Salomón.
23643	MAT 13:35	Koree ngok, tsa mrolo kuu nzhab profet kuu ngoo ndala, leettsa nzhab profet: Kon diiz nanzee nin re kuu nagaats chaan Diox, kuu nzogaats desde leettsa mdexkwaa yezlyu. [Sal. 78:2]
23663	MAT 13:55	¡Lee zha ree nak thib zha tbaata, ne nak zha xgann Che kuu nak karpinter ne xnaa zha nak Mari, ne re wets zha nak: Santiag, Che, Simún ne Judas!
23723	MAT 15:21	Tsa mroo Jesús tya ne nda Jesús yezlyu Tiro ne yezlyu Sidón.
23752	MAT 16:11	¿Chebee nyeent goo ngenitʼn kwent lebadur chaan pan? Sinke leen ni lo goo list gok goo, kayaat goo lebadur chaan re fariseo ne chaan re zha saduceo.
23757	MAT 16:16	Tsa lee Simún Pey mkab, ne nzhab: ―Lu nak Xgann Diox kuu naban, Kuu Mtaal Diox Nabee.
23758	MAT 16:17	Tsa lee Jesús mkab lo Pey, ne nzhab: ―Wen ndaʼa Simún xgann Jonás. Tak neeka thib men mloot koree loʼa, sinke Xutʼn kuu ndob yibaa mlooy loʼa.
23770	MAT 17:1	Xoop wiz bluz lee Jesús zhaata mndeno Pey, Santiag ne Juan wets Santiag, ne ngwa re zha yek thib yii naro.
23794	MAT 17:25	Lee Pey mkab ne nzhab: ―Ngix zhay. Ne leettsa lee Pey mndaab leen yuu, lee Jesús mni lo Pey ne nzhab: ―¿Simún, kwan ntsowa xgab? ¿Cho lo ntsow re zha kuu nabee lo yezlyu ree kobral temi chaan yezlyu? ¿Chu lo re tawlaz zhay o chu lo re zha tedib yeze?
23881	MAT 20:20	Tsa mbig tsaal Zebedeo lo Jesús, kon rop xganne kuu nak Santiag ne Juan, mtobxub ngot, ne mnaab ngot thib yalwen lo Jesús.
23884	MAT 20:23	Lee Jesús nzhab: ―Wli, lee goo rid yalti taxal rid nay; per gagt tsowʼn tobʼn goo lad ban ne lad beg lon, tak nagt na kuu taa kona. Sinke Xutʼn taa kona lo re zha kuu naka diiz kayaay.
23885	MAT 20:24	Leettsa mbin tedib tsii zha kuu ngeteed lo Jesús kona, tsa mnayii zha mne Juan rop Santiag.
23911	MAT 21:16	Ne nzhab zha lo Jesús: ―¿Chu nzhona kuu mbez re ndyeen baa? Tsa lee Jesús mkab ne nzhab: ―Ah, nzhon nay. ¿Per chu ter lab goo lo xkeets Diox ta nzhab koree: “Mtsowa lee re ndyeen bzhizh ne re mbetdoo gol loʼa”? [Sal. 8:2]
23937	MAT 21:42	Tsa lee Jesús nzhab lo re zha: ―¿Chu ter lab goo lo xkeets Diox ta tenzhee nzhab: Lee ke kuu mlobi re zha kuu nta yuu thib lad, leey nak thib ke kuu mas nataak kuu ndob skin yuu? Lee Diox kuu nak Zha Nabee loʼaa mtsow koree; ne mzegey leettsooʼaa neʼaa koree. [Sal. 118:22-23]
23985	MAT 22:44	Lee Diox kuu nak Zha Nabee, nzhab lo Zha Nabee lon: “Btob lad ban lon, asta tsowʼn leeʼa gak nabee lo reta zha kuu nayii neʼa, ne tobxub zha loʼa”. [Sal. 110:1]
24129	MAT 26:6	Tsa nda Jesús yez Betania liz Simún kuu mzhaak yiz kuu nteyaaz kwerp zha.
24160	MAT 26:37	Ne ndano Jesús Pey, ne rop xgann Zebedeo kuu nak Juan ne Santiag, tsa mndelo mndebi leettsoo Jesús ne nalatt ngoo leettsoo Jesús.
24230	MAT 27:32	Ne leettsa mroo re soldad tya, ndano zha Jesús ta kee zha Jesús lo kruz, tsa mzaal zha thib mbyi zha yez Cirene kuu le Simún. Tsa mnabee re soldad lo zha gwe zha kruz Jesús.
24235	MAT 27:37	Ne yek kruz Jesús mkee zha thib letr kuu nzhab naa chebee mkee zha Jesús lo kruz. Lee Letr nzhab: “ZHA REE NAK JESÚS KUU NAK REY CHAAN RE ZHA ISRAEL”.
24244	MAT 27:46	Ne oraaka lee Jesús dib gan mrez ne nzhab: ―Elí Elí ¿lama sabactani? (Diiz ree nak: “Diox da, Diox da, ¿chebee mlaaʼa na?”) [Sal. 22:1]
24254	MAT 27:56	Ne xid re ngota nzo Mari Magdalen, ne Mari xnaa Santiag ne xnaa Che, ne noga xnaa ropta xgann Zebedeo.
24300	MRK 1:16	Leettsa ndiy Jesús roo nitdoo yezlyu Galilea, tsa mwii Jesús Simún ne wets Simún kuu le Ndres, lee rop zha ngegobi yex zha leen nitdoo, tak zha niit mbel nak zha rop zha.
24303	MRK 1:19	Ne nda Jesús mas kwat, tsa mwii Jesús Santiag ne Juan kuu nak rop xgann Zebedeo, re zha nzo leen kano ngeyib yex.
24313	MRK 1:29	Leettsa mroo re zha Jesús leen yuu ta nkaltaa re zha Israel, tsa ngwa Jesús kon Santiag ne Juan liz Simún rop Ndres.
24314	MRK 1:30	Tsa nzhab re zha lo Jesús lee xnaatsaap Simún, nax lo luun ndak xlee.
24320	MRK 1:36	Tsa lee re altaa Simún ngwakwaan Jesús.
24365	MRK 3:8	Ne noga re zha Jerusalén yez naro, kon zha yezlyu Idumea ngwa lo Jesús; noga ngwa re zha kuu nzo tedib lad roo yoo Jordán, re zha yez Tiro ne zha yez Sidón. Ngwa zha tak mbin zha re kuu thoz kuu ntsow Jesús.
24373	MRK 3:16	Tsiibchop re zha ree nak re zha kuu mli Jesús: Simún (kuu mtob le Jesús Pey),
24374	MRK 3:17	Santiag ne Juan (rop zha ree nak xgann Zebedeo, kuu mtob le Jesús Boanerges, diiz ree nak: “Zhiinn bel bti”);
24375	MRK 3:18	Ndres, Lip, Bartolomé, Mateo, Mach, Santiag (zhiinn Alfeo), Tadeo, Simún (kuu ngoo xid partid Cananita),
24470	MRK 5:37	Ne mndaat Jesús diiz gateke choraa dits Jesús, beeta Pey, Santiag ne Juan wets Santiag.
24479	MRK 6:3	¡Zha ree nak karpinter zhiinn Mari! ¡Ne re wets zha nak: Santiag, Che, Judas ne Simún ne re btan zha nzi loʼaa nzhee! Kona nataagt Jesús lo re zha, ne nzhont zha diiz lo Jesús.
24556	MRK 7:24	Leettsa mroo Jesús yezlyu Galilea, tsa nda Jesús yezlyu Tiro ne Sidón, ne mndaab Jesús leen thib yuu, tak nlaazt Jesús yeen choraa zha pa ndo Jesús. Per ngogt gakaslo Jesús,
24558	MRK 7:26	Lee ngota nak thib zha tith zha yez Sirofenicia, ne mnaab ngota lo Jesús, tsa koo Jesús mbi fyer kuu nzo leettsoo rtsaap ngot.
24563	MRK 7:31	Tsa mroo Jesús yez Tiro ne mriid Jesús yez Sidón ne re tsii yez kuu nak Decápolis, tsa mzin Jesús roo nitdoo chaan Galilea.
24609	MRK 9:2	Leettsa mzaal xoop wiz lee Jesús ndano anta Pey, Santiag ne Juan zhaata, ne ngwa re zha thib yii naro, tya mzee mod na Jesús lo re yon zha.
24621	MRK 9:14	Leettsa mretab Jesús kon Pey, Santiag ne Juan, tsa mzin Jesús ta nzi reta zha kuu ngeteed lo Jesús, tsa mwii Jesús kwaro men nzi lo re zha, ne lee re maestr chaan ley ngeyodiz kon re zha kuu ngeteed lo Jesús.
24692	MRK 10:35	Santiag ne Juan kuu nak rop xgann Zebedeo, ngwa lo Jesús ne nzhab: ―Maestr, nlaaz nee tsowa thib yalwen kuu naab nee loʼa.
24698	MRK 10:41	Ne or mbin tedib tsii zha kuu ngeteed lo Jesús kona, tsa mnayii zha mne zha Juan rop Santiag.
24753	MRK 12:11	Lee Diox, Zha Nabee mtsow koree, ne kwathoz nzegey leettsooʼaa mwii leey. [Sal. 118:22-23]
24778	MRK 12:36	Ne leeka David mni por Mbi Nayon chaan Diox ne nzhab: Diox Kuu Nabee reta kwaa, nzhab lo Zha Kuu Nabee lon: “Tob lad ban chon, asta tsigʼn re zha kuu nayii neʼa xann niiʼa; tsa tobxub zha loʼa”. [Sal. 110:1]
24789	MRK 13:3	Tsa ngwa re zha yek thib yii kuu le Olib, tya nloo gwodoo, ne or ndob Jesús, tsa lee Pey, Santiag, Juan ne Ndres, mnaabdiz re zha zhaata lo Jesús, ne nzhab re zha:
24826	MRK 14:3	Leettsa ndo Jesús Betania, liz Simún kuu mzhaak yiz kuu nteyaaz kwerp, ne or ndob Jesús roo mes. Tsa mzin thib ngot kuu myaadno thib bot kuu natexkwaa kon ke kuu le alabastr, kuu tseta nzo perfum kuu chul ndetsi, perfum kuu ngoo zha thib ya kuu le nardo, ne kwathoz naap perfuma, ne mle ngot bot tsa mzhaal bot, ne mloo ngot perfum kwerp Jesús.
24856	MRK 14:33	Ne mndeno Jesús Pey, Santiag ne Juan ne mndelo mndebi ne nalatt ngoo leettsoo Jesús.
24860	MRK 14:37	Leettsa mre Jesús ta nzi re zha, lee re zha naxat, tsa nzhab Jesús lo Pey: ―Simún, ¿chu naxata? ¿Chu mxegta lo mkaal neeka thib or?
24916	MRK 15:21	Ne lee thib mbyi zha yez Cirene kuu le Simún, kuu nak xut Alejandr ne xut Rufo ndyaad ngwa wan. Ne or nderid zha tya, tsa mnabee re soldad lo zha gwe zha kruz Jesús.
24921	MRK 15:26	Ne lee letr kuu mkee zha yek kruz nzhab, naa chebee mbeth zha Jesús, ne lee letr nzhab “REY CHAAN RE ZHA ISRAEL”.
24935	MRK 15:40	Noga chop tson ngot nzi tith ngewii, xid re ngota ndo Mari Magdalen ne Mari xnaa Santiag kuu mas yeen lo Che ne lo Salomé.
24943	MRK 16:1	Leettsa mriid wiz sabd, lee Mari Magdalen ne Mari xnaa Santiag ne Salomé, mzhii perfum kuu chul ndetsi, tsa ko zhay kwerp Jesús.
25033	LUK 1:71	Diox nak cho telaaʼaa lo re zha kuu nayii neʼaa, ne lo re zha kuu went nzo leettsoo neʼaa. [Sal. 106:10]
25044	LUK 2:2	Ne Ciren nak zha kuu nabee yezlyu Siria, leettsa mthop zha le re men welt ner.
25067	LUK 2:25	Ne re wiza ngoo thib mbyi kuu le Simeón yez Jerusalén. Ne mbyiʼa nak thib zha nali lo Diox, ne nzhool zha lo Diox, ne ngebet zha tetsey Diox leettsoo re zha Israel. Ne lee Mbi Nayon chaan Diox mnabee leettsoo zha,
25069	LUK 2:27	Tsa lee Mbi Nayon mtsow ngwa Simeón gwodoo, ne leeka ora mbe Che ne Mari mbet gwodoo, tsa tsow zha kuu nabee ley chaan Moisés.
25070	LUK 2:28	Ora mdeez Simeón mbet ne mbil Simeón lo Diox ne nzhab Simeón:
25075	LUK 2:33	Kwathoz mzegey leettsoo Che ne Mari xnaa Jesús, or mbin rop zha kuu nzhab Simeón kwent chaan Jesús.
25076	LUK 2:34	Tsa mnaab Simeón lo Diox kenap Diox re zha, ne nzhab Simeón lo Mari xnaa Jesús: ―Diox mli mbet ree par kib mbet falt chaan kwathoz tawlazaa o par masraa kwibe dits zha, ne nak mbet thib seny kuu kwaro zha kayaat mbet,
25120	LUK 3:26	Nagai ngok xgann Maat, Maat ngok xgann Matatías, Matatías ngok xgann Semeí, Semeí ngok xgann Josec, Josec ngok xgann Judá,
25121	LUK 3:27	Judá ngok xgann Joanán, Joanán ngok xgann Resa, Resa ngok xgann Zorobabel, Zorobabel ngok xgann Salatiel, Salatiel ngok xgann Nerí,
25124	LUK 3:30	Matat ngok xgann Leví, Leví ngok xgann Simeón, Simeón ngok xgann Judá, Judá ngok xgann Che, Che ngok xgann Jonám, Jonám ngok xgann Eliaquim,
25126	LUK 3:32	Natán ngok xgann rey David, rey David ngok xgann Isaí, Isaí ngok xgann Obed, Obed ngok xgann Booz, Booz ngok xgann Salmón, Salmón ngok xgann Naasón,
25129	LUK 3:35	Nacor ngok xgann Serug, Serug ngok xgann Ragau, Ragau ngok xgann Péleg, Péleg ngok xgann Heber, Heber ngok xgann Sala,
25130	LUK 3:36	Sala ngok xgann Cainán, Cainán ngok xgann Arfaxad, Arfaxad ngok xgann Sem, Sem ngok xgann Noé, Noé ngok xgann Lamec,
25132	LUK 3:38	Cainán ngok xgann Enós, Enós ngok xgann Set, Set ngok xgann Adán, Adán ngok xgann Diox.
25143	LUK 4:11	ne ten mandad yaaʼa, tsa yent kwan tak niiʼa lo ke. [Sal. 91:11-12]
25158	LUK 4:26	Per mtaalt Diox Lí lo neeka thib ngot byud zha tawlazaa zha Israel, sinke lee Diox mtaal Lí lo thib ngot byud zha yez Sarepta, kuu nzi ta nabee yez Sidón.
25159	LUK 4:27	Ne noga ngoo kwathoz tawlazaa kuu mzhaak yiz kuu ndezhoz kwerp zha, tyemp kuu mban profet Eliseo, per neeka thib zha mtegwet Eliseo, sinke beeta Naamán zha yezlyu Siria mtegwe Eliseo.