23281	MAT 4:3	Tsa lee Maxuuy mbig lo Jesús, tsa naa chu tetsow Jesús kuu gab Maxuuy, tsa nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, guz tsa lee re ke ree reyal pan.
23284	MAT 4:6	ne nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, brethin par yath, yent kwan taka, tak lee lo libr chaan Salm nzhab: “Lee Diox taal mandad chaan Diox, tsa ten mandad lu kon yaa mandad, tsa gabta lo ke”. [Sal. 91:11-12]
23319	MAT 5:16	Ndoblo goo tsow goo re kuu wen, tsa wii re men re kuu wen kuu ntsow goo. Goo nak taxal xni kuu nteni, tsa wii re men re kwaa. Btsow gooy, tsa leettsa wii zha re kuu wen kuu tsow goo, taa zha texkix lo Xutaa Diox kuu ndob yibaa.
23348	MAT 5:45	Tsa gak goo taxal ndoblo gak re zhiinn Xutaa Diox kuu ndob yibaa; tak lo reta men ntsow Diox kuu wen, ndaa Diox xni wiz lo re men wen ne lo re men went, ne ntela Diox yi lo re men kuu nali nak ne lo re men kuu nalit nak.
23351	MAT 5:48	Nali gok goo, taxal nali nak Xutaa Diox kuu ndob yibaa.
23352	MAT 6:1	’Kenap goo goo, tsowt goo kuu wen beeta par wii re men lo goo; os lee goo tata ntsow goo, neeka thib kwaa kayaat goo lo Xutaa Diox kuu ndob yibaa.
23355	MAT 6:4	Xgaatsa btsow gooy, tsa lee Xutaa kuu ne re kuu xgaatsta, taa kuu tsow goo gan lo goo.
23357	MAT 6:6	Per lee re goo, leettsa tediz goo lo Diox, btaab goo leen liz goo, btow goo roo pwert, ne btediz goo lo Xutaa Diox kuu nloot, tsa lee Xutaa kuu ne re kuu xgaats, taa kuu tsow goo gan lo goo.
23359	MAT 6:8	Tsowt goo taxal ntsow re zhaʼa; tak lee Xutaa neʼa naa kwan ndeche goo, leettsa terka naab gooy lo Xutaa.
23360	MAT 6:9	Kona, tenzhee ndoblo tediz goo lo Xutaa Diox: Xutʼn, kuu ndob yibaa, nlazʼn tsow nataak re mena tak nayon naka.
23365	MAT 6:14	’Ne os lee goo, koo goo yek goo reta falt kuu mtsow re taben goo lo goo, noga Xutaa kuu ndob yibaa tetuyy re falt chaan goo.
23366	MAT 6:15	Per os lee goo koot goo yek goo re kuu mtsow tedib net zha lo goo, noga Xutaa kuu ndob yibaa, tuyyt re falt chaan goo.
23369	MAT 6:18	tsa net re men lee goo ngetsow ayun. Sinke beeta Xutaa kuu ne re kuu xgaats ndoblo ney, ne lee Xutaa taa lo goo, kuu tsow goo gan.
23377	MAT 6:26	Wii goo lo re min kuu nlazbi, nzhannt maa, neeka nthopt maa yalgonn, neeka ngotsowt maa yalgonn leen loo, per lee Xutaa kuu ndob yibaa ndaa loww maa. ¡Chu nagt masraa nataak goo nake re min!
23383	MAT 6:32	Tak reta zha kuu nagt zha Israel, kwathoz ntsow zha xgab re koree. Per lee Xutaa kuu ndob yibaa neʼa naa kwan ndeche goo.
23396	MAT 7:11	Ne leeka tata tegal zha kuu kwathoz went nak goo, per nzhaak goo ndaa goo kuu wen lo zhiinn goo, ¡xomod lee Xutaa kuu ndob yibaa, taat kuu wen lo reta zha kuu naabe lo Xutaa!
23406	MAT 7:21	’Ret men kuu ni lon: “Zha Nabee, Zha Nabee”, tab ta nabee Diox, sinke beeta re zha kuu ntsow kuu nlaaz Xutʼn kuu ndob yibaa, tab ta nabee Diox.
23443	MAT 8:29	Ne mretsyath zha ne nzhab zha: ―¿Chaka ndyaad lo nee, Jesús Xgann Diox? ¿Chu ndyaada tetiʼa nee, leettsa terka tsin wiz kuu tetiʼa nee?
23506	MAT 10:20	tak nagt goo kuu ni ora, sinke lee Mbi Nayon chaan Xutaa kuu nzo leettsoo goo ni ora.
23515	MAT 10:29	’Wii goo, ¿chu nthot zha chop min bzhizh por thap rehal? Per leen ni lo goo, neeka thib min lat lo yezlyu ree os lee Xutaa Diox kuu ndob yibaa taat diize.
23518	MAT 10:32	’Os lee thib zha gab zha lo re men lee zha nak zha da, noga na gapʼn lo Xutʼn kuu ndob yibaa lee zha nak zha da.
23519	MAT 10:33	Per lee zha kuu gabt lo re men lee zha nak zha da, noga na gapʼn lo Xutʼn kuu ndob yibaa lee zha nagt zha zha da.
23553	MAT 11:25	Ne lee tsya nzhab Jesús: ―Nzhoolʼn loʼa Xutʼn, Zha Nabee yibaa ne yezlyu, tak mkaatsa re koree lo re zha nzhaak ne lo re zha kuu nyen re kwaa, ne mloo luy lo re zha kuu nlaaz teed.
23554	MAT 11:26	Xutʼn, tabaa mtsow luy tak tabaa nlaaza.
23555	MAT 11:27	Tsa nzhab Jesús lo re men: ―Reta kwaa mndaa Xutʼn lon. Ne yent cho ne cho nakʼn, sinke beeta Xutʼn ne cho nakʼn. Ne yent cho ne cho nak Xutʼn, sinke beeta na ne cho nak Xutʼn, ne beeta lo re zha kuu nlazʼn gapʼn naa cho nak Xutʼn.
23608	MAT 12:50	Tak re zha kuu ntsow kuu nlaaz Xutʼn kuu ndob yibaa, zhaʼa nak taxal wetsʼn btan na ne xnaan.
23635	MAT 13:27	Tsa lee re zha kuu nke tsiin lo zha kuu nak chaan yu, nzhab lo zha: “Zha Nabee, ¡at nzob xtil wen mloʼaa lo yu! ¿Xomod mlen yizh goob xide?”
23644	MAT 13:36	Leettsa ngwalo mchaats Jesús re men, tsa mndaab Jesús leen yuu, ne lee re zha kuu ngeteed lo Jesús mbig ne nzhab lo Jesús: ―¿Xomod nak kwent nanzee chaan nzob xtil kon yizh goob?
23651	MAT 13:43	Tsa lee re zha kuu nali nak lo Diox la xni zha ta nabee Xutʼn, taxal nla xni wiz la xni zha. ¡Os lee goo ndob nza goo ndoblo yen goo koree!
23662	MAT 13:54	ne mzin re zha laz Jesús. Ne wiz sabd mndelo Jesús mloo lo re men ta nkaltaa re zha Israel nteed xkiiz Diox. Tsa mzegey leettsoo re men mbin kuu mloo Jesús, ne mbez zha lo re altaa zha: ―¿Xomod mteed zha ree yalnzhaak ree? ¿Chebee nzhaak ntsow zha re milagr thoz?
23664	MAT 13:56	Ne leeka loʼaa nzhee nzi re btan zha. ¿Xomod mteed zha re kuu nzhaak zha?
23699	MAT 14:33	Tsa lee re zha kuu nzo leen kano mtobxub lo Jesús, ne mbil zha lo Jesús nzhab zha: ―Wlipaa lee lu nak Xgann Diox.
23715	MAT 15:13	Tsa mkab Jesús, ne nzhab Jesús: ―Reta zha kuu nloo re leyy kuu nagt leyy chaan Xutʼn kuu ndob yibaa, teluux Xutʼn re zhaʼa, koree nak taxal zha kuu nkib dib lozh thib ya kuu mtot zha.
23757	MAT 16:16	Tsa lee Simún Pey mkab, ne nzhab: ―Lu nak Xgann Diox kuu naban, Kuu Mtaal Diox Nabee.
23758	MAT 16:17	Tsa lee Jesús mkab lo Pey, ne nzhab: ―Wen ndaʼa Simún xgann Jonás. Tak neeka thib men mloot koree loʼa, sinke Xutʼn kuu ndob yibaa mlooy loʼa.
23768	MAT 16:27	Koree nin lo goo, tak lee na Kuu Mzin Ngok Men, yaalʼn kon xni thoz chaan Xutʼn ne kon re mandad Xutʼn, ne tsa taa na lo kadta thib thib zha kuu ndoblo zha.
23770	MAT 17:1	Xoop wiz bluz lee Jesús zhaata mndeno Pey, Santiag ne Juan wets Santiag, ne ngwa re zha yek thib yii naro.
23788	MAT 17:19	Tsa lee re zha kuu ngeteed lo Jesús, ngwa mnaabdiz lo Jesús zhaata ne nzhab re zha lo Jesús: ―¿Xomod lee nee, ngogt gagoo nee mbi fyer baa?
23806	MAT 18:10	’Wii goo ndoblot tsow nataagt goo, neeka thib re ndyeen bzhizh ree, tak kwathoz nataak ndyeen lo Xutʼn Diox, ne lee re mandad chaan re ndyeen ree thibka nzi lo Xutʼn kuu ndob yibaa.
23810	MAT 18:14	Leeka tata lee Xutaa kuu ndob yibaa, nlaazt zha roo neeka thib re ndyeen bzhizh ree xid re zha kuu nyelaaz na.
23815	MAT 18:19	’Ne noga nin lo goo: Os beeta chop goo myaan goo diiz lo yezlyu ree, naab goo thib kuu nlaaz goo lo Xutʼn kuu ndob yibaa, tataa Xut nay.
23831	MAT 18:35	Tsa nzhab Jesús: ―Tabaaka tsow Xutʼn Diox kuu ndob yibaa lo re goo, os lee goo latta leettsoo goo lo re kuu went kuu ntsow taben goo lo goo.
23838	MAT 19:7	Tsa mnaabdiz re zha lo Jesús ne nzhab zha: ―¿Xomod lee Moisés nzhab tak laa mbyi tsaal mbyi, beeta ndoblo taa mbyi thib yeets kuu mroo yuulow kuu nzhab, lee mbyi mtso rop tsaal?
23884	MAT 20:23	Lee Jesús nzhab: ―Wli, lee goo rid yalti taxal rid nay; per gagt tsowʼn tobʼn goo lad ban ne lad beg lon, tak nagt na kuu taa kona. Sinke Xutʼn taa kona lo re zha kuu naka diiz kayaay.
23891	MAT 20:30	Ne tya lee chop syeg ndob roo net; ne leettsa mbin rop syeg lee Jesús nderid, tsa dib gan rop syeg, nzhab rop syeg: ―Zha Nabee, Xgann rey David, blat leettsooʼa neʼa nee ne btegwe nee.
23892	MAT 20:31	Tsa lee re men mnayii lo rop syeg, tsa tow roo rop syeg, per lee rop syeg masraa mrez ne nzhab: ―Zha Nabee, Xgann rey David, blat leettsooʼa neʼa nee.
23897	MAT 21:2	ne nzhab Jesús lo zha: ―Gwa goo yez kuu nzi baa. Tya yetsal goo thib burr kuu ndekedoo rop zhiinn. Xak goo maa ne yaadno goo maa.
23915	MAT 21:20	Leettsa mwii re zha kuu ngeteed lo Jesús kona, kwathoz mzegey leettsoo zha ne nzhab zha: ―¡Xomod oraaka mbiz ya ig!
23986	MAT 22:45	¿Xomod tak gak Crist xgann David, os Zha Nabee nzhab David lo Crist?
24020	MAT 23:33	’¡Goo nak zha nakap nak taxal mbeel! ¿Xomod laa goo lo yalti, goo kuu ndya gabil?
24062	MAT 24:36	’Neeka thib zha net polor tsin wiza, neeka re mandad chaan Diox nete, neeka na, Kuu Mzin Ngok Men nete. Beeta Xutʼn ney.
24111	MAT 25:34	Tsa lee na zha kuu nak rey, gapʼn lo re zha kuu nzi lad ban lon: “De goo zha kuu mkayaa re kuu wen lo Xutʼn; bkayaa goo ta nabee Xutʼn, ta mdexkwaa Xutʼn par goo, asta leettsa mdexkwaa yezlyu.
24152	MAT 26:29	Per wlipaa na nin lo goo, gut raa na xit ub ree, asta wiz kuu leettsa gun kuu kub kon re goo ta nabee Xutʼn.
24162	MAT 26:39	Tsa lee Jesús nda tut kwat, ne mtobxub Jesús asta mdiinn yeklo Jesús lo yu, ne mndediz Jesús lo Diox, ne nzhab Jesús: ―Xutʼn, os leey take, btelaan tsa riidtʼn yalti kuu riidʼn, per nlaztʼn gake taxal nlazʼn, sinke taxal nlaaza gake.
24165	MAT 26:42	Mrop welt nda Jesús ne mndediz Jesús lo Diox, ne nzhab Jesús: ―Xutʼn, os tak riidtʼn yalti ree kuu ndoblon riidʼn; per ndoblo gake taxal nlaaza.
24176	MAT 26:53	¿Chu neta tak naabʼn lo Xutʼn, tsa taal Xutʼn thib tsiibchop mil mandad chaan Xutʼn nalorka?
24185	MAT 26:62	Tsa lee ngwleyy kuu nabee lo reta ngwleyy ngwateli, ne mnaabdiz lo Jesús, ne nzhab: ―¿Chebee nkabta neeka thib kwaa? ¿Xomod nak re kuu nkeki zha lu?
24186	MAT 26:63	Per lee Jesús mkabt neeka thib kwaa lo ngwleyy kuu nabee lo reta ngwleyy. Tsa lee ngwleyya mre mnaabdiz lo Jesús ne nzhab: ―Btselo lo Diox kuu naban leeʼa ne kuu wli. Ne lo nee: ¿Chu lu nak Xgann Diox Kuu Mtaal Diox Nabee?
24189	MAT 26:66	¿Xa nloo koree lo goo? Lee re zha mkab ne nzhab: ―Nap zha falt, ndoblo gath zha por falt zha.
24238	MAT 27:40	Ne nzhizno zha Jesús ne mbez zha lo Jesús: ―Lu mbez luuzha gwodoo, ne tsonka wiz taaʼa tedibe. ¡Os leeʼa wli Xgann Diox naka, leeka lu blaʼa lo kruz!
24241	MAT 27:43	Ne tak kwathoz nyelaaz zha Diox, nez Diox telaa zha nal, os wli nke leettsoo Diox zha; tak leeka zha ne Xgann Diox nak zha.
24252	MAT 27:54	Tsa lee soldad kuu nabee lo thib gayoo soldad ne re soldad kuu nkenap Jesús, mne zha mwin zho thoz ne mne zha reta kuu ngok, tsa kwathoz mzeb re zha ne nzhab zha: ―Wlipaa, lee mbyi ree nak Xgann Diox.
24283	MAT 28:19	Gwa goo lo reta men dib naxta lo yezlyu, ne btsow goo gak zha, zha kuu teed lon, ne btsowleyy goo zha, kon yalnabee chaan Xutʼn, kon yalnabee chaan da, ne kon yalnabee chaan Mbi Nayon chaan Diox.
24285	MRK 1:1	Tenzhee mod mndelo Diiz Chul chaan Jesucrist Xgann Diox.
24334	MRK 2:5	Ne oraaka myeen Jesús lee re zhaʼa nyelaaz Diox. Tsa nzhab Jesús lo zha mthansa: ―Xgann na, mtuyya na re falta.
24368	MRK 3:11	Ne or ngwii re mbi fyer kuu nzo leettsoo re zha lo Jesús, tsa ntsow mbi fyer ntobxub re zha lo Jesús, ne mbetsyath zha mbez zha: ―Lu nak Xgann Diox.
24380	MRK 3:23	Tsa mrez Jesús re zha ne mni Jesús lo re zha kon diiz nanzee, ne nzhab Jesús: ―¿Xomod koo Maxuuy leeka lee Maxuuy Maxuuy?
24405	MRK 4:13	Tsa nzhab Jesús lo re zha: ―¿Os nyent goo koree? ¿Xomod yen goo tedib nete?
24440	MRK 5:7	Tsa nzhab Jesús: ―Mbi fyer broo leettsoo zha ree. Tsa dib gan zha mretsyath zha ne nzhab zha: ―Jesús. ¡Xgann Diox kuu ndob yibaa! ¡Kwan nlaaza kon nee! Naabʼn loʼa tetita nee, leettsa ter tsin wiz kuu tetiʼa nee.
24549	MRK 7:17	Leettsa mlaa Jesús re men tsa mndaab Jesús leen thib yuu, ne lee re zha kuu ngeteed lo Jesús mnaabdiz lo Jesús, ne nzhab: ―Xomod nak kwent kuu mndaaʼa.
24569	MRK 7:37	Kwaro mzegey leettsoo re men, ne nzhab re men: ―¡Xomod ntsow zha ree re kuu tenzhee! ¡Ntsow zha nzhaal nza zha kuu nakwee, ne ntsow zha ndediz zha mud!
24607	MRK 8:38	Os lee thib zha nthoy zha ne zha na ne xkizʼn xid re men tyemp ree, re men kuu thitanax mlaa Diox ne thitanax went nak, noga na Kuu Mzin Ngok Men, tethoyʼn nen zhaʼa, leettsa bretabʼn kon xni chaan Xutʼn ne kon re mandad Xutʼn kuu nayon.
24660	MRK 10:3	Tsa nzhab Jesús lo re zha: ―¿Xomod nzhab lo ley chaan Moisés?
24681	MRK 10:24	Ne kwathoz mzegey leettsoo re zha kuu ngeteed lo Jesús, leettsa mbin zha kona, per lee Jesús mre mni lo re zha, ne nzhab: ―Re goo kuu nak taxal Xgann na, aka kwathoz nagan tab thib zha rik ta nabee Diox.
24711	MRK 11:2	ne nzhab Jesús lo rop zha: ―Gwa goo yez kuu nzi baa. Ne or tab goo yeza, tya yetsal goo thib burr yeen kuu ndekedoo, thib maa kuu neeka thib zha ter ke. Xak goo maa ne yaadno goo maa.
24734	MRK 11:25	Ne or tediz goo lo Diox, bloo goo yek goo reta kuu went kuu mtsow taben goo lo goo, tsa noga Xutaa kuu ndob yibaa, tuyy reta kuu went kuu mtsow goo.
24735	MRK 11:26	Tak os lee goo koot goo yek goo, re kuu went kuu mtsow taben goo lo goo, noga Xutaa kuu ndob yibaa tuyyt zha reta kuu went kuu ntsow goo lo zha.
24779	MRK 12:37	Ne leeka David nzhab lo zha: “Zha Nabee lon”. ¿Xomod gak zha zha raz chaan David? Ne kwathoz men kuu nzi nzhon xkiiz Jesús tya, ne kon dib ndroo leettsoo zha nzhon zhay.
24818	MRK 13:32	’Per lee wiza ne ora yent cho ney; neeka re mandad chaan Diox, neeka Xgann Diox, beeta Xutʼn Zha Nabee ney.
24884	MRK 14:61	Per lee Jesús mkabt neeka thib kwaa, tsa lee ngwleyy kuu nabee lo reta ngwleyy mre mnaabdiz lo Jesús, ne nzhab: ―¿Chu lu nak Crist kuu Mtaal Diox nabee? ¿Chu lu nak Xgann Diox?
24887	MRK 14:64	¡Mbina goo ne zha, yewal zha kon Diox! ¿Xa ntsow goo xgab koree? Reta men nzhab: ―¡Ndoblo gath zha!
24934	MRK 15:39	Ne lee soldad kuu nabee lo thib gayoo soldad ndo lo Jesús, ne mbin zha dib gan Jesús mrez Jesús ne mwii zha naa xa nguth Jesús. Tsa nzhab zha: ―Wlipaa lee mbyi ree nak Xgann Diox.
24980	LUK 1:18	Tsa mnaabdiz Zacarí lo mandad ne nzhab Zacarí: ―¿Xomod nen wli kuu neʼa lon? Tak zha gola rop tsaal nee.
24988	LUK 1:26	Xoop mbee bluz lee Diox mtaal mandad Gabriel yez Nazaret kuu nzi yezlyu Galilea,
24994	LUK 1:32	Lee mbet gak thib zha kuu kwathoz nataak lo Diox, ne Xgann Diox kuu ndob yibaa tob le re men mbet, ne lee Diox kuu nak Zha Nabee, tsow tsa nabee zha taxal mnabee David tey zha, zha ndala,
24996	LUK 1:34	Tsa lee Mari mnaabdiz lo mandad, ne nzhab: ―¿Xomod tak gak koree? Tak lee na ter gakʼn kon neeka thib mbyi.
24997	LUK 1:35	Lee mandad mkab, ne nzhab: ―Lee Mbi Nayon ne lee yalney chaan Diox kuu ndob yibaa la ditsa taxal thib xkow. Kona lee zhiinna kuu gal role Xgann Diox.
25090	LUK 2:48	Or mzal Jesús lo xut Jesús ne lo xnaa Jesús, kwathoz mzegey leettsoo rop zha, tsa nzhab xnaa Jesús lo Jesús: ―Xgann na, ¿chebee tabaa mtsowa lo nee? Kwathoz nalatt nzhak rop nee xuta ngekwaan nee lu.
25091	LUK 2:49	Lee Jesús mkab ne nzhab: ―¿Chebee nkwaan goo na? ¿Chu net goo lee na ndoblo ton lo re kuu nak rtsin Xutʼn?
25135	LUK 4:3	Tsa lee Maxuuy ngwalaaz gakedi Jesús, ne nzhab lo Jesús: ―Os leeʼa wlipaa Xgann Diox naka, guz lo ke ree tsa reyale pan.
25141	LUK 4:9	Tsa mndeno Maxuuy Jesús yez Jerusalén, ne ngwano Maxuuy Jesús yek gwodoo ta mas ya ndab, tsa nzhab Maxuuy lo Jesús: ―Os leeʼa wlipaa Xgann Diox naka, gob par yath,
25173	LUK 4:41	Ne noga mloo Jesús mbi fyer leettsoo tyen zha, ne mbezguth re zha ne mbez zha lo Jesús: ―¡Lu nak Xgann Diox! Per lee re mbi fyera mkox lo Jesús, ne mlaat Jesús gani re mbi fyera lo Jesús, tak neʼa re mbi fyer lee Jesús nak Crist Kuu Mtaal Diox Nabee.
25323	LUK 8:9	Tsa lee re zha kuu ngeteed lo Jesús mnaabdiz lo Jesús, ne nzhab: ―¿Xomod nak kwent nanzee ree?
25342	LUK 8:28	Per or mwii zha Jesús, tsa mbig zha mtobxub zha lo Jesús ne mrez zha, nzhab zha: ―¿Chebee ndyaada lo nee Jesús Xgann Diox kuu ndob yibaa? ¡Naabʼn loʼa tetita nee!
25396	LUK 9:26	Ne loka zha kuu nthoy nen ne xkizʼn, noga na Kuu Mzin Ngok Men, tethoyʼn nen zhaʼa, leettsa bretabʼn lo yezlyu ree tedib welt kon xni thoz chaan da, ne kon xni thoz chaan Xutʼn ne kon re mandad da kuu nayon.
25453	LUK 10:21	Ne leeka ora lee Mbi Nayon mtsow kwathoz naley ngoo leettsoo Jesús, ne nzhab Jesús: ―Nzhoolʼn loʼa Xutʼn, Zha Nabee yibaa ne yezlyu, tak mkaatsa koree lo re zha kuu nzhaak, ne lo re zha kuu nyen re kuu, ne mloo luy lo re zha kuu gagt. Xutʼn tabaa mtsow luy tak tabaa nlaaza.