23263	MAT 3:2	Ne nzhab Juan: ―¡Btsee goo mod went kuu nak goo, tak lee wiz kuu lee Diox nabee lo goo mzin gaxa!
23268	MAT 3:7	Per or mwii Juan kwathoz re zha fariseo ne re zha saduceo ndyaad gakleyy lo Juan, tsa nzhab Juan lo re zha: ―¡Goo nak zha kuu nakap nak taxal mbeel! ¿Cho ne lo goo tak laa goo lo yalnayii chaan Diox, kuu yaad leettsa lux yezlyu?
23446	MAT 8:32	Tsa nzhab Jesús: ―¡Gwa goo! Ne lee re mbi fyer mroo leettsoo rop zhaʼa ne mndaab leettsoo re nguch. Ne oraaka mrozhonn re nguch ne mbix maa yek kedoo ngob maa leen nitdoo, ngwaap re maa nit ne thitanax nguth maa.
23475	MAT 9:27	Leettsa mroo Jesús tya, lee chop zha syeg mndeke dits Jesús, dib gan zha mrez zha ne nzhab zha lo Jesús: ―¡Lu kuu nak thib zha raz rey David, blat leettsooʼa neʼa nee!
23481	MAT 9:33	Ne or mloo Jesús mbi fyer leettsoo mbyiʼa, mndelo mbyiʼa mndediz. Tsa mzegey leettsoo re men, ne nzhab re men: ―¡Neeka mas ter wiiʼaa thib kuu tenzhee lazaa!
23549	MAT 11:21	―¡Aka nati rid re goo zha yez Corazín! ¡Aka nati rid re goo zha yez Betsaida! Os lo re men rop yez kuu nak Tiro ne Sidón gagak re kuu thoz kuu ngok lo re goo, chu nal galaa zha re kuu went kuu mtsow zha ne gayelaaz zha Diox, gagok zha lar kuu nambaat ne gatob zha lo di, tsa galoo zha kwathoz nalatt nzo leettsoo zha por re falt zha.
23692	MAT 14:26	Per or mwii re zha lee Jesús ndyaad lo nitdoo, tsa dib gan mrez re zha, tak kwathoz mzeb re zha, ne nzhab zha: ―¡Kuu fyera!
23724	MAT 15:22	Tya lee thib ngot zha Canaán, kuu nzo tya mbig lo Jesús, ne dib gan zha mrez zha ne nzhab zha lo Jesús: ―¡Zha Nabee, xgann rey David, blat leettsooʼa neʼa na! Tak kwathoz ndakti rtsaapʼn, tak nzo thib mbi fyer leettsoo nzaa.
23764	MAT 16:23	Per lee Jesús mtsere lo, ne nzhab lo Pey: ―¡Btow rooʼa Maxuuy! Lu ngetow lon. Tak ntsowta xgab kuu ntsow Diox xgab; sinke leeʼa ntsow xgab taxal ntsow re men xgab.
23904	MAT 21:9	Ne lee re zha kuu ndener ne re zha kuu ndeke, nex mbez zha: ―¡Golaa lo Zha kuu ndyaad Nabee lo raz chaan rey David! ¡Aka wen nak zha kuu ndyaad kon yalnabee chaan Zha Nabee! ¡Golaa lo Diox kuu ndob yibaa!
23915	MAT 21:20	Leettsa mwii re zha kuu ngeteed lo Jesús kona, kwathoz mzegey leettsoo zha ne nzhab zha: ―¡Xomod oraaka mbiz ya ig!
23959	MAT 22:18	Per lee Jesús neʼa went nak xgab re zha, kona nzhab Jesús lo re zha: ―¡Zha nkedi nak goo, zhaa kuu mbez ne zhaa kuu ntsow goo, nlaaz goo naabdiz goo kuu wli per went nak goo! ¿Chebee tabaa mod nkwaan goo ten goo na?
23970	MAT 22:29	Jesús mkab lo re zha ne nzhab: ―¡Thitanax ngobeet goo! Nyent goo re kuu nke lo ley chaan Moisés, ne neeka nlebeet goo yalney chaan Diox.
24156	MAT 26:33	Tsa lee Pey nzhab lo Jesús: ―¡Tegal reta zha laa lu, per lee na thitanax latʼn lu!
24168	MAT 26:45	Tsa mretab Jesús ta nzi re zha kuu ngeteed lo Jesús, ne nzhab Jesús lo re zha: ―¡Nalsi bneyy goo ne bdat goo! Tak mzina or kuu lee na, Kuu Mzin Ngok Men, taa zha lo re zha kuu nap falt.
24188	MAT 26:65	Tsa lee ngwleyy kuu nabee lo reta ngwleyy mchat xab, ne nzhab: ―¡Lee zha ree ni de Diox! Kon kuu ni zha. Ndechet raa lee tedib testig, mbina goo xa ni de zha Diox.
24195	MAT 26:72	Ne tedib welt lee Pey mtselo kruz, ne nzhab: ―¡Nlebeetʼn mbyi baa!
24197	MAT 26:74	Tsa lee Pey mtselo kruz, ne mndelo mde leeka lee, ne nzhab: ―¡Wlipaa na, nlebeetʼn mbyi baa! Ne ora lee ngite mrez.
24220	MAT 27:22	Tsa lee Pilat mre mnaabdiz lo re men, ne nzhab: ―Ne, ¿kwan tsowʼn kon Jesús kuu ni re zha, Crist Kuu Mtaal Diox Nabee? Reta men mkab ne nzhab: ―¡Bkee zha lo kruz!
24221	MAT 27:23	Lee Pilat nzhab: ―Per, ¿kwan kuu went mtsow zha? Lee re men masraa nex mrez, ne nzhab: ―¡Bkee goo zha lo kruz!
24223	MAT 27:25	Tsa lee re men mkab ne nzhab: ―¡Dits nee, ne dits raz nee kwib ren chaan mbyi baa!
24227	MAT 27:29	Ne mtob zha thib koron kuu natexkwaa kon yits yek Jesús, ne mloo zha thib aga yaa ban Jesús. Ne mtobxub re zha lo Jesús ne mzhizno zha Jesús, ne mbez zha: ―¡Wii goo lo rey chaan re zha Israel!
24309	MRK 1:25	Oraaka mkox mbi fyer lo Jesús, ne nzhab Jesús: ―¡Btow rooʼa, ne broo leettsoo mbyi ree!
24311	MRK 1:27	Ne reta zha kuu nzi tya kwathoz mzegey leettsoo zha, ne mnaabdiz zha lo altaa zha, ne nzhab zha: ―¡Neeka mas ter wiiʼaa koree! ¿Kwan koree? Zha ree nloo pur kuu kub, ne nabee zha lo re mbi fyer ne nzhone diiz lo zha.
24321	MRK 1:37	Ne or mzal Jesús lo re zha, tsa nzhab zha lo Jesús: ―¡Reta men ngekwaana!
24341	MRK 2:12	Oraaka lee mbyi mthansa ngwache, ne mzhen zha luun zha ne ndya zha, ne reta zha kuu mwii kuu ngok, kwathoz mzegey leettsoo zha, ne mndaa zha texkix lo Diox ne nzhab zha: ―¡Neeka mas ter wiiʼaa koree! ¡Re kuu thoz kuu ntsow Diox!
24401	MRK 4:9	Ne nzhab Jesús: ―¡Os lee goo ndob nza goo, ndoblo yen goo koree!
24431	MRK 4:39	Oraaka ngwache Jesús ne mkox mbi ne nitdoo lo Jesús, ne nzhab Jesús: ―¡Keeta bi! ¡Zheta gok! Ne lee nitdoo zheta ngok.
24492	MRK 6:16	Or mbin rey Herodes re kona, tsa nzhab rey Herodes: ―¡Lee zha nak Juan kuu mtaalʼn mchuug zha yek, ne nal mroban zha!
24501	MRK 6:25	Oraaka nda nzaa ta ndob rey, ne nzhab nzaa lo rey: ―¡Nalorka nlazʼn taaʼa yek Juan kuu ntsowleyya lon leen thib yann!
24526	MRK 6:50	tak reta zha mwiiy ne mzeb zha. Per ora lee Jesús mni lo re zha ne nzhab: ―¡Bloney goo leettsoo, tsebt goo nay!
24538	MRK 7:6	Jesús mkab lo zha, ne nzhab: ―¡Zha nkedi nak goo, zhaa kuu mbez ne zhaa kuu ntsow goo! Wen wen mndaa profet Isaí kwent naa xomod nak goo. Or kuu nzhab zha: Lee re zha yez ree beeta kon roo zha nzhool zha lon, ne lee leettsoo zha tith ndo lon.
24569	MRK 7:37	Kwaro mzegey leettsoo re men, ne nzhab re men: ―¡Xomod ntsow zha ree re kuu tenzhee! ¡Ntsow zha nzhaal nza zha kuu nakwee, ne ntsow zha ndediz zha mud!
24602	MRK 8:33	Per lee Jesús mtsere lo mwii lo re zha kuu ngeteed lo Jesús, ne mkox Pey lo Jesús ne nzhab Jesús: ―¡Beche lon, lu nak taxal Maxuuy! Ntsowta xgab taxal ntsow Diox xgab; lu ntsow xgab taxal ntsow re men xgab.
24626	MRK 9:19	Jesús mkab ne nzhab: ―¡Cho klas men nak goo! ¿Chebee nyelaazt goo lee Diox tak tsow koree? ¿Asta pol ton lo goo? ¿Asta pol kez leettsoon nen goo? Deno goo nyo nzhee.
24705	MRK 10:48	Tsa lee tyen zha mnayii lo syeg, ne nzhab zha lo syeg: ―¡Tow rooʼa! Per lee syeg masraa mrez, ne nzhab: ―Jesús xgann David, blat leettsooʼa neʼa na.
24718	MRK 11:9	Ne lee re zha kuu ndener ne re zha kuu ndeke, tenzhee mbez re zha: ―¡Aka wen nak Diox! ¡Wen nak zha kuu ndyaad kon le Zha Nabee!
24774	MRK 12:32	Tsa lee maestr kuu nloo xkiiz Diox nzhab lo Jesús: ―¡Wli luy, maestr! ¡Thibka Diox nzo ne yent raa tedib zha kuu mas nataak nake Diox!
24787	MRK 13:1	Or mroo Jesús roo gwodoo lee thib zha kuu ngeteed lo Jesús nzhab: ―¡Wii na, maestr! ¡Aka nabii re ke chaan gwodoo ree, ne kwathoz wen natexkwaa re yuu chaan gwodoo!
24852	MRK 14:29	Tsa nzhab Pey lo Jesús: ―¡Per tegal reta zha laaʼa, per lee na latʼn lu!
24886	MRK 14:63	Tsa lee ngwleyy kuu nabee lo reta ngwleyy mchat xab ne nzhab: ―¡Ndechet raa lee tedib testig!
24887	MRK 14:64	¡Mbina goo ne zha, yewal zha kon Diox! ¿Xa ntsow goo xgab koree? Reta men nzhab: ―¡Ndoblo gath zha!
24894	MRK 14:71	Tsa mndelo Pey mde Pey, ne mteth Pey Diox, ne nzhab Pey: ―¡Wlipaa naa nlebeetʼn mbyi kuu nteth goo lon!
24908	MRK 15:13	Ne lee re men mrez dib gan ne nzhab: ―¡Bkee zha lo kruz!
24909	MRK 15:14	Per lee Pilat nzhab: ―¿Kwaan kuu went mtsow zha ree? Per lee re men mre mrez dib gan ne nzhab: ―¡Bkee zha lo kruz!
24913	MRK 15:18	Ne oraaka mndelo re zha mrez zha dib gan zha, ne nzhab zha: ―¡Kwathoz kuubil rey chaan re zha Israel!
24924	MRK 15:29	Ne lee re zha kuu ndriid tya ntsalzhoo zha Jesús kon ndota diiz, ne nkwin zha yek zha lo Jesús, ne mbez zha: ―¡Lu kuu nlaaz luux gwodoo, ne tsonka wiz taa luy tedib welt,
24990	LUK 1:28	Tsa mndaab mandad ta nzo Mari ne nzhab mandad: ―¡Tsan Mari, naley bloo leettsooʼa, tak kwathoz wen nzo leettsoo Diox ne Diox lu! Ne lee Zha Nabee ndo kon lu.
25004	LUK 1:42	Tsa lee Elisabet nex nzhab: ―¡Kwathoz wen nzo leettsoo Diox ne Diox lu nake tedib net re ngot, ne kwathoz wen nzo leettsoo Diox ne Diox xganna!
25101	LUK 3:7	Leettsa mzin re men kuu gakleyy lo Juan, tsa mbez Juan lo re zha: ―¡Goo nak zha kuu nakap nak taxal mbeel! ¿Cho mloo diiz lo goo par zhonn goo lo yalnayii kuu ne Diox yaad?
25166	LUK 4:34	―¡Blaa nee! ¿Kwan ndaka neʼa nee? ¿Chu ndyaada luuzha nee Jesús zha Nazaret? Nlebeen lu, nen leeʼa nak Zha Kuu Nayon lo Diox.
25167	LUK 4:35	Tsa mkox mbi fyera lo Jesús, ne nzhab Jesús: ―¡Btow rooʼa ne broo leettsoo mbyi ree! Tsa lee mbi fyera mlobi mbyiʼa lo yu xid re mena, ne mroo mbi fyera leettsoo mbyiʼa, ne yent kwan mzhaak mbyi.
25173	LUK 4:41	Ne noga mloo Jesús mbi fyer leettsoo tyen zha, ne mbezguth re zha ne mbez zha lo Jesús: ―¡Lu nak Xgann Diox! Per lee re mbi fyera mkox lo Jesús, ne mlaat Jesús gani re mbi fyera lo Jesús, tak neʼa re mbi fyer lee Jesús nak Crist Kuu Mtaal Diox Nabee.
25184	LUK 5:8	Ne leettsa myeen Simún Pey kwathoz mbel mniit re zha, tsa mtobxub Pey lo Jesús ne nzhab Pey: ―¡Beche lon, Zha Nabee, tak zha ndab falt nakʼn!
25202	LUK 5:26	Kwathoz mzegey leettsoo reta men ne mbil men lo Diox, ne lo tseb re zha nzhab zha: ―¡Naltseree si mwiiʼaa thib kuu thoz kuu mtsow Diox!
25322	LUK 8:8	Per lee tedib nete mla lo yu naal, ne kwathoz mzhene ne kwaro ngoke, asta thib gayoo nzob xtil mndaa thibka bin. Tata nak kwent. Tsa nex nzhab Jesús: ―¡Os lee goo ndob nza goo ndoblo yen goo koree!
25411	LUK 9:41	Lee Jesús mkab ne nzhab: ―¡Men nad, kuu nyelaazt Diox! ¿Plal tyemp ndoblo ton lo goo ne xek leettsoon nen goo? Deno xganna nzhee.
25501	LUK 11:27	Leettsa ngeni Jesús re koree, tsa lee thib ngot kuu nzo xid re mena mrez dib gan ne nzhab: ―¡Kwathoz wen nda xnaaʼa, kuu ngopa ne mndaa nzii ngwiiʼa!
25520	LUK 11:46	Tsa nzhab Jesús lo zha: ―¡Noga goo maestr kuu nloo xkiiz Diox, aka nalatt rid goo! Tak ntsib goo kuu ne dits tedib men, kuu neeka thib men yet gwe. Ne lee goo neeka kon kwen yaa goo ndiinnt gooy.
25602	LUK 13:15	Tsa lee Jesús mkab ne nzhab: ―¡Zha nkedi nak goo, zhaa kuu mbez goo ne zhaa kuu ntsow goo! ¿Chu nxagt goo ngon goo o burr goo, wiz kuu ndroxkwanaa, ne nyano goo maa nzhuu maa nit?
25659	LUK 15:2	Per lee re fariseo ne re maestr kuu nloo xkiiz Diox, nlooz zha Jesús ne mbez zha: ―¡Zha ree nkayaa re zha kuu nap falt ne noga nzhow zha kon re zha kuu ndab falt!
25781	LUK 18:24	Ne mwii Jesús nabil ngoo leettsoo zha, tsa nzhab Jesús: ―¡Aka nagan laa thib zha rik nabee Diox leettsoo zha!
25795	LUK 18:38	Tsa lee syeg dib gan mrez, ne nzhab: ―¡Jesús xgann David, blat leettsooʼa neʼa na!
25796	LUK 18:39	Tsa lee syeg mkox lo re zha kuu ndener, ne nzhab zha: ―¡Btow rooʼa! Per lee syeg masraa mrez ne nzhab: ―¡Jesús xgann David, blat leettsooʼa neʼa na!
25838	LUK 19:38	Ne mbez re zha: ―¡Kwathoz wen nak zha kuu ndyaad kon le Zha Nabee! ¡Wen kwin re zha yibaa ne golaa lo Diox kuu ndob yibaa!
25842	LUK 19:42	ne nzhab Jesús: ―¡Os lee re goo zha yez Jerusalén gane goo, lee wiz naltseree tak wen kwin goo, per tak nzogaats koree lo goo, kona nloote lo goo!
25864	LUK 20:16	Yaad zha ne kuth zha re zha kuu nzhann lo yu zha, ne taa zha yu zha lo tedib net zha. Leettsa mbin re men kona, tsa nzhab re zha: ―¡Net Diox kona!
25887	LUK 20:39	Tsa lee thib maestr kuu nloo xkiiz Diox, nzhab lo Jesús: ―¡Kwathoz wen mkaba!
25966	LUK 22:33	Per lee Pey nzhab lo Jesús: ―¡Zha Nabee! Lista ndon yan tsib kon lu, ne asta lista ndon gathʼn kon lu.
25993	LUK 22:60	Per lee Pey mkab, ne nzhab: ―¡Neeka netʼn naa kwan mbeza lon! Ne lee Pey bee ngenika lee ngite mrez.
26022	LUK 23:18	Per reta men mndelo mrez dib gan, ne nzhab: ―¡Nlaazt nee telaaʼa mbyi baa! ¡Lee nee nlaaz telaaʼa Barrabás!
26025	LUK 23:21	Per lee re men mre mrez dib gab tedib welt, ne nzhab: ―¡Bkee zha lo kruz, bkee zha lo kruz!
26085	LUK 24:25	Tsa lee Jesús nzhab lo rop zha: ―¡Chebee kwathoz nayez yek goo! Ne ¿chebee kwathoz nad leettsoo goo ne nyelaazt goo re kuu nzhab re profet kuu ngoo ndala?
26142	JHN 1:29	Ne lee tedib wiza mwii Juan lee Jesús ndyaad lo Juan, tsa nzhab Juan: ―¡Wii goo, zha ree nak Mbak zhiil Diox, kuu nkib falt chaan re men yezlyu ree!
26149	JHN 1:36	Or mwii Juan lee Jesús nderid tya, tsa nzhab Juan: ―¡Wii goo, zha baa nak, Mbak zhiil Diox!
26180	JHN 2:16	Ne nzhab Jesús lo re zha kuu ntho palom: ―¡Nalorka bloo goo re maa goo nzhee! ¡Tsowt goo xbi leen liz Xutʼn Diox!
26251	JHN 4:26	Jesús nzhab lo ngot: ―¡Na nak zhaʼa, kuu ngetediz loʼa!
26276	JHN 4:51	Ne or ndo zha net ndya zha liz zha, lee re mos zha ngwaxii net zha, ne nzhab lo zha: ―¡Mgweʼa xganna!
26346	JHN 6:20	Ora nzhab Jesús lo re zha: ―¡Tsebt goo nay!
26417	JHN 7:20	Tsa lee re men mkab ne nzhab lo Jesús: ―¡Mbi fyer nzo leettsooʼa, nzhak naxen yeka! ¿Cho nlaaz kutha?
26425	JHN 7:28	Ne or ngeloo Jesús lo re men lee roo gwodoo, mbin Jesús tata nzhab re zha, tsa nex nzhab Jesús lo re zha: ―¡Ndak goo nlebee goo na, ne ne goo pa mroon! Per ndyaltʼn tak nlazʼn yalʼn, sinke lee zha kuu mtaalʼn, nak thib zha kuu nali ne wli, ne lee re goo nlebeet goo zha.
26443	JHN 7:46	Lee re zha kuu nkenap gwodoo mkab ne nzhab: ―¡Neeka thib zha ndedizt taxal ndediz mbyiʼa!
26489	JHN 8:39	Lee re zha mkab ne nzhab: ―¡Abraham nak xut nee! Per lee Jesús nzhab lo re zha: ―Os lee goo wlipaa xgann Abraham nak goo, kuu mtsow Abraham ndoblo goo tsow goo.
26491	JHN 8:41	Lee re goo ntsow goo kuu ntsow xut goo. Lee re zha mkab nzhab: ―¡Lee re nee nagt nee zhiinn wan zha, nap nee thibka xut nee, kuu nak Diox!
26507	JHN 8:57	Lee re zha Israel nzhab lo Jesús: ―¡Neeka napta chop galbtsii liin, ne mbeza mwiiʼa lu Abraham!
26508	JHN 8:58	Jesús mkab ne nzhab: ―¡Wlipaa na nin lo goo, nzoʼa na leettsa terka yo Abraham!
26539	JHN 9:30	Lee mbyi kuu ngok syega mkab ne nzhab: ―¡Koree si wlipaa nzegey leettsoo men ngwii men! Tak ¿chebee net goo pa mroo zha, ne lee zha mtegwe ngutlon?
26543	JHN 9:34	Tsa nzhab re zha lo zha kuu ngol syega: ―¡Zhiinn wan zha naka! Ne nlaaza teniʼa nee. Tsa mloo re zha zhaʼa ta nkaltaa re zha nteed zha xkiiz Diox.
26628	JHN 11:36	Ne lee re zha Israel nzhab: ―¡Wii goo xa kwathoz mke leettsoo zha Las!
26635	JHN 11:43	Or ngwalo mni Jesús koree, tsa dib gan Jesús nzhab Jesús: ―¡Las broo baa!
26641	JHN 11:49	Per lee thib zha kuu nzo xid re zhaʼa kuu le Caifás, thib zha kuu nak ngwleyy kuu nabee lo reta ngwleyy liina, nzhab lo re zha: ―¡Yent kwan nane goo!
26662	JHN 12:13	tsa mga re zha la yin, ne mroo zha mkayaa zha Jesús, ne nex nzhab re zha: ―¡Aka wen nak Diox! ¡Aka wen nak zha kuu ndyaad kon yalnabee chaan Zha Nabee! ¡Golaa lo zha kuu nak rey lo re zha Israel!
26894	JHN 18:40	Tsa reta zha mre nzhab: ―¡Telaata zha baa! ¡Barrabás btelaa! Ne Barrabás nak thib wann.
26897	JHN 19:3	Tsa mbig re zha lo Jesús ne nzhab zha: ―¡Kuubidoo rey chaan re zha Israel! Ne mkaan yaa zha kwat Jesús.
26899	JHN 19:5	Ne ndob koron yitsa yek Jesús ne nok Jesús lar naneʼa mroo Jesús. Tsa lee Pilat nzhab lo re men: ―¡Wii goo, lee zha ndo nzhee!
26900	JHN 19:6	Leettsa mwii re ngwleyy kuu nabee lo re ngwleyy ne re soldad kuu nkenap gwodoo lo Jesús, ora mrez re zha ne nzhab: ―¡Bkee zha lo kruz! ¡Bkee zha lo kruz! Tsa nzhab Pilat lo re zha: ―Bzhen goo zha ne bkee goo zha lo kruz, tak lee na mzaltʼn neeka thib kuu went kuu mtsow mbyi ree.
26906	JHN 19:12	Ne desde ora mkwaan Pilat mod par gatelaa Pilat Jesús; per lee re zha Israel mre mrez ne nzhab: ―¡Os leeʼa telaaʼa zha baa, nagta amig zha kuu nabee Roma! ¡Tak loka zha kuu mbez nak rey, zhaʼa nzhak zha kuu nayii ne zha kuu nabee dita ta nabee Roma!
26908	JHN 19:14	Teeka ndrol wiz ngok koree, wiz kuu ndelo zha ndexkwaa zha re kuu par ani Paskw. Tsa nzhab Pilat lo re zha Israel: ―¡Lee rey goo baa!
26909	JHN 19:15	Per lee re zha mkab nzhab: ―¡Ndoblo gath zha! ¡Ndoblo gath zha! ¡Bkee zha lo kruz! Lee Pilat nzhab lo re zha: ―¿Chu rey goo nlaaz goo keen lo kruz? Tsa lee re ngwleyy kuu nabee lo re ngwleyy, mkab ne nzhab: ―¡Napt nee tedib rey, beeta César kuu nabee Roma nak rey nee!
26924	JHN 19:30	Tsa ngwii Jesús xit ub kuu niʼa ne nzhab Jesús: ―¡Retay ngwaloʼa ngok! Ora mkiits yek Jesús ne nguth Jesús.