23234	MAT 1:21	Gap men te mëdbee, ynesela de ne JESUS, porke laa ne yselaa yra xpén ne lo xdol men.
23236	MAT 1:23	Gakzhiin te nzeb-benak, gap men te mëdbee ne sela Emanuel. Emanuel rna: Dëdyuzh zu kon laa be.
23240	MAT 2:2	Lex wnabdiiz men, re men: ―¿Gozh mëëd ne wal ne nak xerrey men-Israel? Porke wii noo wlen xpël ne gyeybaa nes ledne rlen ngbiz, neguin zëëd noo saknzoon noo ne.
23246	MAT 2:8	Lex wxaal rrey-Herodes men ne tsa men Belén, re rrey-Herodes lo men: ―Gutsa, ynabdizwen de gan pazh wal mëëd gwa; chene che wzël ne lo de, yluugue de diiz lo noo, chen no noo tsa saknzoon noo ne.
23251	MAT 2:13	Chene che sya mennan guin, wlalo te xangel Dëdyuzh lo Xeb lo mkaal, re angel guin: ―Gutsaxee, gulis mëëd yrup mëëd xnaa mëëd, gugya Egipto. Nga tsuu de axtegue ne yluu noo diiz lo de, porke skaye rrey-Herodes ne, chen yket rrey-Herodes ne.
23258	MAT 2:20	―Gutsaxee, gulis mëëd yrup mëëd xnaa mëëd, guberee ke Israel, porke le yra mén ne wlaan nket mëëd che wet.
23260	MAT 2:22	Per chene waknan Xeb ne laa Arquelao xpee rrey-Herodes rnebééy lo lyu ne la Judea no ne laa men wyan nii xuz men, wdxe Xeb nya men nga; lex wnii Dëdyuzh lo Xeb lo mkaal ne gya men tsuu men lo lyu ne la Galilea, por neguin wya men lo lyu guin.
23263	MAT 3:2	re Xwa: ―Gusaan xgyelmal de, porke che wyob gak ne rkyeen Dëdyuzh.
23264	MAT 3:3	Laa xkwent Xwaree nga wkaa profet-Isaías chene re men: Te rëz rlen denbidx, re we: “Gulaxnëz xnëz Men ne rnebééy, guxal te nëz ne tebli.”
23274	MAT 3:13	Cheguin ke wruu Jesus lo lyu ne la Galilea wa Ne rugyow-Jordán ledne ka Xwa, chen ytxobnis Xwa Ne,
23276	MAT 3:15	Wke Jesus, re Ne: ―Gutxobnis noo, porke rap be degne gun be kumplir yrandxee ne rkyeen Dëdyuzh. Orguin wna Xwa wtxobnis Xwa Ne.
23288	MAT 4:10	Wke Ne re Ne: ―Gubetxee lo noo Bzelo, porke lo xgyiich Dëdyuzh re: “Nonchee XDëdyuzh de gusaknon, no nonchee ne rkyeen Ne gulaa.”
23290	MAT 4:12	Chene waknan Jesus ne le Xwa che nuu chegyiib, wberee ke Ne lo lyu ne la Galilea.
23293	MAT 4:15	Xelyu Zabulón no le xelyu Neftalí ne ryan nes runis no ne ryan stebkoo gyow-Jordán, Galilea ledne nuu mén ne nakdet men-Israel.
23295	MAT 4:17	Kwlote nga wzelo Jesus wzëët Jesus xdiiz Dëdyuzh lo mén, re Ne: ―Gusaan xgyelmal de porke che wyob gak ne rkyeen Dëdyuzh.
23296	MAT 4:18	Chene za Jesus tebrunis-Galilea, wii Ne Simon men ne la ke Bëd yrup men Ndrizh bech men, katxoon men xgyix men lo nis porke gozmël rkaa men.
23297	MAT 4:19	Lex re Ne lo men: ―Gutanal noo; noo ylaa ne ylaa de mén xpén Dëdyuzh.
23301	MAT 4:23	Ydendxee lo lyu ne la Galilea wa Jesus waneluu Ne mén lenydoo te te gyëz ne wa Ne, wzëët Ne zegne rkyeen Dëdyuzh no wneseyaken Ne yrandxee mén ne rzak kwaskyertee gyelgyiz no le gyelerzebyoob.
23303	MAT 4:25	Kesentyent ndalyaa mén wa wanal Ne, men-Galilea, men-Decápolis, men-Jerusalén, men-Judea, no le yra mén ne nuu stebkoo gyow-Jordán.
23315	MAT 5:12	Guzhiilen, nzoon guguu lextoo de, porke kesentyent non ne yniiz Dëdyuzh lo de chene ydxiin de gyeybaa. Porke laake zegwa wzakzi mén yra profet ne wuu kwlodee ke lo de.
23346	MAT 5:43	’No che nan ke de ne re lo ley: “Gugyaan mén ne ryaan de, no gukwinyaan mén ne rwinyaan de.”
23347	MAT 5:44	Per noo yna noo lo de: Gugyaan mén ne rwinyaan de, no gunab lo Dëdyuzh por mén ne kanal de ne yzakzi men de,
23352	MAT 6:1	’Gugapkwent ylaadet de ne wen nes lo mén noze por ne kwii men ne rlaa de. Porke belne ylaa de zenga, bet yniizdet Dëdyuzh Xuz be ne zob gyeybaa lo de.
23361	MAT 6:10	Gak zegne rkyeen de. Gak zegne rlaan de nee gyëzlyuree zegne rak ko gyeybaa.
23362	MAT 6:11	Guseleedx ne gu noo yzaandxee dxe.
23363	MAT 6:12	Gugun perdon yra xdol noo zegne run noo perdon yra ne mal ne rlaa mén noo.
23377	MAT 6:26	Gukwii zegnak maa ne rzhobee lo mee; rguudet ma bni, ni rkaadet ma kwlaap, ni yëten ma ledne tsutsoowo, no rseleedx Dëdyuzh Xuz be ne zob gyeybaa logne ru maa. ¿Pe let laadet de yra de nak ne nondee ke lo maa?
23379	MAT 6:28	’¿Penak za xab de lextoo de? Gukwii pezee rroo gyeden; rlaadeto dxiin, ni rzhexkwaadeto lër,
23389	MAT 7:4	¿Pezee ryezh de ne nan de lo semén de: “Gudee si koo noo yuwin ne nuu bzalo de”, no ryenden de ne nzhoodee ne nuu bzalo de?
23390	MAT 7:5	¡Gugannaa laa de wen! Primer gukoo bled ne nuu bzalo de, chen gak kwii de wen chen koo de yuwin ne nuu bzalo semén de.
23392	MAT 7:7	’Gunab lo Dëdyuzh, laa Ne yseleedx ne rnab de; guye Ne, sël Ne lo de; gukanya txuyaglaa, sxal Ne yaglaa tee de.
23398	MAT 7:13	’Gutee nes ruyaglanzun. Porke ruyaglanzhen no nëz ne nzhen nak ne rdxiin linfyeren, no ndalyaa mén za nëz guin.
23400	MAT 7:15	’Gugap kwent yra mén ne rkade ne nan xprofet Dëdyuzh nak men. Porke noze rkanlo men ndoo men zegnak mëkzhiil, per le por lenlextoo men nak men zegnak lob ne rlaanen.
23417	MAT 8:3	Orguin wzegaa Ne nya Ne wtee No led men, re Ne: ―Sna noo. Gugyaken. Orgueguin wyaken led mén guin.
23423	MAT 8:9	Porke no ke noo rap mén ne rnebééy lo noo, no rap ke noo mén ne rnebééy noo lo. Chene nan noo lo men te men ne tsa men mandad, ra men; chene nan noo lo men ste men ne chiid men lo noo, rdxiid men; chene nan noo lo xmos noo: “Gulaa neree”, rlaa meno.
23427	MAT 8:13	Lex re Jesus lo kapitan: ―Gugya ruxyuu de; gak zegne wlaleedx de. Orgueguin wyaken xmos kapitan.
23436	MAT 8:22	Wke Ne re Ne lo men: ―Gutanal noo; gudee si gugyeer mengut semengut mengut.
23442	MAT 8:28	Chene wdxiin Jesus stebkoo nis lo xelyu men-Gadara, lad baa wruu txup mgyeey ne nuu menzab lextoo, za men zatsëlo men Ne. Axtegue ni te mén rakdet tee nes guin, tant ndxeeb rlaa men.
23446	MAT 8:32	Wke Ne re Ne: ―¡Gutsa! Orguin wruu menzab lextoo yrup mgyeey guin, watee menzab lextoo yra kuch guin. Wzelo ma wzhoon maa wxenxtoo maa te ruyúú, wyab ma axtegue lo nis. Nga wobkyiky ma nis, wet maa.
23453	MAT 9:5	¿Pe mazre mbëëdee gue noo lo men: “Le xdol de che wak perdon”, u ne gue noo: “Gutsaxee, gugya”?
23454	MAT 9:6	Orree kwii de yra de gante ne Men ne wdxiid wak Mén rap men poder nee gyëzlyuree por ne gun men perdon xdol mén. Lex re Ne lo mengyiz guin: ―Gutsaxee gulis xloon de, gugya ruxyuu de.
23457	MAT 9:9	Chene wruu Jesus nga ne sya Ne, wii Ne te men ne la Mdëw, zob men ledne rgoob men zeg impwest, lex re Ne lo men: ―Gutanal noo. Orguin wzuli men zanal men Ne.
23461	MAT 9:13	Gugya, guseed gan pe rna ne ka lo xgyiich Dëdyuzh ledne re: “Logne rlaan noo nak ne yles lextoo de semén de, lugar ne rket de maa lo fkuuk.” Noo zëëdet noo zëdye noo menwen, sinke le noo zëdye mendol chen ysaan men xgyelmal men.
23472	MAT 9:24	Lex re Ne lo yra mén guin: ―Guruu lo leey. Wetet nzaapree, noze nexguees nzeb. Orguin wzhidxno yra mén guin Ne,
23498	MAT 10:12	Zegne tee de lenyuu, ygabtyuzh de yra mén ne nuu yuu guin, gue de lo men: “Gyelendxi wlenza lenyuuree.”
23501	MAT 10:15	Nligue yna noo lo de yra de ne chene ydxiin dxe ne ylaa Dëdyuzh gyelextis, ntozdee sakzi yra mengyëz guin ke lo men-Sodoma no ke lo men-Gomorra.
23502	MAT 10:16	No re Jesus lo men: ―Gugon neree ne yna noo lo de, yxaal noo de yra de zegnak mëkzhiil lad lob. List gugak zegnak mëël, ndoo gugak zegnak mëër.
23503	MAT 10:17	Gugap kwent porke sdekwent mén de lo xtis, no sniiz men xkwent de lenxeydoo men.
23532	MAT 11:4	Wke Jesus, re Ne lo men: ―Gutsa gue de lo Xwa logne rwii de, logne ron de.
23537	MAT 11:9	Guex neguin, ¿txu wa de wii? ¿Pe te profet wa de wii? Nli we, yna noo lo de, te men ne mazre nondee ke lo te profet wa de wii.
23557	MAT 11:29	Gulaa ne rkyeen noo de no guseed ylaa de zegne rlaa noo, porke noo wen noo no ndoo noo, chen yne lextoo de.
23560	MAT 12:2	Chene wii yra men ne nak farisew neguin, re men lo Ne: ―Gukwii, le yra xpén de kalaa ne ndux ylaa be dxe ne rne be.
23566	MAT 12:8	Gugaknan ne Men ne wdxiid wak Mén rak ke rnebééy men dxe ne rne be.
23571	MAT 12:13	Lex re Ne lo mgyeey guin ne miitx nya: ―Guzegaa nya de. Zegne wzegaa meno, wakwengoo, wyan ko zegnako stebo.
23626	MAT 13:18	’Gugon ne rna xkwent mén ne rguu bni.
23644	MAT 13:36	Wluzhse wguli Jesus mén nëz, wdee Ne lenyuu; lex wbig yra xpén Ne lo Ne, re men: ―Guzëët gan pe rna xkwent gyizh ne bat rkyiindet ne nuu lad zhobxtil.
23667	MAT 14:1	Cheguin ke won Herodes ne rnebééy lo lyu ne la Galilea yra ne kalaa Jesus,
23674	MAT 14:8	Orguin wzëët xnaa nzeb lo nzeb gan kox ynab nzeb, lex re nzeb lo Herodes: ―Guniiz xtoo Xwa ne rtxobnis lo noo kon te lengyaan.
23681	MAT 14:15	Chene che rzëë, wbig yra xpén Ne lo Ne, re men: ―Chexke rzëë no ni te mén nuudet lugarree. Gugue lo yra ménree gya men chen tsa men yra gyëzwin ne nak guex nee yka men ne gu men.
23684	MAT 14:18	Orguin re Ne lo men: ―Gutano we nee.
23695	MAT 14:29	Orguin re Ne: ―Gutaa. Lex wruu Bëd lenbark za Bëd nes lo Ne rzaa Bëd lo nis.
23700	MAT 14:34	Chene wdekaa Jesus stebkoo nis yra Ne xpén Ne, wdxiin Ne lo xelyu men-Genesaret.
23706	MAT 15:4	Porke re Dëdyuzh: “Gugaknzebnëz lo xuz de, gugaknzebnëz lo xnaa de”, “Mén ne rninyaan lo xuz o men ne rninyaan lo xnaa, rzëël guet men.”
23707	MAT 15:5	Per le laa de yra de re de ne zak gue mén lo xuz men o lo xnaa men: “Gundet noo gan gun noo xyudar de porke yrandxee ne nniiz noo lo de le we che wguu noo goon por Dëdyuzh”;
23709	MAT 15:7	Gugannaa laa de wen. Nli ke ne re profet-Isaías por laa de yra de chene re men:
23712	MAT 15:10	Lex wbëz Jesus yra menroo menduxtee guin, re Ne lo men: ―Gugon neree ne yzëët noo lo de no gudee kwento:
23717	MAT 15:15	Lex re Bëd lo Jesus: ―Guzëët gan pe rna diiz gwa ne re de.
23725	MAT 15:23	Per wkedet Jesus. Lex wbig xpén Ne wnab men lo Ne, re men: ―Gugue lo wnaa gwa gya men, porke ndxiin rkarëz men zëdnal men be.
23730	MAT 15:28	Lex wke Ne re Ne lo men: ―¡Wnaae, kesentyent rlaleedx de noo! Gak zegne rlaan de. Orgueguin wyaken xsaap wnaa guin.
23731	MAT 15:29	Wruu Jesus nga, wdxiin Ne runis-Galilea. Lex wyeep Ne te xtoo gyeey wzob Ne.
23736	MAT 15:34	Orguin wnabdiiz Jesus lo men, re Ne: ―¿Blazh gyëtxtil neey de wa? Wke men re men: ―Guedxo no le tebëd mëlwin.
23744	MAT 16:3	le rsil nan de: “Wendet gak nedxeree porke nloo zhinybaa no nuza.” ¡Gugannaa laa de nan! Belne rdee de kwent gan pe rna beey ne ruu zhinybaa, ¿pezee rdeedet de kwent gan pe rna yra ne kayak naaree?
23747	MAT 16:6	Lex re Ne lo men: ―Gugap kwent lo xlebadur men ne nak farisew no le lo xlebadur men ne nak sadusew.
23764	MAT 16:23	Orguin wcheree lo Ne, re Ne lo Bëd: ―¡Gubetxee lo noo Bzelo! Noze rsoow de lo noo, porke rlebleedxdet de zegne rlaan Dëdyuzh, sinke le de rlebleedx zegne rlebleedx noze mén.
23776	MAT 17:7	Lex wbig Jesus lo men, wgal Ne men, re Ne: ―Gusuli; ydxedet de.
23786	MAT 17:17	Wke Jesus, re Ne: ―¡Ake menmal ne rlaleedxdet Dëdyuzh! ¿Pa axtegue lalre tyemp ykaa noo lad de? ¿Pa axtegue lalre tyemp gun noo de wantar? Gutano me nee.
23789	MAT 17:20	Wke Ne re Ne: ―Porke rlaleedxdet de Dëdyuzh ydeblextoo de. Yna noo lo de belne rlaleedx de Dëdyuzh mase medid landxel te medx lyagwlizh, zun de gan gue de lo gyeeyree: “Gubetxee nee, gutsa sob de stebkoo”, no zono xdiiz de. Yët ne gakdet gan gak belne rlaleedx de Dëdyuzh ydeblextoo de.
23791	MAT 17:22	Ne ka Jesus yra Ne xpén Ne lo lyu ne la Galilea, re Ne lo men: ―Men ne wdxiid wak Mén, sdekwent mén men lo mén
23806	MAT 18:10	’Gugap kwent, gakmaldet de ni te lo men ne gyed wzelondxee rlaleedx noo. Porke yna noo lo de yra de, yzaandxee dxe zu yra angel ne rapkwent men lo Xuz noo ne zob gyeybaa.
23808	MAT 18:12	’Gukwii gante, zegnak te mgyeey, belne rap men tebgwyuu mëkzhiil, lex gyab ma te maa. ¿Peguin ysandet men taplalno-chimtap ma guin den chen tsaye men ma ne wyab?
23824	MAT 18:28	Per nonchegue wruu men nga, wtsëlo men te xkompanyer men, zeeb mén guin teblawin med lo men. Lex wnëëz men men wzelo men rgye men yen men, re men lo men: “¡Gugyizh ne zeeb de lo noo!”
23825	MAT 18:29	Lex wzuzhib mén guin lo men, wnab men, re men: “Gugap noo pasens, noo gyizh yra ne zeeb noo lo de.”
23832	MAT 19:1	Wluzhse re Jesus yra neree, wruu Ne lo lyu ne la Galilea wa Ne stebkoo gyow-Jordán wdxiin Ne lo lyu ne la Judea.
23845	MAT 19:14	Lex re Jesus lo men: ―Gudee si chiid minwin lo noo, ysoowdet de, porke ledne rnebééy Dëdyuzh, por mén ne nak zegnak minwin nako.
23849	MAT 19:18	Lex re men: ―¿Gonezhe? Wke Ne re Ne: ―Yketet de mén, ykanodet de mén ne nakdet lzaa de, kwandet de, ykagyiidet de mén,
23865	MAT 20:4	Lex re men lo yra men guin: “Gutsa ylaa de dxiin lo xelyu noo; noo gyizh lal ne ryal yka de.” Lex za men.
23868	MAT 20:7	Wke men re men: “Porke rut wniizdet dxiin nlaa noo.” Lex re patron guin lo men: “Gutsa ylaa de dxiin lo xelyu noo; noo gyizh lal ne ryal yka de.”
23869	MAT 20:8	Chene wzëë lyu, re patron guin lo mén ne zudíp lo xdxiin men: “Gukwëz yra mos, lex gugyizh yka men, primer gyizh de yka yra men ne wdee lo dxiin lultim, gyal de lo yra men ne wdee lo dxiin primerdee.”
23875	MAT 20:14	Gusen xmed de, gugya. Belne rlaan noo gyizh noo yka menree ne wdee lo dxiin lultim lal ke ne wgyizh noo wka de,
23897	MAT 21:2	re Ne lo men: ―Gutsa gyëzwin ne nak ngali nee. Nga kaduu te burgos yrup ma zhiin maa. Ychil de ma, chidno de maa.
23900	MAT 21:5	Gugue lo men gyëz-Sión: “Gukwii, le xerrey de zëëd lo de, probendxee zëëd men, mbib men te bur bëën bëënleg, zhiin te burgos ne reey yúú.”
23906	MAT 21:11	Lex re yra men ne zanal Ne: ―Profet-Jesus ne, men-Nazaret, Nazaret ne nak lo lyu ne la Galilea.
23916	MAT 21:21	Wke Jesus, re Ne: ―Nligue yna noo lo de yra de, belne rlaleedx de Dëdyuzh no belne nutxupdet lextoo de, let nozdet neree ne wlaa noo yag-igree gun de gan ylaa de, sinke zun de gan gue de lo gyeeyree: “Gubetxee nee, gugyab lo nisdoo”, no zako.
23928	MAT 21:33	’Gugon neree ne yna noo lo de yra de zegnak ste kwent: Wuu te mgyeey ne wlabni blag ub lo xelyu, lex wtsëloo meno, no wzhexkwaa men te ledne yzhii ub, no wlep men te ne kesentyent gya ledne kwiin men ne ykanapo ydendxoo. ’Zhich guin wbodiin men blag ub guin lo tebëd mén ne rapkwent blag ub. Lex wruu men za men nat.
23937	MAT 21:42	Lex re Jesus lo men: ―¿Pe nunk gardet gool de lo xgyiich Dëdyuzh? Nga re: Gye ne axtegue rlaandet mén ne rlep yuu, laa we wak gye ne mazre rkyiindee. Dëdyuzh wlaa neree, no le be kesentyent rzee rzak.
23945	MAT 22:4	Wberee rrey wxaalgue stebëd xmos rrey, re rrey lo men: “Gutsa gue de lo men ne che re noo lo ne chiid xdooy xpee noo, le nesyaa che nuu, le noo che wkyeen wet xyuz noo, ma ne mazre rroodee, yrandxoo che list nak; gue de lo men chiid men naa.”
23954	MAT 22:13	Orguin re rrey lo yra xmos rrey: “Guliib nii men no guliib nya men, lex gutxoon men fwer lo nkeb ledne goon men axtegue guleey men.”
23958	MAT 22:17	Guna gan ¿pe wen gyizh noo zeg impwest lo rrey-Roma u wendeto?
23959	MAT 22:18	Per kom wyenen Jesus ne ngyidet ne rlebleedx men, lex re Ne lo men: ―Gugannaa laa de wen, ¿penak rye de gan pezee gyab noo lo xetramp de?