23223	MAT 1:10	Ezequías nak xuz Manasés, Manasés nak xuz Amón, Amón nak xuz Josías,
23228	MAT 1:15	Eliud nak xuz Eleazar, Eleazar nak xuz Matán, Matán nak xuz Jacob,
23229	MAT 1:16	Jacob nak xuz Xeb xemgyeey Mli ne nak xnaa Jesus ne la ke Crist.
23231	MAT 1:18	Zeree wak chene wal Jesucrist: Che nuu Mli xnaa Ne ne ytsëlnya men yrup men Xeb; per antes ne tsuu men yrup men, wakzhiin Mli por xpoder Espíritu Sant.
23232	MAT 1:19	Kom kesentyent wen Xeb, wlaandet men nboo men xeblaan Mli; mazdee wlebleedx men nsalzaan men Mli ngueedxendxee.
23233	MAT 1:20	Zenga rlebleedx men chene wlalo te xangel Dëdyuzh lo men lo mkaal, re angel guin: ―Xeb ne zëëd xnëz David, ydxedet de ytsëlnyano de Mli, porke mëëd ne gap men, por xpoder Espíritu Sant wuu ne.
23237	MAT 1:24	Chene wruu mkaal lo Xeb, wlaa Xeb zegne wkyeen xangel Dëdyuzh Xeb. Wtsëlnya Xeb yrup Xeb Mli.
23238	MAT 1:25	Per wgaldetgue Xeb Mli axtegue ne wal xpëëd Mli. Lex wnesela Xeb ne JESUS.
23247	MAT 2:9	Wluzhse won men ne re rrey zenga, wka men nëz za men. Mël ne wii men wlen nes ledne rlen ngbiz, laa mël guin zaner lo men axtegue ne wdxiin mël guin ngali ledne nex mëëd guin, nga wzobtsë mël guin.
23249	MAT 2:11	Chene wdee men ledne nuu mëëd guin, wii men ne yrup ne Mli xnaa ne; orguin wzuzhib men lo ne wzaknzoon men ne. Lex wxal men xkaj men wboo men or no wboo men ne nak zegnak yaal no le mirra wgueed meno lo ne.
23264	MAT 3:3	Laa xkwent Xwaree nga wkaa profet-Isaías chene re men: Te rëz rlen denbidx, re we: “Gulaxnëz xnëz Men ne rnebééy, guxal te nëz ne tebli.”
23294	MAT 4:16	Mén ne wak zegnak men ne mbán lo nkeb, le men che wii te bninzhoo; mén ne zadet xnëz Dëdyuzh, bnii guin che rzenii xgyeryen men yra men.
23320	MAT 5:17	’Tsuudet lextoo de ne noo zëëd ygyitxee ley ne wdee Dëdyuzh lo Moises no le ne wneluu profet. Noo zëëdet noo por ne ygyitxee noo we, sinke le noo zëëd chen gako kumplir.
23322	MAT 5:19	Por neguin mén ne rlaadet te ne zëëd lo ley ne wdee Dëdyuzh lo Moises, mase mazre winendxoo no zenga ke rneluu meno lo mén, laa mén guin zhindxee gaknon ledne rnebééy Dëdyuzh. Per le mén ne rlaa yrandxee ne zëëd lo ley no zenga ke rneluu meno lo mén, laa mén guin nak ne mazre gaknondee ledne rnebééy Dëdyuzh.
23340	MAT 5:37	Mazdee gugue nli we belne nli we, gugue nlideto belne nlideto, porke yra diiz ne rniir de, Bzelo rsegyee lextoo de ne rlaa do.
23341	MAT 5:38	’Laa de yra de che nan de ne re lo ley: “Mén ne koo bzalo de, gukoo ke bzalo men; mén ne koo leey de, gukoo ke leey men.”
23371	MAT 6:20	Mazre wendee guye gan pezee gap de ne non ne nuu gyeybaa, ledne rluzhdet mlaa we, ledne rzhiindeto no ledne rdeedet ngbaan kwano.
23397	MAT 7:12	’Por neguin gugak lo mén zegne rlaan de ne gak men lo de, porke zenga zëëd lo ley ne wdee Dëdyuzh lo Moises no zenga ke zëëd lo gyiich ne wkaa yra profet.
23418	MAT 8:4	Lex re Ne lo men: ―Che nan de rut lo guedet do, nonchee lo fxuz gutsa gutsaluu led de no gutsaron xgoon de zegne zëëd lo ley ne wdee Dëdyuzh lo Moises chen gaknan mén ne che wyaken led de.
23433	MAT 8:19	Lex wbig te maxter ley lo Ne, re men: ―Maxter, sanal noo de ledne tsatee de.
23434	MAT 8:20	Lex re Ne lo men: ―Mëëz rap ma xebluu maa, maa ne rzhobee rap ma xeftxëës maa; per le Men ne wdxiid wak Mén, yëten men ni ledne gyix xtoo men.
23454	MAT 9:6	Orree kwii de yra de gante ne Men ne wdxiid wak Mén rap men poder nee gyëzlyuree por ne gun men perdon xdol mén. Lex re Ne lo mengyiz guin: ―Gutsaxee gulis xloon de, gugya ruxyuu de.
23457	MAT 9:9	Chene wruu Jesus nga ne sya Ne, wii Ne te men ne la Mdëw, zob men ledne rgoob men zeg impwest, lex re Ne lo men: ―Gutanal noo. Orguin wzuli men zanal men Ne.
23458	MAT 9:10	Te chene zob Jesus ruxyuu Mdëw yra Ne xpén Ne, zob Ne lo mezh zobyu Ne yra Ne tebëd men ne rgoob zeg impwest no le stebëd mendol.
23460	MAT 9:12	Ne won Jesus ne re men zenga, re Ne lo men: ―Men ne ngyëël, rkyiinden men doctor, sinke men ne rzhuun, men guin rkyiinen doctor.
23489	MAT 10:3	no le Blib, no le Bartolomé, no le Tmazh, no le Mdëw ne rgoob zeg impwest, no le Jacob xpee Alfeo, no le Lebeo ne la ke Tadeo,
23509	MAT 10:23	Chene ykanal mén de te gyëz, yzhoon de nga tsa de ste gyëz. Nligue yna noo lo de ne ni gardet gyal yrandxee gyëz ne nak Israel tsa de, chiid Men ne wdxiid wak Mén.
23511	MAT 10:25	Men ne rseed rap men degne gyan men byen gak men zegnak xmaxter men, le mos rap men degne gyan men byen gak men zegnak xpatron men. Belne Beelzebu rnii mén noo, ¿pezee yniileg mén de yra de ne nak de xpén noo?
23514	MAT 10:28	Ydxedet de mén ne rap poder yket de, waldegue bet gundet men gan ylaa men no xanem de. Mazdee gudxe Dëdyuzh ne rluzh kwerp no ne yxaal ke anem linfyeren.
23518	MAT 10:32	’Mén ne rzëët lo mén ne xpén noo nak men, laake no noo yzëët lo Xuz noo ne zob gyeybaa ne xpén noo nak men.
23523	MAT 10:37	’Men ne ntozdee ryaan xuz o ryaan xnaa ke lo noo, rzëëldet gak men xpén noo; no men ne ntozdee ryaan xpee o xsaap ke lo noo, rzëëldet gak men xpén noo.
23524	MAT 10:38	Men ne zëdnal noo, per rlaandet men gak men sufrir, rzëëldet gak men xpén noo.
23525	MAT 10:39	Men ne rkaa xgyelembán lextoo, zako perdid; per le men ne rboleedx xgyelembán por ne nak men xpén noo, zap men gyelembán ne nunk luzhdet.
23526	MAT 10:40	’Men ne tsukas de yra de, noo nga tsukas men; men ne rukas noo, Xuz noo nga ne wxaal noo zëëd noo rukas men.
23527	MAT 10:41	Men ne rukas te profet por ne nak profet guin profet, ne ryal ke profet guin gyal men; men ne rukas te men ne xnëz mbán por ne xnëz mbán men guin ne xnëz mbán, ne ryal ke men guin ne xnëz mbán gyal men.
23541	MAT 11:13	Yrandxee profet che wzëët ne rkyeen Dëdyuzh no rakzëët ko lo ley ne wdee Dëdyuzh lo Moises axtegue ne le Xwa wdxiid, le we wak kumplir.
23543	MAT 11:15	Men ne rkagyedyag diiz, gon men neree ne rzëët noo.
23547	MAT 11:19	Orrenaa zëëd Men ne wdxiid wak Mén, ru men, roo men, no re de, laa men kesentyent ru rootee, laa men rtsëlsaa mendol no laa men rtsëlsaa men ne rgoob zeg impwest. Per xgyelenyenii Dëdyuzh raknyoo we por yra ne rlaa mén ne nak xpén Ne.
23563	MAT 12:5	¿U pe gardet gool de lo ley ne wdee Dëdyuzh lo Moises ne let doldet rlaa fxuz dxiin lenxeydoo Dëdyuzh dxe ne rne be?
23566	MAT 12:8	Gugaknan ne Men ne wdxiid wak Mén rak ke rnebééy men dxe ne rne be.
23588	MAT 12:30	’Men ne nuudet xfabor noo, rwinyaan men noo; men ne ryedet gan pezee ydaalre xpén noo, rnexoon men xpén noo.
23590	MAT 12:32	Men ne rnii diznyaan por Men ne wdxiid wak Mén, zak men perdon; per le men ne rnii diznyaan por Espíritu Sant, nunk gakdet men perdon ni naaree ni chene ylaa Dëdyuzh gyelextis.
23593	MAT 12:35	Menwen, dizwen rnii men porke ne wen nuu lextoo men; le menmal, dizmal rnii men porke ne mal nuu lextoo men.
23596	MAT 12:38	Lex re tebëd men ne nak farisew lo Jesus no le tebëd maxter ley: ―Maxter, rlaan noo kwii noo ne ylaa de te gyelmilaguer.
23597	MAT 12:39	Wke Jesus, re Ne lo men: ―Menmal ne zadet xnëz Dëdyuzh rnab lo noo ne ylaa noo te gyelmilaguer, per betre gyelmilaguer kwiidet men, nonchee zegne wzak profet-Jonás kwii men.
23598	MAT 12:40	Porke zegne wuu Jonás tson gbiz tson gyëël leen te mëlnzhoo, zenga ke tsuu Men ne wdxiid wak Mén tson gbiz tson gyëël lenlyu.
23602	MAT 12:44	Lex nuu lextoo menzab: “Mazdee yberee ke noo ledne wruu noo.” Chene rberee menzab, nak mén guin zegnak te yuu ne nlat ne noze nexnloob no ne noze xnëz xnëzske nak.
23607	MAT 12:49	Lex wluu Ne yra xpén Ne, re Ne: ―Ménree nak xnaa noo no nak bech noo.
23617	MAT 13:9	Men ne rkagyedyag diiz, gon men neree ne rzëët noo.
23622	MAT 13:14	Neree ne kazak men rak kumplir diiz ne re profet-Isaías chene re men: Mase mazre ykagyedyag men diiz, per ydeedet men kwento; mase mazre kwii men, per bet gyenden men.
23627	MAT 13:19	Men ne ron xdiiz Dëdyuzh no rdeedet men kwento, mén guin nak zegnak zhobbni ne wyab nëz; rdxiin Bzelo rboo diiz guin ne che nuu lextoo men.
23638	MAT 13:30	Mazre wendee gudee si yroo we yrup rlo we axtegue ne gak zhobxtil; lex yxaal noo mén ne ytopo. Per primer ytop men gyizh ne bat rkyiindet, lex yliib meno por mzhuun chen tseekyo; luzh nga, ytop men zhobxtil, gutsoow meno ledne tsutsoowo.”
23640	MAT 13:32	Medx guin nak ne mazre windee ke lo yra medx, per chene le we rlen rroo we, laa we nak ne mazre raknzhoodee ke lo yrandxee gyizh; rako zegnak tebzhaan yag, axtegue mgyin ra rzhexkwaa xeftxëës zhuuko.
23645	MAT 13:37	Wke Ne re Ne lo men: ―Mén ne wguu teblose zhobxtil nak Men ne wdxiid wak Mén,
23649	MAT 13:41	Men ne wdxiid wak Mén yxaal men xangel men chen kowaa xangel men yra mén ne rlaa ne ryab ste mén lo dol no le yra mén ne rlaa dol,
23651	MAT 13:43	Le yra mén ne rlaa ne wen, ykabtsa men ledne rnebééy Dëdyuzh zegne rkabtsa ngbiz. Men ne rkagyedyag diiz, gon men neree ne rzëët noo.
23663	MAT 13:55	¿Pe let laadet xpee karpinter wa? ¿Pe let xnaadet men nga nak Mli, le bech men nak Jacob, nak Xeb, nak Simon, no le Judas?
23706	MAT 15:4	Porke re Dëdyuzh: “Gugaknzebnëz lo xuz de, gugaknzebnëz lo xnaa de”, “Mén ne rninyaan lo xuz o men ne rninyaan lo xnaa, rzëël guet men.”
23741	MAT 15:39	Wluzhse, wguli Ne yra men guin nëz, lex wdee Ne lenbark za Ne lo lyu ne la Magdala.
23745	MAT 16:4	Menmal ne zadet xnëz Dëdyuzh rnab lo noo ne ylaa noo te gyelmilaguer, per betre gyelmilaguer kwiidet men, nonchee zegne wzak profet-Jonás kwii men. Wluzh nga wsan Jesus men, sya Ne.
23768	MAT 16:27	Porke schiid Men ne wdxiid wak Mén ydebxgyelenzoon Dëdyuzh Xuz men no yra men xangel Dëdyuzh Xuz men chen ydee men ne ryal te te mén segun ne wlaa men te te men.
23769	MAT 16:28	Nligue yna noo lo de yra de, ne nuu de zegne ndxin de nee guetetgue sin ne kwiidet de zëëd Men ne wdxiid wak Mén chen ynebééy men.
23772	MAT 17:3	Tebegue wii men le Moises no le Elías zu kayuno Ne diiz.
23773	MAT 17:4	Lex re Bëd lo Jesus: ―Dechey, ¡wen ne zu noo nee gyon noo zeree! Belne rlaan de, yzhexkwaa noo tson guezh: tebo por laa de, stebo por Moises, stebo por Elías.
23778	MAT 17:9	Or ne zëdtseeb Ne txu gyeey guin yra Ne men, re Ne lo men: ―Rut lo guedetgue de neree ne wii de axtegue ne yban Men ne wdxiid wak Mén.
23781	MAT 17:12	Per yna noo lo de yra de ne le Elías che wdxiid, no wyakbeeydet Elías lo mén, sinke wlaa men Elías zegne wlaantee men. Zenga ke yzakzi men Men ne wdxiid wak Mén.
23791	MAT 17:22	Ne ka Jesus yra Ne xpén Ne lo lyu ne la Galilea, re Ne lo men: ―Men ne wdxiid wak Mén, sdekwent mén men lo mén
23807	MAT 18:11	Porke le Men ne wdxiid wak Mén zëëd chen yselaa men mén ne che wak perdid lo dol.
23838	MAT 19:7	Lex re men ne nak farisew lo Ne: ―¿Penak re Moises cheguin ne zak ybil xgyeltsëlnya mén yrup men xewnaa men, noze ne xexkwaa te gyiich ydee men lo xewnaa men ne che wsalzaan men men?
23839	MAT 19:8	Wke Jesus, re Ne lo men: ―Por tant ndíp xdiiz de yra de, por neguin wdee Moises si wako zenga; per chekwlo nakdeto zenga.
23843	MAT 19:12	Nuu mén axtegue ne wal men che zëëd men ne ytsëlnyadet men, nuuzeg men por ne rboo doctor ne ndaanen men neguin rtsëlnyadet men, nuuzeg men rtsëlnyadet por ne rlaa men xdxiin Dëdyuzh. Men ne gun gan ne ytsëlnyadet, ytsëlnyadet men.
23847	MAT 19:16	Wa te mén lo Jesus, re men: ―Maxter, laa de ne wen de, ¿pe ne wenzhe rap noo degne ylaa noo chen gap noo gyelembán ne nunk luzhdet?
23859	MAT 19:28	Wke Jesus, re Ne: ―Nligue yna noo lo de yra de ne chene ydxiin dxe ne gak kweb yra yrandxee ne nuu, ne sob Men ne wdxiid wak Mén lo yagzhilnzoon ledne ynebééy men, no ke de yra de ne zëdnal de noo sob lo chibtxup yagzhil chen ylaa de gyelextis lo yrandxee men ne zëëd xnëz yra chibtxup xpee Israel.
23879	MAT 20:18	―Laa de yra de rwii de ne Jerusalén za be ledne ydekwent mén Men ne wdxiid wak Mén; ydekwent men men lo fxuz ne rnebééy lo yra fxuz no le lo maxter ley, lex gyan yra mén guin diiz ne ynab men lo menzit ne yket menzit men;
23889	MAT 20:28	Zegnak Men ne wdxiid wak Mén zëëdet men por ne ylaa mén dxiin lo men, sinke le men zëëd por ne ylaa men dxiin lo mén no por ne guet men chen yselaa men ndal mén lo dol.
23926	MAT 21:31	Orrenaa delo yrup mee guin, ¿go mezhe wlaa ne rlaan xuz? Wke men re men: ―Meprimer ne wnii men lo. Lex re Jesus: ―Nligue yna noo lo de yra de ne kwlodee men ne rgoob zeg impwest no le wnaa ne rkano wren wren mgyeey tee ledne rnebééy Dëdyuzh ke laa de yra de.
23939	MAT 21:44	Men ne gyab led gye guin, zakbyu men, per belne gyab gye guin led men, zakbyudoo men.
23957	MAT 22:16	Lex wxaal men tebëd xpén men no le tebëd xpén Herodes wa men re men lo Jesus: ―Maxter, nan noo yra noo ne nli ne rnii de no ne nli ne rneluu de ne ybán mén zegne rlaan Dëdyuzh. Zadet lextoo de gan txu nak mén porke por laa de tese nak mén.
23965	MAT 22:24	―Maxter, re Moises ne belne guet te mén, per wapdet xewnaa men mëëd, bech men rap degne ytsëlnyano wnaa guin, chen gap men mëëd ne gak zegnak zhiin mén guin ne wet.
23977	MAT 22:36	―Maxter, ¿gonezhe nak ne mazre nondee ne zëëd lo xley Dëdyuzh?