13944	PSA 1:1	Bicaʼ ba bönniʼ bitiʼ runëʼ ca naca le taʼgúʼu yöl-laʼ lëʼ nupa tuʼcáʼana Dios, en bitiʼ ridálenëʼ tsözxö́n nupa tun dul-laʼ, en bitiʼ runëʼ tsözxö́n le tun nupa taʼzíʼ quidzaʼ Dios.
13948	PSA 1:5	Que lë ni naʼ bitiʼ uluʼrúajëʼ tsahuiʼ bönniʼ tuʼë döʼ cateʼ Dios uchiʼa usörö́ëʼ quégaquiëʼ, en bitiʼ ilaʼcuʼë bönniʼ dul-laʼ ga tuʼdubëʼ bönniʼ tsahuiʼ.
13949	PSA 1:6	Rapa chiʼë Xanruʼ Dios nöza ga taʼdë́ʼ bönniʼ tsahuiʼ naʼ, pero uniti tsaz nu ridá gapa taʼdá nupa tuáʼ döʼ.
13951	PSA 2:2	Bönniʼ taʼnná bëʼë luyú taʼdáʼbaguëʼë Dios. Tun tuz xtídzaʼgaca nupa dë lu náʼagaca para ilaʼdáʼbagaʼ Xanruʼ, en Nu naʼ nabö́ cazëʼ para inná bëʼë,
13953	PSA 2:4	Dios naʼ zoëʼ yehuaʼ yubá uzxídxisëʼ. Xanruʼ Dios utitaj cazëʼ léguequi.
13956	PSA 2:7	Quíxjöiʼidaʼ libíʼiliʼ didzaʼ nuzóëʼ tsaz Dios. Xanruʼ Dios gudxi cazëʼ nedaʼ: “Liʼ nacuʼ Zxíʼinaʼ. Naʼa dza nuzóa cazaʼ Liʼ.
13961	PSA 2:12	Guliʼgún bal Zxíʼinëʼ Dios para cabí ilétenëʼ, en para cabí udxi queë́liʼ laʼ nöza. Laʼ ilentë yöl-laʼ rilé queëʼ. ¡Bicaʼ ba yúguʼtë nupa tuʼzxöni ladxiʼ Lëʼ!
13964	PSA 3:3	Zián nupa taʼnnë́ quiaʼ, taʼnná: “Bitiʼ usölë́ʼ Dios lëʼ.”
13967	PSA 3:6	Nedaʼ rataʼ, en rasiaʼ, ateʼ rubanaʼ, tuʼ nazö́nticaʼsëʼ Xanruʼ Dios nedaʼ.
13969	PSA 3:8	¡Guyasa, Xan! ¡Busölá nedaʼ, Dios quiaʼ! Budxía huëʼ xágaʼgaca nupa tuʼdíʼi nedaʼ, en buquínnajdaʼ nupa nácagaca xihuiʼ.
13972	PSA 4:2	Bubíʼi didzaʼ cateʼ rulidzaʼ Liʼ, Dios. Nacuʼ Nu ruchiʼa rusörö́ le raca quiaʼ. Cateʼ guröʼa böniga, bida cazuʼ Liʼ ga zoaʼ, en gúcalenuʼ nedaʼ. Ruhuéchiʼ ladxiʼ nedaʼ, en ruzë́ naguʼ le rinábidaʼ Liʼ.
13973	PSA 4:3	Rnnëʼ Dios: “Libíʼiliʼ, bönachi, ¿gácaʼxte ulidza dítajliʼ nedaʼ? ¿Gácaʼxte caz idxíʼiliʼ le cabí nazacaʼ, en güíʼi ládxiʼliʼ le cabí naca?”
13982	PSA 5:3	Dios quiaʼ, Nu rinná beʼe nedaʼ, ruzë́ naguʼ cateʼ rinábidaʼ Liʼ gácalenuʼ nedaʼ, naʼ güíʼilenaʼ Liʼ didzaʼ.
13984	PSA 5:5	Nacuʼ Liʼ Dios bitiʼ raza ládxuʼu le cabí naca, en bitiʼ ruʼu lataj ibigaʼ ga zuʼ nu ruáʼ döʼ.
13990	PSA 5:11	Ben léguequi xiguiaʼ, Dios. Ben ga bitiʼ udxín xtídzaʼguequi. Gurúʼuna léguequi tuʼ túnticaʼsö dul-laʼ, en tuʼ taʼdáʼbagaʼ xtídzuʼu.
14005	PSA 7:2	Ruzxöni ládxaʼa Liʼ, gácalenuʼ nedaʼ, Xanaʼ Dios. Busölá nedaʼ lu náʼagaca nupa taʼbía no nedaʼ, en gúcalen nedaʼ
14007	PSA 7:4	Xanaʼ Dios, channö caní nunaʼ: Channö nabágaʼa xiguiaʼ,
14013	PSA 7:10	Ben ga udxi que le xihuiʼ tun nupa tuáʼ döʼ, pero buzóa tsutsu nupa tun le naca dxiʼa, tuʼ nacuʼ Liʼ idú tsahuiʼ, Dios, en ruchiʼa rusörö́uʼ le taʼzáʼ ládxiʼgaca bönachi, en le taʼguínnaj ícjaguequi.
14014	PSA 7:11	Naca cazëʼ Dios Nu run chiʼi nedaʼ. Rusölë́ʼ nupa nácagaca idú ladxiʼ.
14015	PSA 7:12	Dios ruchiʼa rusörö́ëʼ queëruʼ ca naca le naca tsahuiʼ, en richúguticaʼsëʼ quégaca nupa tuáʼ döʼ.
14023	PSA 8:2	¡Xanaʼ Dios, bicaʼ ba Loʼ idútë yödzölió! ¡Xitsáʼtërö ca lúzxiba nayë́pisuʼ Liʼ!
14031	PSA 8:10	¡Xanaʼ Dios, bicaʼ ba loʼ idútë yödzölió!
14039	PSA 9:8	Zóaticaʼsëʼ Xanruʼ Dios. Naguixjëʼ tsaz lataj ga röʼë rinná bëʼë en ruchiʼa rusörö́ëʼ quégaca bönachi.
14041	PSA 9:10	Gun chiʼë Xanruʼ Dios nupa nácagaca yechiʼ. Gácalenëʼ léguequi cateʼ nu gun léguequi ziʼ.
14048	PSA 9:17	Chinunëʼ Xanruʼ Dios ga núnbëʼgaca bönachi Lëʼ tuʼ buchiʼa busörö́ëʼ quéguequi. Lu lë naʼ nun nu ruáʼ döʼ zön laʼ cuinsi.
14049	PSA 9:18	Ilaʼyaza lataj chul-la nupa tuáʼ döʼ, yúguʼtë nupa naʼ nal-la ládxiʼgaca Dios.
14055	PSA 10:3	Run ba zxön cuinëʼ bönniʼ ruʼë döʼ ca naca le xihuiʼ rizë́ ládxëʼë. Bönniʼ ruhuídiʼnëʼ rulidza ditjëʼ luzë́ʼë, en ruzóëʼ Dios tsöláʼalö.
14056	PSA 10:4	Lu yöl-laʼ run ba zxön cuinëʼ bönniʼ huíaʼ döʼ bitiʼ ruíʼi ládxëʼë Dios. Rizáʼasö ládxëʼë, rnnëʼ: Bitiʼ caʼ zoa Dios.
14057	PSA 10:5	Ruziʼë xibé yúguʼtë le runëʼ. Bitiʼ caʼ réquibeʼenëʼ zoëʼ Dios Nu ruchiʼa rusörö́ quégaca bönachi. Ruzóëʼ tsöláʼalö nupa bitiʼ taʼléʼe lëʼ dxiʼa.
14059	PSA 10:7	Didzaʼ ruʼë nácagaca le rudxía döʼ, encaʼ le rizíʼ yëʼ, en le rudidzaʼ yudxi yuguʼ luzë́ʼë. Ruíʼiticaʼsëʼ didzaʼ le cabí nácatë, en le naca xihuiʼ.
14063	PSA 10:11	Rëʼ laʼ cuinsëʼ: “Nal-la ládxëʼë Dios. Nucachiʼ lahuëʼ, en bitiʼ caʼ riléʼenëʼ le runaʼ.”
14064	PSA 10:12	¡Guyasa, Xan! ¡Gulís noʼo, Dios! ¡Bitiʼ gal-la ládxuʼu nupa taʼguíʼi taʼzacaʼ!
14065	PSA 10:13	¿Bizx que bönniʼ naʼ ruʼë döʼ nuzóëʼ Dios tsöláʼalö? Gudxëʼ laʼ cuinsëʼ: Bitiʼ uzíʼ lëʼ Dios nedaʼ.
14068	PSA 10:16	Inná bë́ʼticaʼsëʼ Xanruʼ Dios. Nupa tuʼbéaj ícjaguequi Xanruʼ uluʼniti tsaz lu xiyú cazëʼ.
14074	PSA 11:4	¡Zoa cazëʼ Xanruʼ yudoʼ láʼayi queëʼ! Yehuaʼ yubá zoa ga röʼë rinná bëʼë Xanruʼ Dios. Riléʼe guiö́j lahuëʼ para uyúëʼ le tun bönachi.
14093	PSA 14:1	Lu icja ládxiʼdaʼahuëʼ rnnëʼ bönniʼ tuʼ canö́z, rnnëʼ: Bitiʼ zoa caz Dios. Nachixi nanítigaquiëʼ bönniʼ caní, en tunëʼ le cabí riléʼenëʼ dxiʼa Dios. Cuntu nu zoa nu run le naca dxiʼa.
14094	PSA 14:2	Ga zoëʼ Dios yehuaʼ yubá buyúëʼ luyú ni ga nacuáʼ bönachi para iléʼenëʼ channö zoa nu réajniʼi, nu naʼ riguilaj Dios.
14097	PSA 14:5	Lu yöl-laʼ radxi ridzöbi quéguequi taʼzxizi tuʼ taʼléʼe Xanruʼ Dios, en zóalenëʼ bönachi tsahuiʼ.
14099	PSA 14:7	Raca ládxaʼa irúaj Sión Nu usölá bönachi Israel. Cateʼ gunëʼ Xanruʼ ga uluʼdxín bönachi queëʼ nadzúngaca xilátjaguequi, uluʼdzeja zxíʼini xiʼsóëʼ Jacob, bönachi Israel, en uluʼzíʼ xibë́ʼ Dios.
14103	PSA 15:4	Nu naʼ bitiʼ run bal nu ruáʼ döʼ, pero run bal nupa tun zxön Dios, en sal-laʼ bi uniti cateʼ chinún xtidzaʼ, bitiʼ caʼ rutsáʼ didzaʼ naʼ.
14105	PSA 16:1	Ben chiʼi nedaʼ, Dios, tuʼ ruzxöni ládxaʼa Liʼ.
14107	PSA 16:3	Riyaza ládxiʼlenaʼ nupa nácagaca queëʼ Dios luyú ni, en nupa nácagaca idú ladxiʼ.
14109	PSA 16:5	Náquiëʼ Xanruʼ Dios Nu nabánidaʼ, en Nu ruziʼa xibé.
14121	PSA 17:6	Rulidzaʼ Liʼ, Dios, tuʼ rubiʼu didzaʼ. Ruzë́ naguʼ yuguʼ didzaʼ ruáʼa.
14133	PSA 18:3	Ruzóëʼ Xanruʼ nedaʼ tsutsu, en rapa chiʼë nedaʼ, en rusölë́ʼ nedaʼ. Náquiëʼ Dios quiaʼ, en Nu rutipa ládxaʼa, ateʼ ruzxöni ládxaʼa Lëʼ. Rácalenëʼ nedaʼ lu gudil-la: Rusölë́ʼ nedaʼ, en rizönëʼ nedaʼ.
14137	PSA 18:7	Lu le guca quiaʼ bulidzaʼ-nëʼ Xanruʼ. Bulidzaʼ-nëʼ Dios quiaʼ para gácalenëʼ nedaʼ. Ga naʼ zoëʼ lataj láʼayi queëʼ biyönnëʼ chiʼa. Buzë́ naguëʼ le gunabi yúdxidaʼ Lëʼ.
14144	PSA 18:14	Gunnë́ guziúʼ que chiʼë Xanruʼ lúzxiba xitsáʼ. Biyö́n chiʼë Dios nayë́pisëtërëʼ, lu dzön, en yuguʼ lu boʼ yalaj, en lu guiö́j böguiʼ yöla sunna.
14159	PSA 18:29	Ruquélaʼ cazuʼ guíʼ quiaʼ, Xanaʼ Dios, en rigúʼu quiaʼ beníʼ cateʼ ridáʼ ga chul-la.
14160	PSA 18:30	Lu yöl-laʼ huáca queëʼ Dios rucul-laʼ bönniʼ guizxi yu röjáquiëʼ gudil-la. Tuʼ zóalenëʼ Dios quiaʼ nedaʼ, rixítiʼa ribixaʼ lu zöʼö run chiʼi léguequi.
14161	PSA 18:31	Idú dxiʼa nácagaca le runëʼ Dios. Nurúaj tsahuiʼ xtídzëʼë. Rapa chiʼë yúguʼtë nupa taʼnábini Lëʼ gácalenëʼ léguequi.
14162	PSA 18:32	¡Tuzëʼ Xanruʼ náquiëʼ Dios! ¡Tuzëʼ Dios rapa chiʼë rëʼu!
14163	PSA 18:33	Dios ni ruzalëʼ nedaʼ, en runëʼ ga nacaʼ idú ládxaʼa.
14177	PSA 18:47	¡Zoëʼ nabanëʼ Xanruʼ! ¡Yöl-laʼ ba Nu naʼ run chiʼi nedaʼ! ¡Guliʼgún zxön Dios Nu rusölá nedaʼ!
14178	PSA 18:48	Náquiëʼ Dios Nu rizíʼ la nupa tuʼdíʼi nedaʼ, en runëʼ ga tadxi bönachi guizxi yu nedaʼ.
14181	PSA 18:51	Rusölá cazëʼ Xanruʼ bönniʼ rinná bëʼë uláz queëʼ, en nadxíʼiticaʼsëʼ nu naʼ nabö́ cazëʼ, nu naʼ naca David, en yuguʼ zxíʼini xiʼsóëʼ ga idxinrö dza udxi.
14183	PSA 19:2	Yuguʼ le nacuáʼ lúzxiba tuʼluíʼi lo yöl-laʼ zxön queëʼ Dios, ateʼ yuguʼ le raca lu böʼös nácagaca bëʼ le nunëʼ.
14186	PSA 19:5	Le tuʼzéajniʼi ridxín ga naguélaʼtë luyú, en le tuʼsedi ridxín idútë yödzölió. Ga naʼ nacuáʼ nuzóëʼ Dios xilataj gubidza,
14191	PSA 19:10	Dxíʼadoʼ naca gádxiruʼ-nëʼ Xanruʼ, para sóaticaʼsiruʼ. Idú li naca ca ruchiʼa rusörö́ëʼ Xanruʼ bönachi, en idú tsahuiʼ.
14193	PSA 19:12	Didzaʼ naʼ tuʼzéajniʼi nedaʼ, huen dxin queëʼ. Uzíʼtërö xibé nu run ca rnna xtídzëʼë naʼ.
14198	PSA 20:2	Rinábidaʼ-nëʼ Xanruʼ uzë́ naguëʼ liʼ cateʼ idxín dza quiʼi sacuʼu. Dios queëʼ Jacob gácalenëʼ liʼ.
14202	PSA 20:6	Udzéjatuʼ cateʼ usölë́ʼ liʼ, en uchísatuʼ le gaca bëʼ rulidztuʼ-nëʼ Dios queë́ruʼ. Rinábidaʼ-nëʼ Xanruʼ gunnëʼ quiuʼ yúguʼtë le rinábinuʼ Lëʼ.
14204	PSA 20:8	Nacuáʼ nupa tuʼzxöni ladxiʼ yuguʼ carreta que gudil-la, ateʼ nacuáʼ bönachi yúbölö tuʼzxöni ladxiʼ yuguʼ böaʼ, pero rëʼu ruzxöni ládxiʼruʼ Lëʼ Xanruʼ Dios.
14214	PSA 21:8	Caní raca queëʼ bönniʼ naʼ rinná bëʼë tuʼ ruzxöni ládxëʼë Xanruʼ. Bitiʼ bi utsáʼ lëʼ tuʼ ruhuéchiʼ ládxëʼë Dios nayë́pisëtërëʼ lëʼ.
14222	PSA 22:2	Dios quiaʼ, Dios quiaʼ, ¿bizx que nusán noʼo nedaʼ? ¿Bizx que bitiʼ riyönnuʼ le rinnëdaʼ ládxaʼa, en bitiʼ rácalenuʼ nedaʼ?
14223	PSA 22:3	Dios quiaʼ, idú dza rulidzaʼ Liʼ, pero bitiʼ bi didzaʼ rubiʼu. Idú yëla rulidzaʼ, en bitiʼ caʼ rasiaʼ.
14231	PSA 22:11	Nagáʼanaʼ lu noʼo Liʼ ga gudélaʼtë guljaʼ. Ga gudélaʼtë buzóanu xináʼa nedaʼ nacuʼ Dios quiaʼ.
14253	PSA 23:1	Ruyú cazëʼ Xanruʼ Dios nedaʼ ca tu nu ruyú böʼcuʼ zxilaʼ. Bitiʼ bi riyádzjadaʼ.
14256	PSA 23:4	Sal-laʼ ridáʼ ga zoa bönadxi gátiaʼ, bitiʼ bi gádxidaʼ tuʼ zóalen cazuʼ nedaʼ, Dios. Len xiyaga quiuʼ, en noʼo rutipuʼ ládxaʼa.
14259	PSA 24:1	Nequi queëʼ Xanruʼ Dios luyú ni, en yúguʼtë le dë lahui. Nequi queëʼ yödzölió, en yúguʼtë nupa nacuáʼ niʼ.
14263	PSA 24:5	Gunëʼ Xanruʼ ga gaca dxiʼa queëʼ bönniʼ naʼ. Caní gunnë́ʼ Dios, Nu rusölá lëʼ, en náquiëʼ tsahuiʼ.
14264	PSA 24:6	Caní nácagaca nupa taʼdxín lahuëʼ Dios, nupa naʼ taʼbigaʼ lahuëʼ Dios quégaca zxíʼini xiʼsóëʼ Jacob.
14265	PSA 24:7	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14267	PSA 24:9	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14268	PSA 24:10	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ Dios quéguequi niʼa nëʼë guizxi yu. Lëʼ náquiëʼ Bönniʼ unná bëʼ nayë́pisëtërëʼ naʼ.
14270	PSA 25:2	Ruzxöni ládxaʼa Liʼ, Dios quiaʼ. Ben ga cabí utuíʼidaʼ, en cabí uluʼdzeja nupa bitiʼ taʼléʼe nedaʼ dxiʼa.
14273	PSA 25:5	Busedi nedaʼ para gunaʼ ca naca le naca idútë li quiuʼ. Tuʼ nacuʼ Dios, Nu rusölá nedaʼ gúnticaʼsaʼ löza Liʼ.
14277	PSA 25:9	Ca naca le naca tsahuiʼ richë́ʼë Dios nupa nácagaca nöxaj ladxiʼ, en ruluíʼinëʼ nupa nácagaca doʼ ladxiʼ le rë́ʼënëʼ ilún.
14290	PSA 25:22	Buáʼauʼ bönachi Israel, Dios lu yuguʼ le raca quéguequi.
14296	PSA 26:6	Richisa naʼa loʼ Liʼ, Dios, cabí dxía döʼ naʼa, en idú ládxaʼa ribígaʼa lo bucugu quiuʼ, Xan,
14302	PSA 26:12	Nuzóëʼ Dios nedaʼ ga zoaʼ tsutsu ladja bönachi guizxi yu nudúbigaca queëʼ para cuʼa-nëʼ yöl-laʼ ba Xanruʼ.
14303	PSA 27:1	Náquiëʼ Xanruʼ Dios beníʼ quiaʼ, en Nu rusölá nedaʼ. ¿Nuzxi caz ral-laʼ gádxidaʼ? Rapa chiʼë Xanruʼ Dios caz yöl-laʼ naʼbán quiaʼ. ¿Nuzxi caz gaca gun ga gadxi idzö́bidaʼ?
14306	PSA 27:4	Tu le rinabaʼ lahuëʼ Xanruʼ Dios, lë naʼ güíʼi ládxiʼsaʼ, le naca para sóaticaʼsaʼ lidxëʼ Xanruʼ yúguʼtë dza soaʼ ibanaʼ, para gaca uyúaʼ yöl-laʼ lachi queëʼ Xanruʼ Dios, en para saʼ ládxaʼa ca naca queëʼ lu yuʼu láʼayi queëʼ.
14311	PSA 27:9	Bitiʼ ucachiʼ loʼ lahuaʼ nedaʼ. Bitiʼ taʼbaguʼu nedaʼ lu yöl-laʼ rilé quiuʼ. Liʼ nacuʼ Nu rácalen nedaʼ. Bitiʼ ucáʼanuʼ nedaʼ, en bitiʼ usán noʼo nedaʼ. Nacuʼ Dios, Nu rusölá nedaʼ.
14312	PSA 27:10	Huáca uluʼsán ládxëʼë xuz xináʼa nedaʼ, pero uzíʼ cazëʼ Xanruʼ Dios nedaʼ.
14315	PSA 27:13	Guzxíʼ lu nëʼë Xanruʼ Dios gunëʼ ga iléʼedaʼ le naca dxiʼa, en le naca tsahuiʼ queëʼ ga nacuáʼ nupa nabángaca. Laʼtuʼ cabí réajlëʼa lë ni, chibö́aj ládxaʼa.
14325	PSA 28:9	Busölá bönachi quiuʼ, Dios, en ben ga gaca dxiʼa quéguequi nupa néquiguequi quiuʼ. Ben chiʼi léguequi ca run tu nu ruyú böʼcuʼ zxilaʼ, en guchë́ʼticaʼsö léguequi.
14339	PSA 30:3	Riguʼa Liʼ yöl-laʼ ba, Xanaʼ Dios, tuʼ bulidzaʼ Liʼ gácalenuʼ nedaʼ, ateʼ bunuʼ nedaʼ.
14349	PSA 30:13	Bil-la böʼ naca cazaʼ yöl-laʼ ba quiuʼ, en bitiʼ soa dxisö. Guíëticaʼsaʼ Liʼ: “Xclenuʼ”, Xanaʼ Dios.
14355	PSA 31:6	Riguʼa lu noʼo böʼ naca cazaʼ. Böáʼauʼ nedaʼ, Xan, Dios idú.
14364	PSA 31:15	pero nedaʼ ruzxöni ládxaʼa Liʼ, Xan. Rnníaʼ nacuʼ Dios quiaʼ.
14371	PSA 31:22	¡Yöl-laʼ ba Xanruʼ Dios, tuʼ buluíʼinëʼ nedaʼ ca nadxíʼinëʼ nedaʼ cateʼ niʼ zoaʼ tu yödzö ga nagúʼugaquiëʼ lë́ʼajlö bönniʼ tuʼtíl-lalenëʼ nedaʼ!
14374	PSA 31:25	¡Guliʼgaca tsutsu, en buliʼtipa ládxiʼliʼ, yúguʼtëliʼ naʼ runliʼ löza Xanruʼ Dios!
14375	PSA 32:1	¡Bicaʼ ba bönniʼ naʼ Dios buniti lahuëʼ lëʼ ca naca döʼ biʼë, en bugǘëʼ dul-laʼ queëʼ!
14376	PSA 32:2	¡Bicaʼ ba bönniʼ naʼ Dios rnnëʼ bitiʼ nabáguëʼë xiguiaʼ, en bitiʼ zóalen lëʼ yöl-laʼ rizíʼ yëʼ!
14378	PSA 32:4	Rëla, en te dza buquíʼi busácuʼu nedaʼ, Dios. Budú ládxaʼa ca raca cateʼ röʼ bö́chila.
14380	PSA 32:6	Que lë ni naʼ, nútiʼtës nu nunbëʼ Liʼ, Dios, ral-laʼ ulidza Liʼ cateʼ dë lataj güíʼilen Liʼ didzaʼ. Cateʼ röʼ nisa bach luyú ni, bitiʼ caʼ ideliʼ idxín ga zoa nu naʼ.
14382	PSA 32:8	Liʼ gunuʼ ga gúl-laticaʼsaʼ quiuʼ Liʼ tuʼ rusölóʼ nedaʼ. Rnnëʼ Dios: “Nedaʼ uzéajniʼidaʼ liʼ, en uluíʼidaʼ liʼ le ral-laʼ gunuʼ. Usédidaʼ liʼ, en uyúticaʼsaʼ liʼ.
14397	PSA 33:12	Bicaʼ bágaca bönachi yödzö naʼ náquiëʼ Xanruʼ cazëʼ Dios quéguequi, bönachi naʼ nabö́ cazëʼ Dios para ilaca quez queëʼ.
14431	PSA 35:1	Xanaʼ Dios, gudáʼbagaʼ nupa bitiʼ taʼléʼe nedaʼ dxiʼa. Butíl-lalen nupa taʼdíl-lalen nedaʼ.
14443	PSA 35:13	Pero nedaʼ gúcuaʼ lariʼ cáʼasö cateʼ guláquiëʼ huëʼ. Benaʼ gubasa, en busacaʼ ziʼ böʼ naca cazaʼ, en uláz quéguequi bulidzaʼ-nëʼ Dios zián luzuí.