13955	PSA 2:6	Innë́ʼ: “Nuzóa cazaʼ bönniʼ nabö́ cazaʼ xilatjëʼ ga inná bëʼë. Inná bëʼë lu Guíʼa Sión, le naca guíʼa láʼayi quiaʼ.”
13957	PSA 2:8	Gunábini nedaʼ, ateʼ gunaʼ ga ilequi quiuʼ yuguʼ yödzö. Guequi caʼ quiuʼ idútë yödzölió.
13959	PSA 2:10	Que lë ni naʼ, libíʼiliʼ naʼ rinná bë́ʼëliʼ, guliʼtséajniʼi. Guliʼsedi cuinliʼ, núlöliʼ ruchiʼa rusöröliʼ le raca luyú.
13961	PSA 2:12	Guliʼgún bal Zxíʼinëʼ Dios para cabí ilétenëʼ, en para cabí udxi queë́liʼ laʼ nöza. Laʼ ilentë yöl-laʼ rilé queëʼ. ¡Bicaʼ ba yúguʼtë nupa tuʼzxöni ladxiʼ Lëʼ!
13969	PSA 3:8	¡Guyasa, Xan! ¡Busölá nedaʼ, Dios quiaʼ! Budxía huëʼ xágaʼgaca nupa tuʼdíʼi nedaʼ, en buquínnajdaʼ nupa nácagaca xihuiʼ.
13973	PSA 4:3	Rnnëʼ Dios: “Libíʼiliʼ, bönachi, ¿gácaʼxte ulidza dítajliʼ nedaʼ? ¿Gácaʼxte caz idxíʼiliʼ le cabí nazacaʼ, en güíʼi ládxiʼliʼ le cabí naca?”
13974	PSA 4:4	Guliʼtsöjné nabö́ cazëʼ Xanruʼ nu radxi Lëʼ, ateʼ riyönnëʼ nedaʼ cateʼ rulidzaʼ-nëʼ.
13975	PSA 4:5	Guliʼgadxi Lëʼ, en bítiʼrö gunliʼ dul-laʼ. Guliʼsáʼ ladxiʼ ca naca lë ni cateʼ dëliʼ ga rátaʼliʼ, en guliʼsóa dxisö.
13976	PSA 4:6	Guliʼcúʼu lahuëʼ Xanruʼ le naca dxiʼa, en buliʼzxöni ladxiʼ Lëʼ.
13987	PSA 5:8	Gaca tsuʼa nedaʼ lu yuʼu lidxuʼ, tuʼ nadxíʼideʼenuʼ nedaʼ. Lu yöl-laʼ baʼa ladxiʼ quiaʼ tsuʼa ga naca yudoʼ láʼayi quiuʼ, en tseaj ládxaʼa Liʼ.
13990	PSA 5:11	Ben léguequi xiguiaʼ, Dios. Ben ga bitiʼ udxín xtídzaʼguequi. Gurúʼuna léguequi tuʼ túnticaʼsö dul-laʼ, en tuʼ taʼdáʼbagaʼ xtídzuʼu.
13996	PSA 6:4	Röʼö böniga idútë le nacaʼ. ¿Gácaʼxte caz gaca caní, Xan?
13997	PSA 6:5	Gudá dusölóʼ nedaʼ, Xan. Tuʼ nadxíʼinuʼ nedaʼ, busölá nedaʼ lu yöl-laʼ guti.
14001	PSA 6:9	Guliʼcuíta ga zoaʼ, libíʼiliʼ, ruáʼaliʼ döʼ, tuʼ riyönnëʼ Xanruʼ ribödxaʼ nedaʼ.
14010	PSA 7:7	Lu yöl-laʼ rilé quiuʼ guyasa, Xan. Gudáʼbagaʼ nupa naʼ lu yöl-laʼ ridzáʼa quéguequi táʼbagaʼ nedaʼ. Guyasa, gúcalen nedaʼ tuʼ nacuʼ Nu ruchiʼa rusörö́ le raca quiaʼ.
14021	PSA 7:18	Guíaʼ-nëʼ Xanruʼ: “Xclenuʼ” tuʼ náquiëʼ tsahuiʼ, en gul-laʼ yöl-laʼ ba que Lëʼ Xanruʼ, Nu nayë́pisëtërö.
14034	PSA 9:3	¡Udzéjadaʼ, en uziʼa xibóʼ! ¡Gul-laʼ yöl-laʼ ba que Loʼ, tuʼ nayë́pisëtëruʼ!
14041	PSA 9:10	Gun chiʼë Xanruʼ Dios nupa nácagaca yechiʼ. Gácalenëʼ léguequi cateʼ nu gun léguequi ziʼ.
14043	PSA 9:12	Guliʼgul-la yöl-laʼ ba queëʼ Xanruʼ, zoëʼ ga naʼ nazíʼi le Sión. Buliʼsiyö́n bönachi yuguʼ yödzö ca naca yuguʼ le nunëʼ.
14046	PSA 9:15	para gaca usiyöndaʼ bönachi yöl-laʼ ba quiuʼ Liʼ. Ga naca ga nu tsaza yödzö quiuʼ nazíʼi le Sión, udzéjadaʼ tuʼ nusölóʼ nedaʼ.
14051	PSA 9:20	Guyasa, Xan. Bitiʼ guʼu lataj tsë́pisë nu naca bönáchisö. Buchiʼa busörö́ quégaca bönachi yuguʼ yödzö.
14058	PSA 10:6	Rëʼ laʼ cuinsëʼ: “Gatga ichíxidaʼ. Catu caz bi gaca quiaʼ.”
14064	PSA 10:12	¡Guyasa, Xan! ¡Gulís noʼo, Dios! ¡Bitiʼ gal-la ládxuʼu nupa taʼguíʼi taʼzacaʼ!
14065	PSA 10:13	¿Bizx que bönniʼ naʼ ruʼë döʼ nuzóëʼ Dios tsöláʼalö? Gudxëʼ laʼ cuinsëʼ: Bitiʼ uzíʼ lëʼ Dios nedaʼ.
14076	PSA 11:6	Gunëʼ ga sácaʼgaca nupa tuáʼ döʼ le usuniti léguequi. Ubiʼë quéguequi guíʼ, en le ruquélaʼ guíʼ, en tu böʼ régui.
14082	PSA 12:5	Taʼnná: “Güíʼiruʼ didzaʼ ca rizësö ládxiʼruʼ, ateʼ cuntu nu táʼbagaʼ rëʼu. ¿Nuzxi caz inná beʼe rëʼu ca naca didzaʼ ruíʼiruʼ?”
14086	PSA 12:9	Gátiʼtës nacuáʼ nupa tuáʼ döʼ, cateʼ tun zxön bönachi le ruáʼ döʼ.
14088	PSA 13:2	¿Gácaʼxte caz gal-la ládxuʼu nedaʼ, Xan? ¿Naruʼ tsaz gal-la ládxuʼu nedaʼ? ¿Gácaʼxte caz ucacheʼ cuinuʼ lahuaʼ?
14089	PSA 13:3	¿Gácaʼxte caz gun bayudxi guáʼ ilenaʼ le réquidaʼ ziʼ? ¿Gácaʼxte caz huíʼinidaʼ rëla, en te dza? ¿Gácaʼxte caz ucúl-lágaca nedaʼ nupa taʼdáʼbagaʼ nedaʼ?
14092	PSA 13:6	Nedaʼ ruzxöni ládxaʼa yöl-laʼ dxiʼi ladxiʼ quiuʼ. Rudzéjadaʼ tuʼ rusölóʼ nedaʼ. Gul-laʼ queëʼ Xanruʼ, tuʼ benëʼ quiaʼ le naca dxiʼa.
14094	PSA 14:2	Ga zoëʼ Dios yehuaʼ yubá buyúëʼ luyú ni ga nacuáʼ bönachi para iléʼenëʼ channö zoa nu réajniʼi, nu naʼ riguilaj Dios.
14111	PSA 16:7	Gul-laʼ yöl-laʼ ba queëʼ Xanruʼ, Nu rigúʼu yöl-laʼ nedaʼ le naca tsahuiʼ, ga ridxintë ruzéajniʼinëʼ nedaʼ cateʼ niʼ rasiaʼ.
14115	PSA 16:11	Nunuʼ ga núnbëʼa nöza ichë́ʼ nedaʼ ga soaʼ ibanaʼ. Ga zuʼ Liʼ gataʼ quiaʼ yöl-laʼ rudzeja idú, ateʼ cuituʼ Liʼ uzíʼticaʼsaʼ xibóʼ.
14118	PSA 17:3	Núnbëʼu Liʼ le yuʼu ládxiʼdaʼahuaʼ. Ruyúʼ nedaʼ chiʼi dzö́ʼölö. Guzxíʼ bëʼu nedaʼ, ateʼ burúajaʼ tsahuiʼ. Bitiʼ caʼ ruáʼa didzaʼ le cabí naca idú dxiʼa.
14126	PSA 17:11	Gátiʼtës ga ridödaʼ taʼgúʼu nedaʼ lë́ʼajlö, en të́ʼëni ilaʼguín nedaʼ luyú.
14128	PSA 17:13	Gudá, Xan, gudáʼbagaʼ nupa taʼlé nedaʼ, en bucul-la léguequi. Busölá nedaʼ lu náʼagaca nupa tuáʼ döʼ, ugunuʼ dxin guíë tuchiʼ quiuʼ.
14137	PSA 18:7	Lu le guca quiaʼ bulidzaʼ-nëʼ Xanruʼ. Bulidzaʼ-nëʼ Dios quiaʼ para gácalenëʼ nedaʼ. Ga naʼ zoëʼ lataj láʼayi queëʼ biyönnëʼ chiʼa. Buzë́ naguëʼ le gunabi yúdxidaʼ Lëʼ.
14138	PSA 18:8	Níʼirö gudödi budóʼ zxuʼ, en guzxizi luyú. Guzxízidaʼ xilíbigaca yuguʼ guíʼa sibi. Guzxízigaca tuʼ gulénëʼ Lëʼ.
14141	PSA 18:11	Gudödëʼ lu böʼös dxíëʼ tu le nayë́pisë nazíʼi le querubín. Carelö gudödëʼ tu lu böʼ budunuʼ.
14144	PSA 18:14	Gunnë́ guziúʼ que chiʼë Xanruʼ lúzxiba xitsáʼ. Biyö́n chiʼë Dios nayë́pisëtërëʼ, lu dzön, en yuguʼ lu boʼ yalaj, en lu guiö́j böguiʼ yöla sunna.
14145	PSA 18:15	Gusö́l-lëʼë yuguʼ yaga lahui tuchiʼ queëʼ, en bësilásiëʼ nupa naʼ tuʼdíʼi nedaʼ. Gusö́l-lëʼë yuguʼ yösa queëʼ yuguʼ le buluʼcul-la léguequi.
14168	PSA 18:38	Guzóa réguʼa nupa tuʼdíʼi nedaʼ, en bucul-laʼ léguequi. Bitiʼ buécjaʼ ga bidxintë busunítiaʼ léguequi.
14169	PSA 18:39	Gudinaʼ léguequi luyú, ateʼ bitiʼ guca uluʼhuöása. Gulaʼdzö́ʼö zxan niʼa.
14177	PSA 18:47	¡Zoëʼ nabanëʼ Xanruʼ! ¡Yöl-laʼ ba Nu naʼ run chiʼi nedaʼ! ¡Guliʼgún zxön Dios Nu rusölá nedaʼ!
14186	PSA 19:5	Le tuʼzéajniʼi ridxín ga naguélaʼtë luyú, en le tuʼsedi ridxín idútë yödzölió. Ga naʼ nacuáʼ nuzóëʼ Dios xilataj gubidza,
14188	PSA 19:7	Ga naguelaʼ lúzxiba rilén gubidza, en ridödi ga ridxintë ga ribía. Bitiʼ bi zoa le cabí rutsëʼe gubidza naʼ.
14211	PSA 21:5	Gunábinëʼ Liʼ guʼu queëʼ yöl-laʼ naʼbán, ateʼ bëʼu le queëʼ. Nunuʼ ga sóaticaʼsëʼ ibanëʼ yuguʼ dza siʼ zaca.
14218	PSA 21:12	Caní gunuʼ tuʼ gulë́ʼëniguequinëʼ iluʼë döʼ quiuʼ. Gulún xtídzaʼgaquiëʼ bi ilunëʼ, pero bitiʼ gaca ilunëʼ ca rnna xtídzaʼgaquiëʼ,
14220	PSA 21:14	Len yöl-laʼ huáca quiuʼ, Xan, uxicjuʼ lu gudil-la. Gúl-latuʼ, en cúʼutuʼ yöl-laʼ ba que yöl-laʼ huáca quiuʼ.
14231	PSA 22:11	Nagáʼanaʼ lu noʼo Liʼ ga gudélaʼtë guljaʼ. Ga gudélaʼtë buzóanu xináʼa nedaʼ nacuʼ Dios quiaʼ.
14233	PSA 22:13	Gulaʼguʼë nedaʼ lë́ʼajlö ca tunbaʼ yuguʼ bëdxi. Ca yuguʼ bëdxi que yödzö Basán gulaʼbía diʼë nedaʼ.
14240	PSA 22:20	Bitiʼ gáʼanuʼ ziʼtuʼ, Xan. Gúcalentë nedaʼ, Liʼ, Nu naca yöl-laʼ huáca quiaʼ.
14243	PSA 22:23	Usiyöndaʼ yuguʼ böchiʼ luzáʼa ca naca Loʼ. Gatsaj láhuiʼlö ga naʼ tuʼdubi bönachi loʼ cuʼa Liʼ yöl-laʼ ba.
14244	PSA 22:24	¡Guliʼcuʼë Xanruʼ yöl-laʼ ba, libíʼiliʼ naʼ rádxiliʼ-nëʼ! ¡Guliʼgun zxön Lëʼ, yúguʼtëliʼ zxíʼini xiʼsóëʼ Jacob! ¡Guliʼgadxi Lëʼ, yúguʼtëliʼ zxíʼini xiʼsóëʼ Israel!
14254	PSA 23:2	Runëʼ ga ruzíʼ ládxaʼa ca túngacabaʼ böʼcuʼ zxilaʼ tuʼzíʼ ládxiʼbaʼ gapa dëdaʼ le ilágubaʼ. Ga naca raʼ nisa rizáʼ tsahuiʼ ládxiʼdoʼ richë́ʼë nedaʼ.
14257	PSA 23:5	Ga nacuáʼ nupa taʼzóa reguʼ nedaʼ, niʼ rucúʼu quiaʼ le gahuaʼ. Rigúʼu icjaʼ le za riláʼ zxixi, en ruliruʼ le guíʼjadaʼ.
14263	PSA 24:5	Gunëʼ Xanruʼ ga gaca dxiʼa queëʼ bönniʼ naʼ. Caní gunnë́ʼ Dios, Nu rusölá lëʼ, en náquiëʼ tsahuiʼ.
14265	PSA 24:7	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14267	PSA 24:9	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14291	PSA 26:1	Guléaj nedaʼ tsahuiʼ, Xan, tuʼ runaʼ le naca dxiʼa, en idú ládxaʼa ruzxöni ládxaʼa Liʼ.
14301	PSA 26:11	Gúnticaʼsaʼ nedaʼ le naca dxiʼa. Buzáʼ ladxiʼ quiaʼ, en buáʼuö nedaʼ.
14307	PSA 27:5	Cateʼ idxín dza soa bönadxi quiaʼ, ucáchëʼë Lëʼ nedaʼ lu yuʼu lidxëʼ. Ga nagachiʼ lu yuʼu lidxëʼ ucáchëʼë nedaʼ. Uzóëʼ nedaʼ tsutsu ca tu lu guiö́jtoʼo.
14308	PSA 27:6	Gunëʼ ga ucul-laʼ nupa tuʼdíʼi nedaʼ, ateʼ lu yöl-laʼ rudzeja quiaʼ cö́dxiʼaticaʼsaʼ cateʼ bi unödzjaʼ queëʼ lu yuʼu lidxëʼ. ¡Gul-laʼ queëʼ! ¡Ön, gul-laʼ queëʼ Xanruʼ yöl-laʼ ba!
14315	PSA 27:13	Guzxíʼ lu nëʼë Xanruʼ Dios gunëʼ ga iléʼedaʼ le naca dxiʼa, en le naca tsahuiʼ queëʼ ga nacuáʼ nupa nabángaca. Laʼtuʼ cabí réajlëʼa lë ni, chibö́aj ládxaʼa.
14316	PSA 27:14	¡Guliʼgún lözëʼ Xanruʼ! ¡Guliʼgaca tsutsu, en buliʼtipa ládxiʼliʼ! ¡Ön, guliʼgún lözëʼ Xanruʼ!
14317	PSA 28:1	Rulidzaʼ Liʼ, Xan. Nacuʼ Guiö́j le ruzóa nedaʼ tsutsu. Ruzë́ naguʼ chiʼa, tuʼ channö usayjuʼ ruʼu, gacaʼ ca tu bönniʼ raziëʼ lataj chul-la.
14326	PSA 29:1	¡Guliʼcuʼë yöl-laʼ ba Xanruʼ, libíʼiliʼ, nácaliʼ zxíʼinigaquiëʼ bönniʼ nayë́pisëgaquiëʼ! ¡Guliʼcuʼë yöl-laʼ ba Xanruʼ, en guliʼguíëʼ: “Napuʼ yöl-laʼ huáca idú”!
14327	PSA 29:2	¡Guliʼcuʼë yöl-laʼ ba Xanruʼ le ral-laʼ gataʼ que Lëʼ tuʼ náquiëʼ láʼayi! ¡Guliʼgún bal Xanruʼ, tuʼ naca lachi le naca láʼayi queëʼ!
14335	PSA 29:10	Guröʼë gunná bëʼë Xanruʼ cateʼ gurö́ʼö nisa lu idútë yödzölió. Ön, röʼë rinná bë́ʼticaʼsëʼ Xanruʼ.
14336	PSA 29:11	Rutipëʼ Xanruʼ ládxiʼdoʼgaca bönachi queëʼ. Gunëʼ Xanruʼ ga gaca dxiʼa quégaca bönachi queëʼ, en gunëʼ ga ilaʼböza dxiʼa tsáhuiʼdoʼ.
14338	PSA 30:2	Gunaʼ Liʼ zxön, Xan, tuʼ buchisuʼ Liʼ nedaʼ, en bitiʼ bëʼu lataj bi ilún quiaʼ nupa bitiʼ taʼléʼe nedaʼ dxiʼa.
14341	PSA 30:5	¡Guliʼgul-la yöl-laʼ ba queëʼ Xanruʼ, libíʼiliʼ néquiliʼ quez queëʼ! ¡Guliʼguíëʼ: “Xclenuʼ” ca naca Lëʼ le naca láʼayi!
14343	PSA 30:7	Cateʼ guca dxiʼa quiaʼ, níʼirö gunníaʼ: “Gatga bi utsáʼ nedaʼ.”
14347	PSA 30:11	Ruzë́ naguʼ, Xan, en ruzáʼ ládxuʼu quiaʼ. Gúcalen nedaʼ, Xan.
14349	PSA 30:13	Bil-la böʼ naca cazaʼ yöl-laʼ ba quiuʼ, en bitiʼ soa dxisö. Guíëticaʼsaʼ Liʼ: “Xclenuʼ”, Xanaʼ Dios.
14352	PSA 31:3	Ruzë́ naguʼ quiaʼ, en rusölóʼ nedaʼ. Gacuʼ ca tu guiö́jtoʼo ga soaʼ tsutsu, en ca tu ga soaʼ dxiʼa tsáhuiʼdoʼ lu gudil-la.
14363	PSA 31:14	Biyöndaʼ didzaʼ ziʼ taʼnnë́ bönachi zián quiaʼ bagáchiʼsö. Gátiʼtës zoa le run gadxi nedaʼ. Tun xtídzaʼgaca bi ilún quiaʼ. Taʼzáʼ ládxiʼgaca nacxi iluti nedaʼ,
14373	PSA 31:24	¡Guliʼdxíʼi-nëʼ Xanruʼ, libíʼiliʼ néquiliʼ queëʼ! Rapa chiʼë Xanruʼ nupa taʼyéajlëʼ Lëʼ, en rubiʼë ca saʼyéaj queëʼ bönniʼ run ba zxön cuinëʼ.
14374	PSA 31:25	¡Guliʼgaca tsutsu, en buliʼtipa ládxiʼliʼ, yúguʼtëliʼ naʼ runliʼ löza Xanruʼ Dios!
14379	PSA 32:5	Níʼirö guxóalëpaʼ dul-laʼ nabágaʼa loʼ Liʼ, en bitiʼ bucáchaʼa le xihuiʼ benaʼ. Gunníaʼ: “Ixóalëpaʼ döʼ biʼa lahuëʼ Xanaʼ”, ateʼ buniti loʼ nedaʼ ca naca xiguiaʼ gubágaʼa.
14387	PSA 33:2	Guliʼguíëʼ Lëʼ: “Xclenuʼ”, quínniliʼ lëʼe bihuél-la. Guliʼgul-la yöl-laʼ ba queëʼ, quínniliʼ le zë chi du que.
14388	PSA 33:3	Guliʼgul-la queëʼ tu le rul-la cubi. Guliʼquinnaj dxíʼadoʼ, en lu yöl-laʼ rudzeja queë́liʼ guliʼcö́dxiʼa.
14395	PSA 33:10	Gunná bëʼë, ateʼ guca tsutsu le nunëʼ. Runëʼ Xanruʼ ga tuʼhuöáca cáʼasö didzaʼ túngaca bönachi yuguʼ yödzö. Runëʼ ga bitiʼ ilaca le të́ʼëni ilúngaca bönachi.
14399	PSA 33:14	Ga naʼ zoa cazëʼ ruyúëʼ idú gásibiʼilö, en riléʼenëʼ yúguʼtë nupa nacuáʼ idútë yödzölió ni.
14411	PSA 34:4	Guliʼgüíʼ zxönëʼ Xanruʼ tsözxö́n len nedaʼ, en tsözxö́n usiyönruʼ bönachi ca naca Lëʼ Laʼayi.